PDF created with pdfFactory trial version www.pdffactory.

com
 ISLAM

RANGTAY

TI

PANNAKAISALAKAN

NI
AHMED AMADO E. ABAGA

KINUREHIR KEN INATOR NI:

HAMEEDAH CELIA L. ABAGA

INURNOS NI
FATIMAH ANABELLE A. QUIMSON

PDF created with pdfFactory trial version www.pdffactory.com

 LINAONNA
"Bismillahir Rahmaanir Rahiim"
2008 Panid
UMUNA NGA EDISION Ti Nagan Ni Allah, Ti Manangisagut,
Ti Mananga-asi ............................................5
5000 a Kopia
Ti Panangiyam-ammo ti Pagsasao nga Islam. 8
Siasino Dagiti Muslim? ................................ 10
Siasino ni Allah? ......................................... 11
Ania Datoy Natan-ok nga Koran? ................ 12

ILOKANO Siasino ni Mohammad? ............................... 13

Naiyemprinta Al-Sahna Pammati Dagiti Muslim ............................... 16
K.S.A.
Dagiti Lima nga Adigi ti Islam ……..……..… 28
Dagiti Saludsud ken Sungbat .......................... 32
Mensahe Para Kenka .................................. 52

PDF created with pdfFactory trial version www.pdffactory.com

 PAUNA
Bassit daytoy a pagbasaan, ISLAM
RANGTAY TI PANNAKAISALAKAN
manipud iti nanumo nga pluma ni AHMED nga
inamiris ken inanamongan iti Islamic Center,
K.S.A.
Naisurat daytoy iti umuna nga edision na
tapno iti kangrunaan a panggep na ket maawatan
dagiti Ilokano iti intero nga lubong. Ti wagas ken
kapanunutan iti nag-surat,ket napasimpli dagiti
balikas ken sasao ken napaababa dagiti atiddog
nga palawag na. Naannad iti pannakaaramidna a
kas met laeng kadagiti pagan-nurutan.
Nagbalin nga inspirasyon iti nagsurat dagiti
miyembro iti pamilya na. Kararag mi a daytoy a
pagbasaan, tulungan na kayo a mangbendision
kadagiti ub-ubbing, agtutubo, nataengan nga
umawat kadagiti balakad iti intero nga lubong nga
sapay koma ta awatenyo ni ALLAH (SWT) nga
Isu iti Maymaysa ken kaka-Isuna a Mangisalakan.
4 5
PDF created with pdfFactory trial version www.pdffactory.com
"BISMILLAHIR RAHMAANIR RAHIIM"
Ti Nagan Ni ALLAH
Ti Manangisagut, Ti Mananga –asi
Amin nga panagdaydayaw ken panagyaman
ket maipaay laeng kenni ALLAH (SWT).1 Isuna
laeng iti pagkid-kiddawan iti tulong ken pagdaw-
dawatan iti pammakawan kadagiti dakes nga
intayo naaramidan.
Siasinoman nga binayabayan ni ALLAH
(SWT) awanen iti makaiyaw–awan pay
kenkuana, malaksid no pagayatanna. Ken
siasinoman nga saan nga binayabayan ni ALLAH
(SWT) awanen iti makapalinteg pay kenkuana,
malaksid no pagayatanna.
Sumasaksi –ak nga awan iti pudpudno nga
Diyos nga rumbeng nga intayo pagday-dayawan
no saan laeng nga ni ALLAH (SWT), isuna laeng
nga awan kaasping na. Ken sumasaksi-ak nga ni
1 SWT – SUBHAANAHU WA TAALA (Ti katan – okan ken
Kanga-ngattuan)
 Mohammad (SAWS)2 ket maysa nga Propeta ken
maudi nga mensahero.
Daytoy iti umuna ken kangrunaan nga
sursuro iti ISLAM. Innak ipakaamo ken ipalawag
kadakayo amin nang-nangruna kadagiti addaan
panggep ken agngay-ngayangay nga umawat
wenno umarakop iti relihiyon nga ISLAM.
Awan sabali nga rumbeng nga intayo
dayawen no di laeng nga ni ALLAH (SWT), ta
amin nga inna pinarsua, tao, lugar, wenno
materyal nga banag, saan nga rumbeng nga
dayawen. Ti Islam awisenna kayo a dayawen iti
pudpudno a namarsua iti isu amin awan sabali no
di ni ALLAH (SWT).
Rumbeng nga maammuan nga ti bendisyon
ni ALLAH (SWT) ket maipaay kadatayo nga ti
ISLAM ket rangtay wenno dalan ti intayo
panagballaigi ken pannakaisalakan.
Ni ALLAH (SWT) ket nagkuna: “ Innaddiina
indallahil-Islam” (Kinapudnona, ti kakaisuna nga
relihiyon iti imatang ni ALLAH ket Islam.)3
Ni ALLAH (SWT) ket nagkuna: “ Waman
yabtaghi ghayral Islaami diina, falan yuqbala
minhu wahuwa fil – akhirati minal khaasiriin.”
(Siasinoman nga agtarigagay iti sabali nga
relihiyon malaksid iti Islam daytoy ket saanna
nga awaten manipud kenkuana ket idiay sabali
nga biag, isuna ket mairaman kadagiti
daksanggasat.)4

