VOL. 31 ISSUE NO. 03 An Official Organ of Y.M.A. Republic Veng Branch Dt. 20.01.

2013

Kan ram leh hnam hi a dam loh chuan nang pawh i dam bik lo tihna a ni.

REPUBLICAN EDITORIAL BOARD MEMBER 2013 |HUTKHAWM A NI

Republican 20th Jaanuary 2013 : Ni 18.1.2013 (Zirtawp) zan dar 7 khan YMA Runah Republican Editorial Board kum 2013 member te an thukhawm a, Republican kalpui dan tur leh an chetvelna tur atana thil pawimawh hrang hrang an rel nghal. Editorial Board member te chi reng reng chu kan veng chhung hnenah Repubican kal phung leh a mi article ziak thei an awm chuan nih phung te Tv.H.Lalhriatpuia, an tan hmun a awm reng thu an Editor leh Tv.Lalzarzova Joint sawi bawk. Kumin chhung hian Editor te hnen atangin ngaihthlak a ni a. Tin, hemi bakah hian kumin Republican chhut nan leh hna a chhung a Republican a thuchhuah chak zawk nan computer seconddan tur leh hmachhawp te an thlir hand lei tum a ni bawk, a tul ang a hmalak an tum bawk. Tin, ho nghal a ni. Republican hi ram pawn a awm kan Kumin chhung hian veng chhung mite tan internet kal Naupang huang te, Hriselna huang tlang a chhiar theih turin buaitsaih te leh Hriatzauna te chu hmun awm mek zel a ni. Tin, news emaw thu dan a zirin tihchhuah leh tan a ni chhuah tur nei tan hmun a awm dawn. Article leh a kaihhnawih ang reng bawk.

LOCAL COUNCIL NEWS

Republic Veng Local Council chuan Sawrkar hmalakna thlawpin Kawipui to Lungli tuikhur ah motor kawngpui dalin leh Lungli tuikhur kawt a motor turn-na dalin lirtheih dah / riah a khap a, he khapna bawhchhia an awm chuan Action lak a nih pawhin engmah an sawi buai thei lovang. He khapna thupek hi ni 21.1.2013 atanga hman tan tur a ni ang. Ram a lo changkang zel a, chuvangin helai kawngpui hmang tangkai tute tan alo awlsam zawk nan a he thupek hi siam a ni.

HRIATTIRNA
* Republic Vety Centre hi thawktu indaih lohna avangin Zirtawpni bik ah chuan dawr theih an ni dawn hrih lova, mipuite hriatthiamna an ngen a ni. Thawhtanni leh Ningani ah chauh dawr theih an ni ang.

KEIMAHNI
* Kum 2013 Republican Section Agent ten January ni 27 a hman turin section tin atanga Republican la tur zat Republican Manager Pu Biakengmawia hnenah a rang thei ang bera hriattir turin kan in ngen a ni.

MUP HRUAITU INTHLAN

2013-2015 (Kum 2 Term) hruaitu tur inthlan alo hun leh ta a. Member zawng zawng kal vek turin an inhriattir an inngen a ni. A hun : 25.1.2013 (Zirtawp) Tan hun : 11:00 A.M A hmun : Community Hall, Republic Veng Inthlan min buaipui turin YMA Republic Veng Branch te sawm an ni. Thingpui leh a hmeh buatsaih a ni ang.

Section I : Crutch (Zakdawh) pair 4 an neithar a. Hei hi veng chhunga mamawh apiangin hawh theih ani a, A hawh turte tan mahni Section awmna hruaitute hriatpuina lehkha kengin Section-I hruaitute hnenah dil theih ani e. * Kum 2013 Republican Agent atan Tv. Lalnunpuia an ruat a. Tin, YMA chhang convener atan Tv. Vanlalpeka leh Tv. Lalnunpuia te an ruat bawk. * Pu. Lalremsanga'n an property house kawta dah tur street light tha tak a pe a. A chungah an lawm hle. Section III : Dt.17.1.2013 (Ningani) zan khan Kumin a Executive Committee hmasa ber an neia, hetah hian Branch Committee in alo rel tawh angin YMA chhang hruaitu tur an ruat a, Commander ah Nl.Lalrintluangi (Tetei) leh Asst.Commanders atan Tv.Lalnunthanga leh Tv.Lalchhandama te an ruata YMA member leh YMA chhang member tur an zawng

