About My blog

Yalòng Blog nø nønt mvsø̀ntaq dvdvmmòrì nv̀ng ngàò tiqdv́ng rø̀mnvngrì kèní dvxat
mvyǿ we, paqzí vwála mvyǿrìsv̀ng webpages yv́ng vxònønt vl we vdèpv̀nrìí rø lúnlv́m
dvpvt íe. Røòrì kèní àngmaqí dvdamòrì gø ngàí dǿm lv́m nv̀ng àngmaqyv́ng kèní paqzí
lún lv́m rvt gø íe. Yadø Blog dvsaq vdu we mvnggá nø mònggàng yacv̀ngtaq nø nari
tvríxì padø vsv̀ng nøngmaq gø xagóng súnxìlòng té wa xvlá we zìdvngtaq v́l lún lv́m
rvt gø, vrá nø vdè rvgaq mónglv̀màng màxvla rvt puqá dvpvt xaqpeqdvt yer nø̀ dvzaqxì
ra rvt tasv̀ng vhøm gø màlún we, tiq wamà vl vdèpv̀nrì nv̀ng tamóng tarvgaq vxin vduì
vdèpv̀nrì dvhø̀ Blog yalòng røìyv́ng kèní Rvwàng kàru nv̀ng Rvwàng laqyàrìí alarm
wàké lv́m dvpvt gø íe.
Blog wapv̀n nø vdè wa editor gø í nø̀, vdè èxòng dø pà gø vru dv̀ng, dvsaq dv̀ng
dvkang xvla we tiq pv̀n íe. Wervt vru vléxì we vl lv́m gø yúldv̀ng wa íe. Mvdø̀ng nø pà
mvnggá dvpvt blog dvsaqìe má? walòng nø mvdø̀ng íe. Wervt vdèpv̀nrì xvngbebe í gø
ya dø free blogrìtaq kèní vdèí dvdamìrí dvháxì we gvzà wá laqlúnì. Vdè nønttaq wa
xøpmìlòng nø vjú màvl. Wervt dvsì dang, móng lv̀màng dang, Gvray dang kadø èsíngò
nø̀ kadø zvndvtut dí vdu we wá vdu we tvrà mø̀íni vision èyàngòrì yalòng blogtaq gø
dèmv̀nralòngsv̀ng gø sangdange yalòng blog èrø we rø̀mnvngé!