Vous êtes sur la page 1sur 9

ACUAN NGEMBAH BELO SELAMBAR

Anak Beru Si Empo : Nyah Tongat orati cuba Silih (mamam) ah, ntah enggo je kerina sitenah kenna kerina. Cekoh Baka : Nya Ma, enggo me je kerina sitenahkendu, kami anak berundu, bagepe sangkep geluh kam kalimbubu kami, gelah sibenai rananta enda janah apai ngenda teman kami ngerana biak seninandu. Mama (Orang Tua si Empo) : Enggo me je kerina, kena lebe, sangkep geluh kami enggo gia merak-rak enda temandu ngerana mamandu. Mama (Biak Seninana) : E, enggo banci benai kena bere-bere. Cekoh Baka : nyah Pa, enggo pulung sangkep geluh kalimbubunta, merak-rak nina janah kit ape anak beruna eme lebe nina, jadi kam saja singerananta, dudurken isapta. Anak Beru Singerana (Si Empo) : Apai kam teman kami ngerana, kam anak beru kalimbubunta Ginting mergana, enda isap kami, ngisap-ngisap kam kerina, janah sungkun kepulungen kalimbubunta ena, kami enggo pulung kerina sangkep geluh kalimbubu kami Karo Mergana. Anak Beru Si Serah : Enda isap kalakenda ndai, ngisap kita kerina, ence sungkun silih ah kalimbubunta, enggo me kita pulung sitenahkenna. Cekoh Baka : nyah Ma, enggo me je kerina si tenahkendu, kami anak berundu, bagepe sangkep nggeluh kam kalimbubu kami, gelah si benai,sir eh enda ndai enggo pulung nina enggo dudurkena man kami anak berundu isapna, janah apai teman kami ngerana biak seninandu. Mama (Orang Tua Si Sereh) : enggo me je kerina, kena saja lebe, sangkep geluh kami enggo je merak-rak enda temanndu ngerana Mamandu. Mama (Biak Senina) : enggo banci benaken kena. Cekoh Baka : Nyah Pa, enggo pulung sangkep geluh kalimbubunta merak-rak nina, janah kit ape anak beruna e me lebe nina, jadi kam saja singerananta. Anak Beru Singerana (Si Sereh) : Kalimbubu kami enggo sungkuni kami, enggo pulung kerina, kai kin ndai sura-surandu ? Anak Beru Singerana (Si Empo) : langa kuakap ersehsehen pengerananta, kai kin mergandu ? Anak Beru Singerana (Si Sereh) : Aku Karo- karo bere-bere Ginting aku erkai kin tuturta ?
1

Anak Beru Singerana (Si Empo) : Adi bage enggo nge payo kita ersilih, aku Sembiring bere-bere Karo. Bagenda Silih, sope langa si benai erdandanken enggo kita erkiniteken kerina, maka ertoto kita lebe, ma lit kin je Serayan Tuhan. Gelah babaina. Anak Beru Singerana (Si Sereh) : Nyah Pertua babaindu alu Pertoton. Pertua / Diaken : Banci ertoto kita Anak Beru Singerana (Si Empo) : Adi enggo kita ertoto sope langa si benai ma mehuli akapndu dudurken kami kampil kehamaten ras isapna, gelah ngisap- ngisap lebe kalimbubunta ras man belo. Anak Beru Singerana (Si Sereh) : Adi kampil kehamaten nindu, lanai sungkun kami kalimbubu kami enggo kami pang ngalokensa, gelarna pe kehamaten Silih. Anak Beru Singerana (Si Empo) : Piga dage dudurken kami Silih ? Anak Beru Singerana (Si Sereh) : Kampil kehamaten enda 5 Silih sebab 5 merga tapi bilang-bilangna 6, sada kampil e 2 bandu isapna janah bandu ka isap Runggun Gereja ras Kepala Desa. Anak Beru Singerana (Si Empo) : Bereken kampilta enda, aloken Silih, enda ka isap Kepala Desa ras Runggun Gereja. Anak Beru Singerana (Si Sereh) : nyah Silih, kalimbubunta enggo ngisap bagepe enggo man belo, si man belo janah ntabeh enggo perpan belona ras pisapenna, janah terus ngenda ku Puang nu Puang sitelu sedalanen, bagepe Runggun Gereja rikut bagepe Kepala Desa, enggo she ken kami isapna kai kin sura- surandu ? Anak Beru Singerana (Si Empo) : ertima kam entisik gelah kami arih ras kalimbubu kami, nya kalimbubu kami Karo Mergana ma bagi siturikenndu man kami ndube nge turiken kami. Biak Senina (Si Empo) : Ue, terbeluh Kam nurikensa !

