ROHLU

APRIL 2012

ROHLU

ROHLU
( Thla tin chhuak )
A man : Thla khat Rs.5 /-

A CHHUNGA THU AWMTE Editorial

2012

ROHLU

Kum 6-na

April

1.Tum Kau Pathian Ni 2.Regional Conference Report 3. Pathianin khawvel a hmangaih a... 4. Tholeh nun 5. Mitthi zing ata a tholeh ta a ni

Editorial Board Editor Joint Editor News Editor : Rev. Dr. Chalhnuna. : Lalringliana. : Lalthangzauva. Pro. Pastor Laldanmawia PB.Hrangthana TD. Zalawmpuia : Lalromawia. : Rev. C. Zalianthanga Rochharliana. Pastor Sapthangi Rev.E.Lalzarlawma

Cir. Manager Members

THURIL
* That derna hi hmuh theih loh sualnung reng chu a ni. - John Milton. * Vanneihna chuan mi a chu a enkawlna mak tak nen a veng zel thin - Charles Churchill * Awm awlna hi mi challangte challanna belhchhahtu a ni. - Robert Burton * Lungkhamna hi buaina chungah a pung, a hun hmaa pek chu a ni. - Dean W.R.Inge * Mahni inven himna hi khawvel dan upa ber chu a ni. - John Dryden.

Office Address : Wesleyan Methodist Church, Sub post office : Chanmari. Aizawl. Pin code : 796007 Telephone No. 2305845 / 9436351889 / 9862316121.
**Rohlu-a thu chhuah tur nei chuan engtik lai pawhin editor hnenah pek theih reng a ni. **Rohlu-a thu chhuah te hi editorial Board ngaihdan a ni vek lo. Regd. No. J. 22020 / 1/2006-DC(A) 93: Dated Aizawl, the 27th March 2007.
2

ROHLU EDITORIAL : I LENGKHAWM ANG AW! Tun thla, April thlaa kan Rohlu Editorial Thupui atan I Lengkhawm Ang Aw tih kan hmang dawn a. A va \ha tehlul em! Engvangin maw? April thla chhung hian Good Friday te, Easter Sunday te kan hmang dawn a. Chung hunah chuan Lengkhawm ngei ila Editorial Board chuan \ha kan ti a ni. Chu aia nasa fe chuan Edenthar Local Upaho, Pu Liankapa hote phei chuan LENKHAWM chu \ha an ti a. |ha an ti mai pawh a ni lo va, Good Friday leh Easter Sunday huna Lenkhawm chu an chak lutuk a, an nghakhlel ngawih ngawih a ni. Champhai Local pawhin Committee meuhvin an ngaihtuah tih kan hria. Thingpui, chhang, sawhchiar nen aw! Aw le, Mizote rilru, Mizote thinlung thlarau-ah hian Isua tuarna leh a thihna lam Hlate hian hmun an chang thuk em em a. Kan unau Hmar-ho pawh hi keimahni ang bawk an ni a, Isua tuarna lam hla an duh em em \hin. Dik tak chuan Tuarna lam hlate hian Pathian min hnaihtir \hin a, Mizote phuah Hlate hian min tihlim \hin a ni. Rev.Chhawna Hla hi chang khat leh a thunawn chauh i tar lang teh ang: 1. Aw, Kalvari thing chungah chuan, Ka hreng ropui a au; Jerusalem, Kanan ram zawng zawng, In Lal a ni lom ni? In Lal a ni lom ni? Aw, ka sawi thei lo, Aw, ka hril thiam lo A hmangaih a va mak em! Thukna, thukna, ka sawi thei lo Min hmangaih a va mak em!
4

ROHLU Hla pakhat chauh tihlan leh kan duh tlat. Chu chu Pu Patea Hla a ni: 1. Zan lungngaihthlak, Zion pindan chhungah, Ka Lalpan a thisen a semin; Chuti-anga lungngaih chhumpui zing chuan, Ka Lal thlaphangin a rumtir. Aw, nangni Jerusalem-te u, A khawngaih in chan kha hria ula; In nat tinreng a tihdamsak che u, A lungngaihna haider lul suh u. E! kan ziak seng lo, kan sawi seng lo. Pathianin hun \he leh remchang min pek ang zelin Good Friday-ah leh Easter Sunday-ah te chuan I LENGKHAWM ANG U AW! Pathian hmangaihna fak ila, Kan tuar ai tuartu Krista chawimawi ila, Thihna ata kaithotu Thlarau Thianghlim i chawimawi ang u.

SYLLABUS TIH DIKNA Kum 2012 Sunday School Syllabus-ah Good Friday April ni 8 leh Easter Sunday 15 tia dah a ni a, kha kha tih sual palh a ni a. April ni 6 Good Friday leh ni 8 Easter Sunday tia dah zawk tur a ni e. Tih sual palhah leh thil dang fel tawk lo awmah Sunday School Zirtirtu leh Zirtu zawng zawngte chungah ngaihdam kan dil e.
5

