DRAMA MINANG

NASKAH DRAMA

MALIN KUNDANG
TOKOH
1. Malin kundang
2. Mandeh
3. Cahayo
4. Tuan Rajo Mudo
5. Siti (tetangga malin)
6. Awak kapa

: AFDAL DINILHAQQQ
:ELVA YENTI
:RENI MARLINA
:PEGGY APRILIA
:PUTRI MAYANG SARI
:

Tasabuiklah sabuah carito, carito urang dahulu, di ranah kampuang rang Minang. Ado surang lakilaki banamo Malin Kundang. Malin nan tingga basamo mandehnyo, alah lamo ditinggakan bapaknyo nan
labiah dulu dijampuik nan Kuaso.
Malin, baitu mandehnyo maimbau. Anak satu-satunyo mandeh, rupo nan gagah sarato parangai nan
elok. Umua baru 10 tahun. Rajin manolong mandehnyo tiok karajo.
Dialog 1

Mandeh
Malin
Mandeh
Malin
Mandeh
Malin
Mandeh
Malin

: malin ooo malin..

: iyo mandeh, apo mukasuik mandeh maibau ?
: ado apo malin mancaliak caliak sajo ka kapa tu?
: malin nio naiak kapa tu mandeh, buliah kah malin bakarajo di kapa tu?
: untuak apo malin karajo, malin masih ketek, bialah mandeh nan mancari pitih untuak makan kito
: malin nio mancubo sajo mandeh
: kalau baitu kato malin, mandeh sarahkan tapi jan sampai malin bakarajo barek
: iyo mandeh, assalamuaikum..
Dialog 2
Pai lah Malin ka palabuahan, nampak kapa nan sadang singgah.
Malin
: assalamualaikum..
Awak kapa
: walaikum salam
Malin
: ambo malin da, panduduak kampuang disiko
Awak kapan : ado apo waang kamari malin ?
Malin
: ambo datang untuak mancari karajo disiko, ambo danga kapa ko ka barangkek ka kota.
Awak kapa
: oh baitu, tunggu sabanta malin, ambo panggiakan Tuan Rajo Mudo nan punyo kapa ko.
Malin
: iyo da, tarimo kasih. (dalam hati) ondeh mandeh baitu bana gadang kapa nan iko, samoga malin bisa
karajo disiko
Salang babarapo saat, sadang bamanuang-manuang surangnyo Malin, tibo lah awak kapa tadi mambaok Tuan
Rajo Mudo. Konon tadanga Tuan Rajo Mudo adolah rang kayo gadang, nan punyo sagalonyo.
Awak kapa
: iko tuan, namonyo Malin nan ambo caritokan tadi
Malin
: assalamuaikum tuan
Tuan Rajo
Malin
Tuan Rajo
Malin
Tuan Rajo
Malin
Tuan Rajo
Malin

: walaikumsalam, duduak lah. Jadi apo mukasuik waang kamari?

: malin nio bakarajo pulo di kapa iko tuan
: buliah, asalkan waang nio ikuik marantau jo kito basamo
: marantau kama tuan ?
: marantau jauah, jauah dari kampuang ko. Di situ waang bisa karajo, dapek gaji nan banyak
: kalau baitu kato tuan, ambo tarimo. Tapi buliahkah ambo maminta izin dahulu
samo mandeh, tuan ?
: silahkan, kapa akan barangkek 3 hari lai, kalau waang ndak baliak ka siko, tapaso kito tinggakan
: baiklah tuan, assalamuaikum

