An Official Organ of The Bangalore Mizo Association Registered Under Societies Act of Karnataka No.

: BLU-S188-2007-08 Date 7 May 2007

Vol. XVIII Issue No.28 Bangalore Mizo Association Pathian Nitin Chhuak Chanchinbu Date: 21st Oct., 2012 Phek Khatna

BMA AW

TUALCHHUNG
$$ Nl. Blessy Sailo accident BMA Financial Secretary Nl. Blessy Sailo chu MSA President nen Mysore Mizo zirlaite tlawha an zinnaah, ruahsur kawngpuia tuihawk tling nasa avangin, a car khalhin kawng daidanna (road divider) an su a. Hliam na tak a tawrh avangin Mysore-a enkawl a nih hnuin, niminpiah khan Bangalore an rawn let a. Nl. Blessy dam thuai theih nan tawngtaipui ang u. $$ Mark Lalmuanzuala dam lo BMA member, Tv. Mark Lalmuanzuala 3rd year BBM, Krupanidhi College-a zirlai chu October ni 11 khan pumna vangin damdawi inah a dah a ni a. Tv. Mark-a dam zel nan I tawngtaipui ang u. $$ Tv. Achhana u boral Nl. Malsawmsangi Khiangte, Aizawl chanmari chu, October ni 19, zirtawp zing khan Typhoid avangin a boral a. Nl Mali hi kan member Tv. Lalchhantluanga, Kristu Jayanti College-a zirlai u. a ni a. A u ruang nang turin Achhana pawn Aizawl a haw. $$ BMA Exe. Com. Meeting Tahrikni 20, October 2012 inrin ni tlai dar thum khan BMA Executive Committee meeting vawi 5-na, Rev. R. Lalthanmawia, Sr. Adviser-te chenna inah neih a ni. BMA member-te hriattur tul phek dangah tarlan a ni. $$ BMA Directory lei theih BMCF leh BMK inkhawm banah BMA Directory 2012-12 bu khat Rs. 50/-a lei theih a ni ta e. Lei chur chur mai ang aw.

VANGPUI KUT-THLIRLETNA
KAN HLAWHTLING, HMASAWNNA TUR ERAWH A TAM
BMA Executive Committee Meeting vawi 5-na chuan Vangpui Kut-Sport Day, Vangpui Kut Ni leh Cultural Exchange Nite kan hman dan a thlirlet a. Hmasawnna tur leh hmabak kan neih te sawi ho a ni. i. Vangpui Kuta, Vangpui Kut Sport ni hrana kan hman thin hi, khelmual hmuh a harsat bakah member kan kal that loh thin avangin chhunzawm zel chiah kan ngai lo va. Committee thultlukna leh remchang zawk a nih chuan indoor games (Chinese checker, Table Tennis, Badminton, etc) neih thin ni zawk se. Vangpui kut ni hian chawhma lama Mizo infiamna hrang hrang - inbanelh, insuknawr, inhruipawh, arpa-insual, inkawibah, ldt neih ni se; chawhnu lamah cultural items inzaisiak, debate leh item danga inelna neih thin ni se. iii. Kumin Vangpui Kut lawmnaa ruai kan theh lo kha member tam tak tan a hrilhhaithlak a. Vangpui kut-ah hian ruaitheh thin ngei ni se. iv. BMA thiltih reng rengah sumtuak nan eitur zuar thin ten hlep tam lutuk tum avanga ei leh in man to uchuak a zawrh tawh loh ni se. v. Cultural Nite emaw programme liantham dang huaihawt dawn reng rengin Vangpui Kut nena hman kawp tawh loh ni se. vii. Vangpui Kut Cultural Exchange Nite Stage arrangement a tha a, programme pawh a tihlung. Amaherawhchu, mimalin chanvo an chelh tam lutuk khan programme kallai erawh a tihkhaihlak deuh niin a lang, chanvo insemzai thin tawh ni se. viii. BMA thiltih apainga a hun taka programme kan tan thei lo ziah hi a ngaihmawhawm. Cultural Exchane Nite-e VIP thlen tawh hnua programme kan tan thei lo ang kha awm tawh lo hram se. ix. Usher/receptionist-te training tha taka pek thin ni se. x. Sum senga Mizoram atanga Cultural troupe chah ai chuan, BMA section then hrang hrang ten mizo lam entir thin se. Lam turte mamawh cultural dress pawh a tul anga lei mai a, member-te veivahna man pawh BMA hian tumsak thin se. xi. Programme hman laia mipui lut-chhuak tam lutuk hi inzirtirna leh infuihna tam zawk neih thin ni se. xii. BMA hruaitu inthlan zawh vel leh, BMA & MSA joint committee meeting koh thin ni se. Hei hian BMA leh MSA hmalakna kawng hrang hrang taka thliar felin, inhretawna hmalak thin ni se.