Anak Beru Singerana (Si Empo) : Bagenda Silih, erdandanken piga- piga wari si enggo lewat nuri-nuri ngenda kalimbubu kami man kami anak beruna maka nin : erdemu ate kalimbubu kami man diri Ginting mergana, adi meriah kari ukur kalimbubu ras sangkep geluhna, tapi kalimbubu kami enda enggo me pilihna eme kap Si ..Br Ginting. Emaka sentabi nungkun keriahen ukur ngenda cuba oratindu Anak Beru Singerana (Si Sereh) : Ertima kam Silih, Nyah uga ninta, ma si suruh me, sungkuni kemberahenta Permenta ah entah payo ntah lang. Nyah Nande Tongat, sungkun cuba permenta ene payo nge bekas arihna kalekenda ndai reh enda ntah uga ? Si Rembah Ku Lau : O, siPermen Payo nge bekas arih kena kalak enda ndai ku jenda, entah uga enda ? Si Sereh : Payo Bibi, idahndu aku ndekah enda enggo mbelin. Si Rembah Ku Lau : e, ma enggo begindu kata Permenta e. Anak Beru Singerana (Si Sereh) : Enggo, Si sungkun dage Silih ah ma bage ? Nyah Silih, kerna kerehen kalak enda ndai, atena erdemu ku diri kalimbubundu Ginting mergana nina, janah enggo ndai sungkun kami Permen pe payo nina, cuba kam arih kuga keriahen ukurndu kerina ras turangku pe, enda sur-sura kalakenda ndai si turiken anak beruna man kami anak berundu. Biak Senina Si Sereh : Banci kami arih, kuga ninta. Ma sisungkun lebe anak berunta sebab ia kap simeteh bas jabunta. Ue, Sungkun ia muluhi, Nyah Silih, kami labo pang nuriken keriahen ukur kami sebab kam nge kerina si meteh sa kerna Permendu. Anak Beru Singerana (Si Sereh) : Ena kap nina kalimbubunta, uga nge ninta, sungkun kemberhenta. Si Rembah Ku Lau : Uga Kin maka kujah kuje Bandu enterem anakndu ka galangen. Reh orang Tua Si Empo ras Si Empo maba isap ras kampil ndahi anak beru si Sereh ras singalo Permebah.
3

Si Empo : Aku Pe anakndu nge Pa, aku pe mergangku Karo-karo nge, janah rasras ateku kita pagi ndungi dahin- dahin kalimbubunta enda ajarindu pagi aku. Orang Tua Si Empo : Idem