Tuan Rajo

: walaikum salam

Dialog 3
Balarilah malin ka rumahnyo, basuo jo mandeh sadang duduak duduak surang.
Malin
: assalamualaikum mandeeeeeeehh..
Mandeh
: walaikumsalam malin, ado kaba apo malin basanang hati ?
Malin
: malin ditarimo karajo di kapa mandeh
Mandeh
: kalau baitu, sananglah hati mandeh malin.
Malin
: tapi mandeh, dalam wakatu 3 hari, kato Tuan Rajo Mudo kapa tu ka barangkek ka kota gadang,
Malin nio marantau mandeh, tolong ijinkan malin
Mandeh
: marantau ? mandeh alun bisa maagiah malin izin, agiah mandeh wakatu untuak bapikia
Malin
: kalau baitu kato mandeh, malin akan tunggu
Dialog 4
Tak lamo kamudian, datanglah Siti tetangga malin.
Mandeh
: manolah siti, dari tadi mandeh maimbau
Siti
: assalamualaikum mandeh
Mandeh
: walaikum malam, eh siti masuaklah, nak.
Siti
: ado apo mandeh maibau Siti ?
Mandeh
: mandeh nio batanyo kapado Siti, si malin handak pai marantau, manuruik Siti apo mandeh harus
maijinan malin ?
Siti
: kalau malin marantau untuak mancari karajo, ijinkan sajo mandeh, suatu saat malin ka gadang juo.
Mandeh
: ibo hati mandeh malapeh malin nak
Siti
: kalau itu nan mandeh pikiakan, siti marasoan itu pulo mandeh, malin anak nan elok disiko, pasti
sajo urang kampuang barek malapeh malin
Mandeh
: iyo Siti, mandeh ngarati, apo mandeh maijinkan malin sajo ?
Siti
: dangakan sajo kato hati mandeh, kalau manuruik mandeh elok, lakukan
Mandeh
: tarimo kasih Siti, tolong panggiakan Malin ka siko, nak
Siti
: iyo mandeh, assalamualaikum.
Mandeh
: walaikumsalam nak.
Barangkek lah Siti maninggakan mandeh, inyo nan handak maimbau Malin

Dialog 5
Malin
: assalamualaikum mandeh
Mandeh
: walaikumsalam malin.
Malin
: baa mandeh ? buliahkah malin pai marantau ?
Mandeh
: malin, cubo waang pikia dahulu, mancari karajo di nagari urang, apo lai di kota gadang, labiah
payah dibandiang di kampuang ko nak
Malin
: tapi itu sudah malin pikia kan mandeh, kini ko Malin mohon izin mandeh
Mandeh
: kalau baitu nan malin nio, kareh juo hati malin, mandeh ijinkan. Tapi jago diri elok-elok, jangan
sampai malupoan kampuang, nak.
Malin
: iyo mandeh, malin janji akan pulang untuak mancaliak mandeh, tarimo kasih mandeh.
Mandeh
: elok-elok malin
Malin
: iyo mandeh, assalamualaikum
Mandeh
: walaikum salam
Dialog 6
Barangkek lah malin maninggakan kampuang manuju kota gadang, salamo di kapa malin banyak
ditanyokan dek awak kappa disitu, dek mancaliak karajo malin nan rancak
Awak kapa
Malin
Awak kapa
Malin

: malin, ka mari lah waang dahulu

: iyo uda, ado apo uda maimbau ?
: baa malin ? lai sanang waang bakarajo disiko ?
: sanang uda, malin baruntuang batamu uda di siko

Awak kapa
: oh kalau baitu kato waang, rancaklah sanang pulo kami nan disiko
Singkek carito, sampailah kapa Tuan Rajo Mudo di sabuah kota, kota nan sangaik gadang sarato rami
panduduaknyo. Karajolah malin disinan, bahari-hari hinggo batahun-tahun, alun tacaliak mandeh di
kampuang.
Dialog 7
Hinggo suatu hari batamu jo Cahayo, anak dari Tuan Rajo Mudo. Maliek tingkah Malin nan bak kian,
batanyo lah Tuan Rajo
Tuan Rajo
: malin, waang suko jo Cahayo ?
Malin
: apo mukasuik tuan tanyo baitu ?
Tuan Rajo
: kalau waang suko samo anak ambo, silahkan Malin. Pinang lah .
Malin
: tuan rajo indak bagurau kan ? kalau baitu kecek tuan, sananglah hati ambo tuan.
Tuan Rajo
: iyo malin, tunggu sabanta
Pailah Tuan Rajo manamui anaknyo, Cahayo.
Malin
: (berdiri) Cahayo..
Cahayo
: iyo uda malin
Malin
: nio kah adiak jadi istri uda ?
Cahayo
: apo mukasuik uda ngecek baitu ?
Malin
: kito samosamo tau sajo adiak, Tuan Rajo maijinkan uda maminang adiak, ado kah adiak basadio ?
Cahayo
: kok baitu kato bapak denai tarimo uda
Malin
: tarimo kasih adiak
Singkek carito, manikahlah Malin jo Cahayo, anak Tuan Rajo Mudo. Dari nan dulu bangsaik, kini
manjadi rang kayo gadang, dari nan dulu baparangai rancak, kini manjadi tinggi hati, parangai buruak bak
kuciang aia, sangaik sombong di mato urang.
Dialog 8
Samantaro itu di kampuang, mandeh nan sadang sakik kareh, alah tuo sarato bangsaik, kini
karajonyo hanyo bamanuang-manuang surang, sangaik taragak jo Malin.
Mandeh
: siti.. siti.. (batuk)
Siti
: iyo mandeh, dek apo mandeh sarupo iko ?
Mandeh
: mandeh taragak samo Malin , Siti.
Siti
: iyo mandeh, Siti tau baa raso hati mandeh kini, kini kito hanyo dapek badoa ka nan Kuaso, samoga
Malin baliak ka siko.
Mandeh
: antah baa lah nasib anak mandeh kini siti
Siti
: basaba mandeh, usah mandeh baketek hati, siti picayo uda Malin pasti baliak
Mandeh
: iyo siti rasonyo mandeh indak tahan sarupo iko siti, (batuk)
Siti
: tanang mandeh, masih ado siti di siko
Mandeh
: tarimo kasih Siti
Dialog 9
Baraliah ka Malin dahulu, ruponyo Malin mandapek bisnis di sabuah kampuang ketek, kampuang itu
lah kampuang tampek malin dilahiakan, hinggo kapa batapi di sinan.
Awak Kapa
: Malin, bukan kah iko kampuang tampek waang dahulu ?
Malin
: kampuang ? indak uda, kampuang ambo indak sarupo iko
Awak kapan : oh kalau baitu, lanjuikkan lah perjalanan kito malin
Malin
: tantu sajo uda
Ruponyo nampak dek Siti bahasonyo rombongan Malin tibo ka kampuang
Siti
: mandeeeeeeeh, mandeh, malin pulaaaaang
Mandeh
: manolah anak mandeh si malin Siti ?
Siti
: malin basamo awak kapa sadang di palabuahan mandeh
Mandeh
: tolong baok mandeh ka situ Siti

