Synod Information & Publicity, Synod Office (Synod Conference Centre), Top Floor, Mission Veng, Aizawl.

Synfocity = 321
mail us at : synfo@bsnl.in; synfo@yahoo.com - Phone - 2314648
2 nd December, 2010

1 Synod Executive Committee vawi 231 & 232-na

Synod Executive Committee vawi 231-na chu nimin (December 1) khan Pi Zaii Hall, Synod Conference Centre-ah an
thukhawm a, SEC 232-na (Budget Session) chu vawiinah an thu bawk
SEC Meeting hi Synod Moderator Rev. C. Chawnglianan kaihruaiin hunserh a hmang a, hming lamna neih zawhah
Synod Secretary report ngaihthlak a ni a. Synod Secretary Upa Vanlalhuma chuan, November ni 15 -20 chhungin
Pastor 10, Serampore College-ah Refreshers’ Course hmanga an kal thu te, Chhiahtlang Bial Pro. Pastor V.
Lalmuanpuia, November ni 20-a Christian Medical College & Hospital, Vellore –a thisen cancer avanga thi chu
November ni 23-ah an chenna Zemabawk North Kohhran Biak Inah Synod Moderator Rev. C. Chawnglianan a vui thu
te, Paiwan Presbytery (Presbyterian Church of Taiwan) Kohhran Hmeichhia ten Mizoram Presbyterian Kohhran
Hmeichhiate an rawn thlawh thu leh Synod Department hotute nen inkawmna hun tha tak an neih thu te leh
Executive Secretary, Ramthar rawngbawlna lam changtu Rev. Lalzuithanga dam loh thu te, a natna hi cancer lam
kaihhnawih nia hriat a nih avanga December ni 1-a CMC & Hospital, Vellore panpui a nih thute a report a, report
ngaihthlak hnu-ah rorel tan a ni.
Tun tum SEC rorelnaah hian member 135 zinga 119 an tel thei a, thu ngaihtuah tur chhawpchhuah (agenda) 17 an nei
a. An thu ngaihtuah zingah, Synod Social Front buatsaih- Media-in a tha lo zawnga kan nun a kaihhruai dan
zirchianna a tel a, SEC chuan he zir chianna hi tha a ti a, Synod Inkhawmpuia ngaihtuah zui atan a dah a ni;
Kohhran Hmeichhe Inkhawmpui Lian Chairman tang lai mek Pi Zomuani chu, a pasal Rev. Dr. Roger Gaikwad,
National Council of Churches in India (NCCI), Nagpur-a General Secretary hna thawk tura tih a nih avangin a aiawh
ruat a ngai a. Vice Chairman tanglai mek Pi Lalneihkimi chu Kohhran Hmeichhe Inkhawmpui Lian (Feb. 2011) thlenga
Chairman nihna lo chelh tura ruat a ni a. Kohhran Hmeichhe Inkhawmpui Lian Chairman thar tur chu February, 2011
SEC-ah ngaihtuah a ni ang. Aizawl Theological College (ATC) Principal, Rev. Dr. Roger Gaikwad-a hmun ruak luah turin
Vice Principal tang lai mek Rev. Dr. Vanlalchhuanawma thlan a ni a, vawiin (Dec. 2) atanga Principal nihna hi chelh tan
tura rel nghal a ni bawk.
SEC meeting vawi 232-na, vawiina thukhawm chuan kum 2010 -2011 kum kal meka Synod Pastoral leh Ramthar
sum indaih loh dil belhna (Additional Budget) enhovin kum 2011 -2012 sum ruahmanna (Budget Estimate) an thlir ho
nghal a. Additional Budget-ah hian Pastoral-ah ` 4,09,20,580 leh Mission-ah ` 1,512,9,320 hman an remti a.
Kum thar (2011 -2012) Synod pumpui budget: Pastoral-ah ` 64,78,42,300 Mission-ah ` 37,36,56,700 avaiin `
1,02,14,99,000 chu Synod Inkhawmpui-a pharh turin an pawm bawk a ni.
1 Bible Sunday
