Mayroong dalawang uri ng pasturalismo sa Hilagang Asya ito ay ang
transhumance na pasturalismo at ang nomadikong pasturalismo. Ang transhumance ay mayroong cyclical na paglilipat batay sa klima. Sila ay may halos tiyak na migration routes kaysa sa nomadikong pasturalimo, subalit ay maaari ring mag-iba paminsan-minsan. Ang mga naibanggit na paglilipat ng mga Kazakhs, Kirghiz, Mongol, at ng mga nasa Altai Mountains tuwing tag-init at tagsibol ay mga halimbawa ng paglalakbay ng transhumance na pasturalismo. Nakakapagtanim din ang mga tao ng pasturalismong transhumance, sapagkat karamihan sa grupo ay naiiwan sa sedentaryong pamumuhay. Kadalasan ay ang mga lider lamang ang sumasama sa paglilipat ng mga alagang hayop. Ang mga nomadikong transhumance din ang mas madalas na nakikipagkalakal sa iba pang sedentaryong lipunan (DiversEarth, 2013). Ang nomadikong pasturalismo naman ay ang mga grupong palaging naglilipat dahil sa pangangailangan ng kanilang mga alagang hayop. Walang tiyak na migration routes ang mga nomadikong pastol subalit, sila ay nakakapaglakbay sa mga ibayong lugar makahanap lamang ng pagkain para sa kanilang mga alaga (Shabait.com, 2012). Buong pamilya ang sumasama sa mga paglalakbay, kaya hindi gaanong nagtatanim ang mga nomadikong pastol sapagkat mas importante sa kanila ang alagaan ang kanilang mga hayop (Pascal, n.d.). References: DiversEarth. (2013). Transhumance and Nomadic Pastoralism. Retrieved from Mediterranean Consortium for Nature and Culture: http://medconsortium.org/projects/transhumance/ Pascal, A. (n.d.). Livestock in the Sahel and West Africa. Retrieved from https://www.oecd.org/swac/publications/38402714.pdf Shabait.com. (2012, December 14). LIVESTOCK PRODUCTION SYSTEM in Eritrea. Retrieved from http://www.shabait.com/categoryblog/11902-livestock-production-system-in-eritrea