Anak Beru Singerana (Si Sereh) : Adi bagena si akui ngenda anakta, maka kita ngerana man kalimbubunta ah. Payo nge adi bage cakapken man kalimbubunta ah. Nyah Silih, sir eh enda ndai, rembang ka ngenda anak kami kepe, enggo orati kami, dage ate kami sungkun kami keriahen ukurndu, arih kam kami ngenda si reh. Biak Senina Si Sereh : Enda kap nina anak berunta anakku ngenda nina, kami ngenda sir eh nina, uga ninta ? epe langa kita pang ngataken keriahen ukurta, ntah uga nina kari singalo ulu emasna. Orati lebe ia, maka bandu anak beru kami oratindu lebe ku jah. Anak Beru Singerana (Si Sereh) : Nyah Silih ma lit ndai babandu si ngalo ulu emas, sebab la pang kalimbubu kami nuriken ukurna adi la meriah ukur singalo ulu emas. Anak Beru Singerana (Si Empo) : Lit Silih, banci suruh kami orati kalimbubu kami ertima kam entisik. Dudurken isapndu man Puang kami ah ras kampil, nca sungkun keriahen ukurna lebe, bage nina kalimbubu Ginting mergana. Orang Tua Si Empo ndudurken isap ras kampil ku singalo ulu emas maka nina : Erjabu ate bere- berendu, nambahi anak ndu, ma meriah nge ukurndu arih kam. Singalo Ulu Emas : Apai kin anak kami e gelah tandai kami, ntah nggit kin ia erbapa man kami ma bage ninta. Anak Beru Singerana (Si Empo) : Bagenda Silih pinjam kami lebe Permen enda ndai suruh taruhken bibina ku singalo ulu emas. Anak Beru Singerana (Si Sereh) : Banci, taruhken dage permenta ene kam bibina ku singalo ulu emas ah ndai. Singalo Ulu Emas : Ma nggit kam pagi bas jabu kami, jadi anak kami sebab kami beru Ginting e seri nge akap kami.
4

Si Sereh : Nggit Pa, langa pe aku beru Ginting nge. Anak Beru Singerana (Si Empo) : Ma enggo begindu Silih pengakun Permen ah ndai ras singalo ulu emas, Singalo ulu emas pe enggo meriah ukurna. Anak Beru Singerana (Si Sereh) : Nyah Silih Singalo ulu emas ah ndai enggo meriah ukurna arih kam uga nindu ? Biak Senina Si Sereh : Adi Singalo ulu emas pe nggo meriah ukurna, rikut ras kam anak beru kami pe bage, kami gia ma meriah ukur kami. Anak Beru Singerana (Si Sereh) : Nyah Silih, adi bage enggo, ia pe kerina enggo me meriah ukurna. Peseh man kalimbubundu. Anak Beru Singerana (Si Empo) : Bujur Silih, sope langa peseh kami man kalimbubu kami sungkunlah lebe man puang kalimbubu si telu sedalanen kerna keriahen ukurna bage sura- sura kami ras kalimbubu kami Karo Mergana. Anak Beru Singerana (Si Sereh) : Banci Silih, gelah orati kami ras kalimbubu kami. Dudurken isap man puang kami ah ras kampil, janah sungkun keriahen ukurna, bage sura-sura Karo mergana sir eh erkelangkelangken anak beruna man kami anak berundu. Reh Ginting Mergana ndudurken Isap ras Kampil ku Singalo Bere-bere, Perninin ras Perkempun janah nuriken kerina percakapen. Singalo Bere- Bere : Adi kam pe enggo meriah ukurndu, kami pe enggo meriah ukur kami, kami singalo Bere- bere ras singalo Perninin, bagepe kalimbubu kami singalo Perkempun enggo sada arih kami. Anak Beru Singerana (Si Sereh) : Nyah Silih, enggo kerina orati kami, maka Puang si telu sedalanen pe enggo meriah ukurna emaka sangkep geluh Ginting mergana ras kami anak beru, enggo ermeriah ukur, emaka kalimbubundu enggo banci Empo ndai. Anak Beru Singerana (Si Empo) : Bujur Silih kalimbubu kami pe ngataken bujur man sangkep geluh Ginting mergana erkelangkelangken kami anak beruna

