hong uh hi. Khuazang buppi-in kikhopna kinei in a manteh Signboard honna Evan Langh Do Khup in nei hi.Chairman- Pa H Khual Za Nang, Tetipanna - Pu Do Cin Thang, I Address mangngilh kei ni- Dr. Cin Hen Thang, I minam dinpih ni- Evan Langh Do Khup,Gamdang ah minam kideidanzia - Sia Paul Pau, ZCD sepsa le seplaiding genna- SK Gin Khan Pau in hong nei in mipite lungkim thei mahmah uh hi. Hih vai in Sia Do Khup le SK Khan Pau te'n a motor uh phal takin hong pia uh ahih manin kilungdam mahmah hi. LEITUNG BUP ZOMI THUKIKUPKHOPNA: Jan 23- 24, 2014 sungin ZCD innteek na tawh Leitung bup Zomi Thukikupna (International Zomi Conference/ a_.__._eq.e._e.)Kalaymyo ah kinei ding hi. Hih hun sungah thugenpi dingin a nuai-a te kisam ding hi. (1) Dr. Kham Khan Suan (Ph.D Political Science), (2) Sia Go Sawm Khup (President, Zomi Innkuan, USA) le Zomi Council Lamka pan mi 2. Note: Hih dingin ZCD Committee Kalaymyo Zomi sungah huhna ngen a, Sang 20 val kingah khin hi. ZCD Committee, Kalaymyo NELSON TONU IN HONG NUSIATA: Zomite ading Sangmangte lakah khat ahi Nelson Sangmangzi Nelson Tonu in Dec. 19, 2013 ni-in US gam a inn panin Nelson Topa le i Pasian kiang hong zuatsanta hi. Nelson Tonu pen kum 97 pha a, Dec. 23, 2013 ni-in a luang pen Nelson Topa han ah kivui ding hi. Kipumkhatna in Gualzawhna hi. (Late 133) Contact Address Halelujah Building Ph: 0947080210 Tat Oo 4/51, (Pinlong 8) Email: tuailai@gmail.com Yathana St., Kalaymyo Web.: www.zomiyouth.org 27 December 2013 - Lom 3 na, Hawm 48na Editorial KUMLUI MANGPHA KUMTHAK CIBAI A sawt loin kumlui 2013 te in mual hong khupsanin hong beita ding a, i ut zong in i ut kei zongin kumlui mangpha i khak ta ding hi. Kum 2013 sungin ii innkuan mimal le pawlpi sungah Pasian nasepna lamdangte le Pasian thupha tampi i san zong om ding a, i it i ngaih te'n sihna hanmual hong liamsanin lungleng khuangai-in a om zong i om kha ding hi. Kum lui pen kei a dingin ka lungdam kum, ka kipah kum, thupha ka san kum ka cidam kum, ka lawhcin kum, lawm le gual tawh na seppihte tawh ka it ki thutuah kum nuam ka sak kum hi a ci i om mah bangin, ka nat ka sat kum, ka dah ka kah kum, ka khasiat kum, kalawh sap kum, lawm le gual naseppihte tawh ka kitel khialh kum a ci zong pawlkhat mah i om ding hi. Tukum pen Rev. Dr. Do Kham hong nusiat kum hi a, Zomite a dingin i dah mahmah kum ahi hi. A lang khatah Topa in dahna tawh kum bei ding hong phal loin, Zomi ta dingin lungdamna pawl khat mah tawh hong zang sak hi. Zomi Khangno Kipawlna (ZYA) in tu kum 2013 in kumpi theihpihna i ngah a, Zomibup a dingin hamphatna lianpi ahi hi. Topa pen a mite a dingin hoih mahmah hi cih i phawk a, dahna nungah nuamna tawh hong tonpih pa ahi hi. Mipilte in hong suak Jesu a biak khit uh ciangin Pasian in a mang sung uh ah hilh in "Lampi dang" tawn in ciah uh hi a cih bangin "Christmas Jesu suah dawn khin bia khin, lungdamkhin i hih manin i nuntakna luite nusia in lampi thak tawn in kum 2014 thak ah kalsuan ding hi hang. Hih kum thak 2014 sungah Zomi a nungta lai ta ding in vai thupi mahmah khat om a, tua in Gambup mipi kisimna (Census) ahi hi. Beisa in bangbangin i ki lokha ahi zong in tu in "Zomi" cih tawh kalsuan sawmta hi hang. Kum thak 2014 pen Zomi tading in Zomi kipsak kum, Zomi tawh kalsuan kum, Zomi cih tawh gam le lei thu vaihawmna ah lut a vai hawm hun, Zomite tangthu sungah laimai thak khat a kigelh kum hi dingin ka um hi. Zomi adam laite in, a sisate le a sisate kikoihna