VOL. XXX ISSUE NO. 37 An Official Organ of Y.M.A. Republic Veng Branch Dt. 07.10.

2012

Ram leh hnam hmangaih hi hnam a min siamtu Pathian duh zawng a ni.

COMMUNITY BASED DISASTER MANAGEMENT

The Republican 7th October 2012 : Dt.1st,4th& 5th Chhung khan Aizawl veng hrang hrang atangin Disaster Volunteer te ATI hmunah training neih a ni a. He hunah hian Topic hrang Rescue te min zirtir bawka, tin hrang zir hona neih a niin, Disaster Dr.Christina Rosangpuii'n 1.Mass lama mithiam tak tak Dr. Casualty Management leh Training Lalrokima chenkual-in 1.Disaster a neih pui bakah Practical ten in Management Introductory zirtirna hun hman a ni.He hunah 2.Community Fire Fighting hian felfai taka sawifiahna neih 3.Community Based Disaster bakah Power point Presentation Management 4.SDRF/NDRF hmanga hun hman a niin member Norms te zirtirna hun a kalten hlawk thlak an tiin mitinin h ma n ga . Pu . E r. L a l bi a kz u al a hriat ve a tan an duh hle a ni. He Asso.Professor,DMC,ATI in - Hunah hian Kan Branch aiawhin 1.Vulnerability of Aizawl City Pu.Lalramchhana Pachuau leh 2.Building Construction Safety Tv.Ramdinliana Renthlei te an kal. Measures-I-II 3.Basic Search &

BRANCH NEWS
YMA General Conference Kawrtethawveng a kal tumte tan ni 14 Oct ral hmain Br.OB te hnenah hming pek luh tur a ni. Kalna tur Motor gaituah a ngaih avangin a rang lama inhriattir tur a ni e.

LOCAL COUNCIL HRIATTIRNA

Republic Veng Local Council chuan kan veng chhung a lo thianghlim zawk nan ni 2.10.12 atanga thu leh awm hma chu tuallai a ui chhuak man a nih chuan ui neitu in Local Council ah Ui pakhat Rs.500/- in khul tawh tur a ni anga, a mantu in Rs.300/- a hlawh ang. Tin, bawlhhlawh paih motor tlan dan pawh hetiang hian tih danglam a ni. 1. Hmar veng- Pu K.Lalchhunga In bul atanga (PUC Road zawh thla in) Pu PC.Lalduhzuala In venglai Area tawp thleng : Thawhtanni leh Ningani apiangin a tlan thin tawh ang. 2. Pu Ringliana In Section VI tawntirh atanga (PUC Road zawh thlain) Pi Zabawii In bul thleng : Thawhlehni leh Zirtawpni apiangin a tlan thin tawh ang. 3. Lungli tuikhur atanga kawipuiah tawpin Pastor Quarter hlui atanga tan lehin Kela Road tawp thleng : Nilaini leh Inrinni apiangin (a tlan dan thin angin) a tlan thin ang. Tin, Pick up Motor hi Hmawngkai tuikhur atangin mual vengchungah tlan pheiin Primary School kawtah atawp anga Vety Quarter kawt tualzawlah a lut chho leh ang : Nilai leh Inrinni apiangin a tlan thin tawh bawk ang. Tin, Republic Vengthlang nen kan Motor hman a in-an tak loh avangin mahni veng motor ah chauh bawlhhlawh paih tawh turin kan in hriattir a ni e. Faina hapta hman mekah hian chhungtinte mahni in leh a vel tifai theuh turin kan in ngen nawn leh a, luikawr a bawlhhlawh paih thin kan la awm a, heng mite hian bawlhhlawh paih motor-ah chauh paih thin tawh turin kan in hriattir nawn leh a ni e.

