DROOMJAG OP OTTERSKLOOF
Gedurende ’n toer vanaf Witbank oor Stutterheim na Sutherland oornag ons op die Otterskloof Privaat Natuurreservaat buite Philippolis. Ek was aangenaam verras (eintlik oorweldig) deur die pragtige geriewe en die goeie diens. Na aandete gesels ek met die bestuurder en hy bevestig toe dat Otterskloof wel enkeljagters akkommodeer. Net daar bespreek ek vir my ’n jagtog vir vroeg in Junie 2019.
Die tyd het behoorlik gevlieg en toe ek weer my oë uitvee was dit tyd om gewere in te skiet en te oefen – dit doen ek op ghongs met afstande wat wissel van 150m tot 350m. Daar word geoefen uit die lê- en sitposisies en ook uit die staanhouding oor skietstokke. Ek skiet my Tikka in op 200m met Hornady SST se 165gr-koeëls en my Howa op 300m met Federal Fusion se 180gr-patrone. Beide gewere is .308’s. Vir elke geweer word ook
