VOL. XXX ISSUE NO. 24 An Official Organ of Y.M.A. Republic Veng Branch Dt. 24.06.

2012

Ka ram tih tur nei sain i lo piang a, chu i ram tan chuan fa duhawm i ni em?

LIBRARY cum KUANG DUANNA HMUN PEIH FEL ANI TEP

The Republican 24th June 2012 : Republic Veng Branch Library cum Kuang duanna hmun tur atana YMA Run hnuai ber sak mek chu zawh tep ani ta. Republic Veng branch YMA kan mamawh te hi alo kal thei si lo Run hi tinreng in tih mai turin kan Veng chhung mipuite lakah in vawm hnawk a, bungrua kan neih inthlahrung tak chung leh mamawh belh a, lehkhabu a lo thleng thar a, na avanga ti lo thei lo a ngai si in heng zawng zawng hi runna kan pawisa khawn leh tawp a ni a, veng hnawh a, kan thil neih tan min ngek chhung mipuite thahnem ngaihna chep ta a ni ber. Heng avang hian leh tlawmngaihna bakah tunah hmun mamawhnain min tur lui a, chuan kan luah thei ta tep a, a lawm hemi chungchang ngaihtuahtu awm hle. branch committee chuan YMA Section hruaitu te bakah Run hnuai, hmun chep tak chu veng mipui, sum leh tha lo seng library cum kuangduanna hmun tute zawng zawng te hnenah atan sak a lo rel ta a ni. Republic Veng Branch chuan Hetiang thil ti tur hian sum lawmthu a sawi a, kan ta vek a ni tam tak bakah, mitlawmngai te tha tih hria in kan library te pawh mamawh a ni a, Republic Veng hmang tangkai tur leh min hlut sak mipuite kan tan khawm ngawt loh turin a ngen. chuan khawi dang atang mahin heng

HALL COMMITTEE HRIATTIRNA

Thawhtan zan dar 8:00 hian YMA Run ah Hall Committee neih tur a ni a, kohna semchhuah a ni a,kohna hmu lo tan hei hi kohna ah ngaih tur a ni e.

Branch Hnatlang kal dan

21.6.12 Branch Hnatlang kal dan : Section I Nil Section III 8 Section IV 4 Section V Nil Section VI Nil Section VII 4 Section VIII 1 Branch OB 6 Hnatlang kan chhuak tlem thin hle mai a, YMA memberte tun aia tan la lehzual tuin kan inngen a, Branch YMA hian hnaltang pawimawh tak tak a la ko zel dawn a, veng leh mipuite tan tan la lehzual ang u.

SECTION YMA NEWS

Section I : Dt 21.6.2012 zan khan Property House sakna tur chak a lo thleng a,hnatlang a thiar niin hnatlang kan thawkchhuak tha hle.Memberte a sak hnatlang nei tura lo in kau sa tur in kan in ngen a ni. Section IV : YMA Day kan hman zawh takah, YMA member leh chhang member te chungah lawmthu an sawi a. A bik takin lam an zir phal saktu YMA chhang member nu leh pa te chungah lawmthu an sawi a, tin, zan lama lam an zir theih nan a electric current pawh tirtu Pu Ronghinglova te chhung chungah lawmthu an sawi bawk. YMA Day lawm ni a phal taka motor hman tirtu Pu Thenlova chungah lawmthu an sawi a, tin, ei leh in lo buaipuitu, fatu te chungah lawmthu an sawi bawk a ni. Section V :Pu Zosangliana te chhungkua chuan Pu RB Chhunga leh Pi Vanlalremi te hriatrengnan Dekchi lian tha tak an pe a,an chungah an lawm hle. 29th June(Fri) zan dar 7:00 hian Anganwadi Centre ah committee an kova,member te kim taka kal turin an in hriattir. Section VI : Fur alo ni leh tan ta a,chhungtin te mahni in leh a velte vawngfai thar leh theuh turin an inngen ani. Section huam chhungah ran chhuah hmuh tur a awm leh ta nual mai a,chhung tin te mahni ran vulh te khuahkhirh tha leh theuh turin an inngen ani. Section VII : YMA day puala YMA chhang khuallam telzawng zawngte chungah lawmthu an sawi a,tin YMA chhangte lam zirna a eitur rawn tumsak thin tu Pu Lalramzauva leh Pu H.Lalremsiama te chhungkaw chung ah lawmthu an sawi nghal bawk a ni. phek 3-naah chhunzawm a ni...

