ZOMI TIMES ZOMI TIMES

ZOMI TIMES ZOMI TIMES ZOMI TIMES

V VV VVol. 8, No ol. 8, No ol. 8, No ol. 8, No ol. 8, No. 4 . 4 . 4 . 4 . 4 Inf Inf Inf Inf Information T ormation T ormation T ormation T ormation To oo oow ww wwar ar ar ar ards D ds D ds D ds D ds Dev ev ev ev evelopm elopm elopm elopm elopment ent ent ent ent 25 January 2014 25 January 2014 25 January 2014 25 January 2014 25 January 2014
WEEKLY NEWs
ESTD. 2007
H.O.: Thazin 2/70, Ngeisok St,
Phualpi Veng, Kalaymyo,
Myanmar 02091
Ph: 959 47073027, 400467507
Email:
zomitimes2007@gmail.com
ZCD MAKAIHNA TAWH ZOMI CONFERENCE FOR 2014 CENSUS KINEI
"Your Victory added a new feather on the caps of all Zomis in the World" (Pu T. Go Gin to Pu Cin Sian Thang 1990)
2014 Census ah Zomite Minam lian khat a ciaptehna ngah theihna dingin pulakna leh thu kikupna lianpi Zomi
Conference (Kalaymyo) pen 2014 January 24 ni-in Galilee AG biakinn, Kalaymyo ah om-a, mimal 500 val paikhawm hi.
Zingsang nai 9:00 hunin hun kipan hi. Kalay ZCD Chairman Pa SK Gin Khan Pau in hun makaih a, ZCD President Pu
Cin Sian Thang in kamhonna nei-in 'Zomi' ci-in kithutuakin pangkhawm ni cin gen hi. Tuakhit ciangin Zomi makai
masate zahtak piakna om hi.
ZCD General Secretary Pu Gin Kam Lian in 2014 Census ah form gelh dingdan limtak gen hi. Misimna makai U
Khin Yi tawh kimuhna gen a, NRC card atawite Tualsuak minam ahih manin code No. 914 ah igelh hangin bangmah
buaina om lo hi. U Khin Yi akidot ciangin code angah nailo, Tualsuak mite in code No. 914 ah gelh ding, Kawlgam mibup
0.01% (mihing 60,000) aphate in Minam Palai khat ngah thei hi ci-in gen hi. Pau leh ham pen minam hilo a, Zomi
sungah beh thupi zaw hi. Tutadih kampau kithei teng in code no. 914 Zomi kici leng Kawlgam ah minam lian khat isuak
ding hi ci-in cingtakin pulak hi.
2014 Census ah 'Zomi' gelh ding tawh kisai thudotna tampi kinei hi. 2014 Misimna ah England (UK) Computer
siamte kisimsak dinga, abei khempeuh UNO in sik ding hi ci-in Pu Cin Sian Thang in gencian hi. Code No. 914 ah gelh
leng UK Computer siamte in sim lel dinga, adang minamte in 914 ah gelh leh zong simkhial lo, Zomi - Z agelh teng
lomkhat, adang minam code anei nailo Tualsuak mite in zong 914 mah ah gelh ding uh a, amau minam min kigelh
khempeuh simkhawm ding uh hi. 914 ah igelh hangin Saizang, Teizang, Zo, Dim...cih te beina hituanlo a, minam khat
ahihna hi. 914 gelhte NRC Card anei tualsuak mite Rohinjate tawh kibanglo a, kisai lo hi cih thu kigen hi.
Zomi kipawlna khempeuh kipawlin khuasim ah 914 - Zomi gelh ding vai paiin gen ding geelna nei uh hi. Zomite bek
hilo, Kawlgam minam kim in abuaipih ahi hi. Kawlgam misimna pen 2014 March 30-10 April sung a Kawlgam a mi om
khempeuh akisim ding hi-a, pawlkhatte genna ah gamdang omte kisimlo ding hi aci zong om hi. Gamdang a Kawlgammi
omte akisim leh zong UNO tawh thukimna zuiin thu kibawl theilo ding a, bangkum a gamdang pai, koigam ah om cih bek
kidong dinga lauhuai lo hi cih U Khin Yi in gen hi.