SECTION YMA NEWS

Section I : Inrinni khan Pi Saikungi vawk talhin sumtuak hnatlang an neia,member thawk chhuak an tha hle. 2. Tun thla hian Information Fund chhungtin hnenah Rs.20 in an lo khawn dawn a,kan han inhriattir a ni. Section III : Ni 2.10.2012 Thawhlehni khan Pu C.Laldawngkima te in electric wiring hnatlang an neia, an la zawh hman lohte hi remchang hmasaber ah chhunzawm leh tum ani.Nimin (Inrinni) khan street light thalo siamtha in hnatlang an nei leh Information fund leh Republican man la pe lo ten a rang lamin lo pe theuh turin an in ngen nghal bawk ani e. Tin,Section huam chhungah zan lama thukhawma ruihtheihthil tih ching an la awm tih hriat ani a,hetiang tih ching an in man anih chuan an chungah na taka action lak an tum. Hun remchang hmasaber ah section sumtuak nan Bawng talh leh tum ani a,vengchhung mipuite tlawmngaia lo leisak leh theuh turin an in hriattir lawk ani e. Section - IV : Section sumtuak nan a sarep lo leisaktu zawng zawng te chungah lawmthu an sawi a, tin, a man hi khawn thuai tum a ni a, sarep leite lo inring turin an in hriattir e. Section - V : Ni 2.10.2012 (Tuesday) zingkar khan Section huamchhung leh Thlanmual thianfaiin YMA chhang te nen an hnatlang a,hnatlang an thawk chhuak tha hle.Nimin Inrinni zingkar khan sum tuak nan Pu.Lalbanthanga vawk an talha, inhlawhna siam saktute leh tlawmngaia an sa zawrh leisaktu te zawng zawng chungah lawmthu an sawi ani. Kumin chhung a an section project, garrage siam chu an zo fel ta. Section VII : : Ni 1.10.2012 (Thawhlehni)khan Upa te Ni hmanna-ah an fatu a,fatu tura ruat tenan thawk chhuak thain hnatlang a thawk chhuak zawng zawngte chungah lawmthu an sawi,Dt.6.10.2012 (Inrinni) zingkar khan section huam chhung ti faiin hnatlang an nei bawk.

The REPUBLICAN WEEKLY

Editors Jt. Editors : H. Lalhriatpuia R. Lalthanzawna : Robert Zosangliana RD.Lalrammawia Lalzarzova : H.Lalremruata Lalhmingmawia Andrew Lalrohlua Lalliantluanga Lalthanmawia Zomuanpuia Sailo : Ngurthanmawia : Lalhmangaihsanga Sailo Biakzosanga Kananmawia

Y.M.A. REPUBLIC VENG BRANCH

9862536632 9436159221 9862379583 9612698049 9856310432 9862449817 8974963471 9612318217 8575707353 9612325489 9862732404 9436375023 9862170549 9615820570 9862754953

