BMA AW

An Official Organ of The Bangalore Mizo Association Registered Under Societies Act of Karnataka No.: BLU-S188-2007-08 Date 7 May 2007
Vol. XVIII Issue No.34 Bangalore Mizo Association Pathian Nitin Chhuak Chanchinbu Date: 2nd Dec., 2012 Phek Khatna

TUALCHHUNG
## President Mizoramah BMA President, Pi Lalrinpuii te chhungkua chu, an fanu Nl. Malsawmzuali pasal nei tur buaipuiin November ni 27, thawhlehni zing khan Aizawl an pan. Tluang taka inneihna hun hmanga Bangalore-a rawn let leh turin duhsakna kan hlan e. ## Pu Hriata a pem dawn ta Bangalore Mizo te tana mi tangkai leh BMA Senior Adviser nihna chelh tawhtu, Pu Lalhriatrenga Chhangte chuan a hnathawhna avangin vawiin 2 hian a hnathawhna tur Odisha khawpui Bhubaneshwar a pan dawn ta. Ram tana theihtawp chhuaha, Mizo officer tangkai ni zel turin duhsakna kan hlan e. ## Thatha a dam lo BMA executive committee member Tv. LH Thatha Baldwin Methodist College-a BCA (final year) zirlai chu kar hmasa atangin a dam tha lo va. Thawhlehni khan Banglore Baptist Hospital, Hebbal-ah a inentirin, a chuap (lung) ah tui a awm tih hriat a ni. Thatha-a i tawngtaipui ang u. ## Blessy Sailo Aizawlah BMA Fin. Secretary, Nl. Blessy Sailo pawh, chawlh hmangin Aizawlah a awm mek a. Krismas hmain Bangalore a lo let leh ang. ## BMA Directory & Regn. BMA Directory 2012-2013 lei tur a la awm. Tin, BMA member registration tih theih reng a ni bawk e. Chhiatni-thatnia kan inhriatawnna a nih avangin, I ngaipawimawh theuh ang u.

BMA BMA Hruaitute

BMA AW chhuak hmasaa kan tarlan tawh angin BMA hruaitute chanchin tawi chhiar chhunzawm ila. Vawiina in chhiar tur hi in hriat sa tam tak a nih kan ring. Sap thufingin Old wine in a new bottle an tih thin kha maw le. Hriat tawhsa atang hian hriat tur tha dang a la awm mai thei. Editor

Asst. Secretary: Tv. Johnson D Thianga

Bangalore tlangval pakhat hming: Johnson-a tih hriat phata rilrua Bangalore Mizo thlalak lo lang ringawt thin hian, Bangalore Mizo te zingatlangval mikhual lem lo tak kan sawi tihna a ni awm e. Pian leh murna: Johnson-a hi kum engemaw zat ral tawhah khan Mission Veng Aizawl-ah a piang a. A pa hnathawh avangin kum 1993-1998 khan Lungleiah an cheng thung a. Kum 2005 atangin Bangalore-ah a awm tan a ni. Zirna lamtluang: Kum 2005 khan St. pauls higher secondary school atangin pawl 12 a zo va. Kum 2005-2009 chhungin University of Visveswaraya College of Engineering (UVCE) atangin Mechanical Engeneering zo a ni. Hnathawhna: Bharat Electronics Ltd, Govt of India Enterprise, Ministry of Defense-ah production engineer hna a chelh mek a ni. Hobbies: Photography (a bik takin Bangalore-a Mizo thil kan tihna thla lo lak kual mai mai), phur chang changa inkhelh, TV en paha mut (TV enlai a mutthilhsan fo) leh eirawngbawl (Mizo nula tan hetiang bak baka tlangval duhthusam hi a awm dawn em ni? ). Tin music a ngaina hle a, a bik takin hmanlai heavy metal ho khan, a lung a la kuai ber (Bike a khalh chak poh leh Music a duh heavy a ni awm e). Kohhran leh Khawtlang: Johnson-a hi kum 2012-13 chhunga BMA Asst Secretary ni lai niin, Vangpui Kut Cultural Exchange Nite2012 Org Secretary a ni bawk. BMCF atan mi tangkai tak a ni a. BMCF Thalai Pawl Secretary, BMCF Ex Committee Member, Music Sub-committee, Member, BMCF leh BMCF Area 4 leader nihna a chelh mek bawk. Hetianga Kohhran leh khawtlang tana tlangval fel kan nei hi Bangalore Mizo te kan nihlawh hle a ni. Bangalore Mizo te tana thuchah: Kan nuna Pathian kan dah hmasak ber hi chuan engmah thil dik lo tak tak a awm thei lo. A chang chuan "Stay hungry, stay foolish" zeuh zeuh te hi a tha ve a nia. .

