GENRE NG MUSIKA NA KINAWIWILIHAN NG MGA ESTUDYANTENG NASA

UNANG TAON NG KOLEHIYO NG SAINT PAUL UNIVERSITY SURIGAO

Panimula

Ang musika ay may iba't ibang pakahulugan sa tao kaya hindi ito maipaliwanag ng
lubusan. Ito ay sinasabing relatibo at subhektibo. Ang musika ay ang tunog na nabubuo gamit
ang boses o gamit ang isang instrumento. Ito rin ay sinusulat o ginagamitan ng simbolo upang
ipakita kung paano ito anawit o aawitin (Merriam Dictionary).
Ang tugtugin o musika, kadalasan na isang sining/libangan, ay isang kabuuang
panlipunang katotohanan na nagkaiiba ang mga kahulugan ayon sa kapanahunan at kultura,"
sang-ayon kay Jean Molino. Kadalasang nagkakaiba ito sa ingay. "Musika" ay isang uri ng
pagpapahayag ng damdamin na gumagamit ng melodya o melodic tune. Maraming tao ang
nagsasabing ang musika ay napakaganda - nakaka-relax, nakaka-touch nang damdamin, maaaliw
ka, minsan naman paiiyakin ka, at sa kabuuang pananaw ito ay nakakaaliw (Tingig, 2011).
Sang-ayon sa musikolohista na si Jean Jacques Nattiez, ang hangganan sa pagitan ng
musika at ingay ay palaging kultura ang nagbibigay kahulugan--na nagpapahiwatig na, kahit sa
loob ng nag-iisang lipunan, ang hangganan na ito ay hindi palaging dumadaan sa parehong lugar;
sa madaling salita, bihira ang pagkakaisa.... Sa lahat ng pangyayari, wala ni isa at interkultural
unibersal na kaisipan na nagbibigay kahulugan kung ano ang musika.
Ang musika ay binubuo ng maraming genre tulad ng klasikal, acoustic, rock, hip hop at
pop music. Ang mga ito ang nagbibigay ng pagkakaiba sa musika.
Ang musika ay naging parte na ng kultura nating mga tao. At mas naging malaki ang
impluwensya nito sa mga kabataan, lalong lalo na sa mga mag-aaral. Ito ay nagbibigay kasiyahan
lalo na kung natutugma ito sa ating nararamdaman. May masayang musika para sa mga taong
masaya, mayroon ding senti sa mga taong gustong mag-isa at nalulungkot, may relihiyosong

kanta para sa mga taong relihiyoso, mayroon ding mga kanta na kuhang-kuha ang atensyon ng
mga kabataan, may musika na malumanay sa pandinig.
Sa pagdami ng uri ng musika, marami na ring tao ang nahihilig dito, lalong lalo na ang
mga kabataan mag-aaral sa kasalukuyang henerasyon.
Batay sa mga ideya na binanggit sa unahan, nahihikayat ang mga mananaliksik na
gagawin ang pag-aaral na ito dahil nais malaman ng mga mananaliksik ang kaibahan ng
preperensya ng mga estudyante tungkol sa uri ng musika na kanilang kinawiwilihan. Nais din
nilang alamin kung anong karaniwang genre ng musika ang pinakagusto ng mga estudyate ng
unang taon sa Saint Paul University Surigao.

Kahalagahan ng Pag-aaral

Ang pag-aaral na ito ay makakatulong na madagdagan pa ang kaalaman ng mga tao

tungkol sa mga genre ng musika at kung paano naging parte ang musika sa pang-araw-araw
na buhay ng mga mag-aaral ng Saint Paul University Surigao. May kahalagahan din ito sa mga
sumusunod:
Mga mag-aaral. Para sa mga mag-aaral, mapalawak ang kanilang kaalaman sa ibat
ibang genre ng musika at para madali nilang matukoy kung anong klase ng tugtugin ang
kanilang pinapakinggan.
Mga Partisepante. Para sa mga partisipante, malaman nila kung anong genre ng
musika ang palagi nilang pinapakinggan.
Mga Mananaliksik sa hinaharap.

