Vous êtes sur la page 1sur 17

40 Hadiths

Source: Auntie Wheng

Praise Be to Allah

1)

Hisiyo2x in pyangadji nya in Quran sarta hyati nya,iban in halal hyalal nya,iban in haram hyaram nya,pasurun sya sin Allah Surga iban makajamin sya 10 katao halaum bay nya misan pa in kaawnan nila yadtu sabunnal tuud wajib na kanila in sumud pa Narka!

2)

Hisiyo2x in malabassa sin Quran iban in sya ha laum sambahayangg aun kaniya ha tiyap2x hurup 100 karayawan,iban hisiyo2x in makabassa Quran ha guwa sin sambahayang sumagawa aun Wudu nya,nah! Aun kaniya ha tiyap2x hurup25 karayawan iban hisiyo2x in makabassa Quran ha wayruun Wudu nya nah! Aun kaniya ha tiyap2x hurup 10 karayawan

3)

Bang kamo mabaya mabuhi bya sin kabuhi sin tau masanyang,iban mapatay bya sin patay Shahid iban masalamat ha adlaw pagduy/iban aun lambung silungan ha adlaw landu mapasu/ iban malappas ha panghindu dain ha kalaungan/nah! Subay nyo tugulan in pagbassa Quran/nah! Sabunnal tuud in sya kallam sin Tuhan baing kasihun/iban mahinang taming dain ha Shaytan/iban hikarugang sin buhgat sin ammal mo marayaw dain ha timbangan

4)

In sahalga halga ibadat sin ummat ko amuna in mangadji atawa magbassa Quran

5)

Hisiyo2x in kaawnan nya makug iban makuyag duma magbak ha Allah,nah! Subay nya mulyahun in Ahli sin Allah, nangasubu in mga Shahabat,Oh!..kaw daak sin Allah, unu in Allah barkawasa iban sataas taas2x aun Ahli nya? Sabda sin Nabie, Huun nangasubu in mga Shahabat hisiyo2x sila Oh!.. kaw daak sin Allah?sabda sin nabie in ahli sin Allah di ha dunya amuna in mga sila magbassa atawa mangadji Quran, tumtuma nyo hisiyo2x in mamba-ba baba kanila nah sabunnal tuud babaun sya sin Allah,iban pasurun sya Narka Jaannam! Wa hay Abi Hurayra wayruun pa ha hadaat sin Allah misan hambuuk in labi mulya dain ha mga mulya dain ha mga sila maghahapal Qur-an tumtuma iban sabunnal tuut in maghahapal Qur-an ha hadarat sin Allah labi mulya dain ha tiyap2x hambuuk malaingkan mga kanabihan.

6)

Bassaha nyu in Qur-an nah sabunnal tuud in sya yan (Qur-an) dumatung ha adlaw Qiyama sumafaat ha tao nakabassa kanya.

7)

In Sarayaw rayaw ha antara nyo hisiyu2x in pyapanjari nya in Qur-an Sarta pyanghindu nya.

8)

In Qur-an sumasafaat iban tatayma-un in safaat nya iban uno2x,na in hituntut nya bubunnalun,nah! Hisiyu2x in manusya magpapanjari kaniya aagaran nya ambitun sya harap pa Sulgah ,iban hisiyo2x in manusya magpapanjari kaniya ha danmpal pa ulihan nya dagtuun sya harap pa Narka.

9) H

isiyu2x in mamarihala sin Qur-an pagaanun sin Allah mahabarakat iban sataas2x dan ha duwa maas nya in siksah misan in kaawnan nila kaduwa kafir.

10)

Pangadji-a nyo in Qur-an nah Sabunnal Tuud in sya (Qur-an) dumatung ha tao nakabassa kanya ha adlaw Qiyama apabila barhajat kanya,sabda sin Nabie nah dumatung na in Qur-an pa mga tao nakabassa kanya duun ha salingkat-lingkat dagbus,ampa na umasubu kaniya uno kakilahan mura ako? Ampa na sumambung in tao nakabassaa kanya hisiyu kaw? Ako na amuin kalasahan mo,iban myumulya mo,iban magbangon kaw sin dum ha karna ko,iban kabiyaksahan mo pagbassahun sin adlaw. Ampa na mamung in tao yan maraih ikaw na in Qur-an mahuli ambitun nya na in tao yan harap pa Allah,ampana dihilan kawasa ha dampal pa tu-u nya kumakkal pa dampal pa lawa nya,iban hibutang na in korona (crown) ha tanda sin pagkasultan ha babaw uh (head) nya, iban dihilan in duwa maas nya habang mayan Muslim da sin pangampu salingkat2x amuin dih katimbangan in kyadihil ha duwa yan sin dunya misan lipat barganta. Ampa na mamung in duwa maas nya daindiin kamo nakakawa ha ini sin wala simampay (kanya) madtu kanya in ammal namu.Nah! mamung na in Allah maun kanila duwa ha sabab sin kalabbian sin anak nyo 2 sin pagpangadji nya Qur-an hangkanta kamo dihilan sin damikkiyan yan

