Vous êtes sur la page 1sur 7

KwIsoko ryUbuzima

mu muryango wabakristu
Diyoseze Nkuru ya Bujumbura Tl 22 22 05 00 / 79 602 229 / 79 927 461
E-mail: HYPERLINK sokoryubuzima@yahoo.fr Site: www.isokoryubuzima.es.tl

"mailto:sokoryubuzima@yahoo.fr"

"Nukuri kuri jewe, ubuzima bwanje ni Kristu". (Ph.1, 21)


Iki kinyamakuru gifasha gutegera Ijambo ryImana mu misa no mu buzima 6/5/2012 IDOMINIKA YA 5 YA PASIKA - UMWAKA - B

Igiciro:100 fr
N 19/12

Uwukunda Bikira Mariya yiyemeza kwumviriza umuhumgu wiwe.


Uku kwezi kwa gatanu Ekleziya yaguhariye Bikira Mariya; turasabwa kuru-shirizaho kumwambaza kugira ngo adushikane kwa Yezu. Turabashikiriza agace gatoya kivyo Papa Benedigito aheruka kuvugira mu gihugu ca Mexique, (Amerika yepfo) kwigenekerezo rya 25 Ntwarante 2012. Bavukanyi, Uyu musi turibuka Bikira Mariya mweranda cane. Turamwinginga tumubwira tuti: Twereke Yezu Nubu nyene, amaso yacu nimitima yacu tuvyerekeje ku gasozi ka Tepeyac, aho muhimbariza nyina wImana mutazira Bikira Mariya mweranda wi Guadelupe kuva kera na rindi, nkikimenyetso cikigongwe kidakama cImanaAbamboneye izuba ku ntebe ya Petero baramuhaye icubahiro mu kumutazira amazina menshi: Mugabekazi wi Mexique, Umuvunyi wa Amerika yepfo, Umwamikazi wa Amerika yepfo. Abanyagihugu nabo bamwambaza bamutazira ngo Iroza rya Mexique, Mugabekazi wo mwijuru Bavukanyi, ntimwibagire ko amasabo nyakuri ya Bikira Mariya arinda kutwerekeza kwa Yezu. Ntitwambaze Bikira Mariya kubera ibishobisho vyo mu mutima ataho bidushikana; ukumwambaza bishingiye imizi mu kwemera Imana vyukuri, ukwo kwemera kukadutuma kwubaha nukwubahiriza iteka ntangere Imana yateye umuvyeyi wImana, tukamwakirana urukundo rwinshi nkumuvyeyi wacu, tukigana ningeso ziwe zagaciro nta-ngere. (lumen gentium, 67). Uwumukunda yiyemeza kwumviriza umwana wiwe, nugushira mu ngiro amajambo yumwana winda yiwe, Yezu ahezagiye . Muriki gihe isi irahanzwe nuruhagarara mu miryango, tutibagiye nayandi mabi atandukanye: ubukene, igikenye, agacinyizo nagahahazo, ubwicanyi, ubusuma, kurya ruswa, akarenganyo, uguhohoterwa, ibiyayuramutwe, ugutituka kwimico Duhungire ku Muvyeyi wacu Bikira Mariya kugirango tuharonkere uruhoza, ubukomezi nukwizigira. Ni nyina wImana yacu, Imana yukuri. Niwe adutumira ngo ntitwigere dutirimuka mu kwemera, kwizigira no gukunda; aho honyene niho tutocinyizwa namakuba nibitugora ducamwo; niho ivyo bitodutesha urugamba rwo kurwanira isi irangwamwo urukundo nubutungane Bikira Mariya nabahangaze. Mu gihe camakuba, abapfiriye Imana benshi baramwambaje arabafasha gushingira intahe inkuru nziza na Ekleziya. Ndamusaba ngo ahagararire ubutungane, ubuzima bwumuntu bwubahirizwe, umuvukano wiserure, inzigo nukwihorahorana biranduranwe nimizi. Bikira Mariya mweranda wi Guadelupe nabasabire ku Mana ibahunde imihezagiro myinshi. (Zenit 25/3/2012 - amajambo ya Papa Benedigito i Mexique). Umweranda Ludoviko Mariya wi Monfort niwe yazirikanye ingene hari abambaza nabi Bikira Mariya, aca abashira mu migwi myinshi. Hari abiyemeza ku bandi bakabasuzugura; bibaza ko ari bo bonyene bambaza neza Bikira Mariya. Hari abatinya kwa-mbaza cane Bikira Mariya: ngo bikura iteka umwana wiwe. Hari abihatira ku vyinyuma: kudondagura amashapule menshi, kwumva imisa nyishi, kugwiza ingendo nyerandaariko ntihagire na kimwe bihindura mu buzima bwabo, mu mitima yabo. Hari abikika inyuma yibisabisho bakanyegeza ubwishime bwabo, akarimi karekare, ubunibuni, ubusambanyi, akaborerwe; bakibwira bati: ijuru ni iryacu; ngo naho tutokwirega kizima tuvuga ishapule tukisonzesha. Abandi nabo ni ba mahindagu: uyu musi berekana akariro kenshi, bakarangura ibikorwa bishimishije; ejo naho bagatimba, bakijirwa, ivyo biyemeje bakabiheba, bagahetura imigwi basengeramwo ntibagire uburagamo. Abandi bariyorobeka, bagahuma amaso abantu bakiyerekana uko batari. Hari nabandi basenga kuko baba bafise inyungu bakurikirana: barirukira Bikira Mariya iyo rukamvye, ngo Bikira Mariya abakingire, abarinde ivyago nimpanuka, abakize ubwoba ningwara; iyo baronse ico bi-