Vol. XVIII Issue No. 34 Bangalore Mizo Association Pathianni Nitin Chhuak Chanchinbu Date: 2nd Dec., 2012 Phek Hnihna
Editor Dr. Lalhmingmuana Sailo Joint Editors Tv. Lalmuanzuala Tv. MC Zirsangzela Circulation Managers Nl. R. Lalnuntluangi Nl. Laltlankimi Hmar Tv. Samuel Khawlhring Nl. Vanlalnghaki BMA AW lak man: Thla khat Rs.20 Thla thum Rs.50 Thla ruk Rs.90 Thla sawmpahnih Rs.180

KEI LEH HE BANGALORE HI...

Hriata Chhangte

Kar leh sunday (2/12/2012) tlai chu, Pathianin rem a tih chuan he India ram khawpui fawr ber pawla ngaih, Bangalore (ka ti Luru peih vel lo, kei chuan) chu chhuahsan hlen tawh turin Orrisa (hei pawh an lo ti ODISHA leh pek tawh a) khawpui, an Aizawl ve Bhubhaneswar khawpuiah ka e ve tan tawh tak tak dawn a ni. Kum 1986, May thla vel khan, Indian School of Mines, Dhanbad a B.Tech (Mining Engg.) VI semester kan zirlaiin Industrial training nei turin Kolar Gold Fields ah kan kal a. Chumi tum chuan zan khat Bangalore ah hian kan cham a, City railway station hnai vai ah sawn kan thleng niin ka hria. Chumi zan khat lek kan cham chhung pawh chuan Rex Cinema, Brigade road hi kan va thleng hman pek a. Chumi cinema hall bul vela nula RX 100 rawn khalh ka hmuh atang khan. Uaiiii ...hei chu India ram hmun danga vai khawpui a anglo tawp mai, an hmeichhe ho an free hmel tlat..., ka lo ti tawh pang a. Ka mumang lam pawh a ka la man ngai loh, ka tawngtaina lamah pawh ka dil ngai hek loh thil chu rawn thleng chho mawp mawp zelin, kum 24 a ral leh meuh chuan...September, ni 13, 2010 chuan Guwahati lam atangin Bangalore lama ka hnathawh (new posting) chu zawm turin ka thleng thla ve rup ta kha a nia. Bangalore hi India rama electric eng chhit hmasakna ber a ni phawt. Chu pawh, Kolar Gold Fields a an rangkachak khur an han laih/luh thuk tak deuh deuh khan eng (electric) an mamawh avangin British ho khan Diesel Generator hmangin an han tan thawr mai a ni awm e. Tin, Asia ram ang pawha pubs/discos/bars etc tamna ber tia sawi a ni awm e. Sik leh sa (climate) thu ah natural air conditioned city an ti thin.. rizai a sin kum tluan theih a ni. Pensioners' paradise tih hial khawp a khawpui nuam, thengthaw leh park/garden tam anih avangin City of Gardens tih ani reng. Chu chu ka awm chhung hian City of Garbages (IT lam a GIGO an tih Garbage In Garbage Out tihna erawh ni lo vin) ah an chan tir mek a ni. Bangalore has become Patna and Patna has become Bangalore an ti fiamthu zui mek bawk. Thing phun an uar leh an maintain tha hian he khawpui hi a ti nuam ngang mai. Khawimaw lai, traffic tlemna lai deuhva bike/motor han khalh vang vang chang pawh hian chung thing buk, kawngpui sir tawn tawn a lo ding khup hnuai hlimah meuh chuan lo faifuk rut rut palh a awl khawp mai. Mizote hian Bangalore hi kan lo ralkhat ngaihsanin, India ram khawpui happening lutukah kan lo ngai deuh thup hi alo nia.. Bangalore-ah maw in awm, a va nuam awm ve.. an ti deuh ngawt zel. Han sawi thui deuh ila, kan chhungte pawh an awm ve a sin an lo ti thei fur lehnghal. Mizote hian kan tlawh pawh phian niin a lang bawk. Bangalore a Mizo awmte chu chi hnihin kan inthen phawk tih ka zuk hmu chhuak bawk a. Awm rei emaw a theih phei chuan lu nghah nan hial pawha hman tum an awm laiin keini ang chi, engemaw hnathawh emaw zirna avanga awm ve zawk kan awm bawk a. Mizo hi sang thum bawr vel awm angin kan inngai a. BMA thiltih-ah emaw Biak In pahnih (BMCF leh BMK) belhin mi 300 bawr (150 awrh ve ve..) kan pung khawm thei tawk thin Phek thumnaah chhunzawm a ni

