Académique Documents
Professionnel Documents
Culture Documents
2012
Mizo hmeichhia ten hnam dang pasala an neih hian, an hnam an uiresan tihna a ni LOCAL COUNCIL NEWS
Ni 4.9.2012 zana Pu Lalzarliana Sailo, Section IV te kawmthlang lei min avangin ni 5.9.2012 nilengin Section III, IV leh V te Local Council kaihhruaina inhnatlang neih a ni a; He leimin ah hian lungrem hlauawm tak tak a lang te chu hnatlang te hian an kar thlak fai hnuah silpaulin 13 laiin an khuh fel nghal a ni. Tlawmngaih chhuaha hnatlang thawkchhuak te chungah leh hnatlang ei leh in tur tumsaktu te chungah lawmthu an sawi a ni. Ei leh in tur tumsaktu te chu: 1. Pu C. Lalchhuankima (Sec-IV)- Rs 200/2. Pi T. Lalbiaktluangi (Sec-I) -Rs 100/3. Pu RC-a (Khatla) - Rs 500 4. Pu Lalzarliana Sailo (Sec-IV) - Rs 1000 5. Pi Chhaibi (Sec-IV) - Rs 100 6. Pu V.L. Huapzauva (Sec-IV) - Rs 100 7. Pu Zoremsiama (Sec - IV) - Rs 100 8. Pu G. Lalngaizuala (Sec-IV) - Rs 300 Tin, tuichhe paihna fimkhur loh avangin khawtlang leh thenawm khawveng tan harsatna a thleng ve fo thin a, chhungtinin tuichhe paihna fimkhur tur leh mahni thenawmte fimkhur lo an awm anih pawhin a rang lama Local Council lama hriatir turin kan inngen in kan in hriattir a ni e.
The Republican 9th September 2012 : Hun enge maw chen atanga Branch YMA in a lo ruahman tawh, mi harsa te chen na tur VOHBIK RUN chu Local Council te nen a tangkawpin ni 6.9.2012 Ninga ni khan sak tan a ni ta. Vohbik Run hi thlanmual rawn thawhchhuahpui bawk. Tin, ram, Primary school bul, section Section V member tlawmngai te'n VI lam hnaihah sak a ni a, a sak tan an Leader Pu Rohnuna Ralte ho in ni hian YMA member leh nu leh pa Kanghmun a mi thingzai an la thawkchhuak an thahnem hle mai, khawm sa vek bawk a, hei hian kan vaiin mi 220 zet kan hnathawh a ti awlsam hle a ni. thawkchhuak a, Bialtu MLA Pu K. Thilpek petute leh tlawmngaia Liantlinga, AMC Councilor Pi hnatlang thawkchhuak zawng zawng Lalhuthangi leh Local Council chungah leh eitur Dal leh Thingpui member te'n min tawiawm bawk. min tum sak tu Local Council te Insak tan ni thleng hian mi chung ah Branch YMA chuan thahnemngai te atangin tanpuina a lawmthu a sawi tak meuh meuh a ni. la lut zel a, sum leh pai bak ah Tun thleng a mi thahnem bungrua , Thingril, Tile, Thingzai, ngai te hnen atanga sum hmuh tawh etc. thawh an awm nual bawk a ni. hi a vaiin Rs.1,29,350/- a ni a, kan Hnatlan tan ni hian Pu Mazira, Pu pawisa hman tawh zawng zawng hi Madawnga leh Pu Ngurthanmawia Rs.1,00,000/- vel a tling tawh a ni. te'n an motor an rawn thawhchhuah Vohbik Run sa zo tur hian kan sum pui a, mi tlawmngai tak tak 2- la bang hian a daih zo lo deuh a wheeler leh lirthei dang a tul ngaih a ni a, thawh belh duh kan apianga hman tura rawn chhawp awm chuan a pawisa fai leh a bawk a, kan veng chhunga mistiri bungrua ang pawhin Branch YMA kan neih te'n an hmanraw tha an chuan lawm takin a dawng thei reng e.