Siti

: iyo mandeh

Dialog 10
Diajaklah mandeh dek Siti ka palabuah, ruponyo sadang lamak bajalan jo Cahayo, Malin dipacik dek
surang parampuan, iyo lah mandeh.
Mandeh
: malin, iko mandeh, anak mandeh nan mandeh cinto, lamo bana malin indak pulang ka mandeh
Cahayo
: uda Malin, sia parampuan iko uda ?
Malin
: mandeh ? indak pernah ambo punyo mandeh sarupo iko
Cahayo
: apo iyo iko mandeh uda malin ?
Malin
: indak adiak, mandeh uda alah maningga
Mandeh
: ya Allah malin, baa kok baitu kato malin ka mandeh ? jo mandeh surang malin lupo
Malin
: indak pernah ambo punyo mandeh bantuak iko, mandeh nan tuo, indak barasiah sarato bangsaik, pai
dari siko (manendang mandeh dan menarik tangan Cahayo)
Cahayo
: tapi kalau iyo itu mandeh uda, baa kok uda ndak mangakui ?
Malin
: indak adiak, alah uda kecekan, inyo bukan mandeh uda
Mandeh
: malin, baliak lah nak. Mandeh taragak samo malin (nangis)
Akhianyo Malin barangkek jo istrinyo Cahayo manuju kapa, samantaro itu, mandeh nan tangah
manangih badoa kapado Allah
Mandeh
: Ya Allah, baitu bana anak denai kini, anak satu-satunyo nan denai punyo, anak nan denai lahia kan,
tapi batinggkah sarupo itu, agiahlah teguranmu Ya Allah, sungguah inyo ANAK DURHAKO !!!
Sakatiko itu sadang bajalannyo Malin jo Cahayo, tibo lah patuih sarato kilek, hujan badai nan sangaik
gadang, galombak lauik ikuik naiak, kapa-kapa pun taguncang kaniak kamari
Malin

: ado apo kini ko ?

Sadang balari-lari dari badai, tibo kilek manyamba Malin, mungkin taraso dek hati Malin alah
durhako kapado mandeh, basujuik lah Malin di dakek mandeh tapi apo nan tajadi indak bisa diilakkan,
akhianyo sakatiko sujuik, barubahlah Malin manjadi batu, mungkin itu azab nan Kuaso.
Kini batu Malin Kundang manjadi tampek wisata di ranah Minang, dapek kito ambiak hikmah
untuak indak malawan kapado kaduo urang tuo.
Kalau ado jarum nan patah
Usah latakkan dalam padi,
Kalau ado kato nan salah
Usah dilatak dalam hati

::::::TAMAT :::::