Twambaze Bikira Mariya mu kuri.

fuza ntibasubire kumwambaza. Muvukanyi, woba uri mu bahe? Muruku kwezi kwa Bikira Mariya, tumusabe kwigumira mu mutamana wiwe, Dusabe kwigumira mu mutamana wumuvyeyi, mu kumwambaza mu kuri. Kandi ng'iri ibwiri-zwa ryayo, n'uko twokwemera Twumvirize iryo Imana ituyagira izina ry'Umwana wayo Yezu Kristu, tugakundana IDOMINIKA YA GATANU YA PASIKA -B nkuko yabiduha-yeko ibwirizwa. IGISOMWA CA MBERE: Ibik. 9, 26 31. Paulo aba INKURU NZIZA: Yo. 15, 1 8. Uwuri muri jewe icabona ca Kristu nk'Abatumwa. nanje nkaba muri we ni we yma vyinshi. Ivyo dusoma mu gitabu c'Ibikorwa vy'Abatumwa: Ivyo dusoma mu Njili Nyeranda yanditse Yohani: Amaze guhinduka, Paulo arahava agenda i Mu gihe yari mu kuva kuri ivi si, ngo asubire kwa Yeruza-lemu, akma ashaka kumenyana Se wiwe, Yezu yabariye abigishwa biwe ati: Jewe n'abigishwa, mu-gabo bose bakamutinya kuko ndi Umuzabibu nyawo, na we Data ni Nyen'umuzabatari bwemere ko yabaye umwigishwa wa Kristu. bibu. Ishami ryose riri kuri jewe ntiryame, ararica; Araheza Barnaba amujana kumwereka abatumwa, nayo ishami ryose ryma ararituturira ngo ryme arababwira inge-ne Paulo yabonye Umukama mu ukuruta. Muramaze gututurwa kubw'ijambo nabanzira n'ingene yigishije Izina rya Yezu i Damasi, ata bwiye. Ni mugume muri jewe nanje nzoguma muri makenga. Kuva ico gihe, Paulo yamana mwebwe. Nkuko ishami ri-tokwiyamisha ritagumye n'abatumwa i Yeru-zalemu yigisha izina rya Yezu ku muzabibu, niko namwe ata makenga. Niho yaganira n'Abagreki bari i mu-dashobora kwma Yeruzalemu, abahariri-za, ariko bo barondera mutagu-mye muri jewe. ingene bomwica. Abagenzi biwe babimenye, Jewe ndi Umuzabibu, bamujana i Sezareva, baca bamu-rungika i Tarsi. namwe muri amashami. Ekleziya yari itekanye hose mu Buyudeha, mu Uwugumye mu-ri jewe Bugalile no mw'Isamariya, irakura igenzwa nanje nkamuguma-mwo, n'icubahiro ifitiye Umukama, kandi yari yuzuye niwe yma vyinshi, kuko uruhoza rwa Mutima Mweranda. tutari kumwe ataco IGISOMWA CA KABIRI: 1Yo. 3,18 - 24. mwokwishoboza. UwutaguNi dukundane mu bikorwa no mu kuri. mye muri jewe atabwa haIvyo dusoma mw'ibaruwa rya 1ryUmutumwa Yohani: nze nk'ishami, akuma; na Bakunzi banje, Ntidukundane mu majambo no ku yo amashami yumye rurimi, ariko ni dukundane mu bikorwa no mu kubarayaca bakayata mu ziko, agasha. Ni mwaguma ri. Ico nico kizomenyesha ko turi ab'ukuri, tukarimuri jewe, amajambo yanje na yo akaguma muri mbura umutima wacu imbere y'Imana; umutima