Vous êtes sur la page 1sur 337

Said ZANOUN

Bururu yeḥya­d
yerna­d ɣef

Tiɣwist n Bururu

Asqamu Unnig n Timmuzɣa


2009
IBUDDAN

I Yani,
i yi­yessawlen JEDDI i tikkelt tamezwarut.

ASNEMMER

Youcef MERAHI
Hamid BILEK
Abdenour HADJ­SAID
Kamel CHIBANI
Smail ABDENBI
Ramdane ABDENBI
AVANT­PROPOS

C’était juste quelques années après l’indépendance,


j’avais 8 ou 10 ans et j’attendais, avec impatience que ma mère
allume la radio. Nous n’avions pas, à l’époque, de télévision, et
la radio était, avec les contes de ma grand­mère, notre seule
distraction. Ma grand­mère annoncçait : «C’est l’heure de
Bourourou !».
Bourourou, le hibou ou plutôt le chat­huant, je savais ce
que c’était pour l’avoir vu, alors que j’étais en Kabylie. Je savais
aussi que c’était un oiseau de mauvais augure et, comme tout le
monde, je craignais ses hululements, porteurs de malheurs.
Mais c’est à la radio, que j’ai appris que bourourou, était un
personnage, un monstre, suceur de sang. Je n’avais encore lu le
Dracula de Bram Stocker, mais déjà je découvrais la littérature
fantastique, et déjà je faisais la différence, dans le domaine des
récits que j’entendais, entre le surnaturel des contes de ma
grand­mère, et cette émission.
Certes, je ressentais aussi de la peur à l’évocation de
l’ogre et du serpent à sept têtes, mais j’étais rassuré qu’il
n’existait pas, et que ce n’était que des contes. Mais avec
Bourourou, le surnaturel intervient dans un monde réel (on
parle de voitures, de police, d’armes à feu) : le fantastique
devient une agression de la réalité, brisant des lois qu’on
croyait immuables. Cette agression du réel suscite les frissons
de la peur, mais des frissons délicieux, car le fantastique brise
la monotonie de la vie quotidienne, il introduit, dans le monde,
des êtres prodigieux, il réveille les peurs ancestrales, établit une
sorte de jeu avec l’invisible… Quand j’avais trop peur, on me
rassurait que ce n’était qu’un récit imaginaire et Bourourou
n’existe pas, mais il subsistait toujours un doute. Et si, le soir,
en m’endormant, le vampire venait me surprendre dans mon
sommeil ?
Dans mon imagination d’enfant, ce n’était pas
seulement le nom de Bourourou qui m’effrayait, il y avait
également le nom du producteur : Saïd Zanoun… Je me
figurais un autre personnage fantastique, les yeux rouges, les
doigts crochus, assoifé, comme son personnage, de sang.
J’avoue que cette image m’est revenue à la mémoire, quand,
plus de quarante après, j’ai rencontré Saïd Zanoun. Mais j’ai
vite découvert un homme charmant, et j’ai eu du mal à
m’imaginer qu’il a créé le personnage de Bourourou.
Le cinéma et la télévision ont rendu, aujourd’hui
familière, la notion de fantastique, et peu de gens, aujourd’hui
se rappelle de Bourourou, incontestablement la première
œuvre de la littérature fantastique kabyle, et sans doute
berbère. C’est pourquoi, il est plus qu’urgent de fixer par l’écrit
cette œuvre, qui pourrait inspirer les jeunes écrivains et
renouveler la thématique de la littérature d’expression berbère.

M.A. HADDADOU
Docteur en linguistique berbère,
Professeur.
PREFACE

HUMANISME

Voilà ce qui fait mal au cœur : les gens s’ennuient


beaucoup et s’entendent peu. A peine le sourire change­t­il la
mine de » la lèvre humaine que, tout d’un coup, le suspense
effraie l’autre lèvre et fait de l’être humain une victime.
Est­ce que la bête humaine de Zola ( Emile 1840­1902)
n’a pas intrigué la nature tout court et la nature humaine
Edgar Alain Poe, dans Histoire extraordinaire, que cellule que
porte le corps d’un être vivant. N’est­ce pas, pourtant
ordinaire ?
De 1935à 1980, Alfred Hitchcock (1899­1980), a su
exposer toutes les couleurs du suspense par le génie qui
sommeillait dans Une femme disparaît (1938), Sueurs froides
(1958), Psychose (1960) et beaucoup d’autres films
d’épouvante, Hitchcock a spiritualisé la peur pour expliquer les
deux pôles extrêmes qui hantent la réaction immédiate de
l’homme face à un déluge : la mort ou la fuite. Mais, souvent,
la première prend le dessus sur la seconde, car on ne peut fuir
la mort.
Dans Nouvelles pensées d’un biologiste, Jean Rostand
écrivait en 1947 que «ce n’est pas certes le monde naissant qui
me fait peur, mais quelquefois le visage de ceux qui
l’accouchent» car écrivait Jules Roy (1905) dans la bataille
dans la rizière, «il y a toujours quelques mauvaises herbes dans
nos rites et dans jardins ».
Ainsi s’exprime la pensée de Said Zanoun, enfant la
Redoute, auteur de Tabucidhant (le 8 mai 1945) et de plusieurs
œuvres diffusées à la radio algérienne (Radio kabyle).
L’attitude de Zanoun est celle qu’on peut tous épouses,
car elle nous incarne nos qualités et nos défauts.
Les hululements du hibou est jouée à la radio plusieurs
fois. Ecrites en 1959, cette œuvre réalise premier sursaut, d’un
auteur algérien dans l’action et la police judiciaire.
L’œuvre est d’emblée accueillie par un large public.
Vourourou n’est pas ce rapace nocturne, ni au sens propre ni
au sens figuré. Il est l’homme, en chair et en os, comme ce
Professeur de médecine, Sahari.
Le rejet est finalement le même. Il engendre le même
sentiment : l’intimidation. Il engendre la même réaction : la
vengeance.
Le rejet est finalement le même tribut par ses
conséquences que par sa lourdeur, que ce soit pour un homme
simple «Salem» que pour un intellectuel «Saâd Hari».
En fait, Zanoun égalise deux sociétés divergentes par
principe. La société ordinaire n’a pas une conception du
monde, mais celle de la vie. Elle restreinte. Par contre, l’élite,
l’autre société, à la fois une conception du monde celle de la vie
et l’essence de ces pôles, en réalité, qui n’en font qu’un seul.
Le rejet de Salem et de Sahari dans la première partie
relève d’une attitude inhumaine.
Le forfait prémédité viendra clore l’injustice pour
terroriser tous les coupables. La disparition du hibou est pour
Zanoun un appel pou au retour.
L’auteur est astucieux ! Le retour du Hibou émane de
l’attitude de Zanoun. Une attitude issue de la conscience
universelle. Un appel au salut est ainsi résumé dans la seconde
partie. Echec, mystère, mort… et autres facteurs constituent un
ensemble d’alibis non châtié. Mais pour réparer.
Le complexe des hommes conduit aux échecs. Pourquoi
avoir un sentiment inférieur ou supérieur devant
l’inextricable ? Ainsi le prestige meurt à la fin pour laisser le
mystère ne disparaît pas dans la nature qui l’a créé. Ecrite en
1964, la seconde partie vient au moment où nul ne s’attendait :
cinq années d’intervalle. Pendant ce laps de temps, on peut
oublier des faits, des noms, des lieux… ou alors s’oublier.
La mémoire fraîche de Zanoun veut sauver un
personnage martyrisé par la société. Mais, l’auteur veut dire
que même si l’homme voit le déluge, il ne fait que pousser le
bouchon, si ce dernier n’a aucun intérêt à y gagner.
Zanoun étire tous les caractères, tous les vices et toutes
les bêtises humaines pour incarner dans les personnalités
l’amour et la haine, le bien et le mal, le passif et l’agressif…
Multidimensionnelle, l’œuvre de Zanoun est
prédominée par les sciences médicales, humaines et juridiques.
Les bats instincts, la rusticité, la trahison, les inadvertances, la
mauvaise fois et le parasitisme sont véhiculés par une
expression théâtrale dramatique, en épousant les sciences sus­
citées à la science­ fiction.
C’est un mérite de traduire un grand auteur,
producteur, dramaturge qui a écrit dans notre langue
maternelle, tamazight.

Farid BELGACEM
Journaliste
RESUME

Le hululement de Vourourou
(Le hibou)
et
Le retour de Vourourou
(Suite)

Cette histoire sociale dramatique de science fiction,


traite de la confrontation permanente entre le mal et le bien,
un combat qui a commencé depuis la nuit des temps et qui se
terminera dans l’infini.
Le riche et brave Salem, dont le visage ressemble
étrangement à la face du Hibou, est excommunié, rejeté par
une société qui a l’esprit primitif et qui croit encore à la
malédiction colportée par la légende du cri nocturne de la
chouette, oiseau qu’on dit de «mauvaise augure».
Son épouse est la seule personne qui l’a profondément
aimé, au cours de la courte union de bonheur, elle l’a toujours
soutenu en lui donnant le courage de supporter le sarcasme des
autres.
Hélas, cette continuelle lune de miel, va être
interrompue, la merveilleuse épouse va mourir d’une grave et
longue maladie, en laissant une jolie petite fille issue de leur
grand amour.
Des années passent. Sous l’impulsion de Samira,
maintenant adolescente, adorant son père, ne voulant plus le
voir continuer à vivre en solitaire. Salem se remariât avec
Meriem, femme d’une extraordinaire beauté, mais de petite
vertu qu’il a tirée du ruisseau de la mauvaise vie. Meriem
n’aimait pas Salem, elle n’a accepté de l’épouser que pour son
argent, mais par la suite, elle ne pouvait plus supporter les
quolibets de certaines personnes mal intentionnées, qui l’ont
surnommée « la chouette », la femelle du « Hibou », faisant
ainsi allusion à son époux qui n’a pas été bien conçu par la
nature.
Meriem, personne narcissique, amoureuse d’elle­même, n’a
pas pu s’empêcher de crier la déception de son mariage à son
époux.
De dépit, consumé par le désespoir, Salem, décide de se
suicider dans un cimetière. A minuit, il commença a creuser sa
propre tombe…
Un deuxième personnage, souffrant du même rejet,
mais cette fois­ci du côté psychologique fera son entrée dans
cette macabre histoire, c’est le Professeur Sahari, éminent
savant dans la recherche médicale.
Le Professeur Sahari, ce grand chercheur qui s’est
investit corps et âme dans la recherche du bien être de
l’Homme, de jalousie, est accusé par ses collègues de folie
scientifique et les médias, d’ignorance de l’avant­garde du
progrès.
Salem et Sahari, ces deux hommes excommuniés par
leurs semblables, décident alors de s’unir pour se venger.
Cette force du mal va ensanglanter une population qui
n’a pas compris qu’elle est en partie coupable d’avoir provoqué
l’irréparable.
­I­

TIƔWIST N BURURU
Tiɣwist n Bururu

Asayes 1

Salem
(Ttnaṣfa n yiḍ deg tmeqbert Salem yeɣɣaz aẓekka. I yiman­is)
Qrib, qrib ! Ad fakeɣ aɣizi n uẓekka­agi ideg ara ttwaneṭleɣ
(Nnhati). Sliɣ ttmeslayen medden ɣef lmeyytin i d­yettakin u
leḥḥun deg yiḍ… Ur umineɣ ara ad yili d tidet !... Ayagi d
lekdeb !... (Tiyitiwin n ugelzim) Aql­iyi s ufella n wakal i sen­
yuɣalen d ssqef nsen… Tili atan ukin­d si lḥess n ugelzim­agi
iss la d­ssedhareɣ tawwurt ara yi­yessiwḍen ɣur­sen… Ur d­
mazal ara aṭas akken ad iliɣ gar­asen… Ad uɣaleɣ am nitni. Ad
gganeɣ deg wass, ad d­ttnekkareɣ deg yiḍ (Taḍsa, tiɣwist n
tmiɛruft) Wagi d asiwel n tmiɛruft... La tessawal i lmut...
Lmut ? La tt­ttraǧuɣ… Anɛam, ih… uqqmeɣ yid­s timlilit dagi
akken ad nemyussan, ad d­dduɣ yid­s... (Tikli lebɛid) Waqila d
nettat... Selleɣ i lḥess n tikli­s... La d­tleḥḥu… La d­tleḥḥu… La
d­tettqerrib… Di ṭṭlam, ur tt­walaɣ ara… Lameɛna, lḥess­is
atan zdat­i kan… (Tikli teḥbes).

Saḥari
D acu akka i la txeddmeḍ dagi, di tmeqbert ttnaṣfa n yiḍ ?

Salem
(Yewhem) Ah ? Anwa akka kečč ? D lmut ?

Saḥari
Ayɣer ? D lmut i la tettraǧuḍ ?

Salem
Anɛam, ih ! D lmut i la ttraǧuɣ. Lameɛna, ma mazal ad tɛeṭṭel
ur d­tettaweḍ ara, aql­i wwiɣ­d yid­i tameẓyant iss ara ad tas
bessif fell­as. Atan wuǧbeɣ­k­in ! Ini­yi­d tura kečč, d acu­k ?
Imi tesɛiḍ lkuraǧ tquzmeḍ timeqbert tkecmeḍ­d ɣur­s lweqt­
agi.

Saḥari
Nekk ? Nekk d aɛessas n umkan­agi.

­ 18 ­
Tiɣwist n Bururu

Salem
D aɛessas n tmeqbert !... Ihi ɣas kkes ttexmam d iɣilifen i
yiman­ik. Mačči d takerḍa wuɣur i d­qesdeɣ ad akreɣ
lmeyytin... D timerna i bɣiɣ ad rnuɣ ɣur­sen akken ad rtiḥeɣ
seg yimdanen n ddunit­agi i yi­iɣunfan ad ɛiceɣ gar­asen.

Saḥari
D acu n ssebba yellan armi imdanen­agi i la d­teqqareḍ
ggumman ad tkemleḍ tamɛict yid­sen ?

Salem
Ssebba ?... D ṣṣifa­w ! D ṣṣifa n Bururu i d­ṣenɛent deg­i
lmalayekkat. La yi­yettaggaden, la yi­ttkukrun, la yi­ɛezzlen
am yir lḥila iṣedden (Tiɣwist n tmiɛruft ) Tesliḍ i yisuɣan­agi n
tmiɛruft ?! Ɣur medden, nekk yid­s ur nemxallaf ara, d
atmaten.

Saḥari
Ayɣer ur tneqqeḍ ara iman­ik anda nniḍen ? Ayɣer akka di
tmeqbert, ttnaṣfa n yiḍ i textareḍ ?

Salem
Akka ula d yiwen ur yettawi lemziyya, ad iyi­iɣez tanṭelt ara
yi­yeṣṣren i lebda. Ula d yiwen ur yettkukru ad yenṭel win
icuban di Bururu yessfriwisen merra lɣaci.

Saḥari
(Yettxemmim) Bururu !... Bururu !...

Salem
Ruḥ tura fell­i ay aɛessas n tmeqbert ! Tixxer zdat­i... Eǧǧ­iyi,
eǧǧ­iyi ad kemmleɣ aɣizi, ccɣel aneggaru. (Tiyitiwin n
ugelzim, yeḥbes). Mazal­ik tbddeḍ zdat­i ? (Tiyitiwin n
ugelzim, yeḥbes) Ayɣer mazal urɛad truḥeḍ ? Ayɣer i la yi­d­
tettmuquleḍ akka ? (Tasusmi). Allen­ik la ceɛɛlent, werǧin d­
mlaleɣ amdan yesɛan allen akka am kečč (Yemlelli) D acu i yi­
yuɣen ? La ttḥulfuɣ i tmedlin n wallen­iw ẓẓayit... Aqerruy­iw
la yettemlelli... Berka ! Berka ! Dayen, ur iyi­d­ttmuqul ara
­ 19 ­
Tiɣwist n Bururu

akken !... Allen­ik la ttimɣurent am tmedwin... Nniɣ­ak berka !


Ur iyi­d­ttmuqul ara (Yenzeɣ) ad s­tiniḍ s wallen n umerḥum
iss la yi­d­tettmuquleḍ (Rrɛud) Allen n lmeyyet... Allen n
lmeyyet… D acu­tent wallen­agi ? D acu­tt tmuɣli­agi ?

Saḥari
(Yettarra­d ṣṣut) Isem­ik ?… Isem­ik ?... Bɣiɣ ad issineɣ isem­
ik !...

Salem
(Yenzeɣ) Isem­iw ? Salem… Salem… Allen­ik la ssewḥacent…

Saḥari
Akken allaɣ­iw ad k­yissin s ttbut, ad yissin lbaḍnat yeṣṣren.

Salem
Allen­ik ?... Allaɣ­ik ?...

Saḥari
Anɛam ih... Qbel ad iyi­tissineḍ, ad teḥṣuḍ d acu­yi, ilaq ad k­
issineɣ, ad d­awiɣ ttbut fell­ak akken ad k­mmleɣ lbaḍna inu...
Ad d­ɣreɣ deg wallen­ik... Ad iyi­d­temmeslayeḍ ɣef ssebba n
tidet, acuɣer i tebɣiḍ, iḍ­agi, ad tenɣeḍ iman­ik di tmeqbert gar
lmeyytin ?

Salem
(Yenzeɣ) Aqerruy­iw la yettemlelli... Tafekka teḍleq… La d­
yettqerrib ɣur­i… Tura ad ɣliɣ di temda n wallen­is… Allen­
is... Allen­is…

Saḥari
(Taɣect tazurant) Salem !... Salem !... Tura ad k­issineɣ... A k­
issineɣ... Ad ẓreɣ lbaḍna­k... Ma yella ufiɣ ayen iɣef ttnadiɣ
acḥal aya, imir­nni nekk yid­k ad nuɣal d afus ayeffus n
qebbaḍ lerwaḥ... D afus n lmut. (Rrɛud).

­ 20 ­
Tiɣwist n Bururu

Asayes 2
Salem
Qbel ad truḥeḍ a Samira a yelli, muqel s ttbut ma ur tettuḍ ara
kra.

Samira
(Yettembiwil) Ur cukkeɣ ara ad yili wayen ara ttuɣ a baba, yuɣ
lḥal sweǧdeɣ kullec ɣef zik.

Salem
A baba aḥnini ! Werɛad d­ttfakeɣ awal, kemm ad d­terreḍ
lǧawab ! Efk i yiman­im lweqt i uxemmem ! Arǧu ad kem­
ɛiwneɣ... Aha ! Aha ! D acu tuqmeḍ di tbalizt­agi tazeggaɣt ?

Samira
(Taḍsa) D kra kan iceṭṭiḍen irqaqen i ḥwaǧeɣ (Taḍsa).

Salem
D lxir kan ! D acu­tt ssebba n uskeɛkeɛ­agi n teḍsa ?

Meryem
(Tusem) La tettaḍsa fell­ak a Salem imi tettḥebbireḍ fell­as.

Salem
Maɛlum ad tt­agareɣ iḥebbiren, d nekk i d baba­s ! Nettat
meẓẓiyet, mazal aqerruy­is yettferfir. Amek, ad truḥ ad tbeddel
tamurt akken ad tkemmel leqraya­s di temdint tameqqrant, ad
teqqim ur tettawi ayen akk i tt­ilezmen ?

Meryem
Ayagi d tidet, tesɛiḍ lḥeqq, ilaq d­kečč kan ara s­ixemmen !
Anwa nniḍen ara s­iḥebbren menɣir baba­s ɛzizen fell­as ?

Samira
(Tettusu, tessetḥa) Ihi tabalizt­agi ččureɣ­tt d iceṭṭiḍen ara
ḥwiǧeɣ. Ma yella ayen ara yi­ixaṣṣen ad t­id­aɣeɣ dinna mi ara
awḍeɣ. Tabalizt­agi tamecṭuḥt deg­s tiktabin n leqraya n

­ 21 ­
Tiɣwist n Bururu

tussna n ṭṭebb s wayes ara bduɣ leqraya ɣef lehlakat yeɛnan


tulawin ; la génycologie.
Meryem
(S lmeɛna) Ṣṣenɛa­agi n udawi, i yirgazen i wumi tlaq mačči i
tlawin, amkan nsent deg uxxam.

Salem
(I yelli­s) I tbalizt­agi tawraɣt d acu i yellan deg­s ?

Samira
D kra n dduwzan kan irqaqen a baba.

Salem
(Yettusu, yessetḥa) Waqila ur tettuḍ ula d kra.

Meryem
(S uskeɛrer) Ḥqa ḥqa ad teqqleḍ d taṭbibet, ala ayen d­
tesnulfaḍ kemmini weḥd­m.

Salem
(Tezɛef) Ayɣer ; di leɛmer­im ur teẓriḍ tameṭṭut d taṭbibet ? D
lqabla ? D tacixet ? D tbugaṭut ? Ah ? Ini­yi­d di leɛmer­im ur
tesliḍ s waya ?

Meryem
(Tezɛef) Buuh ! Anda ara sleɣ ? Anda ara sleɣ ?

Salem
Anda ara tesleḍ ! Anda sellen akk lfahmin, ayen yelhan, ayen
imeɛnen, ayen yessefraḥen, ayen irennun tiẓet deg wulawen
gar iɛeggalen imi kemm s walluɣ iluɣ wul­im ur tettafeḍ ara
ayen ara d­terreḍ d lǧawab, ur tebɣiḍ ara ad sɛuɣ taṭbibet di
twacult­iw.

Meryem
Teččiḍ­iyi­d seg wudem am tmess ! Nniɣ­d yiwen umeslay
kečč tebniḍ­as­d llsas n umennuɣ.

­ 22 ­
Tiɣwist n Bururu

Salem
(Yezɛef) Tenniḍ­d yiwen umeslay, d tidet ! Lameɛna d ameslay
n tismin !

Samira
(Tettḥellil) Dayen a baba, di leɛnaya­k beddel­aɣ awal nniḍen.

Meryem
Nekk aql­iyi ssusmeɣ... D baba­m kan i la yeẓẓaden deg wawal
am tsirt.

Salem
Ad d­tebru i wawal am lbumba ad yeṭṭerḍeq ad yeṣṣeɛṣeɛ, u
ssyin ad d­tini aql­i ssusmeɣ.

Meryem
Arǧu tura ad kkreɣ ur ttɣimiɣ ara dagi zdat­wen ! Ad ruḥeɣ ɣer
texxamt­iw.

Salem
Ilaq­am udawi ! Ul­im yeḥwaǧ acucef s tament n leḥnana,
yumes aṭas terẓeg.

Samira
Di leɛnaya­k a baba ur tt­ttɛanad ara.

Salem
D leɛaqel ixeṣren i tesɛa ! D leɛqel yexḍan leqder n tmeṭṭut n
uxxam yessnen d acu i yesdukulen tawacult deg yiwen yidikel
n ufus. Tuḍen tisselbi, ladɣa tameṭṭut yettasmen si terbibt­is, d
acu i mazal ?

Samira
Ulac aɣilif a baba, ad tuɣal ad iyi­tḥemmel, ssya ɣer zdat ad
tettu terẓeg izedɣen ul­is ulawen­agi la ttbeddilen s lweqt, d
netta i la ten­yesseḥluyen

­ 23 ­
Tiɣwist n Bururu

Salem
Wehmeɣ deg wul­agi i tesɛiḍ a Samira a yelli… La tettɣummuḍ
tismin d lbeɣḍ i la­d­yeṭṭaharen fell­as am tafat n uzal.

Samira
Ad teẓreḍ tura a baba mi akka ara ruḥeɣ, ad s­tixxreɣ gar
wallen­is, ad tuɣal ad iyi­tcedhi mi ara teqqim weḥd­s ulac­iyi
zdat­s, ad tt­yekcem lweḥc imi twulef ttiliɣ yid­s.

Salem
Ɣas kkes aɣbel i wul­im, lweḥc ad iyi­t­id­teǧǧeḍ i nekk weḥd­i
a Samira a yelli. Lakin ɛemmdeɣ akk ayagi imi d tussna n ṭṭebb
ara tkemmleḍ di lɣerba, di temdint tameqqrant (Nnhati), asmi
ara d­teqqleḍ d taṭbibet, ad am­d­heggiɣ amkan n udawi dagi
ɣur­neɣ... Ad am­d­aɣeɣ...

Samira
(Yeḍsa) Teǧǧefǧifeḍ u wassen melmi ara d­yaweḍ a baba
(Tɛenneq­it, tessuden­it).

Salem
Arǧu a yelli ur iyi­xenneq ara. Ad am­d­aɣeɣ talwiḥt n nnḥas
ara rreɣ ɣef tewwurt i wakken kra n win ara d­iɛeddin zdat­s
ad iɣer Docteur Samira Salem, u nekk anda ɛeddaɣ ad as­inin
wagi d baba­s… (Nnhati) Ula d yemma­m ad fell­as yeɛfu
Rebbi, ad tefreḥ deg uẓekka­s… (Yeḥzen) Ad iyi­d­teǧǧeḍ
lweḥc d ameqqran a yelli, dagi tthaben­iyi merra medden, d
ssɛaya i sɛiɣ seg yimawlan i ten­id­yezzuɣuren ɣur­i, ur sɛiɣ
ula d yiwen d aḥbib n tidet. Yiwen ur ileḥḥu yid­i neɣ ad iyi­d­
iqerreb imi udem­iw yettwaṣṣneɛ­d d ṣṣifa yecban di Bururu,
kra n win i yi­d­yettmuqulen yettkukru, iɛudd ssfilliteɣ i tebrek
n wussan.

Samira
Win ara irewlen zdat­k a baba, armi yejhel ! Yekkes laman d
rreḥma seg wul­is, ixuṣṣ leɛqel d lefhama, mačči di ṣṣifa­k ideg
ara smuzguten, d ul­ik zeddigen ur nluɣ ara i ilaq ad ḥulfun u
ad t­issinen.
­ 24 ­
Tiɣwist n Bururu

Salem
Lameɛna mačči d ul­iw i la d­yeṭṭaḥaren, da ṣṣifa­w. (Ibeddel
awal) Acḥal akka tura tassaɛet ?... Waqila qrib ad iruḥ fall­am
lweqt... Iiiiii... Attan d tlata n tmeddit ! Aha, yya ad kem­ɛiwneɣ
ad refdeɣ yid­m tibalizin­agi ɣer ṭumubil.

Samira
(Teḥzen) Baba meskin, yetɣebben armi d ayen kan…
Yeɣɣemɣem am usigna imi ur ɛad yemlal d win ara s­yefken
ul­is s tezdeg d leḥnana yuklal.

Salem
Aha a Samira a yelli, zwir lḥu s agaraj.

Samira
Yirbeḥ a baba ruḥ zwir tura kečč ad k­in­qeḍɛeɣ, ad ruḥeɣ ad
s­d­sseggriɣ sslam i yemma Meryem.

Salem
Yerna mazal tessawaleḍ­as yemma, ihi aql­i zwareɣ ur ttɛeṭṭil
ara.

Samira
(I yiman­is) Akka meqqar ur as­teqqar ara ruḥeɣ ul­iw iɣull­
itt (I Meryem) Yemma Meryem! Ihi aql­iyi ad ruḥeɣ.

Meryem
Ruḥ di sslama n Rebbi a Samira (Msalament).

Samira
Bɣiɣ ad am­d­iniɣ...

Meryem
D acu akka ara d­tiniḍ ? D ayen kfant tmenna (Zzhir n
ṭumubil) Ttɣawal ! Ttɣawal ! Atan baba­m la m­d­yessawal s
zzhir n ṭumubil belli yewweḍ lweqt ad tsahleḍ.

­ 25 ­
Tiɣwist n Bururu

Samira
Ihi dayen ad ruḥeɣ (Tikli, zzhir n ṭumubil).

Salem
Lemmer ur d­tesliḍ ara i zzhir n umutur n ṭumubil tili mazal­
ikem yid­s !?

Samira
Atan twalaḍ ur nɛeṭṭleɣ ara a baba.

Salem
Aha aha rkeb ad tnehreḍ ad truḥeḍ, lweqt atan la yettazzal.

Samira
Aql­i, aql­i a ba awi­d tura ad sellmeɣ fell­ak (Msalamen).

Salem
(S tnexsas) Ḥrec kan ! Uɣal d taṭbibet tameqqrant, aha tura
sfeḍ allen­im atan la tmucɛalent seg yimeṭṭawen. Ḥader ad ten­
id­truḍ.

Samira
(Teḥzen) Baba... Baba...

Salem
Ccet ! Ur d­rennu­ara ula d yiwen wawal ! Err kan ddhen­im
ɣer leqraya ! Ttaru­yi­d... Ruḥ tura a yelli ruḥ (Tqelleɛ ṭumubil,
tasusmi) La s­qqareɣ allen­im la ttmucɛalent seg yimeṭṭawen u
nekk grib i yi­d­ɣlin zda­s armi ur la ttwaliɣ ara seg
yimeṭṭawen i d­yeččuren allen­iw (Nnhati) Asmi ar d­teqqleḍ a
Samira a yelli, ur cukkeɣ ara ad iyi­d­tafeḍ, ur zmireɣ ara ad
rnuɣ ad ṣebreɣ ad kemmleɣ akka ad ttwargameɣ s ṣṣifa­w i
yesserwalen fell­i akk wid ssarameɣ ad sɛuɣ d leḥbab imi
cubaɣ di ṣṣifa n Bururu i sen­yeqqlen d zzerb aweḥci.

­ 26 ­
Tiɣwist n Bururu

Asayes 3

Saḥari
(Nnhati) Bdiɣ tura a Salem la ttissineɣ lbaḍna­k... Samira…
Samira… La ttwaliɣ ɛzizet fell­ak.

Salem
Ḥala Samira yelli i la yi­d­yettmuqulen s wul­is mačči s
wallen­is… Ḥṣiɣ asmi ara d­teqqel ad iyi­d­taf ɣabeɣ... ṣufreɣ...
sbeɛdeɣ... mmuteɣ ad tendef deg wul­is... ad tejreḥ di tasa­s…
lameɛna ur iyi­yefki ara wul­iw ad rnuɣ tamɛict di ddunit­agi
anda imdanen­is ttemxerwaɛen zdat n ṣṣifa­w, rewwlen fell­i,
huban­iyi, ɣunfan­iyi imi ur cubaɣ ara deg­sen.

Saḥari
Yelli­k Samira, tḥebbreḍ­as amek ara tekemmel tamɛict imi
akka tebɣiḍ ad tenɣeḍ iman­ik ?

Salem
Ḥebbreɣ­as... nekk werteɣ­d seg yimawlan, aql­i d asaɛi
ameqqran… akk ayen kesbeɣ serseɣ­t ɣef yisem­is… ɣef
yisem­is (Yenuddem) Fecleɣ... fecleɣ… ɛyiɣ… aqerruy­iw…

Saḥari
I Meryem ? Tameṭṭut­ik… D acu i s­d­teǧǧiḍ ?

Salem
Meryem… Meryem…

Saḥari
Meryem, d acu ara tewret ?

Salem
D acu ara tewret ? (Taḍsa) Ad s­d­ǧǧeɣ...(Taḍsa).

­ 27 ­
Tiɣwist n Bururu

Asayes 4

Meryem
Ur fhimeɣ ara ! Ayɣer akka allen­ik d lebda reṣṣant deg­i !
Beddleɣ ?

Salem
(Yethedden) D tawenza­m, ctaqeɣ ad kem­waliɣ tecmumḥeḍ...
Ula d kemm am wiyaḍ, nutni rewwlen fell­i, kemm d allen­im
i tesserwaleḍ ɣef wudem­iw.

Meryem
Mačči d lɣerḍ­iw, ṣṣifa­k la tessewḥac ! Mi ara d­zgent wallen­
iw deg wudem­ik ttḥussuɣ i tidi tettazzal ɣef uksum­iw ad s­
tiniḍ d daɛwessu i la yi­yettraǧun.

Salem
Ussan­nni imezwura, asmi i tqebleḍ tzewǧeḍ yid­i mačči akka i
telliḍ.

Meryem
(Tɛeggeḍ) Beddleɣ ! Ula d nekk tura rewwlent fell­i tlawin imi
d kečč i d argaz­iw !

Salem
Ihi ɣef lǧal­iw yettwaɣ zzher­im ?

Meryem
Ih ! Ih ! (Tezɛef) Ɣef lǧal­i­k ! Ɣef lǧal­ik ! Acḥal ɛyiɣ nekk
tṣebbireɣ deg yiman­iw belli ilaq­iyi ad ak­ṣebreɣ imi di tidet
qebleɣ zewǧeɣ yid­k ɣef ssɛaya­inek i waken ad d­ssifrireɣ
iman­iw si lḥif n ddunit (Tendem) Heu Heu mačči… D aya i
bɣiɣ ad d­iniɣ… Bɣiɣ ad iniɣ...

Salem
D acu akka i la d­teqqareḍ ? Tuɣeḍ­iyi d zzwaǧ­im ɣef ssɛaya­
w?

­ 28 ­
Tiɣwist n Bururu

Meryem
(Tezɛef) Akka ! Zewǧeɣ yid­k ɣef ssɛaya­k, ih, ih, ih, ɣef
ssɛaya­k !

Salem
D wagi i d lxir ara yi­d­terreḍ a Meryem ? Nekk i kem­id­
yesnesren seg yir azniq ideg tweqɛeḍ, rriɣ­kem d zzwaǧ­iw n
leḥlal, fkiɣ­am isem­iw, ass­agi la yi­d­teqqareḍ lehdur yecban
wigi.

Meryem
Lemmer i yi­teǧǧiḍ anda i yi­d­tufiḍ axir ! Ass­agi nedmeɣ !
Nedmeɣ ! Mačči d kečč s yiman­ik i bɣiɣ ad tiliḍ d argaz­iw !
(Yestehza yis­s) Kečč aql­ak am lweḥc ! D lweḥc ! D lweḥc !
Ṣṣifa n Bururu ! Nekk i izewǧen yid­k d tidderwect i ddrewceɣ
! Lalla­k tsawamen yirgazen s leknuz... Ɣer taggara­w uɣeɣ win
i k­yecban ! Uɣeɣ ṣṣifa n Bururu ! (S tnexsas) Lameɛna ass­
agi… ass­agi…

Salem
Kemmel awal­im ur ḥebbes ara, lameɛna amek ass­agi…?

Meryem
Lameɛna ass­agi ggriɣ­d di nndama, di nndama tameqqrant !
ula d yiwen ur d­ineṭṭeq ɣur­i neɣ ad d­yaẓ anda lliɣ,
sserwalen iman­nsen fell­i am ikerri ɣef wuccen, qqleɣ d
lweḥc, d waɣzen ! (Tettru) Ula d isem­iw n tmeṭṭut beddlen­
iyi­t… La yi­sawalen timiɛruft, tameṭṭut n Bururu.

Asayes 5

Salem
(Yeɛya) Ayen i yi d­mazal d lkuraj Meryem tessefsi­t…
Tessefrari­yi­d tidet, d rreẓq­iw i tt­id­yessegrarben armi
tezweǧ yid­i… Teqbel­iyi s ṣṣifa n Bururu (Nnhati) Ihi deg yiḍ
medden akk ṭṭsen… Ddmeɣ­d agelzim d telwaḥt, ɛemmreɣ
rrṣaṣ i tmeẓyant, ruḥeɣ­d s ṭumubil ɣer tmeqbert­agi, i wakken
­ 29 ­
Tiɣwist n Bururu

ad ɣzeɣ amruj ideg ara kfun wussan n tudert­iw… di ddunit­


agi i yi­iɣunfan.

Saḥari
(Taḍsa) Bururu...! Bururu !…

Salem
Ayɣer akka i la tetsaḍsaḍ ?

Saḥari
La tsaḍsaɣ si lferḥ a Salem, si lferḥ... Aṭas ayagi i la ttraǧuɣ
taswiɛt n wass­agi… Anɛam ! Tiwkilin n lɛilm qeblent asirem­
iw, qeblent­iyi, uɣent­iyi awal imi k­id­ssawḍen ɣur­i (Taḍsa).

Salem
Imi i yi­d­ssawḍen ɣur­k ? Anwa ? Nekk ?

Saḥari
Anɛam ih kečč ! Tura ad k­d­mleɣ tidet fell­i. Uqbel ad qqleɣ d
aɛessas n tmeqbert­agi, lliɣ d lɛalem, d amusnaw, Professeur n
tussna n ṭṭebb, ttwassneɣ, ttɛuzzun­iyi am wid sseɣreɣ am wid
ttdawiɣ armi d­yewweḍ yiwen lweqt (Yeḥzen) yuɣ lḥal aṭas n
yiseggasen i la qeddceɣ deg unadi ɣef yiwet n lḥirfa n usnulfu
tajdidt n tussna n udawi, deg yiwen laboratoire i bniɣ s
ddemma, asmi d­mmeslayeɣ fell­as deg yiwet n temlilit n
yimusnawen n ṭṭebb, ass­nni aṭas imesǧernanen i d­yusan
ḥedren ula d wid n lberrani ṭṭuqten, lḥirfa­nni ur uminen ara
yis­s, akehhen d usmeɛlek icɛel­d deg wudmawen­nsen.

Salem
D acu­tt lḥirfa­agi ?

Saḥari
Lḥirfa n ubeddel n yidammen i ileḥḥun deg yiẓuran n
bunadem s wid ileḥḥun deg yiẓuran n lhayca.

Salem
(Yewhem) Amek ? S yidammen n lhayca ?
­ 30 ­
Tiɣwist n Bururu

Saḥari
Anɛam ihi a Salem, s yidammen n lhayca. Lameɛna kečč ur iyi­
tefhimeḍ ara, nutni d lɛulama ssnen, ad fehmen, ḥsan mi ara
nuqqem afeqqer i walbaɛḍ imuḍan, kra n tikkal nettxiḍi­ten s
yiẓerma n umcic, aṭas di ddwawi i yettwaxedmen s lehwayec,
xemmeɣ ɣef ubeddel n yidammen, ufiɣ bunadem yesɛa aṭas n
lehlakat ikeccmen deg yidammen­is, nniɣ­asen ad njerreb
idammen n lhayca feqɛen, rfan, rran­iyi d ameslub, la qqaren
d lmuḥal ad yili wayagi, yiwen ur yezmir ad yamen ad lḥun
yidammen n lhayca deg yiẓuran­is. Ɛerḍeɣ ad sen­sfehmeɣ
belli s yidammen­agi, bunadem ur yettaḍen ara am akken
yennum yettaḍen s yidammen­is netta. La yi­d­ttxeẓẓiren
merra s yir tamuɣli am akken ssenqaden win yeffeɣ leɛqel
(Yezɛef) Ffɣeɣ­d si temlilit­nni, ṣubbeɣ aqerruy­iw zdat­sen,
ḥulfaɣ ihubb­d fell­i udrar, azekka­nni, iǧernanen kemmlen
ayen ixuṣṣen, ggriɣ­d weḥd­i akka am kečč. Walaɣ ur iyi­d­
mazal ara tiɣimit gar­asen, rewleɣ sbeɛdeɣ seg wanda lliɣ,
ṣṣreɣ iman­iw dagi, ɛaceɣ s tuffra, s lḥirfa n uɛessas n
tmeqbert… Ayagi alamma… Alamma d asmi… Armi d ass­a.

Asayes 6

Salem
Taqsiṭ­ik akked teqsiṭ­iw ttemcabint ulac deg­sent lxilaf,
lameɛna kečč textareḍ tbeddleḍ tamurt, teffreḍ lḥirfa­k s tayeḍ,
tesɛerqeḍ isem­ik. tesdergeḍ imani­k ɣef wid yekksen laman di
tussna­k… Ma d nekk d lmut kan ara yi­yeṣṣren... Ruḥ tura,
tixxer­iyi, eǧǧ­iyi ad kemmleɣ ccɣel­iw aneggaru.

Saḥari
Ala ! Ur k­ttaǧǧaɣ ara ! Tura ccɣel­ik yeqqel d ccɣel­neɣ di sin
a Salem.

Salem
Di sin ? Amek akka di sin ?

­ 31 ­
Tiɣwist n Bururu

Saḥari
Ih di sin ! Ad d­nerr ttar seg wid i ɣ­yesrewlen, i ɣ­d­iḍeggren
sɣur­sen ! Ɣunfan­aɣ ! (Taḍsa) Nekk rran­iyi d ameslub ! Kečč
rran­k d lweḥc (Yezɛef) Ala ! Ala ! Ayagi ur d­yettili ara, mačči
d nukni ara ixellṣen ! (Tiɣwist n tmiɛruft, lebɛid) Bururu !...
Bururu !... Kečč d nekk ad neqqel d afus n lmut ! N lmut…
(Taḍsa).

Salem
Waqila tesɛiḍ lḥeqq. Ula d nekk ad d­rreɣ ttar deg­sen, ddzen
ul­iw, yeqqel d azemzi n wasif, yal taɣawsa ttawin­tt waman
fell­as, bɣiɣ ad d­ɣermeɣ ttar­iw deg­sen, d imcumen, ur
ḥulfaɣ ara i lemɣiḍat, ilaq ad mmten, lameɛna amek ? Mel­iyi­
d tura amek ara d­nerr ttar­agi ?

Saḥari
Amek ?.D ayen isehlen… Rgel tura amruj­agi i teɣzeḍ, imiren
yya­n ad k­d­mleɣ tameqbert tajdidt, d tameqbert anda
yettwanṭel lmeyyet ajdid ara d­nessekfel.

Salem
Lmeyyet ajdit ara d­nessekfel ? Ayɣer ? D acu akka ara nexdem
yis­s?

Saḥari
Tura ad tfehmeḍ, sel­d. Lmeyyet ara d nessekfel ad s­nessels
iceṭṭiḍen­ik, ad nuqqem akk tiɣawsiwin ara k­id­yesneɛten
zdaxel n lǧib­ik, am tsaɛet, tixutam ara ixellḍen akk wid ara t­
id­yafen i wakken ad ɛudden belli d kečč.

Salem
Yeɛni tebɣiḍ ad d­tiniḍ beli ad ɛudden medden mmuteɣ ?

Saḥari
Ih, temmuteḍ.

Salem
Tettuḍ, ṣṣifa­w.
­ 32 ­
Tiɣwist n Bururu

Saḥari
Ala ! Ur ttuɣ ara ṣṣifa­k a Salem. Lmeyyet, ad t­awiɣ zdaxel n
ṭumubil­ik, ad tt­ḍeggreɣ deg walbaɛḍ n yicerfan ssneɣ ur
nebɛid ara ssyagi. Ad ceɛleɣ deg­s timess. Nettat akk d wayen
akk yellan zdaxel ad rɣen am tebeḥnuqt idehnen s zzit, liṣans
yellan deg umutur ad ikemmel ayen i d­mazal.

Salem
Mi ara muqlen nnumru n ṭumubil, ad afen lmeyyet­nni yerɣa
am tirgit, ad s­inin d nekk… D lfikra yelhan… Ihi ttɣawal,
ssenɛet­iyi­d lmeyyet­agi ara d­nessekfel ? Anda tella tmeqbert
anda yenṭel ?

Saḥari
Yirbeḥ (Taḍsa) Rwaḥ, ddu­d yid­i… Tura ad k­tt­id­sneɛteɣ.
Lḥun… Lḥun… Bururu… Bururu…

Asayes 7

Zzhir n ṭumubil tleḥḥu.

Ɛmara
(Yeɛḍes, i yiman­is) D acu­t akka yakk lɣaci­inna zdat­neɣ ?...
La ttwaliɣ d ibulisen ayagi… Ula d lambulans attan ɣef rrif n
ubrid… Ad yili d albaɛḍ n laksidat i yeḍran... Ussan­agi
qqwant laksidat... Ggumman ad rren aḍar... Qrib ad aweḍ ɣur­
sen… (Ṭumubil teḥbes, yessawel) Ɛaziz...! Ɛaziz !

Ɛaziz
Anwa wagi i la yi­d­yessawalen ?

Ɛmara
Waqila ur iyi­d­teɛqileḍ ara ? (Yeɛḍes).

Ɛaziz
(Yedhec) Aa ! D kečč ayagi a si Ɛmara ! Ur k­ɛqileɣ ara,
aqerruy­ik yedreq zdaxel n ṭumubil­agi, mačči inek, d tajdidt.
­ 33 ­
Tiɣwist n Bururu

Ɛmara
Tettban d tajdidt nettat d taqdimt lameɛna mazal­itt telha,
beddleɣ­tt­id, tinna inu teɛya (Yers­d) D acu­t akka yeḍran
dagi ?

Ɛaziz
D yiwet n ṭumubil i yegrarben deg uḥecraruf­agi, tecɛel deg­s
tmess, terɣa am nettat am win i tt­inehren.

Ɛmara
I Buzid anda akka yela ? D acu i la ixeddem ?

Ɛaziz
Atan yelha­d akk d win i ɣ­d­yessawlen ɣef laksida­agi, yya­n
ad k­ssiwḍeɣ ɣur­s.

Ɛmara
Lḥu­n, zwir (Leḥḥun).

Ɛaziz
Atan iwala­k­id a si Ɛmara, la d­ileḥḥu ɣer­neɣ (Ḥebsen).

Buzid
kumiṣar Ɛmara !

Ɛmara
(Yeɛḍes) Aql­iyi deg waggur­iw n usteɛfu a Buzid… Ur iyi­d­
ssawal ara kumiṣar d kečč tura i yeṭṭfen amkan­iw. Ɣef wayen
akka i la ttwaliɣ aql­aken tceɣlem. Anda akka yella wagi umi
teḍra laksida­agi ?

Buzid
Atan zdaxel n l’ambulence, yya­n ma tebɣiḍ ad t­teẓreḍ.

Ɛmara
Aql­iyi­n (Lḥan, ḥebsen).

­ 34 ­
Tiɣwist n Bururu

Buzid
Qerreb­d akka a si Ɛmara (Yeldi tawwurt) Muqel tura d acu i
d­yeǧǧa deg­s tmess.

Ɛmara
(Yeɛḍes) La ttwaliɣ ur d­teǧǧi ara ayen ara yettwaɛeqlen di
ṣṣifa­s.

Buzid
D acu akka i la tettnadiḍ di leǧyub­ik a si Ɛmara ?

Ɛmara
La ttnadiɣ tamucwart, la sinusite­nni teggumma ad iyi­tetixxer
ad teǧǧ anzaren­iw ad kkawen.

Buzid
Ax tagi inu, ṭṭbiɛa­k ur tettbeddil ara.

Ɛmara
D tidet ur tettbeddil ara (Yenser). Twalef­iyi. Isem­is tura
umerḥum ?

Buzid
Isem­is Salem.

Ɛmara
Ur cukkeɣ ara d ṣṣifa­s yerɣan ur nettwaɛqal ara i k­d­
yesneɛten isem­is ?

Buzid
D ayen ibanen a si Ɛmara d ayen ibanen. Nuqqem tilifun ɣer
lbiru n lekwaɣeḍ n ṭumubilat, nefka­yasen nnumru n ṭumubil­
agi, mlan­aɣ­d isem n bab­is.

Ɛmara
Yezmer ad tt­yerḍel i walbaɛḍ deg yimeddukal­is i ixedmen
laksida yis­s. Tidet n tidet ur ɛad i d­teḍher.

­ 35 ­
Tiɣwist n Bururu

Buzid
Ḥsiɣ ayagi a si Ɛmara, bniɣ mi newweḍ ɣer texxamt n lmuta ad
nnadi ɣef si Salem, ma ur t­nufi­ara, ad d­nawi tameṭṭut­is i
wakken ad teɛqel lmeyyet s wayen akk yeddan yid­s ara t­id­
yesbanen anwa­t.

Asayes 8

Buzid
Ala a Meryem, ilaq­m ad tesɛuḍ lkuraj mi ara m­d­zziknen
amerḥum, ad am­d­ɛeggneɣ, yerɣa akk, mačči d ayen ara d­
cedhint wallen i tmuɣli, lameɛna lazem fell­aɣ ad kem­id­nawi
i wakken ad netḥeqqeq ma d argaz­im neɣ yexḍa.

Meryem
(Teḥzen) Ad yili d netta kan, si zik i ttnebbiheɣ deg­s ɣef
tenhart n leɣṣeb. Ur yettaɣ ara awal, d asrifeg i yesrifig s
ṭumubil.

Buzid
Qerreb­d akka tura ɣer ṭṭabla­agi n texxamt­a, muqel­it, ɛqel­
it.

Meryem
(Iḥar) Aql­iyi­n… Aql­iyi­n…

Buzid
Ɛaziz, kkes­as aɣummu ad t­wali.

Ɛaziz
Yirbeḥ a si Ɛmara. Atan, muqel­it­id a Lla Meryem…

Meryem
Arǧu kan… (Tsuɣ) D acu­t wagi ?! Ya laṭif !

Buzid
Ɣumm­it ! Ɣumm­it a Ɛaziz… Yak nniɣ­am a Lla Meryem belli
­ 36 ­
Tiɣwist n Bururu

mačči d win yezmer bunadem ad ireṣṣi deg­s tamuɣli.

Meryem
(Tuggad) Stixxret­t akin si gar wallen­iw.

Buzid
Yya­n ad nruḥ ssya… (Leḥḥun) Rnu ziken­as tasaɛet akked
txutam­nni a Ɛaziz !

Ɛaziz
Atan weǧdent, wwiɣ­tent­id di tmaḥremt. Ax ! Wali­tent kan a
Lla Meryem !

Buzid
Ḥekker­itent, ḥeqqeq s ttbut a Lla Meryem !

Meriem
Arǧu kan !

Ɛaziz
Attan tsaɛet, muqel­itt mliḥ a Lla Meryem !

Meryem
Attan akk d taberkant, waqila d ssaɛa­s… Ines ! Ines ! D nettat
ɛeqleɣ­tt, mačči aṭas aya segmi tt­id­yuɣ si la Suisse.

Buzid
Senqed tura tixutam­nni.

Meryem
(S lḥir) Ula d tixutam­agi ines !… Ines

Ɛaziz
Tetḥeqqeḍ akken ilaq lḥal a Lla Meryem ?

Meryem
Tḥeqqeɣ ! Cfiɣ am ass­agi, yuɣ­itent­id i yiman­is asmi i d­
terbeḥ yelli­s Samira ligzamen, nettat yuɣ­as­d snesla n ddheb.
­ 37 ­
Tiɣwist n Bururu

Buzid
(I Ɛaziz) Dayen ! Twala­ten ! Kkes­iten akin. (I Meryem).
Nnumru n ṭumubil tessenɛet­aɣ­d belli d argaz­im. Nugad ad
yili yerḍel­itt i walbaɛḍ n yimeddukal­is.

Meryem
Ur teɣliḍem ara, d argaz­iw ! D Salem !

Buzid
D ayagi i neḥwaǧ ɣur­m, tzemreḍ ad truḥeḍ… Ɛaziz ad kem­
yessiweḍ s axxam­im.

Ɛaziz
Yirbeḥ a si kumiṣar, yya­n ad nruḥ a Lla Meryem.

Buzid
(I yiman­is) D lewhayem… Ur d­iban ara leḥzen ɣef wudem n
Lla Meryem, ur temmuɣben ara, amzun d lferḥ i tefreḥ…
Waqila taluft­a attan tefra weḥd­s, ur yelli leɣlaḍ, ur telli
tmenɣiwt ur d­mazal anadi.

Ɛaziz
(Yuɣal­d) Si kumiṣar ?...

Buzid
Mazal ur ɛad truḥeḍ ?

Ɛaziz
Tura ara ruḥeɣ… D si Ɛmara…

Buzid
Dagi i yella ?

Ɛaziz
Ala mačči dagi i yella... yeǧǧa­yi­d ttewṣaya.

­ 38 ­
Tiɣwist n Bururu

Buzid
D acu­tt ttewṣaya­agi ?

Ɛaziz
Yenna­k belli aksum n lmeyyet yerɣan ur iban ara d aksum
ajdid yerɣan s laksida, ur cwecwen ara yidammen­is… Yuɣ
lḥal d aksum yemmuten i yerɣan, ffɣen­t yidammen d waman.
Ilaq­as ufeqqer d unadi iwulmen.

Buzid
Ayagi d ayen ibanen, ad t­iẓer Docteur­nneɣ, ad d­tban tidet…
Ruḥ tura siweḍ Lla Meryem, aql­ak tɛeṭṭleḍ fell­as.

Ɛaziz
Tura ara tt­ssiwḍeɣ.

Buzid
(I yiman­is) Yaxi si Ɛmara yaxi, ur yesɛi laman deg yiwen, d
lebda yettnadi ttbut ilaqen.

Asayes 9

Meryem
(I yiman­is, taḍsa) Yemmut !... Yemmut !... Rtaḥeɣ seg­s. Dayen
tura ur d­mazal ara ad ttewḥaceɣ win yesserwalen akk
medden fell­i… Ttwazerrbeɣ am ufrux di lqefṣ, iruḥ… iɣab…
yemmut !… Tulawin ttrunt mi ara yemmet win ɛzizen fell­
asent... nekk allen­iw kkawent, ul­iw iṣekker fell­as… lmut­is
tessferḥ­iyi imi i yi­tessufeɣ ɣer tlelli… Lmut i s­ssarmeɣ tesla­
yi­d, tuɣ­iyi awal, tekkes win yellan d lweḥc ɣur­i. D lebda
nekk la tsergigiɣ, tidi tettazzal fell­i mi ara muqleɣ deg­s.
(Nnhati) Dayen tura, tugdi truḥ, yewwi­tt yid­s ɣur at laxert.
Aql­iyi ggriɣ­d weḥd­i, ad tmettɛeɣ di rreẓq i yi­d­yeǧǧa.
Ussan i yi­d­mazal ad ten­sɛeddiɣ di lǧennet n ddunit, anɛam
ih ! Ur d­mazal ara ad iyi­ssawalent tulawin timiɛruft,
tameṭṭut n Bururu (Taḍsa) A sseɛd­im a Meryem... aṭas tura
ara yasmen seg­m. Am akken i la qqaren di lemtel, win
­ 39 ­
Tiɣwist n Bururu

iṣebbren yettawaḍ. Akka i yi­teḍra nekk, ṣebreɣ wwḍeɣ…


Zewǧeɣ d Salem icuban di Bururu, uɣeɣ rreẓq­is. Yelli­s
Samira ad tewret kra, lameɛna amur ameqqran inu, (Taḍsa)
Bururu yemmut... Yemmut… Yemmut…

Asayes 10

Saḥari
(Yefreḥ) Qrib ad d­yaweḍ lweqt ad d­rreɣ ttar ! Ttar seg wid i
yi­yerran d ameslub ! Irekḍen lɛilm­iw, tussna i d­snulfaɣ i
wakken ad tḥareb ɣef umdan si ṭṭaqa n lehlakat… Ggumman
ad iyi­yamnen ! Ihi tura yewweḍ­d lweqt i wakken ad tḥeqqen
belli Profeseur Saad Ḥari ur yetsemmiḥ ara i widen imeḍlen
isem­is deg waluḍ !… (Taḍsa) lameɛna tura mi kfiɣ ccɣel­iw
ad iyi­amnen yiwen yiwen ad sen­ceyyɛeɣ ttbut n lḥirfa­inu.