Editors Note: A chunga fakselna leh thurawn kan tarlan te hi, Vangpui Kut kan hman zawh taka mawhphurtute demna leh selna lam ni lovin, hma kan sawn zel theih zawkna tur tih a ni e.

Vol. XVIII Issue No. 28 Bangalore Mizo Association Pathianni Nitin Chhuak Chanchinbu Date: 21st Oct., 2012 Phek Hnihna
Editor Dr. Lalhmingmuana Sailo Joint Editors Tv. Lalmuanzuala Tv. MC Zirsangzela Circulation Managers Nl. R. Lalnuntluangi Nl. Laltlankimi Hmar Tv. Samuel Khawlhring Nl. Vanlalnghaki BMA AW lak man: Thla khat Rs.20 Thla thum Rs.50 Thla ruk Rs.90 Thla sawmpahnih Rs.180

Defamation Case A File A

K. Remruatfela KLE College Defamation awmzia leh nihphung diktak hi Zofaten kan hmelhriat tan ve ta viau a. Mi chinchang hre zawk leh challang zawkte phei chuan mahni dikna leh zahawmna humhimna kulhbing sang takah an hmang tan ta. Hetihlai hian a mi nawlpui chuan hman tangkai ngaihna vak kan la hre tawk lo niin a hriat a. Kan Pathian leh kan ram danpui (Art. 14) in thlei bik ram neih a phal si lo. Chuvangin, kan zavaia kan hriat tlan theih nan i rawn sawizau law law mai teh ang aw Defamation chungchang hi thil tisualtute hremna dan inziahna, IPC an tih mai, Indian Penal Code Sec. 499 - 502 naah a chuang a. Tupawhin thuin emaw, tawngkain emaw, chhiar tur chiin emaw, zaizirin emaw, hmuh theiha a lem siam emaw, ziaka tlangzarhna hmangin emaw, midang leh mi chutiang puhna siama tihchhiat tum a nih a, chu puhchhiatna chuang a hming mawina tichhe thei ngei tura ringa chutianga ti a nih chauh loh chuan, chutianga inpuh chhiat tumna chite chu inpuhchhiatna Defamation tih a ni. IPC Sec 499 ah hian Defamation awmzia hi chi 4-ah thenin a hrilhfiah a. Chungte chu (i) Mitthi tawh puh hmingchhiatna (ii) Company emaw a pawl anga puh hmingchhiatna (iii) Elsen emaw ngaihmelh theih zawnga intihhmingchhiatna. (iv) Inpuhhmingchhiat theih lohna a hrilhfiah thung a. Chu chu mi a tihchhiata tuma a puhna a neih khan chumi a tih tumin engah mah a ngaih loh a, a nunphung, a chezia leh khawsk phung leh miin an ngaihdan sawhsawnaa an puh a, chung an rinna an pek a tihdanglam leh chuan intihhmingchhiatna defamation a ni lo. He a hrilhfiahna palina hi zau zawkin han luhchilh ila. Mi diklo ni-a kan puh dawn a nih reng reng chuan a hmain inkamlawkna kan nei vek tur a ni a. Chutiang thil kan nei sa thlap a nih chuan Sec 4 in a hrilhfiah angin inpuhhmingchhiatna a tling lo va. Defamation case file theih a ni hek lo. A mal mala sawifiah han tum ila : (i) Thudik tak tanchhan a nihin (ii) Sawrkar hnathawkte thil tih dikloh hailanna a nihin (iii) Vantlang thatna tura ti a nihin (iv) Court thutlukna a nihin (v) Court thutluknaa lungawilohna emaw, Justice zawnna a nihin leh (vi) Rorelna dik awm theihna tur a nihin.
Heng a chunga exception kan tarlan takte tanchhana hmanga sawichhuak emaw tarchhuak a nih chuan eng ang pawhin mi zahawmna ti bawrhbang pawh ni mah se, inpuhhmingchhiatna anga ngaih a ni lo va, dan tlawhchhan pawha hrem theih a ni hek lo. Amaherawhchu, chutiang ni lo dawt thu leng vel leh rin thil thu mai mai hmanga mi chunga mualphona thlen a nih vaih chuan danin thu delhkilh lian deuhah a ngai thung a. IPC Sec 500 naah phei chuan chutianga diklo taka mi puhtute chu kum 2 thlenga tantir theihna emaw leh lei chawi tir theihna emaw, a pahniha hremna emaw hmanga hrem tur a ni tiin thutlukna a siam rup mai. Chuti a nih vangin, mi chhiatna lai hi a taka finfiahna kan nei te a nih ngawt loh chuan kan sawi ve mai mai tur a ni lo. A chhan chu thil hotea langah Jail bang kan zut ve hlauh dah ang e (Fela, thuziak hlu tak min pek a, kan lawm e. Han ziak zel teh. Editor.)

