.. shrIbhagavacchharaNastotram ..

anuSTubh chhandas - 8
saccidAnandarUpAya bhaktAnugrahakAriNe.
mAyAnirmitavishvAya maheshAya namo namaH.. 1 ..
rogA haranti satataM prabalAH sharIraM
vasantatilakA shakvarI - 14
kAmAdayo.apyanudinaM pradahanti cittam.
mR^ityushca nR^ityati sadA kalayan dinAni
tasmAttvamadya sharaNaM mama dInabandho.. 2 ..
deho vinashyati sadA pariNAmashIlashcittaM ca khidyati sadA viSayAnurAgi.
buddhiH sadA hi ramate viSayeSu nAntaH
tasmAttvamadya sharaNaM mama dInabandho.. 3 ..
Ayurvinashyati yathAmaghaTasthatoyaM
vidyutprabhavameva capalA bata yauvanashrIH.
vR^iddhA pradhAvati yathA mR^igarAjapatnI
tasmAttvamadya sharaNaM mama dInabandho.. 4 ..
AyAdvyayo mama bhavatyadhiko.avinIte
kAmAdayo hi balino nibalAH shamAdyAH.
mR^ityuryadA tudati mAM bata kiM vadeyaM
tasmAttvamadya sharaNaM mama dInabandho.. 5 ..
taptaM tapo nahi kadapi mayeha tanvA
vANyA tathA na hi kadApi tapashca taptam.
mithyAbhibhASaNapareNa na mAnasaM hi
tasmAttvamadya sharaNaM mama dInabandho.. 6 ..
stabdhaM mano mama sadA na hi yAti saumyaM
cakSushca me na tava pashyati vishvarUpam.
vAcA tathaiva na vadenmama saumyavANIM
tasmAttvamadya sharaNaM mama dInabandho.. 7 ..
sattvaM na me manasi yAti rajastamobhyAM
viddhe tathA kathamaho shubhakarmavArtA.
sAkSAtparaMparatayA sukhasAdhanaM tat
tasmAttvamadya sharaNaM mama dInabandho.. 8 ..
pUjA kR^itA na hi kadApi mayA tvadIyA
mantraM tvadIyamapi me na japedrasaGYA.
cittaM na me smarati te caraNau hyavApya
tasmAttvamadya sharaNaM mama dInabandho.. 9 ..
yaGYo na me.asti hutidAnadayAdiyukto
GYAnasya sAdhanagaNo na vivekamukhyaH.
GYAnaM kva sAdhanagaNena vinA kva mokSaH
tasmAttvamadya sharaNaM mama dInabandho.. 10 ..
satsa~Ngatirhi viditA tava bhaktihetuH
sApyadya nAsti bata paNDitamAnino me.
tAmantareNa na hi sA kva ca bodhavArtA
tasmAttvamadya sharaNaM mama dInabandho.. 11 ..
dR^iSTirna bhUtaviSayA samatAbhidhAnA
vaiSamyameva tadiyaM viSayIkaroti
shAntiH kuto mama bhavetsamatA na cetsyAt
tasmAttvamadya sharaNaM mama dInabandho.. 12 ..
maitrI sameSu na ca me.asti kadApi nAtha
dIne tathA na karuNA muditA ca puNye.
pApe.anupekSaNavato mama mutkathaM syAH
tasmAttvamadya sharaNaM mama dInabandho.. 13 ..
netrAdikaM mama bahirviSayeSu saktaM
nAntarmukhaM bhavati tAnavihAya tasya.
kvAntarmukhatvamapahAya sukhasya vArtA
tasmAttvamadya sharaNaM mama dInabandho.. 14 ..
tyaktaM gR^ihAdyapi mayA bhavatApashAntyai
nAsIdasau hR^itahR^ido mama mAyayA te.
sA cAdhunA kimu vidhAsyati neti jAne

tasmAttvamadya sharaNaM mama dInabandho.. 15 ..

prAptA dhanaM gR^ihakuTumbagajAshvadArA
rAjyaM yadaihikamaThendrapurashca nAtha.
sarvaM vinashvaramidaM na phalAya kasmai
tasmAttvamadya sharaNaM mama dInabandho.. 16 ..
prANAnnirudhya vidhinA na kR^ito hi yogo
yogaM vinAsti manasaH sthiratA kuto me.
tAM vai vinA mama na cetasi shAntivArtA
tasmAttvamadya sharaNaM mama dInabandho.. 17 ..
GYAnaM yathA mama bhavetkR^ipayA gurUNAM
sevAM tathA na vidhinAkaravaM hi teSAm.
sevApi sAdhanatayAviditAsti citte.
tasmAttvamadya sharaNaM mama dInabandho.. 18 ..
tIrthAdisevanamaho vidhinA hi nAtha
nAkAri yena manaso mama shodhanaM syAt.
shuddhiM vinA namanaso.avagamApavargau
tasmAttvamadya sharaNaM mama dInabandho.. 19 ..
vedAntashIlanamapi pramitiM karoti
brahmAtmanaH pramitisAdhanasaMyutasya.
naivAsti sAdhanalavo mayi nAtha tasyAH
tasmAttvamadya sharaNaM mama dInabandho.. 20 ..
govinda sha~Nkara hare girijeshamesha
shambho janArdana girIsha mukunda sAmba
nAnyA gatirmama katha~ncana vAM vihAya
tasmAtprabho mama gatiH kR^ipayA vidheyA.. 21 ..
evaM stavaM bhagavadAshrayANAbhidhAnaM
ye mAnavAH pratidinaM praNatAH paThanti.
te mAnavA bhavaratiM paribhUya shAntiM
gacchhanti kiM ca paramAtmani bhaktibhaddhA.. 22 ..
.. shrIbrahmAnandaviracitaM bhagavacchharaNa stotram ..