ZOGAM THUTHANG (ZOGAM NEWS)
Kawlgambup A.G Khawmpi & E.P Kiteelna Manta:
Yangon AG zumpi ah 2014 January 14 ni zinpi tung a, 15-
16 meeting, Jan.17, 2014 (fri) ni 2014 2017 E.P kiteelna
om hi. District Council 8 pan Section khat pan tangmi 3
delegate pai hi. Abeisa term sungah Superintendent - Revd
L Zawhang (Kachin) hi a, Vice Superintendent - Revd Go
Za Nang (Senior Pastor, AMC) Kalaymyo , Secretary - Revd
Hla Myint (Falam) , Sumkem - Revd D Yaw Ram (Kachin)
ahi hi. D.C Superintendentteng member ahi uh hi. Tutungin
maikaipi, Makaipi huh leh Sumkem pen aluiteng in ngah
suak a, Secretery - Revd Dr Suan Za Pau (D.Min) Senior
Pastor, Word of Hope Church, Yangon in ngah thak hi. Tedim
BBC LST Sangsiapi Revd Dr Thuam Khan Thang zong
Tedim DC 7 Superintendent ngah hi. Rev.Dr.Suan Pau pen
Luangel khua, Tongzang Tsp. hi a, B.A zo a, Hakha ah
kumpina sawtsim sem hi. Philippins ah M.Div. a zawh khit
ciangin Yangon ah Pasian' nasep kipan a, Word Of Hope
pawipi phut hi. LST sang leh Tagah kepna nei hi. Pasian'
nasep kawm mahin Phillipines ah D.Min. galzop a, nungkum
in zawhna hong ngah khin ta hi. Tulaitak ama kum pen 55-
56 pawl hipan hi. Peter Khampu
Zomi Innkuan USA, Inc.- Zomi Movement Fund:
Zomi Innkuan USA pen US kumpi in NGO khatin asan ahi
hi. 2014 Myanmar Census & Zomi Movement Fund zonna
tawh kisai a teltheih nuam, akan nuamte in Tulsa Makaite
tung ah kidong, kikan thei hi. Pa Go Sawm Khup, 918-
576-4174, Rev. Pau Khan Mung, 918-798-5293, Pa Tual
Sawm Lian, 716-228-5071, Pa Thawngbawi Hatzaw, 918-
859-5728, Pa Disciple Kap Sian, 918-852-2447, Lia Vung
Sen Lun, 918-706-9944. Hih Zomi Movement Fund pen
2014 Census ah Zomi code neihzawhna dinga nasepna
ding ahi hi. Gregory Kap Suan Lian Gregory Kap Suan Lian Gregory Kap Suan Lian Gregory Kap Suan Lian Gregory Kap Suan Lian
Sakollam Social Society Nasepna: Lamziik dungteng
leh lamnuai lamtengah lammei mal 67 kithuahin meipai
teh nuam mahmah kisa hi. Tua khit ban ah lamzik dungte
ah Pipa nga kitumtanin mun sawm ah ninbung dingin kikoih
aa, sumbei vekpi pen Ks. 1436100/- bei a, U S A om
Sakollamveng kipawlnate in hong khak uh ahi hi. A sawtlo
in Kiallap meikangphelhna bung zong, mal 20 tungsiah lei
dingin kigeel hi. Abeisa kawlgam suahtak ni in khangno 40
tawh sunsung Siapi Gin Khen Thang kicialin Pilna athupitna
kigensakin sun-an Ciazan kipia hi. Malaysia om Tg Mang
Sian Siam in vengkipawlna dinpihnain Ks. 30000/- hong
khak ahih manin kilungdam a, mundang omte in zong nong
panpihna ding uh kong zawn hi. Thang Pian Lian, Secre-
tary, Sakollam Social Society. Internet
Tuitawh Lamlui Kipuah: :: :: Pa Dal Khen Khup (Tahan)
leh upa 5 te makaihna tawh kham leh zang khangno 70
val in 14 - 20 January 2014 sung, leitui (Zociangh) pan
tuitawh - Tai 4 sung lamlui keekin lam kisial a, zan 4 giakin
Pa Dal Khen Khup in lamsialte vok tuk 5 tawh lamsial sung
vaak ih. Lamsial zawh ciangin tuitawh Hausa min tawh