mwebwe, muzosaba ico mu-shaka mukironke. wacu ni watwagiriza, Imana yo iruta umutima wacu Ikininahaza Data n'uko mwo-kwma vyinshi; niho kandi ikamenya vyose. Bakunzi banje: umutima rero muzoba abagendanyi banje. wacu ni utatwagiriza, turizerana umwidegemvyo imbere y'Imana, ico cose dusaba Imana, tugihabwa na yo, kuko tuzigama amabwirizwa yayo, tugakora ibiyinezereza mu nyonga zayo. Ni mugume muri jewe nanje nzoguma muri mwebwe. Bavukanyi dusangiye ukwemera, kuri uno musi wImana muze du-tangarire urwo rukundo Imana idukunda, ntishima ko twoja kure yayo. Mu mwana wayo wikinege Imana ishaka ko dufatanya akayi-ra. Tugumanye na Kristu ubwo bumwe burarama bukaramba, ubucuti bugakomera. Kristu yarazutse none ni muzima mu myaka ni myaka; niwe aguma yitorera abatumwa bakwiza hose iyo nku-ru nziza kandi bakamubera ivyabona bizima vyuruku-ndo nubumwe. Turabona ingene Paulo mweranda adu-ga i Yeruzalemu kuja guhura na bandi batumwa kugira bamenyane. Paulo mweranda yaratowe na Kristu bara-ywana vyukuri gushika aho avuga ko atariwe abaho ariko ari Kristu amubamwo (Gal. 2,20), aramuha nubutumwa bwo kugenda kwisi yose ngo yame ivya-mwa bihoraho. Uyu musi Yezu aratwigisha uburyo bwo kunywana nawe akoresheje iyi mvugo ngereranyo twese twumva, atubwiye ko ari umuzabibu nyawo natwe tukaba amashami yuwo muzabibu. Mu kuvuga ko ari we Muzabibu nyawo, dutegere ko mu bwuzure bwa kera, umuzabibu yari Israeli kandi yari yarikundi-we nImana ariyo nyene umuzabibu (Ozea, Yeremiya, Izaya, Ezekiel, Zabuli80). Ariko uwo muzabibu waku-nzwe waranse kwama ivyamwa nyenewo yari awiteze-ko. Yezu rero niwe Israeli nshasha, niwe muzabibu nyawo. Abamugumyemwo nawe akabagumamwo ba-ma vyinshi bakubaka hamwe nawe Israeli nshasha, umuryango mushasha ariwo Ekleziya ibeshejweho na Kristu we nyene ubwiwe. Uwushaka guhona, akuma amwikurako akikura kuri Ekleziya muryango wabe-mera, uwushaka ubuzima nawe amugumako akaguma muri uwo muryango yashinze we nyene. Yezu yarita-nze ngo turonke ubuzima, Yezu ashaka kutwigisha ko atahandi turonkera ubuzima atari iwe, atari muri we. Mu mutumba wigiti niho hazanana amazi akwiragira mu giti cose, mu mashami no mu mababi. Na Yezu ya-rivugiye ati: uwuriye umubiri wanje akanywa namara-so yanje, aguma muri jewe nanje nkaguma muriwe. Iryo soko ryubuzima nijambo ryImana twama twu-mviriza, ni ya masakramentu duhabwa kenshi. None bavukanyi turikumwe na Kristu twategerezwa kwama ivyamwa vyukuri bikomeye bitaboze;