Salem
Ttbut­agi d nekk !?

Saḥari
D kečč a Salem ! D kečč ! Ad k­id­ẓren uqbel ad mmten s yir
lmut ! Lmut n lɛilm n Profeseur Saad Ḥari.

Salem
Amek, ttar­ik s lmut ?

Saḥari
D lmut kan i sen­ilaqen, nekk i isebblen acḥal iseggasen deg
unadi di lɛilm i d­snulfaɣ, mennaɣ ad yessefreḥ, ad yessenqes
leḥzen d waṭṭanat, rran­iyi d ameslub, ggumman ad amnen
tussna n ṭṭebb i ten­yexḍan. Uklalen lmut ! Tura ssewǧed
iman­ik a Salem, ali s ufella n ṭṭabla teẓẓleḍ.

Salem
Tura ad aliɣ, ur ḥṣiɣ ara d acu ara txedmeḍ yis­i, lameɛna ur
iyi­d­tuqiɛ ara lmeɛna imi ɣer lmut i d­qesdeɣ, nnig­s ulac.

­ 40 ­
Tiɣwist n Bururu

Saḥari
D tidet a Salem, nnig lmut ulac, lameɛna mačči d kečč ara
yemmten ! Ala ! Ala ! Wid ara yemmten d wid i k­ikerhen,
ɣunfan­k, d wid yettasmen seg­i armi rewleɣ fell­asen, ffreɣ,
qqleɣ d aɛessas n tmeqbert. Kečč ad k­rreɣ d afus ayeffus n
qebbaḍ lerwaḥ… D afus n lmut… N lmut… Awi­d akka tura
iɣil­ik ad t­cuddeɣ s tɣeggaḍt n uɣeggad ɣer ṭṭabla…Aywah !
Akka... Awi­d tura iɣil nniḍen... Ṣaḥa... Dayen… mazal
iḍarren­ik ad ten­cuddeɣ daɣen... Arǧu mačči akken… Ẓẓel
iḍarren­ik a Salem ilaq ad ten­arzeɣ.

Salem
Amek akka ?

Saḥari
Akken ih… Aywah… Am akka i la tettwaliḍ di laboratoire­agi
a Salem, bniɣ­t seddaw n tmeqbert, ajanyur akked yibnayen i t­
yebnan s tuffra yewwi­ten ṭṭmeɛ xelṣeɣ­ten nnig n wayen ara
d­ṣewwren di ɛecra iseggasen i wakken ur ssufuɣen ara
lbaḍna… Lameɛna… Lameɛna…

Salem
Tetḥeqqeḍ ur ssufuɣen ara lexbar ?

Saḥari
Tḥeqqeɣ.

Salem
Amek i tetḥeqqeḍ ?

Saḥari
Nɣiɣ­ten !… Ḥala win yemmuten i ur nhedder ara. Ulac laman
a Salem ulac, imi imeddukal­iw ukud ɣriɣ u llan wid sseɣreɣ
xedɛen­iyi… D acu i mazal n laman ! Arǧu tura ad k­uqqmeɣ
ddwa n tguni s tessegnit­agi… Ad teṭseḍ, ur tettḥussuḍ. Atan
uẓar n yiɣil­ik. Tura ad k­id­yas naddam, mi ara d­takiḍ, ad d­
tafeḍ iman­ik d wayeḍ.

­ 41 ­
Tiɣwist n Bururu

Salem
(Yennuddem) La ttḥulfuɣ i tmedlin n wallen­iw ẓẓayit…
Ẓẓayit...

Saḥari
D naddam… D iḍes… D iḍes ɣezzifen… berriken… ṭṭlam…
ṭṭlam a Salem… ṭṭes… ṭṭes…

Salem
Ṭṭlam… ṭṭlam… ṭṭlam…

Saḥari
Ih ! ih !… Ṭṭlam, ṭṭlam aberkan ara iɣummen kra n wayen
tesɛeddaḍ armi d ass­a… Salem ad yeṭṭes i lebda ! Salem
yemmut di laksida n ṭumubil ! Dayen tura yeṭṭes... Yeṭṭes. Ad
bduɣ ccɣel­iw. Ccɣel ara yeswehmen lɛulama, ccɣel ara
yessazlen idammen n wid yekksen laman di lɛilm n tidet, lɛilm
n Professeur Saad Ḥari ara yesruḥen Salem u ad d­yerr deg
umkan­is Bururu… Bururu !... Bururu !… (Taḍsa, rrɛud).

Asayes 11

Saḥari
(I yiman­is) Dayen tura qrib ad tettubeddel akk lǧetta­s di
rebɛa u ɛecrin saɛa­agi iɛeddan beddleɣ­as qrib akk idammen­
is… Mazal yeṭṭes… Ul­is yekkat am zik­nni… Tura ileḥḥu s
yidammen n Bururu i s­rriɣ deg yiẓuran­is (Taḍsa) Liḥala
tebda la txeddem deg­s… Yebda la d­imeqqi rric... Rric n
Bururu ! Accaren­is la ttuɣalen d ajjaren… Anzaren­is qqlen d
aqamum… Arǧu kan ad ẓreɣ allen­is ?... Qqlent d tizeggaɣin…
Ttwajerḍent s yiẓuran izeggaɣen seg yidammen.

Bururu
(Yettnazaɛ di tnafa). Aaaaaa ! Ghhhhhhhhh !

Saḥari
La yettnazaɛ… Mazal ur d­yuki ara... Leqdic­iw mazal
­ 42 ­
Tiɣwist n Bururu

ixeddem deg­s (Yettfa) La ttnuddumeɣ… Ad ruḥeɣ kan ad ṭṭseɣ


kra… Ɛyiɣ... Ilaq ad steɛfuɣ, azekka deg yiḍ, lweqt­agi ad d­
qqleɣ ɣur­s… Ad t­id­afeɣ dayen yewǧed… (Yettfa) Imir­nni
ad d­afeɣ leslaḥ­iw… Sswayes ara d­rreɣ ttar… Bururu… I d­
yeṣneɛ lɛilm­iw akk d yifassen­iw… Bururu ara iqellɛen
ulawen n yiɛdawen­iw ! Yiwen ur yezmir ad d­yaf later­is…
Later n lweḥc ineɣɣen s uqlaɛ n wulawen… (Taḍsa, nnhati)
Nnuddmeɣ, ad ruḥeɣ ad ṭṭseɣ (Ileḥḥu).

Asayes 12

Lḥess yekka­d si laboratoire.

Saḥari
(Yedduqqes­d, yewhem, i yiman­is) D acu­t akka lḥess­agi ?
Ansi akka i d­yusa ? Arǧu ad kkreɣ ad ẓreɣ (Lḥess meqqer)
Lḥess­agi atan di laboratoire (Yuzzel) Ad yili yuki­d ! (Yeldi
tawwurt, iɛeggeḍ) Salem ! Salem !... Ulac­it… Yesseɣres
tiɣeggaḍin s wayes i t­cuddeɣ, yerwel ! (Tiɣwist n Bururu,
lebɛid) Bururu ! Bururu ! Sani i iruḥ sani i iruḥ ? Deg yiḍ anda
ara iruḥ ? Bururu Bururu! (Yettazzal, yuli tiṭrejtin, yeldi
tawwurt, aḍu, rrɛud) D ṭṭlam… Ulac­it gar yiẓekwan… Anda
akka i iruḥ ? Anda akka ? D acu­t akka ara yexdem ? Imi
yezmer yesseɣres tiɣeggaḍin s wayes i t­cuddeɣ, ad yili yesɛa
lǧehd ur iqebbel leɛqel... Anwa akka i yeqsed iḍ­agi ? Win
yellan d aɛdaw­is u yekreh­it seg wul­is ur ilaq ara ad yemlil
yid­s deg ubrid­is (Tiɣwist n Bururu, lebɛid) Tiɣwist­agi, ines...
D netta... Lmut ur tebɛid ara...

Asayes 13

Meryem
(I yiman­is, amzun di targit) D acu­tt tili inna i la d­yettbanen
di ṭṭaq ?... La tettembiwil… D amaker ?... (Yerreẓ ṭṭaq, aḍu,
rrɛud).

­ 43 ­
Tiɣwist n Bururu

Bururu
(Yettnazaɛ) Idammen… Ulawen… Idammen...

Meryem
(Tuggad) D acu­t lweḥc­agi ? Yerẓa­d ṭṭaq !... Atan la d­
yettqerrib ɣur­i... La d­ileḥḥu… (Yeffeɣ­itt leɛqel) Ala ! Ala !
Ruḥ fell­i ! Tixxer­iyi, tixxer­iyi... Ur d­ttaẓ ara ɣur­i… Wagi d
buberrak... D buberrak... D tirga i la ttarguɣ !… Lameɛna aql­
iyi ukiɣ ! Ur ṭṭiseɣ ara ! Ihi d acu­t wagi zdat­i ? I d­yettaẓen
ɣur­i ? La yi­d­ixezzer s yir anexzur ! Allen­is ! Allen­is d
tizeggaɣin, ṣṣifa­s tcuba di tin n Bururu…

Bururu
(Tiɣwist n Bururu) Meryem !... Meryem… Ad am­d­qelɛeɣ ul­
im iss iyi­tkerheḍ… Ad temmteḍ… Ul­im…

Meryem
(Tettergigi, tuggad) Lweḥc­agi… Taɣect­is yettwabeddlen ad s­
tiniḍ tcuba di tin n Salem… Amek, d netta i yeqqlen akka? Ala !
Ala ! D lmuḥal ayagi ! Ur yezmir ara ad yeḍru ! Temmuteḍ di
laksida n ṭumubil… Walaɣ­k teẓẓleḍ temmuteḍ… Ur tezmireḍ
ara ad d­tuɣaleḍ seg at laxert s ṣṣifa­agi, temmuteḍ, ur d­ttaẓ
ara ! Ruḥ fell­i ! Ala ! Ala !

Bururu
Ad qelɛeɣ ul­im a Meryem ul­im ul­im (Isuɣ) Mmet ! Mmet !
(Tsuɣ) D ayen temmut… Atan wul­is gar yiffasen­iw… La
yettquddur d idammen yeḥman… Meryem temmut…
Temmut… (Aḍu, rrɛud).

Asayes 14

Ṭumubil n la police teḥbes, ldint tewwura, tikli, lḥess n lɣaci.

Buzid
Ah ! Aql­ak dagi a Ɛaziz, tezwareḍ­iyi­d !

­ 44 ­
Tiɣwist n Bururu

Ɛaziz
D nekk i k­n­yeǧǧan lewṣaya di lbiru a si kumiṣar, aql­ak ur
tɛeṭṭleḍ ara.

Buzid
Anda akka yella tura ufaktur­nni ?

Ɛaziz
Atan dihin yettraǧu zdat tewwurt. Amzun yennexḍaf di leɛqel­
is, ayen iwala yesdebdeb­it.

Buzid
Lḥu­n ad t­id­waliɣ (Tikli) D kečč i ɣ­n­ixebbren ?

Facteur
D kečč i d kumiṣar ? Yak d la police ?

Buzid
Nuɣal di ssuq ? Nettembiddal isteqsiyen ? D kečč i ɣ­n­
ixebbren, newweḍ­d s isuɣan n ṭumubil n la police, u mazal
asteqsi deg­neɣ ! Zwir mel­aɣ­d idammen­agi…

Facteur
Yirbeḥ ! (Yuli tiṭrejtin) Lameɛna samḥet­iyi, mazal­iyi rwiɣ,
rwiɣ a si kumiṣar. Segmi walaɣ aḥemmal­nni n yidamnen,
nekk ttergigiɣ… Di leɛmer walaɣ annect­nni... D abellaɛ... Ad
as­tiniḍ d azger i yemmezlen... Wwiɣ­d télégramme… Ihi am
akken teẓram, ilaq fell­i ad t­ssiwḍeɣ i bab­is i wakken ad iyi­
d­yessers isem­is di twerqet n ucayyeɛ.

Buzid
Ayagi ḥṣiɣ… Kemmel awal­ik... Kemmel.

Facteur
Am akken teḥṣiḍ, mačči d tabrat kan ara s­d­ḍeggreɣ ɣer
tsenduqt yellan ukessar. D télégramme i s­d­wwiɣ.

­ 45 ­
Tiɣwist n Bururu

Buzid
Nniɣ­ak ayagi ḥṣiɣ­t.

Facteur
Nniɣ­ak armi wwḍeɣ zdat tewwurt n tseqqift, qrib ɣliɣ.

Buzid
Tuccageḍ ?

Facteur
Uccageɣ... Tikkelt tamezwarut ɛuddeɣ d aman n walbaɛḍ
yeǧǧan tiberrint teldi, nneflen­d, ffɣen­d seddaw tewwurt…
Ceɛleɣ abriki ad waliɣ.

Buzid
Ayɣer, trisiti ur tleḥḥu ara ?

Facteur
Ɛni yella wayen ǧǧan warrac iṣeḥḥa deg yiseqqifen n
yixxamen? Ttruẓun u ssefsaden kullec, imawlan­nsen ur sen­
tewqiɛ ara lmeɛna, xtaren akk abrid n texeṣṣart.

Buzid
Ṣaḥḥa ṣaḥḥa ! Kemmel, ur tenneḍ ara deg wawal.

Facteur
Ih ! Ur tennḍeɣ ara, ur tennḍeɣ ara. Mi ceɛleɣ abriki, walaɣ d
idammen ! D aḥemmal n yidammen si kumiṣar.

Buzid
Amek teḥiṣiḍ d idammen ?
Facteur
La ttbanen, lemmer d ssbiɣa, ad tt­sriḥeɣ u yerna tezwar­d ɣer
wul­iw, d idammen kan.

Buzid
Awi­d kan ur tettili ara d albaɛḍ n tebwaḍin n ssbiɣa i
yennegdamen, tennɣel, ssbiɣa teffeɣ­d seddaw ccqayeq n
­ 46 ­
Tiɣwist n Bururu

tewwurt n uxxam. Lemmer akka, aql­ak tesɛettbeḍ­aɣ­d baṭel.

Facteur
Yyah ! (Yebded zdat tewwurt) Aql­aɣ ihi newweḍ­d, ḥadret
kan ad ticcigem.

Buzid
Muqel kan a Ɛaziz, cɛel trisiti n tseqqift.

Ɛaziz
(Tikli) Tella lkura, dayen attan tecɛel.

Facteur
(Yewhem) D lewhayem ! Ḥala deg uxxam­agi i tleḥḥu trisiti n
tseqqift... Tiyaḍ akk rẓan­tent warrac.

Ɛaziz
Ih ! Dagi arrac­nsen tturebban. Ɣef wakka la k­ttwaliɣ, d lebda
tedbedbeḍ ! La k­tteɛraqent ! Kečč d afaktur, tessneḍ akk
tinezduɣin­agi, ur d­tewwiḍ ara s lexbar anda i tella la
minuterie !

Buzid
(I yiman­is) Mmm !… D targa n tidet…

Facteur
D targa kan ? D tamda ! D lebḥer n yidammen !

Ɛaziz
(Yetqelleq) Mazal daɣen teqqleḍ armi d awal n yidammen ?

Buzid
I lemmer ad yili yesɛa lḥeqq ufaktur ? Ad ilin d idammen a
Ɛaziz ? U yerna ɣef wayen akka i la ttwaliɣ, ad ilin d idammen
(Yesṭebṭeb) Ad s­tiniḍ ulac ula d yiwen zdaxel, neɣ ad yili
yemmut aṭas aya imi idammen­agi yellan deg lqaɛa, bdan la
kerrsen (Yesṭebṭeb tikkelt nniḍen) Ulac lḥess, awi­d kan tasarut
iteldin akk tiwwura. Yak tella yiwet ɣur­k a Ɛaziz ?
­ 47 ­
Tiɣwist n Bururu

Ɛaziz
Di leɛmer tettaxxer seg lḥamu n lǧib­iw a si kumiṣar !

Facteur
D acu­tt akka tsarut­agi iteldin akk tiwwura ?

Ɛaziz
(Yetqelleq) D tasarut iteldin akk tiwwura ! Ax a si kumiṣar.

Buzid
Dayen tiṭrejtin n leɣliq ldint… Lameɛna mazal tawwurt
teṣekker­d si zdaxel s uzekrun, tura iban yella walbaɛḍ ! Ɛaziz !
Yya ad nemɛawan ad nerreẓ tawwurt.

Ɛaziz
Aql­iyi­n a si kumiṣar, kečč ssyin u nekk ssya… S tuyat ad
nerreẓ tawwurt (Yekkat s tayet) Dayen terreẓ ! Si kumiṣar ! si
kumiṣar yya­d kan ad twaliḍ dagi !

Buzid
D acu­t akka yellan ?

Ɛaziz
Muqel zdeffir umeṭreḥ !

Buzid
Aẓ akin kan ad waliɣ... (Yexleɛ) Akka d lmut tajehlit !

Facteur
Temmut ? Ah ! Ini­d a si kumiṣar ?
Buzid
(Iɛeggeḍ) Ur d­keccem ara keččini ! Qim kan dinna ɣer
tewwurt ! (I Ɛaziz ) Di leɛmer ẓriɣ di ddunit­iw lǧerḥ yecban
wagi… Meskint ula d­yeqqim ula d kra deg yidmaren­is,
aksum icerreg, iɣsan rrẓen, ul­is yettwaqleɛ.

Ɛaziz
Iḍudan­is atan kerfen am tin yebɣan ad tḥudd ɣef yiman­is
­ 48 ­
Tiɣwist n Bururu

uqbel ad temmet, allen­is ldint, tamuɣli­s n tin yugaden…


(Ileḥḥu) Amek yexdem win tt­yenɣan armi yeffeɣ ? Tawwurt
tella tṣekker si zdaxel s uzekrun ! Yella ṭṭaq­agi… (Iḍall si ṭṭaq,
yewhem di leɛli) Lameɛna… Awah... D lmuḥal ! Ayagi ur
yezmir ara ad yili !

Buzid
(Yuẓ) D acu­t wayagi ur nezmir ara ad yili a Ɛaziz ?

Ɛaziz
Qerreb­d ad twaliḍ a si kumiṣar, ad tfehmeḍ.

Buzid
(Yewhem) Tlata tɣurfatin di leɛli ! Lḥiḍ ulac deg­s ayen ideg
ara yeckenṭeḍ umdan yebɣan ad yali, yemzi am lemri… Ɛaziz !

Ɛaziz
Si kumiṣar ?

Buzid
Dayen tessawleḍ i laboratoire­nneɣ ad d­ceyyɛen akk ayen
iwulmen ?

Ɛaziz
Tura ad d­taweḍ l’ambulance ara d­yesseddun kullec. Docteur
nneɣ s leslaḥ­is akked terbaɛt­is, dactylo­scopie (Later n
yiḍudan)… Ad qqleɣ ad ssiwleɣ ad ẓreɣ ma qellɛen­d neɣ
mazal !

Facteur
(Si tewwurt) I nekk a si kumiṣar, mazal teḥwaǧeḍ­iyi ?

Buzid
Arǧu mazal. Awi­d kan tura télégramme­nni i s­d­tewwiḍ.

Facteur
Tura ara k­t­id­fkeɣ a si kumiṣar… Anda akken tura i yi­
yeɛreq deg uqrab­agi ?
­ 49 ­
Tiɣwist n Bururu

Buzid
Ur d­qqar ara daɣen ur tettwaliḍ ara, la minutrie ur tleḥḥu
ara, dagi kullec atan yecɛel.

Facteur
Dayen, dayen ufiɣ­t… Ax !

Buzid
Awi­d akka… (Yeldi­t, yeɣɣar ) : Massa Meryem Salem, aql­
iyi­n ad n­awḍeɣ di rruplan n rrebɛa n tmeddit. Tagi d Samira
yelli­s n si Salem ad fell­as yeɛfu Rebbi… (Ixemmem) Meskint,
truḥ teǧǧa­d axxam yeɛmer, tura ad t­id­taf yenger.

Facteur
Mazal ur ɛad i yi­d­twaǧbeḍ a si kumiṣar !

Buzid
Ad k­in­waǧbeɣ ɣef wacu ?

Facteur
Mazal ɣur­i télégramat ara ssiwḍeɣ i yimawlan nsen i ten­
yettraǧun…

Buzid
Ɣas ruḥ kemmel ccɣel­ik. Lameɛna ur tettu ara ɛeddi­n ɣer
lbiru tameddit­agi.

Facteur
(Yessetḥa) Tameddit­agi ? Ayɣer ara n­ɛeddiɣ ?

Buzid
Ur ttaggad ara, d kra n tewriqin kan ara tɛemmreḍ.

Facteur
Ma ur yeɣṣib ara ccɣel­agi n tewriqin, ad n­ɛeddiɣ azekka
ṣṣbeḥ.

­ 50 ­
Tiɣwist n Bururu

Buzid
(Yettgalla) Ma ur d­tusiḍ ara tameddit­agi, ad n­ceyyɛeɣ ad k­
id­zzuɣren qbel ad d­yeɣli ṭṭlam.

Facteur
Ala ! Fiḥel, fiḥel ! Ad d­ɛeddiɣ, ad d­ɛeddiɣ... Ihi aql­iyi ruḥeɣ.

Buzid
(I yiman­is, yettxemmim, yetḥeyyer) Lla Meryem temmut,
idmaren rrẓen, ul­is yettwaqleɛ… Amek yexdem win i tt­
yenɣan yeffeɣ ? Tawwurt tṣekker s uzekrun si zdaxel, amek…
Amek (Ileḥḥu) Lluḥ n ṭṭaq akked lemri­ines rrẓen am win ara
ten­ifellqen s ufḍis, win yenɣan ikcem­d, yenɣa, yerwel
ssyin ?!... Ihi ineggez tlata tɣurfatin ? Ihi, ma yezmer i uneggez
d akessar, amek i yezmer i uneggez d asawen imi lḥiḍ yemzi
am lemri ?…

Asayes 15

Ɛmara
(Yeɛḍes) Tenniḍ­d tawwurt tella tṣekker­d si zdaxel.

Buzid
Akka a si Ɛmara, tṣekker­d si zdaxel.

Ɛmara
Tṣekker­d s tsarut terna­d s uzekrun.
Buzid
Akka ! Armi nemɛawan akked Ɛaziz i wamek nezmer nerẓa
tawwurt nekcem.

Ɛmara
Ṭṭaq yerreẓ­d, lemri­ines yeftutes­d ɣer daxel.

Buzid
Lḥiḍ yemzi am rrxam, ur walaɣ ara amek ara yizmir umdan ad
d­yali tlata tɣurfatin anda ulac amek ara yeckenṭeḍ.
­ 51 ­
Tiɣwist n Bururu

Ɛmara
Ulac later n ssellum ɣef leryaf n ṭṭaq neɣ later n yiḍarren­is di
lqaɛa n ubrid anda ara ibedd.

Buzid
Ulac ayagi a si Ɛmara.

Ɛmara
Yiwen ur yezmir ad yekcem neɣ ad yeffeɣ, Lla Meryem tufam­
tt temmut, nɣan­tt.

Buzid
Yir lmut ! Idmaren­is cerrgen, iɣsan rrẓern, ul­is yettwaqleɛ ad
s­tiniḍ d lefrisa i tečča lhayca.

Ɛmara
Lhayca ?

Buzid
Anda ḥṣiɣ ! Tamezwarut, yiwen ur yezmir ad yali. Tis snat, ur
cukkeɣ ara ad yili umdan ara yenɣen Lla Meryem s ṣṣifa­nni
taweḥcit neɣ ḥala win iselben ? Tis tlata, ma yella win yenɣan
d ameslub, ihi s wayes i tt­yewwet ? Yenɣa­tt u yeǧǧa­yas
lǧerḥ am winna ? Ɣef wannect­a i d­usiɣ ɣur­k a si Ɛmara ad
k­ciwreɣ, ad k­steqsiɣ, aql­i ɛerqent­iyi.

Ɛmara
(Yeɛḍes) Tasaɛet­agi aql­iyi deg waggur­iw n usteɛfu a Buzid.
Aqerruy­iw irebba tassemt seg yiɣimi, taluft­agi tban tekres
akken ad k­in­waǧbeɣ ilaq­iyi ad iliɣ d agezzan u nekni di
lxedma­nneɣ nettnadi dima limara ara yennal ufus, ara walint
wallen i wakken ad tt­yefhem leɛqel.

Buzid
Ayagi d ayen ibanen a si Ɛmara, kečč tugareḍ­iyi ajerreb, ahat
ad tesɛuḍ albaɛḍ n tektiwin ara yi­iɛawnen.

­ 52 ­
Tiɣwist n Bururu

Ɛmara
Lemmer i s­d­ufiɣ iɣef­is, ur ttaǧǧaɣ ara wagi yenɣan Lla
Meryem s yir lmut ad yemneɛ a Buzid.

Buzid
Ihi dayen (Nnhati) Wagi ad yili d albaɛḍ n yiruḥaniyen neɣ d
albaɛḍ n lewḥuc yesɛan afriwen yessrafgen yekcem si ṭṭaq
yerẓa­t.

Ɛmara
Waqila teqqareḍ tiktabin i d­ttarun ɣef wannect­a, ɣef talsiwin
yecban tagi am Mary Schelly, Bram Stocker, Edgar Alan Poe d
yiwaḍ.

Buzid
Nekk ur qqareɣ ara ṣṣenf­agi n tedyanin, nekk ttɛiciɣ deg­sent.

Asayes 16

Zzhir n ṭeyyara.

Yusef
Tasaɛet attan d tlata d uzgen, qrib tura ad naweḍ ad ners...
Aha, aha a Samira, uqqem lkuraǧ i yiman­im.

Samira
Lkuraǧ ? Ad uqqmeɣ lkuraǧ ? S wayes a Yusef ? Seg wasmi
temmut yemma ad fell­as yeɛfu Rebbi, nekk d lebda deg yirebbi
n baba, ḥala nekk i yeɛzizen fell­as, iḥemmel­iyi am leɛmer­is,
iɛuzz­iyi (Nnhati) Baba meskin, ḥala nekk i t­ifehmen, ḥala
nekk i t­iḥemmlen, ttkukrun­t u kerhen­t merra medden ɣef
ṣṣifa­s, ur ḥṣin ul­is d taɣrast n tament anda yal yiwen yezmer
ad d­yessisen. Tura dayen, rtaḥen seg­s... Iruḥ... Yemmut
(Tettru).

­ 53 ­
Tiɣwist n Bururu

Yusef
(Yetṣebbir­itt) Tesɛiḍ lḥeqq a Samira, anef­asen i yimeṭṭawen
ad d­ffɣen... Ru, ru... Ur ten­ttaǧǧa­ara ad sṭerḍqen ul­im.

Samira
Lemmer meqqar lliɣ yid­s di ṭumubil ass­nni di teswiɛt­nni n
laksida ahat... mazal­it yedder...

Ɛayaci
Ahat... Ass­agi ur tettiliḍ ara yid­neɣ...

Samira
Ɣas ma ddiɣ yid­s ur iyi­d­tewqiɛ ara lmeɛna imi ayen akk
ḥemmleɣ yewwi­t yid­s.

Ɛayaci
Tura la d­tettmeslayeḍ s lǧerḥ n wul­im, d netta i la d­ineṭṭqen.
Mazal­ikem meẓẓiyeḍ, tesɛiḍ lweqt ɣer zdat i wakken ad
tettuḍ.

Samira
Ad ttuɣ baba ? D lmuḥal a si Professeur, ur cukkeɣ ara ad d­
tennser lɛezza­s seg wul­iw.

Ɛayaci
Lɛezza­s ad d­teggri deg wul­im a Samira, lameɛna lmut­is ad
d­yaweḍ yiwen lweqt ad tt­tettuḍ. Imawlan­nneɣ yemmuten
uqbel nettu­ten, lemmer ur ten­nettu ara, tili ddunit ad teḥbes
ur trennu ara di tikli­s.

Yusef
Sel, sel a Samira i yimeslayen n Professeur­nneɣ, yesɛa lḥeqq.

Ɛayaci
Cfu ɣef wayen akka ara m­d­iniɣ. Tura mi ara d­temmeslayeḍ
ɣef baba­m, yejreḥ wul­im, d tidet, ad rnun ad ɛeddin wussan
nniḍen mazal tetɣebbneḍ cwiṭ, ad ɛeddin kra n lewqat nniḍen
leḥzen­nni ad yettubeddel d lferḥ.
­ 54 ­
Tiɣwist n Bururu

Samira
D lferḥ ?

Ɛayaci
Akter n lferḥ, d zzux, d tefenṭaẓit ! Mi ara d­taddreḍ baba­m
zdat medden, ul­im ad yettrefrif, aqerruy­im ad t­refdeḍ s
igenni u ad d­teqqareḍ baba cfiɣ­as­d, yenna­yi­d... yeǧǧa­yi­
d... yesseḍs­iyi­d... yuɣ­iyi­d... Imir­nni ad tḥulfuḍ
tennecraḥeḍ mi ara kem­id­steqsin ɣef win i m­d­yeǧǧan isem.

Yusef
Amek teḥṣiḍ u teẓriḍ ayen akka la d­teqqareḍ a si Professeur ?

Ɛayaci
Meqqreɣ di leɛmer a Yusef, aṭas i sɛeddaɣ di ddunit, aṭas i
walant wallen­iw, ayagi d ayen ibanen u ḥṣan­t widen
ijerrben. Akka am Samira, err kan ddhen­ik ɣer zdat ad d­
tawiḍ s lexbar.

Yusef
La ttwaliɣ tura allen n Samira bdant la ttkawent, yebda ddwa n
yimeslayen­ik la tt­yesseḥluy a si Professeur.

Ɛayaci
D lweqt ara tt­yesseḥlun a Yusef, d lweqt...

Samira
D tidet... D tidet, tura bdiɣ la fehhmeɣ imeslayen­ik a si
Professeur.

Ɛayaci
Ad tfehmeḍ, d ṣṣber tura, d tatut azekka... D tatut ara
yettwaqqsen si tikkelt ɣer tayeḍ s yifeṭṭiwej n usmekti
yessfraḥen (Ibeddel awal) Tasaɛet qrib d rrebɛa, ɣas ini­d aql­
aɣ newweḍ, tura ara ɣ­d­inin cuddet tiɣeggaḍin­nwen ad
nebdu aṣubbu.

­ 55 ­
Tiɣwist n Bururu

Samira
Ayɣer d tamdint­nneɣ i textareḍ i wakken ad testeɛfuḍ a si
Professeur ?

Ɛayaci
Axaṭer ḥala tamdint­agi ur ɛad ssineɣ, daɣen imi walaɣ yedda­
d yid­m Yusef i wakken ad am­yekkes lxiq, sseddaɣ­d iman­iw
yid­wen i wakken ad iyi­d­tesneɛtem tamurt­a.

Yusef
I wakken ad ak­d­nessenɛet timeqbert akked yiẓekwan­is.

Ɛayaci
Anadi n tmussni d yal lḥirfa ulac deg­s asteɛfu ɣas di tmeqbert.

Yusef
Ḥṣiɣ belli aql­ak la tettnadiḍ di tussna yerzan lmeyytin.

Ɛayaci
Ur tettu ara a Yusef belli d anadi n tussna deg wid yemmuten i
ɣ­yettuɣalen d taftilt iss nettwali amek ara nesseɣzef tudert n
umdan.

Asayes 17

Racid
Mazal teṭṭfeḍ kan deg wawal­ik a Ṭeyeb ? Ur tendimeḍ ara ?
Ad tedduḍ yid­i ? Ad trewleḍ yid­i si lḥebs ?

Ṭeyyeb
Ayɣer, ur ɛad tetḥeqqeḍ a Racid ? Mazal­aɣ d arrac imecṭaḥ i
wakken ad nerr awal n yirgazen n tidet d lleɛb ? Nniɣ­ak ad
nerwel, ad nerwel ! Ur zmireɣ ara d lmuḥal ad ṣebreɣ ad
sɛeddiɣ ɛecrin yiseggasen dagi deffir iɛemuden­agi n wuzzal !
Ayagi abaden ! Abaden ad qqimeɣ d ameḥbus. Muqel kan
amek ara tesweǧdeḍ tarewla­nneɣ i wakken ur ɣ­d­ttafen ara.

­ 56 ­
Tiɣwist n Bururu

Racid
Kkes aɣbel i wul­ik, kullec xemmeɣ­as, lblan n trewla bniɣ­t
akken iwata lḥal. Sel­d, azekka deg yiḍ, ad nkemmel ccɛel­
nneɣ, u ssyin ad d­naf iman­nneɣ di tlelli, yiwen ur ɣ­yettaṭṭaf,
ad nefsi di tegnawt.

Ṭeyyeb
Ihi dayen, attan tefra weḥd­s. Mi nerwel neffeɣ, ur ɣ­yettxaṣṣa
ula d kra, sɛiɣ imeddukal i ɣ­yettraǧun, wid ara ɣ­ibeddlen
tamurt, ad nbeddel isem i wakken yiwen ur ɣ­yettaf.

Tikli n uɛessas deg useqqif n lḥebs.

Racid
Ccet ! Atan uɛessas la ileḥḥu deg useqqif... Ccet ! Mulac ad ɣ­
d­isel... Ṭṭes tura !

Ṭeyyeb
(I yiman­is) Mazal kan ad aɣ­iɛass ass­agi akked uzekka... Seld
azekka... Seld azekka...

Racid
Nniɣ­ak susem... Ṭṭes... Ṭṭes...

Asayes 18

Saḥari
Bururu ! Bururu ! La ttwaliɣ deg wallen­ik tizeggaɣin am
yidammen la ttmuceɛlent si lferḥ imi tenɣiḍ tameṭṭut­ik
Meryem, tin izewǧen akked iṣurdiyen­ik, i k­iɣunfan. Tura
dayen, terriḍ­d ttar­ik, tenɣiḍ­tt ! Temmut !

Bururu
(Yettnazaɛ) Temmut !... Temmut !... Meryem... Meryem... Ul­
is... Ul­is...

­ 57 ­
Tiɣwist n Bururu

Saḥari
Ẓriɣ... Ẓriɣ... Walaɣ ul­is mi t­id­tqelɛeḍ seg yidmaren­is...
Walaɣ­t tewwiḍ­t­id yettquddur d idammen deg wajjaren­ik.

Bururu
Idammen yeḥman... Yeḥman...

Saḥari
La police attan tetḥeyyer di lmut­agi ur fhimen (Taḍsa) Ha !
Ha ! Ur zmiren ara ad d­afen later ara tebɛen, la tezzin kan di
tlemmast am uḍebbal umi teɛreq tezwayt (Taḍsa) Tikkelt­agi
ad asen­yeɛreq kullec.

Bururu
Ulawen... Ulawen... La ttqudduren d idammen yeḥman...
Ulawen !

Saḥari
Mazal aṭas n wulawen ara d­qelɛen wajjaren n ufus­ik, ad d­
kksen ulawen n wid i yi­yesrewlen qqleɣ d aɣrib. Ulawen n
lɛulama yekksen laman di lɛilm ! Di tussna n ṭṭeb tajdidt i d­
snulfaɣ ! Ggumman ad amnen yis­s ! Ggumman ad iyi­
ɛiwnen ! Ihi ilaq ad mmten ! Ad mmten akk yiwen yiwen
(Taḍsa) Rwaḥ a Bururu... Yya­d... Ddu­d yid­i... (Tikli). Ad ak­
d­mleɣ anda ara tegganeḍ deg wass, ad d­tettnekkareḍ deg yiḍ.
Lḥu... Ḍfer­iyi­d... Ḍfer­iyi­d...

Bururu
Aql­i... Aql­i... Ulawen... Idammen yeḥman...

Saḥari
dfer­iyi­d... Ḍfer­iyi­d... Laboratoire­agi i bniɣ seddaw
tmeqbert ad aɣ­yeqqel d lɛecc ur yettaf yiwen. Ulac win ara t­
yessinen. Wid i t­yebnan kkseɣ­ten, nɣiɣ­ten, neṭleɣ­ten... Ad
s­tiniḍ lliɣ la k­ttraǧuɣ ad nemlil i wakken di sin ad nemɛiwen
ad d­nerr ttar. Lḥu­n... Lḥu­n a Bururu... Abrid­agi arqaq
yessufuɣ ɣer texxamt­ik yellan deffir laboratoir. Lemmer ad d­

­ 58 ­
Tiɣwist n Bururu

taf la police later anda i nteffer yella ubrid nniḍen seddaw


wakal ansi nezmer ad nerwel.

Bururu
Ulawen yellexsen s yidammen yeḥman... Bɣiɣ­ten... Bɣiɣ­ten...

Saḥari
Ur ttxemmim ara a Bururu, aṭas n wulawen yellexsen s
yidammen yeḥman ara d­yeqleɛ ufus­ik... Ih ! Afus­ik yeqqlen
d afus n lmut ur netsemmiḥ i bab­is. Lḥu­n... Lḥu­n... Aql­aɣ
tura newweḍ­d ɣer tenṭelt ara yeqqlen d taxxamt­ik. Dagi ara
tegganeḍ a Bururu... Dagi... Di tenṭelt­agi...

Asayes 19

Yusef
Ahat kullec yezmer ad ibeddel di ddunit­agi, kečč ur
tettbeddileḍ ara a si Professeur.

Ɛayaci
Amek akka a Yusef ?

Yusef
Mazal­ik kan di leɛwayed­ik tiqdimin. Tamurt iɣer tewwḍeḍ
tetzuruḍ timqebrin­is, ad s­tiniḍ yella kra n nnfeɛ izaden ara
d­tesnunnteḍ ɣur lmeyytin yettwaneṭlen acḥal aya.

Ɛayaci
D lɛilm a Yusef... Nniɣ­ak d lɛilm.

Yusef
D acu n lɛilm d tussna ara d­tlemdeḍ sɣur lmeyyet
yettwaneṭlen u rkan yiɣsan­is ? Ur fhimeɣ ara !

Ɛayaci
Ur tefhimeḍ ara ? Ayagi la ttwaliɣ deg­s. Ihi tura ad k­id­
sfehmeɣ. Mačči d lmeyytin i la ttnadiɣ ad ẓreɣ, ttwaneṭlen ur
­ 59 ­
Tiɣwist n Bururu

ten­id­ssekfaleɣ ara, ẓerreɣ­ten di sbiṭar, gezmeɣ­ten s ufus­iw


i wakken ad sseɣreɣ yis­sen ilemẓiyen yeqqaren tussna n ṭṭebb.
Lameɛna d anadi akked yisteqsiyen i ttuqqimeɣ fell­asen ɣur
yiɛessasen n temqebrin.

Yusef
Ayɣer, d acu i d lmeɛna­s ?

Ɛayaci
D acu i d lmeɛna­s ? (Taḍsa) Tselleḍ qqaren zik belli llan
lmeyytin i d­iteffɣen seg yiẓekwan­nsen ?

Yusef
Tigi d timucuha iss ssewḥacen arrac, kečč, tumneḍ s tqulhatin­
agi a si Professeur ?

Ɛayaci
Lemmer qqimen lɛulama ur ttamnen ara tili ass­agi lɛilm
mazal ur yuẓ ara ɣer zdat. Ilaq­aɣ ad namen, ad nnadi i
wakken ad nawi ttbut. Ihi aɛessas n tmeqbert yeẓra kullec ;
lmeyytin ijdiden mi ara ten­id­awin i wakken ad ten­neṭlen
akked yiqdimen mi ara ten­id­skeflen i wakken ad rren wiyaḍ
yid­sen.

Yusef
Seg wasmi tebdiḍ anadi­agi, yella wayen i d­tesḍehreḍ ur
yettwassen ara ?

Ɛayaci
Ala, mazal, lameɛna ur qeḍḍɛeɣ ara layas, ad kemmleɣ anadi
alamma d asmi ara d­afeɣ aɛessas n tmeqbert ara yi­d­yeldin
iẓri ɣef wayen ahat yettwaffren di ṭṭlam, ahat... Ahat ?

Yusef
Lemmer d tidet mazal aɛessas n tmeqbert yeẓran deg yiḍ
lmeyyet yuki­d, yeldi­d allen­is, ileḥḥu yettmerriḥ, ur cukkeɣ
ara ad yernu yiwet n ddqiqa n tɣimit gar yiẓekwan. Yiwet ad
yemmet si tugdi, tis snat ad d­yaf iman­is deg uxxam n
­ 60 ­
Tiɣwist n Bururu

yimeslab, tis tlata, ayagi ma d win umi teqqur tasa­s yesɛa


lkuraǧ, ur cukkeɣ ara ad as­d­teggri tɣimit weḥd­s kra ara
yekk di ddunit.

Ɛayaci
(Taḍsa, yeskeɛrir) Ayagi la d­teqqareḍ yezmer ad yili d tidet
lameɛna yiwen ur yezmir ad yeḍmen di ccɣel­agi.

Yusef
D widen yeddren i yettamnen deg wid yemmuten (Nnhati) D
acu ara k­d­iniɣ ? Tifeḍ­iyi tamusni, d kečč i yeẓran a si
Professeur !

Ɛayaci
Aṭas n leḥwayeǧ i ẓriɣ, teɣriḍ­tent ɣur­i, ma yella mazal ayen
ara issineɣ ɣer zdat u ad k­tent­id­ǧǧeɣ, kenwi rnut­t d ttbut.

Yusef
I tura anwa aɛessas ara tqesdeḍ ?

Ɛayaci
kumiṣar Buzid yessenɛet­iyi­d yiwen isem­is Saḥari.

Yusef
kumiṣar Buzid yettamen yis­sent ?

Ɛayaci
Ur ḥṣiɣ ara a Yusef, ur t­id­yessebgen ara.
Yusef
Ur d­yeḍsi ara deg wudem­ik ?

Ɛayaci
Ala ! Ur d­yeḍsi ara. Ma yella ur yumin ara, ur t­id­yessebgen
ara.

Yusef
Melmi ara truḥeḍ ad d­tzureḍ aɛessas­agi n tmeqbert ?

­ 61 ­
Tiɣwist n Bururu

Ɛayaci
Tameddit­agi, sweǧdeɣ­as lweqt­is.

Yusef
Ad dduɣ yid­k ?

Ɛayaci
Ala ! Ulayɣer ! Ma yella walbaɛḍ n lmeyytin ara d­yeffɣen ɣur­
i di tmeqbert, ɣas ur ttaggad ara, ur d­itemmeɣ ara fell­i. Ayen
ara txedmeḍ, qim akked Samira, bedd ɣer­s, ur tt­ttaǧǧa ara
weḥd­s, mazal­itt di leɣben d leḥzen n baba­s yemmuten di
laksida n ṭumubil, terna tura teddukel­d lxelɛa n tmenɣiwt n
Lla Meryem.

Asayes 20

Ɛayaci
Ṣaḥḥa a si Saḥari, deg wayen i yi­d­tenniḍ ur teffreɣ ara fell­
ak, ssneɣ akk annect­a. Nekni s wid yettnadin nessimɣur lɛilm,
nettmuqul ad d­nawi ttbut ɣef wayen neẓra. Akka ur yettili ara
leɣlaḍ deg wayen nebɣa ad d­neǧǧ n tussna i lǧil i d­iteddun.

Saḥari
Am akken yella deg lemtel, ǧǧan­t­id imezwura : annect yessen
umdan lɛilm yugar­it.

Ɛayaci
Ulac win ara iqeḍɛen lɣilm s tmusni, d lebda yettlal­d ujdid ɣef
ujdid, ur t­yettqiddi ara lweqt ad yiqdim.

Saḥari
Bɣiɣ ad k­steqsiɣ a si Professeur !

Ɛayaci
Steqsi, steqsi, tura d nnuba­k.

­ 62 ­
Tiɣwist n Bururu

Saḥari
D acu n lemtel n lɛilm iɣef la tḥerrṣeḍ iman­ik ? (Yettxemmim)
Ma ur skaddbeɣ ara iman­iw ssneɣ­k a si Professeur !

Ɛayaci
Anda i yi­tessneḍ ?

Saḥari
ssneɣ­k di lǧernan. Aṭas n lewṣayef­ik i d­srusun deg­s.

Ɛayaci
Di lǧernanat ad yili d tidet, ma d tamurt­agi d tikkelt
tamezwarut i d­usiɣ ɣur­s.

Saḥari
Mazal ur iyi­d­twaǧbeḍ ara a si Professeur.

Ɛayaci
Tura ad k­in­waǧbeɣ. Lɛilm iɣef la ḥerrṣeɣ iman­iw d yiwen n
ṣṣenf n tmusni i d­yesnulfa zik­nni yiwen umeddakel­iw
(Nnhati) Lameɛna lweqt­nni ulac yiwen deg­neɣ i s­yefkan
tameẓẓuɣt ad yefhem ayen yettnadi ad yaweḍ, akken ma nella s
yimusnawen, necceḍ, nerra­t d ameslub ur t­numin ara.

Saḥari
(Ikukra) Ayɣer ur t­tuminem ara ?

Ɛayaci
Ayɣer ? Axaṭer ayen yettxemmim d ayen ur iqebbel leɛqel...
Yeffeɣ­d zdat­neɣ, yebra i uqerru­s, imeṭṭawen deg wallen­is,
seg wasmi i iruḥ ur d­iban ma yemmut neɣ mazal­it yedder.

Saḥari
D tidet, amdan umi tekksen yirfiqen­is laman yetthuddu deg
wul­is... Ulamma ur ssineɣ ara ṣṣenf n lɛilm­nwen, d acu i
wen­d­yenna di temlilit­nwen armi ur t­tuminem ara ?
Lameɛna di leɛnaya­k ma ur iyi­tsemmḥeḍ ɣef yisteqsiyen­agi
ahat ad yili cewwleɣ­k yis­sen.
­ 63 ­
Tiɣwist n Bururu

Ɛayaci
Kečč twuǧbeḍ­iyi­d merra ɣef wayen i k­steqsaɣ, tura d
nnuba­w ad k­qennɛeɣ deg yisteqsiyen­inek. U daɣen ad d­
mmeslayeɣ i win yexḍan tussna­nneɣ i wakken ad yifsus wul­
iw. Ameddakel­agi­nneɣ, yufa belli aṭas n lehlakat i yetabaɛen
idammen n umdan. I wakken ad inaḥel fell­as udawi, yebɣa ad
ten­yeccrek s widen n lhayca.

Saḥari
Tebɣiḍ ad d­tiniḍ belli ul n bunadem ad yeqqel ad ileḥḥu s
yidammen n lehwayec ?

Ɛayaci
Anɛam ih akka ! S tuccerka n yidammen n lhayca.

Saḥari
I kečč, d acu i twalaḍ deg wannect­a ?

Ɛayaci
D netta i iwalan, lameɛna nekk umneɣ s wayen i d­yesnulfa...
Lemmer ḥṣiɣ ad t­afeɣ yedder, ad t­ɛiwneɣ u ad kemmleɣ yid­s
ayen akka yebɣa ad t­yaweḍ di leslaḥ n tussna n lɛilm n ṭṭebb.
Ur ilaq ara ad nettu belli d lɛalem ameqqran yebɣan ayen
yelhan i widen i t­icuban (Ibeddel awal) D acu akka i yuɣen
allen­ik a si Saḥari ? La ttrunt ?

Saḥari
(Yuggad) Ala a si Professeur... D axeclaw kan i yi­
yesmunedlen. Lemmer ad d­yas wass ideg ara temlileḍ yid­s...
Ad teqqlem am zik ?

Ɛayaci
Akter n zik. Awi­d kan ad iyi­isemmeḥ di lweqt­nni ur d­ddiɣ
ara deg wawal­is.

Saḥari
I lemmer ad tafeḍ d tidet yesleb neɣ ahat yexdem timeqqranin
yettwaḥerrmen ? Neɣ yenɣa tamgerḍt ?
­ 64 ­
Tiɣwist n Bururu

Ɛayaci
Ma yesleb ad t­dawiɣ, ma yenɣa tamgerḍt ad t­ṣṣreɣ imi ayen
yexdem di nnfeɛ n tussna n ṭṭebb ara ineḥlen ɣef umdan.

Saḥari
(Yefreḥ) Ɛayaci ! Ɛayaci ! Ur iyi­d­teɛqileḍ ara deffir tamart­
agi i rebbaɣ ?... D nekk iɣef telliḍ tettnadiḍ ?

Ɛayaci
Amek ! D kečč, aɛessas n tmeqbert ?

Saḥari
Anɛam ih ! d nekk s timmad­iw a Ɛayaci. Ffreɣ iman­iw fell­
awen, ɣef widen i yi­yessnen merra, sdergeɣ ṣṣenɛa­w s tin n
uɛessas n tmeqbert i wakken ad kemmleɣ ccɣel­iw weḥd­i.
Ass­agi aql­iyi ferḥeɣ imi yiwen deg­wen yendem, yeqqel­d
armi d awal­iw, tura ad nernu anadi deg wayen bɣiɣ ad
smeɣreɣ asnulfu di sin, kečč akked nekk (Taḍsa) Ass­agi ulac
ayen ara ffreɣ fell­ak, ad ak­d­sneɛteɣ merra lbaḍna­w. Ddu­d
yid­i, rwaḥ, ḍfer­iyi­d, ad k­d­zzikneɣ ayen i d­yurew lmux­
iw u bnan­t yifassen­iw, rwaḥ... Yya­n... ad tissineḍ Bururu...

Asayes 21

Sirènes n la police.

Racid
(Yettazzal, ilehhet) Azzel a Ṭeyyeb azzel ! La police tufa belli
nerwel... La ttnadin fell­aɣ... Sel sel i la police... Azzel, azzel,
azzel...

Ṭeyyeb
(Ilehhet) D ayen fecleɣ... Ɛyiɣ... Yenneqḍeɛ deg­i nnefs...
Iḍarren­iw kerfen...

Racid
Ula d nekk akken... Ɛyiɛ... Aha aha uqqem lkuraǧ... Lḥu, mazal
­ 65 ­
Tiɣwist n Bururu

ur ɛad nessebɛed fell­asen (Yeḥbes) Arǧu ! Ḥbes kan !

Ṭeyyeb
Aql­i ḥebseɣ uqbel ad d­tneṭqeḍ.

Racid
Yya­n ad nessedreg iman­nneɣ di tmeqbert­agi zdat­neɣ.

Ṭeyyeb
Amek ? Di tmeqbert ? Ixuṣṣ­ik leɛqel ! Yerna deg yiḍ akked
lmeyytin !

Racid
Tugadeḍ ? Tugadeḍ iruḥaniyen ? Ttɣawal, yya­d ! ur d­yettas
ara di lbal n la police ad neffer iman­nneɣ gar yiẓekwan. Lḥu...
Azzel...

Asayes 22

Askeɛwew n wuccen, rrɛud.

Ṭeyyeb
(I yiman­is, yuggad) Racid ! Racid ! La yi­d­tselleḍ ?
Racid
La k­d­selleɣ a Ṭeyyeb la k­d­selleɣ... D acu i tebɣiḍ ?

Ṭeyyeb
(Yesqewqiw, yettergigi seg tugdi) Mu... mumu... muqel !
Muqel akin ! La ttwaliɣ... Aẓekka­inna... Yettembiwil...

Racid
(Yethedden) Anda teẓriḍ tagi ? Di targit ? Neɣ s tugdi izedɣen
ul­ik ? Susem tura, ḥbes ur sṭerḍiq ara tuɣmas­ik ! Ad s­tiniḍ d
les castagnettes n tceṭṭaḥin n spenyul.

Ṭeyyeb
Nniɣ­ak yya ad nettixxer (Yuggad) Muqel... Muqel tadimt n
­ 66 ­
Tiɣwist n Bururu

uẓekka­inna... La tettwarfad... Afus... Afus... La d­iteffeɣ ufus n


lmeyyet...

Racid
Susem... Susem ! S ṣṣut­ik mačči kan d la police ara d­
tesnejmaɛeḍ fell­aɣ, ula d lmeyytin­agi yerkan deg yiẓekwan­
nsen ad ten­id­taḥyuḍ.

Ṭeyyeb
A yemma ! A yemma ! Annect lexyal ibedden ! Ay a lmumnin d
acu­t wagi ! Racid ! Racid ! Yya­n ad nerwel qbel ma ifut lḥal...
La yettembiwil... La ileḥḥu... Racid... Mmuteɣ...

Racid
Ssenɛet­iyi­d akka aẓekka­agi !

Ṭeyyeb
Atan ! Dahi ! Agemmaḍ !

Racid
Ur walaɣ ara anda ! Anwa aẓekka­agi ?

Ṭeyyeb
D asigna, iɣumm tiziri, ur t­tettwaliḍ ara (Tiɣwist n Bururu).
Racid
Ad ruḥeɣ ad muqleɣ i wakken ad ak­yekkes ccek (Ileḥḥu).

Ṭeyyeb
Uɣal­d... Ur iyi­ttaǧǧa ara weḥd­i ! Racid ! Racid ! Dayen...
Iruḥ... Iruḥ !

Racid
(Ileḥḥu, i yiman­is) Ula d nekk armi selbeɣ i d­rewleɣ si lḥebs
akked umaggad i t­yecban. Tadimt n uẓekka teldi... Afus n
lmeyyet yeffeɣ­d... Lxelq ibded­d...

Ṭeyyeb
Aaaaa ! Aaaaaa ! (Yemmut).
­ 67 ­
Tiɣwist n Bururu

Racid
(Yedduqqes, yuzzel, yessawal) Ṭeyyeb ! Ṭeyyeb ! (Yewweḍ,
yeḥbes) Ṭeyyeb ! D acu akka i k­yuɣen ? Ayɣer teẓẓleḍ di
lqaɛa ? (Iwala­t) Yemmut... Yemmut... Idammen... Idmaren­
is... Idmaren­is... (Yettergigi) Rrẓen... Ul­is... Yettwaqleɛ...
(Yeffeɣ­it leɛqel, yessawal) La police... La police... Aql­i dagi...
Aql­i dagi... Ur iyi­ttaǧǧat ara...

Tiɣwist n Bururu.

Asayes 23

Racid
(Mazal­it yuggad) Nekk ɛuddeɣ d tugdi kan i yella yettaggad
timeqbert, kkreɣ ad ẓreɣ amkan i la yi­d­yessenɛat u la
yettxayal... Sliɣ­d i usuɣu deffir, uzzleɣ­d... Ufiɣ­t­id yemmut,
idmaren­is rrẓen, ul­is yettwaqleɛ, lǧetta­s tettɛummu di
temda n yidammen.