Anak Beru Si Empo : Silih, enggo ersada arih kalimbubu bagepe puang kalimbubu/ puang nu puang rikut ras kami anak beru/ anak beru menteri sitingkatken percakapen maba pudun kerja nge ate kami sebab enggo I rencanaken lit nge kerja labo ndekah, pudun bulanna saja nge sambar, emaka ersinget- singet nge kita kerna gantang tumba si man pedalanen ibas paksana. Emaka oratindu keriahen ukur kalimbubunta Ginting mergana rikut puang ras puang nu puang kalimbubu lanai pada I pedalan kampil. Anak Beru Si Sereh : Sabar kam lebe silih, arih kami lebe, orati kami lebe sangkep nggeluh. Silih kerna penungkunenndu enggo me meriah ukur kalimbubunta Ginting Mergana/ puang/ puang nu puang. Enggo me banci turikendu sura- surandu. Anak Beru Si Empo : O silih adi enggo mekuah ras meriah ukur kalimbubu Ginting mergana/ puang/ nupuang kalimbubu, bagepe kam anak beru, emaka ersinget me kita kerna gantang tumba pengalonken kalimbubu/ puang/ nupuang si man pedalanen. Anak Beru Si Sereh : Bujur silih sabar kam lebe, sungkun kami, ipeseh kami man kalimbubu ras puang/ nupuang kalimbubu. Enggo banci silih ibenakendu Anak Beru Si Empo : Bagi biasana ijenda janari lebe ibenaken ? Anak Beru Si Sereh : Rikutken biasana ibas kutanta enda : 1. Batang unjuken lebe si cakapken 2. Bere- bere, 3. Perninin/ perkempun/ perbibin/ ciken- ciken ngerangguti ibas singalo bere- bere nari. Anak Beru Si Empo : Asakai ngenda pagi batang unjuken I pedalan kami ibas mata kerja. Anak Beru Si Sereh : Sabar kam lebe silih ipeseh kami nandangi kalimbubu Ginting mergana. Kalimbubu kami, asakai nge bilangenna batang unjuken i peseh i pedalan nandangi kam kalimbubu kami cubaken arih kam ras sembuyak seninandu.

Biak Senina (Si Sereh) : Suruh lebe singalo ulu emas ku jabu kami gelah ras kami arih. Anak Beru Si Sereh : O Silih suruh singalo ulu emas ku jabu kalimbubu kami Ginting mergana. Anak Beru Si Empo : O mpal suruh puang kami kalimbubundu ku jabu sukut si sereh Ginting mergana Singalo Ulu Emas : Enda kami si ngalo ulu emas ibas bere- berenta si empo ndai Biak Senina (Si Sereh) : Mari si cakapken kerna batang unjuken anakta enda. Anak beru kami enggo sue arih kami ras sembuyak kami singalo ulu emas, makana pengalonken kami beru ginting si runggui kita, iserahken kami man bandu kerina anak beru kami, sebab kam ngenda rusur nukatisa, kami engkerissa. Anak Beru Si Sereh : Bujur, kerina kita anak beru arih kita kerna batang unjuken permenta. Sentabi kami kalimbubu kami, ngikutken permen kami siarah lebe ibahan kami Rp. 456.000,Biak Senina (Si Sereh) : Bujur meriah ukur kami kalimbubundu. Anak Beru Si Sereh : O silih, enggo sue arih ras meriah ukur kalimbubunta Rp.456.000,- si man pedalanendu ibas mata kerja. Anak Beru Si Empo : Bujur Silih sabar kam ipeseh kami lebe ku kalimbubu kami. Biak Senina (Si Empo) : Bujur, anak beru kami enggo meriah ukur kami kalimbubundu. Anak Beru Si Empo : O Silih, kerna batang unjuken enggo ituriken kami man kalimbubu kami enggo meriah ukurna. Anak Beru Si Sereh : Adi enggo bage, kainari sura-surandu ? Anak Beru Si Empo : O Silih, sue ras si enggo I cakapken kita ndai kerna ersinget- singet, gantang tumba siman sukaten, emaka sehken arah puang kalimbubu singalo bere- bere kerna pengalonkenna. Kerna luah kalimbubu enggo I sikapken eme : 1. Amak kapal ras ikutenna 2. Luah peradaten amak tayangen 3. Penjayonna.
7