2 SAWS – SALLALLAHU ALAYHI WA SALLAM (Maipaay 3 KORAN – 3:19

kenkuana ti pammadayaw ni ALLAH (SWT) ken talna.) 4 KORAN – 3:85
6 7

PDF created with pdfFactory trial version www.pdffactory.com

 TI PANANGIYAM–AMMO TI
PAGSASAO NGA ISLAM:
ANIA DAYTOY ISLAM?
Ti sao nga ISLAM ket Arabik, naadaw ken
nagtaud iti sarita wenno balikas nga
“ SALAM” nga ti kayatna nga sawen ket ‘talna’
wenno ‘kappia’. Ti talna wenno kappia isu daytoy
iti kababalin iti maysa nga pinarsua tapno
maaramid iti naan – anay a panangisuko ken
panagpasakop iti maymaysa nga agturay, ti
pudpudno nga Diyos nga rumbeng nga
pagrukbaban awan sabali no di ni ALLAH
(SWT). Kappia ti umay kenka ken talna para
kadagiti amin nga pinarsua.
Ti kayat na pay nga sawen daytoy ket
panagrukbab, panangisuko ken panagtungpal iti
pagayatan iti pudpudno ken maymaysa nga
Diyos. Daytoy ket saan nga nagtaud iti aniaman-
nga nagan iti tao, kaykayo, animal wenno
aniaman nga pinarsua ti Diyos.
8 9
PDF created with pdfFactory trial version www.pdffactory.com
Daytoy Islam ket saan nga baro nga relihiyon
no di ket immuna ken isu laeng ti relihiyon nga
awaten ni ALLAH (SWT). Manipud idi
pannakaparsua da Adan kenni Eva, daytoy iti
sinurot da nga relihiyon, isu iti panagrukbab,
panangisuko ken panagtungpal iti pagayatan ni
ALLAH (SWT). Isu ti pudno nga inyeg ken
insuro dagiti isu amin nga Propetas, ti
panagrukbab iti kinaagmaymaysa ni ALLAH
(SWT).
No intayo lagipen iti estorya iti pagilian tayo
nga Pilipinas, sakbay iti tawen nga 1500, iti
Islam ket isu idin iti relihiyon dagiti immuna nga
Appo tayo,daytoy ket pudno,ta sakbay nga
sinakop dagiti Kastila ti Pilipinas, ni Raja
Sulayman ti mangidadaulo ti Manila wenno isu ti
Kapitan de Manila ket ni Raja Lakandula ti
mangidadaulo idiay Tondo.
 SIASINO DAGITI MUSLIM?
Dagiti Muslim ket isuda dagiti pinarsua ni
ALLAH (SWT) nga agrukrukbab, sumuksuko
ken agtungtungpal kadagiti bilin ti Diyos ken
paglintegan ti Islam. Saan laeng nga tao ti
makunkuna nga Muslim, ngem ketdi amin nga
pinarsua ti Diyos nga Mannakabalin Amin nga
agtungtungpal iti linteg ken bilin. Dagiti pinarsua
nga adda idiay langit, kas iti init, bulan, dagiti
bituen, amin nga planeta, dagiti kaykayo, angin,
dandanum idiay karayan ken idiay baybay, amin
dagitoy ket maawagan iti Muslim. Gapuna
agtungtungapal da amin iti pagayatan iti Diyos a
Mannakabalin Amin. Awan sabali nga pinarsua
nga manggaraw diay init manipud daya inggana
laud, pol – oy ti angin manipud amianan
inggana abagatan, wenno manipud daya inggana
laud. Uray maysa awan ti makapagbalbaliw iti
pagturunganda malaksid no pagayatan ti Diyos a
Mannakabalin Amin.
Pakdaar; Ti pagsasao nga Muslim ket sarita nga
Arabik, isunga naipatarus iti Pagsasao tayo nga iti
10
PDF created with pdfFactory trial version www.pdffactory.com
kayat nga sawen ket agrukbab, sumuko ken
agtungpal.
SIASINO NI ALLAH?
Ni ALLAH (SWT) ket isu ti Diyos nga
pagdaydayawan dagiti Muslim. Kinapudnona ni
ALLAH (SWT) ket saan laeng nga Diyos dagiti
Muslim no di ket Diyos dagiti amin nga pinarsua
makita ken saan nga makita. Isuna ti Diyos dagiti
amin nga Propetas manipud kenni Propeta Adan
(AS)5 inggana kenni Propeta Mohammad
(SAWS).
Pinagtalinaed dagiti Muslim nga isuna ket
maaw –awagan iti nagan nga ALLAH (SWT) ta
isu a mismo iti nangted iti naganna babaen iti
pannakaipalgak nga inna inted kadagiti napili nga
Propeta. Isuna laeng iti nangparsua kadagiti amin
nga banag nga intayo makitkita ken saan nga
makita.
Manipud iti Natan – ok nga Koran ni
ALLAH ket nagkuna; “Allahullazii Khalaqas
samaawaati wal – ardha wama baynahumaa…”
5 ALAYHIS SALAM (maipaay kenkuana ti talna)
11
 (Ni Allah isuna iti nangparsua iti langit ken daga
ken amin nga adda iti nagbaetan daytoy…)6
ANIA DAYTOY NATAN – OK NGA
KORAN?
Ti Natan – ok nga Koran ket isu iti
kangrunaan nga libro ni ALLAH (SWT). Daytoy
ti pudno nga sao ti Diyos nga nagtalinaed iti dati
(orihinal) nga langana. Daytoy Natan – ok nga
Koran ket naipalgak kenni Propeta Mohammad
(SAWS) babaen kenni Anghel Gabriel (AS) iti
las- ud iti 23 nga tawen. Daytoy iti
pagbatbatayan iti pammati nga Islam. Tunggal
agkararag dagiti Muslim iti lima nga daras iti
agmalem daytoy Koran iti ibalbalikas da gapu ta
daytoy isu iti inted ni ALLAH (SWT) nga sanggir
ti Sangalubungan.
Kuna ni ALLAH iti Natan – ok nga Koran;
“ Inhowa illa dhikraa lil – aalamin.” (Daytoy ti
Koran ket maysa laeng nga Pakdaar kadagiti amin
nga pinarsua.)7 Ti kinapudnona adu nga Muslim
6 KORAN – 32:4
7 KORAN – 6:90
12
PDF created with pdfFactory trial version www.pdffactory.com
iti nakai – memorya daytoy sibubukel nga Koran.
Ti Natan – ok nga Koran nga binasbasa idi ni
Raja Sulayman idiay Manila ket isu met laeng
diay Koran nga basbasaen dagiti Muslim ken saan
nga Muslim ita nga agdama, awan nagdumaanda.
Isu daytoy iti maysa nga pammaneknek nga
daytoy Natan – ok nga Koran ket saan nga
mabalin nga baliwan inggana kaanuman.
Salsalakniban daytoy ni ALLAH (SWT) iti
siasinoman a sumuppiat ken iti aniaman a
panagbalbaliw.
Ti Natan – ok nga Koran ni ALLAH ket
nagkuna: “ Inna nahnu nazzalnadh – dhikraa wa
inna lahu lahaafizuun.” (Kinapudnona,
impatulod mi daytoy nga pagbasaan ket sitatalged
nga salsalakniban mi daytoy iti aniaman nga
panagbalbaliw.)8
SIASINO NI MOHAMMAD?
Ni Mohammad (SAWS) ket naipasngay idiay
siyudad ti Makkah (bacca ti Bibliya) maysa nga
8 KORAN – 15:9
13
 mabigbigbig nga siyudad ti Saudi Arabia ita nga Idi agtawen iti 40, dinutukan ni ALLAH
agdama. Isuna ket maysa nga tao nga pinili ni (SWT) a kas maudi nga Propeta, ket ditoy metten
ALLAH (SWT) a kas pagtuladan iti nga nairugi ti intedda kenkuana nga maudi nga
sangalubungan. Isuna ti maudi nga Propeta ken libro ni ALLAH (SWT) ti Natan – ok nga Koran.
mensahero ni ALLAH (SWT) ket ti mensahe na Ni Propeta Mohammad (SAWS) ket natay idi
para iti isu amin nga tao. agtawen iti 63. Naipunpon idiay Medina, itan
Ti nagbaetan da Propeta Mohammad ken siyudad ti Saudi Arabia.
Propeta Hesus (KUK) 9 ket sumurok kumurang a ...................................................
570 tawen. Ti kinapudnona ni Propeta Hesus ken
Propeta Mohammad ket maymaysa iti
nagtaudanda, isu daytoy ni Propeta Abraham
(AS) ti maaw – awagan nga Ama ti Pammati. Ni
Propeta Hesus ket naggapu iti tribo ni Propeta
Isaac (KUK) ken ni Propeta Mohammad met ket
iti tribo ni Propeta Ismael (KUK) isunga isuda ket
adayo nga agkasinsin. Ni Propeta Mohammad
(SAWS) ket saanna nga ammo ti agsurat ken
agbasa. Isuna ket agdindinamag nga nasayaat ken
mapagtalkan nga tao iti lugarda idiay Makkah.
Isuna ngarud ket binansaganda iti “Al –Amin.”
(Ti Mapagtalkan.)