PEM LEHKHA MAMAWH TE TANA HRIAT TUR

1. Pem lehkha man Rs. 10/- ken tur. 2. Pem lehkha la tur chuan an chhungkaw hming, pian ni/thla/ kum chiang taka hriat tur a ni. 3. Pem tur zinga vote nei tawh chin zawng chu an Epic No. emaw Voter Identity Card emaw ken ngei tur a ni. 4. Republic Veng an lo luh hmaa an awmna hnuhnung ber hriat tur. 5. Republic Venga an lo luh kum hriat tur. 6. Republic Venga an lo pem luh chhan hriat tur. 7. Mahni Kohhran hming hriat tur. 8. Chhungkaw lu ber eizawnna hming hriat tur. 9. YMA-a mawhphurhna/chanvo 10. Republic Veng atanga pem chhuah an tum chhan.

The REPUBLICAN WEEKLY

Editors Jt. Editors : H. Lalhriatpuia R. Lalthanzawna : Robert Zosangliana RD.Lalrammawia Lalzarzova : H.Lalremruata Lalhmingmawia Andrew Lalrohlua Lalliantluanga Lalthanmawia Zomuanpuia Sailo : Ngurthanmawia : Lalhmangaihsanga Sailo Biakzosanga Kananmawia

Y.M.A. REPUBLIC VENG BRANCH

9862536632 9436159221 9862379583 9612698049 9856310432 9862449817 8974963471 9612318217 8575707353 9612325489 9862732404 9436375023 9862170549 9615820570 9862754953

Dt. 17.06.2012

E DITORIAL B OARD

HUANG ZALEN HI
- C. Zirliana Kan vengchhung miten chanchin kan in hriattawna atana kan hman tangkai ber, "Republican" chanchinbu hi vengchhung mi tu a te pawh hian kan hmang tangkaiin vengchhung chanchin engkim kan inhriattawnna atana kan hman tangkai ber a ni a. Vengchhung Pawl hrang hrang hmalakna te, hna chhawp te pawh kan in hriattawn sakna ber a nih rual rual in he chanchinbu a, 'HUANG ZALEN' kan hman danah hian fimkhur lehzual ava tul em. Infiamna lam a ni emaw, pawl hmalakna a ni emaw, mimal chanvo insawiselna atan mai hmang lovin infuihnan, inchawimawinan, hma kan sawn tlan theihna tur atana tangkai taka kan hman thiam hi ava tul tak em. Entirnan, Dt: 3.6.2012 Republican Huang Zalen-a Republican chhiar thin inti in, kan YMA Information hman dan chungchang hetianga a rawn ziah "Zing leh zan lama TV chanchinthar puan laia chhiat tawh thu nilova Information centre atanga lo au hi engtikah nge kan sim ang le" ti a a rawn ziah kha ka lo chhiar a, ngaihtuahna tak hmang deuh se tih ka lo ngaihtuah chhunzawm a. YMA Information Centre hi Republican chanchinbu ang bawka Vengchhung miten pawi pang kan inhrilhna leh kan beng ber a ni a, hetih rual hian a enkawltu/incharge Secy hi tlawmngaia thawk hlawh pakhatmah nei lo, a chhiat pawh a theihtpatawpa siam tha a, vengchhung tana theih ang tawk tawk a thawkin pawl hrang hrangten kan pawl pawimawh min lo au sak ta che kan tih a, hun chep tak karah mahni hna pawh kalsan a Information Centre atanga lo au hram hram thin a ni thih lo hriatpui ta ila, a au hun thuah phei hi chuan Kohhran programme Biak ina neih lai phei chuan thupuan hi a awm ngai lo ti ila, kan sawisual tam awm love. TV chanchinthar puan lai tih vel kan ngaipawimawh a, thupuan kan thulh zel dawn anih chuan a buaithlak awm ve le aw!!! ka ti a ni. Theih nise Huang Zalen kan hman dan hi insawiselna ni lovin infuihna, hma kan sawn tlan theihna tura tan kan lakna lam zawng hian ziak thin ila, tichuan 'Huang Zalen' hi kan hmang tangkaiin kan that pui zawk in ka ring tlat a ni. Section news chhunzawmna.. YMA chhang lamna a tel ten thlalak kha kan duh chuan Commander Tv.Lalnunhlua hnenah a duh tur te chu in report tur a ni e.Tin tlawmngaih chhuah a lam zirtirtu Tv Lalrindika (Adika) Section V chungah lawmthu an sawi a ni. YMA Day puala Branch in Section tin te hnatlang tura a ngen angin YMA Day zing ah Section huam chhung tifai in an hnatlang a, hemi zing hian YMA member te leh YMA chhang memberte thawk chhuak an tha hle. YMA Day lawmna a field lama thawk chhuak zawng zawng chung ah hruaitu ten lawmthu an sawi tak meuh meuh a ni. Section VIII : Upa Lalzuithanga'n section thuthleng siamna tur thing a thlawnin a zai sak a. A chungah section hruaituten lawmthu an sawi.