ROHLU (Tum Kaute an keng a, a hmuak turin an chhuak a Joh.12:13) Thuhmahruai : Kumin chu April thla tirah Kristiante hun pawimawh Tum Kau Pathianni te, Good Friday leh Easter Sunday te an awm a. Heng ni pawimawhah hian a hun mil Sermon te chhiar thei ila a \hat tehlul nen, kan Chanchin Bu a tlai deuh hi pawi kan ti khawp mai. Engpawh nise, heng hun pawimawh atana Sermon kan dawn leh kan hmuhte chu kan rawn ti chhuak a. Ngun takin i chhiar \heuh ang u. 1. A hmasa berin Tum Kau Ni Programme hi Lal Isua ruahman a ni a. Khenbeh a nih dawn Chawlhkar hi Entirna hmanga thil tih hun atan a hmang a. Sap\awngin han sawifiah leh ila, Mizovin Lungngaih Hapta kan tih \hin hi he Chawlhkar hnuhnung hi Entirna hmanga thil tih hun (Practical Week) a tih theih a. Chungte chu: Jerusalema Lal anga luhna te, Lal inngaitlawm a nihzia entir nan te, Temple tihthianghlim nan te, Zakaria lo sawilawk tihkim na te (9:9), zirtirte ke sil te a hmang a (Joh.13:1-14) Lalpa Zanriah Sakramen kil te hi Entir nei vek an ni a. Chungte chu hmuh theihin, a takin, Practicalin a lantirna hun a ni. Ropui takin, mahse, inngaitlawm leh thuhnuairawlh tak chungin Sabengtung no chunga chuangin Israel-te lal chu an khawpui Jerusalem-ah chuan a lut ta a. Harsatna engmah a awm loh nan engkim a lo ruahman lawk vek ni pawhin a lang. Tin, kan Bible ziaktute pawhin he ni hi an ngaipawimawh hle niin a lang. Chanchin Tha paliten min hrilh kim vek a ni. 2. Tum Kau Pathian Ni hi LAWMNA NI a ni. Chanchin Tha Johana ziakah heti hian kan hmu a: A tukah chuan k<tnaa
6

ROHLU A hmuak tura kal mipui tam tak te hi K<t hmang tura lo kal mikhual an ni a. Jerusalema awm te chuan eng vakah an ngai lo vang. Naktuk lekah pawh Khengbet rawh, Baraba chhuah rawh an ti dawn a ni. A hmuaktu mipui bakah hian a hnung lam a\anga rawn zuitu mipui tam tak an awm bawk a. Chung mite pawh chuan lova mi chhawl satin Isua chawimawi nan an vai ve a, a kalna tur kawngah te an puan an phah bawk a. Pathian zawlneite lo sawi ang ngeiin: Hlau suh, Zion fanu, En teh, i Lal chu, Sabengtung no chunga chhuangin, a lo kal dawn e tih kha a thlentir duh a ni.Mipuite lawm lutuk pawh an ngawi mai mai thei lo va, tunlaia kawng zawha au rualna thu phuah (Slogan-Slougan) kan nei ang hian Lal Isua chawimawi nan mipuite, a hmaa kal leh a hnunga kal te chuan: Lalpa hminga Lal lo kal chu fakin awm rawh se, Vanah remthu leng sela, chungnung berah khian ropuina awm rawh se tiin an au va. Tin, thu ziak famkim lehzual pawh kan hmu a. Chu chu hei hi a ni: Hosanna, Lalpa hminga lo kal chu fakin awm rawh se. Ram lo thleng tur kan Pa Davida ram chu chawimawiin awm rawh se. Chungnung berah khian Hosanna tiin. 3. Lal Isua pawh a lawm a ni. Jerusalem khawpui luh dawn Olive tlang a\anga Jerusalem Temple thleng chuan mipui chhiar sen loh ten Hosanna, Lalpa hminga Lal lo kal chu fakin awm rawh se, Ram lo thleng tur kan Pa Davida ram chu chawimawiin awm rawh se, Chungnung berah khian Hosanna tia an au lai chuan hlim ve thei lo puithiam lalte leh lehkhaziaktute an awm a. Naupanghovin Davida fapa Hosanna tia an au pawh chu khap turin an ngen a. Mahse, Lal Isua chuan Nausente leh hnute hne laite kaa chhuak chuanin, Fakna i tifamkim ta a ti hlauh zawk si a! Naupangte leh puitling Tum Kaute kenga a hmuak tura chhuakte kha an va fakawm em! Lal Isua chuanna tura an puante pe phalte rilru kha a va 7

ROHLU Lal Isua tan kan thil neih engte nge kan ken ve? Lo kal leh tur Lal Isua hmuak turin kan chhuak ve ngam em? En teh Zion fanu, i Lal chu A LO KAL E! Hawh u, i chawimawi ve ang u! I fak ve ang u!! 4. Lal Isua lawm a kim lo: Lal Isua hmuaktu mipui chhiar sen loh, a hmaa lalte leh a hnunga zuitute hlim taka an au lai chuan, a ni, Amah Lal Isua mihrinna pawh a lawm hle lai chuan, a thinlung chhungrilah lawmna a nei thei lo va, a thlarau a rum a. Engvang nge? Pathian khawpui, Davida khawpui, Jerusalema cheng lal te, roreltute, puithiam leh sakhaw hruaitu bakah mipui tam tak pawhin Isua chu an Nghah Messia a nih an hre si lo! An khengbet dawn tih a hria. A rilru na lutuk leh a thlarau lungchhia chuan Jerusalem chu a \ah khum ta a. Lal Aw Jerusalem, Jerusalem! Zawlneiho thattu, I hnena an rawn tirhte lunga lo denghlumtu, Arpuiin a note a thla hnuaia a awp khawm angin i fate Vawi engzat nge awp khawm ka tum kha! Nimahsela i duh si lo. En teh u, in in chu aruaka hnutchhiah che u in a awm ta. Ka hrilh a che u, Lalpa hminga lo kal chu fakin awm rawh se In tih hma loh chuan, tun achinah mi hmu leh dawn tawh lo a nih hi, a tihsan ta. A va pawi em! Mizo hla phuah thiam Pu Patea pawhin Lal Isua rilru putpuiin:Aw, nangni Jerusalem-te u, A khawngaih in chan kha hria ula; In nat tinreng a tihdamsak che u, A lungngaihna haider lul suh u- tiin Jerusalem mite nen min sawm ve a. Tichuan, Isua hmuak tur leh chawimawi
8