9 KUK – KAPPIA TI UMAPAY-KADAUADA

14 15

PDF created with pdfFactory trial version www.pdffactory.com

 PAMMATI DAGITI MUSLIM:
Dagiti Muslim ket sipupudno ken
naimpussuan nga mamati kadagiti sumaganad;
1. PAMMATI TI KINAAGMAYMAYSA NI
ALLAH (SWT) KEN TI PANAGRUKBAB
LAENG KENKUANA:
Dakami nga Muslim ket mamati iti
Kinatan – ok ken pannakabalin ni ALLAH
(SWT). Awan sabali nga pagrukrukbaban
mi no saan laeng nga Isuna, ket awanen ti
sabali pay. Isuna ti nangparsua iti kalangitan
ken kadagaan agraman metten iti linaon ti
nagbaetan da, makita ken saan nga makita.
Isuna laeng iti nangted iti biag kadatayo
amin.
Kuna ni ALLAH iti Natan –ok nga
Koran: Anallahu 1aa ilaaha illa ana .” (Siak
ni ALLAH, awan sabali nga Diyos malaksid
kaniak.)10
Ti pudno nga pammati ti kina –
agmaymaysa ni ALLAH (SWT) ket isu iti
10 KORAN – 20:14
16
PDF created with pdfFactory trial version www.pdffactory.com
panagsapata iti kaunggan iti puso nga isuna
ket maymaysa iti Kinadiyos. Isuna ket
awanan iti anak, tatang wenno nanang. Saan
nga mabalin nga ikumpara iti aniaman nga
inna pinarsua, agsipud ta saan nga pareho ti
namarsua ken ti pinarsua. Kuna ni ALLAH
ti Natan – ok nga Koran: “ Laa ilaaha illa
Ana Fa’buduun.” (Awan sabali nga Diyos
malaksid kaniak, isu nga pagdayawandak.)11
Dakami nga Muslim ket mamati ti
kinatan – ok ni ALLAH (SWT) nga isuna ti
Apo, ti Namarsua, ti Kangangattuan iti
turay, ken Isuna ti mangimanmanehar iti
amin nga banag, ken mamati kami met nga
dagiti amin nga diyos – diyosan ket saan
nga pudno.
2. PAMMATI KADAGITI IMMUN – UNA
(ORIHINAL) NGA KASURATAN
(NASANTUAN NGA LIBRO):
11 KORAN – 21:25
17
 Dagiti Muslim ket mamati iti amin
nga immun – una (orihinal) nga kasuratan
nga inted ni ALLAH (SWT) kadagiti
Propeta. Dagiti kasuratan nga nadakamat
idiay Natan – ok nga Koran ket isu dagiti
sumaganad:
a. Ti Suhoof (Kuaderno) nga naited kada
Propeta Abraham kenni Propeta Moises
maipaay koma kadakuada iti talna.
b. Ti Zaboor (Salmo) nga naited kenni Propeta
David, maipaay koma kenkuana iti talna.
c. Ti Injeel (Naimbag nga Damag) nga naited
kenni Propeta Hesus, maipaay koma
kenkuana iti talna.
d. Ti Torah (Sangapulo nga bilin ken linteg)
nga naited kenni Propeta Moises, maipaay
koma kenkuana iti talna.
e. Ti Natan – ok nga Koran (Ti babasaen nga
awan patenggana) nga naited kenni Propeta
Mohammad, maipaay koma kenkuana ti
talna, ti maudi ken nangserrado kadagiti
amin nga Propeta.
Kuna ni ALLAH iti Natan – ok nga
18
PDF created with pdfFactory trial version www.pdffactory.com
Koran: “ Hudal – linnasi wa bayyinaatim-
minal hudaa-wal – furqaan.” (Maysa nga
bayabay kadagiti tao ken nalawag nga
pammaneknek, ken bayabay nga
pagibatayan ti kinapudno ken kinabiddut.)12
Ngem iti agdama, daytoy laeng Natan –
ok nga Koran iti nabatbati nga Kasuratan
nga agtaltalinaed ti dati (orihinal) nga langa
na. Daytoy iti agserserbi nga pammaneknek
kadagiti immun – una nga libro nga naited
kadagiti immun – una nga Propeta.
3. PAMMATI KADAGITI AMIN NGA
PROPETA:
Dagiti Muslim ket mamati nga ni
ALLAH (SWT) ket nangipatulod kadagiti
tao ken mensahero.
Kuna ni ALLAH iti Natan – ok nga
Koran: “ Rusulam – mubash – shiriina wa
munziriina li – alla yakuuna linnasi alallahi
hujjatum ba’darrusul. Wa kanallahu aziizan
hakiimaa.” (Dagiti mensahero nga nangted
12 KORAN – 2:185
19
 iti napintas nga damag ken ballaag tapno iti
kasta iti sangalubungan ket saan nga
maaddaan iti panagsusuppiat kontra kenni
ALLAH (SWT) kalpasan dagiti mensahero.
Ni ALLAH iti Mannakabalin Amin, ti
Kasisiriban iti Amin.)13
Dagiti Muslim ket mamati nga amin
nga Propeta ket tao nga pinarsua ni ALLAH
(SWT), nga awan kadakuada iti agtuntunton
iti Nadiosan nga kababalin. Dagiti Muslim
ket mamati nga iti immuna nga mensahero
ket ni Noe (AS) ken iti maudi ket ni Propeta
Mohammad (SAWS).
Ni ALLAH (SWT) ket nangipatulod
iti adu nga Propeta, nagistay amin nga suli ti
lubong wenno lugar ket napatuludan ti
Propeta, laeng ta patayenda. Ti dagup ti
Propeta nga naipatulod ni ALLAH (SWT)
ket aganay nga 124,000 nga ribo ken 313
nga mensaheros. Amin nga mensaheros ket
13 KORAN – 4:165
20
PDF created with pdfFactory trial version www.pdffactory.com
Propetas, ngem saan amin nga Propetas ket
mensaheros.
Adda iti 25 nga kangrunaan nga
Propetas a nadakamat iti Natan – ok nga
Koran, ngem amin nga nadakamat ken saan
nga nadakamat nga Propeta ket patien amin
dagiti Muslim, awan uray maysa iti naisal-
salumina, saan kami a maawagan nga
napudno nga Muslim no maysa kadakuada
iti saan mi a patien.
Kuna ni ALLAH (SWT) iti Natan –ok
nga Koran: “ Amanna billahi wamaaa unzila
ilaynaa wama unzila ilaa Ibraahima wa
Ismaaeela wa Ishaaqa wa Ya’quuba wal-
asbat. Wamaa uutiya Moosa wa Eisa
wamaa uutiyan – nabiyyuuna mirrabbihim.
La nufarriqu bayna ahadim minhum wa
nahnu lahu muslimuun.” (Dakami ket
mamati kenni ALLAH ken iti Kasuratan
nga naited kadakami, ken ni Abraham,
Ismael, Isaac, Hakob, ken dagiti (sangapulo
ket dua) nga tribo, ken iti naited kenni
Moises ken Hesus, ken iti naited kadakami
21
 amin nga Propetas manipud kadagiti Apo
da. Saan kami nga mangisup-supadi iti
nagbaetan iti tunggal maysa kadakuada,
kenni ALLAH (SWT) kami laeng nga
agrukbab.)14
4. PAMMATI KADAGITI ANGHEL:
Mamati kami iti kinaadda dagiti
Anghel ni ALLAH (SWT), isuda ket maaw
– awagan nga nadayaw nga babaonen.
Pinarsua ni ALLAH (SWT) dagiti Anghel
manipud lawag, kabayatanna ti tao ket
naparsua manipud tapok. Dagiti anghel ket
nailemmeng kadatayo, saan tayo isuda nga
makita. Mabalin nga isuda ket iparang ni
ALLAH (SWT) iti sumagmamano kadagiti
mensahero. Tunggal tao ket adda iti dua nga
anghel nga agbanbantay ken agilislista iti
amin nga inaramidna, nasayaat wenno
dakes. Ni Propeta Mohammad (SAW) ket
naimatanganna ni Anghel Gabriel iti pudno
nga langana nga addaan iti innem nga gasut
14 KORAN – 2:136
22
PDF created with pdfFactory trial version www.pdffactory.com
(600) nga payak nga nangkalub iti langit
inggana madanon iti panagkita. (Impalawag
da Bukhari ken Muslim.) Ni Anghel Gabriel
isuna iti nadutukan para mangibaga kadagiti
rebelasyon.
Dadduma pay nga nadakamat idiay
Koran ket ni Mikael a natudingan nga
mangimanehar ti tudo ken mulmula. Ni
Israfil nga nadutukan nga taga puyot ti
Trumpeta ni patay, maysa kadakuada ni
Israil nga nadutukan nga mangala ti