Ɛaziz
Tenniḍ­d idmaren­is rrẓen ul­is yettwaqleɛ.

Racid
Akka ih ! U ssyin qqleɣ­d ɣer lḥebs iseg nerwel di sin.

Buzid
(I yiman­is) Lmut­agi n umeḥbus tcuba ɣer lmut n Lla
Meryem. Win i ten­yenɣan iban d yiwen (I Ɛaziz) Ɛaziz !
Heggi­d ṭumubil ad nawi Racid ad aɣ­d­yessenɛet amkan­agi n
tmeqbert.

Ɛaziz
Yirbeḥ a si kumiṣar, aql­i ruḥeɣ.

Buzid
Ma d kečč ḥader ad yili teskaddbeḍ !

­ 68 ­
Tiɣwist n Bururu

Racid
Ur sɛiɣ ara lfayda ad d­qqleɣ seg wansi i rewleɣ lemmer
skaddbeɣ.

Asayes 24

Saḥari
Ttɣawal ! Ttɣawal i wakken ad nekkes lmeyyet­agi seg umkan­
agi qbel ad d­taweḍ la police.

Ɛayaci
Anda ara t­neffer ?

Saḥari
Yexḍa­k ccɣel, xdem kan ara k­d­iniɣ, ad t­nenṭel deg yiwen
seg yiẓekwan ur nesɛi bab­is. Ɛeddi­d tura ssyahi... Rfed­it­is si
tuyat­is.

Ɛayaci
(Yettergigi) I netta, anda akka iruḥ tura ?

Saḥari
Bururu... Yeqqel ɣer umkan­is di tenṭelt.

Ɛayaci
D lweḥc... Wagi d lweḥc umi tbeddleḍ idammen ! Ayɣer yenɣa
amexluq­agi ? D acu i s­yexdem ?

Saḥari
D ul­is i d­icedha... Aha rfed... Rfed.

Ɛayaci
Ɛeddi­d kečč ad t­id­trefdeḍ seg tuyat­is, nekk ad k­id­ɛiwneɣ
seg yiḍarren­is, ur zmireɣ ara ad waliɣ amruj­nni i s­d­yeǧǧa
deg yidmaren­is.

­ 69 ­
Tiɣwist n Bururu

Saḥari
Akken i k­yehwa ! Awi­d kan tura ad t­nestixxer seg umkan­
agi i wakken ad d­nuɣal ad nekkes limarat n yidammen.

Asayes 25

Racid
Deg umkan inna dihin i t­ǧǧiɣ ! Lḥut tura ad t­twalim
(Dduklen akken, wwḍen, ḥebsen) Atan... Dagi... (Yewhem)
Lameɛna... Lameɛna...

Buzid
(Yezɛef) Lameɛna ulac­it !

Racid
Ur fhimeɣ ara... Dagi i t­ǧǧiɣ yemmut...

Ɛaziz
Ihi d kečč i t­yenɣan u tefreḍ­t !

Racid
Ayɣer ara t­nɣeɣ ? Ayɣer nerwel di sin ? Ayɣer i d­qqleɣ ɣer
lḥebs ?

Buzid
Ihi d lmeyytin i t­yewwin neṭlen­t ɣur­sen !

Racid
(Isuɣ, yuyes) Nniɣ­awen yemmut, yemmut... (Yekkat s
yiḍarren­is di lqaɛa) Lemmer ad d­yenṭeq umkan­agi ad d­yini
belli dagi i t­ǧǧiɣ.

Buzid
Tenniḍ­s isuɣ !

­ 70 ­
Tiɣwist n Bururu

Racid
Ih isuɣ... Isuɣ... Lemmer i teqrib temdint yili ad d­yessaki
imezdaɣ­is.

Buzid
D ayen isehlen. Ur nettruḥu ara ɣer temdint ad nesteqsi
imezdaɣ­is, ad nesseqreb, ad nesteqsi kan aɛessas n tmeqbert,
atan dahi uxxam­is. Ma d tidet ad yili yesla­d... Yyaw... Lḥut
(Leḥḥun s axxam n uɛessas, wwten ɣef tewwurt) Ad t­id­
nessaki u ad t­nesteqsi (Yewwet ɣef tewwurt geddac n tikkal,
slan i tikli ɣer daxel) Waqila atan yuki­d, la d­ileḥḥu.

Saḥari
(Yennuddem, yeldi tawwurt) Zzyara n yiẓekwan deg wass
mačči deg yiḍ... D acu­ken kenwi ?

Buzid
La police.

Saḥari
La police ? D acu i tebɣam ?

Buzid
Tesliḍ­d i yisuɣan ?

Saḥari
Isuɣan ? Wi ten­ilan isuɣan ?

Racid
(Yetsuɣu) Isuɣan n yiwen umeddakel­iw ! Yenɣa­t lweḥc dagi !
Ad yili tesliḍ­as­d !

Saḥari
Di leɛwayed­iw selleɣ i yizi mi ara yettferfir, iḍes­iw d afessas,
lameɛna ur sliɣ ara i yisuɣan. Ḥala dderz d usṭebṭeb­nwen umi
sliɣ tura, yessaki­yi­d.

­ 71 ­
Tiɣwist n Bururu

Racid
(Yezɛef) Teskiddibeḍ ! Teskiddibeḍ !

Buzid
Stixxer­it akin a Ɛaziz !

Saḥari
(Yewhem) Armi d tura i k­in­ɛeqleɣ a si kumiṣar, llant wallen­
iw mazal qemcent si naddam, d acu­t wagi i d­tewwim yid­
wen yeddebdeb akka ?

Buzid
D yiwen umeḥbus i irewlen akked wayeḍ, la d­yeqqar belli d
lweḥc i yenɣan ameddakel­is dagi, di tmeqbert­agi.

Saḥari
Meskin... Yenɣa­t ulaxert... Ameddakel­is yenɣa­t ulaxert...
Iban yerwi di leɛqel­is.

Buzid
Tesɛiḍ lḥeqq a si Saḥari, mazal ad t­nawi ɣur Docteur n
yimeslab i wakken ad yettudawi.

Saḥari
D ayen kan i s­iwulmen meskin ! Timeqbert, deg yiḍ, ttilin wid
umi tessexrab leɛqel.

Asayes 26

Saḥari
Rriɣ­ak­d s tamawt ussan­agi ineggura tbeddleḍ a Ɛayaci ! D
acu i k­yuɣen ? D acu i k­yesnuɣnan ?

Ɛayaci
Ɛyiɣ kan d aya... Ue ṣeḥḥaɣ ara.

­ 72 ­
Tiɣwist n Bururu

Saḥari
Ur teffer ara fell­i, nemyussan, d acu akka i iceɣlen leɛqel­ik ?
Ad s­tiniḍ tettucewwleḍ !

Ɛayaci
(Yettucewwel)Imi tebɣiḍ tidet, ad k­tt­id­iniɣ, ugadeɣ ! Ugadeɣ
bunadem­agi i terriḍ d lweḥc s yidammen n Bururu, timital­is
ulac­iten deg tmenɣi, d lweḥc... D lweḥc... D lweḥc.

Saḥari
D ayagi kan ?

Ɛayaci
Mazal ! Kečč daɣen ur ɛuddeɣ ara akka ara k­id­afeɣ, ɣelḍeɣ, d
kečč i d lmut. Bururu d afus s wayes tneɣɣeḍ ! D ayen, d ayen
ur zmireɣ ara ad kemmeleɣ tadukli yid­k... Ugadeɣ... Ugadeɣ...

Saḥari
Tebɣiḍ ad truḥeḍ lameɛna tugadeḍ (Yettxemmim) Ma yella
ǧǧiɣ­k ad truḥeḍ ula d nekk ad aggadeɣ.

Ɛayaci
D acu ara taggadeḍ seg­i ? Tessneḍ­iyi mačči d axeddaɛ i lliɣ.
Tessneḍ­iyi, tessneḍ­iyi seg wasmi nella neqqar, di leɛmer
xedɛeɣ ameddakel.

Saḥari
Ttaggadeɣ ad iyi­d­tkecfeḍ a Ɛayaci, kra n wayen bniɣ ad t­
thuddeḍ, lbaḍna­w ad tettwassen.

Ɛayaci
La k­qqareɣ tessneḍ­iyi, ur lliɣ ara d win iheddren, d win
yettɛawaden tiɛlumin, ḍemneɣ­k, lbaḍna­k ad teqqim inek,
lameɛna ur zmireɣ ara ad qqimeɣ yid­k, ur zmireɣ ara. Awi­d
kan ur ttiliɣ ara zdat n lweḥc­agi i d­tṣenɛeḍ s lmux­ik akked
yifassen­ik. Amen­iyi, amen­iyi.

­ 73 ­
Tiɣwist n Bururu

Saḥari
Umneɣ­k a Ɛayaci, umneɣ­k... Ḥala nekk i izemren ad ɛiceɣ
akked Bururu... Ssewǧed iman­ik ad truḥeḍ ad tzedɣeḍ di
l’Hotel, di temdint yeččuren d lɣaci ara k­iwansen. Ssewǧed
iman­ik, ssewǧed iman­ik...

Asayes 27

Racid
(Yetsuɣu) Ɣas ur ttnadit ara ɣef Ṭeyyeb, yemmut ! Yemmut !
Nniɣ­awen yemmut... Terram­iyi d akeddab, d ameslub...
Tɣelḍem, tɣelḍem...

Ɛaziz
(Yezmumeg, yesmeɛlek) Alaxert yeffeɣ­d seg uẓekka... Yenɣa
Ṭeyyeb... Yuɣal s amkan­is ad yeṭṭes uqbel ad t­yeffeɣ naddam
n lebda ? Ah ? Ini­yi­d, amek tebɣiḍ ad k­namen ? Amek a si
Racid ?

Racid
(Yuyes) Anda ḥṣiɣ a si l’inpecteur, amek tebɣam ad d­iniɣ ? Ad
d­skiddbeɣ ?

Buzid
Ala ! Ini­aɣ­d kan tidet.

Racid
D tidet i wen­d­nniɣ mačči d lekdeb. D acu n lfayda i sɛiɣ i
wakken ad skiddbeɣ ? Ass­agi terram­iyi d ameslub ur slibeɣ !

Ɛaziz
Racid, nekni ɣur­neɣ tbaneḍ tselbeḍ !

Buzid
Yya a Ɛaziz, anef­as ad ixemmem akked yiman­is.

­ 74 ­
Tiɣwist n Bururu

Racid
(Yettḥelli) Si kumiṣar, ma teǧǧam­iyi dagi akked yimeslab, cfut
ad tawim ddnub­iw, ad qqleɣ am nitni.

Buzid
(Ileḥḥu) Ameslub itettu, yettbeddil awal s wayeḍ, wagi d ayen i
d­yenna di tazwara i mazal yeṭṭef deg­s.

Ɛaziz
(Ileḥḥu) D acu i tebɣiḍ ad d­tiniḍ a si kumiṣar ?

Buzid
Ulamma tidet tettuxaḍ merra s tissist, lameɛna cukkeɣ belli
Racid s leɛqel­is i yella, am kečč akked nekk, aṭas n lumur i
walaɣ la t­id­ssebganen ur yeslib ara, ur fhimeɣ ara.

Asayes 28

Saḥari
Bururu ! Bururu ! Ldi­d allen­ik. Iḍ­agi ḥwaǧeɣ­k a Bururu,
ffeɣ­d si tenṭelt, kker­d, bedd...

Bururu
(Yettnazaɛ) Idammen... Ulawen yeḥman...
Saḥari
Ihi, ih a Bururu ! Ad k­ceyyɛeɣ ad d­tqelɛeḍ ul n Professeur
Ɛayaci qbel ad aɣ­d­yekcef di sin, yelzem ad yemmet iḍ­agi...
Ad yemmet i wakken ayen yeẓra ad yettwanṭel yid­s... Bɣiɣ ad
waliɣ ul­is yettquddur d idammen gar wajjaren­ik...

Bururu
Idammen... Idammen... Ul­is... Ul n Ɛayaci...

Asayes 29

Ɛayaci
(Yettheyyi iceṭṭiḍen­is, ileḥḥu deg texxamt­is, i yiman­is) D
ayen tura fukeɣ aheyyi n tbalizin. Azekka ṣṣbeḥ ad ruḥeɣ. Ad
­ 75 ­
Tiɣwist n Bururu

beddleɣ tamurt qbel ad ifat lḥal fell­i... Iḍ­agi ur cukkeɣ ara ad


iyi­d­isami naddam... Aql­i ttuqellqeɣ...

Bururu
(Isuɣ, yekcem­d seg ṭṭaq) Ɛayaci... Bɣiɣ ul­ik...

Ɛayaci
(Yewhem, yuggad) Bururu... Iceyyeɛ­it­id Saḥari ad iyi­ineɣ...
Yerẓa­d ṭṭaq... Aẓ akin... Tixxer­iyi a Bururu... Ur iyi­neɣɣ ara
a Bururu... Ala ! Ala ! Ala ! Ur d­ttqerrib ara ɣur­i...

Bururu
(Yettaẓ) Ul yettqudduren d idammen... Ɛayaci bɣiɣ ul­ik...

Ɛayaci
(Yettazzal deg texxamt) Tixxer­iyi a Bururu... Tixxer fell­i... Ur
iyi­neɣɣ ara... Eǧǧ­iyi... Yeṭṭef­iyi... Ala... Ala... Ala... (Isuɣ)
Aaaaaaaaaaaaaa ! (Yemmut).

Bururu
(Yefreḥ) Ul­is... Ul­is... Idammen yeḥman... Yemmut...
Yemmut... (Isuɣ).

Asayes 30

Lḥess n lɣaci deg tseqqift.

Buzid
Mdel, mdel tawwurt a Ɛaziz... Ur d­keccmen ara
imesǧernanen. Ad as­tiniḍ wagi yenɣan Professeur Ɛayaci
ixebber­iten.

Ɛaziz
(Yemdel tawwurt) Atan la ttraǧun deg tseqqift am yimawlan
yettraǧun tawellit­nsen ad d­terbu.

­ 76 ­
Tiɣwist n Bururu

Buzid
(Yezɛef) Anef­asen ad arǧun. Imi mazal ur d­neṭṭif ara lweḥc­
agi ineɣɣen, ur ɣ­ṭṭixxiren ara. Ad aɣ­ṭṭafaren am yizamaren
yectaqen iniɣem (Yuẓ ɣer ṭṭbib) Ihi a Docteur, anda akka
tessawdeḍ di ccɣel­ik ? Ma tufiḍ kra izemren ad aɣ­iɛiwen ?

Ṭṭbib
Ayagi la ttwaliɣ la yessewham a si kumiṣar. Professeur Ɛayaci
Yemmut s ufus i yenɣan Lla Meryem, tameṭṭut n si Salem.

Buzid
Ayagi ḥṣiɣ­t a Docteur, d ayen ibanen am uzal. Ɣef wacḥal
tasaɛet i yettwanɣa ?

Ṭṭbib
Gar tnac d zzuǧ n ṣṣbeḥ. Attan tura d tlata.

Buzid
Yeɛni xemseṭṭac n ddqayeɣ segmi ɣ­d­ɛeggnen s tilifun ɣer
kumiṣariya. Slan­d i lḥess n truẓi n ṭṭaq, slan­d i yisuɣan,
uzzlen­d ɣer texxamt n Professeur Ɛayaci, ufan­t­id yemmut,
yeẓẓel di temda n yidammen­is.

Ṭṭbib
Akka tettwaliḍ a si kumiṣar, idmaren­is rrẓen ul­is
yettwaqleɛ... Ur fhimeɣ ara timenɣiwt­agi... D taweḥcit.

Buzid
(I yiman­is) I lemmer Racid ameḥbus ad yili ur yeskaddeb ara
ɣef lmut n Ṭeyyeb, ameddakel­is n ssilul di tmeqbert ? Heu ?
Ahat win i t­yenɣan yekkes­is seg umkan i wakken ur t­nettaf
ara, ad yesseɛreq later.

Ṭṭbib
Icenfiren­ik la ttembiwilen a si kumiṣar, ma d ayen i la d­
teqqareḍ ur s­sliɣ ara.

­ 77 ­
Tiɣwist n Bururu

Buzid
Heu ! (Yezmumeg) Llant kra n tikkal ula d nekk ur selleɣ ara i
wayen d­ttemslayeɣ a Docteur ! Ma tekfiḍ ccɣel­ik, ini­asen i
yifremliyen ad kksen lmeyyet.

Ṭṭbib
Dagi kfiɣ yid­s, ayen i d­mazal ad t­kemmleɣ di sbitar.

Buzid
Ɛaziz !

Ɛaziz
Aql­i da a si kumiṣar !

Buzid
Atan Docteur yekfa ccɣel­is akked lmeyyet, kenwi daɣen ma
tekfam ccɣel­nwen dagi, siwlet i yifremliyen ad t­refden ssyagi.

Ɛaziz
Yirbeḥ a si kumiṣar. Lameɛna imesǧernanen ?...

Buzid
(Yezɛef) D acu i tebɣiḍ ad asen­xedmeɣ i yimesǧernanen ?
Anef­asen ad qqubbɛen deg yimukan­nsen, mačči ula d nitni
ad d­rnuɣ lhemm­nsen. Ɣiwel... Awit lmeyyet ssyagi.

Ɛaziz
Yirbeḥ, yirbeḥ a si kumiṣar (Iruḥ).

Ṭṭbib
Ihi aql­i ad ruḥeɣ a si kumiṣar, mi kfiɣ ccɣel­iw i yi­d­mazal
akked lmeyyet di sbiṭar ad k­d­sweǧdeɣ rrabul inu.

Buzid
Ay arezg­ik a Docteur kečč qrib ad tekfuḍ lxedma­k, ma d
nekk mazal la tennḍeɣ deg yiwen umkan.

­ 78 ­
Tiɣwist n Bururu

Ṭṭbib
Yal yiwen d acu n lḥirfa i yextar a si kumiṣar !

Buzid
(Ileḥḥu) Aywah a si Yusef ! Ḥala awal­ik i ur ɛad s­sliɣ !

Yusef
D acu i tebɣiḍ ad tesleḍ sɣur­i a si kumiṣar ?

Buzid
Ula d kečč d Docteur, tzemreḍ ad aɣ­d­tiniḍ ma yella kra
twalaḍ !

Yusef
Ayen ara waliɣ atan iwala­t Docteur­nwen.

Ɛaziz
(Yeddukel­d akked yifremliyen) Awit­t, lhit­d yid­s !

Buzid
(I Yusef) Ur tesliḍ ara i Professeur Ɛayaci mi isuɣ ?

Yusef
Ala, ur s­sliɣ ara a si kumiṣar. D aherwel i yekkren di l’Hotel i
yi­d­yessakin... Uzzleɣ­d, ufiɣ­t­id...

Buzid
Tufiḍ­t­id... Tufiḍ­t­id yemmut. Tzedɣem di sin di l’Hotel­agi
seg wasmi i d­tusam ?

Yusef
Akka seg wasmi i d­nusa... Lameɛna...

Buzid
Lameɛna ssefrez axemmem­ik.

Yusef
Ussan­agi ineggura ur d­iban ara di l’Hôtel, tura la ttwaliɣ
­ 79 ­
Tiɣwist n Bururu

yessewǧed tibalizin am win yebɣan ad yinig... Ayɣer ur iyi­d­


iɛeggen ara ? Ur fhimeɣ ara !

Buzid
Ur teḥṣiḍ ara anda yella mi akken yella iɣab si l’Hôtel ?

Yusef
Ur iyi­d­yenni ara... Tikkelt taneggarut mi t­ẓriɣ, yenna­yi­d
ad iruḥ ad iẓer aɛessas n tmeqbert.

Buzid
Ayagi ẓriɣ­t, d nekk i s­yennan ad iruḥ ad iẓer Saḥari. Ur
fhimeɣ ara d acu­t akken i la yi­d­iḥekku ɣef lɛilm ur ttnadiɣ
ara ad fehmeɣ.

Ɛaziz
Qrib ad yekfu waggur n usteɛfu n kumiṣar Ɛmara, ad d­yas ad
aɣ­iɛiwen di taluft­agi.

Buzid
Netta atan deg usteɛfu, ṭṭfeɣ amkan­is, weqɛeɣ deg tyersiwin­
agi n lweḥc iqellɛen ulawen. Tamdint tella tethenna, teqqel
tessewḥac. Si Salem yemmut di laksida n ṭumubil. Lla Meryem,
tameṭṭut­is, temmut s yir lmut. Professeur Ɛayaci i d­yusan d
inebgi kemmlen nɣan­t, ixef­is ulac­it (Yetqelleq) D acu­t akka
i teṭṭfeḍ deg ufus­ik a si Yusef ?

Yusef
D incew, n ufrux.

Buzid
Anda i t­tufiḍ, dagi ?

Yusef
Dagi ih a si kumiṣar. Mazal idammen deg yiɣef­is... Ur ɛad
qquren...

­ 80 ­
Tiɣwist n Bururu

Buzid
Anwa afrux umi tettwakkes yincew ?

Yusef
Aql­i wehmeɣ a si kumiṣar, ur tettamneḍ ara lemmer ad ak­d­
iniɣ !

Buzid
Ɣas ini­d a si Yusef, ur ttnadi ara ɣef wayen ara yamneɣ neɣ ur
ttamneɣ. Ass­agi aql­i weǧdeɣ ad amneɣ leɛǧubat.

Yusef
D incew n Bururu, lameɛna ulac di ddunit Bururu yesɛan
incew meqqren annect n tagi.

Asayes 31

Buzid
Ɛaziz tecfiḍ asmi i k­d­nniɣ belli Racid ameḥbus ur yeslib ara ?

Ɛaziz
Cfiɣ a si kumiṣar, ayɣer ?

Buzid
Tura aql­i tḥeqqeɣ, d tidet, i ɣ­d­yenna ɣef lmut n Ṭeyyeb...
Lameɛna xuṣṣent­iyi ttbut.

Ɛaziz
Semmeḥ­iyi a si kumiṣar, amek teẓriḍ yemmut ? Ulac ayen i t­
id­yesbegnen i wakken ad tetḥeqqeḍ. Neɣ ma yemmut, anwa i
t­yekksen seg umkan ?

Buzid
Win i t­yekksen seg umkan d win i t­yenɣan, yuggad la police
ad t­id­kecfen, ayen mazal ttxemmimeɣ d lmut n Professeur
Ɛayaci, yusa­d i wakken ad inadi ɣef ṣṣenf n lmeyytin di
temqebrin, iruḥ ad d­iẓer Saḥari aɛessas... La d­tselleḍ a Ɛaziz ?
­ 81 ­
Tiɣwist n Bururu

Ɛaziz
La nselleɣ, la nselleɣ a si kumiṣar.

Buzid
Ṭeyyeb ameḥbus yenna­d belli Racid ameddakel­is i irewlen
yid­s iwala­t yemmut di tmeqbert anda yettɛassa Saḥari
(Icukk) Win i t­yenɣan cukkeɣ ad yili yezdeɣ dinna, di
tmeqbert.

Ɛaziz
Ur tebɣiḍ ara ad d­tiniḍ Saḥari yettiki deg tmenɣiwt a si
kumiṣar !

Buzid
Saḥari yessemɣer di leɛmer, mačči d netta i izemren ad yexdem
leǧruḥ­nni neɣ ad yettali leḥyuḍ, ala, mačči d netta.

Ɛaziz
Ihi, anwa ? Neɣ... Tebɣiḍ ad d­tiniḍ yella walbaɛḍ n lewḥuc...
iteffren iman­is di tmeqbert ?

Buzid
D lweḥc ne d bunadem labud yiwwas ad d­yettwakcef. Sel­d,
atan amek ara nexdem tameddit­agi, ad nawi yid­neɣ aqjun­
nneɣ ɣer lḥebs i wakken ad yesriḥ di ssilul n Ṭeyyeb iceṭṭiḍen­
is d umeṭreḥ­is, ssyin ad as­nserreḥ ad yetbeɛ later­is, nekni ad
t­neḍfer alamma yessaweḍ­aɣ s amkan anda ara yili Ṭeyyeb.
Ma yella mazal­it yedder, ad t­id­naf, ma yemmut yettwanṭel,
ad t­id­nessekfel. Tfehmeḍ a Ɛaziz ?

Ɛaziz
Fehmeɣ a si kumiṣar, d tikti yelhan. Truḥ­aɣ kan, yili akka ara
nexdem di tazwara.

Buzid
Aṭas i la ɣ­yettruḥun, mačči d yiwet, ṭṭuqtent. Awi­d kan
lweḥc­agi iɣef la nettnadi, ad d­naf later­is.

­ 82 ­
Tiɣwist n Bururu

Ɛaziz
I lemmer ad yili tɣelḍeḍ a si kumiṣar ?

Buzid
Tikkelt­agi ma yella ɣelḍeɣ, ad ǧǧeɣ amkan­iw i wiyaḍ.
Lameɛna ur cukkeɣ ara ɣelḍeɣ a Ɛaziz !

Ɛaziz
Ur teḥṣiḍ ara a si kumiṣar ma tɣelḍeḍ, ineɣmasen ad afen ayen
ara d­arun.

Buzid
Ad sen­fkeɣ lḥeqq. La police ur nezmir ara ad d­teṭṭef win
ineɣɣen, win yesserwalen lɣaci seg yiberdan, u yessekcem
tugdi d lweḥc deg wulawen, tuklal acettem.

Asayes 32

Saḥari
(I yiman­is) Iḍ­agi timeqbert attan teɛmer ! La police wwin­d
yid­sen aqjun­nsen... Ufan tanṭelt­nni ideg neffer ameḥbus­nni
yenɣa Bururu, atan la t­id­ssekfalen (Yezɛef) Texṣer tegnit...
kumiṣar Buzid yeḥrec, s uqjun inna ur ttɛeṭṭilen ara ad ḍefren
later alamma d da (Nnhati) Ilaq ad qerrbeɣ ɣur­sen neɣ mulac
ad ten­yekcem ccek fell­i, ad s­inin yeffer neɣ yerwel mi d­
yesla i la police. Ad xemmeɣ amek ara sen­sɛerqeɣ lǧerra ma
yella mazal ur ɛad ur ten­yekcim kra n ccek (Yelḥa ɣer­sen)
Rebbi ad iɛin ! Waqila tbeddlem ṣṣenɛa a si kumiṣar imi
tuɣalem d ixebbacen n wakal (Lḥess n tɣuzi).

Buzid
Llan widen yeɣɣazen i wakken ad ẓẓun... neɣ ad neṭlen win
yettwakksen a si Saḥari... Nekni nesskfal i wakken ad t­nissin.

Saḥari
(Taḍsa) Ur fhimeɣ ara d acu i tebɣiḍ ad d­tiniḍ a si kumiṣar ?

­ 83 ­
Tiɣwist n Bururu

Ɛaziz
Si kumiṣar... Dayen... Ufan­t ixeddamen... La d­yettban ufus­ik
seddaw wakal... Muqel, muqel !

Buzid
La ttwaliɣ a Ɛaziz, la ttwaliɣ. D udem­is i bɣiɣ ad waliɣ.
Kemmlet aɣizi, sḍehret­d lǧetta­s.

Ɛaziz
(Yumer­iten) Ahaw ! Ahaw ! Ɣzet ɣer tama n yiḍarren­is...
Zwiret kkset akal­nni yellan s aqerru­s.

Saḥari
Anwa wagi i la d­tessekfalem ?

Buzid
Ṭeyyeb ameḥbus (Aqjun yeskeɛwiw si tugdi) Acu yuɣen aqjun­
agi ? Ad s­tiniḍ yuggad... La yettergigi.

Saḥari
D aqjun­agi i t­id­yufan ?

Buzid
D netta, d aqjun­agi.

Ɛaziz
Si kumiṣar dayen... Tesɛiḍ lḥeqq... D Ṭeyyeb ! Atan yebda la
yettraḥ !

Buzid
Rriḥa n uksum n bunadem yebdan la irekku... Rriḥa n lmeyyet.
Ruḥ tura siwel i wakken ad d­tas terbaɛt n laboratoire ad bdun
ccɣel­nsen.

Ɛaziz
Yirbeḥ a si kumiṣar !

­ 84 ­
Tiɣwist n Bururu

Saḥari
Docteur n laboratoire ma yusa­d, ad t­idawi ?

Buzid
(Yeskeɛrir) Ad t­iwali, ahat yessen­it, ad s­d­yini amek
yemmut neɣ anwa i t­yenɣan (I Ɛaziz) Mazal ur ɛad truḥeḍ a
Ɛaziz ? (Yewhem) D acu akka i la tessenqadeḍ di lmeyyet ?

Ɛaziz
Idmaren­is... La ttwaliɣ yeččur d awekkiw n wakal, yemmečč
akk deg yidis n wul­is, d amruj, ur yeskaddeb ara Racid,
yenna­yaɣ­d tidet.

Buzid
Ḥṣiɣ ur yeslib ara... Tura mazal ad nnadi ɣef win i t­yenɣan ! (I
yiqjan) Aha a bubi... Nadi nadi... (I Ɛaziz) Yelha imi d­tegliḍ s
mimic, teḥrec. Aha tura kemmini... Nadi, nadi... Sriḥ, sriḥ...

Ɛaziz
(Iqjan uggaden, ttergigin) Ggumman ad mbiwlen... D acu i
ten­yuɣen ? Bubi, mimic, nadi, Sriḥ... (Iqjan skeɛwiwen).

Buzid
Iqjan­agi ad s­tiniḍ ttubeddlen ! Atan bran i yimeẓẓuɣen­nsen,
la skeɛwiwen si tugdi... Amzun yella wayen sraḥen yessaged­
iten. D acu i zemren ad yessagad iqjan am wigi di leɛmer i
ugaden kra ?

Saḥari
Leɛmer ẓriɣ neɣ sliɣ belli aqjun yesɛan tanaṣlit n wuccen n
yidurar n Lalman ssnen d acu i d tugdi ! Wigi ad ilin ččan kra
ɣur­wen i ten­ihelken.

Buzid
Ur fhimeɣ ara d acu i ten­yuɣen, ladɣa bubi, yeggumma ad
yessenbiwel imeẓẓuɣen­is. Awah ! Ahat ad yili d tidet, ččan
ayen ixeṣren, iḍurr­iten.

­ 85 ­
Tiɣwist n Bururu

Saḥari
Ayagi bla ccek ! Yerna mačči akka i d leɛwayed n yiqjan­agi.

Buzid
(Yezɛef) Nadi bubi nadi... Awah ! Yeggumma (Aqjun
yeskeɛwiw) Tura atan yebɣa ad yerwel ! La yettemxebbaḍ i
wakken ad yessenser iman­is. Bubi... Bubi...

Ɛaziz
Bɣiɣ ad d­iniɣ yiwet lḥaǧa a si kumiṣar !

Buzid
Ini­d ! Ini­d ! D acu­tt ?

Ɛaziz
Lǧerḥ­agi i d­yesseggran amruj deg yidmaren n Ṭeyyeb iruḥ
icuba ɣer wiyaḍ yettwanɣan idmaren rrẓen ul­nsen yettwaqleɛ.
Aqjun­agi ur nettaggad la bunadem, la rrṣaṣ, la timess, yuggad,
yeggumma maḍi ad ikemmel asriḥi d unadi armi yesraḥ ayen
ur yezmir ad iqazem.

Buzid
Ur tebɣiḍ ara ad d­tiniḍ yuggad alaxert ?

Ɛaziz
At laxert d at laxert a si kumiṣar ! Lemmer i ten­yuggad yili, ur
ɣ­d­yessawaḍ ara s anda i d­nessekfel Ṭeyyeb. Ayagi d ayen
nniḍen, ahat yugar tamusni nneɣ.

Asayes 33

Zzhir n ṭumubilat deg yiḍ.

Ɛmara
(Yeɛḍes, ileḥḥu, i yiman­is) Llan widen yeqqimen zdat
tewwurt n uxxam­iw ! Ad s­tiniḍ... D Ɛumar, d acu akka yebɣa
ɣur­i... D kečč ayagi a Ɛumar ?
­ 86 ­
Tiɣwist n Bururu

Ɛumar
(Yeṣker, yesneɣnuɣ) Mselxir a si kumiṣar Ɛmara Saɛid ! D
nekk ! D Ɛumar ! Win yeznuzun imeslayen i lɣaci deg
yiǧernanen... Imeslayen n tidet akked wid nniḍen (Taḍsa) Ih
akked wid nniḍen ixelḍen deg yiwet tedwayt n lmidad am
lqahwa d uyefki yemlalen deg yiwen ufenǧal.

Ɛmara
Ass­agi daɣen ayen i d­trebḥeḍ deg uǧernan tesruḥeḍ­t di tissit
n ccrab.

Ɛumar
Mačči d lɣerḍ­iw a si Ɛmara... D lebda ffudeɣ... Ma qqimeɣ
yiwwas ur swiɣ ara, ttergigiɣ u ixerreb leɛqel­iw.

Ɛmara
Tettdawiḍ iman­ik s ccrab. Akka la ttwaliɣ ifassen­ik mazal la
ttergigin, ur ɛad terwiḍ tissit n ccrab.

Ɛumar
Ulac kumiṣar i k­yifen di lmux, din­din tfehmeḍ timsal,
tettafeḍ­d ayen yettxaṣṣan, iḥemmel uḥbib tḥemmleḍ. D tidet...
Ur ṛwiɣ ara tissit n ccrab... Iṣurdiyen kfan... (Yekkat deg
yifassen­is) Kfan, ulac (Ɛmara yeɛḍes, yennecraḥ) Teḍra yid­i
am kečč a si Ɛmara... Kečč d aṭṭan n uɛḍas si la sinusite, ma d
nekk d aṭṭan n tqerɛat n ccrab... Aql­aɣ d imuḍan di sin
(Taḍsa) Nettwaɣ di sin...

Ɛmara
Akken xedmeɣ yid­k ur slikeɣ ara a Ɛumar. Nedreɣ neɣ
qqimeɣ. Acḥal i k­weṣṣaɣ ur tess ara ccrab, yal tikkelt ur
tettaɣeḍ ara awal. Ufiɣ­ak­d lxedma i wakken ad yelhu lbal­ik
di ccɣel, tettruḥuḍ s ixeddim tṣekreḍ. Ttawiɣ­k ssganeɣ­k di
lḥebs di ccetwa i wakken ad terreḍ aḍar, teggummaḍ ad
tbeddleḍ yir leɛwayed­ik. Di leɛnaya­k a Ɛumar, ini­yi­d d acu
n ddwa i k­ilaqen i wakken ad tettuḍ yir ṭṭbiɛa­agi inek ?

­ 87 ­
Tiɣwist n Bururu

Ɛumar
Ulac ddwa a si Ɛmara. Ur ɛad i t­id­yesnulfa bab­is.

Ɛmara
D acu i tebɣiḍ imi akka la tettraǧuḍ dagi zdat tewwurt­iw ?

Ɛumar
Bɣiɣ ad ẓreɣ ma yella d tidet ayen akka la d­ttarun di lǧernanat
ɣef lweḥc­agi iqellɛen ulawen ? Kečč ur teskiddibeḍ ara, teḥṣiḍ
kullec, u nekk d ameddakel­ik n lḥuma si zik, ur tetteffreḍ ara
fell­i.

Ɛmara
Ɛumar ! Mazal­iyi deg waggur­iw n usteɛfi, amek tebɣiḍ ad
ḥṣuɣ ? Ini­iyi­d, ayɣer akka i la tettnadiḍ taṣeḥḥit di taluft­agi ?

Ɛumar
Axaṭer a si Ɛmara nekk ur ttamneɣ ara belli d lweḥc i la
ineɣɣen am akken i d­nnan ḥqaḥqa d alaxert i d­yeffɣen seg
uẓekka, yettmerriḥ, win yufa ad t­ineɣ. Di leɛmer i sliɣ s
lmeyyet yenɣan win yeddren !

Ɛmara
Ur cukkeɣ ara d ayagi kan i k­id­yewwin ɣur­i tameddit­agi,
neɣ ɣelḍeɣ a Ɛumar ?

Ɛumar
D tidet, ɣef lǧal n tmusni­nni nneɣ taqdimt... Usiɣ­d... Usiɣ­d...
Tfehmeḍ­iyi ?

Ɛmara
Ḥṣiɣ, fehmeɣ­k... D idrimen i tebɣiḍ !

Ɛumar
(Yefreḥ) Ḥṣiɣ, ḥṣiɣ ulac kumiṣar i k­izemren... D lfahem
ameqqran, tettafeḍ­d kullec, ulac ayen i k­yettaɛraqen...
Yeḍher­ak lḥal... Tifaṭurin n lekra, trisiti, aman... Mlalent­d

­ 88 ­
Tiɣwist n Bururu

deg yiwen wass, msefhament i wakken ad iyi­xlunt ɣef yiwet


tikkelt.

Ɛmara
(Yeɛḍes) D ayen ibanen... Iɣaḍ­ik bu tḥanut n ccrab, tefkiḍ­as
iṣurdiyen­ik, yerra­yak­ten­id d tiqreɛtin n ccrab i wakken ad
tekkseḍ fad (Yefka­yas idrimen) Di leɛwayed, timital­ik ttawiɣ­
tent steɛfayent di lḥebs. Imi temɣer trennu, leɛwayed
ttbeddilent... Ax... Ṭṭef... Atan walef idinaren... Ddnub i yiri­k.

Ɛumar
Amek ara k­d­iniɣ ṣaḥḥa a si Ɛmara ?

Ɛmara
Ur iyi­d­qqar acemma. Ḥṣiɣ iɣaḍ­ik bu ccrab ad as­ten­ternuḍ
di leqjer (Yeɛḍes) Lemmer ur k­ssineɣ ara si zik ay axir. Llant
kra n tikkal, tamusni taqdimt tgerri­d d yir tamusni.

Ɛumar
Ur tettuɣ ara lxir­ik a si Ɛmara !

Ɛmara
Mačči d lxir i k­xedmeɣ a Ɛumar, lameɛna ur zmireɣ ara ad
ttuɣ argaz bu tissas i telliḍ zik­nni uqbel ad tbeddleḍ yir
abeddel seg wasmi temmut temeṭṭut­ik s tadist.

Ɛumar
(Yeḥzen) D tidet a si Ɛmara... Seg wasmi temmut tmeṭṭut­iw i
la tesseɣ ccrab i, wakken ad ttuɣ. Lameɛna mi ara ṣekreɣ mačči
d awali kan i la tt­ttwaliɣ tebedd­d ɣur­i la selleɣ ṣṣut­is
ḥninen, ihi wulfeɣ s lexyal­is mi ara sweɣ ccrab, acḥal iberdan
mi ara yiliɣ ṣekreɣ, ttruḥuɣ ɣer tmeqbert gganeɣ rrif uẓekka­s,
ttwanaseɣ­tt gar lmeyytin.

Asayes 34

Saḥari
Bururu ! Ilaq ad tettaɣeḍ awal­iw... Tesliḍ a Bururu ! Ur teffeɣ
­ 89 ­
Tiɣwist n Bururu

ara si tenṭelt­ik.

Bururu
Idammen... Idammen... Ulawen... Ulawen...

Saḥari
D nekk, d nekk ara k­d­yextiren ulawen ara d­tqelɛeḍ...
Ttɣiqmi deg umkan­ik, ur teffeɣ ara ɣer berra ! Mulac ad aɣ­d­
tkecfeḍ ! Iqjan n la police lemmer mačči d kečč i d­sraḥen,
uggaden­k, ur d­qerrben ara, tili ad ten­id­ssiwḍen ɣer
tewwurt n lbaḍna n laboratoire... (Yetqelleq) D acu akka i k­
yuɣen... Aql­ak am win yettuqellqen.

Bururu
Lmut... Lmut... Idammen yeḥman... Idammen yeḥman...

Saḥari
Ṭṭes a Bururu... Ṭṭes... Mdel allen­ik....

Asayes 35

Ɛumar
(Aḍu, rrɛud, yeṣker, i yiman­is) Ur ttaggad ara... Rrɛud­agi
akked waḍu aql­i yid­m... Ur kem­ttaǧǧaɣ ara weḥd­m. Sel­
asen kan, uccanen la ssawalen i lmut... Kemm temmuteḍ ur
tesɛiḍ d acu ara taggadeḍ (Askeɛwew) Ečč aqerru­k ay uccen,
ečč aqerru­k... Uccen yessusem... Yuɣ­iyi awal, yettaggad
widen yeddren... Acḥal akka tura tasaɛet ? (Iwala ssaɛa) Ur
walaɣ ara... Areqqas­nni ur d­iban ara... D ṭṭlam... Waqila
ṣekreɣ, aqerru­w la itezzi am tberrint... ven... ven... ven...
Awwah ! D lmuḥal ! Ccrab n wass­agi yerwi­yi armi la
ttemzennadent wallen­iw, ad s­tiniḍ la ttwaliɣ aɣummu inna n
trexxamt n tenṭelt yembwal... (Yetcewwiq) Alala Halala...
Halulu... Lalala... (Yeḥbes) Heu ! Acu­t lexyal inna i d­ibedden
dahi ? Yeffeɣ­d si tenṭelt... La d­yessurruf iẓekwan... (Si tugdi,
tekkes­as ṣṣekra) Ggummaɣ ad amneɣ allen­iw... Ggummaɣ ad
amneɣ ayen akka i la ttwaliɣ... Ul­iw yebɣa ad yeṭṭerḍeq deg
­ 90 ­
Tiɣwist n Bururu

yidmaren­iw... La s­ttḥulfuɣ yekkat s nncaf ɣer tɣemmar n


yiberḍiyen­iw... Ayay ! Ayay ! Ad ttixreɣ ssyagi ! Wagi d
ɛeẓrayen n at laxert i d­yeffɣen ad yawi leɛmer­iw... La d­
yettqerrib ɣer­i (Yeffeɣ­it leɛqel) Lemmer ad yili... D lweḥc­
nni... Yenɣan wid­nni... Ad rewleɣ... Ad rewleɣ... (Yettazzal gar
yiẓekwan) La police... Ya la police... (Tiɣwist n Bururu) La
Police... La police...

Bururu
Idammen... Ul yettqudduren d idammen yeḥman...

Ɛumar
Wagi d lweḥc ! D lweḥc ! Ur d­ttaẓ ara... Aẓ akin... Teččureḍ d
rric... Uɣal ɣer deffir... D acu­t uqamum­agi... Allen­is d
tizeggaɣin... Nnaɣ a yemma ɛzizen...

Bururu
Lmut... Ṭṭfeɣ­k... Ṭṭfeɣ­k... Ulawen... Ulawen... Tidi la tettazzal
fell­ak si tugdi n lmut... La tettergigiḍ...

Ɛumar
Serreḥ­iyi... Serreḥ­iyi...

Bururu
Ad temmteḍ... Lmut... Lmut...

Ɛumar
(Yettemḍerkal akked Bururu, yekkat i wakken ad s­d­
yennserr) Icekkel­iyi... Yerfed afus­is... Yessufeɣ­d ajjaren­is...
Ala... Ala ur iyi­neɣɣ ara... (Isuɣ).

Bururu
Idammen... Idammen n wul... Ad k­nɣeɣ (Isuɣ) Ad temmteḍ...
Bɣiɣ ul­ik... Mmet... Mmet...

Ɛumar
Ala... Ala... Ur iyi­neɣɣ ara... Eǧǧ­iyi tudert... Aaaaaaaaaaaa !

­ 91 ­
Tiɣwist n Bururu

Bururu
Dayen... Dayen... Yemmut...

Asayes 36

Buzid
Taluft­agi tessufeɣ­iyi leɛqel a si Ɛmara. Kečč tugareḍ­iyi di
lxedma n la police, ɛiwen­iyi i wakken ad d­ssukseɣ kra n
lḥirfa ara iḥebsen snesla­agi n tmenɣiwin. Amek lweḥc­agi
ineɣɣen bla ssebba ur d­yettaǧǧa ara later ad s­tiniḍ d aruḥani.
Aql­i dbedbeɣ... Imesǧernanen tcettimen deg­neɣ ur nezmir ad
nexdem ula d kra. Imdanen uggaden, ur d­teffɣen ara deg yiḍ,
kksen deg­neɣ laman !

Ɛmara
(Yeɛḍes) Di leɛmer i mmugreɣ taluft yecban tagi a Buzid.
Lweḥc­agi iqellɛen ulawen yenɣa Lla Meryem, Ṭeyyeb
ameḥbus, Professeur Ɛayaci tura yerna yenɣa Ɛumar aṣekran.
Awah, ggummaɣ ad fehmeɣ ! Wigi yemmuten ur sɛin ara ayen
i ten­yeccerken ara yilin d ssebba iɣef ara d­yerr ttar.

Buzid
I lemmer ad yili am akken i s­nxemmem di tazwara, d albaɛḍ n
yimeslab a si Ɛmara, d acu i tenniḍ ?

Ɛmara
Ini­d albaɣḍ n lewḥuc a Buzid. Ameslub ur yesɛi ara lǧeh ad
yerreẓ iɣsan n yidmaren n bunadem u ad yeqleɛ ul­is s ufus­is.

Buzid
Amek ? S ufus­ik ?

Ɛmara
Anɛam ih ! S ufus­is a Buzid. Docteur nneɣ n la police yessuli­
d ttbut n waya. Ulac limara nniḍen menɣir ajjaren.

­ 92 ­
Tiɣwist n Bururu

Buzid
Ayagi d lewhayen a si Ɛmara. Ggummaɣ ad amneɣ belli d afus i
ixedmen annect­a !

Ɛmara
Ihi amek i tzemreḍ ad d­tesfehmeḍ d acu i yerẓan iɣsan n
yidmaren­nsen, iqleɛ­d ul­nsen ma yella mačči d afus
yettwasellḥen s wayen ur ɛad nefhim ur yeǧǧa­yaɣ­d akka di
ṭṭlam n yisteqsiyen !

Buzid
Ur zmireɣ ara ad ak­d­sfehmeɣ ayagi a si Ɛmara... Afus ? Afus
n bunadem ? Isellḥen s wayen ur ɛad nefhim ?

Ɛmara
Lemmer lliɣ d keččini...

Buzid
Kemmel awal­ik a si Ɛmara, lemmer telliḍ d nekk...

Ɛmara
Tili ruḥeɣ nekk s timmad­iw ad uqmeɣ taɛessast deg yiḍ di
tmeqbert.

Buzid
Amek ? Ad ɛesseɣ lmeyytin a si Ɛmara ?

Ɛmara
Ad tɛesseḍ ayen yessaggaden iqjan i d­icettlen seg wuccen ahat
ad d­iban kra i d­yesseɣlin rrebrab ɣef yimdanen anda ula d
lehwayec yegla yis­sen.

Buzid
D lewhayem ! D acu i uggaden yiqjan ? D acu akka i ten­
yesswḥacen ?

Ɛmara
Timenɣiwin­agi akk luɣent, ur d­tban ara ssebba­nsent. S
­ 93 ­
Tiɣwist n Bururu

ttjarib, zemreɣ ad d­iniɣ belli win i la ineɣɣen s tmenɣiwt­agi


taweḥcit n truẓi n yidmaren d uqlaɛ n wul, ad tili tella ssebba,
ahat mačči weḥd­s i yella... Bla ccek yella wis sin... Anwa ?
Anwa ?

Buzid
Neɣ anwi ? A si Ɛmara anwi ?

Ɛmara
(Yeɛḍes) D tidet, tesɛiḍ lḥeqq... Neɣ anwi a Buzid ? Anwi ?

Asayes 37

Saḥari
(I yiman­is, yetqelleq) kumiṣar Buzid yumayen ayagi netta
yettɛassa di tmeqbert, ad yili yella wayen ideg icukk. D acu ?
Atan la d­ileḥḥu ɣer dagi... Ɣur­i... La yettezmumug s teḍsa,
taḍsa n wuccen ur nesɛi laman (Tikli) Atan yewweḍ­d, ula d
nekk ad s­sbeggneɣ tiḥḥerci­w (Iɛeggeḍ) Aaa ! D kečč aya a si
kumiṣar ! Si sgelli i la d­smeɛqileɣ deg­k... Ɛeqleɣ­k ur k­
ɛqileɣ. Ma yehwa­yak iẓri­w yenqes.

Buzid
Amek akka i tettiliḍ a si Saḥari ?

Saḥari
Am win yettɛassan timeqbert a si kumiṣar, am win yettɛassan
timeqbert...

Buzid
Yettaggad ad d­ffɣen at laxert ad rewlen !

Saḥari
(Yeḍsa ) Tḥemmleḍ nnecraḥa a si kumiṣar. I kečč tettɛassaḍ
albaɛḍ dagi di tmeqbert ?

­ 94 ­
Tiɣwist n Bururu

Buzid
Anwa i tebɣiḍ ad ɛasseɣ a si Saḥari ? Lmeyytin ? Ur mazal ara
ad d­uɣalen ɣer ddunit i wakken ad ḍurren, neɣ ahat ad ɛasseɣ
win i ten­yettɛassan ?

Saḥari
Ur walaɣ ara d acu ara d­tessukseḍ i win yettɛassan iẓekwan !
d amɣar ur yezmir i wacemma. U nekk zemreɣ ad ḍemneɣ
deg­s, aman­is la ḥemmun, ur yezmir ara ad yexdem ayen ara
d­yawin lmaḍerra, ḥala deg wayen yelhan d wayen imeɛnen i
la ixeddem seg wasmi t­ssneɣ u cfiɣ­as­d.

Buzid
Kečč tessneḍ­t nekk ur t­ssineɣ ara.

Saḥari
D acu i mazal ur t­tessineḍ ara deg­s ?

Buzid
Tikli­s... Axemmem­is... La ttnadiɣ ad issineɣ merra widen
izedɣen tamdint­agi akked lqurub­is. Llan widen yesɛan ɣur­
neɣ tiwriqin­nsen anda d­rsen yisteqsiyen fell­asen yesɣan tura
lǧawab, llan wiyaḍ mazal, ihi wigi nettnadi amek ara ten­
nefhem, ad ten­nissin... Twalḍ a si Saḥari lxedma­nneɣ acḥal n
wuguren i tesɛa ! D lebda nettani aqerru uferḍas.

Saḥari
La ttwaliɣ... La ttwaliɣ a si kumiṣar !

Buzid
Kemmel ttmuqul kan akka a si Saḥari, nekni mi nekfa tamuɣli,
nefhem, nessasay­d ayen iɣef nettnadi, nettbeddil tamuɣli,
nettuɣal ɣer tuṭṭfa di tfexxet (Nnhati) Ad ruḥeɣ ad k­ǧǧeɣ ad
tkemmleḍ taɛessast­ik i wakken ur k­irewwel ara walbaɛḍ n
lmeyytin seg uẓekka­s (Iruḥ).

Saḥari
(Yetxemmim) Icukk neɣ yebda la ifehhem... Yeḥrec, yeḥrec. Ur
­ 95 ­
Tiɣwist n Bururu

ilaq ara ad yefhem aṭas, ur ilaq ara...

Buzid
(Ileḥḥu, i yiman­is) Yeḥṣa d netta i la ttɛassaɣ... D uccen !
Yefhem. Lehdur­is banen mačči d win n uɛessas n tmeqbert.
Deg wass yettqaraɛ iman­is. Ma yella yettalas di taluft­agi, ilaq
ad d­qqleɣ deg yiḍ... Deg yiḍ labud ad d­yass wass ad
yettwakcef.

Asayes 38

Askeɛwew n wuccen, rrɛud, lebraq d waḍu.

Saḥari
Bururu... Bururu... Aki­d ! Ldi­d allen­ik ! Sel­iyi­d !

Bururu
Idammen... Ulawen... Idammen... Ulawen...

Saḥari
kumiṣar Buzid ilaq ad yemmet... Ad yemmet...

Bururu
Lmut... Lmut... Idammen... Idammen...

Saḥari
kumiṣar Buzid ad d­yuɣal iḍ­agi ad yuqqem taɛessast... Ur d­
teffeɣ ara seg umkan­ik alamma teḥṣiḍ belli ur yezmir ara ad
yerwel... Imir­nni... Imir­nni ffeɣ­d... Ffeɣ­d enɣ­it a Bururu...
Enɣ­it mulac tikkelt nniḍen ad d­yuɣal ad d­yeglu s
yimeddukal­is. Ilaq ad t­tenɣeḍ... qleɛ­d ul­is...

Bururu
Ad yemmet... Ad yemmet... Ul­is... Ul­is... Idammen yeḥman...

­ 96 ­
Tiɣwist n Bururu

Asayes 39

Yusef
(Asṭebṭeb di tewwurt, i yiman­is) Anwa wagi i la d­yekkaten di
tewwurt ? Ad tt­id­ldiɣ ad ẓreɣ (Iteddu ad d­yeldi tawwurt)
Ah ! D kemm aya a Samira ? D acu­t akka i kem­yuɣen ? Atan
wudem­im yembaddal !

Samira
Usiɣ­d a Yusef i wakken ad k­d­iniɣ belli sweǧdeɣ­d iman­iw i
wakken ad ruḥeɣ.

Yusef
Ad truḥeḍ ? Kcem­d tura ɣer daxel, ur nettmeslay ara ɣef
umnar n tewwurt.

Samira
(Tcewwel) Ur zmireɣ ara ad rnuɣ yiwen wass dagi !

Yusef
Qim tura ɣef ukersi ad testeɛfuḍ kra.

Samira
(Teqqim) Tamdint­agi tesrebrib a Yusef.

Yusef
Amek i kem­id­tusa lɛeqliyya­agi n rrwaḥ ? Ayɣer ? D acu i d
ssebba ?

Samira
Kullec a Yusef, Kullec ! Baba yemmut, ḥala netta i izemren ad
iyi­yeṭṭef dagi lemmer mazal­it yedder, tura ur sɛiɣ ula d
yiwen di tmurt­a. Ihi ad ruḥeɣ kan, dagi weḥceɣ.

Yusef
D acu i tweḥceḍ a Samira ?

­ 97 ­
Tiɣwist n Bururu

Samira
Tamurt­agi teqqel­iyi d ṭṭlam, teqwa deg­s lmut, la tkukruɣ
deg yiḍ deg wass, Lla Meryem, tameṭṭut n baba, nɣan­tt bla
ssebba. Ul­is yettwaqleɛ, Ṭeyyeb i d­irewlen si lḥebs, Professeur
Ɛayaci, Ɛumar aṣekran, mmuten merra idmaren rrẓen, iɣsan
ftutsen, ul­nsen yettwaqleɛ. Weḥceɣ a Yusef, weḥceɣ (Tettru).