Anak Beru Si Sereh : Nina Si empo erkelang-kelangken anak beruna, sehken, orati asakai sukatenna pengalonken singalo bere- bere enggo isikapken : 1. Amak kapal ras ikutenna 2. Luah peradaten amak tayangen 3. Penjayonna. Biak Senina (Si Sereh) : Sabar kam lebe anak beru kami, I orati kami ku puangndu, kalimbubu kami. Singalo Bere- Bere : Kerna Pengalonken kami si igelari bere- bere, erkiteken batang unjuken pe i begi kami, serahendu ku anak berundu, kami pe serahken kami man bandu anak beru kerna pengalonken kami bere- bere. Anak Beru Si Sereh : Rikutken si enggo pernah ilakoken kami kerna perjabun permen kami dirindu ibahan kami Rp.286.000,- arih kam kerina. Singalo Bere- Bere : Bujur ras meriah ukur kami ras teman kami sedalanen. Biak Senina Si Sereh : Enggo meriah ukur kalimbubunta. Anak Beru Si Sereh : O Silih, kerna pengalonken (bere-bere) enggo I bahan puang kalimbubunta Rp.286.000,-, ibas keriahen ukurna. Anak Beru Si Empo : Bujur Silih, sabar kam entisik, ipeseh kami man kalimbubu kami. Kerna bere- bere pengalonken si ngalo bere- bere lit Buena Rp.286.000,- uga bas kam kalimbubu kami arih kam kerina Biak Senina Si Empo : Enggo meriah ukur kami kerna pengalonken singalo berebere Rp.286.000,-. Anak Beru Si Empo : O Silih enggo meriah ukur kalimbubu kami, kerna pengalonken singalo bere- bere. Anak Beru Si Sereh : Bujur Silih, adi bage kuja si lanjutken percakapenta ? Anak Beru Si Empo : Bagenda Silih, adi enggo me ndai sia rihken kerna pengalonken kerina kalimbubu ras puang ngerangguti bas bere- bere nari bege silakoken. Anak Beru Si Sereh : Enggo merandal silih enggo kari dung si bahan si pebetehken :

Perninin Perkempun Ciken- ciken Perbibin Perseninan Si Rembah Ku Lau Sabe Ikur Sabe

= Rp. 186.000 = Rp. 186.000 = Rp. 46.000 = Rp. 86.000 = Rp 46.000 = Rp. 166.000 = Rp. 96.000 = Rp. 46.000

Anak Beru Si Sereh : Enda I pebetehken kami kerna sukat-sukat/ gantang tumba bagi si enggo arihken kita sangkep nggeluh pekepar sibegin kita. Adi enggo ertorosen kerna gantang tumba sicakapken silih, lit denga nge akapndu si man cakap pen ken ? Anak Beru Si Empo : E, seh me kita kerna pudun wari kerja Silih. Anak Beru Si Sereh : Enggo kin lit mata kerja (warina) ibabandu Anak Beru Si Empo : Sini enggo ibaba kami rikut ras situasi si erjaby enda. Wari : Rabu Tanggal 26-09-2012, cubaken pesehndu man sangkep nggeluh kalimbubunta. Anak Beru Si Sereh : Man banta kerina sip ulung 1. Kam kalimbubu kami Ginting mergana 2. Puang kami/ puang nupuang 3. Kita tegun anak beru Enggo ibaba si empo wari mata kerja wari Rabu,26-092012 me labo lit alangen bas kita ? Sangkep Nggeluh Si Sereh : Labo lit enggo mehuli. Anak Beru Si Empo : Adi enggo sue arihta ibas sangkep nggeluh Pekepar, me sisehken ras si orati Runggun Gereja. Anak Beru Si Sereh : Akap kami pe bageng si mehulina bas kita gia lalit abatna tentuna me si orati nge Runggun Gereja. Runggun Gereja : Si ibahandu kerina enggo mehuli jadi rikut percakapendu Pasupasu Tanggal 25-09-2012 Mata Kerja 26-09-2012. Anak Beru Si Empo : Adi bage Silih me si jalapen me kita. Anak Beru Si Sereh : Payo Silih, me babandu kin Kepala Desandu ? Anak Beru Si Empo : Enda lengkap ibaba kami tandana ate kami tutus

Vous aimerez peut-être aussi