11)

Hisiyu2x in makapahayang dain ha kasigpitan sin taymanghud mumin dain ha kasigpitan ha adlaw akhirat. Iban hisiyu2x in makapaluhay dain ha kasusahan sin taymanghud nya mumin paluhayun sin Allah duun kaniya in kasusahan dunya iban akhirat ,iban in Allah tattap in partabangan nya duun ha iypun nya sakanu in iypun nya tattap in partabangan nya duun ha taimanghud nya Muslim. Iban hisiyu in manaw ha dan in maksud manuntut ilmupaluhayun sin Allah kaniya in panaw nya ha dan tudju pa laum surgah

12)

In manuntut ilmu dardu (wajib) duun ha tiyap2x Muslim usog iban Muslim babae.

13)

Tuntuta nyo in ilmu dain pa kamo ha buwahan sampay kamo (mabut) muwih liyang lahad.

14)

Tuntuta nyo in ilmu misan pa in kaawnan nyo ha hula lannang (malayu)

15)

Hisiyi2x in gumuwa dain ha bay nya maksud manuntut ilmu nah sya yan ha dan sin Allah sahingga sya maka-uwi

16)

Hisiyu2x in mabaya magkasannangan ha dunya nah subay nya tuntutun in ilmu nya,iban hisiyu2x in mabaya magkasannangan ha adlaw Akhirat nah subay nya tuntutun un ilmu nya ,iban hisiyu2x in mabaya magkasannangan ha duwa hula nasabbot yan nah subay nya tuntutun in ilmu nya.

17)

Hisiyu2x in nakapangadji hangka gikap dain ha ilmu in maksud nya hipanghindu nya ha pagkahi nya manusya dihilan sya sin Allah hipanghindu nya ha pagkahi nya manusya dihilan sya sin Allah pahala byah sin pahala sin 70 kanabihan.

18)

Hisiyu2x in mabaya umatud ha mga tao myahardika sin Allah dain ha,Narka,nah atud na kamo pa mga sila nanununtut ilmu,sapahan ko amun ginhawa hi Muhammad(S.A.W.) ha laum hokum milik nya wayruun dain ha hambuuk murid in simib sadja ha lawang bay sin Alim malaingkan ipasulat sin Allah kaniyain tiyap2x hurup iban tiyap2x tikang nya ibadat hangka tahun iban pabangunan sya sin Allahha tiyap2x tikang nya daira halaum sin Surga iban in panaw nya duun ha ginlupan nya,iban in ginlupan pangayuan sya ampun pa Allah iban ha tiyap2x mahapun iban mahinaat ampunun kanya in pardusahan nya iban sumaksikanya in mga malaikat in tamung nila sila yadtu in myahardika sin Allah dain ha narka

19)

Pagpanjari kaw Alim atawa murid atawa mangdurungug dungug iban ayaw kaw magpapanjari ha hika upat nah magkangi na kaw,nangasubu in mga Shahabat Oh!..daak sin Allah uno in ammal salaggu2x pa Allah?na sabda sin Nabie in manuntut ilmu ha karna sin Allah.

20)

In sarayaw-rayaw ammal duun ha babaw sin ginlupaan tuh parkala,manuntut ilmu,mag jihad,iban magusaha jatti karna sabunnal tuud in manuntut ilmu kakasihan sin Allaha iban in mag-jihad bagay sin Allah,iban mag-usaha jatti bubunnalun sin Allah.

