ee cummings' "Thy fingers make early flowers of all things"

sa binisayang pagkahubad ni michael c. andrade

Ang mga tudlo mo makapabulak og sayo
sa tanang butang.
ang buhok mo sa kanunay gipangga sa mga oras;
kahumok nga nagaawit,
nagahubit
(bisan ang gugma usa lamang ka adlaw)
kahadloki ayaw, mokagiw kitang ga-ibid-ibid
ang puti mong mga tiil matuskigong nagpaag-paag.
Sa kanunay
ang humod-humod mong mga mata sa mga halok nakighagwa,
kansang kalain sa hilabihan
namulong, nagaawit
(bisan ang gugma usa lamang ka adlaw)
alang kang kinsang dalagaha ka ba nagdalag mga bulak?
Katam-is uyamot nga mahimo mong mga ngabil,
ug kadyutay.
Kamatayon, tawgon ko ikawng labing adunahan
kon kini imong madakpan,
apan wala mo hisakpi.
(bisan ang gugma usa lamang ka adlaw
ug ang kinabuhi mahanaw man, kining panaghalok walay kataposan).
14/09/2015