Académique Documents
Professionnel Documents
Culture Documents
hot i hai
By: Maqsood Hasni
“dukh keh dainay say mu n ka bo jh halka ho jata ha i basurat-e -dig ar dukh nasoo r ban
jata hai.”
Essi liay mein kehta chala aa raha hoon kah izhar par pabandi nahain lagni chahiay. Amir-e-waqt ki janab
say panadi lagti hai to essay jabr ka naam diya jata hai likin jo pabandi hum khud lagatay hain es par koe
tanqeed nahain karta,
-----------------kayoon?!
Baat karna aur zoban sikhna ya parhna doo alag batain hain. Baat ka dosray tak ponchna itahae ahaum
aur zarori amar hai likin hum kuch aisa kartay hain kah baat shakas kay batan say bahar aanay ki himat hi
nahain karti. Kehnay wala janta hai kah os ka mazaq oraya ja’ay ga ya logoon main mazaq ban jaoon ga.
Lihaza chup rehna hi behtar hai. Es hamaqat kay baes hum na’seraf os shakas ka bora kartay hain bal’kah
khud bhi aaghi say mehroom rehtay hain. Allah janay yah zalmana andaz kab khatam ho ga. Es ziman
main doo char misalain malahza hoon:
Hazaroon log roti kamanay kay liay apna molak choor kar dusri walaetoon main jatay hain oon main say
bohat saray ziyada pa rhay likhay nahain hotay likin wahaan masalsal aqamat paziri kay sabab woh
wahaan ki zoban bolnay aur samjhnay lagtay hain. Waqt gozarnay kay baad wohahal-e-zoban ki se
(bolnay aur samjhnay kay hawala say) maharat hasil kar laitay hain. Mein kehta hoon woh apnay tajarbaat
ko jab bhi waqt milay aur mood banay doo hawaloon say qalam’band kar dain :
Os baat ko ossi molak ki zoban main apnay dais ki lipi/rasam-ul-khat main likh dain. Maslan
ہی گو ٹو برلنHe go (es) to barlan.
Os baat ko ossi molak ki zoban main roman lipi main hawala-e-qalam kar dain. Maslan
Ab agar ossay kaha ja’ay bae likhnay kay liay schooling karo ya kisi say likhnay ka dhang sikho. Kiya woh
schooling karay ga, bilkul nahain. Essi tara woh kisi say likhna sikhnay main kis liay paray ga aur sikhnay
wala kayoon maghaz’mari karay ga. Woh es jhanjat main kayoon parnay laga. Waqt aur paisay kayoon
barbad karay.
Hosla’shikni say woh es hawala say kuch nahain kar pa’ay ga. Kamana aur khana hi os ka masghala aur
mishan rahay ga aur os ka sara tajarba os ki moot kay sath hi lahad main otar ja’ay ga. Kiya yah aatay
waqtoon ka noqsan nahain. Aata waqt aaj kay gozartay din raat par ostawar hota hai. Dosri qomain jahaan
say motalaq woh log hotay hain onhain pehchan lain gi? Ya wo qoom es mahjar kay hawala say apni
kar’gozari waghara say aaga ho sakay gi?
Angraizi walay Sir Fil ap Sidni aur Urdu walay Mo laan Wajhi ki S abras ko parth laitay hain, kayoon?
Donoon ki zoban jald samjh main nahain aati likin enhain parha to jata hai. Jo parhna chahtay hain aur en
tajarbaat say faeda othana chahtay hain es qesam ki tehroon ko bhi parh lain gay aur onhain behtar shakal
bhi day dain gay.
Agar German farnsisi japani chini ya kisi bhi zoban ko apnay madri rasm-ul-khat main raqam kar laita hai to
es main kiya borae hai.
Roman khat main likhna aaj aam se baat hai lihaza roman main likh laita hai to bhi baat rekard main aa
ja’ay gi.
Hindustani (Udru+Hindi) dunyaan ki dusri bari boli samjhi parhi ya likhi janay wali aur aawazoon kay hawala
say dunyaan ki tamaam zobanoon say bari hai likin yah bhi her cheez ko os ki asal kay motabaq likhnay
say qasasir hai.
Aawazoon ki kaji aur kharabi kay liay insan bahmi tawan ka saboot day to yah masla , masla nahain rahay
ga.
Tamam insan eak hain mofaad parast anasar nay insan koko mukhtalif hawaloon say taqseem kar diya hai.
Eak musalman hai lihaza ossay Arbi main baat karni chahiay.
Arbi Farsi Turki, Urdu waghera zobanain Muusalman nahain hain en main musalmanoon kay hawala say
aqaed aur nazriyaat waghera musalman hain. Bhagwat Gita, Baebal, Guru Garanth Sahib waghera say
motalaq baat ho gi to wo baat hindu esae sikh ho gi na’kah Arbi Farsi Turki, Urdu Angraizi waghera ka
dharam/mazhab hindu esae sikh parsi waghera ho ja’ay ga.
Lafaz ka kalchar os kay maenoon main makhfi hota hai. Lafz jis kalchar say nathi hota hai ossi ki
namaendgi karta aur yah teh’shoda baat hai.
Islami aloom say motalaq mowad kay hawala say angraizi/ urdu/ farsi/ sindhi/ pakhto/ german/ faransisi/
chini/ japani waghera waghera ko Islami zoban kayoon’kar kehain gay.
Angraizi/urdu/farsi/sindhi/pakhto/german/faransisi/chini waghera main japan ya kisi aur molak say motalaq
(kalchar mosam mahool, halaat waghera) likhi batoon ko japnani ya kisi aur molak aur qoom ki zoban
kehna paray ga.
Mairay nazdeek izhaar ko rokna nahain chahiay. Izhaar ka rokna khatar’naak baat hai. Mairi yah roman
Hindustani (Urdu+Hindi) main likhi gae tehreer angraizi nahain likin es ka motala arbi rasam-ul-khat aur dev
nagri rasam-ul-khat walay ba’khobi kar saktay hain. Yahhi nahain woh log jo Hindustani bolnay aur
samjhnay kay hawala say jantay hain, bakhobi motala kar sakain gay aur samjh bhi sakain gay.
Hum sab par yah bawar rehna chahiay:
Koe baat haraf-e-aakhir nahain hoti. Maira yah nazriya haqeq aur zarorat kay motabaq darust ho sakta hai.
Qate toor par ghalt ho sakta hai ya kisi haad tak theek bhi ho sakta hai.