Académique Documents
Professionnel Documents
Culture Documents
2012
I ram in a ko che, i chhan loh in tuin nge chhan chuang ang le?
BRANCH NEWS
Ni 28.8.12 (Thawhleh) zan dar 7 ah Branch YMA Executive Committee neih tur a ni. Republic Veng Branch YMA, 'Vohbik Run' sakna tur atana mi inphalte hnen atanga pawisa dawn te :1. Mizo Pensioner Association, Republic Veng Unit - Rs 1,000/2. MHIP, Republic Veng Branch - Rs 5000/3. Upa Pawl, Republic Veng Unit - Rs 1000/4. Venglai Welfare Society - Rs 2000/5. Pu Lalrosanga (Vala), Section III - Rs 3000/6. Pu Rohnuna Ralte, Section V - Rs 1000/7. Pu Lalchhuanawma, Section V - Rs 500/8. Tv.John Lalsangliana Sec-IV - Rs.500/-
The Republican 26th August 2012 : Zotlang veng tlangval Zothansanga (Tetea) leh Ramhlun North nula Ruth Lalawmpuii te dt.11/08/2012 atanga chin hriat loh a bo zawn hna chu CYMA kaihhruaina hnuaiah khawpui chhung branch hrang hrang ten a inchhawk in thawh a ni. Keini Branch pawh dt.18/ 8/2012 khan kan thawh hun lo thleng in Tlawng lui, Reiek kai lamah kan thawkchhuak ve ta a . PHE Department tui pump na hmunah information centre siamin hetah hian bo zawng tute hming ziahna siam a ni bawk. He mi ni hian kan branch kan thawkchhuak tha hle mai a, information centre a inziak lut ringawt pawh 93 lai kan tling ani. Kan branch thawhchhuahna hmunah hian veng hrang hrang Muabawk, Upper Republic, Ramhlun North, Republic Vengthlang, Khawrihnim, Bungkawn, Zotlang, Reiek leh Chungtlang khua te an rawn thawkchhuak ve bawk a, kan vaiin mi 580 vel bawr kan thawkchhuak a ni. He mi ni a, nisen sa hnuai a thawkchhuak te an fakawm takzet a, Mizo tlawmngaihna ala thi lo ani tih a ti lang chiang hle bawk. He bo zawn chungchangah hian Mizo dan a, an bo atang a ni 7 a ral tawh avangin a nawlpui ang zawn chu dt.19/8/12 tlai dar 4 khan an bo tanna hmun nia ngaih Chawnpui veng mawng ah leh Ramhlun North ah kharna siam a ni .
MUP NEWS
* Vawiin Pathianni chawhnu inkhawm ban hian Republic Veng Community Hall-ah MUP member te leh associated member ten hla zir tur a ni a. Aizawl South-I Area Meet kan veng in kan thleng dawn a, heta tana inbuatsaihna a nih avangin hla zirna a kim taka kal turin kan in ngen a ni.
MC&DC HRIATTIRNA
* Lalramdini, Sec-I, an member pui Lalnunpuia unaunu, chu vawiin Pathianni in chawhnu inkhawm ban tlai dar 3:00PM ah ral tur a ni a, member te kim taka kal tur a ni.