December 5 (Pathianni) hi Bible Sunday a ni a, Bible Society of India (BSI) zawmtu Kohhran hrang hrangten hemi
pual hian programme an hmang ang. Presbyterian Kohhran chuan Inkhawm tum khat atan programme a duang a,
chawhnu emaw zan inkhawmah emaw, Kohhrante remchan angin hman theih a ni ang. Kumin Bible Sunday thupui
atan hian “Bible Pathian duh zawng hriattirtu” (Sam 119:97-105, II Tim. 3:14-17, Heb. 4:12) hman a ni ang.
Inkhawm thawhlawm hi Bible Society rawngbawlna atan hman tur a ni a, Bible Society Collector-te hnenah theh luh
tur a ni.
1 Kristian Thalai Pawl
w Central KTP Committee-in Synod Choir kum 25-na (Silver Jubilee) tlin lawm turin a rel a, Synod Executive
Committee (SEC)-ah thlenin SEC 230:55-na in a din hun hi zirchian deuh ngaiin a hria a, Research & Evaluation
Wing kutah dah a ni.
Hetianga Synod Choir din tan hun tih chian tur a nih rih tak avang hian Silver Jubilee lawm tuma ruahmanna lo siam
tawh chu a remchang ta lo va, hming dang vuahin ‘Mizoram Synod Choir - Through the Ages’ tiin thlak a ni ta
a. November 25 khan Electric Veng Kohhran Hall-ah Synod Choir member lo ni tawh zawng zawngte pual pro-
gramme hlimawm tak buatsaih a ni a, Synod Choir member lo ni tawh mi 153 an tel thei a, CKTP hruaitu leh Synod
Puipate nen an vaiin mi 180 lai an kalkhawm a ni.
Programme hi Session 3-ah then a ni a, Session - I ah Upa Lalrinmuana, CKTP Gen. Secretary hnen atangin SEC
thuchhuak sawifiahna ngaihthlak a ni a, Session - II ah Fellowship leh Rehearsal neih a ni a, Session - III ah Synod
Choir member-te hi Group-ah inthenin hla an rem a, Video Shooting neih nghal a ni bawk. Heta an zai hi a duh
apiang tan tlawmtea lei theih turin tihchhuah thuai a ni ang.
w Christmas Carol Service & Open Air Christmas Concert
KTP General Conference, 2010 thurel ‘Krismas leh Kum thar vuakvet thianghlim zawka hman dan inzirtir nise’ tih
bawhzuina pakhat atan November 5 zan khan Chaltlang Kohhran Hall-ah Christmas Carol Service neih a ni a,
zaithiam lar tak tak mi 23 te nen hun hlimawm tak an hmang a ni. Christmas Carol Service programme hi Video
CD-a siam a ni a, a duh apiang tan CKTP Office-ah a thlawnin copy/write theih reng a ni.
Krismas leh Kum thar vuakvet thianghlim zawka hman dan inzirtir chungchang bawhzuina kal zelah December 14
& 16 zan hian Aizawl khawpui chhung hmun 4-ah Open Air Christmas Concert buatsaih leh tum a ni a, December
14 (Thawhlehni) zan dar 7:00 hian a thawhkhatna atan Dawrpui (Millennium Centre kawt) leh Bawngkawnah neih a
ni ang a, Dawrpuiah hian CKTP Leader Rev. K. Lalpiangtharan Thuchah a sawi ang a, Bawngkawnah hian T/Upa
Dr. C. Zarzoliana, CKTP Asst. Secretary hnen atangin Thuchah ngaihthlak a ni ang. December 16 (Ningani) zan
dar 7:00 hian a thawhhnihna atan Mission Veng leh Vaivakawnah neih leh a ni ang a, Mission Vengah hian CKTP
Asst. Leader Pu Zohminglianan Thuchah a sawi ang a, Vaivakawnah hian Pu Vanlalfinga, CKTP Finance Secre-
www.miz oramsy nod.org

tary-in a sawi thung ang.