kararrua ti tao, wenno malikul mawt. Ni
Malik nga guwardiya idiay Impiyerno, ni
Ridhwaan nga guwardiya idiay Paraiso, dua
nga anghel nga agilislista iti nasayaat nga
aramid ken dakes isuda Raqeeb ken Atted,
da Munkar ken Nakeer nga nadutukan nga
agsaludsud kadagiti natay, dagitit Anghel
nga mangaw – awit diay Trono ken
dadduma pay.
No ar- arigen, ti pannakaparsua ti tao ket
napatpateg ngem dagiti Anghel ta ti
makagapu, ti tao ket naparsua nga addaan iti
23
 wayawaya, ti agaramid iti nasayaat wenno
agaramid iti dakes, ngem dagiti Anghel ket
pinarsua ni ALLAH (SWT) nga awan iti
wayawaya da nga agpili. Isuda ket
agnanayon nga agtungtungpal ken
awananda iti gundaway nga agsukir, diay
bilin laeng ni ALLAH (SWT) iti inda
aramiden.
5. PAMMATI TI ALDAW TI
PANGNGEDDENG:
Mamati kami iti maudi nga aldaw, ti
Aldaw ti pangngeddeng nga dagiti tao ket
agungarda tapno agnaed iti pagtaengan ni
ragsak wenno agnaed idiay pagtaengan ti
nakaro nga dusa. Amin nga tao ket matay
nga isu iti panangrugi iti biag nga awan
patinggana, maparaiso wenno maimpiyerno.
Kuna ni ALLAH iti Natan – ok nga Koran:
“ Kullo nafsin dhaaa iqatul – mawt. Wa
nabluukum bishsharri wal khayri fitnah. Wa
ilayna turja – uun.” (Ti amin nga tao ket
mapadasanna ti matay, ken dakayo ket
15 KORAN – 21:35
24
PDF created with pdfFactory trial version www.pdffactory.com
subukanmi ti kinadakes ken kinaimbag, ket
kadakayo kami nga agsubli.)15
Rumbeng laeng nga mamati iti Aldaw
ti Pangngeddeng tapno maaddaan iti
kuwenta ti biag ti tao ditoy lubong. Ti linteg
ti tao, adu ti agar–aramid iti nasayaat ngem
saan nga naipaayan iti umdas nga gung–
guna. Ken adu met iti agar-aramid iti
kinadakes ngem saan nga nausig wenno
naikkan iti umdas nga pannusa. Ngem iti
Aldaw ti pangngeddeng, ni ALLAH (SWT)
nga isu iti Mannakabalin ken nalaing nga
Ukom ket mangted iti umdas ken naan-anay
nga gun-guna wenno pannusa iti amin nga
tao.
Iti daydiay nga Aldaw no dumteng,
intayonto masarakan ken magun-odan
tayonto iti napudno ken nalinteg nga
hustisiya ni ALLAH (SWT) ta Isuna laeng
iti maymaysa a pudpudno a makaited ken
makaipaay kadagitoy.
25
 6. PAMMATI ITI NAITUDING NGA
GASAT WENNO NADIOSAN NGA
LINTEG:
Dakami ket mamati iti nailanad nga
gasat, daytoy ket nasayaat wenno dakes nga
isu iti rinukod ken inted ni ALLAH (SWT)
para iti amin nga pinarsua nga
kinanunungan dagiti naglabas nga sursuro
nga maiyannatop iti kinasirib.
Dakami ket mamati nga dagiti
managbasol ket awan iti inda maipambar iti
Nadiosan nga Bilin ni ALLAH (SWT)
agsipud ta isuna iti nagaramid iti basol nga
siwaya-waya, saanna nga ammo nga
daydiay gayam ket naikeddengen ni
ALLAH (SWT) para kenkuana. Agsipud ta
awan iti siasinoman nga makaammo iti bilin
ni ALLAH (SWT) sakbay daytoy nga
mapasamak.
Kuna ni ALLAH iti Natan-ok nga
Koran:” Wamaa tadriy nafsum-madha
taksibu ghadaa. Wamaa tadriy nafsum bi-
ayyi ardhin tamuut.” (Ta awan iti tao nga
26
PDF created with pdfFactory trial version www.pdffactory.com
makaammo no ania iti mapasamak
kenkuana iti masang-nguanan, ken awan iti
makaammo no ania nga kadagaan isuna nga
matay.)16
Awan ti mapasamak ditoy pagarian ni
ALLAH (SWT) nga maikontra iti
pagayatanna. Rumbeng laeng nga mamati
tayo nga aniaman iti agbalin nga gasat ket
pammalubos ni ALLAH (SWT). Rumbeng
pay nga patien dagiti Muslim nga uray saan
na nga makita ni ALLAH (SWT), ngem
isuna ket makitkita ni ALLAH (SWT) iti
amin uray no nakalemmeng iti kaunggan iti
puso.
Malaksid iti nadakamat nga pagsasao
ken pammati dagiti Muslim, ditoy Islam
adda pay iti maaw-awagan nga lima nga
adigi, nga rumbeng ken obligado nga
aramiden dagiti Muslim. Ta iti pammati nga
awanan iti aramid ket awan mamaay na.
....................................................
16 KORAN-31:34
27
 DAGITI LIMA NGA ADIGI TI ISLAM
1. SHAHADATIN: (Panagsaksi)
“ASHHADO anlaa ilaaha illallah wa anna
Mohammadan rasuulullah.” Panagsaksi nga
awan ti pudno nga Diyos nga rumbeng nga
pangiruknuyan iti panagdaydayaw malaksid
kenni ALLAH (SWT) kenni Mohammad
(SAWS) nga maudi nga mensahero ken
Propeta ni ALLAH. Daytoy ti umuna nga
addang nga aramiden ti maysa nga agbalin
nga Muslim.
2. SALAH: (Panagkararag) Daytoy iti maikadua
nga adigi iti Islam. Mairugi iti panagdalus iti
bagi ken aglippas iti panagdalus iti kararua.
Daytoy ket maar-aramid iti lima nga beses iti
maysa nga aldaw, kas wagas nga panagyaman
ken pananglaglagip kenni ALLAH (SWT). Ti
oras ti umuna nga kararag ket mangrugi iti
agsapa ken aglippas iti rabii. Saan nga
mabalin nga itantan iti oras iti panagkararag
malaksid no adda iti saan nga napakpakadaan
28
PDF created with pdfFactory trial version www.pdffactory.com
ken naingit nga rason. Kasta pay nga rumbeng
nga maammuan nga dagiti laeng
mangisaysayangkat iti panagkararag iti maaw-
awagan nga Muslim. Ket dagidiay saan nga
mangar-aramid iti panagkararag ket saan nga
Muslim, Muslim da laeng iti nagan.
3. ZAKAH: (Tulong) Daytoy iti maikatlo nga
adigi iti Islam. Daytoy ket tulong nga aggapu
kadagiti addaan iti kabaelan wenno
nakaurnong iti las-ud iti maysa nga tawen nga
saanna nga nakissayan. Daytoy ket dua ket
kagudua (2.5%) nga porsiyento nga maited
kadagiti marigrigat ken agkasapulan nga
Muslim.
4. SIYAM: (Saan nga pannangan iti Bulan ti
Ramadan) Daytoy iti maika-uppat nga adigi
iti Islam. Maar-aramid daytoy kada madanun
iti bulan ti Ramadan, ti maikasiyam nga bulan
iti kalendaryo iti Muslim. Daytoy ket isu iti
saan nga pannangan, panaginum ken
pannakinaeg kadagiti addaan iti asawa nga
29
 addaan iti gandat nga agrukbab kenni ALLAH ken addaan iti umdas nga panagpanpanunot.
(SWT), manipud parbangon inggana iti No nalag-an kadakuada iti panagbanyaga,
ililennek ti init. daytoy ket rebbengen iti pareho nga babai ken
Kadagiti babbai nga addaan iti binulan lalaki. Kadagiti babbai, masapul nga addaan
nga bisita ken kaan-anak laeng, isuda saanda isuda iti kakuyog (Mahram) kas koma ni
nga agayunar ken agkararag. No nadalusdan tatangna, asawana, kabsatna nga lalaki ken
mabalindan iti agkararag ken ayunarandan anak.
dagiti aldaw nga saanda nga naayunaran iti
bulan ti Ramadan.
Ti rugi ti panagayunar ket
maiwaragawag iti amin nga pagilian iti
Muslim babaen iti panangkita diay baro nga
bulan iti Ramadan, ken aglippas babaen iti
panangkita ti baro nga bulan iti bulan ti
Shawwal.