vok tuk 5 tawh lamsialte kivaak hi. Tu-in Motorcycle
numtakin tai ziahziah hi. Tuitawh mite - Kawlpi, Sankhangyi,
Chantagyi, Zozang, Pidawta, Phai, Tedim, Tonsim leh
adangdang pan huhna sum teng 5 val leh antang ip 10 val
kingah hi. Lungdamko - Pa Khup, ZTK President, Tahan
ZCD Kalay Committee Thak Kiteel : 2014 January
23 ni-in President Pu Gin Sian Kham, Vice President 1- Pu
H. Khual Za Nang, Vice President 2- Gin Khan Pau, Vice
President 3 - Hang Lian Khup, Secretary - Pu Pum Suak
Thang, Secretary 1 - Pu Kam Sian Mung, Secretary 2- Pu
Kam Suan Mung, Secretary 3 - Khup San Thang, Trea-
surer - Thawng Mang, Treasurer 1 - Thang Deih Tung,
Treasurer 3, Accountant 3 leh member kiseh hi. ZT
India Medical Doctor 44, Kawlpi Ah Cina En Ding:
Imphal (Phai) Zatopi panin Medical Doctor Specialist 44 in
Kawlpi ah ni 14 January 25 ni hong tung ding uh a, Janu-
ary 26 niin Cina 1000 en ding uh hi. Adiakin Cancer, Sinna,
HIV limsit ding uh a, adangte zong at ding akulte ciamteh
dinga, hongpai kik ciangun at ding uh hi. January 24-25
sung Kalaymyo Zatopi ah min kipia thei hi. Kimpi, Kawlpi Zato
Kawlpi Mawtaw Licence Neilo Kimante Thu
Kikhen : 2014 January 20 niin Licence Mawtaw anei mi
26te thukhenzum panin kha 3 thong kikhia hi cih thu kiza
hi. Thong lutte alut phetin sumtang 100,000 pia pah uh hi.
Mawtaw kimante khat akidot ciangin 26 bel hikei in mi 10
khawng hiphot hi. Kawlpi District thukhenpi tungah mawtaw
kimante in thongkia lo a, sumtang tawh liau ding anget
hangin utlo a, Monywa Regional thukhenmang kiangah
apai uh leh Kawlpi thukhente thu hi ci hi. Indaigyi thong ah
kikhia a, Kawlpi ah ciah kei peuh leh ci-in thong sungah
omsak lo hi. Ahizongin numei ahih leh buaihuai tuak hi.
Licence neilo mawtaw neite in Kawl kumpi tungah lai pia
ding cih thu kiza a, asawtlo-in meeting om ding hi cih thu
kiza hi. Dotnopte Zomi Times ah kidawp thei hi. ZT
228 Battalian Commander thu Kibawl : 2014 Janu-
ary 14 nin Kawlpi Shin Hong Hotel, Room No. 307 ah
azintung kumpi ulian numei khatpen 228 battalian com-
mander in tenpih dingin ompih a, ataisat ciangin tua numei
hehin Kawlpi palikzum ah thubawl hi cih kiza hi. Kalaynews
English Worship Service Om Ding
KZCYF makaihna tawh planetshakers pawi meizomin
khakhat 1 vei, mangpau zangin biakpiakna, kilawmtakna,
Bethsaida AG biakinn ah Jan 27 Monday 7:00 pm om ding
ahihmanin a kuama peuh kong sam uh hi. KZCYF Secretary
Kawlpi Hanvai Buaihuai Lai : Kawlpi khuasung a
hanlui omte tawh kisai ulian lam panin mipi thukimna
omlopi, hanphiat ding hanciam uh a, innsim leisa hante
amau hoihsak khatpeuh a zat dingin mipi khitui leh mizawng
khuallo-in nawtmai sawm hi cih kiza kik hi. Santa Han ah
2012 April kha sungin nawtmai ding ci-in kumpi thu omlopi
kigen a, 2013 December kha-in Municipal zum pan
Christiante ni thupi lungdambawl ni a nawtmai ding laisuah
in mipi lungkimlo-in tungsiah kikah a, tudong khawl hi.