1 Music
November 29 (Thawhtanni) a Music Elementary Course Examination Result chu November 30 khan tih chhuah a ni
a, results khaikhawmna hetiang a ni :
w Honours (Mark 80% chunglam) - 4 w Exam zawng zawng zat - 32
w First Division (Mark 70% - 79%) - 6 w Pass zawng zawng zat - 29
w Second Division (Mark 60% - 69%) - 9 w Supplement - 2
w Pass Division (Mark 45% - 59%) - 10 w Fail - 1
Contd,..
 Synod Information & Publicity, Synod Office (Synod Conference Centre), Top Floor, Mission Veng, Aizawl.

1 Social Front
December 5 (Pathianni) chawhnu hian Tleirawl Inkhawm, Khatla Kohhranah Drugs & Sex Awareness Campaign
neih a ni dawn a, hun hmanpui turin Dr. Robert S. Halliday, Social Front Coordinator a kal ang.

1 Kohhran Hmeichhia
December 4 & 5 hian Serchhip Bial huapin Serchhip Kawnpui Kohhranah Leadership Training & Kristian Chhungkaw
Campaign neih a ni dawn a, training neihpui tur hian Central Kohhran Hmeichhe hruaitu Pi Lalthansangi Fanai (Asst.
Secretary), Pi Lalsawmtluangi leh Pi Lalhlimpuii (Committee Members) te an kal ang.
1 Synod Mission Board
w November 30 khan Mission Developmenmt Training Centre (MDTC), Bualpui North chuan Graduation Day vawi
24-na an hmang a. Khuallian atana ruat Rev. Lalzuithanga, Executive Secretary i/c Synod Mission Board chu a
theih loh avangin a aiah Upa R. Lalmalsawma, Synod Mission Board Coordinator a kal thung. Tualchhung leh Bial
hruaitute bakah Kolasib District Agriculture Officer-in Graduation Day hi an rawn hmanpui bawk a ni.
Graduation Day-ah hian hlawhtling taka Course zo mi 11 an awm a, Agriculture & Horticulture - 4, Carpentry - 5,
Ranvulh - 2 te an ni. Training beitute hi Assam, Arunachal West, Karbi Anglong Field & Cachar Tlangram leh Home
Miison North lama mite an ni a, Missionary thawk lai bakah a ram mi training zingah hian an awm nual bawk.
Mission Developmenmt Training Centre (MDTC) hi kum 1993 vela Sorkarin Synod hnena a pek a ni a. CRPF ram
luah thin chu tangkai taka hman a nih theih nan Kohhran kutah hian hlan a ni. A tirah chuan Mission Outreach
Training Institute (MOTI) tiin bul tan a ni a, hun engemaw chen hnuah Mission Development Training Centre (MDTC)
tiin tuna hma lakna chi hrang hrang hmang hian Training hi koh a ni ta a ni.
w Synod Mission Board (SMB) chuan Contract Missionary thawk lai engemawzat thawk chhunzawm turin a rel a,
mi thar 56 an la thar bawk. Contract Missionary atana mi thar lakte hian December 7 (Thawhlehni) atangin Ramthar
Office-ah Appointment Letter lam tur a ni.
w November 26 & 27 khan Asarenda, Lucknow Bialah Crusade hlawhtling tak neih a ni a, mi 61-in baptisma an
chang thar a ni. Kumin chhung hian Lucknow Mission Field huam chhungah ringthar 1,039 lai an awm belh tawh a ni.
1 MSSU
Kum 2011 atana Naupang lam leh Puitling Zirlaibu turte peih fel a ni tawh a, Synod Bookroom hmun hrang hrangah
zawrh chhuah a ni ta. Pathianni Chawhnu Tleirawl Inkhawm, Naupang Inkhawm leh Solfa Zirna (Sunday School-a
hman tur) pawh peih fel tep a ni. VBS nei thei tur Kohhrante tan MSSU Office-ah VBS Kaihhruaina Bu a thlawna lam
theih reng a ni bawk.
1 Susamachar Prasaran Programme
December 5 (Pathianni) tlai dar 4:30 - 5:00 velah Hindi Programme (Susamachar Prasaran) LPS & Zonet Cable
atangin hetiang hian tihchhuah a ni ang : Group/Choir/Solo - Kshama Gude - “Mera Jivan”, Sermon - Rev. Adam
Kerketa- “Viswasyogyata”, Group/Choir/Solo - College Veng Masihi Sangati Zaipawl - Ateba Bai Bam Sabbi Tere
Sharon, Group/Choir/Solo - Masihi Sangati - Champhai Vengthlang, Stuti Geet - Daye Na Baye Na Murna