mugabo hari igihe twama ibiturumbwe bivuye kuraho tutavoma bikwiye kuri iryo soko canke ugasanga twaramaze gutamikwa na sekibi. Nabarundi barayamaze bati: Uwutamiye ntatamure aba yaratamitswe . Turabe neza twewe abarundi ko tutatamitswe; birababaje ku-bona abavuga ko ari abakristu basenga bakunda Imana mugabo bakaba abambere mugutoteza no mu kwica abo basangiye umuryango. Imana yari yiteze ubutunga-ne namahoro none habonetse amahorerane. Imana idu-shakako ivyamwa vyiza, vya vyamwa vyurukundo, kwa kwemera, ukwizigirwa mugabo haboneka amaca-kubiri yubwoko, yintara, yImigamwe Mwibaru-wa ryandikiwe abahebreyi turumva ko ukwemera ku-duha guhimbarwa muri Yezu Kristu, niho tuvoma inga-birano zo gusenga nukuninahaza iyo Mana yama ika-duha nivyo tuvuga mubisabisho vyacu vya misi yose. Dutegere kuva uyu musi ko turikumwe na Kristu ntaho se kibi yoca ngo iduteremwo imbuto mbi ivamwo ivya-mwa bibi vyaboze, vyurwanko, vyububisha, vyubwi-canyi, ubuhumbu None rero ko dushaka kwamana na Kristu yizuye mu bapfuye, dusige muruhafu ayo mabi yose aturimwo gurtyo twame ivyamwa bihimbara Imana. Amen. A.Paul RUCUMUHIMBA