21)

Hisiyu2x in makabanja hambuk pilak ha taomanuntut ilmu na sapantun in sya nakalanjal bya sin laggu sin bud uhud dain ha bulawan pula ha dan sin Allah sa taas2x

22)

Makawa mo in karayawan ha dunya iban Akhirat sarta sin ilmu,iban makawa mo in kamulyahan ha dunya iban ha adlaw Akhirat sarta sin ilmu iban hambuok Alim malaggu in kalabbian nya ha hadarat sin Allah sataas2x dain ha hangibuh patay Shahid

23)

Sabunnal tud in Allah sa taas2x nagpapanjari daira dain ha sahaya ha baba sin Aras,in laggu nya bya dunya makahangpu lipatun,aun halaumnya 1000 kahoy dain ha palmata iban dilam,iban intan,iban mussa,iban kumala nah apabila dumatung na in adlaw Qiyama in mga dahun nya mahuli makarungug na sila patawagun dain ha hadarat sin tuhan baing kasihun hain na amuin mga sila magsambahayang sin sambahayang 5-waktu ha sambahayang bar jama-a mahuli limingkudsila ha hadarat sin ilmu ha supaya sila makasilung ha lambung sin mga kahoy yan ha adlaw ine mahuli dumatung na sila sarta limingkod na sila ha baba sin mga kahoy yan mahuli hibutang na in antara nila in lamisahan dain ha sahaya in lalabutan ha taas sin lamisahan yan makapatubu sin nafsu.Iban maybug ha pang-atud nah!namung na kanila in Allah santap na kamo dain kaniyo sin lalabutan jinisan babarapa.

24)

Hisiyu2x in sumambahayang sin sambahayang 5-waktu sarta limingkud sya duun ha madjilis sin ilmu iban dumungug sya sin Kallam sin Allah sarta baugbugan nya dihilan sya sin Allah sataas2x sin unum parkala ridziki dain ha halal. Iban malappas sya dain ha siksa kubur iban hitukbal in kitab nya ha dampal pa tu-u nya,iban manaw sya duun ha taytayan byah sin kilat mahatangkas iban dugun sya bungug in mga kanabihan iban pa bangunan sya sin Allah bay halaum sin Surga dain ha dilam pula in lawang 40.

25)

Hisiyu2xin limingkud ha antara sin Alim 2-sasaat atawa kumaun magbunyug iban in siya 2-sungit atawa makarungug dain kaniya 2-kakabtang atawa manaw magbunyug iban sin sya 2-tikang dihilan,sya sin Allah sataas2x 2-Surgain tiyap2x 1-Surga in laggu nya byah sin dunya 2- lipatun

26)

In lingkud nyu 1-sasaat ha hadarat sin Alim labi mahalga kako dain sin ibadat 1000 katahun.

27)

Hisiyu2x in manaw ha dan in maksud manuntut ilmu patungun sin Allah kaniya in panaw nya harap pa Surga iban Sabunnal tuud in mga malaikat buklarun nila in mga pik2x nila hipayong ha mga manuntut ilmu sin kug iban kuyag ha sabab sin unu2xna in hinang nila iban sabunnal tuud in Alim pyapayuan ampun pa Allah sin katan naghuhula ha 7-lapis langit ,iban sin katan naghuhula ha7-lapis lupa iban sin mgaista naghuhula ha laum sin tubig iban sabunnal tuud in kalabi afdalsin Alim dain ha abid biyah sin kalabi afdal sin sahaya sin bulan ha dum hangpu tagupat kasubangan dain ha sahaya sin kabituunan,ibansabunnal tuud in mga Alim ganti sin kanabihan,iban sabunnal tuud in mga Nabie wala nagbiin bulawan iban wala nagbiin pilak sumagawa in biniin nya ilmu,nah! Hisiyu2x in dumawhat kaniya na sabunnal tuud madawhat nya in bahagi salaggu!2x

28)

Sabunnal tuud in Allah sa taas2x nagpapanjari ha baba sin Aras Idaifa nakasusulat duun ha lawang nya in kabtangan hisiyu2x in makatibaw ha mga Alim nah byahda sya nakatibaw ha mga kanabihan.

29)

Wayruun dain ha hambuok muhmin in magkasusahan ha myatay in hambuok Alim malaingkan hipasulat sin Allah kanya in tungbas pahala 1000 Alim iban 1000 patay Shahid

30)

Bakas ko naasubu in Jibrael tungud pa tao taga-ilmu nah! in sambung nila in mga sila yan ilaw sin mga ummat mo diha dunya iban adlaw Akhirat nagparuntungan na ha hisiyu2x in imingat kanila,iban kasaan ha hisiyu2x in sumagga kanila iban magparukal kanila.

31)

Hisiyu2x in nakapakuyag ha duwa-maas nya nah! Sabunnal tuud napakuyag nya in nagpapanjari kaniya iban hisiyu2x in makaparugal ha duwa-maas nya nah!Sabunnal tuud naparugal ha duwa-maas nya,nah! Sabunnal tuud naparugal nya in nagpapanjari kaniya.