Ahzongin tun Tahan Tuiphum Pawlpi Han zong mipi
lungkim lopi-in Galkapte in nawtmai ding hi ci-in zuanphuak
omzel a, alauthawngte in utlopi-in atuah om hi ci-in kiza hi.
Santa Han Committee in Sagaing CM, Kawlgam President,
Daw Aung San Suh Kyi leh Municipal Mangpi kiangah
ngetna lai puak uh a, Kalaymyo Sipen, District, Township
leh Veng Hausate kiangah phiatloh ding zaksakna kinei hi
ci-in Santa Han Committee in gen hi. ZT
KAWLGAM THUTHANG (MYANMAR NEWS)
UNFC Thautawite Holimna ah UN Envoy pai: Kawlgam
sung mualtung thautawi pawl leh kawlgam kumpi gaalkaapte
kimuhkhopna ah meeting kahdingin UN Envoy Vijay
Nambiar, Kawlgam Yangon khuapi, Jan 20,2014 ni in tung
hi. UNFC khawmpi pen KNU gam Lawkhila ah anithumna
Jan 22,2014 niin zothei uha, Zing Jan23, 2014 niciang
Kawlkumpite tawh kimu a kawlgambup daihna suaikaih
pawipi ciang thusun ding thukimna hoihkhat kimansiang ding
hi ci in KIA Bu Guam Maw in genkhia hi. Internet
Mawbi Ah Thaukoihna Kiluh : Yangon Region, Mawbi
ah No. 5010 Tank Army battalion sunga thaukoihna kiluh a,
thau leh thautang amang om hi ciin kigen hi. Tua thaute
banghun a kigu hiam cih kitheilo a, thaukoihna akihon ciangin
amang om hi cih kithei pan hi ciin Palikmang Win Gaung in
gen hi. 1949 kumin Mawbi palikleen ah thau mangin Galone
U Saw pawl in Bogyoke Aung Sante kithat hi. Hih thunih kibang
kisa hi. 1949 thaumang pen January 22 niin thu kibawl a, tun
zong 2014 January sung ahih sese kituak kisa hi. Hithu tawh
kisaiin January 23 ni, 7:30 am hunin Yangon, Thauhcian
Municipal nasem U Hla Win inngei ah bomh kitam a, kum 8
Mg Myo leh kha 10 naupang khat liam hi. AYWD
2014-2015 Kum Pan Pre-School (Mucu) Siate
Kumpi Khasum Pia Ding : Kawlgam ah kumpi theihpih
Nursery (Mucu) sangsiate 2014-2015 panin kumpi in
Khasum pia ding hi ci-in Yangon Education University Dy.
Rector Daw Khin Myo Myint Phiu in gen hi. Mucu Sangsia
8000 pen nu le pa panpihna tawh ading hi-a, Pre-school
NGO kipawlna pan ngetna bangin kumpi in Khasum pia
ding hi cih thu kiza hi. DVB/HWH
LEITUNG THUTHANG (WORLD NEWS)
Israel In Gaza Kap: Israel gaalvaanleeng in Gaza
gunpang to a kibusa Jihad Islamist migilote phualpi teng
bomb akhiatna pan migilo makaai Ahmed Zaanin leh adang
zalian khat si hi ci in Israel leh Palestinian kumpi in Jan
21,2014 ni in taangkokhia uhhi. Hih pa pen Nungkaal sung
Israel PM Luui Ariel Sharon kivui laaitak a Israel gam thaupi
tawh anakaap pa ahihi. Israel gam Tel Aviv khuapi a om
US Palaiphualpi leh Jerusalem khuapi sung a om mipi
kikhopna phualpi teng simding a apai Al Qaeda sawltak mi
3 zong Israel gamcingte in Jerusalem khuapi nisuahna lam
ah Jan 22,2014 ni in hingmat uhhi. Internet
Leitung Mihau 85 Neihsa Tamzaw: Leitung a
ahaupen mihau 85te neihsa pen leitung milip million 7000
alang mizawngte neihsa kigawm sangin tamzaw hi ciin
Oxfam in gen hi. Tukal sungin Switzerland, Davos khuapi
ah World Economic Forum om ding a, tua madeuhin Oxfam
in leitung mihau leh mizawng kikhaihna apulakna ahi hi.