Paglalahad ng Suliranin

Ang pangunahing layunin ng pag-aaral ay tukuyin at alamin ang kinawiwilihan na

genre ng musika ng mga estudyanteng nasa unang taon ng kolehiyo ng Saint Paul University
Surigao.
Ang pag-aaral na ito ay sasagot sa mga sumusunod na tiyak na mga katanungan.
1. Ano ang profayl ng mga partisipante batay sa nga sumusunod:
1.1 mag-aaral
1.1.1 gulang
1.1.2 kasarian
2. Ano ang genre ng musika na kinawiwilihan ng mga partisipante ayon sa mga
sumusunod:
2.1 Musikang klasikal
2.2 Musikang acoustic
2.3 Musikang rock
2.4 Musikang hip hop
2.5 Musikang pop music
3. May epekto ba ang pagkakaiba ng genre ng musika sa mga estudyanteng nasa unang
taon ng Saint Paul University Surigao batay sa kanilang propayl?

Balangkas Konseptwal
Ayon sa aklat ni Rivadelo (1986), ang musika ay paraan na kung saan ipinapakita ang
ating nararamdaman na kasiyahan, kalungkutan, pag-ibig sa bayan, pagsisisi at papuri. Ito ay
tumutukoy din sa mahinahon, kalugud-lugod, nakagagaling na musika at naaayon sa

pagkakasunod-sunod at patuloy na gumaganap hanggang sa katapusan. Ito ang mga salik o

dahilan kung anong klaseng musika ang nagugustuhan ng isang kabataan.
Sa pag-aaral na ito malalaman ng mga mananaliksik kung anong genre ng musika ang
kinawiwilihan ng mga estudyante na nasa unang taon ng Saint Paul University Surigao.
Ang daloy ng pag-aaral na ito ay makikita sa Iskema ng Pag-aaral na nasa Talangguhit 1.
Ang unang kahon ay naglalaman ng profayl ng mga partisipante na binubuo ng gulang at
kasarian. Ang pangalawang kahon naman ay naglalaman ng genre ng musika na kinawiwilihan
ng mga estudyante na binubuo ng musikang kalasiko, acoustic, rock, hip hop at pop.
Gulang. Tinutukoy nito ang bilang ng taon na nabubuhay ang tao.
Kasarian. Ito ay tumutukoy sa pagkakaiba sa pagitan ng mga lalaki at ng mga babae.
Kurso. Ito ay tumutukoy sa kung anong larangan ng pag-aaral.
Ibang mga salita na may malaking ambag sa pag-aaral ay ang sumusunod:
Genre. Ito ay tumutukoy sa kategorya o uri ng isang paksa.
Musikang Klasiko. Ito ay isang napakapangkalahatang kataga na pantukoy sa
pamantayang tugtugin ng mga bansa sa Kanluraning mundo.
Hiphop/ Rap music. Klase ng musika kung saan ipinapasok ang mga lirika na tumutugma
at mga pamaraan na gawing mahimig ang tunog ng lirika. Ang mga lirika ay sinasabayan ng mga
tugtog na tawaging tiyempo o beat gawa ng isang DJ.
Musikang Rock. Kadalasang umiikot ang tunog ng rock sa gitarang de-kuryente o
gitarang akustika, at gumagamit ng malakas na backbeat (kumpas na pantay) na binabalangkas sa

pamamagitan ng isang ritmong seksiyon ng elektrikong gitarang baho, tambol, at mga

instrumentong de-tiklado katulad ng organo, piyano.
Acoustic Music. Tumutukoy ito sa makabagong kanta o awitin. Ito rin ay isang
alternatibong rock n roll na kung saan ang tugtuging ay hindi kasing ingay o lakas ng rock.
Pop Music. Tumutukoy sa mga kantang mellow dramatic o mga kantang masarap
pakinggan.
Sa pag-aaral na ito, ang mga partisipante ay ang mga piling estudyante ng Saint Paul
University Surigao na nasa Unang Taon . Ang gulang, kasarian at kurso ay ang mga malayang
baryabol para sa mga mag-aaral.