E-mail: bmanews@gmail.com Website: www.bangaloremizo.info

Xw||t Xw||t
te, BMA AW chhiartu duh tak te, Pawlltlak thla Pathianni hmasa ber kan thleng leh ta. Rilru leh ngaihtuahna pawn pawn Bethlehem lam a hawi leh tan ta a. He hunpui lo thleng tur hian in mimal leh chhungkaw nunah beiseina thar siamin, kawng tinrenga hmasawn tirtu lo ni mawlh rawh se. Tun tum chu, Pu Hriatan Bangalore leh Bangalore Mizote min hmuh dan rawnga thiamte tlang reng rawnga, sawi uar thiamte phei chuan, a ruh lang mai pawh ni lo, a thling baw hawk hawkin an tih ang hialin a ziak a. Hetiang thuziak hi kan mamawh fo thin . Mihring te hi kan khawsak hova, thil kan tih ho hian thahnemngaihna avang te, kan suahsual ve vang ten kan beisei leh rin loh deuh a thin in. thlen chang a awm thin. Chutih rualin englai pawha insiamtha thei kan ni tih erawh hre reng ila. Englekhawle, Englekhawle, thiltha tih bansan lo vin, a lekhawle dikhlel leh thalo erawh paihthla zel ila. Mitin BangaloreMitin hian Bangalore-a kan awm kawng chhungin kawng engemaw tala hriatrengtlak ni thei turin kan nun leh hun hman I tum vek ang u.

Vol. XVIII Issue No. 34 Bangalore Mizo Association Pathianni Nitin Chhuak Chanchinbu Date: 2nd Dec., 2012 Phek Thumna

Article chhunzawmna Mi tam tak chuan kan inkhawm tlem thei lutuk hi an manganpui fova. Ti hian ka hnem thin. Mizoram kan rawn chhuahsan dawna kan kal chhan thuruk zawk. Mizote zinga zuk inhman emaw Sunday tlaia inkhawm ve hrim hrim kha a nih loh tlangpui avangin mak ti suh u. Pubs/discos velah kal ula, kan thalaite chu an tam khawp ma. In dem vak vak lo vang u. Mitinte hian kan ngaihtuahna level bakin a nun theih loh a nia, ka ti liam mai thin. Hetia ka zuk awm ve zawk chhung hian, Mo-Bike (Thunderbird second hand, modi ngat..) paaa tawk ka zuk neih phah phawt a. Guwahati atanga Sipai Pawl (The Salvation Army) thla kha ka zuk Presbyterian phah roh bawk a! Engpawh ni se UPSC kal tlanga Direct Appointment to the Deputy Controller of Mines, ni thei tura malsawmna ka dawnna khawpui anih avangin. Thank You Bangalore ti chungin phur takin Salaam Bhubhaneswar kan ti mai dawn a lo ni Kannada tawng word pathum chiah: Muru- Pathum, Neer-Tui leh Ila- Awmlo tih ka thiam belh hman ve khauh bawk. Pathian malsawmna ka dawn ang bawrh bawrha dawngtu tan chuan, A Mak Mang e tih loh chi rual a ni lo. (Pu Hriata, thuziak tha tak min pe a, kan lawm e. Bangalore I chhuahsan hnuah pawh, I thu leh hla kan la beisei reng dawn e. Editor)