Yusef
Ur ttaggad a Samira, aql­i dagi, yid­m, ur m­ttixxireɣ ara.
Lweḥc­agi i la ineɣɣen s ṣṣifa tajehlit ad d­yas wass­is ad
yettwaṭṭef, ad teqqel temdint­agi di talwit, ad yekkes deg­s
lweḥc (Yetṣebbir­itt) Dayen tura ur ttru ara, sskew allen­im,
sfeḍ imeṭṭawen­iw, ax tamucwart.

Samira
(S tnexsas, tettḥellil) Di leɛnaya­k a Yusef yya ad nruḥ, ad
nettixxer ! Ad nerwel ssyagi di sin uqbel ad ifat lḥal, ḥala kečč i
yi­d­mazal.

Yusef
Ala a Samira, nekk mazal ur ttruḥuɣ ara.

Samira
Ayɣer tebɣiḍ ad teqqimeḍ dagi ? Ayɣer ? Ayen akk ara nernu d
lbaṭel, d acu ara nernu dagi ?

Yusef
Yella wayen i yi­yeṭṭfen dagi.

Samira
D acu i k­yeṭṭfen, d acu ?

Yusef
Lmut n Professeur Ɛayaci.

Samira
Lmut n Professeur Ɛayaci ? Ayɣer ?

­ 98 ­
Tiɣwist n Bururu

Yusef
Professeur Ɛayaci irebba­yi­d am mmi­s, yessɣer­iyi, wwḍeɣ
ɣer tussna n ṭṭebb. Ala a Samira, ur ttruḥuɣ ara ssyagi alamma
iban­d win i t­yenɣan. Lweḥc­agi iqellɛen ulawen yesɛan rric
n Bururu.

Samira
Amek ? Rric n Bururu ?

Yusef
Anɛam ih a Samira, rric n Bururu. Ddu­d yid­i ɣer texxamt ad
am­d­sneɛteɣ yiwet tɣawsa yessedhacen (Ileḥḥu, yeḥbes, yeldi
leqjer) Atan, muqel (Yefka­yas incew) Mmekti­d ayen teɣriḍ di
tektabin n tussna n zoologie yeɛnan lehwayec i d­yemmeslayen
ɣef yifrax n yiḍ umi qqaren les rapaces n ṭṭlam. Muqel­it mliḥ !

Samira
Wagi d incew n ufrux, rric­is d aleqqaq am leḥrir, wagi iban d
rric n Bururu... Lameɛna...

Yusef
Lameɛna ulac Bururu yesɛan incew meqqren annect n wagi...
Tura ara ad am­d­sneɛteɣ ayen nniḍen ara kem yeswehmen.
Attan tura tqerɛet­agi n ssǧaǧ, senqed ayen akka i d­kkseɣ si
zdaxel s nneqqaḍ.

Samira
Acu­t wagi ?... Ad s­tiniḍ d aglim.

Yusef
Ur teɣliḍeḍ ara a Samira, d aglim n bunadem.

Samira
Ansi i t­id­tekkseḍ ?

Yusef
Kkseɣ­t­id seg yiɣef­agi n yincew n Bururu i teṭṭfeḍ deg
yifassen­im.
­ 99 ­
Tiɣwist n Bururu

Samira
Amek ? Rric deg uglim n bunadem ? Muḥal ! Ur tebɣiḍ ara ad
d­tiniḍ ?...

Yusef
Bururu­agi yesɛa aksum n bunadem ! Ad yili meqqer annect­is
neɣ akter ɣef leḥsab n temɣer n yincew

Samira
Anda tufiḍ incew ?

Yusef
Di texxamt n Professeur Ɛayaci asmi yemmut.

Samira
Ayagi d ayen ur yettamen umdan.

Yusef
S tuffra uqqmeɣ anadi, s ufran i ferneɣ s lizanaliz incew­agi n
Bururu i yi­d­ibanen meqqer aṭas ɣef tneṣlit­is, yufrar­d
wayen ur iqebbel leɛqel. Wagi ineɣɣen yecrek deg­s ufrux
akked umdan, ssasiɣ­d belli ḥala win yesɛan lqedd n urgaz
yesɛan tazmert tameqqrant, irebban ajjaren akked rric n
Bururu i izemren ad yerreẓ idmaren n umdan s ufus­is, ḥala
win yesɛan tanaṣlit n ufrux i izemren ad ineggez tlata tɣurfatin
ur yettnal lḥiḍ yemzin am lemri. (Nnhati) Samira... Wagi d
lweḥc !

Asayes 40

Buzid
Mulud ! Iḍ­agi ḥwaǧeɣ­k, ad tedduḍ yid­i ad nuqqem taɛessast
di tmeqbert.

Mulud
Yirbeḥ a si kumiṣar.

­ 100 ­
Tiɣwist n Bururu

Buzid
Lxedma­k n wass attan tfuk si tura. Ruḥ ad testeɛfuḍ deg
uxxam­ik axaṭer iḍ­agi ur qebbleɣ ara ad k­id­yas naddam,
ilaq ad tiliḍ tedduqseḍ am uṣeyyad deg umadaɣ.

Mulud
Yexḍa­k ccɣel a si kumiṣar. Ɣef wacḥal tasaɛet ara d­qqleɣ ?

Buzid
Ɣef tesɛa n yiḍ.

Mulud
Ad iliɣ weǧdeɣ. Ihi aql­i ruḥeɣ.

Buzid
Arǧu ! Ur qqar i yiwen anda ara txedmeḍ iḍ­agi, kullec ad
yeqqim di lbaḍna.

Mulud
Sliɣ a si kumiṣar.

Buzid
Ur tettu ara tameẓyant, rnu­d acarjur wis sin.

Mulud
Ur tettuɣ ara a si kumiṣar, kkes aɣbel.

Asayes 41

Liḥala yessewḥacen deg tmeqbert, aḍu, rrɛud d lebraq.

Mulud
Tasaɛet attan tura...

Buzid
Ḥbes ! Ur ceɛɛel ara taftilt ammer ad d­nettwakcef... Tasaɛet ad
tili tura qrib d lweḥda n yiḍ.
­ 101 ­
Tiɣwist n Bururu

Mulud
Mazal ur ɛad d­iban ula d kra ?

Buzid
Ccet ! Arǧu tessusmeḍ, mulac ad d­tessakiḍ at laxert.

Mulud
Ad d­ssakiɣ at laxert ? Mmuten !

Buzid
Atan ad yili yiwen deg­sen yesneɛmal kan ! (Tiɣwist n Bururu )

Mulud
Tesliḍ a si kumiṣar ?

Buzid
Tiɣwist n tmiɛruft, tanezduɣt­is di temqebrin (Yetqelleq) Acu
akka i k­yuɣen ? Ayɣer i la tettergigiḍ ?

Mulud
D nnda, ur zmireɣ ara i usemmiḍ.

Buzid
(Tikli d truẓi n iqeccuḍen) Ccet ! Susem kan !

Mulud
Ula d nekk sliɣ i lḥess­agi !

Buzid
Ad yili d albaɛḍ n lehwayec i yettnadin gar yiẓekwan.

Mulud
(Lḥess n tikli ẓẓayen, lebɛid ) I lḥess­agi tesliḍ­as ?

Buzid
Mulud... Yya ad nemfaraq... Kečč ṭṭef­d tiɣmert inna agemmaḍ
ma twalaḍ kra siwel... Ma yeggumma ad yeḥbes... Ɣiwel, jbed
fell­as s rrṣaṣ. S lḥess­nni, nekk ad n­azzleɣ ɣur­k.
­ 102 ­
Tiɣwist n Bururu

Mulud
Yirbeḥ a si kumiṣar (Yuqqem kra n lḥess).

Buzid
Ur ttuqqim ara lḥess... S leɛqel kan.

Mulud
Aql­i ruḥeɣ (Tiɣwist n Bururu).

Buzid
(I yiman­is) Akken qqarent temɣarin : Ečč aqerruy­ik ! Mulud
meskint iban yettaggad, yenɣa­t lweḥc n temqebrin. Netta
yettergigi, la yeqqar d nnda, ur yezmir ara i usemmiḍ...
Maɛdur, iḍ, ṭṭlam, iẓekwan, llan widen yellan am netta
ttaggaden at laxert, tugdi n lweḥc tettas­d si tterbegga n
yimawlan, i wakken ad aɣen awal qqaren i dderya­nsen ur
teffɣet ara s azniq deg wass mulac ad k­yečč wakli uzal (Lḥess,
icukk, yetqelleq) D acu­t daɣen lḥess­agi ? (Tiɣwist n Bururu)
Mulud yebɛed tura fell­i... Lḥess­agi yezref­d di lqurub­agi­
inu... Arǧu ad d­sweǧdeɣ tameẓyant­iw (Yekkes­as cckal. Yesla
i rrṣaṣ, asuɣu, tiɣwist n Bururu, yettazzal yessawal) Mulud...
Mulud... Aql­iyi­n ! Anda akka telliḍ ? Mel­iyi­d ! (I yiman­is)
Yeggumma ad d­iǧaweb ! (Yessawal) Mulud... Mulud... Aql­
iyi­n... Aql­iyi­n... (I yiman­is) Yugi ad d­iǧaweb ! (Yessawal)
Mulud... Mulud... Aql­iyi­n... Aql­iyi­n... (I yiman­is) D acu i
iwala ? Yejbed s rrṣaṣ ! (Yeḥbes) D acu­t wagi ? D Mulud,
yeẓẓel di lqaɛa... Waqila yemmut (Yekna, iwala­t) Yemmut...
Yettɛummu deg yidammen­is... Yemmut am wiyaḍ... Iɣsan n
yidmaren­is rrẓen, ul­is yettwaqleɛ... Atan later n yidammen i
d­yeǧǧa win yenɣan Mulud. Lǧerra­nsen la tetteddu ɣer
dihin... Ad ten­ḍefreɣ s teftilt ad ẓreɣ sani i la ssawaḍen (Yelḥa
amecwar) Lǧerra­agi n yidammen la teddun s axxam n
Saḥari... La ttwaliɣ tafat... Heu ! Atan tura texsi (Yuzzel) Tura
ad tt­yecɛel ! Aṭas ayagi i t­cukkeɣ (Yeḥbes, yekkat tawwurt)
Ad d­yeldi tawwurt... Ma yembawel... (Yerna yekkat).

Saḥari
Aql­iyi­n... Ur ttruẓut ara tawwurt... Anwa akka keččini ?
­ 103 ­
Tiɣwist n Bururu

Buzid
Ldi­n tawwurt... D la police !

Saḥari
(Yeldi tawwurt) La police ? Aaa ! D kečč a si kumiṣar ! Waqila
tuɣeḍ tannumi ur tettaǧǧaḍ ara medden ad ṭṭsen... Sgelli ur ẓriɣ
ara d acu­t lḥess­nni i d­sliɣ ɣer berra... Tura terniḍ­d
keččini... Ihi ur neggan ara ?... D acu akka i yellan daɣen ?
Atan teṭṭfeḍ deg ufus­ik tameẓyant !

Buzid
Uɣal ɣer deffir ad n­kecmeɣ !
Saḥari
Aql­i... Aql­i...

Buzid
(Yekcem) Weḥd­k i telliḍ ?

Saḥari
Anwa i la tettnadiḍ a si kumiṣar ?

Buzid
Ttnadiɣ wayeḍ... Win tessneḍ. Kečč iban ur teffiɣeḍ ara...
Mazal­ik s uqendur n uxxam... Ula d tipantufin­ik zeddigit...
Ur umisent ara seg wakal n berra.

Saḥari
Ur fhimeɣ ara a si kumiṣar ! Anwa wayeḍ­agi i la tettnadiḍ ?

Buzid
Win yenɣan abulis tura kan, d lḥess n rrṣaṣ umi d­tesliḍ, win t­
yenɣan yerwel­d ɣer dagi, walaɣ­d taftilt tacɛel, ssyin akin
texsi.

Saḥari
Ulac win i d­ikecmen a si kumiṣar, tɣelḍeḍ, d tidet, taftilt tella
tecɛel imi d lḥess n usṭerḍeq i yi­d­yessakin di tazwara, ssyin
akin sseɣsiɣ­tt mi kkreɣ ad uɣaleɣ s usu.
­ 104 ­
Tiɣwist n Bururu

Buzid
Ḥṣiɣ ur tegganeḍ ara zik...

Saḥari
Asmi ara tessiwḍeḍ d amɣar ad tfehmeḍ, ad d­terreḍ s lexbar
belli imɣaren ur gganen ara zik lameɛna ttakin tafejrit. Ayen
sserḍen di ddunit­agi d aṭas uqbel ma ad ɣaben u ad tebɛen
widen yegganen lebda akka a mat laxert­agi i d­yennḍen i
tmeqbert­agi...

Buzid
Ḥbes isefra­k a si Saḥari, asfentu­agi eǧǧ­it i yimecṭaḥ, mačči i
nekk umi ara tkellxeḍ (Iwala idammen di lqaɛa) Teskiddibeḍ !
Lǧerra­agi n yidammen­agi i d­tebɛeɣ, atan walaɣ­tt dahi di
lqaɛa... I wahi d acu­t ? D kečč i yeffunezren ? Nekk la ttwaliɣ
anzaren­ik kkawen.

Saḥari
(Ikukra) Tḥerceḍ a si kumiṣar, acḥal i teswa tiḥḥerci­agi inek ?
Nekk zemreɣ­as !

Buzid
Aywah ! Igerrez ssuq ! Tebɣiḍ ad tessimseḍ tezdeg inu, ɣlayeɣ !
Ulac azal­iw di ssuma a si Saḥari, ssneɣ iman­iw, kečč ur ẓriɣ
ara d acu­k. Ur tbaneḍ ara d aɛessas ! Awi­d akka ifassen­ik ad
asen­rreɣ imeqyasen­agi i tekreh dderya n leḥlal. Ad k­awiɣ
ɣer lbiru i wakken ad aɣ­d­teḥkuḍ kra n tmucuha n tayri i
tḥemmel la police ad tsel. D acu i tenniḍ lemmer ad tebduḍ ad
d­teḥkuḍ tamacahut n Bururu ?

Saḥari
Ḥala kečč i d­yesḍehren lbaḍna­w a si kumiṣar. Ma yella
mazal­ak ciṭuḥ n leɛqel, tessneḍ nnfeɛ­ik, ad k­rreɣ d asaɛi, d
lɣani ameqqran s ubeddel n yiwet lemziyya ara k­ḍelbeɣ, d
ayen isehlen fell­ak mačči d ayen iweɛren.

­ 105 ­
Tiɣwist n Bururu

Buzid
Lemziyya ? D acu n lemziyya­agi ?

Saḥari
Ad tmedleḍ allen­ik, ad tregleḍ imeẓẓuɣen­ik, ad teqqneḍ iles­
ik ɣef wayen akk akka i d­tkecfeḍ. Ad d­teggriḍ d amarkanti s
teɣzi n leɛmer ! Ad tḥulfeḍ i lbenna n ddunit­agi iḥemmlen
widen i s­yessnen.

Buzid
Tɣelḍeḍ a si Saḥari, widen yemmuten ur iyi­ttaǧǧan ara di
lehna, ad d­bedden deg yiḍ ɣur­i, ad iyi­icarɛen imi ǧǧiɣ iman­
iw ɣurren­iyi yidrimen, ala ! Ala ur ten­xeddɛeɣ ara ! (Lḥess
deffir, yezzi) D acu­t wahi la d­yettbanen ?

Saḥari
(Idemmer) D win ara d­iqelɛen ul­ik a si kumiṣar imi
teggummaḍ ad tissineḍ leṣlaḥ­ik.

Buzid
Wagi d lweḥc (Yuggad) D acu­tt ṣṣifa­agi... D ṣṣifa n Bururu.

Bururu
(Yettaẓ­d) Ad temmteḍ... Ad k­nɣeɣ... Ul­ik... Ul­ik... Bɣiɣ ul­
ik...

Buzid
Ur d­ttaẓ ara... (Yewwet­it s rrṣaṣ) Yeggumma ad yeɣli... D
acu­t wagi ?

Saḥari
Ha ! Ha ! Ha ! Ɣas jbed fell­as rrṣaṣ ur yettmettat ara ! (I
Bururu) Bururu ! Idammen n wul i tḥemmleḍ llan deg
yidmaren n kumiṣar Buzid, kkes­it­id... Kkes­it­id...

Bururu
Ul... Ul yettqudduren d idammen yeḥman... Ad t­id­kkseɣ... Ad
t­id­kkseɣ... (Yettaẓ).
­ 106 ­
Tiɣwist n Bururu

Buzid
Ruḥ akin... Aẓ akin (Yekkat s rrṣaṣ armi yekfa) Yekfa­yi rrṣaṣ...
Yugi ad yeɣli... D lweḥc, d lweḥc...

Saḥari
(Taḍsa) Ur yettmettat ara... Ma d kečč a si kumiṣar Buzid
ssewǧed iman­ik ad tṣafreḍ... Ad tɣabeḍ si ddunit­agi ideg
teggumaḍ ad tɛiceḍ d asaɛi ameqqran.

Buzid
(Yefqeɛ) Yeṭṭef­iyi... Yeṭṭef­iyi... Yerfed ifassen­is... La d­teffɣen
wajjaren­is... Ala... Ala... Ala... (Isuɣ, yemmut).

Bururu
Yemmut... Yemmut... Atan wul­is yettquddur d idammen
yeḥman...

Saḥari
D ayen yemmut a Bururu... kumiṣar Buzid ur mazal ara ad d­
yeqqel ɣur­neɣ... Ruḥ uɣal ad tetṭṭseḍ di tenṭelt.

Asayes 42

Yeṣṣuni reveil.

Ɛmara
(Yuki­d, i yiman­is) Acḥal akka tasaɛet ? Attan d setta n ṣṣbeḥ
(Ifa) Lliɣ ttarguɣ tirga n lɛali (Yekker­d, ileḥḥu di texxamt)
Dayen ttuɣ targit­nni (Amcic yesmiɛiw) Ula d kečč a minu
tukiḍ­d ? Telluẓeḍ ? Ḍfer­iyi­n ɣer tkuzint ad k­d­fkeɣ lqut­ik
(Amcic yesmiɛiw, yeggumma ad yessusem) Ih rrwaḥ ddu­d
(Yessaɣ lgaz) Tura kan a minu, ad d­yeḥmu lqut­ik, ad tečč
tɛebbuḍt­ik, ad terwu (Yeɛḍes) Atan ula d aɛḍas inu yuki­d. Ad
ddmeɣ tamucwart si texxamt (Ileḥḥu, yeldi leqjer, yenser) Aṭas
n tmucwarin i yi­d­reḍlen medden, uradent kkawent, ɛerqen­
iyi yimawlan­nsent, yal yiwet s teḥkayt­is (Amcic yesmiɛiw)
Asmi tella lall n uxxam ad fell­as yeɛfu Rebbi, kullec ttafeɣ­t
­ 107 ­
Tiɣwist n Bururu

ɣef ufus, zeddig, yal taɣawsa deg umkan­is, d taɛebbajt n


tɛebbajin n yifassen, yal lweqt kullec yewǧed yak akka a
minu ? Deg wass n usteɛfu, lqahwa s lesfenǧ tettawi­yi­tt­id s
usu, neɣ asewwi ines mefquden, ladɣa seksu s useqqi n
leqbayel s tɣeddiwt n lexla akked aqḍib n uksum n uɛejmi
yerwan takessawt deg yizuɣar, ula d kečč a minu, tacriḥt­ik d
lebda tella, tḥemmel­ik. Ahat tecfiḍ ɣef teḥluqin i la k­d­
tesrusu di tqedduḥt­ik ? Ih fehmeɣ­k, fehmeɣ­k... La d­
teqqareḍ s wallen­ik d tidet tecfiḍ­as­d (Nnhati) Nekk yid­k ur
nezmir ara ad tt­nettu, dima taḍsa d nnecraḥa ines netmektay­
iten­id ulamma ur ɣ­d­yerẓiq ara Rebbi ssayes ara nezhu, ur
nejhil ara. Deg yiseggasen­nni i ɣ­yessemlalen nɛac­iten
amzun di tmuẓɣelt n tefsut, di leɛmer nḥuss i yisnuɣniyen n yid
ddunit (Yeḥzen, nnehta) Tura teǧǧa­yaɣ­d weḥḥed­neɣ di sin
nekk yid­k a minu (Amcic yesmiɛiw) Ih, ih fehmeɣ­k, yal
yiwen anda iɣab wallaɣ­is. Nekk mmektiɣ­tt­id... (Yedduqqes­
d) Amek akka mmektiɣ­tt­id ? Bɣiɣ ad d­iniɣ di leɛmer ur
tettaxxer si gar wallen­iw, ma d kečč lbal­ik iruḥ ɣer tqedduḥt
n lqut. D lḥeqq­ik, yeḥma, arǧu ad k­d­surgeɣ (Tilifun) Si
leɛḍil ad yismiḍ, ad rreɣ di tilifun. Alu !

Ɛaziz
Ṣbaḥ lxir a si Ɛmara.

Ɛmara
Ṣbaḥ lxir a Ɛaziz.

Ɛaziz
Semmeḥ­iyi a si Ɛmara ma yella ssakiɣ­k­id, kečč aql­ak deg
wussan n usteɛfu lameɛna...

Ɛmara
Lameɛna ur d­tesčenčneḍ ara tanaqust n tilifun taṣebḥit armi
yella wayen yezwaren takayt.

Ɛaziz
Kumiṣar Buzid akked ubulis Mulud nufa­ten...

­ 108 ­
Tiɣwist n Bururu

Ɛmara
(Yeɛḍes) Ayɣer tufam­ten ? Llan ɣaben ?

Ɛaziz
Nufa­ten deg yiwen umraḥ mmuten.

Ɛmara
D acu akka i la d­teqqareḍ ?

Ɛaziz
Ttwanɣan am wiyaḍ.

Ɛmara
Tura kan ara n­awḍeɣ a Ɛaziz, tura kan. Ini­asen i yimḍebbren
belli d sḥebseɣ aggur­iw n usteɛfu ass­agi (Yessers tilifun, i
yiman­is) D nekk i yellan d ssebba­s, d nekk i s­yefkan tikti i
wakken ad yuqqem taɛessast di tmeqbert, tura yemmut am
netta am ubulis Lmulud, yenɣa­ten lweḥc, ur thennayeɣ ara
alamma kecfeɣ­d lweḥc­agi ur nesɛi timital­is (Amcic
yesmiɛiw) Yya a minu ad k­d­fkeɣ lqut­ik uqbel ad ffɣeɣ,
ussan n ustaɛfu­inu kfan.

Asayes 43

Ṭṭbib
Taswiɛt­agi ur yelli wayen ara k­d­iniɣ, mmuten...

Ɛmara
Mmuten am yimezwura, ayagi ḥṣiɣ­t, iɣsan n yidmaren rrẓen,
ul yettwaqleɛ, lameɛna di tazwara, ɣef acḥal tasaɛet i ten­teffeɣ
terwiḥt ? (Yeɛḍes).

Ṭṭbib
Tura ur zmireɣ ara ad ak­d­mleɣ lweqt s ttbut imi llan di berra
deg usemmiḍ d nnda n yiḍ... Zemreɣ... Ad d­iniɣ...

­ 109 ­
Tiɣwist n Bururu

Ɛmara
(Yezɛef) Ur sseɣzaf ara deg wawal a Docteur, lwaqt la irewwel.

Ṭṭbib
(Yenneḥcam) Yemmut gar ṭṭnac d zzuǧ n yiḍ.

Ɛmara
Di sin deg yiwen lweqt ?

Ṭṭbib
Akka, di sin, deg yiwen lweqt.

Ɛmara
I ufeqqer ? Anadi di lǧetta nsen melmi ara t­tebduḍ ?

Ṭṭbib
Tura kan, aql­i la ssewǧadeɣ iman­iw.

Ɛmara
Ihi ur ttɛeṭṭil ara.

Ṭṭbib
Ad ɛeṭṭleɣ ciṭ imi llan di sin.

Ɛmara
Mi tekfiḍ amezwaru ceyyeɛ­iyi­n rrabul.

Ṭṭbib
Yirbeḥ a si Ɛmara.

Ɛmara
Ɛjel­d s rrabul.

Ṭṭbib
Yirbeḥ, yirbeḥ (Yemmuger­d Ɛaziz) Ass­agi kumiṣar Ɛmara
yeswa­d lisans, d timess i la d­iteffɣen seg uqemmuc­is.

­ 110 ­
Tiɣwist n Bururu

Ɛaziz
Lemmer ad ternuḍ ad tɛeṭṭleḍ dagi, d timerɣiwt ara k­yesserɣ
dagi, ur tettu ara d irfiqen­nneɣ n lxedma i yemmuten. Ruḥ
kemmel ayen iɣef k­id­iweṣṣa, ur ttɛeṭṭil ara fell­as (Ileḥḥu ɣer
kumiṣar) Ihi d kečč a si Ɛmara ara ikemmlen anadi di taluft­
agi ?

Ɛmara
Ad kemmleɣ ayen i yi­d­yeǧǧa kumiṣar Buzid (Yeɛḍes) Anda
akka ǧǧiɣ tamucwart ?
Ɛaziz
Ax tagi, zeddiget a si Ɛmara.

Ɛmara
Awi­tt­id (Yeɛḍes) Dayen tɛeggneḍ i yimḍebber nneɣ belli aql­i
uɣaleɣ­d ?

Ɛaziz
Ǧǧiɣ­as ttewṣaya. Lameɛna a si Ɛmara, i lemmer ur iqebbel ara
ad tkemmleḍ anadi­agi u ad tt­yefk i wayeḍ ?

Ɛmara
Ad yeqbel kan a Ɛaziz, ad yeqbel kan, yessen­iyi. Yeḥṣa ma
yeggumma ad kemmleɣ lxedma ɣef taluft­agi bla lebɣi­s ad d­
kecfeɣ lweḥc­agi iqellɛen ulawen.

Ɛaziz
Mazal ur ɛad nessaweḍ yir lexbar i yiɛeggalen nsen.

Ɛmara
Acḥal n dderya i d­ǧǧan ?

Ɛaziz
Di sin yid­sen ǧǧan­d sebɛa.

Ɛmara
Sebɛa n yigujilen. Ruḥ kečč a Ɛaziz siweḍ­asen lexbar­agi ara
ten­yessrun, tessneḍ­ten, uqqem akka ayen yellan di tezmert­ik
­ 111 ­
Tiɣwist n Bururu

i wakken ad ten­tṣebbreḍ... Nekk ur zmireɣ ara ad ruḥeɣ,


ttaggadeɣ ad ruɣ yid­sen.

Asayes 44

Saḥari
(I yiman­is) Akk widen inudan ad iyi­d­kecfen mmuten,
yenɣa­ten Bururu (Taḍsa) Kumiṣar Buzid ad t­neṭlen am netta
am wayen yeẓra yebɣa ad t­id­yesseḍher... Qrib ad nruḥ ssyagi
ad nbeddel tamurt nekk akked Bururu (Taḍsa ) Ad d­nelhu s
lɛulama n ṭṭebb, imeddukal­iw, widen yeḍsan fell­i, rran­iyi d
ameslub, ad mmten... Ad ten­ineɣ Bururu yiwen yiwen...
(Yettargu) Uqbel ayagi tusa­yi­d yiwet tikti... Ilaq ad zewǧeɣ,
anɛam ih ad zewǧeɣ... Lameɛna anta ara yi­iqeblen, ur iyi­
mazal ara d ilemẓi, ulamma ul­iw mazal­it, ṣṣifa­w d tewser
teskaddeb­it, ur yerna anta ara iqeblen aɛessas n tmeqbert ?

Bururu
Idammen... Idammen... Ulawen... Ulawen...

Saḥari
Ruḥ a Bururu... Ruḥ ẓẓel di tmeqbert...

Bururu
Idammen... Idammen... Ulawen...

Saḥari
Dayen iruḥ... Iruḥ ad yeṭṭes deg uẓekka­s (Yettxemmim) Salem,
win rriɣ d Bururu, yesɛa yelli­s, Samira. Ffreɣ akk lekwaɣeḍ­is
di leqjer n lbiru, walaɣ tteṣwira­s (Yelḥa, yeldi leqjer) Atan ufiɣ
lekwaɣeḍ­is... Arǧu kan... Ah ! Atan ufiɣ­d tteṣwira­s... D
nettat... D Samira (Teɛǧeb­it) Meẓẓiyet... Tezyen, tecbeḥ d
Lunǧa... D nettat kan i yi­ilaqen ad tili d zzwaǧ­iw... Ḥṣiɣ
tuɣal­d, tedda­d akked Professeur Ɛayaci, mazal­itt dagi di
temdint (Yetɛeǧǧeb di ṣṣifa­s) Samira, Samira... Ad afeɣ tikti iss
ara yi­tqebleḍ d argaz­is. Kemm a Samira ad tebḍuḍ yid­i
temẓi­m mnaṣef u nekk ad bḍuɣ yid­m rrezq ameqqran i
­ 112 ­
Tiɣwist n Bururu

kesbeɣ ad ternuḍ lefhama n tmusni­w ulac ayen ara kem­


ixaṣṣen (Taḍsa) Samira... Samira... Samira... Ad teqqleḍ d
tameṭṭut­iw, u baba­m i d­ḥerreɣ si lmut yuɣal d Bururu ad
yeqqel d aḍeggal­iw... Ih akka ! Ih akka (Yefreḥ) Ih ! Medden
akk ad am­sawalen lalla Samira Saad Ḥari, ih (Taḍsa) Lalla
Samira Saad Ḥari.

Asayes 45

Samira
Muqel a Yusef tteṣwira­agi, tagi d yemma ad fell­as yeɛfu
Rebbi, twalaḍ acḥal i tesɛa zzin d sser ! Udem­is yettquddur d
leḥnana.

Yusef
D tidet, ɣur­s i tcubaḍ.

Samira
(Taḍsa) Tetḥeqqeḍ ayagi i la d­teqqareḍ a Yusef ? D tidet
walant wallen­ik neɣ d ayen yellan d lebɣi n wul­ik ?

Yusef
D ayen yellan i d­nniɣ. Meẓẓiyet di leɛmer­is asmi temmut.

Samira
Setta u ɛecrin n yiseggasen di leɛmer­is.

Yusef
Di leɛmer ur iyi­d­tenniḍ s wayes temmut !

Samira
Temmut s waṭṭan n wul, yuɣ lḥal tella tuḍen acḥal uqbel. Ulac
Docteur ur s­d­yewwi ara baba. Ulac tamdint yeǧǧa ur
yewwiḍ ara yis­s. Ula ɣer timdinin n l’Europe yessaweḍ­itt.
Lameɛna ayen yuran yura. Yiwwas, tɛeṭṭel ur d­tuki ara, d
baba i d­yuɣalen si ccɣel­is, iḍall ɣur­s am akken yennum, dɣa

­ 113 ­
Tiɣwist n Bururu

yufa­tt­in temmut udem yettecmumuḥ amzun mazal­itt


tedder.

Yusef
Yewweḍ lajel­is. Ihi d Baba­m weḥd­s i kem­id­irebban ?

Samira
Ih a Yusef, weḥd­s... Baba meskin nnaqal yeggumma ad iɛiwed
zzwaǧ, ul­is d lebda yeḥzen.

Yusef
Amek ihi i yezweǧ akked Meryem yenɣa lweḥc ?

Samira
D nekk ma yehwa­yak i t­iḥettmen, imi ur yezmir ara ad
yeqqim kan akka weḥd­s, nekk ad d­yas wass ideg ara ffɣeɣ
axxam, ihi ččiɣ iberḍiyen­is ɣef zzwaǧ armi yeqbel.

Yusef
Yella yessen Lla Meryem ?

Samira
Tura temmut... Ur ilaq ad mmeslayeɣ ɣef akken tella zik.

Yusef
Mazal yella wayen ara teffreḍ fell­i a Samira ? Nekni
yesswǧaden zzwaǧ­nneɣ di sin ?

Samira
D tidet a Yusef, ur d­mazal ara tuffra n lbaḍna gar­aneɣ.
Tameṭṭut n baba tella txeddem d teceṭṭaḥt deg kra n yimukan i
yella yettxalaḍ­iten baba. D imeddukal­is i t­yezzuɣuren i
wakken ad as­ssettun di teswiɛt­nni lmut n yemma. Tezweǧ
yid­s ɣef cci­s. Deg wudem­is teqqar­as ḥemmleɣ­k, nettat
teskiddib, teqbel­it i wakken ad d­tekkes iman­is seg ugudu
ideg tewqeɛ. Ɛeddan kra n yiseggasen teqqel tbeddel.

­ 114 ­
Tiɣwist n Bururu

Yusef
Tbeddel ? Amek i tbeddel ?

Samira
Tesbeggen­d lkerh­is ɣur­i. Baba tettewḥac­it.

Yusef
Tettewḥac­it ? Ayɣer ? Yewɛer, yekkat­itt ?

Samira
Ur yesɛi ara akk leɛyub­agi, baba d amushil.

Yusef
Ihi ayɣer ? Ssefhem­iyi­d a Samira ssefhem­iyi­d !

Samira
Arǧu ad ak­d­sneɛteɣ tteṣwira­s, ssyin akin ad tfehmeḍ a Yusef
(Tezzaken­as­tt) Ax, ṭṭef, muqel.

Yusef
Aywah ! (Iwala­tt) D netta wagi ? D baba­m ? Ur tettemcabim
ara !

Samira
Ḥṣiɣ. Ayagi ḥṣiɣ­t a Yusef, lameɛna d netta i d baba. Meryem
tettewḥac ṣṣifa­s, ula d medden ttḍerrifen­t, rewwlen zdat­s,
am win ara irewlen zdat lehlak ineṭṭḍen imi ṣṣifa­s txulef tiyaḍ.

Yusef
Tella yir ṣṣifa ixeddɛen, tettɣummu ul ḥninen... (Yetqelleq).

Samira
D acu­t akka i la tettxemmimeḍ a Yusef ? Aql­ak tɣaseḍ ad as­
tiniḍ ulac­ik, tɛerqeḍ usawen gar sebɛa yigenwan.

Yusef
Baba­m di tteṣwira­agi la ttwaliɣ deg­s...

­ 115 ­
Tiɣwist n Bururu

Samira
D acu i t­yuɣen ? D acu i twalaḍ deg­s ?

Yusef
Ṣṣifa­s, d tidet txulef tiyaḍ, ṣṣifa­s tcuba di Bururu.

Asayes 46

Zzhir n ṭumubil tleḥḥu, ttqeṣṣiren daxel.

Ɛaziz
Kumiṣar Buzid Yufa­d ayen ara d­ikecfen wagi la ineɣɣen.

Ɛmara
(Yeɛḍes) Ayagi ulac deg­s ccek a Ɛaziz, lemmer mačči d ayen
ara d­yesdehren lweḥc­agi iqellɛen ulawen, yili ass­agi Buzid
atan gar­aneɣ, ur yemmut ara. Lameɛna d acu i d­yufa ? D
acu ? Seg wasmi i s­d­cfiɣ, di leɛmer yeccrek lbaḍna­s ɣef
wayen yettaf deg unadi ɣef wid icukk, alamma d taggara.

Ɛaziz
Lemmer i ɣ­yeccrek yid­s, yili ass­agi ad aɣ­yishil ubrid ɣer
lweḥc­agi i la ineɣɣen. Ass­agi yewwi yid­s lbaḍna­s,
tettwanṭel yid­s, tura kečč a si Ɛmara ilaq­ak ad tɛiwdeḍ anadi
si tazwara.

Ɛmara
Ala a Ɛaziz, d timerna kan ara s­rnuɣ, yuɣ lḥal si lebɛid lliɣ
kesseɣ­d taluft­a. Ayen mazal ur ḥṣiɣ ara d ayen yexdem Buzid
di yumayen­agi iɛeddan qbel ad yemmet (Yettxemmim, i
yiman­is) Saḥari ?... Timeqbert ?...

Ɛaziz
Saḥari ?... Timeqbert ?... D acu i tebɣiḍ ad d­tiniḍ a si Ɛmara ?

Ɛmara
Ḍebbreɣ ɣef Buzid ad yettɛassa timeqbert.
­ 116 ­
Tiɣwist n Bururu

Ɛaziz
Lameɛna nufa­ten­in mmuten, netta d ubulis Mulud berra n
tmeqbert.

Ɛmara
Ulamma lmeyytin ur leḥḥun ara, yezmer ad yili win ara ten­
yesselḥun u ad asen­ibeddel amkan... Ɛaziz... zzin s ṭumubil !
Ur nettkemmil ara ɣer lbiru, ad nruḥ ad d­nẓer Docteur Yusef,
ameddakel n Professeur Ɛayaci (Zzhir n ṭumubil tezzi, truḥ).

Asayes 47

Yusef
Ma yella kečč a si Ɛmara d ccek kan i tcukkeḍ, nekk d ttbut i d­
ssuliɣ, amcum­agi ineɣɣen s uqlaɛ n wulawen mi yerẓa iɣsan n
bab­is ad yili d lweḥc n tidet.

Ɛmara
Ula d nekk aql­iyi tḥeqqeɣ am kečč a Docteur, incew n yifer­
agi n ufrux i d­tufiḍ di texxamt n Professeur Ɛayaci yessebgen­
d ayen ur d­nettas di lbal, d lweḥc ! Tenniḍ­d incew­agi n yifer
n Bururu, temɣer­is ur tettili ara di ddunit.

Yusef
Akka ih ! Ad yili yemɣi­d di lǧetta n bunadem iṣeḥḥan u ɣezzif
di lqedd.

Ɛmara
Dagi ilaq la police ad tbeddel leslaḥ ajdid s wayes ara tqabel di
ṭṭrad n lewḥuc yecban wigi.

Ɛaziz
Lameɛna a Docteur, amek ara d­yemɣi yinecwan ɣef lǧetta n
bunadem ?

Ɛmara
Ad ilin ccerken di sin, Bururu akked walbaɛḍ n lɛulama di
­ 117 ­
Tiɣwist n Bururu

tussna n ṭṭebb i d­yufan amek yessemlal sin lerwaḥ, bunaden


akked Bururu deg yiwet lǧetta.

Yusef
Akka ih a si Ɛmara, d sin lerwaḥ­agi i yessemlal i wakken ad d­
ilal lweḥc.

Ɛaziz
(Yewhem) Tettazzal fell­i tidi ! Tura fehmeɣ s wayes i rrẓen
yiɣsan n yidmaren n widen yemmuten u yettwaqlaɛ wul­nsen.
Ayagi d afus n bunadem ideg d­mɣin wajjaren n Bururu.

Yusef
Lekdeb yeqqlen d tidet, d ayen yellan ur yezmir ad yamen
umdan.

Ɛmara
D lweqt ad nekker ad nruḥ a Docteur, ṣaḥḥa ɣef wayen i ɣ­
tesseɣreḍ, lameɛna di leɛnaya­k, di teswiɛt­agi, ayagi ad
yeqqim d lbaḍna gar­aneɣ, ur t­mmal ara i yimesǧernanen.
Zemren ad aɣ­rren d taḍsa, ma d imezdaɣ ad ten­tekcem tugdi
di leɛmer ssinen.

Yusef
Ur ttaggad ara a si Ɛmara, ḥṣiɣ ayen yettḍurrun.

Ɛmara
Ula d nekk ḥṣiɣ belli teḥṣiḍ lameɛna dima yelha win i d­
yesmektayen wayeḍ. Qim di lehna (Ruḥen netta d Ɛaziz).

Yusef
(I yiman­is) Dayen ruḥen ! Nekk tura ad kemmleɣ ccɣel­iw...
(Yewhem) Anda tella ?... Tura kan i tt­ǧǧiɣ s ufella n lbiru
(Yettnadi) Dagi i serseɣ tteṣwira n si Salem i s­d­ddmeɣ s tuffra
i Samira (Ixemmem) Tura fehmeɣ... D kumiṣar si Ɛmara i tt­
irefden ! Bla ccek ad yili yefhem am akken fehmeɣ nekk.

­ 118 ­
Tiɣwist n Bururu

Asayes 48

Ɛmara
Docteur Yusef yenna­yaɣ­d ayen akken ssneɣ, aql­aken tura
teḥṣam (Yettxemmim) Yeskaddeb... Ayɣer yeskaddeb ? Ayɣer ?

Ɛaziz
Tebɣiḍ ad d­tiniḍ belli Docteur Yusef yella wayen yeffer fell­
aneɣ ?

Ɛmara
Akka ih, yella wayen i ɣ­yessedreg, wissen d acu i d ssebba !
Ayɣer yugi ad aɣ­tt­id­yini ?

Ɛaziz
Amek i tcukkeḍ deg­s belli yeskaddeb ?

Ɛmara
(Yeɛḍes) Tteṣwira­agi i d­ddmeɣ s tuffra tella s ufella n lbiru.
Ax, muqel­itt, senqed­itt akken ilaq ahat ad tfehmeḍ.

Ɛaziz
(Iwala­tt) Wagi d si Salem yemmuten di laksida n ṭumubil.

Ɛmara
Ur teɣliḍeḍ ara. D acu i d­yewwin tteṣwira­agi ɣer lbiru n
Docteur Yusef ?

Ɛaziz
Ahat ad yili d Samira i s­tt­id­yefkan !

Ɛmara
Awwah ! Ur iwulem ara. Amek ara s­tefk tteṣwira n baba­s ?
Ur d­ssineɣ ara widen yettaken tteṣwirat n yimawlan­nsen i
wiyaḍ !

Ɛaziz
Ihi d acu i tt­d­yewwin ɣur­s a si Ɛmara ?
­ 119 ­
Tiɣwist n Bururu

Ɛmara
Am akken i tt­id­wwiɣ ɣur­i ! Docteur Yusef yeddem­as­tt­id i
Samira s tuffra­s.

Ɛaziz
Ayɣer i tt­id­yeddem ? D acu ara yexdem yis­s ?

Ɛmara
Nufa­d belli lweḥc­agi i ineɣɣen yesɛa rric n Bururu i d­
yemɣin ɣef lǧetta n bunadem, akka a Ɛaziz ?

Ɛaziz
Akka a si Ɛmara, akka.

Ɛmara
Rnu tura senqed tteṣwira­nni a Ɛaziz.

Ɛaziz
(Iwala­tt, yewhem) Heu ! Armi d tura i rriɣ ddhen­iw... Ṣṣifa­s
tcuba di Bururu. D tidet, nnan­d akk medden rewwlen fell­as
imi ṣṣifa­s... Awah ! Muḥal... Bururu ?!... Si Salem yemmut di
laksida... Bururu ?!... Ur tebɣiḍ ara ad d­tiniḍ a si Ɛmara ?!...

Ɛmara
Di teswiɛt­agi mazal ur d­qqareɣ ara a Ɛaziz. Ruḥ jbed­iyi­d
attafttar n laksida n ṭumubil ideg yemmut, yerɣa si Salem armi
ula d yiwen ur yezmir ad t­yeɛqel.

Asayes 49

Samira
(Tetqelleq) Tabrat­agi i yi­d­iceyyeɛ umdan­agi ur d­nesris ara
isem­is attan tqelleq­iyi a Yusef.

Yusef
Ɣriɣ­tt a Samira, kkes aɣbel i wul­im, ad yili d albaɛḍ n
yimnecraḥ neɣ n yimeslab i yebɣan ad yeḍs, la kem­id­ixeṭṭeb s
­ 120 ­
Tiɣwist n Bururu

yisefra. La m­d­yeqqar ulamma netta meqqer, lameɛna ul­is


mazal­it d ilemẓi, d asaɛi, ad kem­yeɣnu... Ur tefhimeḍ ara
belli tabrat­agi ad yili bab­is yuḍen di leɛqel­is ?

Samira
Yennak daɣen yessen­iyi ur yesɛa tterṣwira­w ɣur­s, d lebda
yessenqad deg­s s tujjma.

Yusef
Yenna­yam daɣen ḥala kemmini i izedɣen ul­is, i iceɣlen lbal­
is, a win yufan ad tqebleḍ ad tuɣaleḍ d zzwaǧ­is... D imeslayen
n umeslub ! Azgen n lɣaci yeddren di ddunit uḍnen tisselbi, d
ṣṣenf n tisselbi kan i yemxallafen d aya ! Wamma tawacult n
tisselbi yiwet ! D acu i kem­iqellqen deg wayagi ?

Samira
Kullec a Yusef, kullec. Di taggara n tebrat yenna­d ur ttɛeṭṭileɣ
ara ad kem­in­qesdeɣ. Uggadeɣ a Yusef... Uggadeɣ !

Yusef
Tuggadeḍ u nekk yid­m ?

Samira
Nniɣ­ak tabrat­agi la tesserhab a Yusef. Yessers­d di taggara n
tebrat «Professeur». D acu­t Professeur­agi ?

Yusef
(Yezɛef) Awi­d akka tabrat­nni...

Samira
Ax, d acu ara txedmeḍ yis­s ?

Yusef
Ad tt­cerrgeɣ (Icerreg­itt) Dayen tura, attan teftutes s nattat s
yimeslayen­is.

Samira
Ayɣer i tt­tcerrgeḍ a Yusef ?
­ 121 ­
Tiɣwist n Bururu

Yusef
I wakken ad yetthedden lxaṭer­im, aqerruy­im yerwi seg­s,
akka ulac tabrat ulac arway. Tura ad nbeddel ameslay, mačči
akka xir ?

Samira
Imi tebɣiḍ ad nbeddel imeslayen, ad d­nesseḥder rrwaḥ­nneɣ.
D acu i nettraǧu i wakken ad neṭṭef abrid ?

Yusef
Ur aɣ­d­mazal aṭas n wussan a Samira, sin neɣ tlata wussan
kan.

Samira
Ihi ur tettɛeṭṭileḍ ara ad d­tkecfeḍ lweḥc n taluft­agi.

Yusef
Taluft attan ɣef tizi n tifrat.

Samira
(Tuggad ) Di leɛnaya­k a Yusef... Uggadeɣ fell­ak... Yyan ad
nruḥ uqbel ad ifut lḥal, uqbel ma neggra­d di nndama, ayagi d
ccɣel n la police mačči d ccɣel­ik keččini.

Yusef
Ur ttaggad ara Samira, nniɣ­am ṣber !

Samira
Amek ara ṣebreɣ a Yusef u nekk ḥṣiɣ lmut la ɣ­d­tettmuqul s
wallen­is di ṭṭlam, kečč ur tt­twalaḍ ara, sserked iman­ik a
Yusef di leɛnaya­k !

Yusef
(I yiman­is) Yessers­d di taggara n tebrat «Professeur»...
Professeur (Nnhati) Sseḥmu­yi­d kan afenǧal n lqahwa a
Samira di leɛnaya­m. Leɛqel­iw la yettemlelli si taluft­agi.

­ 122 ­
Tiɣwist n Bururu

Samira
Yirbeḥ, yirbeḥ ! Aql­i ruḥeɣ ɣer tkuzint ad ak­tt­awiɣ, tewǧed.

Yusef
(I yiman­is) Samira meskint, tuggad, d lḥeqq­is, ula d nekk
ugadeɣ abeɛda tura imi qrib ad d­yettwakcef kullec, tebda la
d­teṭṭahar tzulella n tafat... Incew n Bururu i d­yemɣin di
lǧetta n bunadem, i yesɛan lǧehd yettruẓun iɣsan n yidmaren,
iqelleɛ­d ulawen... La yi­d­yeqqar lxaṭer­iw bab n tebrat­agi i
d­yuran i Samira ad yili d lɛalem deg wayen akka i la nettnadi,
d win i d­yufan amek yessemlal sin lerwaḥ deg yiwen, Bururu
afrux akked bunadem armi i d­yessufeɣ lweḥc. D acu i yewwin
tteṣwira n Samira ɣur lɛalem­agi i la tt­id­ixeṭṭben ? Amek i
tewweḍ gar yifassen­is ?

Asayes 50

Saḥari
(I yiman­is) Aql­iyi tura ɣur­s, ass­agi ad issineɣ tidet, ǧǧiɣ­as
snat tebratin, ǧǧiɣ­as lweqt ad txemmem, ad yili tura tefhem
nnfeɛ­is, di tebrat tis snat kecfeɣ­d iman­iw, mliɣ­as isem­iw
aḥeqqani, ulac ayen i ffreɣ fell­as... Ḥala ayen mazal...
Lameɛna ayenni ad rǧuɣ ad iyi­d­terr s lǧawab.

Samira
Mi akken i d­ṭṭfeɣ tibratin­ik nnaqal ugadeɣ, ma d tura (Taḍsa)
Mi akka k­walaɣ a si Saḥari, aɛessas n tmeqbert, tugdi­nni
teqqel­iyi d taḍsa, anɛam ih, d taḍsa... Professeur ? Lɛalem,
amusnaw (Taḍsa) Yesɛa lḥeqq Yusef mi yi­d­yenna wagi d
ameslub i m­d­yuran.

Saḥari
Ulac abrid iseg m­d­kkiɣ... Teggummaḍ ad iyi­tamneḍ a
Samira. Qqimeɣ ɛeṭṭleɣ ur zwiǧeɣ ara armi d ass­a imi ur ufiɣ
ara tin i kem­yecban, tura ufiɣ­kem kemmini, tzedɣeḍ ul­iw,
tcewwleḍ lxaṭer­iw, tewwiḍ leɛmer­iw, la teqqareḍ d tisselbi, d

­ 123 ­
Tiɣwist n Bururu

tidet, dbedbeɣ fell­am. Qbel ad iliɣ d zzwaǧ­im, ḥala lehna d


lferḥ ara d­tafeḍ ɣur­i a Samira.

Samira
Tɛuddeḍ yeffeɣ­iyi leɛqel i wakken ad sebbleɣ temẓi­w ? Kker
ffeɣ ssya, bɣiɣ ad k­ttuɣ, ma terniḍ ddqiqa dagi ad siwleɣ i la
police.

Saḥari
Fiḥel, Fiḥel... Ad ruḥeɣ a Samira, ad ruḥeɣ... Ɣelḍeɣ a Samira,
leɣlaḍ ameqqran, d tidet, anta tameṭṭut yesɛan lkuraǧ ad
tessexṣer leɛquba­s s zzwaǧ akked umeslub akka am nekk
yesɛan aḍar di ddunit wayeḍ di laxert ? Ɣelḍeɣ, ɣelḍeɣ... Di
leɛnaya­m semmeḥ­iyi... Rnu semmeḥ­iyi... Ɣelḍeɣ aṭas aṭas...

Samira
Anwa ur netsemmiḥ ara i umeslub i k­yecban ?

Saḥari
(Yettḥelli, s lkerh d nndama) D tidet, d tisselbi i selbeɣ, ur iyi­
d­keccef ara, di leɛnaya­m, di leɛnaya­m.

Samira
Lemmer ad k­id­kecfeɣ deg­i ara ḍsen medden imi d imeslab i
sɛiɣ d inexḍaben. Ihi ɣas kkes aɣbel i yiman­ik, ma ṣṣreɣ­k
ṣṣreɣ iman­iw.

Saḥari
Ṣaḥa... Ṣaḥa, lxir­im meqqer... Ur t­tettuɣ ara, aql­iyi ruḥeɣ,
ruḥeɣ.

Asayes 51

Liḥala tessewḥac, askeɛwew n wuccen, rrɛud, aḍu...

Saḥari
Bururu... Bururu... Ḥwaǧeɣ­k... Ḥwaǧeɣ­k ad d­tqelɛeḍ ul
­ 124 ­
Tiɣwist n Bururu

aneggaru di temdint­agi, iḍ­agi ad d­tqelɛeḍ yiwen wul


leqqaqen, leqqaqen am akken i ten­tḥemmleḍ keččini...

Bururu
Ul leqqaqen... Idammen... Idammen...

Saḥari
Ad d­tekkseḍ ul n tin yeggumman ad teqbel ad iliɣ d zzwaǧ­
is... teḥqer­iyi (Isuɣ) Teḥqer­iyi a Bururu teḥqer­iyi...

Bururu
(Isuɣ) Idammen... Idammen... Ulac win ara k­iḥeqren... Ad d­
kkseɣ ul­is... Ad yettquddur d idammen yeḥman... Idammen
yeḥman...

Saḥari
Ur d­terri ara s lexbar belli annect i meqqreɣ di leɛmer i
meqqret tmusni­w di lɛilm n ṭṭebb, deg unadi n ujdid di lɛilm
iss k­rriɣ d win i tthaben u ttewḥacen medden.

Bururu
Ulawen... Ulawen... Idammen... Ad nɣeɣ... Ad nɣeɣ... Bɣiɣ ul
yettqudduren d idammen yeḥman...

Saḥari
Ṣber... Ṣber a Bururu alamma tewweḍ ttnaṣfa n yiḍ... u ssyin...

Asayes 52

Salaḥ
Inig­agi i d­tunageḍ teḍra yid­s am yiṭij, ad d­iḍil agemmaḍ
ṣṣbeḥ u ad yeɣli akin tameddit. Wagi d inig n zerfer yecban di
lebraq.

Yusef
Lweqt yeɣṣeb­iyi a si Professeur Salaḥ.

­ 125 ­
Tiɣwist n Bururu

Salaḥ
D tidet, d tidet... Atan ufiɣ­d attafttar­is... Professeur Saad Ḥari,
ḥala wagi i d­mazal d ameddakel aneggaru n Professeur
Ɛayaci. Ur ɛad nessemlal tira n tebrat n lɛalem­agi i d­yuran i
Samira akked tira yellan deg uttafttar­agi (Yeldi­t) Awi­d kan
tabrat­nni a Yusef !

Yusef
Ax (Yefka­yas­tt). Tagi d tabrat tis snat, tamezwarut cerrgeɣ­tt
imi tira­s ur ɛdilent ara akked tira yellan deg uttafttar­nni ma
yella ur ɣliḍeɣ ara deg wayen xemmmeɣ.

Salaḥ
(Yettnadi gar snat tira, yewhem) Waqila ur teɣliḍeḍ ara a
Yusef.

Yusef
(Yefreḥ) Amek a si Professeur, ɛedlent tira­nni ?

Salaḥ
Yiwen ufus i tent­yuran, d win n Professeur Saad Ḥari. Ihi
mazal ur yemmut ara ? D tarewla kan i yessrwel iman­is fell­
aneɣ.

Yusef
Ayɣer iruḥ yerwel ? Yessedreg iman­is fell­awen.

Salaḥ
Yeqqar belli yufa­d yiwet tussna n ṭṭebb ur iqebbel leɛqel i d­
yesseḥder i tejmaɛt n lɛulama n ṭṭebb.

Yusef
Ur tt­qbilen ara imi abeddel­agi n yidammen n bunadem s
widen n lhayca...

Salaḥ
Ur t­numin ara... Nenna­yas akk tebda­t­id tisselbi, llan gar­
aneɣ kra n wid yeḍsan deg udem­is, usmen seg­s.
­ 126 ­
Tiɣwist n Bururu

Yusef
D lɛalem ameqqran, ul­is yeḥzen, yextar yerwel si tmurt,
ibeddel isem­is.