Dt. 26.08.2012
E DITORIAL B OARD
TLAWMNGAIHNA
- R.D. Lalrammawia
Mizote nun leh YMA huanga thawm neilian leh ri ring em em reng mai, tawngkam mawi ni satliah mai lova, thil rimawi a kan chhal chamchi chu, he Tlawmngaihna hi a ni. A thu mawi leh that em em na chhan chu, he tlawmngaihna nunchhuah puitute nungchang vang vek hi a ni. Kan Lal Isua pawhin he tlawmngaihna hi a rawn nunpui a, Isua nun lan chhuahna chu amah ringtuteah hian a ni angin, tlawmngaihna lo lanchhuahna pawh hi mi tlawmngaite nungchangah tho hian a ni. Chuvangin he tlawmngaihna hi Mizote nun leh YMA nen hian a inzawm tlat a, tlawmngaihna tel lovin Mizote khawtlang nun a kal thei lova, a tel lovin YMA pawh a famkim thei hek lo. Chu tlawmngaihna chu finna lama mi chungtlak thei ni a inngai tam takin an hrilhfiah tawh a,an hrilhfiahna tanga finna leh hlawkna lo chhar ta pawh hi an lo kat nuk tawh ta ve ang. Keia hriat vena hian, a hawlphak zua lo teh mahse, he tlawmngaihna avanga ka lo kam tam ve tawhba avang leh mite chhiar theih tura thu dawrawm chhawp chhuah ka tum ve miau avangin, lo hrilfiah hmasa zawkte hrilhfiahna ti ropui zualtu atan tal ka hrilhfiah ve reng reng dawn! Engpawh nise thinlung lama ka fiah dan a ni ve miau a, thiamthu emaw thiamloh thu emaw, sawi tur chu ka hrelo nang a, hetiang ang ti tura ka ropui loh zia chu ka in hria. Mahse heng ka insit thinna hi, ka pachhiatna ti punluntu mai mai chu a ni na a, inthlahrung tak chung a namnul siin ka tawn lui tho tho dawm. He thumal hi tlawm tih leh ngaihna tih infinkhawm a ni a, a thu hnuhnung hi chuan a thu hmasa nunchhuahpui tulna a tarlang a, a thupui innghahna tak tak hi chu a thu hmasa tlawmah hian a inphum fai vek a ni. Mahse ngaihna tih hian a ti famkim a, a tello chuan, a thu hmasa ringawt hi chu a duap luhrat a, a thu hnuhnung hian a cheimawi a, anihna tur takah a awmtir a, thenhran theih pawh a ni lo. Chutichuan tlawmngaihna chu heng; tlawmte, inphahhniamte, thuhnuairawlhte, mahni tan nilo, midang tana hun pek te leh sum leh pai mai bakah nun thleng thap a, midang tana tha thawhna hi a ni. He tlawmngaihna nun ngei hi a ni, kan Lal Isuan khawvela a rawn nunchhuahpui chu. Lal Isua chanchin, tun thleng a chanchintha kan tih takin, zofate a rawn hmelhriat ve hma atang daih tawh khan, he nun zemawi hian Zofate khawtlang nunah bu alo khuar tawh a, tu hnawh bo theih mah a ni tawh hek lo. A chhan chu midangte tana nun hlan hi, thil pawi a ni lova, tanpui mamawhte tan chuan rangkachak aia hlu Phek 4-naah chhunzawm a ni....
News Editors
YMA RUN hmang turte tan Br. YMA I/c Secy., Property - 9862369320 / 9436362024
Kum bul kan tan chauh emaw kan tih laiin kum tawp lam kan lo hnaih leh ta hle mai. Sik leh sa, kan khaw awm dan pawh an hun ngaiah rawn an rawn in her chhuak mek zel a. Tunlai tak phei chuan khawchhia in nunphung a tibuaiin, hmun then khatah chuan chanchin duhawm lo hriat tur a awm ngawk. Tunlai hian kan khaw awm dan mumal loh avangin puan suk pho tur pawhin mithiamte iangin ngaihtuahna sen a ngai ta fo. Chutih mek lai chuan bawlhhlawh paihna kan duhtui tawk loh vang leh tui paihna kawng kan siam uluk tawk loh avangin harsatna kan tawk leh thin. Hmangchang hria leh chhia leh tha thliar thiam kan intih mek lai hian khawchhiat apianga kan buai leh rup rup thin hi chu a inhmeh lo hle. Fur a lo thin tih kan hria, chu chuan harsatna a rawn thlen thin pawh kan hria. Eng emaw chen hi chu kan lo in veng thei in, kan in tanpui thei a ni. A lehlam zawng a thlir chuan khawchhiat vanga harsatna ka tawh hi chu kan in siam chawp te pawh ti ila kan sawi sual tam awm love. Chuvang chuan a tlai hnu a fimkhur thar leh chu tha tho mah se khua a tlai hmaa tlai fikhur hi a tha zawk fo.