ROHLU REGIONAL CONFERENCE REPORT Rev.C.Zalianthanga DS Dt.13-19 March 2012 chhung khan Regional Conference hi Rengkai, Churachanpur,Manipur State-ah neih a ni a. Tun \um conference hi kum danga kan la hman ngai loh Silver Jubilee nen hman kawp a ni a. Tun \umah hian tuipui ral a\ angin Rev. Dr. Romy Caringal, Asia Area Director, Manila leh Rev. Dr. &Mrs Ron Mc Clung te nupa USA a\anga lo kal ten min rawn ho thei a, min ti phuisui hle mai. A hmunah ni ruk lai kan chama sawi tur a tam duh hle a ni. A hmasain Conference lam chungchang lo sawi hmasa ila. Kumin hi kum thum dana kan thlan \hin Regional puipa turte thlan an ni a. Kum 2012-2015 atana kan Regional hruaitu turte chu: 1. Regional Superintendent- Rev. Tlanghmingthanga 2. Asst. R/S - Rev. C.Zalianthanga 3. Conference Secretary - John Vanlalruata 4. Mission Director - Rev. Lal\hakung 5. Evangelism Director - Rev. Lalsandam Nidanga kan hman \hin Regional Treasurer chu a hrana thlang lovin mi\ha leh mi thiam te sawmin kum 3/5 atan Contract basis a lak a ni anga, chumi atan Selection Committee emaw Executive Committee-in a lo zawng ang. Kumin Regional Conference-ah hian Ordination chang tura Executive-in a lo relte an awm a, keini Mizoramah pawh Pastor Sapthangi- Jubilee ruala a lo thawh tawhna leh a rawngbawlnate han enin Ordain nise tiin a lo rela. Amaherawhchu, amah kan duhsak loh lam ni lovin, District rorelna kal tlang lova, thil lo tih mai hi \hain kan hriat loh avangin kal tlang loh nise kan tia. Amah chauh pawh ni lovin, Pro. Pastor Sanghmingthanga leh Pro. Pastor Laldanmawia te pawh Ordain la hun lo, tih mai tum an nih avangin \ha kan ti lova, an ni pawh 9

ROHLU Ni 17.3.2012 Inrin zingah Mizoram a\anga palai kal mi 7 ten kan Asia Director kan va kawma, darkar khat chhung vel inkawmna hun kan nei thei a, kan inkawmnaah hian kan District-in kan lo dil tawh, a bika in enkawlna dan leh JFP chungchangte leh kan harsatna hrang hrangte kan sawi a, min hriatpui a, ani pawhin hma a lo lak dan te leh lak zel pawimawh a tih dan te a sawi a. Lalpan rem a tih chuan kan beiseinate a la hlawhtling ngeiin kan ring a ni. Tunah hian Cachar and N.E Hill te pawh mahni in enkawl hrangin an awm a, an ni pawh kan pute rilru chuan a enkawl dan tur an ngaihtuah rilru tho a ni.. Keini pawh a \ul hunah chuan awlsam zawka in enkawl dan a la her chhuah beisei kan tum ang chu. Chumi atan kan District kan lungruala, pumkhatna \ha tak nen \hahnem ngai taka rawng kan bawl a ngai a ni. Keini District chungchang tih lohah chuan rorelna dangah kan tluang hle a ni. Jubilee lam lo hawi ve ta thung ila. Kumin hi Wesleyan Methodist Church a lo din cham kum 25-na a lo ni ta a. A tir takah chuan Wesleyan Methodist ni lovin, Evangelical Methodist nen tuna hmar lama kan unaute an lo inzawm a. Rawng an bawl honaah harsatna a awm deuh avangin, 1996- khan Wesleyan Methodist-ah an lo in chhungluta, rawng an lo bawlho ta a ni. Chu chu a tir a\anga an dinna kha bul \annaah ngai thovin kohhran lo in\anna atan an lo chhiar \an a ni. Tun \um Jubilee-ah hian Rengkai Local leh a hnaivai inpekna a sang hle a. Jubilee lawmnan hian vawkpa Inches 50 tling chin pali leh bawngpa chal lian tawk talh a ni a, chung ran puisa ei thei lo tan sangha tam tawk tak chhum a ni bawk. Jubilee lungphun hawnna kan kuallian Dr. Romy Caringal-in a nei a, chumi zawhah Jubilee dar vawi 25 vuak tur a ni a, kan khual liante a\anga \anin thlanbik ten vuak a ni. Service hman nghal a ni. Hall chhungah chuan he hun hmang tura an mi sawm MDC leh Manipur State Minister thar te pawhin min
10