5. HAJJ: (Panagbanyaga) idiay nasantuan nga

lugar idiay Makkah. Daytoy iti maikalima nga
adigi iti Islam. Daytoy ket obligado nga
aramiden ti tunggal maysa nga Muslim
maminsan nga daras iti las-ud iti panagbiagna
no addaan isuna iti kinabaknang nga burburin
iti panagbanyagana, napigsa ken nasalun-at

30 31

PDF created with pdfFactory trial version www.pdffactory.com

 DAGITI SALUDSUD KEN SUNGBAT NGA
PINANEKNEKAN TI KORAN KEN TI
HADEETH 17
SALUDSUD # 1
Apay nga datayo ket pinarsua ni Allah (swt)?
SUNGBAT:
Ni Allah (swt) ti nangparsua kadatayo tapno
agrukbab tayo laeng kenkuana ken saan tayo
nga agrukbab iti sabali pay malaksid laeng
Kenkuana.Ti pammaneknek ket isu ti kinuna ni
Allah (swt) iti Nasantuan nga Koran:
"Wamaa khalaqtul-jinna wal-insa illa liya'-
abuduun."(Ken saan Ko (Allah) nga pinarsua
dagiti jinn (engkanto) ken dagiti tao tapno
agrukbab da laeng Kaniak.)" 18
Ti Propeta (saws) ket nagkuna:
"Ti rebbengen dagiti amin nga tao kenni Allah
(swt) ket pagrukbaban laeng Isuna,ken saan nga
ipaayan ti aniaman nga kaasping Kenkuana."
(sinarita da Bukhari ken Muslim)
17 HADEETH-(palawag ken sarita ni Propeta
Mohammad [saws]).
18 Koran-51:56
32
PDF created with pdfFactory trial version www.pdffactory.com
SALUDSUD # 2
Kasano tayo nga pagdayawan ni Allah (swt)?
SUNGBAT:
Pagdayawan tayo Isuna no kasano tayo nga
binilin ken Ti Ptopeta (saws),agsipud ta ni Allah
(swt) ket kinunana:
"Yaaa-ayyuhallazina amanuu atii-ullaha wa
atii-uurrasuula wala tubtiluu a'amaalakum."
(O dakayo nga mamati! Tungpalinyo ni Allah
ken tungpalinyo Ti Propeta (Mohammad ken
saanyo nga ipaawan ti pateg dagiti aramidyo)19.
Ti Propeta (saws) ket kinunana:
"Siasinoman ti agaramid ti aniaman nga
aramid (iti relihiyon tayo) nga saan nga kumanu-
nong iti dati nga aramid tayo,isuna ket papana-
win." (sinarita ni Imam Muslim)
19 Koran-47:33
33
 SALUDSUD # 3
Rumbeng kadi nga pagraeman tayo ni Allah
(swt) nga addaan iti panagbuteng ken namnama?
SUNGBAT:
Wen,isu iti rumbeng nga aramiden tayo ti
panagraem Kenkuana agsipud ta Isuna ket Imbi-
linna kadagiti adipenna:
"Wad-uuhu khawfan watama-aa."
(Ken inkayo agdawat Kenkuana nga addaan
panagbuteng (iti ipaayna nga dusa) ken namna-
ma (iti ipaayna nga gun-guna).20
Ti Propeta (saws) ket kinunana:
"Siak ket agpakpakaasi kenni Allah (swt) nga
Isuna ket ipaayannak ti Paraiso,ken agpakpaka-
asi Kenkuana iti (pannakaisalakan) idiay Apoy
ti Impiyerno."(sinarita ni Abu Dawud)
20 Koran-7:56
34
PDF created with pdfFactory trial version www.pdffactory.com
SALUDSUD # 4
Apay nga ni Allah (swt) ket nangipatulod
kadagiti Propeta?
SUNGBAT:
Impatulod ni Allah (swt) isuda tapno awa-
ganna ti sangalubungan nga agdayaw Kenkuana
ken tapno tallikudan ti panagdayaw iti aniaman
malaksid Kenkuana,agsipud Ti Katuturayan
(Allah-swt) ket kunana:
"Walaqad ba-athnaa fii kulli ummatir-rasuulan
ani'abudullaha wajtanibuut-taaghuut."(Ken kina-
pudnona Dakami ket nangipatulod iti kada
ummah (nasyon wenno kumunidad) ti maysa a
Propeta (nga agiwaragawag):"Pagdayawan laeng
ni Allah ken liklikan (wenno adaywan) iti amin
nga Taghut (amin nga saan a rumbeng nga pag-
dayawan malaksid kenni Allah-swt).21
Ti Propeta (saws) ket nagkuna:
"Dagiti Propeta ket agkakabsat...ti pammati
da ket maysa." (sinarita da Bukhari ken Muslim)
21 Koran- 16:36
35
 SALUDSUD # 5
Sadino ti ayan ni Allah (swt)?
SUNGBAT:
Ni Allah (swt) ket adda iti rabaw ti 'Arsh'
(Trono wenno Tugaw,nga adda iti) rabaw ti
(maikapito) nga langit ,agsipud ta ni Allah (swt)
ket kunana:
"Ar-Rahmaanu alal-arshistawaa."(Ti Manna-
Nga-asi ket nagpangato Isuna iti 'Arsh' (Trono
wenno Tugaw,ti wagas nga maiyannatop iti
Kinatan-ok na)22.
Ti Propeta (saws) key nagkuna:
"Ni Allah (swt) ket nagsurat (ti amin nga
banag) iti maysa nga libro sakbay nga inaramid-
na dagiti pinarsua..daytoy ket adda Kenkuana iti
rabaw ti 'Arsh'(Trono wenno Tugaw ."(sinarita
ni Imam Bukhari)
22 Koran-20:5
36
PDF created with pdfFactory trial version www.pdffactory.com
SALUDSUD # 6
Ni Allah (swt) kadi ket adda (iti tenga wenno
kaddua) tayo?
SUNGBAT:
Ni Allah (swt) ket adda kadatayo babain
kadagiti Impaayna nga sursuro (ti amin nga
banag).Isuna ket Dumdum-ngeg ken Kumitkita
kadatayo,gapu ta Isuna ket nagkuna:
Ni Allah (swt) ket kunana:
"Qala la takhafaaa innani maakumaaa asma-u
wa araa."(Saan kayo nga agbuteng!Kinapudnona
Siak ket adda kadakayo nga dua nga Dumdum-
ngeg ken Mangkitkita."23
Ti Propeta (saws) ket nagkuna:
"Dakayo ket umawag laeng iti maymaysa nga
makangeg,Isuna nga asideg ken adda kadakayo
(kas koma,babain ti impaayna nga sursuro)."
(sinarita ni Imam Muslim)
23 Koran-20:46
37
 SALUDSUD # 7
Ania ti kadadakkelan nga basol kenni Allah
(swt)?
SUNGBAT:
Ti kadadakkelan nga basol kenni Allah (swt)
ket ti panagaramid ti kangrunaan (dakkel) nga
SHIRK 24,ti bersikulo nga pampaneknek ket ti
kinuna ni Allah (swt);ti pananglagip kadagiti sao
ni Luqman (AS) idiay anakna:
"Wa idh-qaala Luqmaanu libnihi wa howa ya-
izuhu,yaa-bunayya la yushrik billah.Innash-
shirka la zulmun aziim."(O anak ko!Saanka nga
mangyasping iti sabali iti inka panagday- dayaw
kenni Allah;Kinapudnona;ti panangyas- ping ti
sabali iti panagdaydayaw kenni Allah ket
pudno unay nga nakadagdagsen nga biddut)25.
24 SHIRK-(ti panangyasping kadagiti kapada ni Allah (swt) nga
ipapanda nga daytoy ti naggap- puan ti bendisyon manipud
sabali malaksid kenni Allah [swt]).
25 Koran-31:13
38
PDF created with pdfFactory trial version www.pdffactory.com
Idi pinagsaludsudanda Ti Propeta (saws) ni
Allah (swt) no ania ti kadadakkelan nga basol,
isuna ket simmungbat:
"Ti mangyasping ti kapada ni Allah (swt)
uray pay-nga Isuna ti kaka-Isuna nga nangparsua
kenka." (sinarita da Bukhari ken Muslim)
SALUDSUD # 8
Mapalubusan kadi ti panagdawat ti tulong iti
sabali malaksid kenni Allah (swt)?
SUNGBAT:
Saan.Daytoy ket saan nga mapalubusan,ti
pammaneknek ket isu ti kinuna ni Allah (swt):
"Iyyaka na'abudu wa iyyaka nasta-iin." (Sika
laeng ti inkami pagdaydayawan,ken Sika laeng
ti inkami pagdawdawatan ti tulong)26.
Ti Propeta (saws) ket nagkuna:
"No sika ket agdawat,dumawat ka kenni
Allah (swt);No sika ket agsapul iti tulong,
agpatulong ka kenni Allah (swt)."(sinarita ni
Tirmidhi)
26 Koran-1:5
39
 SALUDSUD # 9
Mabalin tayo kadi ti dumawat iti tulong
kadagiti nabiag?
SUNGBAT:
Wen,kadagiti banag nga isuda ket mabalin
nga (makatulong),agsipud ta ni Allah (swt) ket
nagkuna:
"Wa ta-aawanuu alal-birri wat-taqwaa."
(Agtinnulong kayo iti maysa ken maysa iti Al-
Birr ken At-Taqwa (ti kinasayaat ti aramid,kina-
linteg ken kinamanagkararag)27.
Ti Propeta (saws) ket kinunana:
"Ni Allah(swt) ket tumultulong kadagiti
managkararag,bayat nga dagiti managkararag
ket tultulonganna dagiti kabsatna."(sinarita ni
Imam Muslim )
27 Koran-5:2
40
PDF created with pdfFactory trial version www.pdffactory.com
SALUDSUD # 10
Mapalubusan kadi ti agsakripisyo iti ania-
man nga nagan malaksid kenni Allah (swt)?
SUNGBAT:
Saan.Daytoy ket saan nga mapalubusan,ti
pampaneknek ket isu ti kuna ni Allah (swt):
"Fasalli-li-rabbika wanhar." (Isunga sika ket
rumbeng nga mangisayangkat ti Salah [naitu-
ding nga panagkararag] iti Diyos mo ken mangi-
ruknoy ti daton)28.
(Ti panagidaton ken ti panagparti ti maysa
nga ayup kas makan ti Nagan ni Allah [swt]).
"Ni Allah (swt) ket isapsapatana (ti kinada-
kes) ti siasinoman nga mangidaton ken agparti
(ti ayup) ti nagan ti sabali malaksid kenni Allah
[swt]).(sinarita ni Imam Muslim)
28 Koran-108:2
41
 SALUDSUD # 11
Rumbeng kadi nga patien tayo dagiti pala-
wag (panagtunton) dagiti mammadto?
SUNGBAT:
Saan.Datayo ket saan nga rumbeng nga
mamati kadakuada,agsipud ta ni Allah (swt) ket
kunana:
"Qul-la-ya'alamu manfis-samaawaati wal-
ardhel-ghayba illallah." ([Ibagam Mohammad]:
Awan siasinoman [idiay ken ditoy] kadagiti
kalangitan ken kadagaan ti makaammo ti Ghaib
[dagiti nakalemmeng kapada ti Paraiso,Impiyer-
no,Kararrua,Anghel,atbp].malaksid kenni Allah
[swt]). 29
Ti Propeta (saws) ket nagkuna:
"Siasinoman nga mapan iti mammadto ken
mamati iti aniaman nga ibaga daytoy kadakuada
ket tinallikudanna ti banag nga naipalgak kenni
Mohammad (saws)." (sinarita ni Ahmad)
29 Koran-27:65
42
PDF created with pdfFactory trial version www.pdffactory.com
SALUDSUD # 12
Mapalubusan kadi ti agsapata ti sabali nga
nagan malaksid kenni Allah (swt)?
SUNGBAT:
Saan.Saan nga mapalubusan ti agsapata ti
nagan iti sabali malaksid kenni Allah (swt).Ni
Allah (swt) ket nagkuna:
"Wa-rabbi la tub-athun."(Kinapudnona,
agsapsapata-ak kenni Apo,awan duadua nga
agungar kayonto manin)."30
Ti propeta (saws) ket nagkuna:
"Siasinoman nga agsapata iti sabali malaksid
kenni Allah (swt),isuna ket nakaaramid kadagiti
panangyasping kenni Allah (swt),(isuna ket
nagbasol iti Shirk)."(sinarita ni Ahmad)
30 Koran-64:7
43
 SALUDSUD # 13
Rumbeng kadi nga agkawes tayo kadagiti
pangpagasat nga anting-anting (kas koma ti
lubid wenno singsing) nga ti panamati daytoy