1 Moderator Programme
Synod Moderator Rev. C. Chawngliana chu December 5 (Pathianni) hian a lawina Kohhran, Mission Vengah a
inkhawm ang a, chawhnuah Hmangaihna In, Durtlang a tlawh ang.

HNA ZAWRHNA
Synod Rescue Home, Durtlangah Contract a rawih tur a hnuaia tarlan ang hian hna chi hrang hrang a
ruak a, dil duh chuan mahni dinhmun chiang taka ziakin kohhran lehkha leh mahni hna dilin a phut ang
thiamna certificate thil telin January 7, 2011 ral hma ngeiin Synod Social Front Department, Synod Office-ah
dilna thehluh theih a ni. Interview chu January 12, 2011 chawhma dar 11 atangin Synod Conference Centre,
Committee Room-ah neih tur a ni ang.
Sl. Hna Hming Post neih zat Thiamna manawh
1. Counsellor Mipa 1 Graduate with Diploma in Counselling
2. Driver Mipa 1 Class VIII pass with valid professional driving licence LMV
3. Security Guard Mipa 3 Class VIII Certificate holder
4. Security Guard Hmeichhia 2 Class VIII Certificate holder
5. Cook 1 Ziak leh chhiar thiam
6. Ward Attendant Mipa 1 Class VIII Certificate holder
7. Physical Education Instructor Mipa 1 Class VIII Certificate holder
(Physical Education a expirience nei chu duhsak theih an ni ang)

Rev. Vanlalzuata,
Senoir Executive Secretary

HNA ZAWRHNA
Synod Bookroom-a PRESCOM Assistant III (Seller) hna, Lawngtlaia thawka awm chilh nghal turin HSLC leh a
chung lam, kum 18 atanga 35 inkar tan dil theih a ni a. Dilna chu a hnuaia hming ziak hnenah hian
January 10, 2011 thlengin thehluh theih a ni ang. Diltu chuan Marksheet leh Certificate an neih ang leh
Kohhran lehkha thil tel tur a ni.
w Written Test neih hun : Januray 18, 2011
www.miz oramsy nod.org

w Interview : January 21, 2011

w A hmun : Synod Conference Centre, Aizawl

UPA F. LALSANGLIANA
General Manager
Presbyterian Communications Dept.

Contd,..,
 Synod Information & Publicity, Synod Office (Synod Conference Centre), Top Floor, Mission Veng, Aizawl.

1 Synod Inkhawmpui 2010

December 6 - 12 chhung hian Synod Inkhawmpui vawi 87, Zarkawt Kohhran Biak Inah neih a ni ang. Synod Inkhawmpui
hi tun hma lam chuan Kohhran malin an thleng thin a, kumin atang hian Pastor Bial-in an thleng tan ang a, Dawrpui
Kohhran Bialin Zarkawt Kohhran Biak Inah an thleng dawn a ni. December 6 (Thawhtanni) ah Pastoral Committee
an thu ang a, December 7 (Thawhlehni) ah Nomination Committee an thu ang a, zanah Palai lawmna leh Reports
inkhawm neih a ni ang. Hun hman dan tur hetiang a ni. Agenda chu www.mizoramsynod.org-ah en theih a ni ang.