Dt. 07.10.2012

E DITORIAL B OARD

TLAWMNGAIHNA
- Zalianthanga,Tahan Thuhmawrhmuh : Tlawmngaihna hi Mizote chauhin nei ang hrima sawi an awm thin. A dik thui hle na a, he chhungril thatna dan hi mihring ze rila bet tlat, mite tanpui duhna thinlung a ni a, hnam tinin an nei ti ila a sual tam awm lo ve. Amaherawh chu kan chet tlatna mual azirin uar bik leh hlut bik kan awm a. Hnam dang nunphung nena khaikhin ralah chuan Mizote hian kan uar bikin kan chawivawng hle niin a lang. Chumi a lan chian em emna chu he tlawmngaihna hi kan chenna ramri kan pelh rual hian hmuh tur a vang pharh zel. Tunlai hunah hian kan chenna ramri pel chu sawi loh, kan khawsakhona Zo khuaah ngei hian tlawmngaihna hi zawn chhuah fe a ngai tawh a, kan hun tawngin a zir ta nge ni? Thlur hrang hrangin chip neuh neuh chhin teh ang aw.. Modern Ethic : Tunlai thalaite nun hi Just do it policy hmangin kan phe dawr dawr tawh a, zuam sual lah an tam narawh. Hmanraw changkang leh incheina zangkhai tak tak a lo chhuak hnur a, kan hmuh leh kan hriatna ten min thunun thuk hle. A hmuihmer zawnga thlir pawhin engkim mai hi a Ready Made deuh vek tawh mai a nih hi. Hnathawh, lirthei khalh, zirna lamtluang leh sumdawnna chenin kan sanhmawh tawh a, chu chuan nunphung a sawi danglama Life Syle hi a thawveng hah hah tawh mai a ni ti ila dawt muhlum sawi kan ni lem lo ang chu. Sakhuana bu zawlah : Hnathawh lamah khua kan hawi zau \an a, dawrkai, puan\hui, ram dang kal, zirna beih ngawrh leh thil dangah hun kan hmang tam ta a ni ang inkhawm kan tlem tial tial a, hapta khat chhunga inkhawm leh meeting neuh neuh tan hun hman a harsa \an ta. Inkhawm tih tlem duh an awm ta nual mai. Chawlhni serh pawh hi kan palzam titih a ang ta hle. Boarding School-ah kan invawm lut hnur a, chu chuan kohhranah a titlangnel lova, zirna leh kohhran chu a inmihrang tial tial a, kan zirlaiten kohhran huang chhungah chanvo an nei tlem tial tial ta. Tunlai kohhran hrang hrangah hian tlawmngaihna nei lo piangthar thatchhia leh kohhran upa phakar zet zet hmuh tur an awm ta zeuh zeuh mai. TUNLAI TLAWMNGAIHNA Zirna hlamzuih : Cheng tam tak sengin lehkha kan zira a tha e. Secular-ah leh Bible lamah te kan inhnim phum zung zung a, zirna kan uar sawt ta hle ni pawhin a lang. Amaherawh chu hman tlak loh graduat thalai kan pung thur thur a, kut hnathawh lam kan thiam lo mai ni lovin kan hmusit mah mah hial zawk a. Hnim thlawh, pal hung, bawngtuthlawh, tuboh, ara, chem lek dan pawh kan zei lo zo ta. A thatchhe tawkin kan inzirtir a, hman tlak tak tak turin kan zir peih leh mang si lo. Thalai tha pui pui si kan zawi hnuang mai a, mahni pawh intodelh loho zingah chuan tlawmgaihna chu Ka ha he a ni ringawt mai. Ke zungpui phut hlerh hlerh paha ngaihtuah chet chet a hun ta.
phek-4-naah chhunzawm a ni....

News Editors

Manager Cir. Managers

YMA RUN hmang turte tan Br. YMA I/c Secy., Property - 9862369320 / 9436362024

Tun hi hun tha a ni...... Tun hun hi hun tha chu a ni a, kan lo tihsual tawh siam that nan te, kan tih tum tih hlawhtlin nan te leh hmalam hun a tih tur ruahman nan te hian tun hun tluk a hlu a awm lo. Mahse kan hun a liam zela tuman kan chelh ding thei lova, ni a chhuah a a tlak leh chhung hi chuan he hun hian din zai reng a rel dawn lo. Chu hun thuneihna huangah chuan khawvel hi a kun a, he hun vek hian kan vanglai hun pawh a liampui thin. Ni a liam a, thla a ral a, kum a vei a, kan hlim ni leh kan lungngaih ni pawh hi he hun hian a liam pui a tumah a thliar hrang ve lo. He hunral zel in a a ken tel chimawm zet chu, kum a vei rual a kan upa sawt leh kan thih ni kan hnaih sawt ringawt hi a ni a, chimawm teh mahse lei dan a ni miau a pumpelhna kawng reng reng a awm si lo. Chuvangin i hun tha kha a hlut zia han ngaihtuah thar teh. Kan tun hun zel hi he khawvel a kan hun tha a nih si chuan, kan tun hun theuh hi hmang tha ila YMA thuvawn kan nunpui a nih rual in, thangthar lo la awm zel tur te tan nun duhawm chhiar tur kan hnutchhiah tihna a ni ang. Kan hun tha a liam zel a, chu kan hun tha kan tih si loh chuan englai pawhin nunhlui duhawm lo kan siam belh zel tihna a ni dawn a, kan tan a tha lo a ni tawh mai lova, ram pawi kan khawih tel tihna a ni. Chuvangin kan tun hun tha liam zel hi rei lo tea kan nunhlui ni lehnghal tur an nih avangin nun hlui a chanchin duhawm sawi tur kan haihchham loh nan kan tun hun hi a hlut zai hrereng in uluk takin hman i tum theuh ang u.