Dt. 09.09.2012
E DITORIAL B OARD
HUANG ZALEN
- R.Pachhunga YMA Life Member Ka han ngaihtuah let a,Republic Branch YMA hmingin Chanchinbu kan la neih loh lai te, neih ve dan kan ngaihtuah lai te khan, tun ang hian hma a sawn ang tih kan suangtuah phak lo kha a ni a.A hming tur phuah zan te kha aw ! a ngaihawmin a lo va nuam en ka ti hnuhnawh a.Republic veng intinah a man pawh awm lo khan kan han sem a ni a,a buaipui tu te inpekna kha a va han ropui em.mahse, a man awm lo chuan tlin reng sen a ni lova, thla khatah Rs 2/- (Chenghnih) a lo ni ve ta,a lo pung zel a,tunah kum khat atan Rs 100/(Chengza) a lo kai chho ta a, thil man to chhoh dan ngaihtuah chuan a awm tawk viau zel e.Kan chanchinbu chhuahtirh atanga hun eng emaw chen kha chu Pu S.Ronghinglova Under Secretary Office kha Republican office a ni mai a, kartin zirtawpni leh inrinniah hnatlan ziah a ni.Kan Branch hruaitu lo ni tawh zawng zawngte leh ni lai mekte,Republican Editorial Board ni tawh zawng zawngte leh ni lai mek te chungah lawmthu kan sawi ni se la. Republican Weekly ah hian Politic lam hawi chi, party in sawimawina leh in sawi chhiatna lam leh mimal in sawi chhiatna lam leh mimal in sawi chhiatna lam leh mimal in sawi chhiatna lam hawi reng reng chhuah phal a ni ngai lova, hei hi veng mipui pawhin kan hriatn nawn a tul hle in ka hria. Ram in hma a sawn zel a, Ram than dan milin kan chanchinbu pawh a thangin hma a sawm ve zel a, hei hi thil lawmawm tak a ni. Kan chanchinbu ah hian Column hrang hrang a awma, fak tlakte fak a,chawimawi phute chawimawi a, veng mipuiten hma kan sawn a, veng thianghlimna kawngah te in hrilh hriatna tur column HUANG ZALEN kan chanchinbu enkawl tu ten an rawn siam a. Thu chi hrang hrang chhuah thin a niin chhiar pawh a hlawh hle a.Thenkhatin an lo lak thutak viau laiin, thenkhat chuan eng hu-ah mah an lo ngai lo ve bawk a.Hetiang a nih avang hian kan thu ziakah fimkhur a ngai hle tih min ngaihtuah tir a. He HUANG ZALEN hi kan hman thiam chuan kan vengin kan hlawkpui hle thei a, kan hman thiam loh erawh chuan mi huatthu sawina huangah kan chantir thei a ni tih hria in kan thu chhuah turah fimkhur tlang ila.Mimal leh Pawl huat tur chhuah aiin ,Zirna lamah te hian engtin nge hma kan sawn anga,Zoram pum a langpha tura inzirtirna lam te pawh uar ta ila.Sport lamah kan thalai te hmasawn dan tur te,thianghlimna lam kawngah entin nge tan kan lak ang tih lam hawi te,aia upa te zahna kan tlachham ta lutuk te hi entin nge tan kan lak ang tih te,a bikin chhiatni a YMA Member nula leh tlangval te mawhphurhna lam te hi ziak uar ta ila, hma kan sawn thei zawk lawng maw. Hetiang lam inzirtirna leh inhrilhhriatna lam hi zalen takin ziak thei ila a lawmawm ngawtin ka ring. Kawng hrang hrangah engtin nge kan vengin hma kan lo sawn anga, kan lo thianghlim theihna tur lam hawi inzirtirna uar ila. Chawimawi phu leh tlak nia kan hriatte chu chawimawi leh fak hreh lo ila, vengchhung hmasawnna tur lam hawi ziak uar bawk ila. Kan vengin a hlawkna kan tel theih ang chi reng reng chu fimkhur takin he Huang Zalenah hian ziak thin ila. Huang Zalen hi hmang thiam turin veng mipui te ka sawm che u a ni.