ROHLU

Inkhawmnaah Item hrang hrang a tam hle a, zaipawl, mimal leh mipui Pathian fakna boruak a zang hle a, Revival nasa tak a thleng a ni. Tin, he Jubilee-ah hian chawimawi tur tam tak an awm a, a bikin Rev.C.K Thanga chu a pension dawn avangin thangchhuah puan nen chawimawina certificate hlan a ni. Chumi rualin Pu Lalthlamuana pawh pension tur anih avangin chawimawina leh thlahna neih nghal a ni. Tin, tun \uma thil danglam tak kan la hriat ngai loh leh kan la tihve ngai loh, Upa Lalropuia chu kum 20 chhung rinawm tak leh taima taka Secretary hna a lo thawhna avangin Reverend Title pek (Confered) a ni. A lawmpui awm hle a ni. Hetiangin ani chauh pawh ni lovin kohhran tan \hahnemngai taka lo thawktute hnenah chawimawina Memento hlan a ni a, keini District pawhin kan dawng ve nual a ni. Tun \um Regional Conference leh Jubilee chu Programme hrang hrang a kal tluanga, inkhawm apiangin Pathian faka zai kan kham lo tlang hle a ni Dt.13 Inrin zan inkhawmah chuan Ka hmaah lungngaih beidawn tih hla kan sa chu a tawp har hle mai, vawi 17 lak nawn a ni a, minute 32 chuang kan sa nghe nghe a ni. Hlim taka zai leh lam kan thlahlel tlang hle. Aw le, thu nepnawi zawng zawng ziah sen a ni lo ang a, heng kan ziah bakah pawh pawimawh tak tak ziah hmaih kan la nei mai thei a. Engpawhnise, tun \um Conference cum Silver Jubilee chu boruak a nuamin a zang a, Pathian fak leh lam te kham lo takin hun kan hmang

11

ROHLU PATHIANIN KHAWVEL A HMANGAIH A, A FAPA A PE A

A VUAKNA VUALTEA TIHDAMIN KAN AWM TA

by Rev.Dr.Chalhnuna.

Chang thlan: Ani chu kan bawhchhiatnate avangin hliamin a awm a, kan khawlohnate avangin vuak thitlinin a awm a; kan thlamuanna tura thununna chu a chungah a tla a; a vuakna vualtea tihdamin kan awm ta (Is. 53:5). Thuhmahruai : Pathianni hmasa kha Tum Kau Pathianni a ni a, Kohhran zawng zawngin kan hria a, khaw tinah, khaw lianah leh khaw teah pawh Hossanna, Lalpa hminga lo kal chu fakin awm rawh se, Ram lo thleng tur kan Pa Davida ram chu chawimawiin awm rawh se. Chungnung berah khian Hosanna tiin Lal Isua chawimawina au thawm kan hria a. Mahse, vawiin chu, Mizo upate tihdan takin, Hnu pawh bo lo, hma pawh bo lo an tih ang khan Isua Khenbeh Ni a ni. 1. Engvangin nge Isua khenbeh a nih? Zawhna reng reng hian chhanna dik an phut a. Chhanna pakhat aia tam awm thei a nih pawhin chhanna dik bik a awm zel \hin a. Chhiarkawp zawhnaah chuan chhanna pakhat chiah zel a awm \hin a. Entirnan : Number 5 leh panga belh chu 10 a ni a. Miin 9 1/2 tiin lo chhang se, a hnaih hle nain a dik thei chuang lo. Tin, Primary School-ah leh College Political Science exam-naah Engvangin nge Rajiv Gandhi a thih? tih zawhna hi an chhang thiam \heuh mai thei a. Mahse, Primary chhanna leh College zirlai chhanna chu a inang lo viau ang. Chutiang deuh chuan Engvangin nge Lal Isua a thih? tih hi chhanna dik ve lek lek, mahse a dik ber ni hauh si lo tam tak an awm thei a. Chungte chu hengte hi an ni: 1. Judaten Pilata hnenah an hek avangin.
12

ROHLU 3. Pilatan thudik aia a nihna humhim duha mipui a hlauh avangin. 4. Mihringte bawhchhiatna avangin. 5. Pathianin mihringte min hmangaih avangin Lal Isua chu khenbehin a awm a ni. He zawhna chhanna hi lehkhabu pakhat LAL ISUA KRISTA tih buah in chhiar tawh mai thei a. Chutah chuan heti hian zawhna pakhat chhanna sei deuh mai hi a awm a. Chu zawhna chu Engvanginnge he naupang hi a \ah? tih a ni a. A chhanna hnai berah chuan A tluk vangin a \ap an ti a. Engvangin nge a tluk? an ti leh a, a chhanna chu hmawlh a pal avangin a tlu an ti leh a, Engvangin nge hmawlh a pal? tiin an zawt leh a, a chhanna chu A mit a del avangin hmawlh a pala a tlu a ni a. Engvangin nge a mit a del? tia an zawh chuan, A nuin a nausen laiin a awm \ha lo va, meiah a tlu a, meia a tluk vangin a mit a del ta , a mit del vangin khua a hmu thei lo va, hmawlh a pala, a tlu a, a \ap ta a ni. Tichuan, kan Thupui pakhatna Engvangin nge Isua khenbeh a nih? tih zawhna chu kan Bible chang thlan thute hmangin lo chhang ta ila: Ani chu kan bawhchhiatnate avangin hliamin a awm a, kan khawlohnate avangin vuak thitlinin a awm a; kan thlamuanna tura thununna chu a chungah a tla a; a vuakna vualtea tihdamin kan awm ta a ni. Halleluiah! II. Pathianin khawvel a hmangaih em avangin. Lal Isua chu Kraws-ah khenbehin a awm tih Bible ngeiin min hrilh a (Joh. 3:16). Lal Isua khenbeh anih chhan chu chiang em emin Bible-in min hrilh a. Kum 1962 khan Rangoon khawpuiah Bible Society Committee-ah ka kalve a. Bible Society Bible zawrhna chu Motor kawng a ni a. A chhunga han pen luha hmuh loh theih loh tur hian Bible \awng chi hrang hranga lehlinna tam tak hi an lo dah tlar a, keu sain an dah vek a, an kei lai chu Johana Bung 3 hi a ni a. Bung 3:16-na lai tak chu
13