SYNOD INKHAWMPUI VAWI 87-NA

PROGRAMME
A hmun : Zarkawt Kohhran Biak In
A hun : December 1 – 12, 2010
Dec. 1 (Nilaini) : Synod Executive Committee
9:30 a.m. – 4:00 p.m.
Dec. 2 (Ningani) : SEC Budget Session
9:30 a.m. – 4:00 p.m.
Dec. 3 (Zirtawpni) : Pastoral Committee
9:30 a.m. – 4:00 p.m. (Pro. Pastor hna dilte Interview)
Dec. 6 (Thawh\anni) : Pastoral Committee
9:30 a.m. – 4:00 p.m.
Dec. 7 (Thawhlehni)
9:30 a.m. – 4:00 p.m. : NOMINATION C OMMITTEE
6:00 p.m : P ATHIAN B IAK INKHAWM
Inlawmna leh Reports
Zaipawl : 1) SMTC Zaipawl
: 2) Mizoram Synod Choir
Dec. 8 (Nilaini)
9:30 a.m. – 4:00 p.m. : S YNOD R OREL
6:00 p.m. : P ATHIAN B IAK INKHAWM
Thusawitu : Rev. R. Lalengmawia, Lungleng I
Zaipawl : 1) Sateek Bial
2) Kulikawn Bial
Dec. 9 (Ningani)
9:30 a.m. – 4:00 p.m. : S YNOD R OREL
6:00 p.m. : P ATHIAN B IAK INKHAWM
Thusawitu : Rev. Lalbiakvulmawia,
Chhinga Veng
Zaipawl : 1) Sakawrdai Bial
2) Chaltlang Bial
Dec. 10 (Zirtawpni)
9:30 a.m. – 4:00 p.m. : S YNOD R OREL
6:00 p.m. : P ATHIAN B IAK INKHAWM
Thusawitu : CHT Palai
Zaipawl : 1) Bukpui Bial
2) Zonuam Bial
Dec. 11 (Inrinni)
9:30 a.m. – 4:00 p.m. : S YNOD R OREL
6:00 p.m. : P ATHIAN B IAK INKHAWM
Thlarau lam thupui : “Pathian hnaih” (Sam 73:28)
Thusawitu : Rev. K. Lalpiangthara, Tuikual Zaipawl
: 1) Lungdai Bial
2) N.E. Khawdungsei Bial
Dec. 12 (Pathianni)
10:00 a.m. : PASTOR NEMNGHEH LEH PRO.
PASTOR DAHNGHEH INKHAWM
Thurin zawttu : Rev. K. Lalthangmawia, Chaltlang
Thuchah sawitu : Rev. T.C. Laltlanzova, Bungkawn
& \awng\aisaktu
Zaipawl : 1) Darlawn Bial

1:00 p.m. : L ALPA Z ANRIAH S AKRAMEN

Buatsaihtu : Rev. C. Lalsangliana
www.miz oramsy nod.org

Moderator
Zaipawl : 1) I.T.I. Bial
6:00 p.m. : P ATHIAN B IAK INKHAWM
Moderator
Valedictory Sermon : Rev. C. Chawngliana
Zaipawl : 1) Dawrpui Bial Zaipawlpui
2) Mizoram Synod Choir Contd,..,
 Synod Information & Publicity, Synod Office (Synod Conference Centre), Top Floor, Mission Veng, Aizawl.

ELEMENTARY CLASS
Synod Music School-ah January - June 2011 chhung atan Theory of Music leh Keyboard zirna chu hawn a ni
leh dawn ta a. A kalhmang tur chu a hnuaia tarlan ang hi a ni :
I Dil thei chin : Kum 9-13 inkar tan - 6:30 - 7:30 AM
Kum 14-18 inkar tan - 4:00 - 5:00 PM
Fee ngai zat : Registration - Rs. 100/-
Monthly fee - Rs. 300/-
Class neih zat : Mi pakhat tan kar khatah ni karthlak zelin vawi 3 neih a ni ang.
II Puitling tan : Nitinin dar 9:30 AM atangin darkar khat dan zelah dar 4:00 PM thleng
Class neih tur a ni a. Dilna form-ah a chipchiar chu tarlan a ni.
Fee ngai zat : Registration - Rs. 100/-
Monthly fee - Rs. 500/-
III Dil theih hun chhung : January ni 10, 2011 (Thawhtanni) thleng
Class tan hun : January ni 17, 2011 (Thawhtanni)
Dil turte chuan Synod Office Music Department atanga Dilna form lak tur a ni ang a, Kohhran lehkha
thiltelin thehluh tur a ni. January ni 12, 2011 (Nilaini)-ah zirturte hming tarlan a ni ang a, admission tih nghal
theih a ni ang. January ni 13 & 14, 2011-a admission ti hman lo chu an aiah midang dah a ni ang.