Twakire ikigongwe cImana. Umuntu wese wese arakeneye kugira no kugirirwa ikigongwe. Imana yoyo yama yaturekuriye ku musi ku musi, itugirira ikigongwe ku bicumuro vyose. Twakire ico kigogwe (ikimenyetso co gutarika ibiganza). Mu gisabisho ca Dawe wa twese, iyo tuvuze ngo uturekurire ibicumuro vyacu ikigongwe cImana kiba kidushikiriye. Samajambo yimpfagusa; tuba turiko turasenga dukoresha amajambo Yezu we nyene yakoresheje. Ayo majambo niyo adufasha kudacira rubi abatugiriye nabi. Yezu ntiyitiranya ikibi nuwagikoze. Yezu ntawe yigeze acira rubi; no ku musalaba yagumye aserura urukundo rwabamubamvye; yasenga avuga ati: bagirire ikigongwe ntibazi ico bakora. Mbere amakosa yose yaciye ayiremeka. Hariho ibihe bitugora, bikatunanira kugira ikigongwe. Igikomere kikatubana kinini cane. Muri ico gihe ni twibuke ko ikigongwe cImana kidakama na rimwe. Twebwe biza buhoro buhoro bigateba bigakunda. Icifuzo co kurekura, nintambwe ya mbere naho usanga kenshi tugumana umwikomo. Mu kuturekurira, Imana ntidukurako ibicumuro gusa; irangura ubucuti dufitaniye ikanagura muri twebwe ubuzima bwayo iciye kuri Mutima Mweranda. Kwakira no gutanga ikigongwe cImana, ni ryo rembo Yezu Kristu yuguruye. Tugenda tugana iryo rembo, tugendana intege nke nibikomere vyacu. Ntitwirata, ngo turasumba abandi. Ikidutera akanyamuneza nuko twahisemwo kuba abakristu; duca twemera ningaruka zavyo. Ese natwe tworimbuka, tugatahura yuko ikigongwe turonse nico dutanze bitubera isoko ryakanyamuneza. Kwumva ko warekuriwe, niko kanyamuneza gasumba vyose, niko kanyamuneza kabohora. Ayo mahoro azodushikana kure, azoha abandi urumuri, isi yose iharonkere urukiza. Frera Alois Lettre de Taize n 270/2011 Ese twese twotahura akanyamuneza gatangwa nurukundo!
Umunsi umwe, umugabo umwe yaritavye Imana, hanyuma umutima wiwe uca ahantu hari umwijima mwinshi; ariko haserukira ahandi hari umuco mwinshi. Aca abona imiryango ibiri yugaye. Yegereye uwa 1, yumva hariyo induru nyinshi yabaharira, yabatukana, yabashihana bagwana. Niho yaraba hejuru yuwo muryango abona handitse ngo: shetani numuriro udahera. Amaze akanya gato yumva akamoto keza kivyo batetse: inyama, nibindi vyinshi. Aca asaba umurinzi wurwo rugi ngo amwugururire, arabe abariyo ingene bameze. Asanga hariyo abantu buzuye ishavu, kuko ntibashobora gushikira inkono irimwo vya bintu biryoshe. Iyo nkono yari ku metero 3 zaho bicaye. Umwe wese yari afise icaruzo cimetero 3 nyene, ariko ntawashobora gushikana indya ku munwa wiwe. Ni vyo vyatuma batukana, baharira, bagwana, bacumitana ivyo vyaruzo vyabo, inyama nazo zigakorokera hasi zose atawuriye nimwe. Nico gituma hari huzuye induru, kuko umwe wese yarondera ko yorya agahaga wenyene. Wa mugabo abibonye aca arabandanya gushika ku mu ryango wa 2. Yegereye yumva abantu bariko baninahaza Imana, baririmba, bavyina batamba, eka hari akanyamuneza ntangere. Naho nyene aca asubira gusaba Umumalayika acunze urugi ngo amwugururire arabe abo bantu abari bo. Umumalayika aramwugururira. Niho yabona aberanda bicaye ku meza nini cane, bafise mu minwe ivyaruzo birebire bipima imetero 3. Hirya yabo hari inkono irimwo ibintu biryoshe, bimota neza cane. Muri bo nta numwe yigaburira. Ariko umwe wese yarondera kugaburira umugenzi batumberanye ku meza. Urukundo rwari aho hantu rwari agatangaza. Umwe wese yashaka kunezereza uwundi, ntawironderera ineza yiwe. Eka hari mwijuru nyene, hari Imana Se Rukundo. Uwo mugabo abonye urwo rukundo yaciye agumaho, avuga ati: Iyo abantu bose bamenya urukundo ruri mwijuru twese twokundanye nkuko nyene, maze mu muriro udahera hakabura numwe ajayo, kuko huzuye urwanko rubi. Ese twese twomenya guha abandi, aho kurondera inyungu zacu. Tukamenya kuraba abandi, aho kwiraba. Icit: Ndagushemeza Mukama hagati yikoraniro. (Zabuli 21(22) 26b-27,28.30,3132) - Nzorangura indagano zanje imbere yabamwubaha, aboro bazorya bahage; abarondera Umukama bazomuyaga: Ganza sabwa mu myaka yose!. - Intara zose zizokwikugura

Umukama zimugarukeko, imiryango yose yibihugu izomupfukamira. Abagaba isi na bo nyene bazomupfukamira, Imana izopfukamirwa nabakuru nabato. - Umuryango wanje uzoyiyagira urwaruka, uzoyaga ubutungane bwiwe, ubumenyeshe intara zo hanyuma uti: Raba ivyiza Umukama yagize.