ROHLU Chu chang chu kan hre \heuh awm e. Pathianin khawvel a hmangaih em em a, chutichuan a Fapa mal neih chhun a pe a, Amah chu tupawh a ring apiang an boral lohva chatuana nun an neih zawk nan tih hi a ni. Bible Society chuan mi zawng zawngin he Bible chang hi hria se an duh a, langsar takin an tilang \hin. Kan thu hmasaah pawh khan Lal Isua hmangaihna Israel mipui leh Jerusalema roreltuten an hriat loh avangin Isua pawh a \ap hial tih kan hmu a. Khawvel pawh hian a hmangaihtu leh ama Fapa meuh pawh petu Pathian hi hria se a duh em em a. Khawvel hi a hmangaih tih leh, khawvel nun nan a Fapa a pek Isua hi hria se a ti ngawih ngawih a ni. KHAWVEL tih hi chi hnihin i han sawi lawk teh ang: a) Leilung khawvel : Mihring ni lo, thilsiam tinrengte hi, van lam boruak leh hervelho arsi te, boruak leh a chhunga cheng te, lei leh a chhunga awm te, lei hnuaia thil awmte pawh- Leilung khawvel kan tih chu a ni a. Hengte pawh hi Pathianin a hmangaih a, duh taka a siam, =ha a tih em em te vek an ni. Amahin a enkawl a, a veng zel a ni. Setanan neih ve phet a tum a, a chuh a, mahse, Pathian kutah a awm. Pathian thil siam hmuh theih leh hmuh theih loh zawng zawng pawh hi Lal Isua tlanna, khawvel pum tlanna (Universal Redemption) hian a huam vek a ni. b) Mihringte min hmangaih: Pathianin khawvel a hmangaih em em a, chutichuan a Fapa mal neih chhun a pe a tih hi keini mihringah, mihring chungah a dik bik ber a. Eden huana thuneihna Pathianin a pek chungah pawh thuneihna a pe a. Thil siam enkawlna chungchangah pawh tun thleng hian mihringin thui tak mawhphurhna kan la nei a ni. Tichuan, mihringte hi min hmangaih em em avangin: Kan bawhchhiatnate avangin hliamin a awm a. Kan khawlohnate avangin vuak thitlinin a awm a,
14

ROHLU III. Pathianin min hmangaih avangin a Fapa min pe a. Bible chhunga thu ziak zawng zawngte hi mahni tana kan hman loh chuan engmah an ni lo va, hlutna an nei lo. Pathianin khawvel hi hmangaih em em mahse, a hmangaih zingah ka telve si loh chuan Pathian hmangaihna chu ka tan hlutna a awm lo. Chuvangin, Pathian hmangaihna zau tak chu a neitu ni ve ngei turin i ngaihven ang u. Sakhuana thil reng reng hi Mizo thufing pakhat Mahni tana chakai khawrh an tih ang hi a ni a. Pathian leh keima inkar thil reng reng ching fel turin keimahni kan pawimawh a. Pathianin a tihtur a ti a, keini pawhin kan tihtur kan tihve a ngai. Pathianin khawvel a hmangaih em em a, chutihchuan a Fapa mal neih chhun a pe tih hi thudik ni mahse, a pawimawh ber chu Keimah hi a hmangaihna dawngtu ka ni ve em? tih hi a ni. Kan sawi tawh angin SAKHUA chu MIMAL THIL a ni tlat. Thupuan ziaktu Upa Johana chuan: Min hmangaiha a thisenin kan sualte lak ata min tlan chhuak a, khua leh tuiah leh a Pathian leh a Pa lama puithiama min siamtu a ti a (Thup. 1:5). Johana chuan Pathianin a hmangaih tih a hria. A va vannei tehlul em! Pathian khua-leh-tuiah a tel tih a hria a, a va lawm dawn tehlul em! Chu mai a ni lo, Pathian tan puithiama siam a nih avangin a va hlim dawn em! Tirhkoh Paula dinhmun en leh ila. Galatia mite hnena lehkha thawnah chuan Pathian Fapa, mi hmangaiha ka aia inpetu tiin a ziak a (Gal.2:20) Pathian nena an inkungkaihnaah a thlamuang a, Pathian Fapa Isuan a hmangaih avangin a aiah thihna tuar turin a inpe tih a hria. Kan sawi tam hman lo. Tirhkoh Paulan a nihna a ziak hi Methodist Kohhran bul \antu zinga Hla phuah thiam Rev. Charles Wesley chuan a chhiar fuh a, May ni 21,1738 Pentikos niah a piang thar a. A piantharna Bible chang chu, Pathian Fapa, min hmangaiha ka aia inpetu...rinnaah chuan ka nung a ni tih hi a ni. Ka aia
15