Mga Profayl ng

Genre ng Musika

mga partisipante ayon sa

na Kinawiwilihan ng mga

kanilang:

Estudayanteng nasa Unang

Mag-aaral

Taon sa Saint Paul

gulang

University Surigao

kasarian
kurso

Talangguhit 1. Iskema ng Pag-aaral

Saklaw at Limitasyon ng Pag-aaral

Ang pag-aaral na ito ay tungkol sa mga genre ng musika na kinawiwilihan ng mga

estudyanteng nasa unang taon ng kolehiyo ng Saint Paul University Surigao. Ang mga
partisipante ay ang mga piling estudyante ng College Freshmen Program. Inaalam sa pag-aaral
na ito kung anong genre ng musika ang mas gusto ng mga partisepanteng mag-aaral batay sa

kanilang profayl. Isinasagawa ito sa departamento ng kolehiyo ng Saint Paul University Surigao,
Lungsod ng Surigao. Sumasaklaw lamang ito sa loob ng ikalawang semester, taong panuruan
2014-2015.
Ang pag-aaral na ito ay hindi tumitiyak sa panlahat na kinawiwilihan ng mga estudyante
ng Saint Paul University Surigao, Lungsod ng Surigao tungkol sa genre ng musika. Kaya ito
ay hindi ginamit na nag-iisang batayan sa paggawa ng kongklusyon at paglalahat tungkol sa
kinawiwilihan ng mga ma-aarl. Ang magiging resulta ng pag-aaral na ito ay maaaring limitado
lamang sa kinaaaliwan ng ng mga partisipante sa panahon at lugar kung saan ginagawa ang pagaaral at hindi sa ibang Unibersidad.

Mga Kaugnay na Literatura

Naniniwala ang mga mananaliksik na mas lalong mapatibay ang katotohanan ng kanilang
pag-aaral sa tulong ng ilang mga kaugnay na literatura at pag-aaral. Nais ilahad rito ng mga
mananaliksik ang mga ilang pag-aaral at kaisipang magpapalawak ng kanilang pag-aaral.

Kaugnay na literatura

Ayon sa aklat ni Mojica (2004), ang kapangyarihan ng musika sa nakapagpapagaling at

nagbibigay-sigla na halos lampas na sa ating pang-unawa.
Nasasaad naman sa artikulo ng Philippine Daily Inquirer, sinabi ni Koo(2000) una, ang
musika ay parehong nakapagpapagaling at nakakapanabik. Ito rin ay nakaaapekto sa pagtibok ng
puso, paghinga, pagbilis ng pulso at kahit sa temperatura ng katawan. Kaya nitong pabagalin ang
takbo ng utak.
Mahilig sa awitin ang mga Pilipino. Anuman ang ating gawain, may kaakibat itong
awitin. Umaawit tayo upang maaliw ang sarili at mapawi ang hirap sa maghapong gawain. Ang
mga awiting ito ay nagpapasalin-salin habang hinihimig o inaawit kapag narinig hanggang sa
itoy lumaganap sa buong kapuluan. Kung sino ang lumikha ng mga awitin ay hindi natin tiyak.
Ang tanging masasabi nayin ay mahusay silang mag-ugnay ng magagandang salita, dahil
nakagagawa sila ng himig habang nagmamasid sa kanilang paligid (Diwa Scholastic Press,
2006).

Ang mga awit ay nabubuo mula sa sari-saring pangkaraniwang karanasan ng bawat tao.
Ang bawat musika ay may tiyak na pangyayaring pinaghuhugutan ng karanasan kaya nalikha
ang mga letra nito (Diwa Scholastic Press, 2006).
Pinaliwanag ni Laughey sa aklat na Music and Youth Culture (2006), na ang musika ay
sinasabing pinakamataas na uri ng sining at kultura. Pinaniniwalaan din ng marami na ang

musika ay gawang ehemplo ng kaugalian. Ang musika ay madalas ginagawa o binubuo sa