Salaḥ
Amek iga isem i yiman­is tura ?

Yusef
Saḥari, yeqqel d aɛessas n tmeqbert.

Salaḥ
Bɣiɣ ad dduɣ yid­k ad t­id­ẓreɣ. Nekni s yimusnawen n ṭṭebb
neḥwaǧ timital­is.

Yusef
Ifut lḥal, yeṭṭef deg wawal­is, tura yeḍher­d kullec s yidammen
i ibeddel i bunadem, yeṣneɛ­d lweḥc iqellɛen ulawen, ad ruḥeɣ
ad rekbeɣ di ṭeyyara ad uɣaleɣ, ilaq ad iliɣ dinna qbel ad d­
yeɣli yiḍ.

Asayes 53

Samira
(I yiman­is) D aẓɣal... (Tettfa, tleḥḥu) Ad d­ldiɣ ṭṭaq. La
ttnuddumeɣ. Aggur n tziri atan ifeǧǧeǧ akk ddunit, ad s­tiniḍ d
azal... Ad ɛeddiɣ tura ad uɣaleɣ s usu ad ṭṭseɣ (Tettfa) Ula d
aɣummu ur ttɣummuɣ ara...

Asayes 54

Bururu
(Yettnazaɛ, lḥess n tikli) Ul­is... Ul­is leqqaqen... Idammen...
Idammen... Tura ad t­id­qelɛeɣ... Ul­is... Ul­is... La tettneqlab...
La tettneqlab... Zzi­d... Zzi­d... Ad wɛuɣ idmaren­is... Akka...
Tura ad tt­wwteɣ... (Yeḥbes, yewhem) Udem­is... Udem­agi...
Ssneɣ­t... Ssneɣ­t... Samira... D nettat (Isuɣ) Samira !
­ 127 ­
Tiɣwist n Bururu

Samira
(Tuki­d) Acu­t wagi ? D lweḥc... D lweḥc (Tsuɣ, texcawet).

Bururu
Samira... Ɛeqleɣ­kem... Yelli... Yelli... D kemm i yebɣa ad nɣeɣ ?
Ala... Ala... Ur neɣɣeɣ ara yelli... Yelli Samira (Izehher, yencef)
Afus­agi ur d­iqelleɛ ara ul n tin i yi­t­id­yefkan si zik s
leḥmala, ala... Ala... Yeɣleḍ... Yeɣleḍ... Tura ad uɣaleɣ... Ad
uɣaleɣ ɣer tmeqbert... (Ineggez si ṭṭaq).

Asayes 55

Samira
(Tettru, tuggad) D lweḥc a Yusef, d lweḥc... Ɛuddeɣ d tirga i la
ttarguɣ, sliɣ i zzhir, i usiwel s yisem­iw... Ldiɣ­d allen­iw...
walaɣ­t (Tettru).

Yusef
Ur ttaggad a Samira, dayen iruḥ, aql­i zdat­m.

Ɛmara
(Yeɛḍes) Amek i tella ṣṣifa­s ? Amek i tella lǧetta­s ?

Samira
(Tettergigi) Mačči d bunadem a si Ɛmara... Mačči d bunadem a
Yusef... Ad yili snat lmitrat di teɣzi... Yeččur d rric... D
aberkan... Ṣṣifa­s am Bururu... Allen­is d tizeggaɣin iruḥen s
tewreɣ... Iɣallen annect­ilaten... Yesɛa ajjaren deg yifassen am
lemwas... D lweḥc... D lweḥc (Tettru).

Ɛmara
Ruḥ siwel ɣer lbiru i wakken ad d­ssiwḍen lɣaci­nneɣ ad d­
sseddun aqjun ara itebɛen later n lweḥc­agi.

Ɛaziz
Yirbeḥ a si Ɛmara.

­ 128 ­
Tiɣwist n Bururu

Yusef
Ur tettu ara a si Ɛmara belli iqjan ur ttabaɛrn ara later n lweḥc
imi t­uggaden. Lameɛna yella wamek ara t­naf.

Ɛmara
Ini­yaɣ­d ihi amek ?

Yusef
D nekni ara t­yawḍen alamma d amkan ideg yettili.

Ɛmara
Ihi teẓriḍ anda la yettili ?

Yusef
Ufiɣ­d anda i la iteffer.

Ɛmara
Ccrek­iyi di lbaḍna­k, ini­yi­d anda akka la iteffer ?

Yusef
Di tmeqbert a si Ɛmara, di tmeqbert.

Ɛmara
Di tmeqbert ?

Yusef
Di tmeqbert yettɛassa Saḥari, neɣ s yisem­is aḥeqqani
Professeur Saad Ḥari.

Asayes 56

Liḥala tessewḥac, askeɛwew n wuccen, rrɛud, aḍu...

Saḥari
(I yiman­is, yetqelleq) Tasaɛet attan d lweḥda n yiḍ, Samira ad
tili temmut (Taḍsa) Temmut s ufus n baba­s i beddleɣ rriɣ­t d
Bururu... Samira... Samira ul­is­nni i yi­yugin ad yili tura la
­ 129 ­
Tiɣwist n Bururu

yettquddur d idammen gar yifassen n win i tt­id­irebban...


Salem... Baba­s... (Tiɣwist n Bururu ixulfen leɛwayed­is) La s­
selleɣ... D netta... Yuɣal­d... La d­ileḥḥu (Taḍsa) La t­ttwaliɣ...
la d­ileḥḥu s leɛqel (Tiɣwist acḥal n tikkal) Lameɛna di leɛmer
ur isuɣ annect­agi... D lferḥ... Ad yili d lferḥ i yefreḥ imi d ul
leqqaqen i d­yeqleɛ (Taḍsa) ur yeḥṣi d ul n yelli­s i d­yeqleɛ...

Bururu
(Iqerreb­d, yezɛef) Samira... Samira... Samira...

Saḥari
Bururu ! Qerreb­d ɣur­i... Ziken­iyi­d afus iss d­tqelɛeḍ ul n
Samira... Anda yella wul­is yettqudduren d idammen ? Ziken­
d... Ziken­d... Bɣiɣ ad t­ẓreɣ...

Burur
(Yezɛef ugar) Ul­is... Ul n Samira ?

Saḥari
(Icukk) D acu­t akka i k­yuɣen a Bururu ? Ulac idammen deg
yifassen­ik... Ur tt­tenɣiḍ ara ? Ur tuɣeḍ ara awal­iw ? Bururu,
ini­yi­d !

Bururu
Ɛeqleɣ­tt... Ɛeqleɣ­tt... Samira yelli... D yelli... Tceyyɛeḍ­iyi i
wakken ad nɣeɣ yelli ! Yelli !

Saḥari
Tɣelḍeḍ a Bururu, mačči d yelli­k... Mačči d yelli­k...

Bururu
Susem... Susem... (Yeḥzen) Meskint, tella teṭṭes, tewwi­tt tnafa,
am akken i tella d temcṭuḥt la teggan, mi akken refdeɣ afus­iw
ad tt­wwteɣ ad s­rrẓeɣ iɣsan n yidmaren­is, ad qelɛeɣ ul­is...
Imir­nni tafat n tziri tɛedda­d seddaw yiɣil­iw, iban­d wudem­
is, ur ẓriɣ aṭas aya, ḥulfaɣ i lḥaǧa tembaddal deg­i... Qrib nɣiɣ
yelli s ufus­iw (Yettaẓ ɣer Saḥari) Ayagi ur t­qebbleɣ ara !
Mačči d nettat i ilaq ad temmet...
­ 130 ­
Tiɣwist n Bururu

Saḥari
(Yuggad, yettqelleq) Ḥbes... Ḥbes ur d­ttaẓ ara... Allen­ik la
berrqent... D acu akka i d­tessefraḍ deg uqerruy­ik ?

Bururu
Tceyyɛeḍ­iyi i wakken ad qelɛel ul, lameɛna mačči d win i
zemreɣ ad d­kkseɣ... Ul­nni yettunefk­iyi­d aṭas aya s lɛezza d
leḥmala, winna ur t­ttnaleɣ ara (Yezɛef) Lameɛna iḍ­agi bɣiɣ
ul nniḍen, ul yettqudduren d idammen yeḥman ara ẓemḍeɣ
deg ufus­iw, cehwaɣ­d ul­ik a Saḥari...

Saḥari
(Yettergigi si tugdi) Qim din... Qim din... Ur d­ttaẓ ara ɣur­i,
nniɣ­ak ruḥ ad teṭṭseḍ di tenṭelt­ik... ttaɣ awal­iw, d nekk i k­
id­iṣenɛen. Bururu, qrib ad nettixxer si tmurt­a, ad k­awiɣ
anda ara terwuḍ ulawen.

Bururu
(Yettuɣu) Ala... Ala... Ur ḥwaǧeɣ ara ulawen nniḍen, iḍ­agi d
ul­ik i bɣiɣ ad d­qelɛeɣ a Saḥari... Ad k­nɣeɣ... Ad temmteḍ
(Tiɣwist).

Saḥari
(Lḥess n ṭṭabla akked yikersiwen, tikli, aṣubbu n teṭrejtin)
Tebɣiḍ ad iyi­tenɣeḍ baṭel a Bururu... Annect­agi akk ɣef
Samira i tɛuddeḍ d yelli­k... Tɣelḍeḍ... Tɣelḍeḍ, mačči d nettat i
d yelli­k... Ulac­itt dagi... La tettkemmil leqraya di tmurt iɣer
tt­tceyyɛeḍ... (Yuɣal ɣer deffir, qrib yeɣli).

Bururu
Teskiddibeḍ... Teskiddibeḍ... Ur k­ttamneɣ ara a Saḥari...
Ɛeqleɣ­tt, ɛeqleɣ­tt d yelli... Ɣef lǧal­is ara temmteḍ (Yettaẓ,
iḍegger ṭṭabla yeffren Saḥari).

Saḥari
(Yuggad) Qim din... qim din... Ala... Ala... Ur iyi­d­ttmuqul ara
akkenni... Ur d­ttaẓ ara... (Yerwel gar leqcuc).

­ 131 ­
Tiɣwist n Bururu

Bururu
Rwel neɣ qim, ḥala lmut ara temmteḍ ! Teḥṣiḍ yiwen ur yezmir
ad iyi­yerwel... Lmut i tbuddeḍ i wiyaḍ, ass­a d nnuba­k ad
temmteḍ yis­s. Ul­ik ad teṭṭfeɣ yettemxebbaḍ gar yifassen­iw.

Saḥari
Arǧu ad k­sfehmeɣ a Bururu... D tidet, Samira d yelli­k... Lakin
ḥemmleɣ­tt, ḥemmleɣ­tt... Bɣiɣ ad tili d zzwaǧ­iw akken kečč
ad teqqleḍ d aḍeggal­iw, ad nennejmaɛ merra d yiwet twacult.

Bururu
Imi Samira teggumma ad k­teqbel, ad tsebbel temẓi­s akked
yiwen i k­yecban, tnedfeḍ, tceyyɛeḍ­iyi ad k­d­rreɣ ttaṛ­ik, ad
tt­tenɣeḍ s ufus n baba­s (Isuɣ) D kečč ara yemmten... Mmet...
Mmet... Mmet...

Saḥari
Arǧu... Arǧu... Ur iyi­neɣɣ ara... Ala... Ala... Aaaaaaaaa !

Bururu
(Izehher si lferḥ) Dayen... Dayen... Yemmut Saḥari... Yemmut
(Yettruẓu leqcuc). Ad sserɣeɣ kullec... Timess... Timess... Kullec
ad yerɣ...

Asayes 57

Zzhir n ṭumubilat iḥebbsen, tiwwura ldint, tikli d tazzala.

Ɛmara
Aha a Ɛaziz ini­asen i yibulisen ad d­nnḍen ɣef tmeqbert, ẓer
ibulisen nniḍen ad ɛassen tanezduɣt n Saḥari.

Ɛaziz
Yirbeḥ a si Ɛmara.

Ɛmara
Ma twalam iḍall­d Bururu, enɣet­t, ut ttraǧut ara, ma d Saḥari
­ 132 ­
Tiɣwist n Bururu

awit­t­id, ur t­neqqet ara, bɣiɣ­t d amuddir, tesliḍ ?

Ɛaziz
Sliɣ a si Ɛmara (Iruḥ).

Yusef
I nekni d acu ara nexdem a si Ɛmara ?

Ɛmara
Kečč akked Samira qimet daxel n ṭumubil. Ax ṭṭef tameẓyant­
agi ahat ad tt­teḥwiǧeḍ, ayen nniḍen d ccɣel n la police.

Yusef
Ad dduɣ yid­k a si Ɛmara, bɣiɣ ad waliɣ lweḥc­agi mi ara
yemmet.

Ɛmara
Anwa ara yeqqimen akked Samira ?

Yusef
Eǧǧ­as­d yiwen ubulis d aɛessas.

Ɛmara
Nniɣ­awen ulayɣer i d­teddum, ur tuɣem ara awal­iw.

Samira
Ula d nekk ad dduɣ yid­wen a Yusef.

Ɛmara
(Yezɛef, yeɛḍes) Lḥut ihi, aql­aɣ nɛeṭṭel (Dduklen di tlata,
tiɣwist n Bururu).

Abulis
Teslam i tiɣwist­agi ?

Yusef
D netta, ad s­tiniḍ la yessawal i lmut (Asuɣu, tirṣaṣin) Walan­
t... La t­kkaten s rrṣaṣ.
­ 133 ­
Tiɣwist n Bururu

Ɛmara
Rrṣaṣ yeqwa fell­as.

Abulis
Si kumiṣar, si kumiṣar... Muqel, muqel atan la d­yettban ɣef
umnar n tewwurt.

Ɛmara
Walaɣ­t, walaɣ­t... D acu akka i la ixeddem... Ad s­tiniḍ la d­
yessufuɣ lqecc yettruẓu­t.

Bururu
Si lbeɛd isuɣ acḥal n tikkal, yezɛef

Yusef
Atan yencef, yesseḍ.

Abulis
Ad t­wwteɣ ssyagi a si kumiṣar, ur t­zeggleɣ ara.

Ɛmara
ssneɣ­k, ḥṣiɣ ad tḥazeḍ ula d tissegnit si lbaɛd. Ihi ḥader ad
yemneɛ, ɛeddi­d ssya ad t­tewɛuḍ xir...

Abulis
D tidet a si kumiṣar, ssyinna zemreɣ ad k­ḍemneɣ, s terṣaṣt
tamezwarut ad t­ḥazeɣ deg ul.

Ɛmara
Atan daɣen yuɣal­d s amnar n tewwurt, jbed fell­as, jbed...

Abulis
(Yewwet s rrṣaṣ, Bururu isuɣ) Ḥuzaɣ­t, ḥuzaɣ­t a si Ɛmara.

Yusef
Walaɣ rric yenṭeg seg yidmaren­is.

­ 134 ­
Tiɣwist n Bururu

Samira
D lewhayem, ur yemmut ara. Yusef ! Iwala­yaɣ­d... La d­
ileḥḥu ɣer­neɣ.

Ɛmara
Ɣiwel, ɣiwel... wwet­it... wwet­it... Ur s­ttɛemmid ara ad d­
yaweḍ.

Abulis
Tikkelt­a ad t­sseɣliɣ (Yewwet).

Ɛmara
(Yewhem) D acu­t wagi ? Yeggumma ad yeɣli... Uɣalet ɣer
deffir... Uɣalet ɣer deffir... La d­yettaẓ...

Abulis
(Isuɣ) Yewweḍ­d... Yewweḍ­d a si kumiṣar... Yeṭṭef­iyi...
Yeṭṭef­iyi... Serreḥ­iyi... Serreḥ­iyi...

Bururu
Ad temmteḍ... Aql­i ṭṭfeɣ­k... Lmut... Lmut... Ad k­nɣeɣ...

Abulis
(Yessawal) Yeṭṭef­iyi... Sellket­iyi... Yeṭṭef­iyi... Sellket­iyi (Isuɣ,
yemmut).

Yusef
Yenɣa­t, yenɣa­t a si Ɛmara (Yewwet s tmeẓyant) Ṭṭef... Ṭṭef...

Ɛmara
Uɣal­d... Uɣal­d akka a Yusef... Ur iɣelli ara... Rwel, ma yeṭṭef­
ik ad k­ineɣ... D lweḥc...

Bururu
Idammen... Ula d kečč ad temmteḍ... Ad k­nɣeɣ... Aql­i ṭṭfeɣ­
k...

­ 135 ­
Tiɣwist n Bururu

Yusef
(Yettemḍerkal) Yeṭṭef­iyi... Yeṭṭef­iyi...

Bururu
Ad d­kkseɣ ul­ik... Ad d­kkseɣ ul­ik...
Samira
(Tsuɣ) Yusef... Yusef...

Bururu
Lmut... Lmut... Ad temmteḍ... Ad temmteḍ...

Yusef
(Yettḥellil) Samira rwel... Ur d­ttaẓ ara... Ur d­ggar iman­im
gar­aneɣ... Rwel... Rwel...

Samira
(Tsuɣ) Ur t­ttaǧǧaɣ ara ad k­ineɣ... Yusef... Yusef... Yusef...
(Tekcem gar Yusef d Bururu).

Bururu
(Yeɛqel yelli­s zdat­s) Samira... Samira... Ala... Ala... (Isuɣ,
yerwel).

Ɛmara
(Iqerreb­d) Yerwel... Iruḥ s tazzla... Mi akken i d­tezga Samira
gar­awen, ad s­tiniḍ ibeddel rray ur k­yewwit ara.

Yusef
D tidet a si Ɛmara, ɣef yidra n Samira i yerwel. Tura ḥṣiɣ ayɣer
ur iyi­yenɣi ara. Ad ruḥeɣ ad t­ḍefreɣ... Ad s­mmeslayeɣ.

Samira
Amek ? Ad s­temmeslayeḍ ? Lweḥc ?

Yusef
Ad ssutreɣ deg­s ad yeqbel ad yemmet a Samira (Iruḥ).

­ 136 ­
Tiɣwist n Bururu

Samira
(Tettḥellil) Uɣal­d a Yusef... Uɣal­d...

Ɛmara
(Yeɣḍes) Yekcem ɣur­s si tesraft n tewwurt n tmeqbert.

Asayes 58

Bururu
(Yettruẓu leqcuc, timess tecɛel) Samira... Samira... Yelli...
Yelli...

Yusef
(Deffir Bururu) D kečč i d Salem !

Bururu
Kečč... Kečč... Ɣef lǧal­ik i tsuɣ Samira... Tsellek­ik si lmut...
Ayɣer i yi­d­tḍefreḍ ? Tettnadiḍ lmut ?

Yusef
Ala, la ttnadiɣ ad temmteḍ keččini.

Bururu
Ad mmteɣ ? Anwa nekk ?

Yusef
Ih d kečč ! Ilaq ad temmteḍ i wakken yiwen ur d­yettawi s
lexbar belli d Bururu i d baba­s n Samira. Salem yemmut di
laksida n ṭumubil, ma d tidet mazal tḥemmleḍ­tt am akken i la
d­tḥekku, ilaq ad temmteḍ.

Bururu
Tzemreḍ ad iyi­tḍemneḍ belli ur s­teqqareḍ ara amek i qqleɣ ?

Yusef
Kra ara tekk di ddunit, nekk yid­s, d lmuḥal Samira ad teḥṣu
belli baba­s yuɣal d Bururu. Ad beddeɣ ɣer­s, ad tt­ɛuzzeɣ am
­ 137 ­
Tiɣwist n Bururu

asmi akken i mazal­ik d Salem, d baba­s, tḥemmleḍ­tt,


tettɛuzzuḍ­tt lɛezza tameqqrant. Mačči am tura, teqqleḍ d
Bururu, lweḥc iqellɛen ulawen.

Bururu
Ayɣer lɛezza­agi ara tt­tɛuzzeḍ ?

Yusef
Yella win ur nettɛuzzu ara tameṭṭut ara yuɣalen d zzwaǧ­is u
iḥemmel­itt seg wul­is ?

Bururu
Fehmeɣ, fehmeɣ... Ruḥ tura ini­yasen ad d­sseqwun lbarud
fell­i, mi ara yi­d­wali ẓẓleɣ s ufella n tenṭelt yellan di berra
zdat tewwurt... Ruḥ... Ruḥ... Ḥader Samira... Ḥader yelli...

Yusef
Aql­i ruḥeɣ a Salem...

Bururu
Ur tettu ara, Salem yemmut aṭas aya di laksida n ṭumubil. Ruḥ
tura... Ffeɣ... Ffeɣ...

Asayes 59

Samira
(Twala Yusef la d­ileḥḥu, tefreḥ, tuzzel ɣer­s) Yusef... Yusef...
Tuɣaleḍ­d... Twalaḍ­t ? Ur k­yenɣi ara !

Ɛmara
(Yeɛḍes) Ihi a Yusef, ini­d, ini­d...

Samira
Ih a Yusef, ini­d, ini­d... Twalaḍ­t ?

Yusef
Walaɣ­t (Yeḥzen) Tura ad d­yeffeɣ, ad yeẓẓel iman­is s ufella n
­ 138 ­
Tiɣwist n Bururu

tenṭelt­inna zdat tewwurt... Yeqbel ad yemmet a si Ɛmara.


Sseqwut fell­as lbarud.

Samira
D acu­t lweḥc­agi a Yusef ?

Yusef
Zik­is, yella d amdan, lemxeyyer deg yimdanen.

Ɛmara
Ma yeqbel ad yemmet, ad yeqbel ad yettwaṭṭef, akken ad t­
nissin.

Yusef
Win ara iqerrben ɣur­s d lmut iɣef la yettnadi.

Ɛmara
Atan yeffeɣ­d...

Ɛaziz
La ileḥḥu ɣer tenṭelt... Atan yeẓẓel iman­is...

Yusef
Ihegga iman­is, la ken­yettraǧu ad t­tɛiwnem ad yenɣ iman­is
a si kumiṣar, yeqbel ad yemmet.

Ɛmara
Ɛaziz, tesliḍ­as i Docteur Yusef, serreḥ i lbarud ad yendeh.

Ɛaziz
Sliɣ­as a si Ɛmara, sliɣ­as, lliɣ ttraǧuɣ awal­ik ad as­sleɣ.

Ɛmara
Awal­iw aql­ak tesliḍ­as tura.

Ɛaziz
Tura sliɣ­as (Yumer­iten ad serrḥen i lbarud).

­ 139 ­
Tiɣwist n Bururu

Iserreḥ lbarud icerrgen tasusmi n tenṭelt, isuɣan n lmut n


Bururu.

Bururu
Aaaaaaaaaaaaaaaaaaaaaaaaaaaaaaaa !

Samira
(Tsuɣ, tḥennec ɣer Yusef) Aaaaaaaaaa !

Ɛmara
Ḥebset... Ḥebset...

Yusef
Ur ttaggad ara a Samira, a taɛzizt­iw... Aql­i da... Ur ttaggad...
Ur ttaggad.

Tikli, tazzla d leqdic n yibulisiyen di tenṭelt. ssexsayen timess


yekkren deg uxxam n Saḥari.

Samira
(Tettergigi, tḥennec ɣer Yusef) Yusef, Yusef... Weḥceɣ, weḥceɣ.

Yusef
(Yetṣebbir­itt) Dayen tura a Samira, ɣas kkes lweḥc seg wul­
im, aql­iyi yid­m, ur ttaǧǧaɣ ara ayen ara kem yessaggaden.

Samira
(Tettru, s tnexsas) Kra ara kkeɣ ttɛiciɣ di ddunit, ur zmireɣ ara
ad ttuɣ asuɣu­nni... Ad s­tiniḍ iruḥ icuba... Icuba...

Yusef
(Yetqelleq) Sani i icuba a Samira, sani ?

Samira
Icuba s aɛewwiq n bunadem ibanen yeɛteb, amzun isuɣ s
tmeḍrurt­is yessawel i lmut i wakken ad t­tḥudd i lebda
(Teḥzen) Yerna asuɣu­nni a Yusef... Asuɣu­nni...

­ 140 ­
Tiɣwist n Bururu

Yusef
D acu i t­yuɣen usuɣu­nni a Samira ?

Samira
(Tettru) Asuɣu­nni yefrawes­d deg wul­iw am lebraq, ad s­
tiniḍ d taɣect ssneɣ ur d­cfiɣ wi tt­ilan.

Yusef
Ɣas ur ttuqqim ara aɣbel, asuɣu i lmut am wagi d tidet
yettwassen, yessefriwis ul ḥninen yesɛan aḥussu akka am
kemm.

Samira
Lameɛna asuɣu­nni mačči n tugdi, yecrek deg­s usiwel i lmut.

Yusef
Ayagi d aṭerǧem n wul­im a Samira, tikwal yettili anda amdan
yessawal i lmut ad t­teṣṣer deg yirebbi­s i wakken ad d­
yessenser iman­is si yir tyersiwin n tuzzma d yir iciddan n
ddunit ur yezmir ad tent­yefsi.

Ɛmara
(Yettak lamer i wa d wihin) Ɛaziz, yella wayen twalaḍ ?

Ɛaziz
Ur walaɣ ara a si Ɛmara, abbu n lbarud mazal iɣumm akk
tanṭelt i wakken ad nqerreb ad nwali kra (Yekker­d ubeḥri).

Ɛmara
Dɣa atan yekker­d ubeḥri ad aɣ­iɛiwen ad yessefsi abbu­agi (S
leḥder, dduklen s amkan anda yeɣli Bururu).

Ɛaziz
(D amezwaru, yewhem) Ulac lǧetta n Bururu, ur fhimeɣ ara !

Yusef
Lǧetta­s ulac­itt, lameɛna idammen­is yeǧǧa­ten­id s ufella n
tadimt n tmeqbert i d­yenna ad yemmet s ufella­s.
­ 141 ­
Tiɣwist n Bururu

Ɛaziz
Ggummaɣ ad fehmeɣ... Ggummaɣ...

Ɛmara
Ɛaziz, henni iman­ik, ur ttnadi ara ad tfehmeḍ, ur ttani ara
iweṭṭen s ufella uqerru n uferḍas. Ayagi mačči d lqabla i
yettɛawanen tameṭṭut ad teṭṭef addub i wakken ad terbu amdan
am yimdanen. Yusef, netta d Docteur, ad iyi­d­yessefhem ayen
cukkeɣ fehmeɣ­t.

Yusef
Ad d­iniɣ Bururu yennulfa­d s tussna tameqqrant n lɛilm n
ṭṭebb i yeccḍen di leɣlaḍ­is, yettwaṣneɛ­d lweḥc ineɣɣen
amdan s uqlaɛ n wul.

Ɛaziz
Tebɣiḍ ad d­tiniḍ a Docteur Yusef, imi Bururu mačči d amdan,
neɣ ur t­id­mazal ara d amdan, ur yezmir ara ad yemmet d
amdan, lameɛna anda­tt lǧetta yekseb di tazwara n umdan ?

Yusef
Ulac tussna i d­yennulfan i wakken ad d­tessefhem s ttbut ara
iqennɛen. D lɛilm meqqren, lqayen, iɣemqen ur nesɛi taggara.

Ɛaziz
(Yeṭṭef aqerru­s s sin yifassen) Dima dima ggummaɣ ad
fehmeɣ, ad s­tiniḍ aqerru­w yeččur d lexyuḍ n tissist. Nekk
ɛuddeɣ lɛilm snulfan­t­id yimusnawen i lfayda n umdan...
Mačči d aweḥci.

Ɛmara
Lɛilm yelha dir­it. Am akken yezmer ad inaḥel ɣef umdan am
akken yezmer ad t­iḍurr. Ayɣer mačči d lɛilm i d­yeǧǧan ssem
ineɣɣen ? Mačči d lɛilm i d­iṣenɛen la bombe atomique i
ineɣɣen acḥal d wacḥal ɣef tikkelt ? Am akken daɣen i d­
ṣenɛen tanaɛurt n tmacint yesrafgen tessert amdan yebded s
ufella n lqaɛa n waggur n tziri. Ass­agi yeṣneɛ­d Bururu,

­ 142 ­
Tiɣwist n Bururu

azekka ur neẓri daɣen d acu i la ɣ­d­yettnawal. (Ibdell awal)


Aha tura, bdu ccɣel­d... (Yeɛḍes).

Ɛaziz
(Yegzem­as awal) Ḥṣiɣ a si Ɛmara ad ceɣleɣ akk s wayen i
nesseqdac di tneggura am tigi, l’ambilance, later iḍudan,
dactylo­scopie, Docteur, akk... Akk... Yuɣ lḥal akk ayagi
yettwahegga­d, yura qrib ad d­yaweḍ. Ax tamucwart.

Ɛmara
(Yenser acḥal tikkal, yuẓ ɣer Yusef) Docteur Yusef, ddu­d kan
yid­i ḥwaǧeɣ­k, tzemreḍ ad teǧǧeḍ Samira weḥd­s, ulac lweḥc,
Bururu... Yemmut !

Yusef
(Yessuter ssmaḥ) Aql­iyi kan dagi a Samira, ur ssebɛadeɣ ara.

Samira
Di leɛnaya­k a Yusef, ur ttɛeṭṭil ara, ur iyi­ttaǧǧa ara weḥd­i.

Yusef
Aql­ikem gar ibulisiyen, ur ttewḥac ara (Yetbeɛ Ɛmara).

Ɛmara
(Yelḥa netta d Yusef, ḥebsen zdat uẓekka) Saḥari... Neɣ
Professeur Saad Ḥari, s yisem­is aḥeqqani, ufan­t zdaxel n
uẓekka­agi ur nelli d aẓekka. Yemmut.

Yusef
D aẓekka i yebna d tawwurt yessekcamen ɣer laboratoire
yessewǧed s tuffra ilmend n unadi n tussna n ṭṭebb. Professeur
Saad Ḥari ufiɣ­t di lqaɛa yeẓẓel di temda n yidammen­is,
yenɣa­t Bururu, yebḍa­t d iftaten, yesxenzer­it armi ur
yettwaɛqal ara.

Ɛmara
(Nnhati, s tin n ufelsef) Ddunit tettwassen d amadaɣ n tussna

­ 143 ­
Tiɣwist n Bururu

ur nkeffu, amdan yettlaẓ ad yissin, tikwal alamma s uncaf


yettqazam zzrubat i t­yesseɣḍalen, yessuruf i tlisa ur yezmir.

Samira
(Tqerreb­d) Yusef, usiɣ­d, ur zmireɣ ara ad qqimeɣ weḥd­i,
yya ad nruḥ.

Yusef
Yirbeḥ a Samira. Ruḥ rkeb di ṭumubil, arǧu­yi, aql­iyi­n.

Samira
Ur ttɛeṭṭil ara, nniɣ­ak ur ttɛeṭṭil ara (Truḥ teqqim di ṭumubil ).

Ɛmara
Ayen ur fhimeɣ ara, ayɣer Bururu yenɣa Professeur Saad Ḥari i
t­id­iṣenɛen ?

Yusef
Ayagi ad ak­t­id­sfehmeɣ di lbiru inek a si Ɛmara.

Ɛmara
(S tin n ucrak n lbaḍna) Ini­yi­d a Docteur Yusef, ayen teẓriḍ s
ttbut, nekk ayen ḥṣiɣ s unadi n yisem aḥeqqani n Bururu, i
wakken ur d­nettmektay yiwen yis, abaɛda Samira, ur walaɣ
lmeɛna ad slen neɣ ad t­issinen medden, ulac lfayda n tmussni­
s. Ilmend n lehna n yal yiwen, waqila ulayɣer nesmendeg
timess ɣummen yiɣiɣden, ad neǧǧ kan lumur akken llan.

Yusef
Ḥṣiɣ tḥerceḍ, tfehmeḍ a si Ɛmara, ur k­fkin ara cciɛa n
kumiṣar s tinna n llaɛb n aɛreḍ zzher­ik, ta ad terbeḥ ta ad
texṣer, d tidet, tamuɣli­k di ṣṣwab i tella, ad nanef i uɣud n
tmess ad yeṭṭes s uzuzen n yiɣiɣden i t­iɣummen. Lweqt yesqeḍ
ad iɛic di talwit, ad neǧǧ kan lumur akken llan.

Ɛmara
(Yeɛḍes) Atan daɣen yeqqel­iyi­d uɛḍas­nni.

­ 144 ­
Tiɣwist n Bururu

Yusef
Ax tamucwart­iw a si Ɛmara.

Ɛmara
(Yenser) Ruḥ la k­tettraǧu Samira di ṭumubil. Tḥemmel­ik,
ḥader­itt.

Yusef
Ḥṣiɣ a si Ɛmara, ad tt­ḥadreɣ kan, yuɣ lḥal fkiɣ awal n lɛahed i
baba­s.

Ɛmara
I baba­s ? Salem yemmut aṭas aya a Docteur Yusef, tettuḍ ?

Yusef
(Yemeɛraq) Bɣiɣ ad d­iniɣ fkiɣ awal n lɛahed i rruḥ­is i
ssarameɣ la yettmerriḥ di lǧennet a si Ɛmara (Iruḥ ɣur Samira,
ruḥen di ṭumubil).

Ɛmara
(I yiman­is) Sin­agi mḥemmalen, ḍemɛeɣ ur iyi­tettun ara, ad
iyi­d­ɛerḍen ɣer zzwaǧ­nsen, ass­nni ad as­ncerḍeɣ seksu
yettwaseqqan s tɣeddiwt n lexla yexḍan azraɛ d uftat n uksum
n uɛejmi yerwan takessawt deg uzaɛar n tmurt n leqbayel
(Yeɛḍes, ileḥḥu).

­ 145 ­
­ II ­

BURURU YEḤYA­D
Bururu yeḥya­d

Asayes 1

Aseglef n qjun, aḍu yeǧhed yeskerkir iferrawen n ttjur, rrɛud,


lebraq.

Tamɣart
(Tuki, tettmeslay s leḥder, tetqelleq) D acu akka i yuɣen aqjun­
agi yesseglaf ? Uuuh ! Ad yili yesraḥ kra… (Aqjun irennu
aseglef) Waqila iḍ­agi qesden­aɣ­d iɛeddamen (Thucc argaz­is
ad t­id­tessaki) Ay amɣar ! Ay amɣar ! Aha ya llah aki­d ! Aki­
d ! Waqila ɛnan­aɣ­d yiɛdawen n Rebbi ! Aki­d ah !

Amɣar
(Yuki­d am win iṣerɛen) Uh ! Ur tegganeḍ ara kemmini ?! D
acu akka yeḍran; acuɣer tetthuccuḍ deg­i am tqeccact n yiɣi ?
Aha ! Anef­iyi ad ṭṭseɣ (Yesxenfer), ur tegganeḍ deg wass ur
kem­id­yettas naddam deg yiḍ, tezgiḍ tukiḍ am tmiɛruft !

Tamɣart
(Atqelleq d reffu) Iɛeddamen, ahat ad yili kecmen­d talemmast
n lḥara, kečč mazal­ik tessefrayeḍ di tguni ?

Amɣar
Ɣas kkes aɣbel i wul­im, ulac aɛeddam yesɛan lkuraǧ ad d­
iqazem lḥara ara tzedɣeḍ kemmini ? (S reffu) Aha, kcem ɣer
wusu thenniḍ­aɣ ad nerwu iḍes i ctaqeɣ seg wasmi i kem­rriɣ
d tabzimt n zzwaǧ deg unyir­iw.

Tamɣart
Leɛmer i d­tenṭiqeḍ s wawal n ṣṣwab, ad s­tiniḍ iles­ik ddzen
fell­as tifelflin tiqerḥanin.

Amɣar
Tikwal ttwehhimeɣ di twenza, amek i kem­ǧǧiɣ deg yiri­w
armi d ass­a ? Ulac deg­s ccek, ad yili tesseččeḍ­iyi albaɛḍ n
yeḥtufen i d­tḥucceḍ seg uzaɣar n leǧnun. Nniɣ­am ṭṭes, ṭṭes,
meɣrud…

­ 148 ­
Bururu yeḥya­d

Tamɣart
Nniɣ­ak, ɣas bges ɣef yiman­ik qbel ma zlan­aɣ deg wusu.

Amɣar
Tɣileḍ medden akk selben am kemm ? Ur walaɣ ara win ara
yesseḥfun tajenwit deg umgerḍ­im. Ṭṭes ! Ɣumm s uɛdil ! Neɣ
err iman­im teṭṭseḍ ! Allen­im atent­an ldint, la ceɛɛlent am
lefnarat n ṭumubil !

Tamɣart
Ur ḥṣiɣ ara tɛeẓẓgeḍ akk annect­agi, aggad Rebbi ay amɣar
ageswaḥ, ldi imeẓẓuɣen­ik tesleḍ i uqjun atan yebɣa ad yesseḍ
seg useglef (Akin, aqjun yesseglaf) Sel ! Sel­as ! Sel­as ! Ur
yennum ara akka, yesraḥ lberrani, tesliḍ­as !

Amɣar
Ah ! Ahat d albaɛḍ n yimcac neɣ d albaɛḍ n iɣersiwen i yesraḥ
la yesseglaf fell­as. Ṭṭes ad kem­yehdu Rebbi a tamɣart n
ǧahennama ! (Cwiṭ akka, ṣṣut berra n uxxam).

Tamɣart
(Tuggad) Tesliḍ­as ?

Amɣar
I wumi sliɣ ?

Tamɣart
(Terfa) Abbuh a lmumnin amɣar­agi yemmut s tidet (Berra,
mazal ṣṣut) Ah ! I tura, tesliḍ­as ?

Amɣar
(Tqelleq­it) Kullfeɣ­as Rebbi i yemma i kem­id­yextaren,
teqqleḍ d afrux n yiḍ nekk tegliḍ yes­i.

Tamɣart
D acu i k­yeǧǧan ur iyi­tebriḍ ara si zik ? Tura d ayen nḍal,
nessaweḍ acḥal iseggasen n temɛict di sin.

­ 149 ­
Bururu yeḥya­d

Amɣar
D acu i yi­yeǧǧan ? Tebɣiḍ ad d­tiniḍ d acu i yi­yurzen ! Nekk
ad kem­id­waǧbeɣ deg wayen teẓriḍ, d iyemmusen n yiḥtufen !
Wid akken i m­d­tceyyiɛen seg uxxam n yimawlan­im i kem­
ireṣṣan dagi am tagust ! (Berra, mazal ṣṣut­nni).

Tamɣart
Nniɣ­ak, sel­as, sel­as ! I tura tesliḍ­as ?

Amɣar
(Yewhem, icuk) Susem ! Susem tura kemmini, awal­im d
aberqi, eǧǧ­iyi ad sleɣ ! Susem !... Susem !...

Tamɣart
Wagi mačči d lḥess n umcic yesserfan aqjun.

Amɣar
Anda akka llan warkasen­iw ad ffɣeɣ ɣer tebḥirt ad waliɣ d
acu akka yellan (Yekker­d seg usu) Nniɣ­am, anda llan
warkasen­iw ?

Tamɣart
Aten­an kan zdat­k, ad ceɛleɣ taftilt ?

Amɣar
Fiḥel fiḥel ur ceɛɛel ara.

Tamɣart
Awi yid­k tamekḥelt, di leɛzib i nezdeɣ, aql­aɣ weḥḥed­neɣ.

Amɣar
(Yerfa) Yegguma ad yekcem uḍar­iw deg usebbaḍ­agi.

Tamɣart
Axaṭer ur tekkiseḍ ara aqacir yellan zdaxel… Tedbeḍbeḍ kan,
ur teẓriḍ anda ttemseḍwant.

­ 150 ­
Bururu yeḥya­d

Amɣar
(Yendi, ɣef ssebba i yella) D ayen kkseɣ­t­id… Kemmini win i
kem­yesɛan deg uxxam­is mačči kan d adebdeb ara
yeddebdeb, d iceṭṭiḍen­is ara icerreg ɣef uksum­is neɣ d
aṭukkek ara yeṭṭukkek am uzger yeqqes yizi.

Tamɣart
Ih, ih tura tesɛiḍ lḥeqq, mmeslay akken i k­yehwa, asmi lliɣ
meẓẓiyeɣ, di leɛmer i ak­d­ɣlin lehdur am wigi, yezga wudem­
ik yennecraḥ, tettecmumuḥeḍ­d ɣur­i s teḍsa, ma d tura am
akken i t­id­qqaren di lemtel, tfuh a taga wwan ibawen.

Amɣar
Mačči d nekk i la m­d­yetsaḍsan lweqt­nni (Yekker­d, ileḥḥu
di texxamt) Nniɣ­am d iyemmusen akked leḥruz i yes­s
tcuddeḍ tikwatin n uxxam­agi i yi­yesdareɣlen, ur ẓriɣ d acu i
la d­qqareɣ (Yeddem­d tamekḥelt). Attan tmekḥelt­nni…

Tamɣart
Ah ! Lemmer d iyemmusen d leḥruz i yi­yesɣimen yid­k, tilli d
acu i yi­yeṭṭfen ur k­ten­sseččayeɣ ara ass­agi akken ad
tessusmeḍ fell­i ?

Amɣar
Uh ! Tura wulfeɣ­ten, ur ttaṭṭafen ara deg­i, ssečč­iyi­ten neɣ
qim, qqleɣ am bu nneffa, blindé.

Tamɣart
D acu i d bu nneffa ?

Amɣar
Bu nneffa, yiwen d nekk ! D argaz­im, trehǧeḍ­iyi s
yiɛeqqaren… (Berra, mazal ṣṣut­nni) Susem tura, awi­d
taɣeggaḍt­nni n ukarṭuc.

Tamɣart
Rǧu ad k­tt­id­awiɣ.

­ 151 ­
Bururu yeḥya­d

Amɣar
Ansi ara tt­id­tawiḍ, si taddart ? Attan kan din nnig uqerruy­
im. Ḍegger afus­im, ad tt­tafeḍ s ufella n lmerfa.

Tamɣart
Dayen dayen, att­an ufiɣ­tt, d tisirt !

Amɣar
Aha ! Ttkal fell­ak a Rebbi (Ileḥḥu).

Tamɣart
Ṛǧu ad dduɣ yid­k.

Amɣar
Akken axir, ddu­d. Ma yella d tidet d iɛeddamen, ad kem­id­
walin, ad rewlen ur ssufuɣeɣ ula d yiwen lewǧeh (Leḥḥun,
ldin­d tawwurt, ṣṣut n useglef yettqerrib­d).

Tamɣart
La tselleḍ i uqjun ?

Amɣar
Lḥess­im yugar­it ! Ɣas imeẓẓuɣen­iw ṭṭublen seg yimeslayen­
im.

Tamɣart
(I yiman­is) Ɣas lqub yugar 7 temɣarin… (Lḥess meqqer di
berra) A yemma taɛzizt d acu­t wayagi ?

Amɣar
(Yetqelleq) Susem ! susem ! (Dduklen, leḥḥun s leḥder) Arǧu !
Aql­aɣ tura newweḍ­d ɣer tewwurt n tebḥirt… Zwir tura ldi­
tt­id s leɛqel akken ad jebdeɣ s ukarṭuc ɣef win ara d­ibanen
ɣef umnar.

Tamɣart
Ḥader kan ad t­tzegleḍ ad iyi­tḥazeḍ nekkini.

­ 152 ­
Bururu yeḥya­d

Amɣar
Ur ttagad, ula d rrṣaṣ ur yettɛeddi ara deg uksum­im. Aha, ldi­
d tura tawwurt !

Tamɣart
(I yiman­is) Telzem­iyi tkeffar alamma sseččeɣ­as­ten di rrkul,
ussan­agi ggumman ad ṭṭfen deg­s (Teldi tawwurt, rrɛud, aḍu)
Ulac ula d yiwen (Aseglef).

Amɣar
Rwaḥ, ḍfer­iyi­d ɣer texxamt n uqjun, atan yesseḍ seg useglef,
ddu­d yallah.

Tamɣart
Lḥu­n, zwir ! wwiɣ­d yid­i akanki ! Ad t­ceɛleɣ ?

Amɣar
Xaṭi, mazal ! Tebɣiḍ ad aɣ­d­tkecfeḍ s teftilt ? (Asuɣu n lmut n
uqjun)

Tamɣart
(Tettergigi) Ya laṭif, tesliḍ i yisuɣan­agi n uqjun ? Ugadeɣ ay
amɣar.

Amɣar
Ur ttagad ara, aql­i dagi, tamekḥelt deg yifassen­iw, aḍad­iw
ɣef zznad, yya­n ad nqerreb ɣur­s.

Tamɣart
Ur la yesseglaf ara, yessusem, iḍ­agi la yessewḥac d amcum.

Amɣar
(Ileḥḥu s leḥder) Lḥu, qrib ad naweḍ tura (Yezzi­d) Ur d­
neṭṭeḍ ara ɣur­i, nnefs­im yessekcem­iyi­d aẓɣal d tidi deg
uɛrur­iw.

Tamɣart
Winna qqaren­as tidi n tugdi.
­ 153 ­
Bururu yeḥya­d

Amɣar
Ccet… Ccet… Susem… Aql­aɣ newweḍ­d, cɛel tura taftilt n
ukanki­nni. Aql­i ttqaraɛeɣ… Aha cɛel !

Tamɣart
Arǧu (Tecɛel zalamiṭ) Attan tecɛel. (Tewhem, tugad) Aqjun
ulac­it… Snesla­ines terreẓ… Ur yezmir ad tt­yerreẓ netta
weḥd­s.

Amɣar
Sneɛt­d kan tafat ɣer tama­agi, teḍher­iyi­d tili ines di lqaɛa.

Tamɣart
Hatan, hatan (Tsuɣ) Yemmut… Aqjun yemmut…

Amɣar
Atan yettɛummu di temda n yidammen… Iɣasan n yiḍmaren­is
rrẓen… Ul­is… Ul­is… yettwaqleɛ (Ɣer lebɛid, tiɣwist n
Bururu, rrɛud, lebraq aḍu. Tuggad) Muḥal, muḥal, ayagi ur
yezmir ara ad yili.

Tamɣart
(Yuggad, yettergigi) Acu akka i teqqareḍ d lmuḥal ? D acu
akka i ur yezmir ara ad yili ?

Amɣar
(Iḥar yekcem s axxam) Ttɣawal, ttɣawal ad nekcem s
axxam !... Ur yemmut ara… Yuɣal­d…

Tamɣart
Anwa, anwa ?

Amɣar
Bururu !... Bururu yeḥya­d !... (Rrɛud, lebraq, aḍu, tiɣwist n
Bururu)

­ 154 ­
Bururu yeḥya­d

Asayes 2

Qbel ad nkemmel taḥkayt­agi n Bururu yeḥya­d, ilaq tura ad


d­nekcef amek la police ur tufi ara lǧetta n Bururu s ufella n
uẓekka. Ma tecfam uqbel di «Tiɣwist n Bururu », neẓra belli
Professeur Saḥari yebna s tuffra yiwen laboratoire seddaw
tmeqbert akked ubrid i d­yessufuɣen ɣer yiwet uẓekka yesɛan
tiṭerjtin.

Bururu
(Izehher) Ḥṣiɣ ur ttmettateɣ ara… Waqila ad ɛiceɣ leqrun…
Ilaq ad mmteɣ ! Akken Samira yelli ad tɛic am nettat am tullas
nniḍen umi yemmut baba­tsent d bunadem. Ur ilaq ara ad
ḥṣun medden belli d nekk i d baba­s, Bururu. Ilaq ad ɣabeɣ s
tḥila… I lebda… I lebda… Tamḍelt… Tamḍelt yessufuɣen ɣer
berra (Bururu yeẓẓel iman­is s ufella n uẓekka i yessenɛet i
Docteur Yusef akken la police ad sseqwun lbarud fell­as, di
tlemmast n wabbu n lbarud yeffren am tagut yesdergen
tamḍelt…) Uqbel ad yifrir wabbu­agi n lbarud, ad ldiɣ
tawwurt­agi n uẓekka, ad sen­rewleɣ, ad ɣabeɣ, ad ɣabeɣ.
Ayagi mbeɛd mi smareɣ idammen­agi i d­wwiɣ yid­i di tqerɛet
s ufella n uɣummu n rrxam n uẓekka ara d­medleɣ deffir­i…
Ad ɛudden d idammen­iw… Dayen mmuteɣ… Lǧetta­w,
lǧetta­w ahat ad s­inin tettwaṣneɛ­d s lɛilm, yewwi­tt lɛilm
(Mbaɛd mi yufrar wabbu­nni n lbarud, yefsi di tegnawt, la
police ufan ḥala azal i yidammen s wayes yettɛici ufrux n
Bururu i d­yeǧǧa d later n rrwaḥ­is ) Ilaq ad d­afeɣ lmut­iw…
Ad nadiɣ fell­as ! Ad iyi­ttun medden ! Ur ttaǧǧaɣ ara lewrata
n leɛyub i yelli Samira ! Lameɛna lmut n yimdanen ur iyi­
tezmir ara, la trewwel fell­i, tettagad­iyi imi ur iyi­d­mazal ara
d bunadem… Qleɣ d nekk i yernan lmut ! Uɣaleɣ d ayen ur
nrekku i leqrun la d­iteddun… Akken ad mmteɣ, ilaq ad iliɣ
am zik­nni, d Salem, d bunadem, mačči am tura d Bururu i d­
yeṣneɛ deg­i Pr. Saḥari, ma d netta yerra­yi d lweḥc, bla cekk,
ad yili lɛalem ara yid­yerren d bunadem, ara yi­d­yerren ɣer
laṣel­iw, ad yi­d­yerr akken lliɣ. Lɛalem­agi ad t­id­afeɣ, ilaq
ad t­id­afeɣ ! Ma d tura, ma d tura, ad sdergeɣ iman­iw
alamma ttun­iyi u ssyin, u ssyin (Tiɣwist n Bururu ) Ulawen,
­ 155 ­
Bururu yeḥya­d

ulawen i yi­ikerhen ussan­nni asmi lliɣ d Salem, ad ten­id­


qelɛeɣ ! Ad rẓeɣ iɣsan n yidmaren anda ffren, ad ten­id­kkseɣ
la ttqudduren d idammen yeḥman ! (Tiɣwist n Bururu).

Asayes 3

Zuhra
Ayen walaɣ di tembult­agi n ssǧaǧ nniɣ­ak­t­id di zzyara­k a
Ɛmara, i wass­agi d acu i tettnadiḍ ad teḥsuḍ ?

Ɛmara
Ur zmireɣ ara ad qqimeɣ nnig waggur ur kem­ẓerreɣ ara a
Zuhra.

Zuhra
La d­tettmektayeḍ ayen yettwameḍlen acḥal aya… Aṭas ayagi i
nemyussan, lweqt­nni nella d imecṭaḥ, d ijeǧǧigen n ddunit,
tzedɣeḍ ul­iw, ḥemmleɣ­k, mennaɣ ad tiliḍ d zzwaǧ­iw, kečč
ul­ik tewwit…

Ɛmara
Dayen ḥbes… Berka ur tt­id­ttadder ara, temmut ad fell­as
yeɛfu Rebbi…

Zuhra
Imir­nni ur ɛad teqqleḍ d kumiṣar, u nekk ur ɛad qqleɣ
tzurun­iyi medden, ttkacafeɣ ayen yeffren di ṭṭlam, ama yelha,
ama dir­it i wid yettnadin ad issinen leɛquba nsen.

Ɛmara
(Yeɛḍes) Anda akka ǧǧiɣ timeḥremt­inu ?

Zuhra
Arǧu ad ak­n­fkeɣ tagi inu… Ax­tt­in. Mazal dima izdeɣ­ik
waṭṭan­nni ?

­ 156 ­
Bururu yeḥya­d

Ɛmara
(Yenser) Mazal, yeggumma ad iyi­yeǧǧ, tura yuɣ tannumi yid­
i, u nekk tura wulfeɣ­t.

Zuhra
(Teḍsa) Ad k­d­rnuɣ afenǧal n lqahwa ?

Ɛmara
Ṣaḥa. Teḥṣiḍ si zik belli ur tesseɣ ara nnig yiwen ufenǧal.

Zuhra
D tidet, ssneɣ leɛwayed­ik, amzun tettɛiciḍ yid­i. Ihi ini­yi­d
tura, d acu i k­id­yewwin ?

Ɛmara
Nniɣ­am usiɣ­d kan ɣur­m akken ad kem­ẓreɣ u ad
mmeslayeɣ yid­m, ḥala kemm i yid­mazal d tamusni taqdimt,
ssifsuseɣ ul­iw dagi, ssneɣ­kem d aẓekka n lehdur.

Zuhra
Ula d nekk cedhaɣ­k mi ara tɛeṭṭleḍ ur d­tḍalleḍ ara… Yiwen
ur yeḥṣi nemyussan si zik. Zemren ad ḍsen deg­k, ad s­inin
kumiṣar Ɛmara yettamen u yetzuru tiderwicin, ur d­wwin ara
s lexbar belli mazal leḥmala n temẓi gar­aneɣ.

Ɛmara
(Yeɛḍes) I lemmer ad nbeddel awal ?

Zuhra
D acu iɣef tebɣiḍ ad d­nemmeslay ?

Ɛmara
Bɣiɣ zzyara, zur­iyi­d.

Zuhra
S tidet­ik tettamneḍ s zzyara ?

­ 157 ­
Bururu yeḥya­d

Ɛmara
Yal yiwen yesɛa leɛyub­is.

Zuhra
Uqbel nniɣ­ak­d kullec ur walaɣ ara d acu i mazal ad k­id­
rnuɣ.

Ɛmara
Muqel­iyi­d d acu ara yi­d­iqablen asmi ara d­ffɣeɣ la retraite,
mazal­iyi yiwen useggas.

Zuhra
Ad nerǧu ass­nni, ssyin akin ad k­d­zureɣ. Kečč ad tefɣeḍ la
retraite ula d nekk ad k­in­ḍefreɣ.

Ɛmara
Tebɣiḍ ad d­tiniḍ dayen ! Ur tettuɣaleḍ ara ad tetzuruḍ ?

Zuhra
Aṭas ayagi i ḥebseɣ ur tzuruɣ ara, ḥala kečč kan weḥd­k umi
mazal tzuruɣ a Ɛmara.

Ɛmara
Ḥala i nekk weḥd­i ?

Zuhra
Anɛam ih a si kumiṣar Ɛmara ay ameddakel­iw.

Ɛmara
Ayɣer ḥala i nekk kan weḥd­i ?

Zuhra
Axaṭer ul­ik mazal­it yeḥzen ɣef tmeṭṭut­ik yewwḍen leɛfu n
Rebbi waqila 9 iseggasen.

Ɛmara
9 iseggasen, 2 wagguren d 13 wussan s wass­agi.

