Kaar
5/5
()
About this ebook
Sowel die inhoud as die gebruik van taal getuig van ’n meesterlike skrywerskap. Ondersoekende denke, sensitiewe waarneming en uitsonderlike uitdrukkingsvermoë bied die leser van Kaar ’n avontuurlike ontdekkingreis deur die wêrelde van mense en diere.
Marlene van Niekerk
Marlene van Niekerk is an award-winning and internationally acclaimed poet and novelist. Her first novel,Triomf, was published in 1995, and Agaat followed ten years later. Her most recent publication is Kaar, for which she received the Hertzog Prize for Poetry. She is currently professor in creative writing at the University of Stellenbosch.
Related to Kaar
Related ebooks
Vyf-en-veertig skemeraandsange: uit die eenbeendanser se werkruimte Rating: 0 out of 5 stars0 ratingsHierdie mens Rating: 0 out of 5 stars0 ratingsKleur kom nooit alleen nie Rating: 0 out of 5 stars0 ratingsdie na-dood: die singende hand se oggendboek-hierinneringe Rating: 0 out of 5 stars0 ratingsVin Rating: 0 out of 5 stars0 ratingsEk stamel ek sterwe Rating: 0 out of 5 stars0 ratingsLot se vrou Rating: 0 out of 5 stars0 ratingsMede-wete Rating: 0 out of 5 stars0 ratingsTrekkerswee Met tekeninge van J.H. Pierneef Rating: 0 out of 5 stars0 ratingsIn stede van die liefde Rating: 4 out of 5 stars4/5Niggie Rating: 3 out of 5 stars3/5Die ontwaking: Oorspronklik uitgegee as Abel se ontwaking Rating: 4 out of 5 stars4/5Bitter heuning Rating: 0 out of 5 stars0 ratingsBientang Rating: 3 out of 5 stars3/5Dwaalstories Rating: 0 out of 5 stars0 ratingsPlunder Rating: 0 out of 5 stars0 ratingsVersamelde poësie Rating: 4 out of 5 stars4/5Bot Rating: 0 out of 5 stars0 ratingsDiepsee: 'n Keur uit die verhale van E. Kotze Rating: 0 out of 5 stars0 ratingsOorblyfsel / Voice Over: (op reis in gesprek met Magmoed Darwiesj) / (the nomadic conversation with Mahmoud Darwish) Rating: 0 out of 5 stars0 ratingsDie Profeet Rating: 0 out of 5 stars0 ratingsWoud van nege en negentig vlerke Rating: 2 out of 5 stars2/5Sondag op 'n voëlplaas Rating: 0 out of 5 stars0 ratingsOm die gedagte van geel Rating: 0 out of 5 stars0 ratingsTweegevreet Rating: 0 out of 5 stars0 ratingsMaar wie snoei die rose in die nag? Rating: 0 out of 5 stars0 ratingsVers & vrou: 258 gedigte Rating: 0 out of 5 stars0 ratingsKomas uit 'n bamboesstok Rating: 0 out of 5 stars0 ratingsEerste gedigte Rating: 4 out of 5 stars4/5Die heel mooiste Afrikaanse liefdesgedigte Rating: 0 out of 5 stars0 ratings
Related categories
Reviews for Kaar
1 rating0 reviews
Book preview
Kaar - Marlene van Niekerk
Kaar
Marlene van Niekerk
Human & Rousseau
Die uitleg van gedigte in hierdie digitale uitgawe van Kaar mag verskil van dié van die gedrukte uitgawe, afhangende van die instellings op u leestoestel. Die uitleg vertoon optimaal indien die standaardinstelling op u leestoestel gebruik word. Lesers kan egter eksperimenteer met die instellings vir verskillende perspektiewe op die gedigte.
Vir Henda
Morning without you is a dwindled dawn
– Emily Dickinson
I
Oggend van ’n waterfiskaal
(Uit die Cederbergsuite)
Allagot! geglip uit die knukkels
van hierdie kant se koskans- en hansmaker
wip die waterfiskaal die oggendkier in,
kaneeeeeel van verbasing op sy bors,
onder sy kruidnagelkloutjies die rinkink-rulle
spiksplinterspuwende Dwarsriviersand,
tinktuuuuur van manelkwik geveer op sy flanke,
strak in die frak, die keil platgekam,
akkelief hy oor die akkers tot die waterkant, kyk! –
triljarrrrrrrrrrde klein en groot fiskale innie spiekspiegel,
hokaai kohorte kansvatters
wat hy konter met pronkstand akimbo,
knipstert na die kindlig in die oewerkrui,
en wegstaan, kyk so, eeeeene Ollewagen-onderbaadjie,
hy is die een en innigste godontglipper
hier in die prilwilde hoogmakerson,
!tewiek in sy keel sit sy roepnaam !tewiek
soos ’n klok in die bergkut, ketoooools
van die mondsagte môre.
