SNELVUUR

DERDE TROP LEEUS VERGIFTIG IN SUID-AFRIKA

’n Derde trop leeus is in November in Suid-Afrika vergiftig en opgesny vir muti. Die voorval het plaasgevind by Menno Parsons se Sunward Ranch naby Brits in Noordwes. Die leeus, een mannetjie en vier wyfies, is eers vergiftig deur middel van vergiftigde hoenderkarkasse, en daarna is die leeus se kloue en kake verwyder.

Die voorval volg kort op die hakke van twee soortgelyke, onlangse insidente. Die eerste insident het op 25 Oktober 2019 plaasgevind by die bekende Rietvlei-natuurreservaat oos van Pretoria, waartydens vier leeus op soortgelyke wyse doodgemaak is. ’n Volgende insident het hierna by die Chameleon Village Leeupark in Hartbeespoort plaasgevind. Tydens hierdie voorval