Mihaute in Siahliau atawm theithei piaksawmin anasepna
uh gamdang ah koihin amau phatuamna dingin Political
Power zang uh hi ciin Nick Galasso in VOA ah gen hi.
Mizawng mihau kikhaih luatpen khantonna ding dal a, siatna
leh natna tungsak hi ciin genbeh lai hi. VOA
Malay ah mi 1565 Kiman: 2014 January 20 ni zan
panin Malaysia ah Operasi (Lai tawilote kimatna) om a,
Malay hilo gamang mi nasemte 1565 kiman ta a, tua lakah
Kawlgam - 157, Indonesia - 695, Bangladesh - 255 leh
Cambodia, Vietnam, India, Pakistan, Phillipine, China, Ni-
geria, Thai mi tampi kihel hi. Malaysia ah Kawlgammi
275,000 om a, 113,000 bek laitawi (work permit) hi. 2013
kumin Kawlgam mi 600 leh gamdang mi 5000 kiman hi.
Editorial:........
LEITUNG BUP ZOMITE TUNGAH THUZAKSAKNA
2014 Census tawh kisaiin kilunghimawh ciat hi. Chin
kici kei leng Kawlgam Tualsuak mi ngah nawn kei ni aci
omin, tualsuak minam hinawn lo ding hi hang ci a CHIN
lam aa dingin athugenpawl om hi. Kumpi in minam min
amaan gelh thei ding acih leh gelh pah ding hi, tuhun pen
ei Zomite leh ei bang a minam min amaan a kigelhlote aa
dingin hunhoih hi. Khahsuah kei ni ciin Zomi atamzawte in
gen hi. Zomi Times panin zong, kumpite cih ci ni aci ihih
leh minam min amaan gelh ni ciin kitangko, kigelh zel hi.
Ahi zongin Chin tawh kipawl nawn kei leng Chin state ah
ki-om theilo ding bangin atuat om a, Zogam neusek bangin
atuat om hi. Chin ikicih manin ihamphatna ding omlo a,
ZOMI kici leng hamphatnateng kitaan ding hi cih omlo hi.
Tutung Zomi Conference, Kalaymyo ah Zomi adeih
mipi 500 val bang kipai hi. Chin ikicih loh manin supna
khatbeek omlo ding a, ei minam minlopi tawh bangmah
ngah tuanlopi mikhem, ei le ei kikhem a ihihna iminlopi
tawh inuntak sangin isup leh zong minam hang hi acikim
thei dingin Zomite ikicial hi.
Kongit Kawlgam leh Leitung bup aom Zomi u le nau
khempeuh aw, Ih theihsa tek mah bangin Kawlgam sungah
tukum 29 March pan in 10 April dong milip kisimna (Cen-
sus) om ding a, tua mun ah minam (Ethnic) lahkhiatding
kul hi cih ih theitek hi. Ahizongin ei Zo minamte adingin
Kumpite geelsa Code nambat omlo ahih manin mi tampi
lunghimawhin GZA makaite tungah tu le tu-in hong kidong
den hi. Lunghihmawh ding mah ahihi. Hihthu tavuan nei
gambup Immigrationte tungah a kidot ciangin Code nambat
omlote Code nambat 914 OTHER (adangdang) nambat
tawh kigelh thei ding cih ngaihsutna hong pia uh hi. Tua
ahih manin hih thu tawh kisai-in GZA panin a nuai-a bangin
hih dingin kong taangko khia uhhi.