News Editors
YMA RUN hmang turte tan Br. YMA I/c Secy., Property - 9862369320 / 9436362024
Hei branch YMA in a lo er tawh Vohbik run chu sak tan a lo ni ta, mi inpe te leh thahnemngai te zarah luah theih thuai beisei a ni. He tih karah hian chhiattawk te kan lo awm zawn nen chumi karah leimin hnatlan ngai hrang hrang te a lo awm bawk nen, vengchhung mipui kan buai mup mup ani ber mai. Hei hian thil tul tak tak ah chuan kan inphatsan loh zia a ti lang chiang hle a, mi thenkhatin kan Mizo zia hi dal tawh angin sawi thin mahse a tul hunah meuh chuan kan tlawmngaihna diktak hi kan lo la vawng tlang hle a ni tih a lang a ni. Mahni hnatul avangin tha kan thawh theilo pawh ani thei, kan tha ai ah sum leh pai a thawh theih reng a ni tih i hre nawn leh ang u.
taka thawk chhuak te hnenah lawmthu an sawi tak meuh meuh a ni. Ni 7.9.12 (Zirtawpni) khan MUP Aizawl South -I Area zaikhawm intihsiakna community Hall-a neihah nilengin thingpui leh sawhchiar siamin hnatlang an nei a ni. Ni. 8.9.12 (Inrinni) zing lamah Section huam chhung tifaiin hnatlang an nei a. Section huam chhung tihfai hnatlang hi inrinni tina neih turin hma an la mek bawk a ni
* Vohbik Run sak mekah hian veng pawn atang pawn sum leh tha rawn thawh an tam a, vengchhung mi te chuan sum kan thawh thei lo anih pawhin tha tal thawh kan tum dawn nia. - Thahnemngai-a * Mitthi pangpar kan pek thin ai hian a man ang hu pawisa pe mai thin ila, lusun chhungte hian an tangkai pui deih zawk ka va ring eeeee... No thup.
Dt. 09.09.2012
SUNNA
* Pu H.Laldawla (57) h/o Lalhmangaihi sec-VI chu ni 3.9.12 khan a boral a, a ruang hi tlaivarpui niin a tuk ni 4.9.12 khan Republic Veng thlanmualah vui liam a ni. * Pi Irene Lalrindiki (32) w/o K.Lalmalsawma Sec-VI chu ni 4.9.12 khan a boral a, a ruang hi hemi ni hian Republic Veng thlanmualah vui liam a ni.
Subroto Under 17
Lalruatfela (RF-a) telna Subroto Under 17 pawh ngawrh takin an practice mek zel a, kan veng rawlthar RF-a hi a inhliam avangin training zawng zawng a zawm ve thei rih lova. Amaherawchu Delhi zin thei tur erawh chuan a fit hman beisei a ni.
Reitlang-ah Lalnuna
MFA in MPL team te tan Special Transfer Window a hawn sak a; He transfer-ah hian Reitlang FC chuan Republic Veng Midfielder P.C. Lalnunsiama (Section III) chu an la a. Lalnuna hian Reitlang FC-ah hian Republic Veng Midfielder leh MPL Playoff a Reitlang key player Vannunmawia a zawm dawn a ni. Transfer window hi ni 7.09.12 (zirtawpni) khan khar a ni. Heti hian MPL Season hmasaberah Republic Veng mi pali kan awm ve ta a, heng pahnih kan sawi bakah hian F.Lalrinpuia (MRP FC) leh James Lalhmingsanga (FC Kulikawn) te an lo awm tawh bawk a ni. Valpuia leh James te khelhna team hian MPL inpuahchhahnan Serchhip-ah tournament an khel dawn a, karleh hian Serchhip lam an pan ang. Hruaitea telna Army XI Durrand Cup-ah an vanduai C. Vanlalhruaia (Hruaitea) khelhna team Army XI chuan Durrand Cup Quarterfinal-ah Punjab Police 1-0 in hneh mahse Bodsal, Mumbai an hneh tak loh avangin SemiFinal an lut zo ta lo a ni. He tournamentah hian I-League team Air India chuan Bodsal, Mumbai hi hnehin an Champion ta a ni. Gopalpur U-19 Running Trophy-ah T2-a te pahnihna! West Bengal a football academy zawng zawng te telna tournament-ah kan veng rawlthar Lalthantluanga (T2-a) khelhna team Mohun Bagan chuan final-ah SAI hneh lovin pahnihna an ni. Premier League Round Up Tun weekend-ah premier league a awm dawn lo mahse premier league khai khawmna erawh nei tho teh ang. Tun season-ah hian match 29 khelh a ni tawh a, heng match-ah hian player 348 an khel tawh a, goal zawnah vawi 399 shot tawhin goal 85 a lut tawh bawk. Hattrick siam tawh player pakhat chauh awmin stadium-ah entu 1,025,962 an awm tawh a ni. Players 73 in yellow card an hmu tawh a, players 5 in red card an hmu tawh bawk.