* Kan Local Council te hmalakna avangin mualveng chung leihlawn te lutuk chu siam len a ni a, chumi bakah vengchhung street light te pawh siamthat a ni bawk. Veng chhung hmel a danglam ta hle. kan Local Council te han tang sauh sauh teh u. - Zepzuapa

The REPUBLICAN WEEKLY

Y.M.A. REPUBLIC VENG BRANCH

Dt. 07.10.2012

SUNNA
Pi Laltinchhingi (Laltini) d/o Lalbiakveli (L) (Chemi), kum-64, sec-III chu thawhah avangin Aizawl Civil Hospital ah ni 29.09.12 (Inrinni) zing dar 12.45 A.M khan a borala, hemi ni hian Republic Veng thlanmualah vuiliam a ni. Pi Laltini hi Republican Editorial Board member Pu Kananmawia 'Ni' a ni a, Republican Editorial Board ten khawhar chhungte kan tuarpui hle.

DAM LO
Nl.F.Laldinpuii d/o FC.Liannghinga, Sec-VII chu damdawiin a an inenkawl hnuah dam takin a rawn chhuak leh ta.

NAUTE THAR
Pu Gilead Ramdinmawia leh Pi Hmingthanzami, Section VIII te chuan ni 4.10.12 (Ningani) khan Presbyterian Hospital, Durtlang-ah fapa duhawm tak Kaleba Lalhruaitluanga an nei. Republican Editorial Board ten naute thar nei te kan lawmpui hle.

BO CHHAR
Pu Venliana te In (Section VIII) leh Sub Centre inkarah Pendrive chhar a ni a, tibo kan awm anih chuan a mobile number tarlan 9856310432-ah hian zawhfiah theih a ni.

MUP & MHIP HRIATTIRNA

Vawiin chawhnu inkhawm ban hian Pi Laltinchhingi (Laltini) ral tur a ni a. MUP leh MHIP member te kim taka kal vek tur ani e.

LEHKHA KAWNGBO
R.Lalnunkunga s/o M.Thawmliana Republic Veng, Aizawl tih chu Directorate of School Education Office ah lam tur a ni e.