E-mail: bmanews@gmail.com Website: www.bangaloremizo.info

Xw||t
Chhiartu duhawm tak te, Kan ti nek nek a, hriat loh karin khuangchawi thla chawhnu lam kan lo thleng leh ta reng mai. In zirna/hnathawhna leh eizawnna kawng theuhah Pathian awmpuina changa nitin hun duhawm tak in hman zel Editorial Board chuan kan duhsak a che u. BMA AW pawh phuailuai taka chhuah chhunzawm zel a la ni a. A buaipuitute pawh zirlai leh hnathawk te vek kan nih avangin duhthu a sam lohna tam tak a awm ngeiin kan ring. BMA AW-a kan AWzinga tarlan zinga tullo leh tangkai lem lo te a lo awm palh a nih chuan khawngaihin memberEditorial board member-te hrilh thin ni se. se Tin, thurawn pek duh emaw, thu leh hla belh duh kana wm a nih pawn, engtiklai pawn Editorial board kan inring reng e. BMA hmalakna kawng hrang hrang te tihhlawhtlin tawh a awmin, hmabak leh hmachhawp tam tak a la awm a. Member-te tana tangkai zawka hma kan lak theih dan kawng emaw a awm a nih pawn, inthlahrung lo vin hruaitute finchhuah zel I tum ang u. Fiamthu thawha kan nuih ho dar dar chang te, thahnem kan ngaih avanga inzilhhau chang te a awm thin. Englekhawle, BMA chak taka kal theih nan Bangalore Mizo te tanrualna chauh a tawk a ni tih I hre nawn fo ang u. Karthar hman nuam vek u

Vol. XVIII Issue No. 28 Bangalore Mizo Association Pathianni Nitin Chhuak Chanchinbu Date: 21st Oct., 2012 Phek Thumna

Lawrkhawm
## Unau insat Tunkar thawhtanni, october ni 15 khan Lalrammawia, Keifang, Mel Veng chuan Rawpuichhip a cheng, a U Lalremmawia na takin a sat hliam a. Remmawia hi Aizawl Civil Hospital-ah enkawl zui mek a ni. Lalrammawia leh Remmawia te hi unau pianghmun an ni a. Rammawia hian West Phaileng atanga a haw lamin Rawpuichhipa awm, a u Remmawia te nupa ramriak a tlawh haw a. Tlaia zanriah an ei laiin an unau hi an inhnial buai a, a naupang zawk Rammawia hian a u Remmawia chu kut a thlak ta mai niin thudawnna chuan a sawi. (Source: Buannel.com)
## Kut tawrh vangin boral