News Editors

Manager Cir. Managers

YMA RUN hmang turte tan Br. YMA I/c Secy., Property - 9862369320 / 9436362024

YMA Day kha..... YMA Day - 77-na chu kan lo hmang zo leh ta a. YMA member ten kha kan ni, saptawng a kan day kha engtiang chiah a tangkai in nge kan hman tih hi in enlet a tul hle. YMA hi kristian kan nih hnu a, Kristian nun dan tha chawisang zel tura kan sap missionary te kaihhruainaa din a ni a, Mizo culture mai ni lo Kristian cultrual thleng avawng nung tura din ani. Pathian thlarau hriatpuina a thlarau mi te din a ni a, hetiang ang van thlunzawm pawl thil hi Zofate rohlu a ni a, a din cham YMA Day pawh tawng pawng namnul ngawt thei kan ni lo. YMA ah kan tel ve a nih chuan, member tin ten a kan hriat tur thuvawn pawimawh tak tak pathum kan nei. Heng kan thuvawn zing a kan vawn nun reng tur atana pawimawh ber a ka hriat chu 'Kristian nun dan tha ngaihsan' tih hi a ni. Kristian nun dan thaah chuan, hun awl a hman sual theih loh a, Zofate hmasawnna ngaihtuah pawh a keng tel nghal. Republic Veng in YMA Day kan hman liam tak kha, eng emaw zawng tak chuan hmuh a nuam a, khua in min bumro deuh chung pawh in field lam leh mahni section theuh a kan sulhnu in, YMA nihna a la tarlang tha e. Kan intihsiakna chi hrang hrangah pawh YMA taka tan dan tawk kan thiam hi hmuh a nuam a ni. Kawng leh lamah erawh chuan keini veng ang branch lian leh member tamnaah chuan YMA Day ngaipawimawh lo member kan tam deuh chuan a lang. YMA member kan nih chuan kan 'Day' hlutna kan ngaihtuah thar a tul khawp mai. Kan intihlim satliah a ni lova, kan infiam satliah ani hek lova, YMA nihna kan ti nung thar leh a ni zawk. YMA Day ngai pawimawh lo kan nih chuan YMA a kan awm chhan kan hre lo tawp tihna a ni.