Seun wat visvang
(Uit die Cederbergsuite)
Bruglangs oor die drif by Dwarsrivier,
die skaduwee loodreg op sy rug van die visstok op sy skouer
stap ’n vaalhaarseun met sy knapsak na die klipplaat
by die maalgat om te hengel.
Sy elmboë wyd vir ewewig, ’n knipmes bloedrooi aan sy riemlus,
kniekoppe strak in sy kortbroek roer hy af in die bergnaat,
koponderstebo, hul moet dink dis rietkwas
wat windvat, jy moet dinge stil hou vir die vis.
Op pote van muskeljaatkat, so saggies
land hy aan in die oopte op die hoognoen, sy blaaie matwit,
ongebreek in sy strot ’n kreet van bestemming, nie eers die sand
moet jou daarwees kan raai.
Hy graai in sy sak na die blink katrol wat hy vasklik aan die stok
en draai om die lyn deur die ogies te ryg, die sinker te weeg
en te knoop, die hoek in te haak, die wit brood te breek en dit stadig
te kou soos sy pa die nagmaal, tot dit stram
op sy tong word soos deeg.
Uit die regmaak moet hy sweepslag omdraai
om die bron te verras, sy borsplate strak soos die van ’n lammervanger.
In die swarthaak roep ’n waterfiskaal, ’n halfslag krink
hy sy lyf vir die ingooi, sy kop gekantel na die swier
van die lyn, die plons, die uitkring van rimpels
tot aan die palmiet, die hele gat in beroering
totdat alles weer stil word.
Vinger op die bind om te voel na ’n pluk
wag hy tussen skadulose klippe, spoeg loop hom lou in die mond.
Het hy nie gister met die opkom duisend vinne
langs sy ribbes voel stryk nie? En kon hy nie met die deurbreek
plathand na die snuite slaan en uitvier met lang hale,
’n skool van soetwaterlywe agter hom aan nie?
Hierdie geelvis is syne en hul weet dit.
En dan ’n byt, ’n steiering, ’n tong wat uit die bek
geruk en aangeswengel word, druipend na die kant en gekatrol,
’n ondermaatse wat die hengelaar oophand
om die kiewe pak en langs die sper verby die gleuf inkyk
tot waar dit rooi om die weerhaak uit die kaakbeen wel, buit wat hy ru
uit die tuig losbreek want koudbloediges
voel nie pyn nie sê sy pa, ons heil is bo verwagting
reeds kant en klaar vir ons verwerf en hierdie vis hoort penskant
teruggesmak, want vang is alles en besit en kort geniet, die res
is ons van harte deur die Here kwytgeskeld.
En so skep die kind die middag lank vis op vis wat hy terugsmyt
in die gat, die konings, die vasalle, handlangers,
rooivlerke, bloubekke, silwer karnalle.
Moeg van heers, sat van geluk, die hengel onverskillig
slap langs sy knapsak met verveelde brood
beur hy ’n klipkolom uit die plaat en bom dit in die kuil,
vee vloekend af wat opskiet oor sy bors,
onder hom die poel ’n pupil van verskrikking,
die gras aan die oewer soos wimpers neerflakkerend
vir ’n nagwaak by verwondes.
Bruglangs oor die drif by Dwarsrivier,
sy visstok swart oor sy skouer stap, effens taai in die lies,
die vaalhaarkind met sy knapsak terug van die maalgat
na die kamp van karavane en fietse
waar biere oopgeknak word en lamsnek wentel aan die spit.
Honger is hy nie, sy mond is dig. Met sy tongpunt
stryk hy triest ’n rou plek in sy linkerkies, terwyl sy vader
hande vat en hardop vir die braaivleis bid.
