ZOMI TIMES

WEEKLY NEWs
ESTD. 2007
Vol. 7, No . 51 No.

H.O.: Thazin 2/70, Ngeisok St, Phualpi Veng, Kalaymyo, Myanmar 02091 Ph: 959 47073027, 400467507 Email: zomitimes2007@gmail.com

Inf ormation T owar ds D ev elopm ent Information To ards Dev evelopm elopment
2013 PHALBI KHUADAM NIDANG SANGIN VOTZAW

21 December 2013

Kawlpi ah phalbi khuadam pen kipan hak napi adam ciangin uang mahmah hi. November kha bei dong khuadam lo-in December 14 panin khuavot kipan a, 6C ah kiasuk hi. December 17- 7C, Dec. 18 - 8C, Dec. 19 - 9C vot a, Dec. 20 9C, Dec. 21- 9C, Dec. 22 - 14C, Dec. 23 - 14C, Dec. 24-14C, Dec. 25 - 14C hi thei ding hi cin ACCU Weather lam ah kisuah hi.Tedim, Tonzang, Hakha gam ah zong nidang sangin votzaw a, Tedim khua votsa pawlkhatte Kawlpi ah innsap khualumsim pawl om hi. Kawlpi panin Tedim kahto peuhpeuh avom a mualsa-in hong ciahsuk kik uh hi. Yangon zong puanlum leh puantungsilh kisam ngei hetlo hinapi tukumin puanlum, puantungsilh leh lukhu, khedap kilei pha mahmah hi ci-in puanzuakte in gen hi. Gamdangte ah vuk sahlua hangin vanleng khualzinna tampi kiphiat hi. Tedim panin Kawlpi hong tuaksuk papi khat in tukum guahtui zong kumdang sangin tam zaw a, khuavot zong uang zaw ahih manin khuakhal nisa zong kumdang sangin sazaw ding hi ci-in gen hi. Kalay, Aye

ZOGAM TH UTHANG (ZOGAM NEWS) Santa Hanvai - Atuah nailo leh atuah zolo dingte meeting kisam: Santa Hankem Committee makaihna tawh Myone Sipen thuging omna hangin Han tuah nailo leh atuah zolo dingte kimuhkhopna meeting, Agape AG Biakinn ah 23 Dec. 2013, zingsang nai 8:00 am hunin kinei ding a, tuah ding leh hontuah vet, tuah kei ding leh tungsiah phuto lei ding maw, Pasian apin hici koih ding cih thu hiding hi.Tuah ding leh atuah zolote aa ding huhna nget ding vai zong om ding ahih manin akisaikha Santa Han misi neite innkuan khat pan khat meeting kah dingin lainatna lianpi tawh hong kisam hi. Myone Sipen in ahithei hetlo ding kal khat sung Dec. 25 ma a hantuah ding ci-a, Ana power tawh galkap Ana zanga mipi atona lungkim huai lo a, Christiante lungdampawi sung nawngkaisak dinga vaihawmna ahih manin biakna simmawhna hi. Hi thu hangin alunghimawh khempeuh nong paina ding un kong sam uh hi. Pawlpi kim ah lai kihawm a, Santa Han a zang pawlpi 55 khempeuh kisam hi. Santa
HanCommittee

India - Kawlgam gamgi vai buai: India kumpi in Moreh Nanfalong gate bawlin Kawlgam leitang hong sukha hi ciin Kawlgam Sagaing kumpi leh Tamu District uliante in India kumpi ah khia uh hi. Tamu gam mun 9 ah gamgi vai buaina om a, tudong sianglo hi. Hithu kawmkal ah India kiteelna om a, BJP in Kalay-Kabaw gamteng India ah nong laksak ding uh leh vote hong pia ding acih ciangin BJP in kamciamin Manipur gam mun 5 kiteelna ah BJP in mun 4 ngah takpi hi. Hithu hangin Kawl kumpi patau hi. Gamgi buaina hangin Tamu ah deihlohna kiphinna Dec. 24 ni nei ding ci-in ngen uh a, Dec. 18 niin Myone in phalna pia hi.
Kalay News 18 Dec. 2013