ket makaited ti bileg ken makapaimbag?
SUNGBAT:
Saan.Saan nga rumbeng nga agkawes tayo,
agsipud ta ni Allah (swt) ket nagkuna:
"Wa-in yamsaskallahu bi-dhurrin fala kashifa-
lahu illa howa."(Nga no ni Allah ket mangipaay
kenka ti pakadangran,awan siasinoman nga
makaikkat daytoy,malaksid Kenkuana)."31
Ni Hudaifa ket nakakita ti maysa nga tao nga
adda lubid nga nakapolipol ti imana tapno aga-
sanna ti gurigorna,isunga pinutedna ti lubid
bayat nga italtalamitimna dagiti sarita ni Allah
(swt);
"Wama tu'minu aktharuhum billahi illa
wahum mushrikuun."(Nga ti kaadduan kada-
kuada ket saan nga mamati kenni Allah (swt)
malaksid daytoy,isuda ket mangipapaay ti kaas-
ping (ti panagdaydayaw Kenkuana)." 32
(sinarita ni Ibn Abu Hatim)
31 Koran- 6:17
32 Koran- 12:106
44
PDF created with pdfFactory trial version www.pdffactory.com
SALUDSUD # 14
Sinno ti immuna nga tao nga pinarsua ni
Allah (swt)?
SUNGBAT:
Ti immuna a tao nga pinarsua ni Allah (swt)
ket ni Adan (AS),ken ti immuna nga banag nga
pinarsuana ket pagsurat (pluma wenno lapis).Ni
Allah (swt) ket kunana:
"Idh-qaala rabbuka lil malaaa ikati inni khali-
qum basharam-min tiin." ([Lagipen] nga iden ti
Apom ket nagsao kadagiti Anghel:Kinapudnona,
Siak ket mangparsua-ak ti tao manipud napalet
nga pitak)."33
Ken kapada ti kinuna ni Propeta (saws):
"Dakayo amin ket pinarsua manipud tapok."
(sinarita ni Al-Bazzar)
33 Koran-38:71
45
 SALUDSUD # 15
Apay nga impalgak ni Allah (swt) Ti Koran?
SUNGBAT:
Impalgak ni Allah (swt) ti Koran tapno
daytoy ket maaramid tayo iti aginaldaw nga
intayo panagbiag,agsipud ta ni Allah (swt) ket
kunana:
"Ittabi-uu maa-unzila ilaykum mir-
rabbikum."(Ibagam [O Mohammad] ti sanga-
lubungan):"Surutenyo no ania ti impatulod kada-
kayo manipud kenni Apo (ti Koran ken Sunnah
[dagiti sursuro] ni Propeta Mohammad
[saws])."34
Ti Propeta (saws) ket nagkuna:
"Basainyo ti Koran ken aramidenyo daytoy.
Saanyo nga biruken ti (materyal nga banag) iti
inkayo panagbiag manipud ditoy." (sinarita ni
Ahmad)
34 Koran-7:3
46
PDF created with pdfFactory trial version www.pdffactory.com
SALUDSUD # 16
Ania ti pagtaktakderan iti panagar-aramid ti
Mapagtalkan nga Hadeeth ti Islam?
SUNGBAT:
Ti panagar-aramid iti mapagtalkan nga
Ahadeeth ket obligado,agsipud ta ni Allah (swt)
ket kunana:
"Wamaa aataakumur-rasuulu fa khuzuuhu
wamaa nahaakum anhu fantahuu."(Isunga
inkayo suruten [alaen] ti aniaman nga impa-
danun [wenno imbilin] ni Propeta[Mohammad-
saws] kadakayo,ken aniaman ti [inna] iparit
kadakayo ket inkayo liklikan [wenno
isardeng])."35
Ti Propeta (saws) ni Allah (swt) ket kunana:
"Rumbeng nga dakayo ket agtalinaed
(umiggem) iti sunnah (kaugaliak) ken ti
kaugalian dagiti nalinteg nga nasursurruan nga
simmublat,umiggem kayo iti nairut ditoy."
(sinarita ni Ahmad)
35 Koran-59:7
47
 SALUDSUD # 17
Ti Koran kadi ket umdasen kadakami (uray)
awanen ti Hadeeth?
SUNGBAT:
Saan.Ti Koran ket saan nga umdas kadatayo
no awan ti Hadeeth.Ni Allah (swt) ket nagkuna
(kenni Propeta Mohammad-saws).
"Wa anzalnaa ilaykaz-zikra litubayyina lin-
nasi maa nuzzila ilayhim wala-allahum yatafak-
karuun."(Ken Impatuludmi kenka [O Moham-
mad] ti Pammatigmaan ken Pammagbaga [ti
Koran],tapno inka maipalawag nga nasayaat
kadagiti tao no ania ti naipalawag kadakuada,
tapno isuda ket maipaayan ti
panagpanpanunot)."36
Ti Propeta (saws) ket nagkuna:
"Kinapudnona siak ket naikkan Ti Koran
ken kaddua daytoy ket diay kapada (met laeng)
daytoy."(sinarita ni Abu Dawud ken dadduma
pay)
36 Koran-16:44
48
PDF created with pdfFactory trial version www.pdffactory.com
SALUDSUD # 18
Kasano tayo nga maipakita ti intayo panaga-
yat kenni Allah (swt) ken ti Propeta (saws)?
SUNGBAT:
Ayaten tayo ni Allah (swt) ken ti Propeta
(saws) babain iti panagtulnog ken panangsurot
kadagiti Inna Imbilin.Ni Allah (swt) ket nag-
kuna (kenni Propeta Mohammad-saws).
Ibagam (O Mohammad) iti sangalubungan:
"Qul-inkuntum tuhib-buunallaha fattabi-uuni
yuhbib-kumullahu wa yaghfirlakum dhunuuba-
kum.Wallahu ghafuurur-rahiim."(No [talaga
nga] ipatpategyo ni Allah,no kasta ngarud,siak
ket inkayo suruten [kas koma,ti panangawat ti
kina-agmaymaysa ni Allah,tungpalin ti Koran
ken aramid ti Propeta] ni Allah ket agay-ayat
kadakayo ken mangpakawan kadagiti basbasol
yo,kenni Allah ket kanayon nga37mangpakpaka-
wan,Ti Pinakamannanga-asi)"
Ti Propeta (saws) ket nagkuna:
"Awan ti siasino kadakayo nga addaan ti
naan-anay a pammati malaksid nga siak ket