PIC OF THE WEEK

Pic : Thlanmual tihfai hnatlang : Ni 2.10.12 a Sec-V

leh Presbyterian English School Scout & Guide te hnatlang

Pic : Lutz-a'n Nuntea training lai uluk takin a en. German Coach Pahnih Lutz Pfannenstiel leh Felix Imm-te chuan tunkar chho khan Mizoram Premier League team aiawh te, District tin aiawhte leh MFA aiawhte training an pe a. Nizan khan Tourist Lodge, Chaltlang-ah Cultural Programme nei in certificate pawh sem nghal a ni. Kar khat chhung Football Coaching Programme-ah hian kan veng atangin Vannunmawia Vanchhawng (Nuntea) pawh a tel ve a ni. Tunge Lutz Pfannenstiel? May 12, 1973-a Zwiesel, West Germany-a piang Lutz Pfannenstiel hi football goalkeeper chawl tawh a ni a, a chawlh hnu hian coaching lamah a lut ta a ni. Tuna a hna tak chu Germany-a league sang ber, Bundesliga club TSG 1899 Hoffenheim-a Scout (footballer ?ha zawngtu) a ni a, khawvel hmun hrang hrangah footballer tha zawngin a kal kual a, Hoffenheim-ah hian coaching a pe thin bawk. Bayern Munich Academy-ah bul tanin goalkeeper tha tak a ni a, Germany Under 17-ah a khel phak a, hetihlaia Germany rawlthar tha bera ngaih thin a ni. Amaherawhchu Bayern Munich in Oliver Khan an lak takah khan first eleven chan phak dawn loh avangin mak tak maiin Malaysia-ah a kal a, chuta tang chuan 'khawvel' hmun hrang hrangah a khel a, amah chiah hi FIFA hnuaia confederation (khawmualpui) hrang paruka professional footballer ni thei awm chhun a ni. Tuna khawvelin a hmelhriatna pakhat chu 'Global United FC' a din vang a ni. Global United FC hi khawvela sik leh sa inthlak danglam chak lutuk dotu pawl an ni a, football hmanga sik leh sa danglam do turin khawvelah a zin kual a, inkhel a buatsaih a, ennawm leh thil tangkai dang a huaihawt thin a; he pawla member zingah hian Zinedine Zidane, Pavel Nedved, Cafu, Lothar Matthauste pawh an tel nghe nghe a ni. Tunge Felix Imm? May 11, 1977-a Freiburg, Germany-a piang Felix Imm hi German Football Association (German ?awngin: Deutscher Fuball-Bund; DFB) hnuaia an football coach pakhat a ni a, DFB hnuaia Talent Promotion Programmeah awmin kum 2010 a?angin he hna hi a chelh tawh a ni. Khawvela sports zirna tha ber zinga mi, German Sport University, Cologne chhuak a ni a, Sport Science lamah degree a zir chhuak nghe nghe a ni. Kum 2008 khan Singapore Football Association hnuaiah a thawk tawh a, Japan, New Zealand leh Austriaah coach hna hrang hrang a lo chelh tawh bawk. Junior team hrang hrangte a enkawl tawh a, tunah German Football Association hnuaiah a awm mek a ni. Phek 4-naah chhunzawm a ni....

The REPUBLICAN WEEKLY

YMA MOTTO: * Hun awl hman that * Zofate hmasawnna ngaihtuah * Kristian nundan tha ngaihsan

Y.M.A. REPUBLIC VENG BRANCH

Dt. 07.10.2012

GAS CONNECTION NEI TE TANA HRIATTUR

Republic Veng chhung a Gas Connection nei zawng zawng te tan Customer Verification form fill up a ngaih dawn avangin chhungtin te Voter ID Card leh Ration Card xerox copy lo nei sa vek turin kan in hriattir a, form fillup hi tunkar hian tan a ni dawn a, a hun tur chu la inhriattir leh a ni ang. Consumer Verification ti lo tan Consumer Card a thi thei dawn a, chuvangin hei hi ngaihpawimawh tur a ni. Hemi hunah hian consumer catd nei zawng zawng ken tur a ni a,Thawhtan zan dar 6.45 ah Pu R. Khuangkunga kawta Gas la thin zawng zawngte YMA Run-ah Form fill up tura kal khawm tur a ni a, Rs 10 ken tur a ni.

YMA NIHNA : YMA chu Politics rawngkai lo tlawmngai pawl a ni.