Kalaymyo ZCD Thuzaksakna: 2014 January sungin ZCD National Conference, Kawlpi ah kinei ding hi. 28.8.2013 nin Lawakah Mangpi U Khin Yi kiangah ZCD Pu Cin Sian Thang pai-in 2014 Misimna ah "Zomi" minam min a gelh ding lai pia-in hopih a, 16.12.2013 niin "Hi thei hi" cih zasak kik hi. A thucing athei nuamte in Pu Cin Sian Thang 09401540531 ah kidong thei hi. ZCD mipi kikhopna ahun, amun ding hong kizasak kik ding hi. ZCD Kalay Committee KAWLGAM THUTHANG (MYANMAR NEWS) Palik leh Thuneite thu kibawl thei : Kawlgam Home Ministry nuai a palik leh ki-ukna (axGty k f) nasemte in mipi tungah Aana power zang a a bawlsiatna te mipi in kumpi tungah khia thei a, thu kipuakte akingah hunhunin kisem pah hi ciin Palikmang Win Gaung in December 17 ni pulak hi. Kawlgam Palik zum, Nipidaw hotline phone 067-412 222 leh 067412444 ah nisim nai 24 sung tawlngak omlo, sun leh zan kiko thei hi. Aana kineisak Hausa, Sipen, Khuapiuk, District khempeuh lungkimhuailote kikhia thei a, mipi in thunei palik, galkap, uliante kihtak luat ding hinawn lo a, mipi lamah kumpi hong pang hi ci-in Palikmang Win Gaung in genbeh lai hi. Min gelh, gelhlo ahizongin kipuak thei hi. VOA, Irrawaddy Sea Games ah Kawlgam - Indonesia Bawhlung kisuihna ah buaina om: December 16 ni-in Kawlgam - Indonesia bawhlung kisui a, phit-mutpa in Indonesia gum hi ci-in Kawlgam mipi lungkimloin tutna susia-in palikte denggawp uh a, mipi leh palik buaina piang hi. Kawlgam in azawh ngeiloh Thai tawh kung kidinin Kawlgam Innteek tualpi a kisui ahihna hangin mipi in Kawlgam tha pia-in Indonesia alelh ciangin awnggawpin pasal 2 tualpi sung tailutin palikte in man hi. Mipi na dai un ci-in numei hun ukte in akham hangin Bawhlung suite, Indonesia lawmlawm zo lo, puansuah unla haltum un, phitmutpa in Indonesia gum hi

ci-in a sunga tute in tutna liaisia gawp uh a, a puan halin palikte suangtawh deng hi. 'Gum hi' akicih theihna in, Kawlgam kungngakpa in bawhlung abawh leh Indonesia maikah kituk a, Kungpangpa Penalty pia hi. Ataktakin Kung huang sungah kungpangpen penalty kipia ngei lo hi. Bawhlung makai U Zaw Zaw in Bawhlunghilh Pat Song Hua (Korea) pen guallelhna hangin tawpsak pah hi. Kawlte leh Indonesia mat ngah zah kikimin Kawlte goal tamzaw napi Indonesia Semi-final kah hi. December 20 ni ciang Sea Games Result: Thai goal medal 64, Vietnam gold medal 61, Kawlgam goal