* Bawlhhlawh tenawm deuh leh kut a khawih mai hreawm tur chi hi chu, chhungtin te hian fun tha deuh thin ila kan va ti ve le. - Bawlhhlawh paih thin a * Thlanlung hi dang ur, sangpui a lo ngai reng reng lo. Khup pawh chen mang lo, awn deuh hian siam ila, hah thi kul a thlanlung zawn pawh a ngai lo..... - Mr.X-a * Mibo zawng a tlawmngaia thawkchhuak ho te khan tlawngkamah eng nge maw an tih tak mai mai le, tui hleuh thiam pawh an awm hlawm der si lova, tlawmngaia an thawk chhuak hrim hrim erawh a ropui e.... - RD-a
Dt. 26.08.2012
ZIN
Pu David Zohmangaiha, Silver Hawk Adventure Club hruaitu chu Mt.Papasura peak (6440 m) Pie Everest ah tlang lawn inbuatsaih turin nimin ni 24.8.2012 (Inrinni) khan Aizawl a chhuahsan.
SANITATION NEWS
Republic Veng Sanitation Committee chuan section hrang hrang faina chungchanga inelna tur atan September ni 1 atanga a November ni 30 thleng faina kawngah inelna a buatsaih leh dawn a, section tin ten December ni 10 hma in Sanitation committee ah Report theh luh tur a ni. Thil tul dang chu section ah hriattir a ni ang.
TV SCHEDULE
English Premier League Sunday (Ni 26.8.2012) Stoke City vs. Arsenal (ESPN) 5:55 pm Liverpool vs. Manchester City (ESPN) 8:25 pm Liga BBVA 2012/13 Match Sunday (Ni 26.8.2012) CA Osasuna vs. FC Barcelona (Star Sports)11:00 pm Spanish Copa del Rey Super Cup 2nd leg 30.08.12 (Thursday@2:00 am (IST) Real Madrid Vs FC Barcelona (1st Leg Barcelona 3-2 Real Madrid)
Pic : Mibo zawn hnatlang Ni. 18.08.12 (Inrinni) khan Republic Branch YMA chuan mibo zawngin Tlawngah kan thawkchhuak.
Dt. 26.08.2012
Director, Labour, Employment & Industrial Departmentin thuchhuah a siam angin, a hnuaia t5hute YMA NIHNA : hi mipuite hriat tur pawimawh a ni a, mitinin ngaih YMA chu Politics rawngkai lo tlawmngai pawl a ni. pawimawh i tum ang u. Article chhunzawmna.... The Mizoram Shops & Eswtablishment Rule an ni zawk miau a ni. Chu bakah, mite tana an tangkai 2011 -in a phut angin dawr leh sumdawnna Hmun chi thinna hian , chawimawina pangpar thi a hlawhchhuak He hriattirna ngaisak lova, in report lote chu Rules thin a, chawimawina nopui, an beisei vang reng ni lova, 2011hrang hrang, Workshops, Steel Fabrication, lo hlan thintu pawl ropui YMA a awm reng bawk. Mi Restaurant, Institution, Private School & Hospital, tlawmngaite nun lo parchhuak thin avanga he kan Picnic Spot Quarry, Cinema Hall leh he danin a huam Zoram pawh hi NUAM a ni a, chhiatna leh vanduaina zawng zawngte chu, Directorate of Labour, tawkte tan pa tak tak an nih thin avangin, he ramah Employment & Industrial Training Department, Upper hian Zofate kan chen chhung chuan, he thil tha hi Republicah in-register vek tur a ni. He hriattirna ngai pangpar angin a vul zel dawn!! pawimawh lote chu Rules 2011 tan chhanin hrem tur Kan hnam rohlu a ni a, ngaihlu a vawng nung a ni a, i ngai pawimawh ang u. rengtu Zofaten he ramah hian lalna leh thuneihna kan HRISELNA kenkawh