mek bawk. Tin, nimin ni 19.1.2013 (Inrinni) khan Kawipui bazar an sak mek ah Slab chhungin hnatlang an nei bawk. Section IV : An member Tv.David Vanlalhruaia chuan ni 18.01.2013 (Zirtawpni) hian Republic Veng Presbyterian Kohhran biakinah nupui a nei a, an lawmpui hle. Tin, hemi ni hian section hruaitute leh mitlawmngaite an fatu a ni. An section huamchhung a YMA member zawn an tum tan a, YMA member ni rual chu inpe turin an ingnen a ni, tin, YMA chhang pawh member zawn a ni dawn a, member ni rual chu inpe theuh turin an in sawm nghal bawk a ni. Section -V : Kumin 2013 chhung hian kum danga an tih thin angin Committee apianga charity fund bawm hunga chrismas chibai bukna an pek thin chu tih chhunzawm zel an tum. Committee kal kim leh hnatlang kal tha 75% kal chin te hnena lawmman an pek thin pawh tih chhunzawm zel an tum bawk. Section VI : Ni 10.01.2013 khan
Phek 3-naah chhunzawm a ni..

The REPUBLICAN WEEKLY

Y.M.A. REPUBLIC VENG BRANCH

Dt. 20.01.2013

E DITORIAL B OARD
Editors Jt. Editors : H. Lalhriatpuia R. Lalthanzawna : David Lalhmangaihsanga RD.Lalrammawia Lalzarzova News Editors
9774512681 9612318217 8974435015 9856347837 9774378498 9862732404 9612325489

9862536632 9436159221 9862170549 9612698049 9856310432

9612326171 9862142550 9862344936 9089734017 9862365557 9089682276

MIZO HNAM NUN

- Jolie Chhakchhuak

Reuben Lalthanchhunga Andrew Lalrohlua Lalnunthanga Andrew Lalrindika F.Vanlalhriata Zomuanpuia Sailo Lalthanmawia

Lalruatfeli F.Lalbiakzuali Lalruatpuii Jolie Lalruatsangi Abigail Remlalfaki Lalngaihsaki Fanai

Manager Biakzosanga Kananmawia

Biakengmawia 9862860225 Cir. Managers - 9615820570 H.Lalremruata - 9862449817 - 9862754953 Lalbiakthuama - 9089603091

YMA RUN hmang turte tan Br. YMA I/c Secy., Property - 9862369320 / 9436362024

Pathian venna leh kaihhruaina a zarah kum thar kan hmang tan leh ta der mai chu a ni a, Section hrang hrang te pawhin committee member leh chanvo neitur te an in ruat fel leh ta bawk . Kumin chu Branch YMA leh KTP te hian nasa leh zual a kan thawh ho angai dawn tak meuh a ni. Branch KTP in group pali (4) ni thin group paruk (6) ah athen hrang ta bawk a, group alo te ta bawk nen thahnem ngaih ana duh khawp ang . Branch YMA Comtt. member leh Section YMA comtt member te hi atam zawk chu Branch KTP Comtt. member leh hruaitu pawimawh tak tak annih mai bakah Kohhran in ahman tang kai tak tak an awm nuk dawn a, thahnem ngaihna leh rawngbawlna tak taka ngaia kan thawhho apawimawh hle in ahriat. YMA leh KTP hi dah hrang lova alo din chhuaktu (Missionary) te thuhmun an nih ang leh Pathian (Kohhran) leh khawtlang tana rawngbawlna ani tih hria a thahnem ngai taka thawhho angai a ni. KTP/YMA hnatlang leh activity hrang hrang ah pawh abik awm lova kan thawhho apawimawh hle mai, KTP hnatlang leh thil tih a kal peih miah lo, KTP member ni si, YMA thiltih a phur leh hle si te hian ngaihtuahna ati thui duh hle mai, chutiang bawkin YMA hnatlang a kal peih miahlo, YMA member nisi, KTP thil tih a phur leh hle si Member kan nih chuan kan in ngaihtuah viau angai a ni. Chung piah lamah chuan YMA leh KTP member a hming ziak lut ve si hnatlang leh activity hrang hrang a tel peih miah silo, mitthi lumen zana tlaivar peihlo leh thlan lai ngai bawk silo, khawharin tak ngial pawh kal ngailo te kanla nih ngat phei chuan kan in enfiah a tha hle mai. Amaherawh chu thawhhona tha tak kan neih erawh chuan kan khawtlang leh kohhran hian nasa takin hma asawn ngei ang. Hawh u vengchhung hmasawn nan itangrual ang u...