Dushemeze Imana ku munsi ku munsi 6 D 5 D de Pques B


Zab.21,26b-32 1 Yo 3, 18-24 Yo.15,1-8 Jewe ndi Umuzabibu nyawo, nawe Data ni nyenumuzabibu Nimugume muri jewe, nanje nzoguma muri mwebwe. Ugumye muri jewe nanje nkamugumamwo, niwe yama vyinshi
Yakobo na Mariano Ibik. 9,26-31

7
L Gisle Ibik. 14,5-18 Zab.113B,1-16 Yo. 14, 21-26 Uwakira amabwirizwa yanje akayazigama, niwe ankunda. Uwunkunda azozigama ijambo ryanje, na Data azomukunda

8
M Dsir Ibik. 14,19-28 Zab.144,10-21 Yo.14, 27-31a Ndabasigaranye amahoro, ndabahaye amahoro yanje; sindayabahaye nkuko abisi bayatanga 15,1-6 Zab. 121,1-5

9 M Hermasi Ibik.

Yo. 15, 1-8 Nimugume muri jewe, nanje nzoguma muri mwebwe. Jewe ndi Umuzabibu, namwe muri amashami. 10 J Solange Ibik. 15,7-21 Zab. 95,1-10 Yo. 15, 9-11 Uko Data yankunze niko nanje ndabakunze, nimugume mu rukundo rwanje. 11 V Estella Ibik. 15,22-31 Zab.56,8-9,10-12 Ni mwazigama ababwirizwa yanje, muzoguma mu rukundo rwanje Yo. 15, 12-17 Ngiri ibwirizwa ryanje: ni mukundane nkuko nabakunze. Ntawushobora kurusha urukundo uwiguze abagenzi biwe

12
S Nereyo na Akilo Ibik. 16,1-10 Zab. 99,2,3,5 Yo. 15, 18-21 Iyo muba muri abisi, isi yokunze ivyayo; ico isi ibankira nuko mutari abisi, ariko nabakuye kwisi mu kubatora.