munte buaipih le lungngaingai in, lunglen lawh thangpaih lawh nawn loin ahing lai Zomite koi ci bangin kimakaih in lam tonkhawm thei ding i hiam cih pen Zomi khempeuh lungtup hisak ni. Pasian hong bawl a dam lai Zomite mailam ading i pan theihna ciat panin, a panpih zo, a panpih nuam le apanpih thei i hih kimciat nadingin kumthak ah mimal kim Pasian tungah ki-apna nei in, Lam luite nusia in lamthak tawnin kumthak galkah dingin i kizawn hi. Pa_____________________ _____________________ US GAMAH INDIA ULIAN KHAT KIMAN: American gam Newyork khuapi a India palai (Embassy) zum a Deputy Consulate General Ms Devyani khobragade pen VISA zuau phuahna hang in US kumpi in man a, Dec. 20, 2013 ni-in India gam bup in khah un ci-in lungphona nasia takin nei uh hi. US ten bel awlmawh loin, a mawhna a kimuh leh kum 15 thong kia sak dingin tangko uh hi. ZOFA PAN ZAKSAKNA: A 8 veina ZOFA Cup 2013 a, hong kihel Team-te in i Team Lan (Flag)te Zum ah kim takin omlai ahih manin a manlang theithei in nong lak mengmeng nading un i kizasak hi. US IN HUHNA $ 600000/- PIA: USA gam Indiana State Indianapolis khuapi a kawlgam galtai (Refugee)te a dingin Health & Human Service panin a masa pen huhna US $ 600000/- pia khia uh hi. SUDAN GAMAH INDIA GALKAP 3 SI: Sudan gamah Denka minamte le Neuza minamte kikal buainate veeng ding in UN galkap min tawh na sem a om UN galkapte om a, UN huang sung Singnuai mite Dec. 15, 2013 ni-in va kap uh a, India galkap mi (3) kaplum uh hi. YANGON AH ADVANCE CHRISTMAS KIBAWL: Kawlgam bup Christian-te kipawlna (MCC) le Yangon Catholic Diocece te kipawlin Dec. 22,2013 ni- in Yangon khuapi a om St. Mary Cathedral biakinnpi ah Advance Christmas thupi takin bawlkhawm uh a, kumpi lam pan Vuanzi U Aung Menn, Vuazi U San Sen le Bishop Charles Bo, MCC President Daw Zin Zin Maw, Secretary Rev. Saw Shwe le biakna sungah makai lian tampi kihel thei uh hi. Govt. Regd. No.2172 N ews tatman P ia, P ialo INDIA GAM VUANZI KHAT KITAWP: India gam a kim le pam kepna lamah Vuanzi a sem Zayantina Trazan pen Dec. 22, 2013 ni-in Vuanzi panin kitawp a, mai kum 2014 kiteelna adingin ka party a ding na ka sem nuam hi, ci-in a kitawpna lai-ah gen hi. Ama mun ah thautui lam Vuanzi-pa in thuah ding ci hi. SIAVUAN KHAT THONG KUM 36 KIKHIA: American gam Ohio State ah nupi naupai lai khat zakang tampi sun in sisak banah ut bangin ompih in tua khit teh a luang a selmang Siavuan sem lui Aley Sa Linn kicipa thukhenzum panin thong kum 36 kia dingin thu kikhen hi. Aley Salinn pen kum (44) pha a, nupi Diana Bawman pen kum (23) pha in, a sunga nauno zong a nu tawh sikhawm hi. US GAMAH KAREN BIAKINN LAM SAWM: American gam Omaha khuapi-ah kum 2005 panin Karen-te tun kipanin tu in minam vekpi 4000 val bang omin, tu in US $ Awn 2.5 bei in Karen Christian Salvation Church cih biakinn thak khat lam sawm uh hi. Hih biakinn ah member 800, innkuan 270 , naupang 200 bang om uh hi. Hih mun ka tun tung un, sum nei lo, bang mah thei lo, pau zong theilo in ka om uh a, tu in Pasian thupha tawh biakinn thak khat a lam sawm ka hi uh ci-in U Pu Thet in gen hi. NUP PARTY IN MUN 40 AHDEM SAWM: NUP in Mai 2015 kum gambup kiteelpi ciangin Kawlgam sungah a tawm pen mun 40 ah kidem ding uh hi, ci- in NUP Committee member U Htun Zi in gen hi. MAIKHAIL KHODORKOUSKY SUAK TA: Russia gam a Kumpi langpang ci-in thong kum 10 a kiakhin, Russia gam a mihau pen le meituineipa Makhail khodorkousky pen Russia Kumpi Putin thusiamnatawh