­ 158 ­
Bururu yeḥya­d

Zuhra
Tḥessbeḍ ussan s leqlam n leɣben i k­d­teǧǧa deg wul­ik.

Ɛmara
Anɛam ih a Zuhra, mazal ɛaceɣ s tili­s.

Zuhra
Ḥṣiɣ ayagi, ula d nekk ɣef wannect­a rennuɣ tzuruɣ­ak akken
ad k­ssifsuseɣ taɛkemt ẓẓayen fell­ak.

Ɛmara
Lemmer mačči d kemm a Zuhra i d­yewwi Rebbi deg ubrid­iw,
i yi­yeslufun ul­iw s leḥnana n ṣṣut­im icuban ɣer­s, d ṣṣber i
yi­tettuqqimeḍ, yili ass­agi ad yili ḍefreɣ­tt.

Zuhra
(Tessetḥa) Awi­d akka afus­ik ad k­d­zureɣ.

Ɛmara
Ur tettmuquleḍ ara di tembult­nni n sǧaǧ ?

Zuhra
Ass­agi ad ak­d­zureɣ deg ufus­ik.

Ɛmara
Akken i m­yehwa, ax, atan ufus­iw.

Zuhra
Mačči afus ayeffus, awi­d azelmaḍ, deg winna ara d­tban
zzyara­k.

Ɛmara
Yyah ! Ax, bdu zur­d.

Zuhra
Ay wah ! Ldi­afus­ik, ldi mliḥ afus­ik, akka (Rrɛud, lebraq).

­ 159 ­
Bururu yeḥya­d

Ɛmara
Waqila lḥal yebɣa ad ibeddel, yendeh­d s rrɛud.

Zuhra
D tidet lḥal yebda yettbeddil imi teldiḍ afus­ik i zzyara.

Ɛmara
Aha, ini­yi­d d acu akka i twalaḍ, aql­i ttraǧuɣ s ukukru (Aḍu,
ṭṭaq yeldi)

Zuhra
D ṭṭaq aya, arǧu ad ruḥeɣ ad tṣekkreɣ (Tekker tbelleɛ ṭṭaq)
Dayen ṣekkreɣ­t. (Teqqim) Ur yettɛeṭṭil ara ad yebdu ugeffur,
lebraq atan la yettemceɛcaɛ di berra am uzal.

Ɛmara
Ɣef leḥsab n rrɛud akked lebraq, ad yewwet ugeffur s waṭas, ad
d­yesseddu ula d asyax ara isudden akk iberdan am leɛwayed.
Aha tura, kemmel zzyara, zur­iyi­d.

Zuhra
Err­iyi­d tura afus­ik.

Ɛmara
(Yeɛḍes) Ax.

Zuhra
(Tetqelleq) Susem, susem (Taɣect tazurant) La ttwaliɣ… La
ttwaliɣ… (Rrɛud) kumiṣar Ɛmara, kumiṣar Ɛmara (Rrɛud,
lebraq).

Ɛmara
(Yeɛḍes) Ad s­tiniḍ igenni yebɣa ad yeṭṭerḍeq.

Zuhra
(Taɣect tazurant) Ɛmara, Ɛmara, Ɛmara (Taɣect tazurant)
Ugadeɣ, ugadeɣ.

­ 160 ­
Bururu yeḥya­d

Ɛmara
D acu i tugadeḍ ? Ayɣer akka tettergigiḍ ? D acu akka i
twalaḍ ?

Zuhra
(Taɣect tazurant, taẓayant) La k­ttwaliɣ la tettemɛebbareḍ
akked yiwen lexyal ur tezmireḍ ad t­tesɣeḍleḍ.

Ɛmara
D acu­t lexyal­agi ? D acu­t ?

Zuhra
La ttwaliɣ deg­s meqqer… Iɣumm­ik, iɣumm­ik a Ɛmara…
Tura tesnesreḍ­d iman­ik seg­s la d­tettbaneḍ, la
tettemyewwateḍ yid­s (Rrɛud, aḍu) Idammen (Tɛeggeḍ)
Idammen ! La ttawliɣ iḥemmalen idammen (Tasusmi) La ṭṭaren
tura iẓekwan… Ldin… Lmeyytin la bedden… La d­leḥḥun
idmaren d izeggaɣen, seg yimerjan i d­teffɣen idammen…
Idammen.

Ɛmara
(I yiman­is) D acu­t akka i t­yuɣen ?... Ttawaliɣ anyir­is
yetcercur s tidi… Tettergigi.

Zuhra
Asigna yeqqel d aberkan… D aberkan… a Ɛmara… Lqaɛa d
tazeggaɣt… Tellexs akk s idammen.

Ɛmara
(Yeɛḍes) Lemmer i yi­d­tzureḍ di tembulmt­nni n zzǧaǧ mačči
akken i axir…

Zuhra
(Tettergigi) Asigna… La d­yetṣubbu… La d­yetṣubbu am
ubernus aberkan… Aberkan.

Ɛmara
La tettergigi am twerqet… La tettemlelli… Tura ara teɣli.
­ 161 ­
Bururu yeḥya­d

Zuhra
(Teɛya) Fecleɣ… Fecleɣ… Ɛyiɣ… Ɛyiɣ…

Ɛmara
Ur ḥebbes ara, kemmel, kemmel… Ini­yi­d akk ayen i la m­d­
yeṭṭaharen.

Zuhra
Ur zmireɣ ara… Ur zmireɣ ara…

Ɛmara
Nniɣ­am kemmel, kemmel awal­im.

Zuhra
(Tetqelleq) Ugadeɣ… Ugadeɣ fell­ak a Ɛmara…

Ɛmara
Ihi ini­yi­d akk ayen twalaḍ i wakken ad bnuɣ ɣef yiman­iw.

Zuhra
(Taɣect tazurant, taẓayant) Tamdint yeɣli­d fell­as ṭṭlam…
Argaz ur d­yetteffeɣ deg yiḍ, tameṭṭut ur d­tetteffeɣ deg wass…
Lmut tettmerriḥ deg yiberdan… Kul tazniqt tuɣal d targa n
yidammen… I d­ineɣɣlen seg yidmaren n lmeyytin… Idmaren­
nsen yeqqlen d imerjan…

Ɛmara
(Yetḥeyyer) Acu­ten lehdur­agi ? Ur tebɣiḍ ara ad d­tiniḍ ?...
Ayagi d lmuḥal !

Zuhra
Cccet, cccet… Susem, susem a Ɛmara… Tura la ttwaliɣ di tili…
Tili… (Tsuɣ) Tili meqqret teccur d rric… Iɣallen­is annect­
ilaten… Ifassen­is, ifassen­is… Mɣin­d deg yiḍudan­is
wajjaren am lemwas… Allen­is, allen­is…

Ɛmara
(Iḥar) Aha kemmel, ini­d… D acu yuɣen allen­is…?
­ 162 ­
Bururu yeḥya­d

Zuhra
Allen­is d tizeggaɣin ! Anzaren­is d aqamum ! Deg uqemmuc­
is yesɛa uglan n wuccen ! (Tɛeggeḍ) Yewweḍ­d… Yewweḍ­d,
atan dagi, yekcem­d tamdint… Ɛmara, Ɛmara… Wagi d
lweḥc !

Ɛmara
(I yiman­is) D lewhayem… Ur t­tessin ara… Attan tessenɛet­d
ṣṣifa­s di zzyara­s. Teccekcem­iyi­d rrehba ɣer ccib­iw,
yeccarrew uksum­iw… Tura d nekk i yesɛan tili u lḥal atan d
asemmaḍ… Ilukan ad yili… Ad yili ?

Zuhra
(Tɛeggeḍ) Ɛmara ! kumiṣar Ɛmara ! Ssewjed iman­ik ! Taluft­a
teṣɛeb ! Wagi mačči d bunadem… Wagi d lweḥc ur netcabi di
lewḥuc yettwassnen.

Ɛmara
Tzemreḍ ad iyi­d­temleḍ d acu­t lweḥc­agi ?

Zuhra
Wagi (Rrɛud) Isem­is Bururu ! (Rrɛud, aḍu lehwa) Bururu !

Ɛmara
(I yiman­is) Tufa­t­id (Yesteqsay s uɛeggeḍ) Bururu ; di kul
amkan yettili !

Zuhra
Wagi mačči am wiyaḍ a Ɛmara ! Wagi d lweḥc… D lweḥc !
Yettawi­d yid­s lmut ! Ur yesfillit ara s tiɣwist, ineɣɣen s ufus­
is anda d­mɣin wajjaren iss iqelleɛ ulawen… Ɛmara, nniɣ­ak
ssewjed iman­ik ! Bururu yeḥya­d ! (Tsuɣ, teṣreɛ).

Ɛmara
(Yeṭṭef­itt­id gar yifassen­is, i yiman­is) Teṣreɛ, aqadum­is
yembaddal, arǧu ad tt­id­ssakiɣ (Yewwet­itt s ubeqqa, ad d­
taki). La tettembiwil… La d­tettaki… (Yesslufuy­as).

­ 163 ­
Bururu yeḥya­d

Zuhra
(Taɣect teɛya) Ɛmara, Ɛmara, d kečč aya ?... Urgaɣ yir targit.

Ɛmara
(Yeɛḍes) Targit­im umneɣ­tt, d ayen yellan si zik… Lameɛna
ma yella daɣen yeqqel­d… Yeqqel­d, aṭas n yidammen ara
yazzlen.

Asayes 4

Ṣṣut n ṭumubil, kumiṣar la yessenhar.

Ɛmara
(I yiman­is) Tufa­t­id di zzyara­s… Bururu… Bururu…
Bururu… Amek ara d­yuɣal u netta yemmut ? Yemmut…
Lǧetta­s tettwarfeɛ… Amek ? Ar ass­agi ur ɛad fhimeɣ…
Yettwaṣneɛ­d s lɛilm u yettwarfeɛ yis­s…

Zuhra
(Taɣect teɛya) Ɛmara ! kumiṣar Ɛmara ! Heggi­d iman­ik !
Taluft­agi meqqret !... Meqqret !... Teṣɛeb… Teṣɛeb… Wagi d
lweḥc… D lweḥc ur netcabi ara di lewḥuc yettwassnen…

Ɛmara
(Yeɛḍes) Ssneɣ­t… Ssneɣ­t Bururu !

Zuhra
(Taɣect teɛya) Wagi mačči am wiyaḍ a Ɛmara… Wagi d lweḥc
yettawi­d yid­s lmut… Ur yesfellit ara s tiɣwist, ineɣ s ufus­is
anda d­mɣin wajjaren deg yiḍudan­is s wayes iqelleɛ
ulawen !... kumiṣar nniɣ­ak ssewjed iman­ik, Bururu yeḥya­
d… Bururu yeḥya­d… Yeḥya­d…

Ɛmara
(I yiman­is, yetqelleq) Zzyara­agi tessekcem­iyi­d ccek deg
wul­iw (Yeɛḍes) Iḍ­agi ur gganeɣ ara, naddam yennuɣ yid­i, la
irewwel fell­i… Lexyal n Bururu yegguma ad yettixxer si gar
­ 164 ­
Bururu yeḥya­d

wallen­iw… Aql­i tezziɣ s ṭumubil deg yiberdan deg yiḍ ur


ḥṣiɣ anda ddiɣ… Waqila ad berneɣ ad ruḥeɣ ɣer lbiru n
Commissariat akken ad nɣeɣ lweqt­agi i la yi­d­yesmejgaren.

Asayes 5

Ṭumubil teḥbes, ldin tiwwra, medlen­tent.

Ɛmara
(Ileḥḥu di lbiru) Ah ! dagi i telliḍ a Ɛaziz ?

Ɛaziz
Alxir a si Ɛmara.

Ɛmara
Yella wayen i k­yeṭṭfen di lbiru armi d ture ?

Ɛaziz
Anɛam ih.

Ɛmara
D acu ?

Ɛaziz
Ur tettamneḍ ara a si Ɛmara !

Ɛmara
Ayɣer, yella wayen ara yi­yesdehcen ?

Ɛaziz
Rǧu, ad t­id­skecmeɣ ɣef lbiru, d netta ara k­id­iɛawden ayen
yeḍran iḍ­agi.

Ɛmara
Anwa wagi ?

­ 165 ­
Bururu yeḥya­d

Ɛaziz
Yiwen umɣar d afellaḥ, iruḥ­d yeccetka ɣef uqjun i s­nɣan.

Ɛmara
Ɣef lǧal n uqjun, iɛetteb iman­is deg yiḍ iruḥ­d ad yeccetki ?
Yesleb ?

Ɛaziz
(Yeldi tawwurt, yessawel) Kcem­d, kcem­d ay amɣar (I
kumiṣar) Iɣaḍ­iyi a si Ɛmara, d ageffur, ggummaɣ ad t­ǧǧeɣ ad
yeqqel weḥd­s ɣef uḍar, nniɣ­as ad yerǧu alamma tewweḍ­d
ṭumubil­nneɣ i wakken ad t­ssiwḍen s axxam­is.

Amɣar
(Yekcem­d) D acu i teḥwaǧeḍ a si l’inspecteur ?

Ɛaziz
Ɛeddi­d, ɛeddi­d a baba amɣar… Wagi d si Ɛmara, kumiṣar­
nneɣ… Ɛiwed­as­d akk taqsiḍt­nni.

Amɣar
kumiṣar Ɛmara, selleɣ yis­s di lǧernanat, yettwassen.

Ɛmara
Anwa i k­yenɣan aqjun­ik ?

Amɣar
Acu ara k­d­iniɣ a si kumiṣar… Ar tura ggummaɣ ad amneɣ…
Nella nekk d temɣart­iw neṭṭes, nuki­d s lxelɛa, nesla i uqjun
yencef seg useglef, kkreɣ­d, wwiɣ­d yid­i tamekḥelt, ffɣeɣ ɣer
tebḥirt tamɣart­iw teṭṭafar­iyi, ur din kan nesla i uqjun
yeskaɛwew, mi newweḍ ɣur­s s tazzla, nufa­t yemmut.

Ɛmara
Anwa i t­yenɛan ?

Amɣar
Ur nwala ara anwa i t­yenɣan !
­ 166 ­
Bururu yeḥya­d

Ɛmara
Ihi s wayes yemmut ?

Amɣar
Snesla iss yettwacudd terreẓ, netta yeẓẓel di lqaɛa, idmaren­is
ldin, iɣsan rrẓen, ḥala amruj i d­yeggran deg umkan n wul­is
yettwaqelɛen.

Ɛmara
Ul­is yettwaqleɛ ?!

Amɣar
Anɛam ih a si kumiṣar, ul­is yettwaqleɛ. A s­tiniḍ d afus n
lweḥc i yemmɣen ɣer yidmaren­is ijbed­d ul­is.

Ɛmara
(I yiman­is) Waqila tebda la tetteffeɣ ɣer tidet zzyara­nni…
Yuɣal­d…

Amɣar
Ur sliɣ ara d acu i la d­teqqareḍ a si kumiṣar, xuṣṣeɣ cwiṭ
timeslit.

Ɛmara
Nniɣ­ak, mi d­tusiḍ tura ad teccetkiḍ, d acu i tebɣiḍ ad t­
nexdem ? Ad nruḥ ad nnadi ɣef win i t­yenɣan ? D aqjun !
Yennuɣ akked walbaɛḍ n yiqjan meqqren fell­as i t­yenɣan s
uɣẓaẓ n yidmaren.

Amɣar
Ulamma d afellaḥ i lliɣ, ɣriɣ akka cwiṭ, ssenṭaqeɣ­d aǧernan,
selleɣ u ẓriɣ ayen iḍerrun di ddunit. Ma yella kečč a si kumiṣar
tettwassneḍ, ula d Bururu yettwassen akter­ik.

Ɛmara
D acu i d­yewwin Bururu yemmuten acḥal aya s aqjun­ik ?

­ 167 ­
Bururu yeḥya­d

Amɣar
Bururu ur yemmut ara ; yuɣal­d, sliɣ i yisuɣan­is, mi nufa
aqjun yemmut, ul­is yettwaqleɛ, snesla terreẓ ! Neɣ ilul­d
lweḥc nniḍen ?

Ɛmara
Di teswiɛt­agi ur ɛad neḥṣi ay amɣar, mazal ur d­tban ara
tidet.

Amɣar
Ɣas ur teffret ara fell­i, nekk ḥṣiɣ yuɣal­d, yeǧǧa­d later­is d
netta ! D Bururu !

Ɛmara
Tura ad neddu yid­k, ad k­nawi s axxam­ik ad nẓer aqjun­
agi… Lameɛna ad ssutreɣ deg­k yiwet lemziyya.

Amɣar
Fehmeɣ a si kumiṣar, ad ssusmeɣ.

Ɛmara
Anɛam ih, ad tessusmeḍ. La ttwaliɣ tfehmeḍ timsal, ur teffreɣ
ara fell­ak, ula d nekk cukkeɣ tuɣal­d tin n Bururu. Ur ilaq ara
ad nessufeɣ awal akken ur iteffeɣ ara leɛqel imdanen.

Ɛaziz
Tfehmeḍ ayagi a baba amɣar ? Ma slan s lbaḍna, aṭas ara
tekcem tugdi.

Amɣar
Ḥṣiɣ ayagi, labudda ad d­yaweḍ wass ideg ara yeffeɣ wawal.

Ɛmara
Ass­nni nebna fell­as… Ass­agi ur ɛad d­newwi ttbut

Amɣar
Ayɣer, Aqjun mačči d ttbut ? Tettraǧum alamma ɣlin lerwaḥ n
yemdanen ?
­ 168 ­
Bururu yeḥya­d

Ɛmara
Tɣelḍeḍ ay amɣar, ur nettraǧu ara. Imi aqlaɣ, tura kan ara
neddu yid­k akken ad nebdu anadi ɣef later­is. (Ynṭeq yenna­
as i Lɛaziz) Aha, lḥut ! Zwir a Ɛaziz ! (Lḥess n tikli, tiwwura n
ṭumubil yeldin sakin medlent, amutur n ṭumubil yekkren,
tqelleɛ truḥ armi yemmut lḥess­is).

Asayes 6

(Deg tebḥirt. Imdanen ttruḥun ttuɣalen, leḥḥun ɣef wakal


ttnadin, gar yiferrawen n ttjur yetthuzzu ubeḥri).

Ɛaziz
Snesla­agi n uqjun terreẓ, amzun tettwajbed s tezmert iǧehden.

Ɛmara
Ttwaliɣ deg­s a Ɛaziz (Yeɛḍes) Tixelxalin n snesla­agi iban
wanda rẓent, iban d aṭerḍeq i ṭreḍqent mačči d agzam i
ttwagezment.

Amɣar
Nniɣ­awen, ad as­tiniḍ d afus yesɛan lǧehd ur yesɛi umdan i
yesnejbaden tixelxalin n snesla armi ṭreḍqent ! Ah !? Yak tura
twalam ?! Ur skaddbeɣ ara ! Ala Bururu i izemren ad yexdem
aya !

Ɛmara
Yya tura ay amɣar siken­aɣ­d aqjun­ik anda yella ?

Amɣar
Atan dagi kan zdeffir n tlewḥin in­a, qerbet­d, ḍferḍet­iyi­d.
(Ṣṣut n tikli). Atan... Muqlet­t, deg umkan­agi i t­id­nufa nekk
d temɣart­iw. Rǧut ad as­kseɣ tacekkart­agi i yes­s tɣummeɣ
(Yekkes aɣummu ɣef tfekka n uqjun yemmuten). Mi ara
tfukkem teẓram­t, ad as­ɣizeɣ amruj i deg ara tneṭleɣ

­ 169 ­
Bururu yeḥya­d

Ɛaziz
Iban tḥemmleḍ aqjun­agi

Amɣar
Ma ḥemmleɣ­t ? Nekk ɣur­i aṭas n yemdanen i yif, netta
meqqar ur ixeddeɛ ara, ad as­tefkeḍ iɣes ad iɛas fell­ak ! M a
yella d bu sin iḍarren, ḥaca win ur neklal ara. Ad teɣnuḍ s yal
lxir wa ad yezzi fell­ak am wezrem.

Ɛmara
(Yeɛḍes­d) Ur teḥṣiḍ ara belli ula d lḥebs yettwabna i
yemdanen mačči i yeqjan ay amɣar.

Amɣar
Ayagi d tidet a si kumiṣar, yerna argaz tameṭṭut, deg­sen akk
leɛyub yeklalen aɛaqeb.

Tamɣart
(Tḥulfa i wenbac yennum inebbec­itt wemɣar­is) Aha kan,
mmeslay, mmeslay, ḥṣiɣ d nekk i d telhiḍ ! Ɣur­k ur ṣṣawḍeɣ
ara ula d azal n useglef n uqjun­ik.

Amɣar
(Iqejjem) Ur zmireɣ ara ad iniɣ awal zdat­s mebla ma teqqim
ur d tessekcam ara iman­is ɣer tlemmast am timiḍt deg
uɛebbuḍ n wemdan.

Tamɣart
(S lefcuc) Buh, buh, lemmer d nekk i yeɣlin di tesga mmuteɣ,
tlezmi­yi tkeffart ur tuzzleḍ ad tesɛettbeḍ kumiṣar s timmad­is,
wa ad ternuḍ Laspiktur­is akken ad uqmen anadi ɣef lmut­iw !
Imi d aqjun­ik, muqel kan amek i ten­id­tezzuɣreḍ akk ! Ḥṣiɣ,
ḥṣiɣ yif­iyi uqjun­ik, ḥṣiɣ.

Amɣar
(S wurfan fessusen) Abbuh a tinnat n at winnat, tugareḍ­t
aseglef. Netta meqqar alamma iwala kra i yesseglef. Neɣ ma

­ 170 ­
Bururu yeḥya­d

ulac d asusam. Ma d kemm, ma d kemm ad aɣ­ineǧǧu Rebbi,


awal­im d abarki, d lebda haw haw haw haw.

Ɛmara
Lemmer ad testeɛfum ass­agi mačči xir. Ad teǧǧem axbac­agi­
nwen ur nesɛi ajjaren i wussan nniḍen akken ad tegri telweɣ­is
gar­awen.

Amɣar
Yak la tettwaliḍ a si Lkumiṣar d nettat i d­yebdan. Dayen, ur
tezmir ara ad tessusem yalukan ad tenṭeq si tfednin­is.

Tamɣart
Aha kan, kečč teẓriḍ nekk ẓriɣ anwa i iḍelmen wayeḍ. Ur
ttagad, ɣur Sidi Rebbi frant akk.

Ɛaziz
(Yesbecbuc) A si Ɛmara, aqli­yi wehmeɣ, tewwi­yi lbaɣa, amek
sin yemɣaren­agi ɛacen lwaḥid armi d assa s tuqsiwin n lehdur
gar­asen.

Ɛmara
(Yesbecbuc) Ḥader ad tesɣelḍeḍ iman­ik, ayagi yellan gar­asen
d tuqsiwin n uḥemmel n temɣer, yiwen ur yettak afus deg
wayeḍ.

Ɛaziz
Di leɛnaya nwen ma ur tessusmem ad aɣ­teǧǧem ad nkemmel
cɣel nneɣ.

Ɛmara
Twalaḍ a Ɛaziz, ala amruj i d­yegran deg umkan n yedmaren
deg wacu qquren yidammen.

Amɣar
(Yemmuɣben) Ul n uqjun­iw meskin yettwaqleɛ, yaxxi yir
lmut yaxxi !

­ 171 ­
Bururu yeḥya­d

Tamɣart
Ul­is yettwakkes ?... S wayes ?

Amɣar
S ufus ! S wajjaren n lweḥc ! N Bururu.

Ɛmara
Ɛaziz ! Ɣur­k lmus amecṭuḥ ?

Ɛaziz
Yella. Axx, atan, ṭṭef.

Ɛmara
Awi­d kan akka.

Ɛaziz
D acu akka i la txeddmeḍ i uqjun s lmus­nni a si Ɛmara !

Ɛmara
La d­ceqcareɣ idammen­agi ikersen ɣef leryaf n lǧerḥ­agi n
yidmaren­is. (Iḥetteb) Yiwen… Sin…

Ɛaziz
Acu akka i d­tḥettbeḍ a si Ɛmara ?

Ɛmara
(Yeɛḍes­d) … Tlata… Mazal ad kemleɣ amkan­agi s uceqcer...
Ah dayen… Rebɛa… Aked d tagi xemsa. Tura ulac deg­s ccek.

Ɛaziz
Ur fhimeɣ ara a si Ɛmara d acu i tebɣiḍ ad tesneɛteḍ imi akka
d­tesqecreḍ akk leryaf n lǧerḥ­nni !

Ɛmara
La d­sneɛtayeɣ ttbut a Ɛaziz, ttbut n xemsa imeḍqan anda d
gran laterat n wajjaren yerẓan ixsan u cergen aksum u qelɛen­
d ul n uqjun, ayagi iban d afus n Bururu ! D netta s ttbut.
Ɛaziz, ruḥ lhu­d s uqjun­agi am akken ara d­telhuḍ s bunadem
­ 172 ­
Bururu yeḥya­d

yemmuten. Am akken nennum, tteṣwirat, Docteur, afeqqer, bla


ma nniɣ­ak, teẓriḍ kullec, Aha, yallah, ddu d uḍar­ik.

Ɛaziz
Yirbeḥ a si Ɛmara...

Ɛmara
Arǧu ! Deg teswaɛt­agi, ɣur­k ad teffeɣ lbaḍna n tmenɣiwt n
uqjun­agi !

Ɛaziz
Ḥṣiɣ a si Ɛmara ḥṣiɣ. Aql­i ruḥeɣ.

Ɛmara
Nekk mazal­iyi ad qqimeɣ kra dagi aked d yemɣaren­agi. Ur
ttɛeṭṭil ara uɣal­d ad iyi­n­tawiḍ.

Ɛaziz
Yirbeḥ a si Ɛmara yirbeḥ (Ṣṣut n ṭumubil ineqqes cwiṭ cwiṭ).

Ɛmara
(Yeɛḍes) Dayen iruḥ. Tessewwayem lqahwa ɣur­wen ? Neɣ
tɛuddem kumiṣar ur ites ara ?

Amɣar
Semmeḥ­iyi a si kumiṣar mačči d tatut i nettu ad k­neɛreḍ,
nella nettraǧu ad fakkeḍ cɣel­ik.

Ɛmara
Cɣel­iw tura i yebda.

Tamɣart
Amasaɛd n uqjun­agi, ssaɛdi­s meqqer. Netta yemmut ad as­d­
awin Docteur, ad as­d­awin asewwar, ad as­d­nḍen lɣaci am
yesli i umi ara qnen lḥenni. Nekk aql­iyi d tameɛudurt yiwen
ur s­d­tuqiɛ lmeɛna deg­i, ulac win iyi­ssulin ccan ma yella
lliɣ neɣ ulac­iyi.

­ 173 ­
Bururu yeḥya­d

Amɣar
(Yezɛef) I lemmer ad truḥeḍ ad aɣ­tesewweḍ lqahwa mačči
akken ay axir ! Aqlaɣ neqqujjer seg uṣemmiḍ n nnda n yiḍ.
Berka­kem seg userwet n lehdur ur nesɛa ara lmeɛna. Kker,
kker d acu tettraguḍ ?

Tamɣart
Aqli­yi ruḥeɣ, aqli­yi ruḥeɣ... Ih ɣer ɣur­i tḥerceḍ.(truḥ)

Ɛmara
(Yeɛḍes) Ur tettewḥacem ara di leɛzib­agi ! Weḥḥed­wen !

Amɣar
D acu ara newḥec a si kumiṣar ? Nekni d imɣaren, d igellilen,
ulac ayen ara ḍemɛen deg­neɣ...

Amɣar
Ayyan tura ad nekcem s axxam. (Yeldi tawwurt) Aha ! Aha
kcem­d, kcem­d.

Ɛmara
(Yekcem s axxam, teɛǧeb­it lḥeṭṭa) D igellilen lameɛna liḥala­
nwen tettfeǧǧiǧ, zeddiget.

Amɣar
D tamɣart i izizdigen, tesxerwiḍ akka kra, lameɛna ulac win i
tt­yifen, lemmer mačči d nettat i d­yefka Rebbi d taɛebbajt
ifassen, talli ad aɣ­ččen iḍumman, ad negri deg ugudu. Atan
ukursi, qim a si kumiṣar, tura ara d­taweḍ lqahwa.

Ɛmara
(Yeɛḍes, i yiman­is) Neɛya, tebda la ɣ­teǧǧaǧǧa tezmert...
Bururu tesliḍ yis­s ?

Amɣar
Maɛlum sliɣ yis­s ! Anwa ur t­nessin ara ! Di lǧernanat
yesterwes akk ddunit.

­ 174 ­
Bururu yeḥya­d

Ɛmara
D tidet, deg lǧernanat ur ǧǧin acu ara d­inin, kra yella, kra
yerna­d. Kečč di ddehn­ik tumneḍ yella lweḥc­agi ?

Amɣar
Ma yella d zik, umneɣ ur umineɣ, ass­a yeǧǧa­d ttbut, aqjun
yenɣa­t, iqleɛ­d ul­is (Nnehtat) Awah, waqila kečč a si kumiṣar
la teskeɛrireḍ fell­i. Teḥṣiḍ Bururu yella ! Imi kečč s timmad­ik
i t­yeɛnan s unadi seg zik­nni.

Ɛmara
Nniɣ­ak­d ayagi akken ad tfehmeḍ belli ula d kečč aked
temɣart­ik ilaq ad tettum Bururu wa ad tneṭlem ayen teẓram
iḍ­agi.

Amɣar
Fehmeɣ, fehmeɣ a si kumiṣar. Ḥṣiɣ ma yella teffeɣ lbaḍna, ad
agaden akk medden, ad weḥcen, ad yekker wahruḥu. Ayagi
fehmeɣ­t, fehmeɣ­t ! Nessen ad nessusem mi ara yili ilaq ad
nessusem !

Ɛmara
Yeɛṭi­k Ṣṣaḥḥa, tura zemreɣ ad ttekleɣ fell­ak.

Tamɣart
Atta­n lqahwa, maɛna ḥadret ad terɣem, tura kan i tt­id­
smareɣ, mazal­itt teḥma a si kumiṣar.

Amɣar
Lqahwa ma ur teḥmi ara mačči d lqahwa. Acḥal n teḥjurin n
ssekker i tettarraḍ a si kumiṣar ?

Ɛmara
Yiwet kan yiwet.

Tamɣart
Atnan wid­ak i s­yessnen i lqahwa ! Mačči am kečč alamma
terriḍ­tt am sirru i ara tt­tesweḍ, yerna tinna mačči d tissit d
­ 175 ­
Bururu yeḥya­d

asgerger i tt­tesgergiren am win yeffuden, ula d lbenna­s ur s­


tettḥulfuḍ ara.

Amɣar
Atan tuqqel­d trisiti­nni, tebda­d tsirt­nni teẓẓa­d deg
yimeslayen.

Ɛmara
Mmm... Lqahwa­agi... Mmm... Twenneɛ... Tettak­d nnaɛt
dayen kan, ula d lbenna­s deg uqemmuc tzad. Yesɛa lḥeqq
wemɣar­im mi akken yella la kem­id­yeččekkir zgelli. Yeqqar
tamɣart­iw d taɛebbajt ifassen. D tidet i d­yenna, yeɛṭi­kem
ṣṣaḥḥa.

Tamɣart
Icekker­iyi­d ? Netta ? D lewhayem ! Ihi armi d ass­a i t­id­
rṣel ! Imi ass­agi icekker­iyi­d ɣer medden... Ayagi ulac deg­s
ccek a si kumiṣar, ad yili d albaɛḍ ileɣman i umi truḥ teɛrurt,
ɣas nadit fell­as (Tettaḍsa).

Asayes 7

Sliman
(S wurfan) Nniɣ­ak dayen ! Dayen ! Ur zmireɣ ara ad rnuɣ ad
ttdawiɣ dagi, Ulac widen izemren ad bɣun ad cebbḥen ṣṣifa
nsen s tmusni n ṭṭebb i sneɣ.

Smaɛil
Baba­k Saad Ḥari, amusnaw ameqran n ṭṭebb ad fell­as yeɛfu
Rebbi, yettwasnen di ddunit merra, dagi i yebda adawi. Ass­mi
yella d ameẓyan, leɛmer d yenni ad bedleɣ amkan­agi s wayeḍ.
Yezga yella ɣer yidis n yigellil i ixuṣṣen adawi n tussna
tameqqrant.

Sliman
Armi d assmi i tettuseyef fell­as teswiɛt iruḥ yerwel, ibeddel
tamurt ! Ayagi ḥṣiɣ­t a Smaɛil ḥṣiɣ­t !
­ 176 ­
Bururu yeḥya­d

Smaɛil
Ur tettu ara acḥal lkabini­yagi udawi i yeqqim iṣekker, imuḍan
beddlen Docteur nniḍen. Tura kečč teqleḍ deg wemḍiq n baba­
k, ilaq­ak ad tṣebreḍ wa ad teǧǧeḍ lweqt ad k­issinen.

Sliman
Teggummaḍ ad tfehmeḍ a Smaɛil, acḥal deg­s lweqt­agi ?
Aqli­yi tura dagi qrib aseggas nekk ttdawiɣ, ar tura ur ufiɣ ara
win teɛna tussna­w n ṭṭebb. Nekk ttnadiɣ ad ckecmeɣ lḥirfa­
yagi iyi­d­yeǧǧa baba d lwarata mefquden di tussna n ṭṭebb.
Dagi d lḥuma igellilen, ur ttnadin ara ad sqeɛden aglim n ṣṣifa­
nsen s lɛilm n ṭṭebb.

Smaɛil
Ayɣer ihi i d tuɣaleḍ ɣer wemḍiq­agi n baba­k imi teḥṣiḍ akk
ayadi.

Sliman
Ɣelḍeɣ, ɛuddeɣ imi lɛilm yennerna, lweqt ibeddel, ad afeɣ dagi
wid yettmennin ad izyinen, ssaramen zzhu n ddunit s ṣṣifa
tajḍiḍt ara sen­bnuɣ s ifassen­iw akken ad nnecraḥen
wulawen, ad rreɣ azmumeg n teḍṣa deg wudem n umuḍin ur
nuḍin.

Smaɛil
Dagi tesɛiḍ lḥeqq d tidet a Sliman. Imezdaɣ n Lḥuma­yagi ur
ttnadin ara ad izyinen, ttnadin ad ččen aɣrum.

Sliman
Twalaḍ a Smaɛil lḥirfa­inu ur tleḥḥu ara dagi, ilaq ad bedleɣ
amkan.

Smaɛil
Ur tettu ara di tazwara tenniḍ­iyi­d d isem n baba­k
yettwakksen ɣef tewwurt i tebɣiḍ ad teḥyu, ass­agi aqla­k
tbedleḍ rray a Sliman.

­ 177 ­
Bururu yeḥya­d

Sliman
Ala xaṭi ur beddleɣ ara rray a Smaɛil ! Mazal­iyi di tekti­w am
zik, ttxemmimeɣ dima amek ara d­ḥyuɣ isem n baba ur zmireɣ
d lmuḥal ad ttuɣ ! (Yeḥzen). Lameɛna mačči deg umkan­agi
ara ssiwḍeɣ ɣer wanda ssarameɣ. Baba yemmut d aɣrib, d
aɣrib. isem­is ilaq ad yuɣal s temɣer.

Smaɛil
(Yetṣebbir) Nekk smektiɣ­ak­d baba­k akken ad t­xelfeḍ
amkan­is di tussna n ṭṭebb. Kečč aql­ak la d­tessekfaleḍ leḥzen
i ak­d­yeǧǧa, mačči d ayagi i bɣiɣ ad d­yas di lbal­ik, ur
smendag ara iɣiɣden.

Sliman
Ur ɛad qlen d iɣiɣden, mazal­iten d irrij ! D timess deg wul­iw
(Yettɛeggiḍ, ileḥḥu) Saad Ḥari amusnaw ameqqran n ṭṭebb
yettwasnen di ddunit merra ! Yerwel ! Anɛam ih yesserwel
iman­is ! Srewlent imeddukal­is ! Sɣimen­as­d imesǧernanen
ur nquder lḥirfa ines, cetmen deg­s, rran­t d ameslub, imi
ggumman ad amnen belli yesnulfa­d ṣṣenf ajdid n lɛilm ur
zmiren ad qazmen. Tussna tameqrant n ṭṭebb ara yesneqsen
ssebbat n lehlakat s wecrak idammen n bunadem d wid n
lhayca (Yeḥzen) Baba meskin yettwaxdeɛ, ur iɛud ara ad
ṛekḍen tussna­s deg waluḍ ! Armi ibeddel tamurt, iɛac d aɣrib,
yemmut d aɣrib. (Sliman yerfa, yewwet s rkel akursi yeɣli.
Yewwet acḥal n tikkal s ufus­is ɣef lbiru­s)

Smaɛil
Dayen a Sliman di leɛnaya­k ur ssendaf ara iman­ik s usmekti
ara k­yeṣṣaḍnen.

Sliman
(S wurfan) Ula d isem­is ! Ula d isem­is ibeddel­it akken ur t­
ttaɛqalen ara, ur t­ttafen ara, yeqqel d aɛessas n tmeqbert !
Isemma iman­is Saḥari, Saḥari, isem n bu sḥur yesderwicen,
ayagi akk ɣef laǧal wid ixedɛen tamusni­s. (Yeḥzen) Baba
meskin yesseɣli s yiman­is armi yeqqel d ulac... Yettɛici weḥd­s
gar lmeyytin, yettwamḍel d wid yemmuten.
­ 178 ­
Bururu yeḥya­d

Smaɛil
(Yettḥellil) Sliman, Sliman dayen tura ttu, ttu.

Sliman
Amek ara ttuɣ a Smaɛil. Amek ara ttuɣ wid t­ixedɛen di tussna­
s. Ur tɛawnen ara di lɛilm ajdid i d­yesnulfa, armi yeɣleḍ di
cɣel­is iṣneɛ­d Bururu lweḥc iqelɛen ulawan. Lweḥc s wayes
yemmut netta, yerɣa am tirget di laboratoir i yebna di tmeqbert
si ddaw tmurt s tufra n medden.

Smaɛil
(Yetṣebbir) Yya tura ad nruḥ a Sliman yya­n, inebgawen la ɣ­
ttraǧun ayya­d arwaḥ…

Sliman
Baba yuɣal d imenfi… yemmut d aqettal, ala isem n Saad Ḥari
ara d­ḥyuɣ a Smaɛil ! Ara t­id­yeḥyun d mmi­s Saad Ḥari
Sliman, lɛilm­is ad t­smeɣreɣ akken ad ttwakecfen wid i t­
yerran d aqettal ur yuḥtam. Wid yuklalen aɛaqeb, d wid­ak
yeksen laman di tussna­s.

Smaɛil
Fehmeɣ­k a Sliman, di leɛnaya­k ayya­n tura, tasaɛet attan tura
d leḥdac n yiḍ… inebgawen ad ilin tqelqen.

Sliman
(Nnehtat) D tidet, ad yili tqelqen. D lweqt ad nruḥ… Yya­n...
Lḥun... (Leḥḥun, ldin­d tawwurt, medlen­tt, ṣubben tiṭrejtin).

Smaɛil
Nɛeṭṭel fell­asen, akken ur ak­tettili ara d timesduqqest a
Sliman, ak­d­ɛegneɣ si tura belli gar inebgawen i aɣ­yettraǧun
atan ad aɣ­d­mmagren kra n yirfiqen­iw n ṭṭebb ukud cerkeɣ
lbaḍna­k, umnen s wayes tessarameḍ ad tawḍeḍ. Bɣan ad
cerken yid­k s uɛiwen nsen.

Sliman
Ṣaḥḥa a Smaɛil, ḥṣiɣ tumneḍ s lḥirfa­w, aɛiwen s ɣur­k d
­ 179 ­
Bururu yeḥya­d

yerfiqen­ik ad yettekki deg wesnerni n lɛilm i lfayda n


wemdan. Lemmer baba di lweqt­is yufa leḥbab am wid sɛiɣ tilli
yewweḍ lebɣi­s... Ah ! At­an uɛessas n tewwurt n uxxam,
yewwi­t­id Rebbi dɣa bɣiɣ ad t­steqsiɣ.

Smaɛil
Ayɣer akka yegguni tawwurt n uzniq lweqt­agi ?

Sliman
Yuḍen buneggaf, ur yezmir ara ad yekmen iman­is deg uxxam,
yetteffeɣ­d ɣer berra akken ad yerwu abeḥri zeddigen.

Smaɛil
(Ldin tawwurt n uzniq) Ɣef wacu i tebɣiḍ ad t­seqsiḍ ?

Sliman
Ɣef tmeṭṭut­is i duwaɣ ussan­agi iɛeddan.

Aɛessas
(Ineggef) Mselxir a si Sliman, iḍ­agi tɛeṭleḍ di lbibu.

Sliman
Mačči d imuḍan i d­iyi­yesɛeṭṭlen d kara n lecɣal n wefras iyi­
n­yeṭfen d umeddakel­iw armi d tura. Ini­yi­d tura amek tettili
tmeṭṭut­ik, aṭas aya ur tt­ẓriɣ ara ?

Aɛessas
Di leɛnaya­k ur iyi­d­smektay ara deg­s a si Sliman !

Sliman
(Yewhem) Ayɣer, d lxir ncallah ?

Aɛessas
D acu ara k­d­iniɣ a duktur Sliman ! Qbel ad terɣ s ufurnu n
lgaz armi tendeh tmes deg wudem­is, tella d tameṭṭut
talemmast, ur tecmit ur tezyin, ur tessemɣar ara iman­is felli.
Ma di seg wasmi tt­tduwaḍ, tṛeqɛeḍ aqadum­is yerɣan, teḥla
tbeddel teqqel d tin nniḍen, lemri yezga yenṭeḍ gar ifassen­is.
­ 180 ­
Bururu yeḥya­d

terriḍ­tt­id d tilemẓit. Tura tettetḥiy yis­i, tettetḥiy s urgaz­is !


nemqacar akka ciṭuḥ, tufa­d ssebba truḥ ɣer imawlan­is,
teǧǧa­yi­d weḥd­i nekk d waṭan­iw.

Sliman
Anef­as kan tura ad tfeccec ciṭuḥ ɣur imawlan­is a Dda lḥaǧ,
Sakin d nekk s timmadiw ara iruḥen ad tt­id­hduɣ, ad tt­id­
rreɣ s axxam­is.

Aɛessas
(Nnhati) Tikkelt­agi ma tedda­d yid­k a Docteur Sliman ad tt­
skenfeɣ s ucalimu, ad sserɣeɣ udem­is alamma rriɣ­tt d lweḥc
akken ur iyi­teǧǧaǧǧa ara.

Smaɛil
(Yeḍsa) Tban ɛzizet fell­ak a Dda Lḥaǧ.

Sliman
D anuɣni n teswiɛt i la t­id­yessenṭaqen. Aha xzu cciṭan a Dda
Lḥaǧ, ma teqqimeḍ kan aka s wurfan­agi, ur ttruḥuɣ ara ad k­
tt­id­rreɣ.

Aɛessas
(Nnhati) Tesɛiḍ lḥeqq a Docteur Sliman, tesɛiḍ lḥeqq, d tidet d
reffu kan iyi­d­yessenṭaqen... Aha, ɣas ruḥ tura awi­tt­id.

Sliman
Ḥṣiɣ a Dda Lḥaǧ, ḥṣiɣ d urfan kan... Yya ad nruḥ tura a Smaɛil
(Ldin tiwwura, zzhir n umutur iceɛlen, ṭumubil truḥ).

Aɛessas
(I yiman­is, aḍu) Si Sliman meskin... Ul­is ḥnin armi dayen kan
(Tiɣwist n Bururu) Yalaṭif wagi d asiwel n Bururu (Rɛud)
Yebda yettbeddil lḥal... Rɛud, aḍu, ur yettɛeṭṭil ara ad ten­id­
yeḍfer ugeffur (Tiɣwist n Bururu) Iḍ­agi yemxerwaɛ d amcum
(Tiɣwist n Bururu) Ečč aqerruy­ik, ečč aqerruy­ik (Yettusu)
Uhh, tuɣal­iyi­d tusut­nni tageswaḥt. Rǧu ad ɛiwneɣ iman­iw
s lpumpa­nni. Rǧu ad fɣeɣ si tseqqift­agi ɣer uzniq ad ččareɣ
­ 181 ­
Bururu yeḥya­d

turin­iw s ubeḥri (Yettarra nnefs s lḥir) Ccah, ccah, ccah


(Irennu yettarra nnefs s usṭuqqet, ageffur yebda yekkat) Atan
yebda­d ugeffu­nni (Rrɛud, lebraq, aḍu) Tiftilin n ubrid xsint
(Lḥess n tikli ẓẓayen tettqerrib­d) Acu­t lḥess­agi ? D tikli ?... D
aneggez ? ... La d­yettqerrib ɣur­i di ṭṭlam...

Bururu
(Izehher) Idammen...! Idammen n wul !... Ulawen...
Yettqudduren d idammen yeḥman...

Aɛessas
(Yedhec) Alaṭif, d acu­t ṣṣut­agi !? Ansi d­yeffeɣ lweḥc­agi !?...
Neɣ d­albaɛḍ i yebɣan ad iyi­ssaged s ṣṣut­agi d ṣṣifa­agi n
lweḥc ?

Bururu
Ad temmteḍ !... Ul­ik... Ad t­qelɛeɣ...

Aɛessas
Ad azleɣ ad kecmeɣ (Ilehhet) Ad ṣekkreɣ tawwurt... (Yeffeɣ­it
leɛqel) Yewweḍ­d ɣur­i... La d­itessed tawwurt... Ur zmireɣ ara
ad tt­sekreɣ ! Ikcem­d, dayen ikcem­d ! Ruḥ akin, ruḥ akin.
Tixxer­iyi, tixxer­iyi.

Bururu
Lmut... Lmut... Ul­ik... Idammen... (Izehher) Tura ṭṭfeɣ­k !... Ad
qelɛeɣ ul­ik !... Ad temmteḍ !...

Aɛessas
(Ilehhet) Amek ?!... Ad t­qelɛeḍ ul­iw ?!... Tixxer­iyi !... Ruḥ
fell­i !... Serreḥ­iyi !... Ruḥ akin !... Aẓ akin !... Ur iyi­neɣɣ ara !
Aaaaaaaaaaaaaaaaa !

Bururu
Yemmut !... Yemmut !... Hata !... Hata wul­is !... Ul
yettqudduren d idammen yeḥman... Yeḥman... Yeḥman...
(Azhar­is yessebɛad) Yemmut... Ymmut... Yemmut... (Ageffu,
rrɛud, lebraq, ṣṣut n tewwurt yesṭerḍiq waḍu).
­ 182 ­
Bururu yeḥya­d

Asayes 8

Lɣaci yezzi­d, zzhir n ṭumubilat deg uzniq.

Ɛmara
(Sserfan­t imesǧernanen) Ɛaziz ! Ɛaziz !

Ɛaziz
Anɛam a si Ɛmara, aql­iyi dagi zdat­k.

Ɛmara
Zdat­i ? Ayɣer ihi ur k­walaɣ ara ? Ur d­tbaneḍ ara gar
imesǧernanen agi i k­iɣummen. Teǧǧiḍ­ten akk ɛummen­d
fell­ak ? Rnan­k ? Aha, sufeɣ­iten, ur ten­ttaǧǧa ara zdat­i…
Amerḥum yeḥwaǧ­iyi (Yeɛḍes) Aha sufeɣ­iten.

Ɛaziz
(Yuzzel) Yirbeḥ ! Yirbeḥ a si Ɛmara ! (Iɛeggeḍ) Ffɣet ! Ffɣet !
Aha ffɣet akk (I ubulis) I kenwi di sin d acu i la tettraǧum ?
Sufɣet imesǧernanen ! (Imesǧernanen zeɛfen) Ur ttxemmimet
ara mi nekfa cɣel­nneɣ ad wen­d­nessiwel akken awen­d­nini
d acu tebɣam ad tarum azekka ṣbeḥ di lǧarnan. Ṣekret tawwurt
tura ! (Temdel tewwurt, tasusmi) Atan a si Ɛmara, ruḥen akk,
fɣen.

Ɛmara
(Azhar) Fɣen, walaɣ­ten ! Ruḥen ? Mazal­iten ! La ttraǧun am
wuccanen yetṣeggiden deg umadaɣ (I yiman­is) Bururu yeḥya­
d. Yuɣal­d ad yessazzel idammen, imesǧarnanen ttqaraɛen kan
d acu ara d snunten, ad tleqḍen, ad tzerɛen di lǧernan i lɣaci
ara srewlen, ad ten­ḥeǧben deg yexxamen s tugdi n lweḥc
iqelɛen ulawen. (Ileḥḥu­d, yeḥbes, yenṭeq ɣer Docteur). I kečč
a Docteur, ur ɛad sliɣ i ṣṣut­ik. (Yeɛḍes). Awi­d kan
tamucwart­ik a Ɛaziz, tin­a­inu ttuɣ­tt deg uxxam.

Ɛaziz
Ax, attan... Lameɛna...

­ 183 ­
Bururu yeḥya­d

Ɛmara
Ṣaḥa, ṣaḥa... Ɣef akka ttwaliɣ di tmucwart­ik iban ur yezgil ara
ubeḥri. (Yenser) Ihi a duktur, la ttraǧuɣ ad iyi­d­teɣreḍ lxeṭba­
k neɣ ur ɛad tekfiḍ lḥerz­nni n ṛṛabul s tira ! (Yeɛḍes, yenser
acḥal n tikkal).

Ɛaziz
(I Docteur) Ass­a atan kumiṣar yeqqel d asennan a Docteur,
ɣas ur k­yettɣiḍ ara lḥal fell­as, aya­gi mačči d leɛwayed­is.

Ṭṭbib
Ḥṣiɣ a Ɛaziz, sneɣt, urfan­agi ad qlen as­ɛeddin.

Ɛmara
Docteur, sneɣ taɣect­ik mechur­t ! D acu twalaḍ di teqṣiḍt­agi
n umerḥum ! Yemmut s usfunzer ? Anwa lweqt ideg yessuffeɣ
tarwiḥt ? Aseggas iɛeddan neɣ aggur­agi i neǧǧa ?

Ṭṭbib
(S tin uṣebber n leḥbab, yenna­yas) Seḥder leɛqel­ik a si Ɛemar
ma tebɣiḍ ur k­trennu ara taluft­agi i d yuɣalen d tlul­d d
tajḍiḍt.

Ɛmara
(Yerra­d nnefta) Taluft­agi niqal tefra acḥal aya, temḍel
tettwattu. Beddleɣ tamdint, armi qrib ad fɣeɣ laretret... ad
steɛfuɣ... Lameɛna ass­agi... Ass­agi...

Ṭṭbib
Ass­agi Bururu yeḥya­d !

Ɛmara
Ihi ini­yi­d a Docteur, amek i tebɣiḍ ad yers leɛqel­iw ?
Meslay­d tura ɣef lmut n uɛessas ?

Ṭṭbib
Lmut­is, twalaḍ­tt a si Ɛmara, iban amek yemmut.

­ 184 ­
Bururu yeḥya­d

Ɛmara
Bɣiɣ ad sleɣ tikkelt nniḍen, ayen i yeswehmen ar tura ddehn­
iw, amek mbaɛd mi yemmut Bururu, tura yuɣal­d ?

Ṭṭbib
Ttbut, iɣsan n yedmaren n uɛessas rẓen, ul­is yettwaqleɛ, ayagi
d later n tmenɣiwin n Bururu...

Ɛmara
Acḥal n tikkal aya i d tudreḍ isem­is, iban tetḥeqqeḍ belli d
netta !

Ṭṭbib
Di leɛnaya­k a si Ɛmara ur tqelliq ara, imi la teqqareḍ taɣect­
iw mechur­t, eǧǧ­iyi ad kfuɣ awal­iw.

Ɛmara
(Yeɛḍes) D tidet, d tidet kemmel awal­ik.

Ṭṭbib
Nniɣ­d d later n tmenɣiwin n Bururu imi ufiɣ idmaren n
umerḥum ṛẓen, cergen ɣef xemsa imukan s wajjaren n xamsa
iḍudan n lweḥc.

Ɛmara
(Nnhati) Ma yella d tasaɛet, neḥṣa gar leḥdac d ṭnac n yiḍ i
yemmut. (Yeɛḍes, yenser) Ur nnumeɣ ara reffuɣ a Docteur, di
leɛnaya­k mur d­tsemḥeḍ. Ass­agi tufiḍ­iyi­d ddaw webriḍ neɣ
nnig webri, lameɛna mačči deg ubrid.

Asayes 9

Ɛmara
(I yiman­is) Aqjun !... Aɛessas !... Idmaren­nsen ṛẓen, ul­nsen
yettwaqleɛ !... Ayagi d ttbut n Bururu, d ttbut n lweḥc ! Anwa
ara yamnen akk ayagi di lweqt anda s tnaɛurin d tmacinin
nessaweḍ nerkeḍ aggur d tziri... Ass­agi, mazal­aɣ di lewḥuc
­ 185 ­
Bururu yeḥya­d

ur yettamen wemdan. (Yeɛḍes, yenser, aqerbeb n tewwut)


Anwa wagi daɣen ? (Iɛeggeḍ) Aha kcem­d ! Ur d­ttruẓu ara
tawwurt.

Ɛaziz
(Yekcem­d) si Ɛmara, d Docteur Sliman i d­yewḍen yebɣa ad
k­iẓer.

Ɛmara
Sliman ! Docteur­nni ixeddmen la chirurgie esthetique ! Yak
win akken izedɣen anda yemmut uɛessas ?

Ɛaziz
D netta a si Ɛmara.

Ɛmara
Ini­as ad yekcem

Ɛaziz
(Yessawel) Ɛeddi­d, ɛeddi­d a Docteur.

Sliman
(Yekcem­d) Ṣaḥa a si l’inspecteur. (I kumiṣar) D kečč i d
kumiṣar ?

Ɛmara
D nekk i d kumiṣar d nekk, atan ukursi zdat­k a Docteur, qim.
(Yeɛḍes)

Sliman
Yewwet­ik ubeḥri a si kumiṣar !

Ɛmara
D abeḥri n lebda. Acḥal i tella tsaɛet iḍelli deg yiḍ mi truḥeḍ ad
tṣekkreḍ lbiru­k ?

Sliman
Acḥal ? Tella d leḥdac n yiḍ, ayɣer ?
­ 186 ­
Bururu yeḥya­d

Ɛmara
Amek i teẓriḍ tella d leḥdac n yiḍ ?