medal 60, Indonesia - 44, Malaysia - 27, Singapore - 22, Phillipine - 14, Cambodia - 5, Lao - 4, Brunei - 2, Timor Leste - 1 ngah hi. RFA, BBC, MAL Kawlgam 5000 lai akhem om: December 13 niin Yangon Mingaladone No. 47, Padauk lampi ah ateng kum 35 apha numei khat tungah sumlai 5000 dal 6 tawh palikte in man hi. Magwe region, Gangaw gam, ~hilin ah zong December 16 ni ciang 5000 lai dal 358 leh 10,000 lai 31 kiman hi. December 13 ni-in Ma Tin Mar San (22) in ~hilin lokho Bank ah Buhsuan sumleitawi lohna sum 200,000/- pen 5000 lai dal 40 pia a, sumkhem (Sumlem) vive hi ci-in theiin palikte in man hi. THL/ 7Dec 13 Kawlgam Minam 135 Akhang akiam om thei: Ngeina Mangpihuh Daw Sanda Khin in 2014 gambup misim ciangin Mahsahlah leh galkap hun a akisim kha lo, minam om thei dinga, Kawlgam minam 135 icihpen tua sangin tamzaw tawmzaw om thei ding hi ci-in December 6-7 sung Yangon Chatrium Hotel ah World Women Forum ah gen hi. Kawlgam ah minampi kici Kawl, Mon, Rakhine, Shan .....kicite sungah minamneu tampi kikhen lai a, minam 130 val deuh bek kiciamteh hi. Misim ciangin akiciamteh kha lo minam athak zong om thei dinga, akigelhthuap zong om thei hi. 2014 March 30-10 April sungin minam 135 bulphuhin misimna ahih hangin minam khat ahih nak leh suakta takin minkhum thei hi ci-in Lawaka Dy Director in gen hi. Mon Democracy Party Chairman Naing Ngwe Thein in misimna ah minam makaite kihelsaklohpen minam sung buaisakna hi. Minam makaite tawh pankhop hoih ding hi ci-in gen hi. CNF Salai Isaac Khin in Chin Conference ah minam min CHIN cih ding kithukim a, min dang om ding patauhna gen hi. 'Zomi' zong minam khatin akiciapteh ding patau uh hi. Lawaka panin kumpi misimna hi lo-in Sangsiate kicial hi. Minam deihdan om lo hi ci-in gen uh hi. Mandalay Innpi in zong minam min amaan kigelh thei hi ci-in gen hi. AYWD 16 Dec. 13 CNP leh CPP kigawm nai lo: CNP in amau min CNPP tawh kheksak ding Election Commission ah ngen a, CPP Chairman Pu No Than Kap in CNP tawh kigawm ding ka ut kei uh hi, CNPP min ka kankuat ding uh hi ci-in Election Commission ah agenna thu Election Commission Dy Director U Hla Mg Cho in Mizzima ah Dec. 18 ni-in gen hi. CPP leh CNP kigawm bangin CNP zuauphuah pen ka deih kei hi. Tudong thukimna kigawm ding thu om nai lo hi ci-in gen hi. CNP Party in kiholem ding kihanciam hi ci-in gen hi.
Kalay News 19 Dec . 13