Rotstekening
(Uit die Cederbergsuite)
Wie jou, klein kwaggavul, orent maak staan,
alleen hier op jou eerste bene,
’n geboorte-oomblik soos ’n hand so groot,
wankel en met lippe van mekaar
in vars gemekker, oogloos in die eerste lig,
’n bek wat onvas na die uier proe,
wie jou hier inkleur, Equuleus van die Cederberg,
in die eerste opskik van die agterkwart,
in die prekêre styfmaak van die voorwerk,
het ’n rooi balans in die grys
eenrigtinggrein van klip gewerp,
’n swaartekrag van weerloosheid berei
wat ons, toeriste van vergetelheid
aaneenryg in ontroering,
ons met jou eerste skilder bind
in die onspektakulêre patriotisme van teerheid.
In ons nawel roer dieselfde kwas,
rooi-oker, elandvet,
in ons gesig dieselfde dooie sterre,
ons wat deur die eeue opkom
uit die bruin rivier, jou raaksien,
herbenoem, behoed jou altyd, Celeris,
snel vibrerende skaduwee
op hierdie drumpel rots –
ongeag of jy sterf, jou snoet geplet
teen die grou gebod van die sterkeres –
of op ranke bene wegspeel, lieflik, pronkend
in die wynbruin water van die tyd.
Soos aan die somerwind die waterbessie
Niks soos die bewegings van halfopgeskote wesens
om ’n ouer mensdier te ontroer:
golwende Augustusgars, kaperjolle van jong katte
met geveinsde kloue, soggens vullens fratsig
op lugleegtestelte, lammers in die twielig,
hul steekse spronge verbyster my bysiende blik
met ’n oordaad ossillasies teen die swaartekrag.
Wat presies my hart oorspoel sinds skoppelmaaie,
brandersry en waaierende duinespronge
kan ek slegs met ’n omweg dui.
Ek kies daarvoor ’n aand met ligte wind in Maart,
sleep ’n stoel onder die waterbessie, twaalf jaar oud,
vier meter hoog, skuif aan, en reik my hand
tot aan die bas, palm oop, elmboog gekrom,
wag tot ek ’n diep vertaling in die skouerpotjie voel
van takke, bries, verankering, die stam ’n hout
wat my, my boot, my ster en oewer tot in die bram
en loef beroer, die koers nog ondeursigtig,
gaan dan, as die wind bedaar na binne, lamp, tafel,
wit papier, en sluit my oë, neem pen, kwas,
snaar, of skaduwee, en skenk so kien ek kan
vanuit my skouer, so, soos aan die somerwind
die waterbessie, lig-meegaande, styf-geveer,
gelate, maar met eiesin haar laster, luister,
haar geloftes oorgegee het, my lot
’n eie inhoudlose eggo, uit my hand
die blare latend wat verskroei het,
die ruis opvoerend tot ’n sneeu, toeëienend
my plek en tyd, alles in my drupkring hoedend,
wiegend, skommelend, invoelend na die hang
in swengelbande, sodat ek ooit kan heenvaar,
skreiend, bloedend, die worp ter wille
soos wat ek aangekom het.
Ogentroost
Alle vlees is gras,
en al sy aanvalligheid
soos ’n blom van die veld . . .
Die gras verdor, die blom verwelk;
maar die woord van onse God
hou stand in ewigheid.
Jesaja 40:6-8
Al maak dit klaaglied
en soelaas van die profeet
nie ongedaan, kan jy (die asem
gods en volksverdelging
daargelaat) die biotoop
van mens en woord
ter wille van die digter
nader nuanseer:
onthou dat ogentroost,
’n helmkruid,
uit gras haar sout
en water suig.
Waar kwispelgars
dus vonkend swenk
en die sanger met sy staarblou
blik, sy insig goud gevlek,
hom heupdiep ín
tussen die stingels dring
om die verlangde bron
en meganiek van die gewemel
te noteer, vind hy
oorsprong en geleding
van liriek: ’n lugtige
op maat gesnyde
doodskis vir verlies.
In halms op papier,
in hul silwer ladings
dinamiet wat hy lit
vir lit in grys grafiet
betimmer en skarnier
om na vore dig
te val en agteroor,
deur wind bewoë oop
te skiet, vermoed hy die
verdorring. Stralend staan
hy in hul midde, oog
in oog met die nog onverwelkte
blom, Euphrasia stricta,
nederige inhoud,
onskadelike parasiet.
Dennebol
Ek wandel onder hoë krone
langs stamme wat die berge raam