I minam pen tangtawng pek a kipan midangte hong
piak hilo, eimah le eimah i kilawhna ZOMI mah cih ding
amanpen leh ahoihpen ahihi. Tua ahih manin Form igelh
(Fill up) ciangin Code Nambat 914 ZOMI ci-in i at kim dingin
kong zasak uhi ciin Rev. Dr. S. Pau Khan En, GZA Makaipi
21 Jan, 2014 niin email ah laigelh hi. Rev.Dr. Do Suan
Mung in January 11 niin, tutung Census vai peuhmah ah
kithutuah sawm hamtang dih ni. Bangbang I gen hangin
i ki thutuah mateng manawt ngei l o di ng hi hang.
KITHUTUAK TAKIN ZOMI KILAI DIH NI. Zomi pen I Lukhu
ding hi a, Teizang, Saizang, Zo, .. icihte ahiang ding hiin
abei tuan ding hilo hi ciin hong hanthawn hi.
Pasian Thusinna Om Ding Pasian Thusinna Om Ding Pasian Thusinna Om Ding Pasian Thusinna Om Ding Pasian Thusinna Om Ding
Lutheran Pawlpi makaihna tawh Pasian thusin na omding
hi. Thusinna hong pia ding. Rev. David Koenig CLC, USA.
Mi 80 bek kiciangtan a, pasal kideih masa hi. A ut
peuhpeuh kisang hi.
A ni : 5 - 8 Feb. 2014
A hun : 7:30 AM - 3:30 PM
A mun : 12/3 (Lutheran Home) Munlai, Boyoke
Rd. Ph : 09400473379
Note : Zingsang kiallap an leh zing an kivak ding hi.
Zomi Times : The Organ of GNI Ministries. : Rev. Kam Khen Pau
Chief Editor : Rev. Dr. Lang Khan Khai : Sia Song Za Tuang
Managing Editor : Siapi Tuan Khan Pau : Rev. Dal Khan Ngin
Editors : Rev. Cin Ngaih Thang : Sia Lian Khan Tuang
: Tung (EP) Manager : Ciin Theih Kim
(toif;awmfowGif;uefUowf)
TATNA:
1. Kawlpi
______
2000
2. Gamsung
______
2500
3. Gamdang
______
U S $25
Hong uk kumpite thu na mang ciat un.
(Rom. 13:1)
jrefqkyef&mxl;0ifoifwef; jrefqkyef&mxl;0ifoifwef; jrefqkyef&mxl;0ifoifwef; jrefqkyef&mxl;0ifoifwef; jrefqkyef&mxl;0ifoifwef;
(PGDMA (Multimedia
._. ; . ..,.. . . . ; .
,....., ....., ;..;. -.;.;
(.;- ...;.,. .... ;.,,..
-; (,,.; .-._._ .__,.
.,..._
;.... .;.j..... ...--
....__.- _. . ... . -..... ._. ,; _ .. ._ .;,.
--...._
. ; ..;,. . ; ..;,. . ; ..;,. . ; ..;,. . ; ..;,. . . . . . _ . - _ . - . , . . . . . _ . - _ . - . , . . . . . _ . - _ . - . , . . . . . _ . - _ . - . , . . . . . _ . - _ . - . ,
_ . _-_ . . . . . .-. . . _ . _-_ . . . . . .-. . . _ . _-_ . . . . . .-. . . _ . _-_ . . . . . .-. . . _ . _-_ . . . . . .-. . .
. . - . . - . . - . . - . . - ., ., ., ., ., - . . - . . - . . - . . - . .
._ ...-.....- . ._ ...-.....- . ._ ...-.....- . ._ ...-.....- . ._ ...-.....- . . - - . - - . - - . - - . - -
.. .._. .. -_ - - .. .._. .. -_ - - .. .._. .. -_ - - .. .._. .. -_ - - .. .._. .. -_ - - -.._. -.._. -.._. -.._. -.._.
. ; . .,..., .,, . ; . .,..., .,, . ; . .,..., .,, . ; . .,..., .,, . ; . .,..., .,,
Lang Khan Khai