ROHLU Isuan a ai a awhsak ta a, mi fel a ni ta, thiam chang a ni ta, chhandam a nih a hre ta. A sualnate chuan kalsan vek angin ngaihdam an ni ta a. He hla hi a lo chhuak ta: 1. Aw ka thlarau tho la, I sualna kalsan rawh; Tlanna thisen hlu chu, Ka tan a lo luang ta; Ka aiawh Lal hmaah a ding, Ka hming a kutah a chuang e . 2. Ka hnena awm Lalpan, A tlanna hmangaih thu; Leh a thisen hlu chu , Keimah min pe a ni; Ka tan a thisen a \ha tawk, Hmangaih avanga luang chhuak kha . 3. Hliam nasa tak a tuar, Kalvari tlang chungah; A \awng\ainate chuan, ka tan min ngensak \hin; Ngaidam rawh aw, ngaidam ang che; Tlan tawh suala thih phal suh la. 4. Ka Pathian ka hmu ta, A aw nem chu ka hria; A fa atan min duh, ka hlau tawh tawp lo vang; Kan Pa, mal min sawmsak ang che. Kan sawi thui ta. Pathianin khawvel leh keini mihringte hi min hmangaih em em a. Kan sualna lak ata tumah kan intichhuak thei si lo va, Pathianin min hmangaih vangin kan aia tuar turin a Fapa Isua chu Kraws-a thi turin min pe ta tih hria apiangte chuan heng Hla hi i sa mai teh ang u. Ka Pathian ka hmu ta, A aw nem chu ka hria, A Fa atan min duh, ka hlau

ROHLU THOLEH NUN Upa Lalringliana.

16

Thawhlehna hi a pawimawh hle a, mihringte pawh hi thawhlehna chu awm lo se nun kan nei lo vang. Lal Isua kha thi ringawt se, tholeh ta lo se chuan tumah hi tih nunin kan awm lo vang. Lal Isua khan kan sual a phura, kan nihna zawng zawng ama chungah nghatin a phura Kraws-ah a thihpui ta a, a mihrinna a thih rual khan keini pawh kan thi ve a, chu chu a hnena Baptisma kan channa a ni. Chuvangin a thihnaah Baptisma kan chanin a hnena phum vein kan awm; Pa ropuinain mitthi zinga ta Krista a kaih thawh ang khan, keini pawh nunna tharin kan awm theih nan. A thihna anpuiin amah nen kan inzawm tawh si chuan a thawhlehna an pui pawhin kan inzawm bawk ang. Heng hi hria ila: kan mihring hlui chu a hnenah khenbehin a awm ve ta, sualpu taksa chu tihborala a awm theih nan, tun achinah sual bawiha kan awm lohna turin. Tupawh thi tawh chu sual lakah a chhuak tawh si a. Tin, Krista hnena kan thih ve tawh chuan a hnenah kan nung ve bawk ang tih kan ring a ni. Rom 6:4-8. Tirhkoh thianghlim Paula hian a sawi chiang hlea. A thih rualin thiah min puang a, a thawhleh rualin min tinunga minungah min puang leh ta a ni. Tupawh thi tawh chu sual lakah a chhuak tawh si a. A hnenah kan thih tawh chuan ahnenah kan nung ve bawk ang. In thi tawha in nunna chu Pathianah chuan Krista hnenah thuhrukin a awm si a. Kolosa 3:3-ah pawh Krista ruala tihnun, kaihthawh kan nih thu hi min hrilh chiang em em a. Kan mihring hlui chu a hnena khenbehin a awm a, a kaitho ve tawh lo. Kan hnenah inlarin la che reng mahse Pathianin kan nihnaah a puang tawhlo va, pawn lam mi, midang a nih tawh thu Thlarau Thianghlim zarah min hriattir \hin a ni. Aw le, thihna leh thawhlehna thuah chuan kan chiang viau tawh e. Pathian khawngaihna avangin khawngaihnain
17

ROHLU A duhzawng ti thei hantihah hian thlarau chhandamna tur atan ni lovin kan khualzinna khawvel kan cham chhunga Lal Isuan \awng\ai dan min zirtir anga I duh zawng vana miin an ti angin leia miin ti ve rawh se, a tih anga leiah ngei hian a duh zawng ti thei tura tihnun leh kaihthawh kan ni tih hi kan hriat a pawimawh hle a ni. Tin, a nungte chu anmahni tan an nun tawh loh va, an thih ai thia tholeh a tan chuan an nun tawh zawkna turin a ni, mi zawng zawng thih aiin a thih ni. II Korinth5:15. Thawhlehna hi miin a chian loh chuan ringtu nunah an buai \hin. A chhan chu mihring hlui bawlhlawhna leh Pathian tana tenawm a nih ziaah chiang viauin, Kraws-ah khenbeh tihhlum anih chiang viau mahse thawhlehnaa an chian loh chuan engmah ti thei lo an tih an chet apiang mihring hlui la ni angin Setanan a hriattira engmah ti thei lo ni hian an inhre tlat a. Mi rawngbawl leh Pathian fak leh \awng\ai te pawh hi tisa mihring hlui ziaa Pathian tihlawm tuma vankai nana ti vak angin an hmu \hin. Mi thawhlehna nuna a chian phawt chuan a tam thei ang bera rawngbawl leh Pathian fak leh chawimawi leh thilpekte Bible chhiar te a thawhpui ngei ngei \hin a. Thawk tam viau mahse a inchhuang ngai lo va, a tihtirtu leh a thawktu chu Pathian a ni. Paulan amah a insawi angin, Ka hnena khawngaihna awm hian a thawk a ni an ti \hin. Thihnaah chauh chiang lova thawhlehnaa kan chian tel a va pawimawh em. Thawhlehnaa kan harh chhuah leh hi a \ul tak meuh a ni. Chuti lo chuan kaihthawh tih nunna chang si hian minung engmah tithei lo leh khawngaihna sawtpui lotu kan ni reng dawn a ni. Johana hnena Isua Krista thupuan chhuah bung 2-ah khan kohhran 7 tirhkohte hnena a thuchah kan en chuan fak selna a nei hlawma. Bung 2:6-ah khan Ephesi kohhranho pawl tirhkoh hnenah , Nimahsela, hei hi i tih \hat chu a ni, Nikola-ho til tihte
18