* Kan Local Council te hmalakna a zarah kawipui chung step nuam tak kan nei thar le ta, van lawmawm em! Kan Local Council te kan chhuang cheu a nia, tan han la sauh teh - Empy Gerrard

Khawvel hnam tin hian chhiatni in sawngbawl dante kan nei vek a. Keini Mizote pawh hian chhiatnia insawngbawl dan hmanlai atangin tun thlengin kan nei a, a langsar zual deuhte chu:- mitthi tlaivarpui te, khawhar ina kal te, thlan laih te, khawhar in riah te, mitthi buhfai khawnte an ni a. Kan hnam nun anih avangin kan zah tur a ni a. Mizo kan nih chuan kan tihtur a ni a, kan hnam dan hi kan chawimawi tur a ni. Hmanlai angin ruang zawn te, zan laia zualkoa ke-a kalte a ngai tawh lova, tun hun hi inthlakdanglam lai hun (transitional period) a ni a. Nakin lawkah chuan tuna thlan laih, buhfai khawn, khawhar in riah etc. te hi a awm tawh kher lo mai thei a. Tunah ngei pawh veng thenkhatah chuan a awm tawh lo a ni. Kan hun neih leh khawtlang nunphung ang zelin kan siksawi chho mek zel a. Heng kan hnam nun mawi chhiatni a inenkawl dan leh tlawmngaihna hrang hrangte hian mual liam hun a la nei ngei dawnin a hriat a. Chuvangin nakina kan tu leh fate hnena sawi tur kan neih ve theih nan leh kan dai ve tawh ngei hrilh tur kan neih hi a la hlu dawn a. Intih changkan vanga hnam nun mawi changkan san te, ngainep te hi kan tihtur a ni lo a. Nakinah tu leh fate hnena hnam nun a taka dai hlan chhawn tur nei lo te kan lo ni palh mai ang tih a hlauhawm hle a. Thangtharte rawn theih, rawn tlak kan nih theih a la pawimawh hle dawn a ni. Mizo ni reng si, thih huna thlan laih sak ngai, lumen ngai, buhfai khawn sak ngai leh tur si midang tana ke pen duh miah si lo hi a mizo lova, a kristian lo. Kan kristianna leh kan hnam nun hi a inzawm tlat a. Kan hnam nun hian kan kristianna hi a chawimawi ang a, kan kristianna hian kan hnam nun a chawisang bawk ang a, hetianga hnam nun leh kristianna inzawm nghet tak si hi keini Mizote lo chu hnamdang an vang viauin a rinawm. Nu leh Pa te pawhin thahnem ngai takin tu leh fate hnenah he kan hnam nunphung hlutzia hi in hrilh chiang ila. Mizo zia rang, nihna (identity) ber chu tlawmngaihna a ni a. Chuvang chuan hnam nun hi kan inzirtir chian hle a ngai a. A nih loh chuan vai si lo, sap si lo, hmel mizo tak, mahse mizo nunphung hre si loin kan awm ang a. Hnam nun leh rohlu hi hrechiang loin hnam dang tu tute emaw tihdan kan la khawm mai mai ang tihte a hlauhawm a ni. Ram dangah pawh awm ila, kan mizo nunphung tlawmngaihna pawh hi kan chhawm nun zel a pawimawh a. Kan awmna hmun azir zelin kan hnam nun hi kan humhimin kan venhim hram hram a,
chhunzawmna page - 4

The REPUBLICAN WEEKLY

Y.M.A. REPUBLIC VENG BRANCH

Dt. 20.01.2013

MC&DC
Ni 25.1.2013 hian Mizo Cultural & Drama Club (MC&DC) Republic veng chuan kum 2013 chhunga hruaitu tur thlanna Park eden ah an nei dawn a, kal tur te chu zing dar 10:00 ah Community Hall bul atanga chhuah tur a ni e. Member zawng zawng te kim taka kal tur a ni e.