Chhungkaw Chanchin
$$ Chhinlung Magazine 2012-2013 BMA Executive Committee vawi 5-na chuan Chhinlung Magazine (2012-2013) Editorial Board a hnuaia mi te hi a ruat. Editor-in-Chief: Rev. H. Lalthlamuana Editor: Tv. Henry Lalmuanzuala Bawitlung Tv. Vanlalpeka Dr. Lalhmingmuana Sailo Tv. Lalhriatkima Chenkual Ex-officio: Pi Lalrinpuii, President Nl. Jenny Vanlalpari, Treasurer Thuthlurbing: Zofate leh Tunlai khawvel Executive committee chuan Chhinlung magazine Editorial Board member-te hi a hma thei ang bera meeting neia hma la turin a ngen a. Rawtna leh hmalakna, thupui then hrang hrang te leh magazine tana tul atan an hmalakna te BMA executive committee meeting hnenah thlen tura beisei an ni. Chhinlung magazine hi January 2013 ral hma ngeia tlangzarh thei turin Executive committee chuan Editorial board te a ngen bawk. $$ BMA AW Editorial Board thar Executive committee chuan BMA AW Editorial Board (October December) thar a ruat a. Tahrik ni 21, October 2012 atang mawhphurhna la nghal turin Editorial Board tharte hi ngen nghal an ni. Editor: Jt. Editors: Dr. Lalhmingmuana Sailo Tv. Lalmuanzuala Tv. M.C. Zirsangzela Cir. Managers: Nl. R. Lalnuntluangi Nl. Laltlankimi Hmar Tv. Samuel Khawlhring Nl. Vanlalnghaki $$ Rs. 6,199/- kan hlep Kumin Vangpui Kut denchhena Lucky Ticket kan buatsaih atangin Rs. 6,199/- kan hlep! Thahnemngai taka Lucky ticket zuara, min leisaktu te zawng zawng chungah BMA chuan lawmthu a sawiin, lawmman dawngtu te kan lawmpui e. $$ Directory zuartute BMA Directory zuar turin BMK inkhawmnaah Tv. Samuel Khawlhring leh Nl. Vanlalnghaki te ruat niin, BMCF inkhawmnaah Nl. Laltlankimi Hmar leh Nl. Marie Bawitlung te ruat an ni.

Chawngte ICDS-a chowkidar, V Lalramlawma (46) s/o Laiawrha, Tuithiang Veng, Aizawl chu Chawngte-ah hliam tuarin, ningani zing dar 3:30 khan Lunglei Civil Hospital-ah a thi. Thu dawn danin, V Lalramlawma hi October 17 zing dar 2:45 velah Kalamanagar III-ah Shanti Bighas Chakma, SSA Teacher inah a lut a, turhveh atanga lutin in neitute mutna thosiln a keu chu SB Chakma chuan vawi 2/1 a lo hnek niin SB Chakma chuan a sawi a; V lalramlawma chu a tlu a, a tluk pahin tukverh biang a tauh niin a sawi bawk. Hetiang thil a thlen hnu hian SB Chakma te chhungkua chuan thenawm punin, police an hriattir a; V Lalramlawma chu a thiante'n buaipui zuiin, Chawngte damdawi-inah an hruai a, a harh theih loh avangin Lunglei Civil Hospital an panpui a, Lunglei Civil Hospital-ah nimin zing dar 3:30 khan a thi a ni. V Lalramlawma ruang hi Ningani zing vek khan Lunglei Civil Hospital-a postmortem a nih hnu-ah Tuithiang, Aizawla vui tura phurh a ni. (Source: Vanglaini.org) ## Mizoram Chief Secretary thar Mizo hmeichhe zinga Chief Secretary ni hmasa ber leh a awm chhun, Pi L.Tochhawng chuan a hna thar a zawm ta. Mizo hmeichhe tihmingthatu a ni. Pi L.Tochhawng, IAS hi 1979 batch a ni a, a IAS result leh MA result hi a rualin a chhuak a, Mizoram leh ram chhung hmun dangah hna pawimawh tak tak thawk kualin Mizoram leh state danga a awm hi a inzat thuak a ni. (Source: The Zozamtimes.com)