* Thlanmual hi a fianrial deuh avangin thilsual han tih mai nan hian a remchang hle a. A remchanna belhchhah tur hian thlanmual street light a chhiat bawk avangin zan lamah chuan kal tlang a hreawm thei hle. Thuneiuten siamthat vat thei se ava lawmawm dawn em! - Undertaker

The REPUBLICAN WEEKLY

Y.M.A. REPUBLIC VENG BRANCH

Dt. 17.06.2012

SUNNA Bo / Chhar
* Ni 20.6.2012 (Nilaini) khan Republic Veng Presbyterian biakin bulah wallet chhar a ni a. A neitu kan awm chuan a awm dan chiang taka sawiin mobile number 8974144424 ah hian zawhfiah theih a ni. * YMA day 15th June khan Field leh a chhehvel ah Tarmit(a frame dum) kan ti bova,lo hmu leh chhar in awm chuan Ph 9862422638 Pi C.Zaithanmawii Sectioin-V Venghlun hnenah hriattir turin ngen kan ni e. * Dt 9.6.12 zan khan kan in atang a Upa H.Zoramthanga te in inkarah rangkachak thi ka tibo palh hlauh a a lo hmu leh chhar in awm chuan khawngaih a min pe let leh turin ka ngen a che. Mitvarman kan lo pe ang che. Ramnghahmawii(Ma-i) c/o K.Lalngaihawma Republic Venghlun, Ph:9612204792/9089603078 * Hmeichhe thawmhnaw (Kekawbul leh kurta grey) Polythene var a fun Pi Pangi leh Salem inkarah tih bo a ni a,a lo hmu in awm chuan khawngaiha min han hriattir turin ka han ngen a che u. Ronghinglova(Rova),Republic Venglai, Kawpui Ph no:- 0389-2321008 * YMA chhang khuallam intihsiakni a Community hall a Pawndum theihnghilh chuan Branch YMA Secretary, Pu Biakengmawia hnenah lam tur a ni e. Lalthantluangi, kum-70, W/o Lalvenliana, Sec-VIII chu ni 22.6.12 khan cancer avangin an mahni chenna inah a boral a. A ruang hi tlaivarpui niin a tuk ni 23.6.2012 dar 12 noon, khan Republic Veng thlanmualah vui liam a ni.

PIC OF THE WEEK

Pic : Section-IV leh Section-V in kal pawhna step He step hi a vawn ban siam thar a ni a, a siamna tur sum hi Bialtu MLA Pu K.Liantlinga'n MLA Fund atanga a pek a ni.

Naute thar
* Pi Abbie Lalnunmawii w/o Pu Vanlalchhuana (Chhuantea) Sec-VI te chuan Ni 14.6.2012(Thurs) Zing dar 8:10 khan Aizawl Civil Hospital ah fanu thar duhawm tak Zonunsangi an nei a,member ten an lawmpui hle. * Pu Vanlaltlana te nupa, sec-VII chuan ni 11th June 2012 khan fanu duhawm tak Ezzel Lalrinhlui Synod Hospital Durtlangah an nei.

TEAKWONDO ZIR DUH TAN

Thalai leh naupangte tana rilru leh taksa insawizawina tha, zuk leh hmuam ruihtheih thil laka fihlim thei Game Discipline tha,Catch Them Young policy a hlawhtling ber,Pathian thu hrilna hmanrua atana hmun tam taka an lo hman thin TEAKWONDO zir duh tan Admission a tih theih a ni e. Class kal hun : Zing Dar 6:00-7:00(Mon-Sat) A Hmun:Hawla Indoor Stadium Republic Vengthlang Teakwondo Club Ph.- 9612705323/6436196487 (3-3)

RBC News
Dt. 30.6.2012 zing dar 9:00 atanga tan turin kan vengchhunga Basketball lama tuimi te tan RBC Court ah One day Tournament a buatsaih dawna ,YMA in Section then chin anga team tel theih ani anga, sectIII bik hi Pu K.Dova te in bul kawr chinah then tur a ni ang .Entry Fee Rs 200/- a ni anga Dt 27.6.2012(Ningani) aia tlai lovah RBC Secretary Tv H.Lalthansanga hnenah thehluh theih a ni ang. Team teltur te tan jersy neih kher a ngai lova.Entry fee zawng zawng hi 1st prize leh 2nd prize atan hman vek tur ani ang.