Sliman
Yiwen n Docteur d ameddakel­iw i d­yusan iɛawen­iyi deg
ufras n lbiru­w, ssyin akin, tewweḍ d leḥdac nemmekti­d belli
nettwaɛreḍ ɣur yiwen urfiq­nneɣ i irebḥen yiwen umzizwer n
tussna n ṭṭebb. Ur fhimeɣ ara asteqsi­agi a si kumiṣar.

Ɛmara
Tesneḍ aɛessas ?

Sliman
Aɛessas n uxxam anda sɛiɣ lbiru n udawi, maɛlum sneɣ­t.

Ɛmara
Ur t­ssineḍ ara nnig wayagi ?

Sliman
Ad k­d­iniɣ neɣra lwaḥid, skaddbeɣ fell­ak a si kumiṣar. Akken
ad k­d­iniɣ sneɣ­t am akken sneɣ aɛessas n uxxam anda sɛiɣ
lbiru, ad k­d­iniɣ sneɣ­t.

Ɛmara
Yettnaɣ d lǧiran, yesɛa iɛdawen ? Ttasen­t­id lberrani s
axxam­is ?

Sliman
Ur cukkeɣ ara, ur cukkeɣ ara ad yesɛu iɛdawen. D argaz
yelhan, ḥemmlen­t akk medden. Ḥnin, ul­is wessiɛ, yettaɣ awal
i akk imezdaɣ. Ḥemmlen­t akk lɣaci, yettɣaḍ­iten imi yezga d
amuḍin yuḍen abungif.

Ɛmara
Iḍelli, mi akken teffɣeḍ kečč d umeddakel­ik ɣef leḥdac n yiḍ,
teẓram amerḥum ?

­ 187 ­
Bururu yeḥya­d

Sliman
Neǧǧa­t zdat n tewwurt n uzniq.

Ɛmara
Deg usemmiḍ­nni ? Deg ugeffur ?

Sliman
Nniɣ­ak yuḍen Buneggaf a si kumiṣar, ireggel si lekmin n
uxxam, yettɣimi zdat tewwut n uzniq akken ad yesserwu
turin­is s ubeḥri zeddigen.

Ɛmara
(Yeɛḍes, yenser) Yufa­t­id win i s­yekksen laɛtab n tazla ɣer
tewwurt.

Sliman
Lmut yemmut, iɣsan n yedmaren­is rrẓen, ul­is yettwaqleɛ.
Anwa lweḥc i izemren ad yexdem aya ?

Ɛmara
(Yettxemmim) D lewhayem... Taɣect­ik... Ṣṣifa­k... Tcubaḍ aṭas
deg­s, ad s­tiniḍ d netta i la ttwaliɣ zdat­i la d­yettmeslay.

Sliman
Ḥṣiɣ d acu tebɣiḍ ad d­tiniḍ a si kumiṣar, cubaɣ aṭas ɣer baba
ad fell­as yeɛfu Rebbi.

Ɛmara
Bururu, lweḥc i d­yesnulfa s tussna n ṭṭebb, tumneḍ s waya a
Docteur Sliman ?

Sliman
Umneɣ, umneɣ, anɛem ih. Umneɣ daɣen ur yemmut ara.
Yuɣal­d, yeǧǧa­d later­is di lmut uɛessas yenɣa.

Ɛmara
(Nnhati) Imeslayen n Zuhra taderwict i yi­d­izuren, bdan la
teffɣen, la ttuɣalen d tidet.
­ 188 ­
Bururu yeḥya­d

Sliman
Nekk ur ttamneɣ ara s tderwicin a si kumiṣar. Ma d Bururu,
netta umneɣ yis­s yuɣal­d.

Ɛmara
Ula d nekni newwi­d ttbut yuɣal­d.

Sliman
Ayɣer yextar ad d­iban di temdint­a ?

Ɛmara
Ahat iqsed­d albaɛḍ dagi, deg uxxam­a, yufa­d aɛessas ɣef
umnar n tewwurt yenɣa­t.

Sliman
Ur fhimeɣ ara... Ur tebɣiḍ ara ad d­tiniḍ a si kumiṣar !...

Ɛmara
Tfehmeḍ, d ayen i bɣiɣ ad d­iniɣ a Docteur ! Bururu inuda­d
fell­ak.

Sliman
Nekk ! Ayɣer d nekk ?

Ɛmara
Ur tettu ara, win i t­yerran d Bururu, lweḥc iqellɛen ulawen, d
baba­k Saad Ḥari, lewrata tettabaɛ imawlan i tt­id­yeǧǧaǧǧan i
dderya. Kečč d mmi­s n Saḥari. Bururu ur d­yeffiɣ ara dagi
baṭel, yella wayen i t­id­yewwin.

Sliman
(Yeskeɛrir) Waqila testufaḍ­d i ukehhen a si Kumiṣar ?

Ɛmara
Ur nnumeɣ ara ttkehhineɣ a Docteur abɛda mi ara yili ɣlin
lerwaḥ.

­ 189 ­
Bururu yeḥya­d

Sliman
Tebɣiḍ ad iyi­tessagdeḍ ?

Ɛmara
Ur telliḍ ara seg wid yesnen d acu i d tugdi n lweḥc, teffɣeḍ­d
ɣer baba­k, d amusnaw n ṭṭebb. Ad k­weṣṣiɣ a si Sliman,
Bururu yettnadi fell­ak. Ad yili yella wayen yettnadi ad t­id­yaf
ɣur­k. Ilaq ad s­nuqqem tilas akken ur irennu ara di lmaḍerrat
am tid iɛeddan.

Asayes 10

(Ageffur, rrɛud, lebraq, aḍu).

Sliman
(Ileḥḥu, i yiman­is) Yesɛa lḥeqq kumiṣar Ɛmara... Bururu, fell­i
i la yettnadi... Ayɣer ?... D acu i yebɣa ɣur­i ?... Baba, qbel ad t­
ineɣ Bururu, yettaru­yi­d, yemmal­iyi­d akk lbaḍnat ɣef wayen
yeɛnan acrak d ubeddel n idammen n bunadem s wid n lhayca.
Mazal freɣ akk ayen yura ɣef unadi n ṣṣenf­agi n tussna.
Iweṣṣa­yi­d ad ten­ḥerzeɣ i lmend n unadi ajdid... (Yeḥbes)
Tili­inna, d acu­tt tili­inna.

Bururu
(Tiɣwist) Hu lu lu lu.

Sliman
Bururu !... D netta !... La tettwaliɣ ! La yettali… La yettali…
Tura, ineggez s ufella n ṣṣur… Yerna ineggez s ufella n uxxam
anda zedɣeɣ… Tura yeɛna­d ṭṭaq n lbiru.

Bururu
(Tiɣwist) Hu lu lu lu…

Sliman
Mačči d timenɣiwt i d­yusa ad iyi­ineɣ, lemmer d ayenni
sehleɣ­as, abrid atan yexla. Ad d­uɣaleɣ allamma d awal n
­ 190 ­
Bururu yeḥya­d

kumiṣar Ɛmara i iyi­d­yennan d kečč i d­yeqsed… Ayagi ad


yili d tidet, yebɣa ad iyi­iẓer… Ad yili yella kra yettnadi ad t­
yaf ɣur­i, ameɛna d acu, d acu ?

Asayes 11

(Ageffur, rrɛud, aḍu).

Bururu
(Tiɣwist) Hulululu.

Sliman
(I yiman­is) Atan daɣen iḍ­agi yuɣal­d... La selleɣ i tiɣwist­is...
Netta ur d­yettban ara... Lemmer ad yebded zdat­i zemreɣ ad
s­mmeslayeɣ... Ilaq ad s­mmeslayeɣ... D acu ara s­iniɣ ?... D
acu i yettnadi ɣur­i ?...

Bururu
(Tiɣwist) Hulululu

Sliman
Ad s­tiniḍ asiwel­agi­ines yusa­d seg useqqif n unekcum n
uxxam... Ilaq ad ḥṣuɣ, ilaq !

Bururu
(Zzhir n Bururu deg useqqif) Gerrr.

Sliman
D netta... Atan zdaxel n useqqif, la yi­yettraǧu... D nekk i la
yettraǧu… Qrib ad awḍeɣ ɣer tewwurt… Teccef­iyi­d tidi…
Tebda­yi­d tergigit… Tikkelt­agi ugadeɣ… Iḍarren­iw
ggumman ad ḥebsen… La yi­ṣṣawaḍen s leɛqel ɣur­s, d acu­t
iyi­d­yebdan ?... Leḥḥuɣ ɣer lmut ?... Leḥḥuɣ ɣer Bururu lweḥc
iqellɛen ulawen… Tura dayen ur zmireɣ ara ad ḥebseɣ… Ilaq
ad t­waliɣ, ad t­issineɣ, ad ẓreɣ d acu yebɣa... Acḥal i mazal
akken ad awḍeɣ ɣur­s ?... Ɛecra lmitrat ?... Ahat ad yili zdeffir
tewwurt yettraǧu melmi ara d­ḍilleɣ deg umnar, Sakin...
­ 191 ­
Bururu yeḥya­d

Sakin... (Ṭumubil teḥbes) D acu­tt ṭumubil­agi d­iḥebsen zdat­


i ?... Ah ?... Wagi d Smaɛil...

Smaɛil
(Yeldi­d tawwurt n ṭumubil, yessawal) Sliman ! Sliman ! Ɣiwel,
ɣiwel, rkeb di ṭumubil, ḥwaǧeɣ­k.

Sliman
D lxir kan ! D acu akka yeḍran a Smaɛil ? Udem­ik atan
yembaddal !

Smaɛil
Nniɣ­ak ɣiwel ! Ɣiwel ! Rrkeb di ṭumubil ad k­sfehmeɣ.

Sliman
Yeffeɣ­ik leɛqel ! Ur rekkbeɣ ara alamma tenniḍ­iyi­d d acu
akka yeḍran ?

Smaɛil
D mmi, d mmi, tḥuza­t ṭumubil, udem­is atan akk yexṣer.

Sliman
Aql­iyi­n. (Tqelleɛ ṭumubil s leɣṣeb armi yensa lḥess­is.
Ageffur, rrɛud, aḍu).

Bururu
(Izehher) Iruḥ ! Iruḥ ! Docteur Sliman, mmi­s n Professeur
Saad Ḥari iruḥ... Yuccag­iyi iḍ­agi... Ad d­uɣaleɣ... Ad d­
uɣaleɣ... Ih... Ad nemlil... Ad nemlil di sin... Iḍ­agi tmenɛeḍ...
Lameɛna ad d­uɣaleɣ, ilaq ad k­id­afeɣ a Docteur Saad Ḥari
Sliman mmi­s n Professeur Saḥari (Izehher) Professeur Saḥari
(Rrɛud, aḍu, ageffur) Ḥwaǧeɣ­k a Docteur Sliman... Tura mi
akka i k­id­ufiɣ, ur ak­berruɣ ara alamma nemlal d isin.

Asayes 12

(Aql­aɣ deg ubrid, deg yiḍ, ageffur).


­ 192 ­
Bururu yeḥya­d

Alemmetru
(I yiman­is) Tasaɛet qrib ad tendeh d ṭnac n yiḍ, tura imnezhen
ur ttɛeṭṭilen ara ad d­fɣen si l’Opera. (Nnehtat) Ad rreɣ
nwaḍer­agi tiberkanin ttuqqimen iderɣalen, ad ruḥeɣ ad rǧuɣ
ɣef tewwurt. Hatah dayen, anda akken tella tɛekkazt­nni ? Ah !
Hattan ufiɣ­tt­id... Ad ɣiwleɣ akken ad ṣṣiwḍeɣ qbel ma fɣen­d
akk lɣaci... Iḍ­agi ad ṣewreɣ aṭas iṣurdiyen. Mi ara ad fɣen
yemnezhen, ad iyi­d­walin d aderɣal, ttergigiɣ seg usemmiḍ,
ttraǧuɣ tin n Rebbi. (Ileḥḥu yesrejdil s tɛekkazt) Ah ! Ata dɣa
yiwen la d­ileḥḥu dih­in... La ttwaliɣ tili­ines… Arǧu tura ad
swejdeɣ iman­iw qbel ad yaweḍ, ad ẓleɣ tacabcaqt­agi deg
ufus­is, ahat ad tɣiḍeɣ, ad tt­id­yeččar d nṣib. (S ṣṣut ɛlayen) A
lmumnin ssadaqa ɣef wudem n Sidi Rebbi ! Lmaɛruf i uderɣal i
umi tɣab tafat ! Awit lḥasanat s tukci n yeqcer n weɣrum i win
yelluẓen. D acu­tt tikli­inna iss la d­ileḥḥu, Ad as­tiniḍ ur
yettnal ara lqaɛa, lḥess aẓayan yella. Neɣ d nwaḍar­agi ur
neṣfa ara ?... Meqqer, ɣezzif…Iɣallen­is ?... Yiwen iɛelleq ɣef
lǧetta­s wayeḍ, yesnefḍas­it ɣef yedmaren­is… Yewweḍ­d
(Iɛeggeḍ) Ur la ttwaliɣ ara, tafat n ddunit teǧǧa­yi, iḍ d wass
kifkif­iten, d iberkanen, d atmaten… D ṭṭlam. Ldit i yiman­
nwen tiwwura n lǧennet s ssadaqa i umeɣbun, ad ken­ɣiḍeɣ a
lmumnin ! (I yiman­is) Ileḥḥu­d lḥiḍ lḥiḍ… Tura yettban­d
ddaw tafat­inna iceɛlen n ubrid… D acu­tt ṣṣifa­agi ?

Bururu
(Izehher) Gerrr, gerrr, gerrr... Idammen... Ulawen...

Alemmetru
(Iyiman­is) D lweḥc ! Wagi d lweḥc ! (Iɛeggeḍ) La selleɣ i tikli­
k a bu tissas... La iyi­d­yeqqar wul­iw kečč d akrim. Wagi d
ṣṣirat n At laxart...

Bururu
(Yesseɣli­as tacabcaqt n timmetrit) Aẓ akin ! Aẓ akin ! Iḍ­agi ur
bɣiɣ ara ulawen ! tixxer zdat ! Tixxer !...

Alemmetru
(Yettergigi) Dayen, aql­iyi ṭṭaxreɣ, ṭṭaxreɣ !... Semmeḥ­iyi !...
­ 193 ­
Bururu yeḥya­d

Di leɛnaya­k semmeḥ­iyi !... Tufiḍ­iyi­d deg ubrid­ik ur


uḥtameɣ ! Ur k­walaɣ ara nekk d aderɣal !...

Bururu
D aderɣal... D aderɣal... Ruḥ akin qbel ad nedmeɣ, ad qelɛeɣ
ul­ik yettqudduren d idammen yeḥman...

Alemmetru
(Yettḥellil) Hatan, aql­i ṭṭaxreɣ, ɛeddi, ɛeddi... Allen­is d
tizeggaɣin... Anzaren­is, d aqamum... yeččur akk d rric...
Ifassen­is... Iḍudan ifassen­is, sɛan ajjaren am lemwas... Ṣṣifa­s
tcuba di Bururu. (Asrejdel d usṭenṭen n tɛekkazt di lqaɛa) Seg
wass­agi dayen timmetrit n yiḍ, dayen, dayen...

Asayes 13

Ɛaziz
Ih, ih umneɣ­k ! Umneɣ­k, tenniḍ­d telliḍ tleḥḥuḍ deg iḍ,
temmugreḍ lweḥc yeččur akk d rric, allen­is d tizeggaɣin, iɣil
azelmaḍ yesnefḍas­it ɣef yedmaren­is, iɣil ayeffus yeɛluleq ɣef
lǧetta­as niɣ akka ?

Alemmetru
Anɛam a si linspecteur akka i twalaɣ.

Ɛaziz
Amek i twalaḍ akk ayagi kečč d aderɣal ? Neɣ yettuɣal­ik­id
yeẓri n tmuɣli deg yiḍ ?

Alemmetru
(Ikukra) Ahh… axaṭer… Ihh…

Ɛmara
(Yeldi tawwurt) Alxir. (Yeɛḍes).

Ɛaziz
Ɛeslama a si Ɛmara.
­ 194 ­
Bururu yeḥya­d

Alemmetru
(I yiman­is) Ad kreɣ kan ad waliɣ amek ara snesreɣ iman­iw s
yagi. (Yerfeḍ ṣṣut­is) Lḥaṣul nekk ad ken­ǧǧeɣ ad ruḥeɣ.

Ɛaziz
Arǧu ! Arǧu ur ɣeṣṣeb ara iman­ik. Ini­as­d akk ayen iyi­d­
tenniḍ i si kumiṣar.

Ɛmara
Nwaḍer tiberkanin, taɛekkazt tamellalt, acu akka i la ixeddem
dagi uderɣal agi ?

Ɛaziz
Yesnaɛmal iman­is d aderɣal, yettmetra yettkellix i medden.

Ɛmara
Awi­d kan ur yettaker ara neɣ ad ixeddem deg wayen ara s­d­
yawin aɛaqeb. Tura ad yer iman­is d aderɣal neɣ d ameṛẓu, ur
aɣ­d­tuqeɛ ara lmeɛna. Nekni yella wayen nniḍen i ɣ­iceɣben.
Aha a Ɛaziz serreḥ­as, iḥres­aɣ lbiru.

Alemmetru
(Yefreḥ) Ziɣ ur tewwiḍeḍ ara d kumiṣar baṭel. Armi tesneḍ,
tfehmeḍ i kerran akka. Kečč meqqar tesneḍ d acu yeswa
weɣrum.

Ɛmara
Ṣaḥa, ṣaḥa tzemṛeḍ ad truḥeḍ, neɣ yella wayen tebɣiḍ ad
ternuḍ ?

Alemmetru
Ad rnuɣ, ih meɛlum ad rnuɣ...

Ɛaziz
Aha arnu­d ayen twalaḍ ay aderɣal ?

Ɛmara
(Yeɛḍes, yenser) D acu­t akka i iwala uderɣal a Ɛaziz ?
­ 195 ­
Bururu yeḥya­d

Ɛaziz
Iwala lweḥc, yemmuger­it deg yiḍ, icuba di Bururu.

Ɛmara
Amek ! Icuba di Bururu !

Alemmetru
Anɛam ih a si kumiṣar ! Icuba di Bururu, Lqed­is d asalas,
allen­is d tizeggaɣin, Ajjaren­is am ijenwiyen, ṣṣut­is d aweḥci
ad as­tini yeffeɣ­d seg at laxart iɣum akk s rric.

Ɛmara
Yenṭeq­d ɣur­k ?

Alemmetru
Yenṭeq­d ɣer ɣur­i s wezhar, yenna­k tixxer si zdat­i neɣ ma
ulac ad qelɛeɣ ul­ik yettqudduren d idammen.

Ɛmara
Anda i t­mmugreḍ ?

Alemmetru
Di tezniqt­nni ur nebɛid ara ɣef l’Opera, anda ufan aɛessas­nni
i d­sersen di lǧernanat yenɣa­t Bururu. (Yedduqqes) Bururu…
Bururu…

Ɛmara
D Bururu­nni i yenɣan aɛessas i temmugreḍ ! Ruḥ ad tessufɣeḍ
lweɛda. Ma yella iḍ agi izgel­ik... Iḍ nniḍen ?...

Alemmetru
Ayɣer aɛni mazal iḍ nniḍen ad d­yuɣal a si kumiṣar ? Win
iɛeddan d aneggaru.

Ɛmara
Tura tfehmeḍ, tekkes­ak tidderɣelt, tettwaliḍ. Akellex d lekdeb
di leɛmer srebḥen bab­nsen.

­ 196 ­
Bururu yeḥya­d

Ɛmara
(I yiman­is) Ayagi yeḍran akk di lqurub n wanda yezdeɣ
Docteur Saad Ḥari Sliman. Ayagi d ttbut i d yernan ɣer ttbut
belli yella wayen icerken Bururu d Docteur. D acu­t waya ? D
acu­t waya ?... Ilaq ad s­d­afeɣ iɣef­is. (I ulemmetru) Yya­d
tura keččini, ḍfer­iyi­d ɣer lbiru ḥwaǧeɣ­k.

Alemmetru
Yirbeḥ a si kumiṣar (Yeḍfer­it).

Ɛmara
Aha qim. Tenniḍ­d icuba di Bururu.

Alemmetru
Aql­i qqimeɣ a si kumiṣar, d acu tebɣiḍ daɣen ad t­id­rnuɣ
nnig wayen akk i wen­d­nniɣ.

Ɛmara
Nekni teḍra yid­neɣ am inaẓuran, nettɛawad i yimeslayen,
nḥemmel ad neḥfeḍ ayen i umi nsel akken ad necfu ur ntettu
ara tidet. Ihi, tenniḍ­d icuba di Bururu ?

Alemmetru
Yeččur d rric.

Ɛmara
Ayewwah, ur tteffreɣ ara fell­ak, ayen teẓriḍ d tidet, d lweḥc,
qqaren­as Bururu. Ineɣɣ s yir timenɣiwt, yettṛuẓu iɣsan n
yedmaren, iqelleɛ ulawen. Ayɣer i ineɣɣ, ur neẓṛi ara. Ayɣer ur
k­yenɣi ara ?... Ur fhimeɣ ara.

Alemmetru
Nekk fehmeɣ, akken ad semdeɣ tamɛic di ddunit­agi, ɣas akken
s tmerẓuga, aqli­yi ḍemneɣ­k a si kumiṣar ur mazal ara ad
ɛeddiɣ deg ubrid­nni la deg yiḍ la deg wass. Mmugreɣ­t,
walaɣ­t iwala­yi­d, ur iyi­yenɣi ara…

­ 197 ­
Bururu yeḥya­d

Ɛmara
Simi ɛawdeɣ tamuɣli d yiman­iw, imi ur k­yenɣi ara di
tazwara, tetḥeqqeḍ ur k­ineɣɣ ara tikkelt nniḍen ma yufa­k­id
di tezniqt­nni.

Alemmetru
Ɣas kkes aɣbel a si kumiṣar, ur mazal ara ad ɛeddiɣ di tezniqt­
nni.

Ɛmara
Ḥwaǧeɣ­k. Tura ad tettɛeddiḍ yal ass di tezniqt­nni... Ad
tettbeddaḍ... Deg yiḍ !

Alemmetru
Ur qebleɣ ara ! D lmut iyi­tbuddeḍ ? Ur k­ɣaḍeɣ ara a si
kumiṣar ?

Ɛmara
Imdanen am kečč ur ttuɣaḍen ara. Ɛacen s tkerkas d ukellex,
tettarraḍ iman­ik d aderɣal. D takerḍa i tettakṛeḍ leḥnana n
wulawen i txeddɛeḍ s laman n tidderɣelt.

Alemmetru
Di leɛnaya­k a si kumiṣar dayen ur d­rennu ara, ẓẓayet fell­i
teɛkemt. D acu tebɣiḍ tura ad xedmeɣ ?

Ɛmara
Ad aɣ­tɛiwneḍ, ahat yes­k timenɣiwin­agi ad ḥebsent.

Alemmetru
Amek akka, ad ken­ɛiwneɣ, yes­i ad ḥebsent tmenɣiwin ?

Ɛmara
Ad tettaɣeḍ awal­iw, ad txedmeḍ akk ayen ara k­d­iniɣ akken
ula d nekk ad amneɣ belli d tidet d aderɣal i telliḍ, ad yiḥnin
wul­iw fell­ak... Ad ak­d­iniɣ, aqli­yi si tura tḥeqqeɣ belli
Bururu ur k­ineɣɣ ara.

­ 198 ­
Bururu yeḥya­d

Alemmetru
I lemmer a si kumiṣar targi­agi­inek ad teffeɣ mxalfa ?

Ɛmara
Ma yenɣa­k, ɣas ini­d d nekk i k­yenɣan (Yeɛḍes, yenser).
Ayagi teḥṣiḍ ur ttɛemmideɣ ara.

Alemmetru
D acu tebɣiḍ ad t­xeddmeɣ ?

Ɛmara
Sel­iyi­d, ur tetti ara akk ayen ara k­d­iniɣ...

Alemmetru
Ṛuḥ kan a si kumiṣar ṛuḥ, taswiɛt­agi aqli la ken­selleɣ, mazal
wer ɛad mmuteɣ mazal.

Asayes 14

(Teḥbes­d ṭumubil).

Sliman
(Nnhati). Aql­aɣ newweḍ­d.

Smaɛil
Ad aliɣ yid­k ɣer lbiru ?

Sliman
Ala, ulayɣer a Smaɛil, mazal ad ɛeṭleɣ, sɛiɣ cɣel, ɣas qqel. Tura
kkes aɣbel, mmi­k at­an ɣef tizi n ḥellu. Ula d kečč teɛyiḍ seg i
ḥebbiṛen­agi iɛeddan, ilaq ad testeɛfuḍ.

Smaɛil
Amek ara ttuɣ lxir­ik a Sliman ? Lemmer mačči d kečč i d­
yelhan s ṣṣenf­agi ajdid n udawi, talli, ass­agi mmi ad iɛab
wudem­is s yir cwami i lebda.

­ 199 ­
Bururu yeḥya­d

Sliman
Uhhh, ula d kečč ad txedmeḍ am nekk, d Docteur i telliḍ.

Smaɛil
Ur ksibeɣ ara ṣṣenf n tussna­k. Ilaq ad yili wemdan d Docteur
akken ad d­yer s lexbar belli ulac timital­ik di lḥrfa­agi tajḍiṭ n
udawi n leǧruḥ. Tcubaḍ di baba­k, ahat tzemreḍ ad tifeḍ.
Leɛmer walaɣ aɛebbaj ifassen n udawi iṛeqɛen leǧruḥ ucmiten
am wiggad i d­as­teǧǧa laksida i mmi deg wudem­is.

Sliman
(Yeḍsa) Ṣaḥa, ṣaḥa a Smaɛil. Tasaɛet attan tura qrib ad taweḍ d
ṭnac n yiḍ, nniɣ­ak sɛiɣ cɣel di lbiru, maneqqim akka
nettembaddal imeslayen zdat tewwurt n uzniq, ad nawi tafejrit.

Smaɛil
D tidet, ihi ad ruḥeɣ. Yak ad n­tɛeddiḍ azekka ɣer laklinik

Sliman
Meɛlum, ad naseɣ ad nesfeqdeɣ awrit­ik.

Smaɛil
Ur ttɛeṭṭil ara aṭas iḍ­agi di lbiru. Ula d kečč teḥwaǧeḍ astaɛfu.
Ihi ar azekka (Tqelleɛ ṭumubil).

Sliman
(I yiman­is) Setta wuḍan aya, nekk ttaseɣ­d lweqt­agi. Ih,
ttɣimiɣ s ddemma di lbiru... Bururu yeggumma ad yesban
iman­is. D acu akka daɣen i la ttwali... Atan ulemmetru­nni la
d ileḥḥu…teqqel d lamoda, ala Alemmetru­agi i yettmetran di
ttnaṣfa n yiḍ deg ubrid yexlan… Yerna ala ussan­agi ineggura
i la tettwaliɣ itezzi da.

Alemmetru
Li Llah fi sabil Llah a lmumnin, ssadaqa ɣef wudem n sidi
Rebbi, lḥasanat ttawin­tent wid umi ḥnin wul… Lǧennet ad tt­
kecmen. Lillah fisabil llah a lmumnin, ssadaqa ɣef wudem n
sidi Rebbi.
­ 200 ­
Bururu yeḥya­d

Sliman
Ax, ṭṭef ay amɣar.

Alemmetru
Ad k­yernu Rebbi di lerbaḥ a mmi. Ad k­yekkes Rebbi ɛinttu. A
wer k­tḥaz teqriḥt. A wer temmagreḍ isennanen n ddunit. Ad
k­yer Rebbi d inijjel, anda teẓẓiḍ ad tt­aɣeḍ. Ḍemneɣ­k ma
yeḍmen­ik uḥnin, anda teddiḍ ad tafeḍ d luḍa. Taɛebbuḍt
terwa, tazagurt telsa.

Sliman
Di leɛnaya­k a baba amɣar, ur fhimeɣ ara. Ayɣer tettmetṛaḍ
ttnaṣfa n yiḍ medden akk ṭṭsen ?

Alemmetru
D aderɣal i lliɣ a mmi, iḍ d wass nekk ɣur­i ur mxallafen ara.
Melmi nnudmeɣ ad ṭṭṣeɣ, melmi lluẓeɣ ad ččeɣ. (Yesderduf s
tɛekkazt­is).

Sliman
(I yiman­is, yettali tiṭrejtin). Awwah, alemmetru­agi yedderɣel
am nekk. Wer ɛad ẓleɣ afus­iw ɣer­s, yeccelqef­iyi ṣṣeṛf. Yaxxi
ddunit i deg d­negra, yaxxi kra lqum i nettwali. Yal yiwen d
acu n txidas i d­yettawi akken ad iɛic. Ayagi akk akken ur
yessaɛtab ara iman­is s uxeddim, ur yettḥulfu ara s tidi
tettazzal fell­as (Icukk) I ma yella mačči d aderɣal n tidet,
Iwala mačči d tazniqt anda ara yemter, deg yiḍ, ulac deg­s
imdanen, ihi d acu­t ? Anwa wagi ? D acu i ixeddem dagi ?
Neɣ yettraǧu albaɛ yettɛassa­t ? (Yeldi tawwurt).

Bururu
(Izehher) Docteur Sliman !...

Sliman
(Yedduqqes) Bururu !

Bururu
Lliɣ ttraǧuɣ­k deg tseqqift­agi, rǧu ad n­kecmeɣ, ṣekker tura
­ 201 ­
Bururu yeḥya­d

tawwurt (Iṣekker tawwurt) Aql­aɣ waḥḥed­neɣ… Weḥḥed­


neɣ… Di sin !

Sliman
(S leɛqel) Ihi d kečč i d Bururu ?... (I yiman­is) Ur ɣliḍen ara
widen i t­yeẓran, nnan­d belli d lweḥc… Teɣzi ɣezzif… Allen­
is d tizeggaɣin… Aqamum yemɣi­d deg umkan n wanzaren…
Accaren am lemwas… yeččur akk d rric…

Bururu
Ur tugadeḍ ara a Docteur Sliman ?

Sliman
Ḥṣiɣ ur d­tusiḍ ara ad iyi­tenɣeḍ akken ad k­aggadeɣ !

Bururu
Ssefhem­iyi­d amek teḥṣiḍ ur d­usiɣ ara ad ken­nɣeɣ ?

Sliman
Tili tenɣiḍ­iyi uqbel, sehleɣ­ak. Ur iyi­tenɣiḍ ara tella ssebba, d
acu­tt ?

Bururu
Kečč d ṭṭbib, d tagi i d ssebba

Sliman
Llan ṭṭebba nniḍen, ayɣer d nekk i textareḍ ? D acu i tebɣiḍ
ɣur­i ?

Bururu
Kečč mačči am wiyaḍ… Ttnadiɣ tussna n lḥirfa n ṭṭebb i k­d­
yeǧǧa baba­k, i tḍefreḍ keččini akken ad s­tesnerniḍ.

Sliman
Tussna n ṭṭebb i yi­d­yeǧǧa baba ?

Bururu
Anɛam ih, lɛilm­ik, ḥwaǧeɣ­t ! S tussna n lɛilm ixulfen tiyaḍ n
­ 202 ­
Bururu yeḥya­d

baba­k Saad Ḥari i qqleɣ ass­a d lweḥc, ḥala kečč i d­iwerten


tussna­s ara yi­d­yerren am akken lliɣ zik d amdan, bɣiɣ ad
qqleɣ d nekk, ad qqleɣ ɣer laṣel­iw ! Ɣer laṣel­iw !

Sliman
Lameɛna ur sɛiɣ ara tussna tameqqrant n baba… D tidet
lemmer ḥṣiɣ amek tili ad xedmeɣ akk ayen yellan di tezmert­iw
i wakken ad reqqɛeɣ leɣlaḍ n baba… Lakin amek ! Amek !

Bururu
(Izehher) Docteur Sliman… Ḥṣiɣ zemreɣ ad sɛuɣ deg­k laman
mi akka i yi­teẓriḍ, twalaḍ ayen yexdem baba­k deg­i, qqleɣ d
lweḥc i d­yeṣneɛ baba­k deg­i, ur yetthenna ara lxaṭer­ik
alamma tufiḍ­d amek ara yi­d­terreḍ d amdan (Izehher) S
ṣṣifa­w n zik n tjaddit (Izehher).

Sliman
(Yewhem) D acu akka i k­yuɣen a Bururu ?

Bururu
Ur ttɛeṭṭileɣ ara ad ruḥeɣ… Ad ruḥeɣ ! La ttḥussuɣ i yiman­iw
qrib… Qrib ad ttuɣ iman­iw, ad ttwaɣelbeɣ u ad nɣeɣ… Ul…
Ul… Cedhaɣ aqlaɛ n wul… Docteur Sliman, kečč d lɛalem
ameqqran ! Nadi ! Nadi ! Amek ara yi­d­terreḍ d amdan… Di
leɛnaya­k… Di leɛnaya­k… (Izehher) Ad ruḥeɣ… Ad ruḥeɣ…
(Yiɣwist n Bururu).

Sliman
(Yessawal) Bururu ! Bururu ! Bururu ! (I yiman­is) D ayen
iruḥ, ineggez si ṭṭaq, la yettnadi tura ɣef laṣel­is, yelzem ad d­
afeɣ amek ara t­rreɣ d amdan… Ad bduɣ anadi di tektabin n
baba anda yura akk lɛilm­is i d­yeǧǧa deg uxxam yuɣ di leɛzib
s ddemma akken ad ikemmel anadi di tussna­s tajdidt n ṭṭebb.

Alemmetru
(Yuggad) Ala ! Ala ! Ruḥ fell­i… Tixxer­iyi… Tixxer­iyi
(Tiɣwist, tasusmi)

­ 203 ­
Bururu yeḥya­d

Sliman
(Yuggad) Amɣar­nni yettmetran, bla ccek yenɣa­t Bururu
(Yuzzel deg teṭrujin, yessawal berra) Bururu ! Bururu !

Bururu
(Tiɣwist n lferḥ) Yemmut ! Yemmut ! Idammen… ! Idammen !
Ttqudduren yidammen yeḥman ! Ḥman ! Nɣiɣ­t ! Yemmut…
Ur zmireɣ ara ad qqimeɣ war ma qelɛeɣ­d ul n umdan mi ara
yi­d­taweḍ tisselbi­nni taweḥcit… Ɣef wayagi i la ttnadiɣ a
Docteur Sliman win ara yi­d­yerren d amdan akken ad ishileɣ
i lmut ! I lmut­iw nekk ! S lɛejlan xdem kullec i wakken ad d­
tafeḍ amek ara mmteɣ d bunadem ! Ɛiwen­iyi di lmut­iw, ur
iyi­ttaǧǧa ara akka !

Sliman
Aql­i si tura a Bururu ad bduɣ anadi di tektabin d yittafttaren i
yura baba akken ad d­afeɣ ayen akken i tettmenniḍ…

Bururu
Umneɣ­k… Tura ḥulfaɣ i yiman­iw fessuseɣ… Ad ruḥeɣ… Ur
ttɛeṭṭileɣ ara ad d­uɣaleɣ ɣur­k a Docteur Slimane.

Sliman
(I yiman­is) Ula d nekk ad kkreɣ ad kecmeɣ ɣer lbiru uqbel ma
iḍall­d walbaɛḍ ad iyi­d­yaf zdat umerḥum. Ifut lḥal !
Ṭumubil­inna i d­yewwḍen ur zmireɣ ara ad sdergeɣ iman­iw,
bla ccek bab­is iwala­yi­d s lefnar­is i iceɛlen (Ṭumubil teḥbes)
D la police ayagi, la ttwaliɣ d kumiṣar Ɛmara d l’inspecteur
Ɛaziz.

Ɛaziz
(Iṣubb­d si ṭumubil) Anwa wagi i yeẓẓlen di lqaɛa ?

Ɛmara
D lmeyyet yemmuten am wiyaḍ, ur twalaḍ ara yeẓẓel di terga n
yidammen a Ɛaziz ? Cɛel taftilt ad d­iban anwa.

­ 204 ­
Bururu yeḥya­d

Ɛaziz
Arǧu ad d­ddmeɣ taftilt si ṭumubil. Wagi yemmuten, idmaren­
is ldin ul­is yettwaqleɛ.

Ɛmara
D Bururu i t­yenɣan ! Wagi yemmuten d aderɣal­nni n lekdeb
yettmetran, yemmut zdat uxxam anda yemmut uɛessas. Zdat n
uxxam anda yella lbiru­inek a Docteur Sliman ! D acu ara
tiniḍ deg wannect­a ? Bururu yebda la yettaɣ tannumi, yeqqel
am tzizwit yettqelliben taɣrast n tament.

Sliman
Ur walaɣ ara d acu ara k­d­iniɣ a si Ɛmara, d kenwi i d la
police.

Ɛmara
Docteur Sliman tenniḍ­d tidet, d nekni i d la police, d acu i
telliḍ txeddmeḍ lweqt­agi deg uzniq zdat umerḥum ?

Ɛaziz
Ad xebbreɣ le commissariat i wakken ad d­ceyyɛen
l’ambulance akked ṭṭbib.

Ɛmara
(Yeɛḍes) L’ambulence ad d­tas ad terfed lmeyyet, ṭṭbib ur
yezmir ara ad t­id­yeḥyu ! Eǧǧ­iyi­d tamucwart­ik a Ɛaziz
uqbel ad truḥeḍ.

Ɛaziz
Yirbeḥ ! Ax, attan !

Ɛmara
Awi­d akka (Yeɛḍes) D acu i tenniḍ a Docteur Sliman ? Sɛiɣ
lḥeqq ?

Sliman
(Yezha) Tesɛiḍ lḥeqq a si kumiṣar, ul­is yettwaqleɛ, ur yezmir
ara ad iɛic bla ul !
­ 205 ­
Bururu yeḥya­d

Ɛmara
Aha a Ɛaziz, ruḥ ɣer ccɣel­ik, nekk ad qqimeɣ cwiṭ ɣur
Docteur Sliman.

Ɛaziz
Yirbeḥ a si Ɛmara.

Ɛmara
Mazal ur ɛad i yi­d­twaǧbeḍ a Docteur, steqsaɣ­k d acu i la
txeddmeḍ dagi ?

Sliman
Lliɣ di lbiru, sliɣ­d i yisuɣan, ḍalleɣ­d si ṭṭaq…

Ɛmara
Twalaḍ­d amerḥum akked win i t­yenɣan !

Sliman
Ala ! Walaɣ­d kan amerḥum­agi yeẓẓel di lqaɛa weḥd­s,
uzzleɣ­d… Ufiɣ­t­id…

Ɛmara
Tufiḍ­t­id yemmut ! Win i t­yenɣan iruḥ yessrafeg am ufrux…
Am Bururu !

Ɛaziz
Dagi d Albatros 13, la ssawaleɣ i la brigade criminelle.

Ɛmara
(Yeɛḍes) Ah ! tenɣa­yi la sinusite­agi.

Sliman
Ur iyi­d­ssutur ara tamucwart.

Ɛmara
Tamucwart i yi­d­yerḍel Ɛaziz teḥwaǧ tarda (Yeɛḍes, yezɛef)
Ɛaziz ! Ɛaziz !

­ 206 ­
Bururu yeḥya­d

Ɛaziz
Aql­i dagi zdat­k a si Ɛmara, mazal ur ruḥeɣ ara !

Ɛmara
Ur k­walaɣ ara ! Llant kra n tikkat, ad s­tiniḍ tettuɣaleḍ zdat­i
d aruḥani, ur tesɛiḍ ara tamucwart tis snat ? Ass­agi yeṭṭuqqet
fell­i uɛḍas.

Ɛaziz
Kfant a si Ɛmara. Tnac i d­uɣeɣ ddurt­agi iɛeddan, tewwiḍ­tent
merra, ur ɛad i yi­d­terriḍ ula d yiwet, tameṭṭut­iw tewhem
amek i la k­ttruḥunt kan akka ?

Ɛmara
(Yezɛef) Imi ur d­tewwiḍ ara yid­k timucwarin d acu i la
txeddmeḍ zdat­i ? Ah ? Ruḥ ɣer ccɣel­ik !

Ɛaziz
(Yezha) Lliɣ di ccɣel­iw a si Ɛmara, d kečč i yi­d­yessawlen…
Ihi aql­i ruḥeɣ.

Sliman
Si kumiṣar, ma teḥwaǧeḍ tamucwart, llant di lbiru, ddu­d yid­i

Ɛmara
(Yeɛḍes) Maɛlum ad dduɣ yid­k ! Mačči kan ɣef tmucwart,
dagi d azniq, di lbiru­inek ad nili weḥḥed­neɣ, ad nemsteqsi,
aha zwir zdat­i (Ulin tiṭrejtin).

Asayes 15

Sliman
Aql­aɣ newweḍ­d a si kumiṣar, atan ukersi zdat­k, qim.

Ɛmara
Ihi dagi i la tettdawiḍ ?

­ 207 ­
Bururu yeḥya­d

Sliman
Anɛam ih dagi i la ttdawiɣ. Ini­yi­d tura d acu i tebɣiḍ ad t­
teẓreḍ !

Ɛmara
Uqbel, anda tella tmucwart i yi­d­tenniḍ ?

Sliman
D tidet, tamucwart ad k­tt­id­awiɣ, ur ttuɣ ara (Yeldi leqjer)

Ɛmara
Ttɣawal uqbel ad ffunezren wanzaren­iw, ad yeṭṭerḍeq
uqerru­w.

Sliman
Atan wwiɣ­d snat.

Ɛmara
Akken ay axir, ad ten­ḥwiǧeɣ di snat ! (Yeɛḍes) Tura zemreɣ
ad d­rreɣ nnefs… (Ikukra) Iḍher­ak lḥal timucwarin­agi…

Sliman
Ḥṣiɣ, ad iyi­tent­id­terreḍ am tiyaḍ akk asmi ara yirident, am
tiyaḍ­nni i la tettawiḍ.

Ɛmara
Acḥal i ḥemmleɣ wigi ifehhmen bla leɛtab ! Nekk yid­k
nemsefham deg waṭas n lumur.

Sliman
Matalen a si kumiṣar.

Ɛmara
Nemsefham ɣef tidet bla tuzzya.

Sliman
Kečč d abulis, d ameckak, nekk d ṭṭbib, ttxayaleɣ leɣlaḍ­ik,
amek i tebɣiḍ ad nemsefham ?
­ 208 ­
Bururu yeḥya­d

Ɛmara
Kečč d ṭṭbib a Sliman, waqila tettɣummuḍ timẓin s walim !

Sliman
(Yefreḥ) Twalaḍ amek i la tettɛummuḍ di leɣlaḍ a si kumiṣar !

Ɛmara
Akken ur tezzreɣ ara, sseḥfeḍ­iyi lɛum di temda n tidet !

Sliman
(Yeskeɛrir) Ad k­d­ɛiwdeɣ ayen i k­d­nniɣ, dima d tidet, lliɣ
xeddmeɣ dagi di lbiru­inu, sliɣ i usuɣu s azniq, uzzleɣ­d ɣer
ṭṭaq, walaɣ­d yiwen yeẓẓel di lqaɛa, ṣubbeɣ­d, ufiɣ­t­in
yemmut, ifut lḥal.

Ɛmara
Ur twalaḍ ara albaɛḍ nniḍen ?

Sliman
Ala ! Ur walaɣ ula d yiwen. Ayagi wuǧbeɣ­k­id fell­as uqbel.

Ɛmara
D tatut ! Nekk tettuɣ, tteḥwiǧiɣ asmekti (Ileḥḥu) Dagi i telliḍ
mi tesliḍ i usuɣu ?

Sliman
Anɛam dinna ! Qqimeɣ ɣef lbiru.

Ɛmara
Aywah ! Si lbiru ɣer ṭṭaq ad ilint rebɛa lmitrat akka ?

Sliman
Akka, rebɛa lmitrat neɣ ahat ur wwiḍent ara.

Ɛmara
Tesliḍ i usuɣu, tuzzleḍ­d din ɣer ṭṭaq !

­ 209 ­
Bururu yeḥya­d

Sliman
Ih ! Akka.

Ɛmara
Ṭṭaq yella yeldi neɣ iṣekker ?

Sliman
D asemmiḍ, yella iṣekker.

Ɛmara
Yeshel i ulday neɣ xaṭi ?

Sliman
Yeshel, iteldi s sshala.

Ɛmara
Ṭṭaq d wagi !

Sliman
D winna.

Ɛmara
(Yeldi ṭṭaq) D tidet yeshel i ulday.

Sliman
Ur ɛad fhimeɣ sani i rran yisteqsiyen­agi !

Ɛmara
D aḥfaḍ i bɣiɣ ad iyi­tesḥefḍeḍ aɛummu di temda n tidet.
Qerreb­d akka ɣer ṭṭaq.

Sliman
(Yuẓ) Aql­iyi­n.

Ɛmara
La tettwaliḍ ssyagi am nekk abrid anda yeẓẓel lmeyyet ? Atan
ɣezzif ! Acḥal n lmitrat i yellan di teɣzi qbel ad yenneḍ ?

­ 210 ­
Bururu yeḥya­d

Sliman
Meyya lmitrat, neɣ akter cwiṭ !

Ɛmara
Ad d­nini meyya lmitrat, am akka la d­yettbin, ulac abrid
nniḍen i t­id­igezmen di tlemmast ?

Sliman
D tidet, ulac.

Ɛmara
Ṭṭaq­agi inek yekcef­d abrid­agi s teɣzi­s ! (Yeɛḍes, yenser)
Docteur Sliman, ur fhimeɣ ara !

Sliman
D acu i ur tefhimeḍ ara a si kumiṣar ?

Ɛmara
Ur fhimeɣ ara amek mi tesliḍ kan i usuɣu, din, tuzzleḍ rebɛa
lmitrat si lbiru­inek ɣer ṭṭaq, teldiḍ­t s sshala, tḍalleḍ s abrid i
yettwakecfen s meyya lmitrat di teɣzi, ur d­telḥiqeḍ ara ad
twaliḍ win yenɣan, ssefhem­iyi­d d acu­t wagi, d lebraq ? Ur
fhimeɣ ara a Docteur ! Ur fhimeɣ ara ! (Yeɛḍes) Ɛerqent­iyi
tmucwarin­nni i yi­d­tefkiḍ a Docteur ! (Yeɛḍes daɣen).

Sliman
(Yezha) Yiwet attan deg lǧib­ik aẓelmaḍ n ubaṭu­k, tayeḍ attan
deg ufus­ik ayeffus.

Ɛmara
(Yefferfec) D tidet, allen­ik ṣeḥḥant, ttwalint, ur zgilent ula d
kra. Aql­iyi wehmeɣ, tewwi­yi lbaɣa, amek ur twalaḍ ara win
yenɣan mbeɛd din kan mi tuzzleḍ rebɛa lmitrat ɣer ṭṭaq deffir
usuɣu i tesliḍ ? Ayagi ma yella d tarewla s ṭumubil, ad tt­
tessiwḍeḍ s tmuɣli mazal ur ɛad tḍal i tuzzya n tezniqt
tamezwarut.

­ 211 ­
Bururu yeḥya­d

Sliman
Ur fhimeɣ ara d acu i tebɣiḍ ad d­tiniḍ a si kumiṣar.

Ɛmara
Ḥṣiɣ teẓriḍ d acu i bɣiɣ ad d­iniɣ a Docteur Sliman, teḥṣiḍ
neḥṣa akk anwa i yenɣan alemmetru ! D Bururu ! Amek ur t­
twalaḍ ara, tessebleɛ­it tmurt ? Yefsi d abbu ? Neɣ ahat yeqqel
d aruḥani ?

Sliman
Nniɣ­ak ur fhimeɣ ara sani i rran yisteqsiyen­agi­inek a si
kumiṣar, ad s­tiniḍ tebɣiḍ ad iyi­d­tessukseḍ lekdeb !

Ɛmara
Cukkeɣ akk medden (Yeɛḍes) Tenɣa­yi la sinusite­agi ! Ad s­
tiniḍ d ccemma i la iɣeẓẓen deg wanzaren­iw (Yenser) Kečč d
ṭṭbib, tettnadiḍ aṭṭan n yimuḍan, nekk la ttnadiɣ aṭṭan n taluft­
agi a Docteur Sliman ! Yal yiwen d acu n lmal i la ikess,
lameɛna ilaq ad nemɛawan, tlaq tiddukla ! Lemmer lliɣ d
amuḍin, d nekk ara k­d­yinin d acu i ttḥussuɣ iḍurr­iyi i
wakken ad iyi­d­tafeḍ ddwa, kečč tura d amuḍin­inu,
teggummaḍ ad iyi­tɛiwneḍ s wayen i twalaḍ !

Sliman
Nniɣ­ak­d ayen walaɣ a si kumiṣar, neɣ tebɣiḍ ad iyi­tesḥefḍeḍ
ad skiddibeɣ ?

Ɛmara
Lekdeb, teskaddbeḍ ! Ur ḥṣiɣ ara ayɣer lameɛna teskaddbeḍ.
Alemmetru yemmut, nekk la ttnadiɣ win i t­yenɣan… Later­is
anda yella.

Sliman
Lemmer ad tkemmleḍ akka, tura kan ad d­tessfruḍ belli ttekkaɣ
di lmut­is.

Ɛmara
Lemmer cukkeɣ tettekkiḍ di lmut­is, yili di lbiru n kumiṣarya
­ 212 ­
Bururu yeḥya­d

ara yi­d­twaǧbeḍ ! Imi ur walaɣ ara amek i tzemreḍ ad terẓeḍ


iɣsan n yidmaren n bunadem u ad d­tqelɛeḍ ul­is s ufus­ik.
(Yeɛḍes).

Sliman
(Yecmumeḥ) Ifassen­iw d adawi i la ttdawin. Qudreɣ tagallit i
ggulleɣ di lemqam n ṭṭebb zdat n wudem i Hypocrate asmi i d­
rebḥeɣ Arraz n ṭṭeb.

Ɛmara
(Yenser) Ifassen­ik banen, mačči d widen i itekksen lerwaḥ,
lameɛna allen­ik ? D asedreg i ssedragent mačči d asenɛet i la
ssenɛatent.

Sliman
(Nnhati uqelleq) Mazal­ik di leɣlaḍ a si kumiṣar. Amek, ad d­
yas di ddhen­ik ad waliɣ win yenɣan u ad t­ṣṣreɣ ?

Ɛmara
D ayagi i la ttnadiɣ ula d nekk ad t­fehmeɣ. Ayɣer i ddreɣlent
wallen­ik mi twalaḍ Bururu yenɣa u tɛemmdeḍ ad aɣ­
tesɛerqeḍ lǧerra­s ?

Sliman
Tura a si kumiṣar atan tzegreḍ tilas­nni i k­d­iḥudd lqanun.

Ɛmara
Lemmer ad d­afeɣ amek ara tebɛeɣ lǧerra n Bururu, ad
ɛemmdeɣ ad ɛeddiɣ i tilas.

Sliman
Semmeḥ­iyi a si kumiṣar, bdiɣ la ɛegguɣ, la ttnuddumeɣ,
azekka ṣṣbeḥ zik ilaq ad d­akiɣ, llan imuḍan i la yettraǧun.

Ɛmara
Yirbeḥ a Docteur Sliman, tura kan ad k­ǧǧeɣ, ad ruḥeɣ, ur
qebbleɣ ara ad iliɣ d ssebba n yimuḍan ur nḥellu ara imi iḍ­agi
sseɛyaɣ­k s yisteqsiyen­inu (Timserrit) Docteur Sliman, Bururu
­ 213 ­
Bururu yeḥya­d

ssneɣ­t zik­nni, timital­is ulac­itent, mazal ad ineɣ, yuɣal­d,


yeḥya­d, yenɣa aqjun, yenɣa aɛessas, yenɣa alemmetru, tura
anwa nniḍen umi ara d­tṣaḥ nnuba ? Kečč ? Nekk ? (Yeɛḍes)
Kra ara nɛeṭṭel ur t­nḥebbes ara, netta ad irennu ad yetseqqi
abrid­is s yidammen n wid umi i d­yeqqleɛ ul­nsen, ḥader kan
ad tiliḍ kečč d ssebba imi t­twalaḍ ! Aql­i ruḥeɣ !

Sliman
(Yessawel) Si kumiṣar !

Ɛmara
(Si lebɛid) Yella wayen i d­temmektiḍ ?

Sliman
(S lmeɛna) Cukkeɣ alemmetru­nni ur yedderɣel ara, ad yili d
aqareɛ i la yettqaraɛ dagi, yufa­t­id Bururu, yenɣa­t. Ɣas
uqqem anadi ɣef tɛessast­agi i yellan d ssebba n lmut­is, wagi
yuklal aɛaqeb.

Ɛmara
(Yenneḥcam) Nniɣ­ak aql­i ruḥeɣ (Yerra tawwurt)

Sliman
(I yiman­is) Iruḥ yerfa, yeḥṣa ḥṣiɣ d netta i t­id­iweṣṣan, tura
imi yemmut, yendem u la iɣeẓẓ aksum­is, di taluft­agi n
Bururu ad t­ɛiwneɣ d tidet, lameɛna mačči akken yebɣa…
Bururu ilaq ad yettwakkes s lḥirfa d tussna n ṭṭebb i t­yerran d
lweḥc, ayagi d ccɣel­iw nekk mačči i la police umi ara t­id­
kecfeɣ akken ad yebdu timenɣiwin d tirni, yiwen ur yezmir ad
t­id­iqareɛ, acḥal i la ssarameɣ ad awḍeɣ lebɣi­w i wakken ad
sefḍeɣ leɣlaḍ n baba, leɣlaḍ iss d­yerra amdan d Bururu, lweḥc
iqellɛen ulawen. (Tiɣri n baba­s, rrɛud, aḍu).

Tiɣri n Saḥari
Ayagi i tettmenniḍ a mmi ad t­tawḍeḍ ! Ul­ik imal ɣer tussna n
ṭṭebb ɣlayen, yesɛan azal wessiɛen, lqayen am lebḥer ur iqeṭṭeɣ
umdan s tmusni… La tessutureḍ ad tsefḍeḍ leɣlaḍ­iw… Nadi…
Nadi… Di tussna, d nettat ara k­d­yefken leslaḥ iss ara tḥaṛbeḍ
­ 214 ­
Bururu yeḥya­d

Bururu ad yettwikkes, ad tebsen tazzla n yidammen, ruḥ a mmi


ruḥ, aql­i yid­k i lebda tedduɣ yid­k… Yid­k… Yid­k…

Sliman
Ad s­tiniḍ d tiɣri n baba umi sliɣ, yenṭeq­d seg at laxert. Bla
cekk rruḥ­is ur ɛad yufi lehna.