KBZ Bank in ahoihpen Bank letsong ngah: Kawlgam ah kumpi bank lo tampi om a, tua bank dangte nasepna a encik gige pawl om hi. Tuapawlpen London ah om a Financial Times kici hi. 2013 kum a ding ahoihpen bank letsong The Banker Awards pen KBZ teel uh hi. Tua letsong piakna pen London Intercontinental Hotel, Ballroom ah November 28, nitak nai 6:30 in kinei a, KBZ Bank Ltd. makaipi (Chairman) U Aung Ko Win in letsong sang hi. (Modern)

2014 Kumteh Mobile Phone kibehlap ding: Maikum thak 2014 kum kipat cil pan kipanin State leh Division gamte pan Mobile phone behlap ding cih kiza hi. 2014 kum teh a kibehlap theih nangin Net Web behlap uh hi. December kha sung zong 10000 behlap ding kigeel hi. Line tampi behlap nang Naypyidaw ah kibawl khin, Yangon ah zong kibawl khin kici hi. State leh Division ah mobile phone 350,000 kihawm khinin tu ciangciang phone 28 million kihawmkhin cih kiza hi. (Modern) Kawlgam khuaphialep mei khantohnang ADB bank (Asia Development Bank) in US $ 60 million leitawi hi: Kawlgam mei ding ADB bank in US $ 60 million leitawi pia cih Jarkata Post pan kiza hi. Hih pen ADB bank ah a khatveina sum leitawina hi cin Bank Mangpi huh Steven Grove in gen hi. 66 kilowatt leh 33 kilowatt te ahoih zaw tawhkhek ding kici hi. Hih nasepna pen Kawlgam mun (4) Yangon, Mandalay, Sagaing leh Magwe gamte ah kibawl ding hi. Abeisa September sungin ADB Bank in US $ 2800000/- tawh ong huh khin hi. Modern Zatui kibawlna sumbei Asia ah Kawlgam atampen kici: Kawlgam cidamnalam tawh kisai zatui kibawlman Asia gamsung ah atampen hi cin leitung Bank ciaptehna pan kimu hi. Kawlgam cidamnalam kibawlna 2009-2010 kum 80%, Vietnam 56%, Lao 40%, Thai 14%, Sen 35% pha hi. Tulai takin cidamna Zatui kibawlman kumpin behlapin cinaten sumbei 60% ahihhang adang gamte sang tamzawlai hi cin leitung Bank (World Bank) nasem ulian khatin gen hi. NLD pan cidamna lam Net Work pan Dr. Tin Myo Win in agen na ah cidamna vaisepzia ding pen 2014 kum ciang kigeel ding a kumpi lam leh mimal NGO pan kisem khawm leh kizo ding hi. Modern England theihpih mawtawset engineer letmat kingah thei: England heihpihna angah mawtaw engineer kisintheita ding cin GALLANT sangpan kiza hi. England gam City and Guilds pan akiapia ding Motor Vehicle of Engineering pen ikisin theita ding hi. Hih thusinnapen dawl (level) nih in kikhen a Skill Foundation Awards leh Skill Proficiency Awards kiciin thusin hunpen khathum sawt hi. Hih thusinna pen Motor V ehicle of Engineering leh Skill Foundation level pen Basic Middle pan kipan kisin thei a, Skill Profiency Awards of motor vehicle pen tan (10) zoten sin thei ding hi. Kam tawh dotna leh sepna (practicle) kidong ding hi. Amasapen US $ 420 leh adawlnihna US $ 520 bei ding kici hi. December kal nunung teh kipan ding hi. A lungluttading GALLANT Ph. 095128026/01537710 Modern LEITUNG THUTHANG (WORLD NEWS) N. Korea Ulian khat kikhailum: N. Korea kumpi Kim Jong Un in ani Kim Kyong Hui pasal, Jang Song Thaek pen kumpi langpan hi ci-in cikzia hetlo-in December 13 niin khailum hi. Jang Song Thaek pen Kim Jong Un apa kumpi Kim Jong Il hun akipan tudong Aana neipen hi-a, agang tangial that ngam cihpen amah adem thei dingte vauna tawh ama tanaute nangawn dopbawl lo hi cih atheisaknopna ahi hi. Agang athah hangin ani pen zalianpi khatmah pia veve hi ci-in kigen hi. Kumpi Kim Jong Un pen apa sih ciangin tu dinmun atunna dingin apantah agang ahi hi. VOA 13/12/13 Nelson Mandela kivuita: S. Africa President lui Mivom mikang kidendanna beisak ding amakai, Human Rights makaipi Nelson Mandela pen apianna Qunu khua ah Demcember 15 ni-in kivui hi. S. Africa pen mivom gam ahih hangin mikang atawmzawte in ukin Diamond leh leisung sumpiangte mikangte in neiin mivomte nasem (Labour) bek ngah uh hi. S. Africa Constitution ah Kawlgamte in galkap ukna ahidingin a suaih bangin mikangte bek kumpi hiding cihna hangin Nelson Mandela in mivomte zong kumpi hi thei hi ci-in agen manin kum (40) thongkiat khit ciangin suakta-in Thukhun puahin kiteelna om a, Nelson Mandela in President ngah hi. Mandela hangin mivom mikang kumpi hithei hi cih hamphatna leh leitung thungaihsutzia kikhelsak hi. Nelson Mandela zi anunungpen Graca Machel hi-a, tulaitak S. Africa President Jacob Zuma ahi hi. VOA USA ah Kawlgam Galtai 100,000 val om: June 20, 2013 nipen 12 veina World Refugee Day hi a, USA ah Kawlgam mi galtai 100,000 val om hi ci-in Daw Hla Hla Than in gen hi. Hih sungah alangpen Chin leh Zomite hi ding hi ci-in ki um a, USA Chin khuapi Indianapolis hi-in Chinmi 7,000 om dingin kigen a, USA Zomi khuapi Tulsa ah Zomi 5000
Zomi Times Chief Editor Managing Editor Editors : : : : : The Organ of GNI Ministries. Rev. Dr. Lang Khan Khai Siapi Tuan Khan Pau Rev. Cin Ngaih Thang Tung (EP) Manager : : : : :