ayatenyo iti nalablabes ngem ti amayo,anakyo,
ken amin ti sangalubungan."(sinarita da Bukhari
ken Muslim)
37 Koran-3:31
49
 SALUDSUD # 19
Adda kadi pagimbagan kadagiti panangbal-
baliw (inobasyon) ti relihiyon (Islam)?
SUNGBAT:
Awan.Awan ti pagimbagan kadagiti panang-
balbaliw (inobasyon) iti pakasaritaan ti pammati,
ti pammaneknek daytoy ket isu ti kinuna ni
Allah (swt):
"Al-yawma akmaltu-lakum diinakum wa-
atmamtu alaykum ni'amati wa radhiitu lakumul
Islaamadiinaa." (Daytoy nga aldaw ket inan-
anayko ti relihiyonyo para kadakayo ken kinum-
pletok ti Innak pananga-asi kadakayo,ken Innak
pinili para kadakayo ti Islam nga Relihiyon."38
Ti Propeta (saws) ket nagkuna:
"Agannad kadagiti baro nga banag (ti paka-
saritaan ti pammati) agsipud ta ti kada baro nga
banag(ti pammati)ket panagbalbaliw(inobasyon)
ken kinasipnget (panagbiddut) ken ti kinasipnget
(panagbiddut) ket agbanag idiay Apoy ti
Impiyerno." (sinarita ni An-Nisa'i)
38 Koran-5:3
50
PDF created with pdfFactory trial version www.pdffactory.com
SALUDSUD # 20
Ania ti panagbalbaliw iti Relihiyon (Islam)?
SUNGBAT:
Ti panagbalbaliw iti pakasaritaan ti pammati
ket,aniaman nga saan nga umayon iti pamma-
neknek manipud iti Linteg Pang-Islamiko
(Shari'ah).Ni Allah (swt) ket nagkuna kas pana-
ngurnos kadagiti panagbalbaliw (inobasyon)
dagiti pagano:
"Am lahum shurakaaa-u shara-uu lahum
minaddiini maa lam ya'dham bihillah."(Ania!
Isuda kadi ket addan ti kaasping kenni Allah
(dagiti saan a pudno nga diyos-diyosan) nga
nangsuro para kadakuada ti maysa nga relihiyon
(pammati) nga saan nga inanamungan ni Allah-
(swt).39
Ti Propeta (saws) ket nagkuna:
"Siasinoman nga mangnayon ti aniaman nga
baro (sabsabali) nga pakasaritaan (ti relihiyon
nga Islam) a saan nga paset daytoy,daytoy ket
pagtallikudan (daytoy ket saan nga awaten ni
Allah (swt)." (sinarita da Bukhari ken Muslim)
39 Koran-42:21
51
 MENSAHE PARA KENKA
Iti intero a lubong, nadumaduma nga tao iti
agar-aramid iti kinadakes. Dagiti padatayo a
Filipino, Arabo, Amerikano ken dadduma pay a
ganggannaet, agaapada ken aggugurada babaen iti
panangaramat da kadagiti nadumaduma nga igam
nga makapatay. Mairamraman pay a madangran
dagiti awanan basol. Dadduma kadakuada
Muslim. Isuda ket maibilangda nga ulbod nga
Muslim. Kasta met iti bangir, dagiti tattao a
kontra kadakuada, dadduma Kristiyano. Isuda
maibilangda met nga ulbod kadagiti relihiyon da.
Awan iti nasayaat a pannakilangenda iti padada
nga tao, ta awan nga pulos kadakuada iti
kababalin nga talna ken kappia. Iti talna ken
kappia isu iti isursuro iti Islam, isunga iti dakes
nga ar-aramiden iti maysa nga tao ket saan nga
gapu iti relihiyon nga Islam.
Dakami nga Muslim iti amin a disso kasapu-
lan nga ammuen iti bukod tayo nga relihiyon.Ti
kinadakes nga ipagpagarupda maipapan iti Islam
ket saan nga mapalubusan,agsipud ta ti agaramid
52
PDF created with pdfFactory trial version www.pdffactory.com
iti kinadakes ket maiparit ditoy Islam.
Ti awanan panagpanpanunot nga pammapatay
ket saan nga isu iti dalan nga kalkalikaguman ti
Islam tapno makapanka idiay langit,dayta ti dalan
idiay Impiyerno.
Sapay la koma ta daytoy nga mensahe ket
makaited iti lawag kadagiti makabasa. Isu daytoy
iti kangrunaan nga pakaammo nga rumbeng nga
maawatan iti siasinoman maipanggep iti relihiyon
nasayaat nga damag nga bunga iti kankanayon
nga panangdaddadael da iti Islam. Dagiti napudno
nga Muslim isuda dagiti agar-aramid iti
kinaimbag, sumursurot ken agtultulnog iti linteg
ken bilin ni ALLAH (SWT).
“ Subhaana rabbika rabbil izzati amma
yasifuun; wa salaamun alal mursaliin;
walhamdullillahi rabbil aalamin” (Madaydayaw
nga Apo, ti Diyos nga pagdaydayawan ken
Mannakabalin (isuna ket libre) manipud aniaman
nga inda iyas-asping kenkuana ken kappia
kadagiti mensahero: ken amin nga panagyaman
53
 ket maipaay laeng kenni ALLAH (SWT), iti DAGITI LIBRO NGA PINAGADAWAN:
Diyos dagiti amin nga pinarsua.)40
Idawdawat ken ikarkararag ko kenni ALLAH 1. Ang Maluwalhating Koran
(SWT) ta sapay la koma ta bayyabayanna kayo iti 2. The Muslim Belief
ISLAM ken lukatanna ti puso ken panunotyo iti 3. This Message is for You
ISLAM tapno iti kasta agpapada tayo nga 4. Ang Aklat na Ito ay Para sa Iyo
maaddaan iti pannakaisalakan. 5. Daan Tungo sa Kaligtasan
6. Ang Pananammpalatayang Islamiko

Toy Kabsatyo,
AHMED AMADO ABAGA
Ramadhan, 1 1429

40 KORAN – 37-180-182

54 55

PDF created with pdfFactory trial version www.pdffactory.com