32)

Sapahan ko amuin nagdaraak kaku ha kasabunnalan sin pagka Nabie wayruun dain ha hambuok iypun kyadihilan sya sin Allah pangalta mahuli naghinang sya marayaw pa duwa maas nya malaingkan in kaawnan nya bunyug ko ha laum sin Surga.Nah!namung in hambuok usog,Oh!..daak sin Allah bang wayruun na in duwa maas nya ha dunya unu in hinangun nya? Sabda sin Nabie magsadakka sya kanila kaduwa,dumihil sya pagkaun,iban magbassa Qur-an atawa magduwaa. Nah! Hisiyu2x in tumaykud kanila Oluwa nah! Sabunnal tuud imatu sya kanila duwa,iban hisiyu2x in imatu kanila duwa,nah!Sabunnal tuud nakahinang sya kajaluhakaan. Iban nagsabda in Nabie wayruun dain ha hambuk iypun Sumambahayangsya sin sambahayang lima waktu sarta mangayu sya duwa-a pa Allah tungud pa duwa maas nya sin kaampunan malaingkantaymaun sin Allah sa taas2x kanya in dusa sin duwa maas nya ha sabab sin barakat sin duwa-a nya tungud pa kanila duwa minsan in kaawnan nila duwa fasiq.

33)

Hisiyu2x in manaw in maksud tumikbaw ha maas nya hipasulat sin Allah sa taas2x kanya in tyap2x tikang nya 100 karayawan iban hiig dain kanya in 100 kangian iban angkatun dain kanya in 100 darajat nah! apabila sya limingkod ha alupan sin duwa sila sarta iban in sila duwa

34)

Sung da dumatung in masa pa mga ummat ko,maguey sila dain ha mga alim iban taga paham ha parkala agama nah! panaugan sila sin Allah sa taas2x sin 3 jinisan bala. 1) Angkatun in barakat dain ha pag usaha nila. 2) Papagsultanun sin Allah sa taas2x kanila in Sultan anyaya. 3) Gumuwa sila dain ha dunya ha wayruun pag iman

35)

Mamuas ako dain ha tao dih tumutunay ha hak sin duwa maas nya nah! naming ako (Alih) Oh!..Rasulullah bang wayruun tyakaw nya hambuuk uno2x sabda sin Nabie apabila sya makarungug himumungan sin sila duwa nah! naming sya,dungugun ko sarta agarun ko iban ayaw sya mamung kanila duwa sin himumungan lamma lambut.

36)

Wayruun dain ha hambuok iypun dihilan sya sin Allah sa taas2x pangalta mahuli wala nya tyunay in hak sin duwa maas nya malaingkan hiig sin Allah barkawasa iban sa taas2x in karayawan sin Ammal nya iban hipananam kaniya in siksa Landu masakit.

37)

Wayruun dain ha hambuok usog myatay in duwa maas nya ha hal in sila duwa bukun makug makuyag in pangatayan nila duwa kaniya malaingkan paguwaan sin Allah in nyawa nya ha dih sya makasabbot sin kalimatus Shahadat iban dih sya makaguwa dain ha kubur nya malaingkan aun duun kanya ,nakasusulat kabtangan amuna ini in tungbas ha hisiyu2x in umatu ha duwa maas nya.

38)

Hisiyu2x in makasi malasa pa Allah sa taas2x matau in sabbut nya kanya (Allah) iban in bunga nya tumtumun sya sin Allah sin kasi nya iban kaampunan nya,iban pasurun sya Surga bunyug in mga Nabie sin Allah, iban mga Awliya sin Allah,iban hurmatun sya hipakita kanya sin Allah in kalingkat sin Jat nya. Iban hisiyu2x in makasi,malasa ha Nabie Muhammad (S.A.W)duun kanya in salawat iban salam mataud in salawat nya pa Nabie Muhammad(S.A.W) iban in bunga nya madawhat nya didtu ha adlaw Qiyama in sapaat sin Nabie iban iban mara nya mabunyug ha laum Surga.

39)

Oh!..kaw daak sin Allah unu in Surga.kahalgaan?sabda sin Nabie,hu-un,kahalgaan sya sin La ilaha ilallah.

40)

Hisiyu2x in sumalawat kaku 10-apabila dumatung na in mahinaat ( puas sambahayang subu ) iban 10apabila dumatung na in waktu mahapun ( puas sambahayang magrib ) salamatun sya sin Allah sa taas2x dain ha kabubungan landu dakula ha adlaw Qiyama iban in kaawnan nya bunyug nya in mga sila amuin kyadihilan nihmat sin Allah dain ha mga kanabihan,iban sin mga sila nagsasabunnal pa Allah iban pa Nabie.