NAUTE THAR
* Pu Ramthansanga Khiangte te nupa Sec-III chuan ni 3.9.12 khan fapa thar duhawm tak an nei a. * Pu K.Lalremruata (Republican Board member hlui) te nupa chuan ni 2.9.12 khan Synod Hospital Durtlangah fanu thar duhawm tak Lallawmawmi an nei. Republican Editorial Board ten naute thar nei te kan lawmpui hle.
DAM LO
* Pi Laltanpuii(Matani) Pu Lalengliana nupui Sec-V chu tunah hian Civil Hospital ah enkawl mek a ni. * Pu K.Lalvuana Sec-V pawh Pumna avangin tunah hian Presbyterian hospital Durtlangah enkawl mek a ni.
B.P.L HRITTIRNA
Republic Veng B.P.L member LOAN & SUBSIDY diltu zawng zawngte interview na nei turin a hnuaia hun leh hmun ruat ah hian kim taka kal tura ngen kan ni e. A Hmun : Y.M.A Run A Hun :10th Sept 2012 Dar :11:00 a.m
MUP LAWMTHU
Hun rei tak kan lo ur lawk, Area zaia intihsiakna chu kan veng Community Hall-ah ni 7.9.12 zirtawp ni khan kan lo hmang zo ta a, Lawmman pahnihna kan la ve a, kan lawm hle. Min buaipuitute chungah lawmthu kan sawi e. Heng te hi: 1. Hall chungchang: Community Hall phal taka min hman tir tu leh hla zir nana Run min hmantirtu, Republican leh Information a a tul apiang min puansak tu leh Branch YMA chungah lawmthu kan sawi e. 2. Section VII te chungah lawmthu kan sawi a, buaina tur zawng zawngah min buaipui a, an property khuang thlenga min hmantir avangin kan lawm em em a ni. 3. MC&DC chungah kan lawm a, Receiptionist/Usher hneh taka min thawh sak avangin an chungah kan lawm em em a ni. 4. Pu Vanlaldika'n a khuangte hla zir chhung zawng leh inelna atana min hman tir avangin a chungah lawmthu kan sawi. 5. Lawmman pahnihna dinhmuna min dintirtu Association Member atana Nu Valai kan sawm te chungah kan lawm tak zet a ni. Anni hi kan mi leh sa angin kan en a, kan ngaina a ni. Heng kan han sawi tak zawng zawng te hi Upa te ni 1.10.2012 ah Community Hall ah min rawn telpui a, chawhlui min rawn kilpui ngei turin kan sawm a che u.
MC&DC NEWS
Kan hma lawka Anthurium Festival a inbuatsaihnan MC&DC memberte thawhtan zan inkhawm banah lam zir leh theuh tur a ni e.
Pic : Ni 4.9.12 zingkar thlanlaih M i t t h i pahnihn kan neih avangin ni 4.9.12 zing kar khan hmun h n i h a h thlanlaih a ni a. Tlangval mai ni lo pavalai lam pawh an thawk chhuak tha hle.
Dt. 09.09.2012
ADMISSION
Rastra Bhasha Vidyalay Venghlui 3rd September 2012 atangin class tan a ni leh ta. Admission hawn mek zel a ni. BA IInd year thleng a tih theih e. Contact :Principal 94361469787 Rastra Bhasha Vidyalay (2-2) Venghlui, Aizawl Sub-Centre hnuai ,Sec VIII ah Sofa chi hrang hrang kan siam thei in,a order theih reng e.Chu mai bakah THINGZAI lei tur a bulah kan zuar bawk e. Contact : 9862536430 8974798707 Lalhruaia Republic Hmar Veng
Zirtawpni thlenga kan sum hman ral tawh hi Rs. 1,00,000/- vel ani a, ala bang hian a sa zo pha dawn lo zhle mai a, chuvangin mithahnem ngai leh mi inphal te hnen atangin Branch YMA chuan thawhlawm ala dawng thei reng e. Tlawmngaia thawh turin mitin kan in ngen nawn leh e.
Published by Republic Veng Branch YMA, Printed at Zo-Awm Press, Khatla, Copy750