MIZORAM PREMIER LEAGUE

Mizoram Premier League Season 1 chu 1st Phase chu ni 18.01.13 (Zirtawpni) khan khelh tan a ni leh ta a. Inkhel hmasaberah Dinthar FC in FC Kulikawn 2-1 in an hneh a. Inkhel hnuhnung zawk hi Aizawl FC in Luangmual FC 2-1 in an hneh ve leh bawk. Dinthar FC tana chakna goal thuntu Lalnunmawia (Mawitea) chuan goal 5 thun tawhin Mizoram Police Winger Lalbiakhlua nen Top Scorer an ni mek. Inrinni a inkhel Reitlang FC Vs FC RS Annexe leh Mizoram Police FC Vs Chanmari FC inkhel result kan hre hman lo. MPL Round 9 a inkhel turte : 23rd January (Nilaini) 12:00 noon : AIZAWL FC VS FC RS ANNEXE 02:30 PM : REITLANG FC VS LUANGMUAL FC 24th January (Ningani) 12:00 noon : CHANMARI FC VS FC KULIKAWN 02:30 PM : MRP FC VS DINTHAR FC FIFA RANKING-AH INDIA IN HMA A SAWN LO January ni 15 (Nignani) ah FIFA leh Coca-Cola tangkawp chuan Men's Football World Ranking an tichhuak a, kumthar bawr velah international football khelh a nih mang loh avangin ranking tharah hian thil danglam a tam lo. Top 10 ah team thar an awm lo a ni mai lova, top 10 a lang zingah tlahniam emaw, hmasawn an awm lo hrim hrim. Spain an la sang fal hle a, Germany leh Argentina ten dawtin, an hnungah Italy leh Colombia ten an awm bawk a ni. Ranking thar atan hian match 46 chauh chhut a ni a, heng zinga match 18 te hi kum 2012 a khelh niin, match 28 te hi January 2013 a khelh a ni thung. India pawh a dinhmun ngaiah a ding a, 166 na a nih chhunzawm. FIFA ranking-ah hian ram 209 an awm a, chung zinga 166 na nih chu a hniam viau a ni. Asia khawmualpui bikah chuan ram 46 zingah India hi 31 na a ni bawk. FIFA/Coca-Cola ranking hi February ni 14, 2013 ah tihchhuah leh a ni ang. TV SCHEDULE (Ni 13.01.2013 - Chawlhni Zan) 06:55 PM : Chelsea Vs Arsenal - ESPN 09:25 PM : Tottenham Vs Man Utd- ESPN

NAUTE THAR
Pu Lalhmingsanga leh Pi Narellie Rohlupuii Section - VIII te nupa chuan ni 11.1.2013 khan Synod Hospital-ah fanu duhawm tak Carla Zaithanpuii an nei.

Zin haw
Tv. Lalzidinga chu zirna avanga phai lama hun reitak a awm hnuin ni 17.1.2013 khan chawlh hmangin alo haw. Tluang taka a zir zel theih nan Republican in duhsakna a hlan e.
Section News chhunzawmna....

