Ódæðið á Baneheia

Ódæðið á Baneheia

Cover image: Shutterstock

Copyright © 2003, 2020 Ýmsir höfundar and SAGA Egmont

All rights reserved

ISBN: 9788726512014

1. e-book edition, 2020

Format: EPUB 2.0

All rights reserved. No part of this publication may be reproduced, stored in a retrievial system, or transmitted, in any form or by any means without the prior written permission of the publisher, nor, be otherwise circulated in any form of binding or cover other than in which it is published and without a similar condition being imposed on the subsequent purchaser.

SAGA Egmont www.saga-books.com – a part of Egmont, www.egmont.com

Ódæðið á Baneheia

Eftir Arne Pedersen lögreglufulltrúa og Magne Storaker yfirlögregluþjón í Agderlögregluumdæmi.

Þann 13. september 2000 boðaði lögreglan í Kristiansand til blaðamannafundar til þess að skýra frá því að hún hefði upplýst eitt hryllilegasta morðmál sem komið hafði til hennar kasta fyrr og síðar. Ódæðið hafði verið drýgt á Baneheia, útivistarsvæði rétt norðan við miðbæ Kristiansands. Tveim litlum stúlkum, átta og tíu ára, hafði verið nauðgað og þær myrtar. Tveir ungir menn voru ákærðir fyrir verknaðinn.

Þessi grein fjallar um þátt lögreglunnar í leitinni að stúlkunum meðan þeirra var saknað og það hvernig hún lagði kapp á að átta sig á öllum mannaferðum á þessum slóðum á þeim tíma og komst síðan að því hverjir höfðu framið þennan hræðilega glæp.

Baneheia er vinsælt útivistarsvæði hjá íbúum Kristiansands. Þar eru bæði hlaupabrautir og baðstaðir. Sjúklingar af geðsjúkrahúsi í grenndinni leggja einnig leið sína þangað til að lyfta sér upp.

Því miður sækja ekki allir á svæðið sér til hressingar og heilsubótar. Þar er líka afdrep margra þeirra sem orðið hafa eiturlyfjum að bráð.

Íbúðarbyggð er bæði austan og vestan við Baneheia. Að austanverðu er Eg-hverfið, þar sem hinir ákærðu áttu heima, en vestan megin er Grims-hverfið. Úr báðum hverfum liggja göngustígar inn á Baneheia. Á Baneheia eru mörg lítil stöðuvötn og tjarnir. Meðal þeirra er Svartatjörn og svokallaðar Fyrsta-, Önnur-