Article chhunzawmna.... Khawtlang awngrawp : Mitthi lumen zanah menpuitu kan khat pharh a, thlan lai leh kuang siam tur pawh kan inhmu zo lo thawthang a ni ta. Khawhar riahpui thuah in neitute harsatna kan siam tawh a, zualko leh mitthi sawngbawl thuah senso a turu sawt hle a, tlawmngaihna ni ve si, sawi ngam loh thil inphum a tam ta hle mai. Meeting leh hnatlang kal lo chu cheng inchawitir a ni tawh a, mitthi ral, inneih, lungphunetc. ahte hun pek leh sum sen thilah harsatnain min chim mek tawh a ni. Dam lo kan chungchangah pawh eng emaw tal hum neih a lo tul a, chu chuan hre reng chunga hriat loh der a titul leh thin. Suih bawk ang : A chunga kan thu buan takte hi chhura buh thlirin Tahan dinhmun kan thlir thuakna a ni a, hmun thenkhatah an tawng tan ve mek a ni. Heng thil hi a rau lo em mai kan ti a ni thei, rau kan tih hi lam harhna chauh a ni love kan ti duh a ni. Economic, Sex Education, Ecology, Sociology, Moral Ethic leh Culture lam chen hian pulpit tlangah au chhuahpui a hun tawh hle mai. Information Communication Technology hunah hian tunlai thil leh Bible thu hi kan hmer kawp thiam a pawimawh hle. Tlawmngaihna kan ti zing ut a, namnul thilah a kal thui tawh hle mai. Hmanlai chu hmanlai a ni a, tunlai chu tunlai a ni. Chuvangin tlawmngaihna hi kan hun mil zela kan herrem thiam a pawimawh a, chuti lo chuan chawimawi phut tlat tlawmngaihna hian min vet bet tlat ang tih hi phanawm tak a ni ta.

infiamna chhunzawmna.... TV Schedule (Sunday Zan) Italian Serie A 2012/13 AS Roma vs. Atalanta (Star Sports) 3:55 PM Barclays Premier League 2012/13 Southampton vs. Fulham (Star Sports) 6:00 PM Newcastle vs. Man United (Star Sports) 8:25 PM Liga BBVA 2012/13 Match Barca vs. Real Madrid (Star Sports) 23:15 PM ICC World Twenty20 Final (ESPN) 6:45 PM (Kar hmasaa TV Schedule kan rawn tihchhuah kha a dikloh avangin chhiartute ngaihdamna kan ngen e)

SA THIANGHLIM
Vawksa rep,Shilong bawngsa rep,Ar puahsa leh Sangha tuihnai tak engtiklai pawhin in lamah leitur kan kawl reng e,Vengchhung mipui ten min han dawr ve teh u. Contact :Sanglianzuali 8974807134 (3-1) Republic Venghlun

ELECTORAL ROLL CHUNGCHANGA MIPUI TE HRIATTIRNA

Election Commission of India chuan Special Summary revision of electoral Rolls,2013 nei leh turin thupek a chhuah a. Hemi atana kumbi thliah chu 01.01.2013 a kum 18 tling chinte tan ani ang.Draft roll hi 01.10.2012 ah Polling Station tina tar chhuah tur ani a, tin, dilna hrang hrang pawh 01.10.2012 atanga 31.10.2012 thleng bialtu ERO,AERO,BLO,leh DO te hnenah thehluh theih a ni ang. Veng chhung a dilna chi hrang hrangte lakchhuahna leh thehluhna turte chu 1. Hmarveng, Mualvengchung, Mualvengthlang/Vety Mual te tan Pi J.Lalrinsangi D.O leh Pu Lalchhuangliana B.L.O 2. Venglai.Field Veng leh Biakinmual te tan Pi Lalruatpuii D.O leh Pu C.Zirliana B.L.O 3.Venghlun pumpuite tan Pu Saibuanga D.O leh Pu Lalnunmawia Hnamte B.L.O Electoral Roll siamthar tur hi Local Council Roll nen a inanglo tih hriattur a ni e.

SOFA SOFA SOFA

Sub-Centre hnuai ,Sec VIII ah Sofa Design chi hrang hrang kan siam thei in,a order theih reng e.Chu mai bakah THINGZAI lei tur a bulah kan zuar bawk e. Contact : 9862536430 Lalhruaia (3-1) 8974798707 Republic Hmar Veng

(3-2)

Published by Republic Veng Branch YMA, Printed at Zo-Awm Press, Khatla, Copy750