val om ding hi ci-in kiciamteh hi. Kawlgam ah Chin leh Zomi igawmgawm hangin gamdang ah kikhen sitset, kipawlna om lo hi. VOA 13 Dec 13 US gam tan 10 sang ah thau tawh kikap: US, Colorado gam tan 10 sang ah thau tawh kikapna omin sangnaupang 2 liamin khat gim mahmah hi. Akappa pen sangnaupang dingin ki ummawh a, tua sang naupang pa pen Sangsia khat kap dingin zong kawikawi hi. Tua sangsiapa pen lai ahilh khit teh ciah pah a, suak ta kha hi. Tua thautawi sangnaupang pan amah leh amah kithat hi. Hih sangah sangkhan 70, sangnaupang vekpi 2200 valpha hi. (MAL) Algentina Democrac y kum (30) cin kibawl: December 11, nin mi tul tampi ten Algentina gam Democracy angah kum 30 cin hunhoihkhat bawl uh hi. "Democracy ngah nang baih lo hi. Kum 30 cin khit tunin phawkna pawi kibawlhi" cin President Christina Kethna in gen hi. Italy leh Spain gam pan ateng mi 41 million ten 1983 kumpan ukcip galkapte thuneihna pan suak ta uh hi. Democracy ngah zawh a gam gualzawhna te nupa kikhenna upadi, neih kibang kiten theihna, mipi tawh kisai puahphatna banah gam buaina hang mi 1200 val thukibawl cih thute kihel hi. Modern Kanza zuakthei leithei upadi Uruguay Innpi tungnung in kipsak : Uruguay gampen Kanza ciingthei, zuakthei, zangthei phalna ngah leitung masa pen gam hi. Hih thu pen Luatdaw ah kikupna leh kiselna nai 12 sung aneih khituh teh kipsakna nei uh hi. Kum 18 val peuhmah Uruguay gam mi ten khakhat Kanza 40 gm leithei ding phalna pen April khadong kimanglo ding in um uh hi. Luatdaw sungah hih Upadipen thukim me 16, thukimlo me 13 tawh kipsak uh hi. Hih kipsakna Upadi pen "Khamtheih thu tawh kisai leitungbup thukim thupen zumlotak apalsat Uruguay gam" cin leitung khamtheih zatui kemcing pawlin ngattak in thupia hi. (Modern)
Editorial.....

ZOMI TIMES TATNA SUM December kha bei a Sum pia ki zalote 2014 kipia nawn lo ding hi. Hehpihna tawh December 28 ma-in Agentte tungah na pia un. Zolun ah leiba tawh kibawlsak ahih manin la, ngah, sim napi sum na piaknop kei leh Leiba tawh 2014 kum kikai ding hi. Nang aa dingin atawm hangin zumah tampi kigawm ahih manin leiba kihau hi. Alathak nuamte in akhuakhua a Agentte tungah sum tawh na pia pah un. 2014 February kha nunung pen in a lathak, a laluite in Agentte tungah na pe kim un. February 2014 kha bei ma a sum ki ngah lo le ki pe nawn lo ding hi. Setkhawmna In Zawhna hi. Zomi Times pen huhna omlo, tatna sumtawh akibawl ahi hi. Maikal ah apia apialo report hong kisuaksak ding hi. Editors.
GIDEON TEAM MISSIONARY KIDEIH

ZBCM Mission Departmen in Gideon Team Missionary atawmpen 50, 2014 sungin Kawlgam thu-umlohte kiangah Kawlpau tawh missionary kipuak ding hi. Kum 50 avallo, Kawlpau siam, zulehza azanglo, Khamangthang vei taktakte in Rev. Dr. Lang Khan Thang, Mission Secy, ZBCM Office, Thazin 5/115, Kalaymyo ah form kila thei a, Jan. 15, 2014 niin ap kik ding hi. Feb. 10 - 23 March sung Missionary Training ompah ding hi. Athutelkim nuamte in Ph. 0947072901, 0933236309 leh zbcm95@gmail.com ah kidawp thei hi. (Mission Department, ZBCM)
"CIIMNUAI AI TUAM TANSAWM SANGPAN ZAKSAKNA

1. Sangsia (Study guide) kideih hi. 2. B.A., B.Sc., hi ding. Major Subject pen (Myanmar, English, Maths, Physics, Chemistry, Zoology, Botany, Eco, History, Geography) tawh sang man te hi ding. 3. M.A/M.Sc ahih leh kideih sem hi. 4. Asiau masa deihdan abatleh ngamasa ding. Ph: 073-22289, 0947072903, 0947080079
Hong uk kumpite thu na mang ciat un. TATNA: 1. Kawlpi (Rom. 13:1)

Rev. Kam Khen Pau Sia Song Za Tuang Rev. Dal Khan Ngin Sia Lian Khan Tuang Ciin Theih Kim

______ ______

(toif;awmfowGif;uefUowf)

2. Gamsung 3. Gamdang

2000 2500 ______ U S $25