NGAIHDAN NGAIHDAN
Tarmit Hi Kan Bun Nge Kan Vuah Kan Pu?
- Vanlalngaia, Ramhlun North Sap tawng hi a hausa kan tih laiin thil thenkhatah hi chuan Mizo tawng hi a hausa zawk mah niin a lang. Sap tawnga wear hi Mizo tawngah chuan (transitive verb-ah) sin, ha, bun, pu, hmang da, chhawr rim, nawt phuai, tiin Pu J.F.Laldailova Dictionary chuan a ti a. A vaiin sawi lo mai ila: ka hriat ve danah chuan Hman laiah chuan nausen hming an sakte hian an pa te, an pute sa kah leh awh te, an hausakna ro thil, etc. thil ropui ni-a an ngaihte hi chawiin hmingah an pu thin. Thil rit tham deuh thing leh mau, etc. te hi kokiah kan chhuang a, kan pu thin. Uiin mi sarep a ruk emaw mi sachan lai a ruk emaw hian, uiin sa a pu kan ti. Lukhum eng chi pawh hi a hmei a pain kan khum thin: kan vuah lo va, kan pu bawk hek lo. Hmeichhiain hair bend te, vakiria te an khim a. Mipain diar an khim a, vakul-changte an tawn fo bawk. Bakkilhin sam an kilh bet a, kawrkilhin kawr te, kekawrte kan kilh phui thin. Perekin thil kan kilh nghet a, kutin sapthei hminte kan kilh keh thin. Pin mawi leh pangparte hi kawrah an thiat a, an tar mawi fo. Nghawngawrh (necktie) hi kawr nghawngah an suih a, an awrh kan ti thin. Kawngchilhin pawnfen an hreng nghet thin a, kawnghrenin kekawr kawngah kan hreng thin. Thi hi a eng chi pawh (a ri thei pawh) nghawngah an awrh thin. Bengbeh te, hnarbehte hi an vuah lo va, an beh thin. Hengte hi an vuah kan ti lo va, an pu pawh kan ti ngai lo. Sana te, ngun te, pheikhawk te, mawza te, knee cap te, tengeng te hi kan vuah kan ti lo va, kan bun kan ti thin. Tarmit pawh hi kan vuah ti lovin kan bun kan ti tur a ni dawn lo'm ni? Chem fawngte, thirkhen fawng te, tuthlawh ha te, chem khangte hi an bun nghet kan ti ngai lo va, an vuah nghet kan ti thin. Mi thenkhatten tarmit ka vuah an ti hi ka hre zauh thin a, an sawi tum chu ka hre thiam tho va. Kei chuan tarmit hi ka vuah ka ti ngai lo va, ka bun ka ti thin. Mizo tawng hi thiam harsa tak leh mak tak chu a lo ni. Engtin nge i lo sawi thin ve le? (Thulakna: Vangalani) Mahni hnam tawng (mother tongue) tawng thiam lo khawpa (intih)-changkan tum hi changkanna kawrawng a ni em le?

Sawi? Engnge An Sawi?

(Editor ngaihdan a ni vek kher lo)
Meizuk hi khawvel hnam tin hian kan ching theuh chung hian, a chingate pawh hian thiltha-ah chuan an dah lo niin a lang. Heng TV-a drama lo lang thinah te pawh hian thil tha lo lam deuh channa chi ah chuan meizu lai hi an rawn tilang tel deuh zel a. Pathian biak inkhawm lai emaw, meeting leh committee changkang zawk rawn tihlannaah erawh hi chuan meizu tulh tulh lai hi hmuh tur a awm ngai hauh lo thung. Heta tang ngawt pawh hian meizuk chu enge a nih a hriat vek mai. Fela Ayala BMA member zawng zawng te in zavaiin chibai ka buk a che u. Chhungkaw programe avangin thlakhat dawnlai chu Mizoram lamah ka thangbo dawn a, in ngaihawm dawn hle mai. In zavaiin Bangalore Mizo khawtlang that nan in awmna hmun theuhah theihtawp lo chhuah zel turin kan ngen a che u. Pathianin min veng tawn anga dam tak in kan inhmu leh theuh dawn nia. - Rini Sapa