ROHLU

tia thlarau chhandamna a thlawna kan chan chauh hi kan duhtawk \hin. Chu chuan Balaama zirtirna te, Jezebeli zirtirnaah te a hnuk lut \hin. An inzirtirna pawh hi taksaa Pathian lawmzawng tih te hlam chhiahin inngaihnaah te, nun inthlahdahnaah an lut thuai \hin. Hengte leh Gnostic zirtirna te hi in hrul khat vek a ni. Heng hi thawhlehnaa chian tawk loh vang a ni. Thawhlehna nunah chuan Krista nena inpumkhat nun a nih tawh avangin mihring hlui a ni tawh lova, mihring thar a ni tawh a. A chhunga Krista nun chuan Pathian duhzawng leh lawm zawngte ti turin a thawk \hin a. Ama lawm zawng atana tih tum tur leh bei tura nangmahnia thawktu chu Pathian a ni si a. Phil.2:13. Paula bawk hian min hrilh chiang thei khawp mai. Tihnun i nih tawha, kaihthawh i nih tawh chuan mihring thar i nih tawh avangin nangmaha Pathian lawm zawng tih i tumna te, bei tura thawh i chakna te kha a thawktu chu Pathian a ni. Mihring hlui a ni lo. Thlarau chuan i ban varah a kai dawn lo che, i hmui a keu sak dawn lo che. I rilru thlarauvah a lawm zawng tih duhna leh tihchakna in a thawk a chu mi thu ang zela i thawhchhuah veleh sual hnathawh mihring hlui zia nangmaha rawn thawk ve \hin kha tih mualphovin a awm zel ang. Engvang nge a thlawna min tihnuna min kaihthawh? Kan taksa ngeia a duhzawng kan tih a, kan ka ngeia kan faka kan chawimawi nan leh a thiltih theihna leh thilmak a tihte lan chhuah nan te, a hmangaihna fak tlak a nihzia lantir nan te, kan taksa ngei hi a in atan a hmang a ni. Taksa ngeia kan tih hian pawimawhna nei lova, thlarau
19

ROHLU

ROHLU

thingrah lova a ka ngeia a ei avang khan Thlarau thihna a thlen lovang. Bawhchhiatna avanga thi kan nihna ata min tinunga, min kaithova nun thar kan neih tawh hnuah chuan kan taksa ngei hi van kai tur ni lo mahse, a chennan a hman tawh avangin bawhchhiat hma nun anga thlarau rilru taksa ngei hi tithianghlim zel turin keimahniah hian a thawk reng a ni. Thawhlehna nunah chuan mihring tisa mizia leh a duh zawngte kalsan zel duhnain a thawka, thianghlim zelnaah a \hang lian zel \hin. Chu mi min tihtirtu leh ch^kna min neih tirtu chu Pathian a ni. Unau duhtak engmah ti thei lo angin mihring hlui kha inbawihtir tawh suh. Engmah tithei lo Pathian lawmzawng ti thei lo kha chu mihring hlui a ni a, khenbeh tihhlum a ni tawh. Chuvangin mihring thar thutak felna leh thianghlimnaa Pathian anga siam khan inthuam bawk ula Eph. 4:24 tiin Paula bawkin min hrilh a ni. Thuthlung Thar bua Tirhkohte thiltih a\anga lehkhathawn zawng zawngah hian mihring hlui chu khenbeh , tihhlum anih tawh thu leh chumi hnua min tihnuna min kaihthawha mihring thar a tih tena kan tih tur leh tih loh tur hlirin a khata. Mi piangthar Pathian fa i nih tawh chuan van kai nun i nei tawh a, van kai nan i tih , i thawh a ngai lo va leiah ngei hian i taksa ngei kha Pathian duh zawng leh lawm zawng ti tura kaihthawh, tih nun i ni e.Chungte ti tur leh tih chakna neihtirtu che nangmaha thawktu chu Pathian a ni si a. Chu chu thawhlehna nun changtu te awm dan chu a ni e. Lalpan a thute malsawm rawh se.