Vol. XVIII Issue No.28 Bangalore Mizo Association Pathianni Tin Chhuak Chanchinbu Date: 21st October. 2012 Phek Lina

Thaikawibawngte
(BMA hmangaihtute thuthawn, lakkhawm a ni e. Jt. Ed) BMA Vangpui Kut Souvenir min lo thawn kha ka lo hmu a. Ka lawm e. Chuan thlalak-ah te khan in lang tha hlawm sia, Vangpui Kut te kha lo tel ve a chakawm khawp mai :) - Nl. Casey Lalramchuani, Guwahati Lore khawpuia ka lenrual (hlui ka la ti phal lo) te kha in dam tlang em? Ka ngai thei vawng vawng khawp mai che u. Vangpui Kut Champion "Lalsangzuali Sailo" section te ka lawmpui a che u, champion team kha kan ni ve tlat reng a ni ;-) Mizo Nite hlawhtling tak kan nei leh thei te kha a ropui ka lo tiin, ka chhuang hle a che u. Hruaitute Lalpan finna leh remhriatna pe zel che u rawh se. Khawtlang nuam tak a nih zel theih nan hma lo la sauh sauh teh u khai. BMA Dam reng rawh se ! - Nl. Thaarie Hnamte, Jonai BMA Chibai. Thuk takah BMA nen ka lo inthlun zawm tawh avangin BMA tana tih theih ka neih apiang hi hlim takin ka ti zel a ni tih min lo hriatpui zawk ula. Lawmthu sawi ngai ka ti lova, mahse, in ti lawmawm thlawt e. BMA mawlh kha dam reng rawh se. - Pu R.L. Rinawma.IRS, Aizawl (Vangpui Kut Section Champion Trophy min tumsak avanga lawmthu kan hrilh, min chhanna a ni e.)

Lore Khawpui Titi!

(Chawngkhum Dan Tlang Huat loh)
Hmmm Bangalore senior ho kha han che leh teh u. A-biling abalngin ka'n lam leh teh ang in lawm em mai haha. Maria, Lily leh Jenny chuan a-biling a-balang tih hi a awmzia engnge an ti leh huuu ang chu..hehehe - Nl. Azaii Hnamte, Chair-dancer Hahahaa... Ku Zaimami chu leh, va han phur fal em em ve... Nl. Lr Ralte, Accused Witness. Kei chu postmaster hna thawktu mai ka ni e. - Tv. Johnson, Postman Hmuh theih chinah khian amah chiah khi thuthlenga lam awm chhun. Kawthaloa luak deuh barh barhna tham chu ni ve nih khi lee :-) - Nl. Maria, Photographer Tu lamah mah ka tang lo... Mahse, he post hi chu a dik vek tih erawh ka sawi ngam. Thutthleng khi a chhe tep, a chhe lo ta hram a ni...hehehe - Pi Lily, Chair-holder

Post of the Week

(Bangalore Mizo Association, Facebook Group)
Vangpui Kut lawmnaah meuh pawh BMA hla 'Bana chelh reng mai ka nuam e' tih hla kha kan sa ngai ta meuh lo va. Heti a nih chuan lo awm thar zawk ten kan BMA hla thluk leh thu mawi tak mai kha an sa thiam lo hlen ta mai dawn. Hawh u, i sa uar tan leh teh ang u... - Post-tu: Tv. Fela Ayala