Vol. XVIII Issue No.34 Bangalore Mizo Association Pathianni Tin Chhuak Chanchinbu Date: 2nd Dec., 2012 Phek

Hriselna Hriselna
ExamExam-a tihthat i duh em? Mu tam rawh!
Zirlai leh hnathawk tawh te chuan kan hre vek awm e. A bik takin Mizo mimirin lehkha kan zir dan chu exam dawna zir tawk a ni tlangpui awm e. Rilru chak leh lehkhathiam tlemte tan chuan a pawi lem lo, mahse thiamna tak tak nei tur chuan taima taka lehkha zir tluk a awm lo. Dr. Phillip Alapat, Harris Health Sleep Disorders Center-a Director chuan, class tan atanga nitina lehkha zira, exam dawn hnaihah pawh nikhata darkar 8 tal mut hi zirlai te tana tha ber a ni tiin a sawi. Thluakin kan thilzir a hriatreng theihna leh, ngaihtuahna sawrbing nasa zawk thei turin kan taksa hian hahchawlh a mamawh a. Nitina tlem te tea kan zirlai kan hriat chhoh hlek hlek te hi kan hre rei zawk a ni. Tin mut tlem hian awm a tinuam lova, ngaihtuahna hman a harsat bakah, zirlaia kan rilru pek tur ang min pek tir thei lo fo tiin Dr. Phillip hian a sawi bawk. Zan men rei duh avanga cofee/thingpui in tam lutuk te hian mut duh huna mutthilh theihloh te thlenin, taksa chau, luhai, tihrawl kham leh rawl them thum te, ke khur der der te a thlen thei bawk. Tin, mut tam loh avanga rilru chawmawlh leh thin pawh a chhe duh reng a ni. Chuvangin , taksa leh rilru hrisel taka exam pass ngei i duh chuan, a hnuaia mi ang hian lehkha zir tum thin ang che. Chutih rualin, thanlenna leh chhungkaw khawsak a zirte, mimal chindan a zir ten tlem a danglam chu a awm thei thung. Chutih rualin mi tam zawk te tan chuan a dik ngei ang. 1. Exam dawn zanah darkar 8-9 tal mu thin ang che 2. Tlai dar 6-8 thleng hian ngaihtuah sawr bing a awl avangin a tam thei ang ber lehkha zir thin tur 3. Chawhnu lamah (1pm 3pm) erawh chaw ei avangin taksa leh thluak a chau ve thin, hahchawlh a tha 4. Coffe emaw caffeine pai chi reng reng in tam lutuk loh tur. 5. Hei hi hre reng la. Taksa mamawh tawk aia tlem mutmu tuah loh avangin natna benvawn: zunthlum, thisen sang leh lung natna a thleng hma bik. (Thulakna: srxawordonhealth.com)

Week! Pics of the Week!

(Chawngkhum Dan Tlang Huat loh)

Thlalak hi fiah lo mah se, Bangalore Mizo tawh phawt chuan in hmuh fiah kan ring tlat. Tv. Fela Khawlhring (Fela Ayala tia hriat lar bawk) hi Bangalore Mizote zingah hre lo fa kan awm kher awm lo ve. Khawtlang leh kohhran tana mi tangkai tak niin, thu leh hlaah a tui hle bawk. BMA AW tana thuziaktu pawimawh tak niin, mi inchhiar zau leh zirna ngaisang tak a ni. Tunah hian MSA President nihna chelhin KLE Law College-ah LLB a zir mek a ni. Fela hi fiamthu duh tak a ni a, A bialnu hming hi Lalngo-i ni tura vantlang ngaih a ni a. Zantin deuh thaw hian, Lalngo-i ngaih avangin tah lai a bang thei ngailo. Chutih laiin, Bengali nula zuna uai pawh a la na fe a ni awm e