INDIAN MUSIC CLASS

Synod Music Committee hmalaknain hnam dang zinga rawngbawlna atana tangkai tur Indian Music
School (Khuang ben leh rimawi dangte) zirna chu hawn a ni leh dawn ta a. A kalhmang tur chu a hnuaia
tarlan ang hi a ni :
1. Zir hun chhung : Thla ruk (January - June 2011)
2. Dil theih hun chhung : January ni 10, 2011 (Thawhtanni) thleng
3. Class tan hun : January ni 17, 2011 (Thawhtanni)
4. Class hun chhung : Dar 3:30 - 5:00 pm
5. Fee ngai zat : Registration Fee - Rs. 100
Monthly Fee - Rs. 200
Course khat chhungin mi pakhat tan Registration fee leh Monthly fee Rs. 1,300/- (Cheng sangkhat zathum)
sen a ngai tihna a ni.
Dil turte chuan Synod Office Music Department atanga Dilna form lak tur a ni ang a, Kohhran lehkha
thiltelin thehluh tur a ni. January ni 12, 2011 (Nilaini)-ah zirturte hming tarlan a ni ang a, admission tih nghal
theih a ni ang. January ni 13 & 14, 2011 -a admission ti hman lo chu an aiah midang dah a ni ang.

REV. ZOSANGLIANA COLNEY

Executive Secretary
i/c Music etc.

Admission Notice
Presbyterian Hindi Bible School, Bawngkawn Mizoram -ah Batch 47-na (January-June. 2011) a zir duhte tan
dil theih a ni leh ta e.
Hriat turte:
Dilna chu plain paper a ziakin Principal, Presbyterian Hindi Bible School hnenah January 12, 2011 thleng
dilna thehluh theih ani.
1) Diltu chuan Hindi Tawng, ziak leh chhiar a thiam ngei tur a ni.
2) Kohhran Dan zawhkim a ni tur ani.
3) Kohhran/Fellowship/ Field Secretary etc.hriatpuina lehkha thil tel tur a ni.
4) Ramchhung leh pawn(Mission Field) atanga zirlai tirtu ten an mi tirhte School-a an awm chhunga (a)
an damloh thu-ah enkawlna atan leh (b) an kal lam leh haw lehna tura senso thilah Local Guardianten
an ngaihtuah sak tur ani.
Guardiante/Zirlaite chuan hengte hi intum tur a ni:
1) Hindi Holy Bible 2) Hindi Hlabu thar 3) Non Mizo Sunday school Zirlai bu 4) Exercise book-12 nos. 5) Stamp
size photo-2 copy 6) Bedding 7) Mosquito- net 8) Mug & bucket 9) Smart Shoes 10) Nihliap 11) Kawrlum 12)
Torch -light, 13) Kal lam leh haw lam Bus/Rail Ticket etc mahni/Guardian in ngaihtuah tur a ni ang 14)
Dam loh thilah pawh Guardian/Field ten an ngaihsak beisei a ni.
Diltu chu natna benvawn neilo ani tur a ni.
· Zir hun chhung : January 14- June 14, 2011
· Dil theih hun chhung : January 12, 2011
· Interview hun January 13th Thursday 2011, 11:00 Am.
· A hmun : Principal’s Office.
Presbyterian Hindi Bible School, Bawngkawn

Sd/-
www.miz oramsy nod.org

REV.JOHN SHARMA
Principal,
Presbyterian Hindi Bible School
B.P.O Bawngkawn
Mb.No-09402111624/09862428437
More information, please visit : www.mizoramsynod.org
Mail us at : synfo@bsnl.in
Syn od Inf ormati on & Public ity
synfo@yahoo.com
Phone - 2314648 Fax : 2316598