theih chhung chuan, he nun zemawi tlawmngaihna hian min chamchilh ang a, mual min THISEN SANG DAMDAWI liamsan mai dawn lo. Mahse Zofate ram neihchhun 1. Lungthi ei a tha. he kan Mizoram hi, kiltin atanga beitu doral an rawn 2. Zawngtenawhlung pil emw a hnah emaw leh inhawr tup tup a, chhan tura nang Mizo tlangval, leh Thuamriat pil den pawlh chhum tui in a tha. nang Mizo nula kha in harh siloh chuan, tlawmngaihna 3. Neempatta( Nim pata) hnah chhum tui in a tha. ngaisang lo hnamin he ram hi an luah ang a, a ngaisangtu 4. Thuamriat zung pil mehfai chhum tui in a tha, a hnam nen he tlawmngaihna hi zamual ala liam dawn a zung kher lo pawh a kung pil pawh a tha a, nitin ni. Chutiang ang hun chu a thlen loh nan, i Ram leh i thirfian kahtin vawihnih in tur a ni. Hnamin a mawmawh lai che hian chhuanlam siam san 5. Vankai hrui chhum tui in a tha. lul suh aw!!?? 6. Phuihnam chhuma, a tak ei bawk a, a tui pawh hawp bawk a tha. He thumawi leh ropui hian, Mizorama pawl 7. Aiduria emaw, Aidusentil emaw, Aidu bulbal lian ber YMA chu a tuam vel a, YMA chet velna reng emaw a hel a ei bawrh bawrh mai a tha. rengah he tlawmngaihna hian hma a hruai a, hnung a 8. Changkha ei a chhum tui in a tha. dawl bawk thin. Peih leh chak vang ni hauh lova, atul 9. Bawnghnute tui pawlh loh no khat leh purun var avanga mite tana chetchhuah hi a MIZO a, a Kristian bul bawr 7 nen chhum sova, minute 10 vel dah bawk a, Pathian thu pawh a ni. Mi tlawmngaite chuan daih hnua, chhumso nawn leh hnua in a tha. he leiah pawh hian phutloh lawmman an dawng a, an 10. Samtawk emaw tawkte emaw ei hi thisen sang lei taksa a tawihral hnuah pawh an sulhnu a thamral ve tan a tha a, a hel pawh a tha khawp mai. thei ngai lo. An thiltha tih tawh vang mai bakah, mite kawngdika an hruai tel tlat avangin, an thatlai hun, an vawiin chu Zofate naktuk atan an hlan alo ni. Mahse he tlawmngaihna hi nunchhuahpui tur chuan, thatchhiat a rem ve lo. Ke kan neih chhan chu kal nan a ni a, ke nei reng si a ke a kal ngailo chu, rual banlo leh piangsual an ni. Chutiang bawkin kan kut te, kan beng te , kan mit te leh kan tha zawng zawngte hi kan mamawh tih nan leh midangte tana tangkai nih nan a kan taksa a bet vek an ni. Kan kal theih a, kan hmuh theih a, kan hriat theih a kan khawih theih a, tha kan neih bawk chuan, chung ang zawng zawng chu tlawmngaihna nun chhuahpui nan hmanraw mamawhte an ni a, a aia hmanraw pawimawh dang a awm chuang lo. Chuti chuan i tan leh i ram tan, i hmanraw neuhte hmang tangkai a, he kan hnam rohlu tlawmngaihna chhawm nung zel tura tha thawhin, i TLAWMNGAI zui zel dawn em??
DRIVER MAMAWH
Naupang school kal hruai leh a tul hun apianga hman thei tur Driver tha tak kan mamawh a. September 2012 atanga thawh tan tur ani.Hlawh chu inbiakremna ang a ni ang. Contact : 2318621 C.Laltlanthanga 9436152499 Republic Venglai
Published by Republic Veng Branch YMA, Printed at Zo-Awm Press, Khatla, Copy750