kadahilanang ito ay naiimpluwensyahan ng panahon. Sa kabilang dako, ang musika at kabataan
ay madalas naipapalagay na may pagkakaugnay sa isat isa. Ang mga musika ay binibenta sa
mga kabataan at ito ang nagiging daan upang maging tagahanga silang ng partikular na musika.
Tinalakay ni Pen sa kanyang aklat na Introduction to Music (1992) na ang musika ay
isang uri ng lenggwahe. Ito ay ginagamit sa komunikasyon. kaya nitong apektohan at pukawin
ang emosyon ng tao. sa kabila ng kapangyarihan ng musika, hindi ito nagsasaad ng mga
kongkretong bagay. Ang musika ay isang abstrak na lenggwahe na ang kahulugan ay nagiiba-iba
depende sa relasyon ng kompositor at ang mga tagapakinig.
Sinabi ni Walker sa Music education: cultural values, social change and innovation
(2007), ang terminong popular sa larangan ng musika ay nagpapatungkol sa pagtangkilik ng
karamihan ng tao sa partikular na musika. Sa depinisyong ito, masasabing ang Pang Siyam na
Simponya ni Beethoven ay pop music. Ngunit, sa panahon ng pop culture ngayon ay iilan lang
ang magsasabi nito. Ito ay sa kadahilanang ang Popular Music sa kultura ngayon ay
nangangahulugang musikang kumita ng malaki, nakagawa ng madaming kopya ng CD, at
kinanta ng isang Pop Idol.

Kapag ang mga tao ay nakikinig sa isang bahagi ng musika siya ay patungo sa mental,
emosyonal, sikolohikal, ay intelekwal na proseso (Chavez, 1985).
Ayon naman sa aklat ni Stravinsky (1947), na ang wika ay walang magagawa upang
mapalinaw ang sinasabi o ipinahihiwatig ng musika sa kanyang kabuuan.

Madalas na ginagamit ang musika upang mapaglingkuran ang layunin o paniniwala ng

kasamaan. Ngunit kung itoy gagamitin sa tama, ito ay isang napakagandang regalo mula sa
Maykapal na ginawa upang mapaunlad ang mga layunin nito at upang makapagbigay-sigla at
maitaas ang papuri sa Diyos (White, 1988).
Ang totoong tagapakinig na nakaiintindi ang nagdadala ng musika sa kanyang kamalayan
at nananatili sa kanyang imahinasyon para sa kanyang sariling paggamit (Session, 1950).
Ayon naman kay Tsatalbasidis (2003), isang dating tambolista ng rock and jazz band ang
nagsabing: Bahagi ng kanilang paniniwla ang paggamit ng mga bawal na gamot. Para sa
kanila, imposibleng maiwan nila o matigilan nila ang paggamit ng alkohol, droga, sa pagtatago
ng mga sikreto at maging sa pakikipagtalik habang sila ay nasa industriya ng Rock.
Ayon parin kay Chavez (1985), labis na napanghahawakan ng musika ang isipan ng isang
tao na nagdidikta sa kanya tungo sa pagkamalikhain, at malalim na pag-iisip na maaaring
makatulong sa kanyang malaking tagumpay.
Kaugnay na Pag-aaral
Tinalakay ni Navarro sa kanyang akdang Ang Bagong Lipunan, 1972-1986: Isang
Panimulang Pag-aaral sa Musika at Lipunan (2009) na ang musika bilang isa sa mga tagapagbuo
ng kultura ay may malalim na impluwensiya sa kamalayan ng tao. Kahit sa mga naunang
panahon sa ating kasaysayan, ang Kastila, Amerikano, at Hapon na nanakop sa Pilipinas ay may
paniniwala sa mabuti at masamang epekto ng musika sa tao. Sa mas makabagong panahon,
maaaring ito ay gamit upang bithayin ang saloobin ng tao sa Music Therapy. Ito ay ekspresyon
naman ng pagbubunyi sa pamamagitan ng mga martsa at makabayang awitin ng mga bansang
nakamtan ang kanilang kalayaan mula sa mga mananakop o maaaring itoy ekspresyon lamang