December 20,2013 ni in thong panin suahtakna kipia hi. MOBILE HAND PHONE VAI: Kawlgam sunga kizang Mobile hand phone-te ah 3G internet nuamtak a kizat theih na dingin mai 2014 kum sungin nasia takin ka bawl ding uh hi, ci-in Kawlgam sungah kumpi phalna ngah Telenor Company-te le Ooredoo Company-te in zong Nokia tawh kipawl in ka bawl khawm ding uh hi, ci-in tangko uh hi. 2008 THUKHUN BAWL PHAT KEI LEH: Kum 2008 thukhunpi a kibawl phat kei ding le kum 2015 Kawlgam bup kiteelna ah kihel ding kician lo hi, ci-in Shan National league for Democracy President U Khon Htun Oo in Myanmar Post Journal ah gen hi. HINOO MOTOR TE KAWLGAM AH: Yoma Company le Jopan gam a Shomitomo Company te kipawl in, mai kum ciangin Hinoo vanpua Motor pite le mituanna Bus pi te Kawlgam sungah pua lut in zat dingin geelna om hi, ci-in gen uh hi. GAMVAI THONGKIATE: Gamvai tawh thongkiate khahkhiat khit nading tawh kisai-in 2013 December kha sungin hi zolo ding a, mai Jan 4, 2014 suahtakni (Independence Day) ni-in khahsiang dingin kivaihawm hi, ci-in Gamvai a thongkia sittel Committee member U Thein Nyut in gen hi. A zekaina hang pen pawl khat mithat tawh a kia, pawl khat kham theih guih theih tawh a kia cih bang na om a hih manin deih zahin kimanlang theilo hi, ci hi. SUM NEIH SATE KIKHAKSAK DING: Thai gam a lungphona buaina bawl makai mi 18 te Bank laibu le Bank a sumkoihte kikhak sak ding hi, ci-in gen hi. Hih mite pen gam mindai minsia sak tawh kumpi thunei ten thu a bawl laitak uh ahi hi. THANGKAI TOURNAMENT: Thongkai khua bawlung kidemna a kum 66 vei cinna pen Dec 27-30, 2013 sung teng Dolluang Tualpi-ah thupi takin kibawl ding a, ZOFA Committee pan Pa Cin Lian Khai Referee dingin cial uh hi. A ngimna vuah hih Thangkai bawlung kimawlna (Tournament) ah Team 14 kihel a, selected Team khat mai ZOFA-Cup ah hong kihel ding in gelna nei uh hi. ZOFA Committee ai tangin Secretary in lungdampihna lai zong khak hi. LUNGDAMKOHNA: Dec 24, 2013 nitak lamin ZYA Secretary Pa Kam Suan Mung in Rev. Dr. Dam Suan Mung-te innkuan ZYA Zumah hong hawhpih a, ZYA Editor Sia Kham Do Dal in nasepnate le thungetsak ding pulakna nei-in, Sia Mungtawng in ZYA ading thungetna aneihsak khit ciangin ZYA nasepna ading Ks. 100000/- hong piakhia ahih manin ZYA Weekly News pan lungdamna i pulak hi. 27TH SEA GAMES RESUTTS: ZOMI KA HI HI. Kum 2014 Mipi kisimna (Census) teh Minam (ZOMI) vlrsdK; (ZdkrD;) Pasian in Zomi ding a hong bawl Va-ak Utong ki neih kei ni. C Motor le Oxygen tawh nasepna (Friday - Friday) Date Min Biakna/Pawlpi/Khua Theih ding 22-12-2013 Tg. A Luai Pangpi SDA, Kalay Hantuah 23-12-2013 Pa Hau Khan Pau RC, Tai 9 Misi Kalay G.H pan pua Motor 24-12-2013 Pa Hau Khan Pau RC, Tai 9 Sivui 27-12-2013 Tg. Kap Khua Khai Leipi BC, Kalay Hantuah 27-12-2013 Lia Cing Ho Kim Emmanual BC, Kalay Hantuah (man lalo) Oxygen 27-12-2013 Lia Niang Lam Dim Full Gospel AG, Tahan Bung 1 A siading Honkhia in a si ding don in! Na sisan tawh honkhia in! oi fhaoG;jzi fht oufu, fyg/ ZYA Blood Donation Service Sisan (Thawl) Mawtaw (Vei) Oxygen Bung 1370 388 365 No. Gammin Kham Ngun Sumsan Agawm 1. Thai 107 94 80 281 2. Myanmar 84 61 85 230 3. Vietnam 73 85 86 244 4. Indonesia 64 84 109 257 5. Malaysia 43 38 76 157 6. Singapore 34 29 45 108 7. Philippines 29 34 37 100 8. Lao 13 16 48 77 9. Combodia 8 11 28 47 10. Timor 2 3 5 10 11. Brunei 1 1 6 8 Note: Tutung SEA Games ah Christian-te hong nawl khin pian un guallelhna zong om zaw pah ci uh hi.