MITTHI ZING ATA A THO LEH TA A NI Pi Zoramsangi Chanmari w Chang innghahna : Tin, kal thuai ula, a zirtirte hnenah, Mitthi zing ata a tho leh ta a ni tiin hrilh rawh u (Mat.28:7) Thuhma : Jerusalem khawpuia mikhual tam hun lai ber Kalhlen Kut thlen dawnah Lal Isua chu Lal angin ropui taka chawimawi chungin Jerusalem-ah a lut a. A dam chhunga chawimawina a tawn ropui ber a ni. Mahse, chuta \anga rei lo teah mi sual ber thihna hmunah khenbehin a awm ta. An phum ta. A nu Mari te, a zirtirte rilru a va na dawn em! An tih theih tawk a ruang hriak hnawih turin zingah an kal ta. Engmah beisei an nei lo. Isua taksa \awih ral mai tur chunga an hmangaihna hriak hnawih chauh tum an nei a. Thlan an va thleng a, thlan chhinna lung chu lum sawnin an hmu a, a chhungah an lut a, Isua ruang an hmu si lo, an rilru a va na dawn em! Mahse, rang takin an bulah vantirhkoh an lo ding a, an hnenah, Engatinge mitthi zinga mi nung in zawn? Hetah a awm tawh lo ve, a tho leh ta tiin an hrilh ta a. Mari teho leh a zirtirte an va lawm dawn tehlul em! 1. Isua thawhlehna hi Chanchin Tha bul a ni: Lal Isua mihringa a lo pian zan khan vantirhkoh leh an vela eng ropui tak an hmuh vanga beram vengtuten an hlauh em em lai khan Hlau suh ulang ngai rawh u, mi tin ta tur chanchin \ha lawmawm em em ka rawn thlen 21 che u a ni tiin Lal Isua pian thu an rawn puang a. Hei hi

20

ROHLU

ROHLU

Chanchin Tha pianna bul pakhat a ni. Amaherawhchu, harsatna tinreng leh kan tana thil \ul tinreng a tih zawh hnuah, Kraws chung a\angin A KIN TA a ti a, a thlarau a thlah ta a. Lehlinna thar hian A KIM TA tiin an dah a, A awmzia chu Tih zawh a ni ta tihna a ni. Lal Isua rawngbawlna, a tihtur thil \ul zawng zawngte chu tih KIM vek a ni tawh a. Tih zawh vek a ni ta. Chuvangin Thihna ata, thlan chhung ata, mitthi zing ata, mitthi khua (seoul) ata a thoh lehna hi Lal Isua tlanna hnathawh tihfamkimna a ni. Chanchin \ha \obul leh chanchin \ha thlen famkimna a ni. II. Tholeh Isua chuan Ngai teh, thil engkim ka siam thar e a ti a. Lal Isua pawh hi Genesis 1-2 leh Johana 1 chhunga kan hmuh angin thil engkim siamtu zinga mi a ni ve a. Mahse, mihring tlukna avangin chhandamna kawng siam thar a ngai ta a. Sual vanga mihring thihna tihnun a ngai a, sual vanga Pathian nen in\hen tawh chu inremtir leh a ngai bawk a. Pathian leh mihring inkara buaina awm zawng zawngte chu tifel turin amah Isua Krista chu a inhlan ta a. A thawk zo ta a. Chuvangin, Ngai teh thil engkim ka siam thar e tiin a au chhuak ta a. Chu chu hriain Tirhkoh Paula chuan Tupawh Krista Isuaa an awm chuan thil siam thar an lo ni a, thil hluite chu an ral ta a, ngai teh u, an lo thar ta tiin min hrilh a ni (2 Kor. 5:17). Kristaah chuan thil siam thar kan lo ni ta. Halleluiah! III. Lal Isuan Thlamuang takin awm rawh u, KEIIN khawvel ka ngam ta a ti a (Joh. 16:33). Lal Isua chuan thlemna leh sual thil tihtheihna zawng zawng,
22

Chutichuan, Isua Krista chuan sual rah thihna chu Hnehin a tho leh ta a. Chu hnehna ngei chuan mihring tharah min siam ve a, chuvangin khawvelah hian hrehawmin awm \hin mah ila, thlamuang taka awm turin min hrilh ve ta bawk a. Krista thawhlehna avangin keini pawh kan tho ve leh dawn a. Amah ngeiin, Kei ka nun avangin nangni pawh in nung ve ang tiin min hrilh a, tin kei hi thawhlehna leh nunna chu ka ni tupawh mi ring chu kumkhuain a thi lo vang tiin min hrilh zel a ni. Isua thawhlehna chuan lungngaihna zawng zawng a kiantir a, Amah ngaitu apiangte hnenah nungin a inlantir fo \hin a, amah ngaitute hnenah chuan In chungah thlamuanna awm rawh se tiin a thlamuan \hin. Lalpa chu a tho leh tak zet a ni, Simona hnenah pawh a inlar ta! Tho leh Lalpa chu fakin awm rawh se! Amen.

THURIL
* Hmingthatna hi mi tumruh tan chuan tuihal tana chi tui ang a ni a, a neih tam poh leh a mamawh tam mai a ni.- Ebers * Ngaihnobeina hi hmeichhe tan chakna a ni a, chakna hi mipa tan ngaihnobeina a ni -Havelock Ellis * An hmel thatna avangin thianah ka thlang a, an mize thatna avangin hmelhriat atan ka thlang a, an fin avangin ka hmelmaah ka thlang a. Tumah mahni hmelma thlang fimkhur lituk thei an awm lo - Oscar Wilde * Hmanlai thu sawi hi ngaihtuah teh, ka va inkhawngaih em, ke nei lo ka hmuh hma chu pheikhawk ka nei ve dawn si lova tih hi. Malsawmna i dawn zawng zawngte kha thu
23