URUGENDO RW'UMUBANO RUKRISTU W'ABAKOZI BA RETA W'IGISATA CA KIGARAMA, PARUWASE MURIZA (DIYOSEZE RUYIGI) MU MUBANO RUKRISTU W'ABAKOZI BA RETA, PARUWASE BUHORO. Ayo maparuwase uko ari abiri, asangiye imbibe; kandi umuvunyi ni umwe: Bikira Mariya Mugabekazi wurijwe mw'ijuru. Yompi yavyawe na Paruwase Makebuko. Abarongoye ayo maparuwase bamye bafitaniye ubucuti bukomeye, bakagenderanira, mbere n'umuhisi Patiri Pasikare Nzikobanyanka yagandaguwe avuye kuramutsa abasaserdoti ba Paruwase Buhoro. Ubu ho bite? Italiki 19/2/2012, Umubano rukristu w'Abakozi ba Reta w'igisata ca Kigarama, Paruwase Muriza, Diyoseze ya Ruyigi, waragendeye Umubano rukristu w'Abakozi ba Reta bo muri Paruwase ya Buhoro, Diyoseze nkuru ya Gitega. Intumbero y'urwo rugendo bise rukristu yari iyo kugiriranira imigenderanire myiza, ukurahuriranira n'ukwungurana ubwenge. Na kare ngo: "Akanyoni katagurutse ntikamenya iyo bweze" nkuko vyamenyeshejwe n'uwaje arongoye uwo mubano w'abo bakozi ba Reta b'igisata ca Kigarama. Urwo rugendo rwatangujwe n'inkuka y'imisa yaherejwe na Patiri Mukuru wa Paruwase ya Buhoro, Patiri Grard BATONERAKURE, ari kumwe na mugenziwe wa Paruwase ya Muriza, Patiri Domisiyano KABURO, ariwe yari yaherekeje abo bakristu b'igisata ca Kigarama. Ni naho abo bashitsi batanguye guherebwa ikaze. Inyuma y'Inkuka y'imisa, abashitsi barakiriwe na bagenzi babo ba Paruwase Buhoro, mu nyubakwa y'amanama ari naho ikiganiro nyezina cabereye hagati y'iyo mibano rukristu, bongera barazimanwa. Umukuru w'umubano rukristu w'Abakozi ba Reta b'i Buhoro niwe yatanguye gufata ijambo, aho yahaye ikaze abashitsi, akongera akabashimira kuri uwo mutima w'ugukomeza ubumwe n'ukwungurana ubwenge hagati y'iyo mibano ibiri. Na kare ngo: "Agafuni kabagara ubumwe ni akarenge." Yaramenyesheje igitigiri n'amazina y'abarongoye umubano rukristu w'Abakozi ba Reta b'i Buhoro n'ingene ubutumwa burangurwa: nk'ugufasha muri Liturujiya (Abatumwa b'Ukaristiya), kubura n'ugusoma Ijambo ry'Imana, n'ibindi. Yarashimiye abashitsi kuri urwo rugendo rukristu rutagirira akamaro abashitsi gusa, ahubwo rugirira akamaro n'abasangwa kuko nabo baheza bakahamenyera ibitari bike. Yarabemereye ko umubano arongoye uzobasubiriza mu nkoko. Uwurongoye umubano rukristu w'abakozi ba Reta b'igisata ca Kigarama nawe yarafashe ijambo, arerekana abo bagendanye nabarongoye abandi mu mubano rukristu wabo n'ico umw'umwe ajejwe, atibagiye n'ubutumwa barangura. Arongerako ati: "Ni akaryo keza ko kwungurana ubumenyi kugira ngo ico umubano uyu udafise uriya ufise ugifatireko." Yarangije akenguruka icicaro n'ingene bakiriwe. Patiri Mukuru wa Paruwase Buhoro, Patiri Grard BATONERAKURE nawe yarafashe ijambo, yaridondoye, arashima kandi arashigikira iciyumviro nk'ico c'ukugira imigenderanire myiza. Arongera asaba ko atawohirahira ngo ahungabanye canke ngo afutanye iyo migenderanire hagati y'iyo mibano. Patiri Mukuru wa Paruwase Muriza ari nawe yari yaje aherekeje abashitsi, nawenyene yarafashe ijambo, yabanje kwimenyesha abari aho, arashimira umubano yaje aherekeje ku kuntu uwo mubano rukristu w'Abakozi ba Reta b'igisata ca Kigarama ari imboneza mu yindi mibano yo muri Paruwase Muriza. Yarongeye arashima ku kuntu batamusize inyuma mu kumumenyesha urwo rugendo bakongera bakamusaba ko yobaherekeza. Ati: "Ni ikimenyetso ciza cane." Abari aho barabandanije biginana, bahava barasaba umuhezagiro ari na wo warangije ico kiganiro, aho iyo mibano ibiri yahungukiye ibitari bike bizobafasha mu mibano yabo. Ntahomvukiye Jean.

ABARUNDI BARAZI GUTWENZA: Imfyisi yariko iritemberera mwibarabara ihura na Patiri Mukuru wa Paruwasi. Imukubise ijisho, iranezerwa cane, ica iza iriruka yasamye ngo imurye. Imushikiriye, Patiri aca arayikankamira ayibwira ati: Ubwo nta soni. Wokwubahuka kundya kandi ndi Patiri? Nayo iramwishura iti: Mbabarira, nibaza ko ushavujwe nuko ngira ndakurye ntasenze! Ndindira gato rero mbanze nsenge kandi uce umpezagira! Ica isenga ivuga iti: Kwizina rya Data nirya Mwana nirya Mutima Mweranda. Mana yanje ndagusavye umpezagire, wongere uhezagire nizi mfungu-rwa ngira nihereze, zintembe neza ngo mbashe kuro-nka amagara numwete wukurondera izindi! Amen.