Kutis at kulay kayumangging totoo Isinilang sa bayang sinisinta ko Taglay ang ugaling maka-Pilipino Turo sa akin nina ama at ina Mahalin sina bunso, ate at kuya Lahat ay magbigayan at magkaisa Upang maging matagumpay bawat isa Ang turo naman nina lolo at lola Po at opoy gamitin sa tuwi-tuwina Magmano tanda ng respetot pagsinta Saan ka man magpunta kalulugdan ka Ang turo sa akin ng mahal kong guro Watawat igalang, bigyang pugay ito Lupang Hinirang awitin ng taus-puso Bilang simbolo ng pagka-Pilipino Kaya sa Maykapal ay may hiling ako Lumaking taglay mga katangiang to Upang maipagmalaki nila ako Na isang batang Pilipinong totoo!