Advertisement
Heng te hi kan zuar e, min han pan ve teh. 1.Ar chaw tha ber (Samrat) 2.Wheet vai 3.Mithhi tuamna puan Lalrohlui (Nu Rovi) (3-3) Republic Venglai

ZIN
Pu Lalrinfela, Section III chuan Harish Sharma Northeast Basketball Academy, Guwahati zir tur Mizo naupang 3 hruaiin a kal mek.

ICFAI UNIVERSITY MIZORAM

(Approved by UGC) Kum 2012 atan ADMISSION hawn mek a ni. Zir theih te: BBA,BCA,BHTM-(Pawl XII,pass emaw result nghak mek) MBA -(Gradute-Arts,Science,Commerce pass emaw result nghak mek tan) Heng ah hian admission form a lak chhuah theih 1) City Office ,ZoCareer Solutions, Near Axis Bank,Chanmari,Aizawl Ph:0389-2306789,9615755388 2) University Campus,Durtlang North Ph:0289-2361232,9862596226 3) Wedsite:www.iumizoram.edu.in (2-2)

Republican Chanchinbu Euro Rindik thehluh hun chu a tawp ta a. A thehlut zawng zawngte chungah Republican Editorial Board chuan lawmthu a sawi a ni. Result hi final zawhah chauh a hriat theih dawn avangin ni 8 July 2012-ah Republican Issue-ah result hi tarlan a ni ang.

The REPUBLICAN WEEKLY

Y.M.A. REPUBLIC VENG BRANCH

Dt. 17.06.2012

ENGAH NGE I LUNGNGAIH ANG

I duh vang reng ni lo pawhin thubuai-hlabuai i nei thei a, anih loh vek pawhin i dikna leh chanvo chu rahbehsakin i awm pawh a ni mai thei. Chutiang hunah chuan Court i kal a ngai dawn a ni. I khingpui khan ama sum sengin Ukil a ruai ang a, nang chuan Ukil i ruai ve thei lo pawh a ni mai thei asin. Chutiang mi mangang leh rethei, mahni sum senga Ukil ruai thei lo tanpui tur chuan Legal Services Authority hi sawrkarin a din a ni tih i hre reng ang u. Ukil rawihsak tur chein sawrkarah i dil ang a; i aiawha lal hmaa ding tur Dan hremi (Ukil chu i sum sen ngai loin sawrkarin a lo rawihsak mai dawn che a ni. Legal Services Authority chuan kan thubuai chi hrang hrang In hmun leh Ram, Pawisa inpuktir, Bungraw thawn, Postal, Telephone, Supppy of Electricity, Supply of Water, Sanitation, Damdawi In leh Insurance chungchangah kan harsatna te Court-ah Ukil ruaia inkhin ngai lo tur leh mahni ngeiin kan sawi a, awlsam zawka chinfel a nih theih nan Lok Adalat (Mipuite Court) a la buaitsaih ta cheu mai. Hetah hian Conciliator fel tak tak te nen in thubuai chungchang sawihoin Inremna kawng an lo zawnpui ang che u. Chu mai chu a tawpna a ni lo. Mipuite, Dan leh Hrai min hrilh a min zirtir hi Legal Services Authority thiltum a ni bawk. Seminar leh Workshop te dan inzirtirna turin neih thin a ni a. Tin, Booklet leh Pamphlets te sem thin a ni bawk. I hrechiang duh a nih chuan - Member-Secretary, Mizoram State Legal Services Authority, Judges Quarters Building, New Sevretariate Complex, Khatla, Aizawl-796001, emaw Phone : 03892336621 emaw Fax - 0389-2336619 - ah emaw zawh chian theih a ni e. Mirethei leh harsatna tawhte tanpuitu Legal Services Authority a awm tih i hria ang u. Issued by Mizoram State Legal Services Authority, Aizawl
Published by Republic Veng Branch YMA, Printed at Zo-Awm Press, Khatla, Copy 750