kumin 2013 atana section YMA Executive Committee hmasa ber neih a ni a. Kum 2013 chhunga chanvo hrang hrang chang turte an in ruatfel nghal. * Ni 12.01.2013 khan kumin 2013 chhung atan hnatlang hmasa ber, bungraw enfel leh property house tihfai hnatlang an nei a, member chhuak an tha hle. * Ni 14 leh 15.01.2013 zing karah kumin chhung atana, YMA member tur leh YMA chhang member turte zawng a chhuakin, member in tlawh chhuahna hun an hmang nghal. * Ni 16 leh 17.01.2013 zanah, sumtuak nan soil Quarter hlui leivung paih hnatlang neih ania, member thawk chhuak an tam hle, member thawkchhuakte chungah leh hnathawh tur min ngaihtuah saktu Pu. Lalenkawla leh leivung paihna hmun a thlawna hman tirtu Pu. Lalremtluanga (Pataia) chungah section hruaituten lawmthu an sawi tak meuh meuh ani. Hnatlang neih leh zel turah pawh thahnem ngai taka thawk chhuak zel turin an in sawm nghal bawk. * Section huam chhung alo felfai zawk nan, section huam chhunga ram vulh tute (Abikin Ui) mahni ranvulh theuh khuahkhirh thar leh turin an inngen bawk a ni. * An section committee in a rel tawh angin kumin 2013 chhunga mi tlawmngai, heng hnaltang kal tha, thlanlaih, mithi lumen, committee na a kal tha te hnenah kum tawpah lawmman buatsaih leh tum a ni. Section VII : Kum 2013 YMA chhang Commander turin Tv. Lalnunhlua leh Nl. Lalchhanhimi Sailo te ruat an ni. * Ni 12.01.2013 khan Mualvengkawn vela Telephone/TV cable wire hnawk thenfai hnatlang neih ani a, member te an thawk chhuak tha hle a, hnatlang ei leh in hi Pu. F. Vanlaldika, Leader in a tumsak a, A chungah Section YMA an lawm hle. * Section VII YMA enkawl Republic Anganwadi Centre - III Co-ordination Committee kum 2013 hruaitu tur inruat thar a ni a, Office Bearer te chu : Chairman : Pu. H.S. Lalrema Vice Chairman : Pu. F. Vanlaldika Secretary : Pu H.Lalremsiama Treasurer : Pu R.Laltanpuia.

NGENNA
Dt.25.1.2013 - Dt.27.1.2013 chhung hian Republic Veng Pastor Bial KTP Conference chu Republic Veng kohhran biak in ah nghah ani dawna Biakin kawta motor dah thin ten hemi hun chhung hian Khawmpui Palai te leh Khawmpui chhim tute tan dahna lo kian turin kan in ngen ani e, Local Council ah phalna lak anih tawh avangin khawngaiha ngaipawimawh turin an ngen.

The REPUBLICAN WEEKLY

YMA MOTTO: * Hun awl hman that * Zofate hmasawnna ngaihtuah * Kristian nundan tha ngaihsan

Y.M.A. REPUBLIC VENG BRANCH

Dt. 20.01.2013

HRISELNA
SAWHTHING THATNA
Sawhthing hi a hrisel tih chu kan hre fur ang, mahse, engtiang chiahin nge kan taksa tan a that dan tih erawh kan hre tam lo mai thei. Dr. Jaishree Bhattacharjee, Ayurvedic Consultant-in Times of India, Health Section-a sawhthing thatna hrang hrang a ziahte kan rawn tarlang e. Dr. Jaishree chuan, "Sawhthing hi Ayurvedaah chuan kan hmang lar hle a, pum lam leh thawkna lama fel lo enkawl nan kan hmang lar zual. Carminative, antiflatulent, stimulant leh expectorant tha tak tak - calcium, phosphorous, iron, mahnesium, copper, zinc leh thil dang pawh a pai hnem hle," a ti. Sawhthing chu hritlang tan a tha tih kan hre fur tawh a, sawhthing tui chu khuh le hritlang tan damdawi tha tak a ni a, hritlang vanga hnap tui leh lunate pawh a tireh thei. Tun tumah hian a that na dang kan tarlang dawn a ni. Sawhthing chuan digestive fire a titho thei a, chuvangin chaw ei hmaa sawhthing tlem eiin chaw ei a titui thei a, chaw paitawihnate pawh tichakin, taksa atangin turte pawh a paih chhuak thei. Chaw eikhama sawhthing zai lep khat lek ei pawh digestion atan a tha hle. Sawhthing chu motor rui thin tan pawh a tha hle a, motor a chuan hmain sawhthing chu hmuam tur a ni. Hei bakah digestive enzymes a tanpui bawk. Zin mite tan sawhthing pai a tihchi hle a, zin chhuah changin ei leh in leh khawsak phung a lo inthlak a, chuvangin pum nuam lo leh ek khalte a awm duh hle. Chutiang hunah chuan sawhthing hi a tangkai hle a ni. Sawhthing tihro (dried ginger) chuan analgesic leh anti-inflamatory properties a nei a, chuvangin ruh chuktuah na leh tuhseh tan pawh damdawi tha tak a ni.