ng pagnanasa para sa kalayaan. Sa maikling sabi, ang musika ay nagsisilbing gamit sa sariling
ekspresyon, kolektibo man o indibidwal.
Ayon sa isang artikulo sa, isang bagong pag-aaral ang ipinakita na ang mabagal na
musika ay nagbibigay ng maluwag na epekto, samantalang ang karagdagang paghina ng ritmo o
indayog ng musika at pagkalat o sirkulasyon ng taguktok sa mabuting paraan. Ang resulta nito ay
higit na nakatutulong para sa mga taong mayroong kasanayan sa musika (The Health and
Lifestyle Magazine, 2006).
Ayon sa pag-aaral ni Mahinay (2005) na may pamagat na The Effects of Music,
napatunayan na isa ang mga mag-aaral sa higit na nakikinabang sa musika dahil ito ay
nakapagbibigay-pansin, nakatutulong sa kanilang paggawa at higit sa lahat ito ay nakakabawas
ng pagkabagot.
Ayon sa ginawang pag-aaral ni Diamante (2008) na may pamagat na Attitude of
Students ang epekto ng musika ay nakikita sa kabuuang pagkatao ng isang bata. Ang maagang
karanasan ng bata sa musika ay nakatutulong upang mahasa ang kanilang pisikal, emosyonal,
paraan ng pananalita, pang-unawa, panlipunan at musikal na pag-unlad sa kabuuan. Isa sa
tungkulin ng musika ay ang magturo para sa kinabukasan ng mga tagapakinig at gisingin sila sa
kahalagahan nito. Ang pagpapahalaga ng musika ay may tiyak na kilos upang mas mahasa pa
ang kanilang kaalaman.

Kabanata 2
PAMAMARAAN
Inilalahad sa kabanatang ito ang mga sumusunod: disenyo ng pananaliksik, partisipante,
instrumento, pamamaraan ng paglikom ng datos at pag-aanalisa ng datos na kailangan sa
pananaliksik.

Disenyo ng Pananaliksik
Ginamit ng mga mananaliksik ang descriptive survey reseach design sa pag-aaral na ito
upang malaman kung anong genre ng musika ang kinawiwilihan ng mga estudyanteng nasa
unang taon ng kolehiyo ng Saint Paul University Surigao

. Ang disenyong ito, ang pag-aaral ay

nakatuon sa kasalukuyang kalagayan.

Partisepante
Ang pag-aaral na ito ay isasagawa sa Saint Paul University Surigao. Ang mga
partisepante ay ang mga piling estudyante sa kolehiyo mula sa College Freshmen Program ng
nasabing unibersidad. Kinukuha ang 100% ng kabuuang populasyon ng mga estudyanteng nasa
unang taon sa kolehiyo gamit ang istadistikang SLOVENS FORMULA.
Instrumento
Ang mga mananaliksik ay gagamit ng sariling gawang talatanungan na ipapasa muna sa
guro ng mga mananaliksik para sa inisyal na puna. Ang sariling ginawang talatanungan ay
nahahati sa dalawang bahagi. Ang unang bahagi ng katanungan ay tungkol sa propayl ng mga
partisepante batay sa kanilang gulang at kasarian. Ang ikalawang katanungan ay tungkol sa kung
anong genre ng musika ang kinawiwilihan ng mga partisepante.
Paglikom ng mga Datos
Ang mga sumusunod na hakbang sa paglikom ng datos ay gagawin sa pananaliksik na
ito. Ang mga mananaliksik ay gagawa ng sulat na naglalayong humingi ng pahintulot para sa
gagawing pag-aaral. Ang laman ng sulat ay tungkol sa paghingi ng pahintulot sa tagapangulo ng
College Freshmen Program na kasali sa pag-aaral na mangalap ng impormasyon batay sa kung

anong genre ng musika ang kanilang kinawiwilihan. Matapos mapahintulutan, personal na

gagawin ng mga mananaliksik ang pamamahagi ng mga talatanungan sa mag-aaral.