SIMEIKHU KARTIN CHHUAK THINGSULTHLIAH

Dt. 13 July 2013 (INRINNI) PHEK- 3

HNATHAWK THA CHAWIMAWINA DAWNG DAWN Pu K. Lalchamreia, Seling Dawrkawn chu MIZOFED Chairman kum hnih a nih chhunga a hnathawh that avangin chawimawina chi hnih a dawng dawn a. August ni 18, 2013-ah Friendship Forum hnen atangin New Delhi-ah Bharat Exellence Award & Gold Medal leh North Eastern Golden Parsonality Award & Gold Medal te hi a dawng dawn a ni. MIZOFED Chairman a nih hlim hian MIZOFED hi leiba neiin a lo kal ngar ngar a. Kum hnih a thawh hnuah MIZOFED hi hlawkna tel thei dinhmunah hlangkaiin, hnathawk theiin a awm theih phah a ni. He thu kan buatsaih ni hian a Chairman term hi a tawp chiah a, Chairman thar Pu K. Laldawngliana, Aizawl Dinthar hnenah Charge a hlan fel. Kan Sub-town atanga Hetiang hnathawk tha leh Chawimawina sang dawng thei kan nei hi kan chhuang hle a ni. THU ZIAK THA LAWMMAN DAWNG MUP Tlangau January 2013 chhuak chuan Milem fiah lo tak tichhuakin chu milem hming leh chanchin te, Mizo te nen a inkungkaih dan leh a pawimawhna te zir tlaka ziak thei hnenah lawmman tha tak pek turin a buatsaih a. He lawmman hi Pu Sangliana H/o Vanlalhriati, Tst. H/A chuan a dawng. Lawmman hlanna inkhawm hi kar kalta Zirtawpni khan MUP Gen. Hqrs-ah neih a ni a, a pual hian thingpui ruai tuihnai tak buatsaih a ni bawk. Lawmman atan hian heng Lehkhabu ro tling tak tak 4 hi an hlan a, chungte chu:

A LO NIH TAK CHU...AN TI - Mipui thawhkhawm hmanga kawng kan Black-top te hi Side drain siam vat a nih loh chuan a tlo lo zel chu anih hi an ti. - School naupang thiam thei lo kan tihte hian a thiam theite zir chanve pawh an zir lo an ti. - Thingsulthliah hi Sem lam a nih loh chuan Mipui kohkhawm harna khua kan ni ang em an ti. - Kan Sub-town hi NLUP hmang tha leh dik pawl tak kan ni ang em an ti. - Luisa man tharah Sangha a to ber, Chakai leh Chengkawl hi chu a zia deuh an ti. - Kawng peng laia lirthei hung hnawk tlat thin hi an ngeiawm an ti. - Tst hi khawtlang issue tling tham Sorkar a nawr tur khawpin kan lungrual em an ti. - Vawksa nge nge Mizote chuan tui kan ti ber mai anih hi an ti. Thingsulthliah 2013 TUIRINI ZAU FARMER ASSN Chairman : Pu C. Tlanghmingthanga Vice Chmn : Pu Hmingthankhuma Secretary : Pu F. Zosangliana Asst.Secy : Pu K.T. Roliana Treasurer : Pi PC Fangzauvi Fin. Secy : Pu C. Lalnunsanga Heng a hnuaia mite hnenah hian Membership fee la pe lo ten July 2013 chhungin Rs. 20/- pek tur a ni e. 1. H/Area : Pu F. Zosangliana 2. D/Area : Pi PC Fangzauvi 3. C/ Area : Pu Hmingthanmawia AUDIT NEI Tukin zing dar 7:00 atang khan Salvation Army, Thingsulthliah C.O.Bial a Corps hrang hrang ah Senior Corps leh Home League Financial Audit neih a ni a, Auditor te hi mi 3 niin Territorial Headquarters atangin an lo kal a, Zingkar-ah Thingsulthliah Corps Audit niin tukthuan an ei nghal ang a, chhun lamah Darlawng, Tlangnuam leh Seling te an audit le hang. AWARENESS CAMPAIGN Tunkar Ningani zan khan Tst Diakkawn Area Branch YMA huaihawtin DYMA Hall-ah Blindness leh Hriselna lam hawi Awareness Campaign neih a ni a, he Campaign-ah hian Tst PHC a lo awm tawh Dr.Malsawma chu Resource Person niin, Zaithiam lar tak Vanlalhlana a rawn hruai bawk.

1. Mihring leh a Sakhua, Ziaktu Dr. Lalchhuanawma Tochhawng

2. Mizo General Knowledge. Ziaktu R. Lalhmangaihsanga 3. R.T.I.Act chungchang 3. Hriselna Lamtluang By Mizoram Society on Tobacco and Health. Mizoram Chapter.. JOINT COMMITTEE NEI : Vawiin(Inrinni) hian Tst DYMA Hall-ah November 1-3, 2013 a Central South Division SAY Rally Thingsulthliah a awm tur chungchang ngaihtuahin VC, Kohhran leh NGO hrang hrang te, Tst Corps, Home League leh SAY Council member ten Joint Committee an nei a, Aizawl atangin Rally Organising Council member ten an rawn ho bawk. Tlaiah chawhlui an kilho nghal ang. JAC THUKHAWM : Tunkar Ningani zan khan Thingsulthliah NREGS Building-ah, Vantlang inkhawm thu pass anga Joint Action Committee din thar te an thukhawm a, Khawtlanga ruihhlo lo hluar zel tur dona leh venna kawnga hmalak dan turte an sawiho. TUI PIPE LO THLENG : Thingsulthliah IWMP, Luithuam lama hna hmasa tur Pu KM Lalchhuanga, D/A huana Tuizem a lak luhna tur Pipe, feet 18 a sei tlawn 132 chu kar kalta Zirtawpni khan a lo thleng a. Tunkar Ningani khan Tuizem dahna tur tak en fel a ni a. Hna tan nghal thuai tum a ni. H/Area MHIP PE : Home Minister, Pu R. Lalzirliana chuan Tst H/A MHIP Branch hnenah Silpauline 1 a pe a, hei hi Tst MHIP Branch in MHIP Day an lawm ni a a lokalin Rangva a pek chu tunkar Nilaini khan an zu bawhzui a, hemi rual hian Silpauline hi a lo pe tel nghal a ni. ORW THAR : K.R.T. Councelling & Drop-in Centre a thawk turin Outreach Worker atan Tv Laltanpuia, Keifang chu lak thar a ni a, Ni 5.7.2013(Fri) khan a hna hi a rawn zawm fel. HNATLANG : Tunkar Thawhtanni khan Tst H/A Branch YMA Committee member leh mi tlawmngaite Mitthi kuang siamin an hnatlang a, Kuang 4 an siam lawk hman. BLACK-TOP Seling Forest atanga Vengsang panna kawng chu kar kalta Thawhlehni(2.7.2013) atang khan Seling VC ten an thawk tan a. Ni 9.7.2013 atangin Black-topping hna thawh tan a ni. He kawng Blacktop tur hi metre 300 vel a ni.