YMA NIHNA : YMA chu Politics rawngkai lo tlawmngai pawl a ni.

Article chhunzawmna...... hnamdang pawhin mizo chu tlawmngai, inpe, rinawm, zoze mawi tak kan ni tih hi hria se, chhiatniah pawh hnamdangte mak tih khawpin kan hnam nun tarlang thei ila Mizo kan va chawimawi nasa dawn em! Chuvangin, kan hun hlutziate hi chhut chiang ila, nakin lawkah chuan koh kir theih a ni tawh dawn lova. Tap tapin ko ko mahila nakinah chuan tihngaihna a awm tawh dawn lo a ni. Chuvang tak chuan tun hunah hian kan kalphung kan zawm hram hram a, kan theihnghilh loh a, kan chian a ngai a. Ka lo ti lo a ni tia inchhir awm tawh lo turin, he hun hlu takah hian kan tel ve lo ang tih a hlauhawm a, a hlutzia leh keimahni tan ngei a ni a. Thalaite leh chhung tinte harh chhuakin, kan hnam tan mai bakah, keimahni tan a pawimawh zia hriain tan la sauh sauh ila, veng nuam ber leh khawtlang nuam ber siam theitu chu keimahni ngei hi kan ni tih hriain ke i pen sauh sauh ang u.

REPUBLIC VENG YMA BRANCH

Republic Veng anih hma chuan Tuikhuahtlang Vengthar tih te leh Republic Avenue tihte chu a hming hmasa a ni. November ni 15, 1958-ah Republic Veng YMA Branch din a ni a. Inthlanna hmasa ber chu Thanzuala Sailo te inah neih niin hruaitu hmasaber te chu R.B. Chawnga (President), R. Vanlawma (Vice President), R. Laltluanga (Secretary), Lalthantluangi (Asst. Secy.), Laldingliani (Treasurer) leh Ngurthantluangi (Fin. Secy.) te an ni. Republic Veng YMA Branch din anih hnu hian branch 4 (li) ngawt an in dang ve leh tawh a. April ni 3, 1982 khan Mualmawi Branch YMA an in dang a. August ni 28, 1997-ah Upper Republic Branch YMA an in dang ve leh a. December ni 15, 2006-ah Republic Vengthlang Branch YMA an in dang ve leh bawk. Branch YMA Chanchinbu - The Republican July ni 24, 1982 a Branch Committee chuan vengchhungah YMA chanchinbu chhuah ni se tiin a rel a, a hming atan The Republican Weekly tih ni se tiin an rel a. Editorial Board hmasa ber te chu S. Ronghinglova (Editor), Saithangpuia Sailo (Asst Ed), Siliana (Manager), F. Lalthawmvunga (News Editor) te bakah Circulation Managers pali PC Chuaukunga, R. Pachhunga, Ngurthanmawia leh Lalnuntluanga Tlomte te an ni. Source : Republic Veng Branch Golden Jubilee (1958-2008) Souvenir.

HATKORA TUI
HATKORA TUI ENGMAH PAWLH LOH (SIAL) DAMDAWI ATAN UM KHAT Rs. 70 IN LEI TUR KAN NEI RENG E. Phone :9862561296 (3-1) IN THIAN LALDUHAWMA REPUBLIC VENG SOIL QUARTER

www.ZoFooty.com
ZoFooty.com chuan Republican chhiartu zawng zawng Kumthar Chibai a buk che u a. ZoFooty Facebook page www.facebook.com/zofooty lo LIKE theuh turin a sawm bawk che u a ni. Administrators & Authors ZoFooty Team

Published by Republic Veng Branch YMA, Printed at Zo-Awm Press, Khatla, Copy750