Asayes 16

Ɛmara
(I yiman­is, yezɛef) Yeskaddeb ! Ayɣer yeskaddeb ? Yeḥṣa d
nekk i yeṣṣamren alemmetru ɣef tɛessast. D tidet, d nekk i
yellan d ssebba n lmut­is, ur yethennay ara wul­iw alamma
rriɣ­d ttar­is.

Ɛaziz
(Yeldi tawwurt) Alxir a si Ɛmara.

Ɛmara
Ɛeslama a Ɛaziz.

Ɛaziz
Iban teɛyiḍ !

Ɛmara
Ussan­agi a Ɛaziz naddam iɣunfa­yi, ur iyi­d­mazal aṭas ad
ffɣeɣ la retraite, ad rtiḥeɣ si tyersiwin­agi n lxedma­nneɣ. Ass­
agi Bururu…

Ɛaziz
Bururu yeḥya­d !

Ɛmara
Yeḥya­d deg lweqt ideg i d­yufa allaɣ­iw yessisin deg usteɛfu i
la t­yettraǧun. Lweḥc­agi mbaɛd mi nɛudd yemmut, yuɣal­d
yessefcel­iyi a Ɛaziz (Nnhati) Tura aṭas ara yeḍsen di kumiṣar
Ɛmra. Imezdaɣ n temdint­agi zik nnumen lehna, tura tekcem­
­ 215 ­
Bururu yeḥya­d

iten tugdi, la ttraǧun ad kkseɣ Bururu, nekk di teswiɛt­agi ur


zmireɣ i kra (Yezɛef) Fecleɣ a Ɛaziz, ɛyiɣ, lmux­iw yefsi,
kkaweɣ.

Ɛaziz
Tɣelḍeḍ a si Ɛmara, mazal­ik kan am zik, ur ttɛemmid ara ad
k­ternu treswiɛt, kemmel di lxedma­k alamma tsefḍeḍ later n
Bururu akken ad ḥṣun yimdanen belli mazal kumiṣar Ɛmara d
ẓẓerb, d aɛdaw n wid ineɣɣen, yexḍan lqanun, ayagi alamma d
asmi ara teffɣeḍ ɣer la retraite, nekni ad k­nɛiwen !

Ɛmara
Ṣaḥḥa a Ɛaziz ! Tikkelt­agi ḥusseɣ i yiman­iw ttwaɣelbeɣ,
Bururu ad d­yeffeɣ di ṭṭlam, ad ineɣ, u ssyin ad t­tessbleɛ tagut.

Ɛaziz
Yella ujdid i taluft­agi !

Ɛmara
Yella ujdid ? D acu­t akka i teḥṣiḍ nekk la ttraǧuɣ ad t­ḥṣuɣ ?

Ɛaziz
Anda yemmut ulemmetru, yella win yeslan mi isuɣ.

Ɛmara
Docteur Sliman yesla­yas, iwala.

Ɛaziz
Yella wayeḍ i s­yeslan !

Ɛmara
Anwa wagi ?

Ɛaziz
Wwiɣ­t­id yid­i, ad t­id­skecmeɣ, ad tfehmeḍ (Si lebɛid, yeldi
tawwurt yessawel) Ɛeddi­d, ɛeddi­d, kcem­d.

­ 216 ­
Bururu yeḥya­d

Ɛmara
Ayɣer akka i tessawleḍ s isuɣan ?

Ɛaziz
Akken ad d­isel, ixuṣṣ timesliwt.

Ɛmara
Tura terwi !

Aɛeẓẓug
(Iɛeggeḍ) Dagi i d lbiru n kumiṣar ?

Ɛaziz
Ih dagi !

Aɛeẓẓug
Amek ? Ur sliɣ ara !

Ɛmara
(Iɛeggeḍ) D wagi i d lbiru iɣef la tettnadiḍ, d nekk i d kumiṣar.
Atan ukersi, qim tiniḍ­aɣ­d d acu i twalaḍ (Yetsusu).

Aɛeẓẓug
Acu n tmara i k­yerran ad tɛeggḍeḍ armi i k­id­teḥreṣ tusut ?
Atan lehnak­ik bɣan ad ṭṭreḍqen si tezweɣ, udem­ik yellexs si
tidi, ax tamucwart ad tsefḍeḍ.

Ɛmara
(Yezɛef cwiṭ) Ur ḥwaǧeɣ ara tamucwart­ik… Neɣ awi­tt­id
akka ! Aywah ! (Yenser, i yiman­is) D aɛeẓẓug­agi ara yi­
yeldin tiwwura n tisselbi

Ɛaziz
(Iɛeggeḍ) Aha ihi ! ini­as­d i kumiṣar ayen akken i yi­d­tenniḍ.

Aɛeẓẓug
(Yetqelleq) Yah… Ihi a sidi yerḥem lwaldin… Yak kenwi
tsellem ? Ur tɛuẓẓgem ara akka am nekk ?
­ 217 ­
Bururu yeḥya­d

Ɛmara
(Iɛeggeḍ) Ass­agi ur nettemsefham ara alamma nesnejmaɛ­d
merra lɣaci !

Aɛeẓẓug
(Iɛeggeḍ) Susem tura keččini ! Ihi imi wen­d­nniɣ tanezduɣt­
iw ur tebɛid ara ɣef umkan anda yemmut ulemmetru­nni…
Uqbel, si ṭṭaq walaɣ­d ṭumubil teḥbes, yers­d Docteur Sliman,
ssneɣ­t, win i t­id­yewwin d ameddakel­is, yennum yettas­d
ɣur­s… Yak la d­tsellem ?

Ɛaziz
La k­nsell, la k­nsell, kemmel awal­ik !

Aɛeẓẓug
Asmi tqelleɛ truḥ ṭumubil­nni, Docteur Sliman iqerreb ɣer
ulemmetru­nni qbel ad yemmet, ad yili iṣeddeq­as kra n nnṣib,
u ssyin yekcem s axxam, yuli ɣer lbiru, walaɣ mi yecɛel taftilt,
alemmetru­nni ur ibeddel ara amkan, yeẓẓel iman­is deg
uzniq, yerna asemmiḍ. Atan iɛedda kra n lweqt, walaɣ iḍall­d
ssiraṭ n at laxert annect usalas, d aberkan yeččur akk d rric,
bdiɣ la ttergigiɣ, d lweḥc, yak tumnem ayagi ?

Ɛmara
Nnumen, nnumen, kemmel kan ur ḥebbes ara.

Aɛeẓẓug
Alemmetru­nni yellan d aderɣal, yeqqel yettwali am kenwi d
nekk, yerna deg yiḍ. Ruḥet tura ad tamnem ddunit.

Ɛaziz
Aha ! Ur ttbeddil ara awal.

Aɛeẓẓug
Imi iwala winnat­nni, alemmetru­nni yettwexxir d
timendeffirt, ma d lweḥc­nni yettaẓ ɣur­s, afus­nni yesɛan
ajjaren yerfed­it s igenni isuɣ, ya laṭif, asuɣu n Bururu icuban
di zzhir n umdan.
­ 218 ­
Bururu yeḥya­d

Ɛaziz
Ur ḥebbes ara, mmeslay, mmeslay, la k­n­selleɣ.

Aɛeẓẓug
Bururu yeḥres alemmetru­nni ɣer lḥiḍ, yewwet­it icerreg­as
akk idmaren­is, yenɣa­t. Qqimeɣ ɛɛuggneɣ… Dɣa atan yuzzel­
d Docteur Sliman yenṭeq ɣer Bururu.

Ɛmara
(Yetḥeyyer) Amek ? D acu i d­tenniḍ ? Yenṭeq ɣer Bururu ?
Twalaḍ­ten ? Tewwiḍ­d ttbut s wayen akka i la d­teqqareḍ ?
Twalaḍ Docteur Sliman yettmeslay akked Bururu ?

Aɛeẓẓug
Xuṣṣeɣ timesliwt d tidet lameɛna allen­iw ḥercent i tmuɣli…
Anɛam ih ! Walaɣ­ten am akka la k­ttwaliɣ kečč akked
l’inspecteur­agi­inek.

Ɛmara
Ayɣer ur d­teffiɣeḍ ara iḍelli deg yiḍ u ad d­tcehdeḍ s waya ?

Aɛeẓẓug
Iḍelli deg yiḍ kkawen ifadden­iw yettel yiles­iw, ur zmireɣ ad
d­iniɣ acemma.

Ɛmara
Ɛaziz, iḍ­agi ad neɛnu Docteur Sliman.

Aɛeẓẓug
(Yeɛḍes) Ur ḥṣiɣ ara ansi akka i yi­d­yenṭeḍ uɛḍas­agi ? Ahat d
kumiṣar umi fkiɣ tamucwart­iw.

Ɛmara
Ɣur­i i tella, ad k­tt­in­rreɣ asmi ara tirid.

Ɛaziz
(I yiman­is) Ma yettkel fell­as, ɣas ad yebdu si tura ad yeḥfeḍ

­ 219 ­
Bururu yeḥya­d

ad inesser anzaren­is s yiḍudan­is, tamucwart­is ad d­teggri d


asmekti d teḥkayt­is.

Asayes 17

Ɛmara d Ɛaziz leḥḥun deg yiḍ, yella waḍu.

Ɛmara
Ihi a Ɛaziz, ur k­d­iban ula d kra ?

Ɛaziz
Mazal ur ɛad i d­yeḍhir wayen nettraǧu a si Ɛmara.

Ɛmara
Ur tsuɣu ara mulac ad ɣ­d­isel, ad yeḥṣu belli nettɛassa deg­s.

Ɛaziz
D tidet, ttuɣ a si Ɛmara. Tasaɛet attan d zzuǧ n yiḍ, la ttwaliɣ
talftilt n lbiru n Docteur Sliman mazal­itt tecɛel. d acu i la
ixeddem lweqt­agi medden akk ṭṭsen ?

Ɛmara
Medden akk ṭṭsen ? Tɣelḍeḍ a Ɛaziz. Inekni neṭṭes ?

Ɛaziz
Tcukkeḍ ad d­yuɣal Bururu a si Ɛmara ?

Ɛmara
Lemmer ur d­yettuɣal ara, ayɣer ihi Docteur Sliman mazal­it di
lbiru ines ? Bla cekk ad yili yettraǧu­t (Yeɛḍes) Ḥala aɛḍas­agi
umi ur zmireɣ ara ad t­ṭṭfeɣ s «ccet» !

Ɛaziz
(Yejbed Ɛmara ɣef deffir) Effer­d akka a si Ɛmara ! Docteur
Sliman atan ɣer ṭṭaq… Yeldi­t… La d­yettmuqul s abrid…

­ 220 ­
Bururu yeḥya­d

Ɛmara
La ttwaliɣ deg­s, ahat yesla­yi­d mi d­ɛeḍseɣ… Atan la
yessenqad akka d wakka, ur yezmir ara ad ɣ­d­iwali ɣer da.

Ɛaziz
Yessedreg­aɣ rref­agi, aql­aɣ di ṭṭlam, ur ɣ­d­yettwali ara.

Ɛmara
Asemmiḍ am wagi ikerrfen s ugris iḍudan d imeẓẓuɣen yeldi
ṭṭaq, mačči d abeḥri i yebɣa… Ad yili yesla­yaɣ­d neɣ yettraǧu.

Ɛaziz
D ayen iṣekker ṭṭaq, yuɣal ɣer lbiru.

Ɛmara
(Nnehtat) Ur aɣ­d­iwala ara ! (Yettxemmim ) Ɛaziz, tusa­yi­d
yiwet tikti.

Ɛaziz
D acu­tt a si Ɛmara ?

Ɛmara
Nekk ad aliɣ ɣur­s ad rreɣ iman­iw d aɛeddi kan i d­ɛeddaɣ
deg uzniq­agi, walaɣ taftilt n lbiru ines tecɛel, uliɣ. Nekk ad
ɛesseɣ din, kečč ɛess dagi. Ma twalaḍ iḍall­d Bururu…

Ɛaziz
Yexḍa­k ccɣel a si Ɛmara, aql­i weǧdeɣ !

Ɛmara
Ula d Bururu ma yusa­d iḍ­agi ad yili yewǧed, ḥader iman­ik
(Ad yelḥu, ad yekcem s axxam, ad yali, ad yewwet ɣef
tewwurt) La s­selleɣ la d­ileḥḥu (Teldi tewwurt)

Sliman
Ah ! D kečč aya a si kumiṣar ! Attan tɛedda ttnaṣfa n yiḍ, mačči
d lweqt n zzyara, d lxir kan !

­ 221 ­
Bururu yeḥya­d

Ɛmara
D tidet a Docteur, tasaɛet tḍal i zzuǧ n yiḍ, ur iban ma ad­k­d­
iniɣ ṣṣbaḥ n lxir neɣ mselxir ? Xtir yiwen deg­sen, aql­i
zzewreɣ­ten.

Sliman
Si kumiṣar, d acu i k­id­yewwin lweqt­agi ?

Ɛmara
Ussan­agi ineggura, yettruḥu fell­i naddam, akken ad d­awiɣ
ɛeggu i yiman­iw, leḥḥuɣ deg yiḍ. Iḍarren­iw ur iyi­ttaɣen ara
awal, ttawin­iyi anda sen­yehwa (Yeɛḍes) Di lemtel am tura,
ur d­rriɣ ara s tamawt almi d­ufiɣ lbiru inek zdat­i, walaɣ­d
taftilt tecɛel, uliɣ­d.

Sliman
(Yezɛef) Imi d­tuliḍ a si kumiṣar d acu i tettnadiḍ, d acu i
tebɣiḍ ɣur­i ? Ayagi d tisselbi, ur keccmen ara kan akka ɣur
medden ttnaṣfa n yiḍ !

Ɛmara
Di leɛnaya­k ur reffu ara a Docteur Sliman ! Taluft meqqret,
ilaq­aɣ rrẓana n leɛqel.

Sliman
Akken i k­yehwa a si kumiṣar, kemmel ccɣel­ik.

Ɛmara
(Ileḥḥu) D acu­t wagi…? I tagi… ? I wigi akk d acu­ten ? I
tɣawsiwin­agi ? D acu­ten akk yiqbucen­agi ? Tiqraɛtin ?
Lexyuḍ­agi n kawičču ? (Iɛǧeb­as lḥal) Izeggaɣen, iwaraɣen,
kra deg­sen atan la ttfurrun.

Sliman
(S lmeɛna) Waqila iḍarren­agi­inek ur k­nettaɣ ara awal
wwin­k­id ad teɣreḍ tussna n udawi.

­ 222 ­
Bururu yeḥya­d

Ɛmara
Seg wasmi lliɣ d ameẓyan nekk lliɣ ttmenniɣ lɛilm­agi (Nnhati)
Lameɛna yella win yufan ad yexdem ayen yebɣa ?

Sliman
(Yetqelleq) Ayagi i la d­teqqareḍ d tidet a si kumiṣar. Lemmer
ad d­teɛnuḍ kan abrid, ad nebdu ameslay ɣef wayen nebɣa d
wayen ur nebɣi, sɛiɣ ccɣel iɣeṣben.

Ɛmara
(Icukk) Iḍ­agi aql­ik tetqellqeḍ a Docteur Sliman… Yella win i
tettraǧuḍ ?

Sliman
(Yezɛef) Di leɛnaya­k a si kumiṣar eǧǧ­iyi ad kemmleɣ ccɣel­
iw aql­ak tɛeṭṭleḍ­iyi.

Ɛmara
Ɛeṭṭleɣ­k deg yiḍ ? Neɣ ur tebɣiḍ ara ad issineɣ inebgi­agi inek
i la tettraǧuḍ ? Inebgi n yiḍ !

Bururu
(Tiɣwist si lebɛid) Uuuu ! Uuuu !

Ɛmara
Tura fehmeɣ, d netta i la tettraǧuḍ. Tettraǧuḍ Bururu !

Sliman
(Yuggad, yettḥellil) Ffeɣ, Ffeɣ a si kumiṣar ! Mulac… Mulac…

Ɛmara
Mulac… Kemmel awal­ik a Docteur Sliman.

Sliman
Mulac ad tendemmeḍ, ad tendemmeḍ a si kumiṣar.
(Bururu yerẓa­d ṭṭaq, ineggez­d ɣer texxamt).

­ 223 ­
Bururu yeḥya­d

Ɛmara
Bururu !

Bururu
(Izehher) Idammen… Ulawen… Idammen yeḥmaaaan…
Yeḥmaaaan… Ulawen… Ul­ik… Ad temmteḍ…

Ɛmara
(Yessufeɣ lewǧeh) Yegguma ad yeɣli ! (Yessufeɣ lewǧeh
nniḍen).

Bururu
(I kumiṣar) Ad k­nɣeɣ… Ad k­nɣeɣ… Ad d­qelɛeɣ ul­ik…
(Yedhem ṭṭabla d ikersiyen ) Ad temmteḍ… Lmut…

Ɛmara
La d­yettaẓ ɣur­i… Ulac anda ara rreɣ… (Yessufeɣ lewǧeh)
Yeṭṭef­iyi… Yeṭṭef­iyi…

Bururu
(Asuɣu n lferḥ) Ṭṭfeɣ­k… Ur k­tserriḥeɣ ara alamma
temmuteḍ…

Ɛmara
(Yettemseččaw akked Bururu) Ur zmireɣ ara ad d­snesreɣ
iman­iw seg­s… Wagi mačči d lǧehd n umdan i yesɛa…

Bururu
(Yetsuɣu) Mmet… Mmet…

Sliman
(Isuɣ) Ur t­neɣɣ ara a Bururu… Arǧu… Arǧu…

Ɛaziz
(Yesṭebṭub) Si Ɛmara, si Ɛmara… Docteur Sliman ldi tawwurt.

Ɛmara
(Yettwaxneq) Serreḥ­iyi… Serreḥ­iyi…
­ 224 ­
Bururu yeḥya­d

Bururu
Ad temmteḍ !... Ad d­qelɛeɣ ul­ik… Ad t­ṭṭfeɣ yettquddur d
idammen yeḥman…

Sliman
Bururu… Ur t­neɣɣ ara… Nniɣ­ak serreḥ­as… Serreḥ­as… Aɣ
awal­iw serreḥ­as…

Bururu
(Yethedden) Ad s­serrḥeɣ ?... Ur t­ neɣɣeɣ ara ?...

Sliman
Ur qebbleɣ ara ad t­tenɣeḍ a Bururu, tura ilaq ad tettaɣeḍ
awal­iw.

Bururu
Ad aɣeɣ awal­ik… Ih ! Ad aɣeɣ awal­ik (Iḍegger kumiṣar
mbaɛid) Aql­iyi serrḥeɣ­as…

Ɛaziz
(Yekkat­d di tewwurt) Kumiṣar Ɛmara… Docteur Sliman…

Sliman
(Yeḥzen) Bururu, ruḥ tura, dayen ur d­ttuɣal ara ɣer dagi,
ayen nella nessaram di sin, yexṣer, yexreb, ruḥ rwel, nfu iman­
ik, nadi ɣef umusnaw nniḍen ara d­yafen amek ara k­id­yerr
ɣer laṣel­ik. Nekk dayen ttwakecfeɣ­d, ur zmireɣ i kra ad t­
xedmeɣ. Ur d­mazal ayen ara tḍemɛeḍ ɣur­i.

Bururu
(Anazeɛ)Ih ! Ih ! Ad ruḥeɣ… Lameɛna ad d­uɣaleɣ… Ad d­
uɣaleɣ… Ur k­ttaǧǧaɣ ara... Ḥala kečč i yi­ifehmen… Ḥala
kečč ara yi­yekksen leǧruḥ n baba­k… Aql­iyi ruḥeɣ…
Ruḥeɣ… Ruḥeɣ… (Ineggez si ṭṭaq iruḥ).

Ɛmara
(Yelleɣẓam yekker­d) D lewhayem... Yuɣ­ak awal a Docteur
Sliman, ineggez si ṭṭaq iruḥ...
­ 225 ­
Bururu yeḥya­d

Sliman
Yuɣ­iyi awal d tidet, lameɛna tura netta yexṣer ! Nekk xeṣreɣ !
Kečč daɣen a si kumiṣar txeṣreḍ ! Nexṣer akk akken ma nella !
(Taḍsa n ukeɛrer).

Ɛmara
(Tawwurt teldi) Kcem­d a Ɛaziz.

Ɛaziz
Sliɣ­d i rrṣaṣ d yisuɣan.

Ɛmara
Rrṣaṣ d nekk ma d isuɣan d Bururu.

Ɛaziz
Anda yella ?

Ɛmara
Ineggez si ṭṭaq... Iruḥ, yerwel.

Ɛaziz
(Yuzzel ɣer ṭṭaq) La tettwaliɣ, la tettwaliɣ (Yewwet­it s rrṣaṣ)
Ur t­zgileɣ ara maca yugi ad yeɣli.

Ɛmara
Ɣas ur sseɛtab ara iman­ik a Ɛaziz, ur yettmettat ara. Nekk
smareɣ deg­s akk achargeur n rrṣaṣ ur yeɣli. Wagi mačči d
lweḥc menwala, ixulef­iten, icuba deg uruḥani. D lewhayem.

Sliman
Ulac lewhayem di tussna n ṭṭebb a si kumiṣar. Bururu
yettwaṣneɛ­d s tussna n ṭṭebb ad yettwakkes s tussna n ṭṭebb.
Mačči d rrṣaṣ ara t­yenɣen. Nniɣ­ak­d nexṣer merra imi d kečč
ara yilin d ssebba n widen ara yemmten s ufus n Bururu ssya
ɣer zdat.

Ɛaziz
D acu i tebɣiḍ ad d­tiniḍ a Docteur Sliman ?
­ 226 ­
Bururu yeḥya­d

Ɛmara
Nekk fehmeɣ­t. Lweḥc­agi ur s­nezmir ara nekni, tirṣaṣin
tɛeddint deg­s neɣ teccḍent fell­as, rric yettentag si tfekka­s
netta ur yettmettat.

Ɛaziz
D acu ara nexdem a si Ɛmara ?

Sliman
(Yecmumeḥ) D acu ara txedmem ? Wagi d asteqsi n ṣṣwab.
Tura ad awen­d­iniɣ d acu i mazal ad t­txedmem, qimet di
lbiru, ad awen­ssawaḍen lexbarat n widen yenɣa Bururu
(Yeḥzen) Ur ɣ­teǧǧim ara lweqt i wakken ad neḥbes
timenɣiwin­agi, tezgam­d dima am yinẓed yeɣlin daxel n
tbaqit (Taḍsa ukeɛrer).

Ɛaziz
Waqila yesleb a si Ɛmara ?

Ɛmara
Kra n win yettnadin ad iɛum s usmuncef di temda lqayen n
tussna n ṭṭebb, labudd ad d­yas yiwen wass ad yezzer di
tidderwect. Akka i s­teḍra i Docteur Sliman, baba­s yerwi
yessexreb tussna ixleq­d Bururu. Mmi­s, Docteur Sliman,
yebɣa ad t­yekkes s wayen i s­d­yeǧǧa baba­s d lwert n tussna,
selben di sin.

Sliman
(Yezɛef) D kenwi i iselben mačči d nekk. Tussna n ṭṭebb
tettdawi, tessḥluy. Bururu ɣur­wen d lweḥc nekk ɣur­i d
amuḍin yeḥwaǧen adawi. Kečč a si kumiṣar i t­yessnen aṭas
aya, teḥṣiḍ akk annect­a, tesxeṣreḍ tagnit (Taḍsa ukeɛrer) Ihi
atan ɣur­k, izmir­as s tussna n rrṣaṣ (Taḍsa ukeɛrer, tikli di
texxamt).

Ɛmara
(Yeḥzen, yewhem, yeɛḍes) Ur ɣ­d­mazal ara ad nɛeṭṭel dagi, ad
nekker ad nruḥ a Ɛaziz.
­ 227 ­
Bururu yeḥya­d

Ɛaziz
Yirbeḥ a si Ɛmara (I Sliman) Awi­d akka ifassen­ik a Docteur
Sliman.

Sliman
Nekk sehleɣ, aten­an yifassen­iw.

Ɛmara
Ala a Ɛaziz, ur yuklal ara snasel, yekkes­iyi­d si gar wajjaren n
Bururu, yessukkes­iyi­d si lmut. D ameslub ara nawi yid­neɣ
mačči d win yenɣan.

Sliman
(Yettaḍsa) D tidet a si kumiṣar, yella umeslub gar­aneɣ.
Lemmer i teḥriceḍ am akken i ttmeslayen fell­ak, tili tesḍehreḍ­
d iman­ik belli d kečč i d ameslub, d kečč i iserrḥen i Bururu
ad yernu ad ineɣɣ imi tekkseḍ laman i tussna.

Ɛmara
(I yiman­is) Ahat ad yili yesɛa lḥeqq. Lemmer ḍefreɣ tussna yili
ahat ad ttxemmimeɣ am netta.

Asayes 18

Timlilit akked yineɣmasen di lbiru n Ɛmara.

Amesǧernan 1
Si kumiṣar, tamdint attan akk temxelwaḍ. Lweḥc­agi yesterwes
akk lɣaci, ugaden.

Ɛmara
D kenwi i la yesnuzun tugdi s tira nwen.

Amesǧernan 2
D tidet icuba di lweḥc ?

­ 228 ­
Bururu yeḥya­d

Ɛmara
D tidet, d lweḥc.

Amesǧernan 1
D lweḥc ! Tigi d timɛayin n zik n temɣarin anda tella teryel,
waɣzen... Tigi d timuca.

Ɛmara
D timuca n temɣarin yeqqlen d tidet n tussna n ṭṭebb n wass­a.

Amesǧernan 2
Neḥṣa mechureḍ di lxedma­k a si kumiṣar, nebɣa ad nẓer tidet
sɣur­k, tettamneḍ s lewḥuc ?

Ɛmara
Asmi lliɣ d amecṭuḥ, ukiɣ, ssneɣ, ur ttamneɣ ara, ma d tura mi
meqqreɣ, qqleɣ ttamneɣ s lweḥc, ddunit teččur seg­sen, yal
yiwen s ṣṣifa­s.

Amesǧernan 1
Wagi i d­teɛna temsalt, twalaḍ­t ?

Ɛmara
Walaɣ­t berdayen.

Amesǧernan 2
La d­qqaren ṣṣifa­s tcuba di Bururu ?

Ɛmara
(Yeɛḍes) Ayagi teẓram­t akk, yuɣ lḥal mmeslayeɣ­d fell­as
acḥal n tikkal. Kečč tbaneḍ d amesǧernan ajdid, ur teẓriḍ ara.

Amesǧernan 1
Ihi wagi d ssiraṭ n at laxert !

Ɛmara
Ssiraṭ n at laxert d kečč i t­yessnen, nekk ssneɣ Bururu.

­ 229 ­
Bururu yeḥya­d

Amesǧernan 1
Sameḥ­iyi a si kumiṣar, mačči d aya i bɣiɣ ad d­iniɣ, ssefhem­
aɣ­d amek i llan ṣṣifa­s d lermaḥ­is ?

Ɛmara
Yeččur akk d rric. Rric aberkan, rric n Bururu. Acebbub­is
icuban di rric n ufrux i d­yegrarben ɣef unyir­is, allen d
tizeggaɣin ruḥen ɣer tuwreɣ.

Amesǧernan 1
Ya laṭif, ayagi d llun n lefɛayel­is.

Ɛmara
Anzaren­is cuban deg uqamum n leḍyur, uglan­is am wid n
wuccen, iɣallen­is ɣezzifit, ajjaren i d­yemɣin deg yiḍudan­is
qeḍɛen am yijenwiyen.

Amesǧernan 1
Iḍarren­is ! Iḍarren­is ! Yelsa arkasen ?

Ɛmara
Ileḥḥu ileḥfa, iḍarren­is cuban ɣer wid n bunadem lameɛna
yiwen yijjer yemɣi­d deffir teglult n uḍar am wid n ufrux
(Yeɛḍes) Lǧetta­s tban ẓẓayet, mi ara ileḥḥu ixeddem lḥess,
yettneggiz, izehher.

Amesǧernan 2
(Iṣeffer) Anwa ara yamnen ayagi ?

Ɛmara
Lameɛna mi ara d­tarum akk ayen i wend­nniɣ di lǧernan,
iḍher­awen lḥal imezdaɣ n temdint ad aggaden, ẓriɣ ad
ternum cwiṭ sɣur­wen i wakken ad aggaden akken iwata lḥal
ladɣa widen yettaggaden. Ruḥet kan s telweɣ di tira.

Amesǧernan 2
Yexḍa­k ccɣel a si kumiṣar, nessen lxedma­nneɣ akken i

­ 230 ­
Bururu yeḥya­d

tessneḍ lxedma­k. Ihi asteqsi nniḍen : Mi twalaḍ Bururu,


tewwteḍ­t s rrṣaṣ, ur yeɣli ara neɣ... ?

Ɛmara
Kemmel asteqsi inek.

Amesǧernan 2
Neɣ trewleḍ ?

Ɛaziz
(Yedduqqes) Ilaq ad twezneḍ lehdur­ik, ttissin d acu i la d­
teqqareḍ.

Ɛmara
Anef­as a Ɛaziz, anef­as ! D amesǧernan, ilaq ad yesteqsi
(Nnhati) Ur rwileɣ ara. Wwteɣ­t s rrṣaṣ, ferɣeɣ akk achargeur
fell­as, ulac tarṣaṣt i t­izeglen, ur yemmut ara, ad as­tiniḍ
ttɛeddint deg ulaxart.

Amesǧernan 1
Mmeslay­aɣ­d tura ɣef Docteur Sliman a si kumiṣar.

Ɛmara
Ayen iwulmen ad awen­t­id­iniɣ ɣef Bururu, nniɣ­awen­t­id,
ur ffireɣ ula d kra. Ma d ayen yeɛnan Docteur Sliman, mazal
ur ɛad newweḍ ɣer taggara n unadi fell­as i wakken ad ken­
id­waǧbeɣ.

Amesǧernan 2
Akken ad nṣebber imeɣriyen­nneɣ, ini­yaɣ­d ma tesweǧdeḍ­d
albaɛḍ n tfexxtin ara yeṭṭfen lweḥc­agi ?

Ɛmara
(Yeɛḍes) Efk­iyi­d kan tamucwart­nni a Ɛaziz !

Ɛaziz
Arǧu... Ax, attan... Ṭṭef.

­ 231 ­
Bururu yeḥya­d

Ɛmra
Awi­d kan (Yenser) Awah ! Awah ! Tenɣa­yi la sinusite­agi.
Tenniḍ­d ayen ara yeṭṭfen Bururu ? Ayagi d lbaḍna n la
police... Kenwi s yimeǧernanen ur tessinem ara d acu i d
lbaḍna ! Lameɛna zemreɣ ad awen­d­zzewreɣ belli tussna n
ṭṭebb ad tettikki yid­neɣ.

Asayes 19

Ɛmara
Ihi a ṭṭbib, d acu i tenniḍ di tisselbi n Docteur Slimane ?
(Yeɛḍes).

Ṭṭbib
Tisselbi n Docteur Slimane ? Ur fhimeɣ ara d acu i tebɣiḍ ad d­
tiniḍ a si kumiṣar !

Ɛmara
Ur tefhimeḍ ara ? Acḥal­aya i k­teccrek yid­neɣ lxedma di la
police, kečč d ṭṭib n la médecine légale, nekk d kumiṣar, i lebda
nella nettemsefham, ass­agi la yid­teqqareḍ ur iyi­d­tefhimeḍ
ara !

Ṭṭbib
Ur fhimeɣ ara amek ara nerr Docteur Slimane d ameslub u
netta s leɛqel­is. Ur fhimeɣ ara ayɣer !

Ɛmara
Bɣiɣ ad yili d ameslub, yedderwec, yennexḍaf di leɛqel­is.

Ṭṭbib
D acu ara d­inin wiyaḍ ? Ṭṭebba nniḍen imeslab ? Ssnen
lḥirfa­nsen, ad d­ssifriren tidet.

Ɛmara
Ayagi d ccɣel­ik kečč ! Di leɛmer i k­n­ssutreɣ ad tessurfeḍ i

­ 232 ­
Bururu yeḥya­d

lqanun yid­neɣ. Ass­agi yewweḍ lweqt ideg k­ḥwaǧeɣ di


nnfeɛ n lḥeqq.

Ṭṭbib
(Ikukra) Nekk d ṭṭbib a si kumiṣar, ur zmireɣ ara ad skiddbeɣ
di tussna, fkiɣ lɛahed i Hyppocrate.

Ɛmara
(Yezɛef) Hyppocrate ! Ccix­nwen amezwaru n ṭṭebb, ad
yefhem tamsalt, ad ak­isemmeḥ a Docteur imi d aɛiwen ara ɣ­
tɛiwneḍ i wakken ad naweḍ ɣer taggara n tazzla n yidammen i
la yessazzal Bururu s tmenɣiwin.

Ṭṭbib
D acu i ilaqen ad t­xedmeɣ ?

Ɛmara
Ad txedmeḍ ayen iwulmen ad t­txedmeḍ i wakken wid ara t­
yeẓren ad ɛudden d tidet yesleb. Ad yekcem s axxam n
yimeslab, imir­nni atan amek ara nexdem...

Asayes 20

Tiɣwist n Bururu di lebɛid, askeɛwew n wuccen, rrɛud, aḍu.

Tameṭṭut
Aaaaaaaaaaaaaaaaaaaaaaaaaaaaaaaa !...

Bururu
(Izehher) Temmut... Dayen temmut... Idammen... Ulawen...

Bu yiǧernanen
(Iɛeggeḍ) Aɣet aǧernan... Bururu yenɣa... Bururu yerna
yenɣa...

Argaz 1
Aaaaaaaaaaaaaaaaaaaaaaaaaaaaaaaa !...
­ 233 ­
Bururu yeḥya­d

Bururu
(Yefreḥ) Nɣiɣ­t... Nɣiɣ­t... Yemmut... Yemmut... Ad ten­nɣeɣ
akk... Ad ken­nɣeɣ yiwen yiwen...

Bu yiǧernanen
(Iɛeggeḍ) Bururu iḥerrem tuffɣa i yimdanen... Aɣet aǧernan ad
teẓrem... Ulac win izemren ad yeffeɣ... Yesseḥǧeb­iten...

Lḥess n rrṣaṣ, Bang! Bang! Bang! Bang! Bang!

Bururu
(Tiɣwist) Rrṣaṣ ur iyi­ineɣɣ ara... Aql­i ṭṭfeɣ­k ur tesɛiḍ sani ara
temḥiḥdeḍ... Mmet... Mmet...

Bu yiǧernanen
Lmut tettmerriḥ akkan i s­yehwa, lweḥc ineɣɣ deg yiberdan
akken yebɣa...

Argaz 2
Aaaaaaaaaaaaaaaaaaaaaaaaaaaaaaaa !...

Bururu
Atan wul­ik... Ṭṭfeɣ­t deg ufus­iw... Ad t­ẓemmḍeɣ alamma
teffeɣ­d tquddirt taneggarut n yidammen...

Bu yiǧernanen
Aɣet aǧernan ! Anwa ara iqazmen lweḥc iqellɛen ulawen ? La
police ur t­tezmir ara...

Asayes 21

Anerdal
(Ulɣu di rradyu) Ur ttixxiret ara zdat n la radio, kumiṣar
Ɛmara yesɛa kra n yimeslayen ara wen­d­yini ɣef wayen
yeɛnan merra timenɣiwin i la iḍerrun di temdint­nneɣ.
Tamdint­nneɣ yennumen lehna qbel ad tt­id­yekcem Bururu,
lweḥc iqellɛen ulawen. Si kumiṣar atan usawaḍ ɣer­k.
­ 234 ­
Bururu yeḥya­d

Ɛmara
(Yeɛḍes) Ad iyi­tsamḥem a widen i d­isellen, ur nnumeɣ ara
ttmeslayeɣ deg rradyu. Lameɛna ass­agi tḥettem fell­i teswiɛt,
ḥṣiɣ Bururu yeqḍeɛ­awen tuffɣa deg yiḍ, ḥṣiɣ tweḥcem, ḥṣiɣ
yenɣes laman deg wulawen­nwen deg­neɣ, ayen akk i tḥussem
nekk aql­i ddreɣ deg­s am nekk am yirfiqen­inu, kenwi ma
yella tegganem s yiwet n tiṭ nekni nettu d acu i d taguni,
ɛerqen­aɣ yixxamen­nneɣ, efket­aɣ kan cwiṭ n lweqt i waken
ad d­nelhi yid­s, ad nkemmel ccɣel­nneɣ, ur nḥebbes ara
alamma nekkes lweḥc­agi si temdint­nneɣ, ur ilaq ara ad ken­
yeffeɣ leɛqel, heddnet iman­nwen, ur ttaǧǧat ara arraw­nwen
ad ɛeṭṭlen deg yiḍ di berra, Bururu atan deg walbaɛd imukan
yettraǧu anwa ara yeɛnu, Bururu mačči d lweḥc menwala,
mačči d aqetal i nwulef nettqazam, wagi ixulef merra lewḥuc
deg tmenɣiwin­nsen. Ad d­ɛiwdeɛ, ḥadret iman­nwen, ḥadret
iman­nwen, yis­wen laman ad d­yuɣal, ad d­yaweḍ lweqt
anda tamdint­nneɣ ad tuɣal ad taf lehna­nni i tennum.
Tanemmirt.

Asayes 22

Anerdal
(Di rradyu) Teslam­d i yimḍebber kumiṣar Ɛmara, ad d­nernu
asiwel nniḍen i yimɛellmen i wakken ad ssawaḍen ixeddamen­
nsen s ixxamen­nsen ladɣa deg yiḍ. Ur ilaq ara ad ten­ǧǧen ad
lḥun ɣef uḍar. Bururu mačči d lweḥc iss ssewḥacen di
tmucuha n temɣarin, wagi yella s tidet, imesǧernanen ur
skaddben ara, Bururu, lweḥc iqellɛen ulawen yettwaṣṣneɛ­d s
lɛilm u ineɣɣ bla ssebba. kumiṣar Ɛmara yemmeslay­awen­d
fell­as, ma yeḍher­awen­d kra uqqmet­aɣ­d tilifun, atan
nnumru...

Ababat
Aql­i sseɣsiɣ rradyu. Ya laṭif... Anda yella Murad ? Mazal ur
ɛad d­yekcim ? Atan tura d lmeɣreb.

­ 235 ­
Bururu yeḥya­d

Tayemmat
Ala mazal ! Yak tessneḍ­t ! Segmi ara yeffeɣ seg uxxam ur d­
yettuɣal ara alamma yelḥa yiḍ.

Ababat
Ayagi d tterbegga­m kemmini ! Mi yessexṣer ad kkreɣ ɣer­s i
wakken ad s­sserwuɣ lbenna n uɛekkaz yettrebbin, ad d­
tbeddeɣ ɣur­i am teryel, ad tebdud imeṭṭi (Yesmejgar­itt) Di
leɛnaya­k a mmi­s n madden anef­as ur t­kkat ara, d amuḍin,
yehlek wul­is yerna d ayen teẓriḍ, yuḍen aṭṭan n wul.

Tayemmat
Atan daɣen tebdiḍ­d tiggad­ik !

Ababat
(Yezɛef ) Mmi­m­agi yeṣleḥ i ccḍeḥ n Twist, yelha i uduqqes
yettɛeṭṭil deg yizenqan i wakken ad yerwu anṭag n yimeslab
akked widen i t­yecban. D ajewwaq i yi­d­trebbaḍ d argaz.
Yuḍen ul­is ? Wagi la teqqareḍ yuḍen ul­is ?

Tayemmat
D tidet yuḍen ul­is, ur as­ilaq ara usnuɣni. Ilaq ad yezhu am
netta am tizyiwin­is, mazal­it di llaɛb.

Ababat
Mazal­it di dduḥ, di tattalt, deg ubibru. Argaz n 17 iseggasen
mazal­it d amecṭuḥ ? Ah ! D acu i s­d­mazal, ad s­d­mɣin
wacciwen ?

Tayemmat
Abbuh ! Abbuh ! Ddemmar­ik waḥd­k, i d­terniḍ ɣef waṭṭan n
wul n Murad. Teṭṭenṭuneḍ am ṣṣḍel. Din din ad tceɛleḍ am
zzalamiṭ. Di leɛnaya­k mi akka la k­iteffeɣ leɛqel baṭel ayɣer ?
Mazal lḥal, acḥal akka ssaɛa ?

Ababat
Awwah ! Awwah ! Tura d nekk i yettḥulfun i wul­iw

­ 236 ­
Bururu yeḥya­d

yettemxebbaḍ am uyaziḍ yemmezlen s lmus yeḥfan (Isuɣ)


Tesliḍ meqqar i wayen d­qqaren di rradyu neɣ tɛeẓẓgeḍ ?

Tayemmat
Ur fhimeɣ ara sani rran akk imeslayen­nni.

Ababat
Meɛlum ! Lemmer d iḍebbalen umi tesliḍ, ad tekkreḍ ad
tewwteḍ tazwayt. La m­d­qqaren di rradyu, kecmet merra s
ixxamen, mulac Bururu ad yekkes aẓeṭṭa­nwen.

Tayemmat
Bururu d afrux. Amek yezmer ad yenɣ argaz ? Ziɣ mazal­ik d
nniyya.

Ababat
D kumiṣar Ɛmara i d­yemmeslayen a lɣiḍa. Iɛeggen­d, iberra­d
s bellah beccreɛ, mmi­m yettɛanad at snitra, yettɣimi di berra
albaɛḍ n wuḍan ad t­id­yemmager Bururu ad d­yeqleɣ ul­nni­
ines yuḍnen dɣa din yekfa udawi.

Tayemmat
Buuh ! Amek ! Ad d­yeqleɣ ul n Murad ? Ad t­ineɣ ? Ad
yemmet ? Ihi d acu i la tettraǧuḍ i wakken ad teffɣeḍ ad truḥeḍ
ad tnadiḍ fell­as ad t­id­tjemɛeḍ (Tettru) Ttɣawal; ttɣawal,
tefka­yak tasa­k ad teqqimeḍ deg uxxam mmi­k di berra
lweqt­agi ?

Ababat
Dayen, tukiḍ­d ? Tewwiḍ­d s tamawt sani tessaweḍ tterbegga­
m?

Tayemmat
Anef­aɣ i lehdur ur nesɛi lmeɛna. Tura d mmi­tneɣ i ɣ­d­
yecqan. Aha ffeɣ nadi fell­as.

Ababat
(Yuggad) D acu ara t­yawin ad n­iɛeṭṭel ? I nekk, lemmer ad
­ 237 ­
Bururu yeḥya­d

mmagreɣ Bururu ? Amek ara teḍru yid­i ? Tfehmeḍ­iyi­d neɣ


xaṭi ?

Tayemmat
(Tettru) Meɛlum xemmeɣ­ak, kečč d argaz tzemreḍ­as. Mačči
am Murad meskin, aqcic n yiḍelli.

Ababat
Ala d aqcic n ṣṣbeḥ­agi. Lemmer ad tkemmleḍ akka deg
wawal­agi, ad amneɣ belli ur ɛad d­ilul. Teggummaḍ ad t­
tesmeɣreḍ, ad s­tefkeḍ leɛmer­is aḥeqqani.

Tayemmat
Nniɣ­ak bges truḥeḍ ad d­tjemɛeḍ mmi­k uqbel ad d­neggri di
nndama.

Ababat
Ihi aql­i ruḥeɣ imi nekk d argaz zemreɣ i Bururu, lweḥc
yesḥeǧben merra imezdaɣ n temdint, ffren deg yixxamen am
tyuzaḍ deg sseǧna.

Tayemmat
(Tettru) A Murad a mmi, anida teddiḍ !

Ababat
Atan daɣen tebda imermuɣen­nni. Mačči fell­i i la tettruḍ,
ayagi ẓriɣ­t, lemmer d taqcict i sɛiɣ tili attan teḥǧeb deg
uxxam. D acu ara yi­yawin iḍ­agi ad ffɣeɣ s azniq
yessewḥacen merra lɣaci ?

Tayemmat
(Tettru) Nnaɣ a mmi ɛzizen anida telliḍ ?

Ababat
(Yesmejgar) A mmi­s ɛzizen ! A mmi­s ɛzizen ! Amzun nekk ur
ɛziz ara fell­i. Asmi iyi­d­zewǧen yimawlan­iw i ḥṣiɣ kecmeɣ
ɣer ssilul imi d kemm iyi­d­xtaren, yelli­s n xali. Lemmer
qqimeɣ d lɛazeb, d jeune home, tili ass­agi aql­iyi ifeɣ merra
­ 238 ­
Bururu yeḥya­d

madden (Nnhati) Dayen tura, berka imeṭṭawen, ṣekker lɛinṣer


n wallen­im. Tura ara tuqqmeḍ tamda deg texxamt­agi u nekk
ur ssineɣ ara ad ɛummeɣ. Aql­iyi ihi ruḥeɣ, ad am­d­zzuɣreɣ
mmi­m. Ḥader kan ad d­teggriḍ d taǧǧalt, ma mmugreɣ­d
winna ! Ad yili Rebbi d win ara izewǧen yid­m ad yeṭṭef
amkan­iw.

Asayes 23

Deg yiḍ, sin ibulisiyen leḥḥun.

Abulis 1
(Ileḥḥu) Tasaɛet attan tewweḍ d lweḥda n yiḍ (Yeskeɛrir) D
wag i d lweqt ideg d­teffɣen iruḥaniyen ttmerriḥen i ṭṭlam.

Abulis 2
(Yezɛef) Lemmer ad tbeddleḍ awal mačči xir ?

Abulis 1
Ayɣer, tettaggadeḍ iruḥaniyen ? Tettamneḍ yis­sen ?

Abulis 2
Ttamneɣ... Ttamneɣ yis­sen... At zik ur d­mmeslayen ara fell­
asen armi llan.

Abulis 1
(Yennecraḥ) Ziɣ mazal­ik d nniya. Nekk ɣur­i, s la mitraillette­
agi gar yifassen­iw, ur ttamneɣ ara s iruḥaniyen axaṭer ur llin
ara.

Abulis 2
Ḥṣiɣ ɣur­k yeshel zznad.

Bururu
(Tiɣwist n Bururu lebɛid) Oooooooooooooooooo !...

­ 239 ­
Bururu yeḥya­d

Abulis 1
Tesliḍ ? Tesliḍ i tiɣwist­agi ?

Abulis 2
Sliɣ. Tagi d tiɣwist n Bururu.

Abulis 1
Ihi imi d netta yella, ula d la mitraillette tella, arǧu ad tt­id­
sweǧdeɣ.

Abulis 2
Lemmer ad yili d Bururu n tidet, d afrux n yiḍ ?

Abulis 1
D afrux neɣ d lweḥc, win d­ibanen deg­sen ad s­rnuɣ taẓeyt s
waldun n rrṣaṣ ara smireɣ deg­s.

Abulis 2
Hatan, hatan... Walaɣ tili­s deg tezniqt inna.

Abulis 1
Aha, ḍfer­iyi­d... Ur ttuqqim ara lḥess... (La ttazzalen) Ulac­it,
ur d­iban ara.

Abulis 2
(Yetqelleq) Wagi d aruḥani !

Abulis 1
Ccet ! Anda akka yeffer ?

Abulis 2
Nniɣ­ak d aruḥani tessebleɛ­it tegnit.

Abulis 1
Ahat iɛedda di tezniqt inna tis snat, aha ddu­d yid­i (Uzzlen,
ḥebsen) Arǧu... Susem... Efk tameẓẓuɣt... La selleɣ i uskerwec
dahi akin...

­ 240 ­
Bururu yeḥya­d

Abulis 2
Ah ? Ur sliɣ ara !

Abulis 1
Ccet... Susem...

Bururu
(Lebɛid) Oooooooooooooooooo !

Abulis 2
(Yetqelleq) Tura i sliɣ i lḥess... D asiwel... Ur yebɛid ara...

Abulis 1
Tiɣwist n Bururu tebɛed... Ma d lḥess iqerreb­d.

Abulis 2
(Yetqelleq) Tikkelt­agi d netta... D Bururu... D lweḥc­nni...
Abulis 1
Ur ttergigi ara... Ur ttaggad... Anef­as ad d­iqerreb... Nekk aql­i
weǧdeɣ (Tikli lebɛid, i yiman­is) Qerreb­d... Qerreb­d... Rwaḥ
a Bururu... Arnu­d cwiṭ... Akken... Lḥu­d... Tura la ttwaliɣ tili­
inek... Qerreb­d qerreb­d... Ur mazal ara aṭas ad k­in­qableɣ s
rrṣaṣ... Kemmel kan akken... Lḥu­d... Akken ur k­zeggleɣ ara...

Abulis 2
(Yewhem) Arǧu... Waqila...

Abulis 1
(Yezɛef) Aẓ akin... Tebɣiḍ ad t­tesrewleḍ... Ax, ṭṭef a Bururu,
ṭṭef (Yessufeɣ lewǧuh).

Abulis 2
Txelḍeḍ ay amcum... Teddreɣleḍ (Uzzlen).

Abulis 1
Lameɛna... Mačči d Bururu.

­ 241 ­
Bururu yeḥya­d

Abulis 2
Wagi d aqcic... D ilemẓi... Mecṭuḥ (Yendem) Nniɣ­ak afus­ik
fessus ɣef zznad... Fessus.

Abulis 1
(Ɛerqent­as) Nekk ɛuddeɣ...

Abulis 2
Tɛuddeḍ d Bururu ! Yerna teqqareḍ d nekk i yugaden ? D kečč
i t­yugaden arm i k­yesderɣel teqqleḍ ur tetteɛqaleḍ ara.
(Yezɛef)Awi­d akka la mitraillette­nni !

Abulis 1
(Yettru) Afus­iw ahat fessus ɣef zznad lameɛna di leɛmer i nɣiɣ
albaɛḍ... Ma yella d ass­a... ass­a...

Abulis 2
Ass­a tezwareḍ deg warrac.
Abulis 1
Ini­yi­d ur yemmut ara ! Gggummaɣ ad t­waliɣ ! Ma yella
yemmut, lexyal­is ur itekkes si gar wallen.

Abulis 2
Sneqḍeɛ imeṭṭawen ! Ur tezmireḍ ara ad truḍ annect ara run
yimawlan­is ! (Cwiṭ akka) Arǧu kan... Waqila mazal yedder...
Yettembiwil... Ur yemmut ara.

Abulis 1
(Yethedden) Amek ? Ur yemmut ara ?

Abulis 2
Ɣiwel... Azzel... Siwel i l’ambulance s tilifun... Ruḥ... Ruḥ...

Abulis 1
Ih, ih, aql­i ruḥeɣ !

Abulis 2

­ 242 ­
Bururu yeḥya­d

(I yiman­is) Meskin, yetzuxxu baṭel kan. 32 terṣaṣin, ḥala s


snat kan i iḥuza aqcic­agi. Yiwet deg yiberdi tayeḍ di taɣma­s
tayeffust. Ur yennṭerr ara, ur yettmettat ara.

Asayes 24

Ɛmara
(Yezɛef) Tikkelt­agi dayen ! Dayen ! Taluft­agi tessaweḍ­aɣ ɣer
facal imi ula d ibulisiyen ur zmiren ara ad ferẓen gar uqcic d
Bururu d acu i d­mazal ? Ulac win ara yesqedcen lmux­is, ḥala
win ara iḥercen ɣer zznad. Tura yeqfel useksut.

Abulis 1
(Yessetḥa) Lameɛna a si kumiṣar...

Ɛmara
(Iɛeggeḍ) Ulac lameɛna... Aqcic atan di sbiṭar ! Yekfa lameɛna,
Di leɣlaḍ i tɣelḍeḍ aql­aɣ ɣur medden neqqel d lewḥuc
yugaren Bururu.

Ɛaziz
Aql­i uɣaleɣ­d a si Ɛmara.

Ɛmara
(Yeɛḍes) D acu n lexbar i d­tewwiḍ ?

Ɛaziz
Aqcic­nni tessuref­as lmut, yemneɛ.

Ɛmara
Yerna ḥala wag i kesben yimawlan­is. D acu i t­in­yeṭṭfen di
ttnaṣfa n yiḍ deg uzniq u yerna nberra­d di rradyu.

Ɛaziz
Di sbiṭar walaɣ­t yesǧefǧif, sliɣ­as la d­yeqqar kra n lehdur.

­ 243 ­
Bururu yeḥya­d

Ɛmara
Acu n lehdur i tesliḍ yesǧefǧif yis­sen a Ɛaziz ?

Ɛaziz
Iwala Bururu ! Yella yeṭṭafar­it i wakken ad yissin anda iteffer
iman­is.

Abulis 1
Tura dayen fehmeɣ a si kumiṣar !

Ɛmara
D acu i tfehmeḍ ?

Ɛaziz
(Iḥar) Ini­d, d acu i tfehmeḍ ?

Abulis 1
Tikkelt tamezwarut, d tidet, d Bururu i nwala. Nekk akked
urfiq­iw nuzzel, yeɛreq­aɣ di ṭṭlam, u ssyin iban­d uqcic­agi.

Ɛmara
Ula d nekk fehmeɣ, ṭṭlam, tirtaw deg wallen, tirgigit n yiḍudan
ɣef zznad, tirṣaṣin ffɣent ur uḥtament deg uqcic ur nuklal.
Tura tlaq­as tunṭict n lweɛda imi snat kan i t­ileqfen uma
mačči anda ara t­nɣent. Ffeɣ arǧu­yi di lbiru­nniḍen.

Abulis 1
Yirbeḥ a si kumiṣar (Yeffeɣ).

Ɛmara
I yimawlan n uqcic ?

Ɛaziz
La ttraǧun di sbiṭar.

Ɛmara
Din ara t­gganin alamma ṭṭfen­asen tamedwest.

­ 244 ­
Bururu yeḥya­d

Ɛaziz
Teɣriḍ lǧernan ṣṣbeḥ­agi ?

Ɛmara
Ur t­ɣriɣ ara lameɛna ḥṣiɣ bla ccek ur ɣ­d­cekkren ara, yerna
fkiɣ­asen lḥeqq imi la police yebda la tt­iteffeɣ leɛqel. Tura ur
iban ara anwa ara yaggaden ? D nekni neɣ d Bururu ? Tugdi i
ɣ­ttaggaden nekni akked d tin i ttaggaden Bururu ur
mxallafent ara (Yeɛḍes) Awi­d kan tamucwart­nni. Yak tella ?

Ɛaziz
Anɛam ih tella a si Ɛmara, ax !

Ɛmara
(Yenser) Ula d nekk aql­i tura ur gganeɣ ara, qqleɣ am
umčeɣyay n yiḍ.

Asayes 25

Ṭṭbib
Amek i tettiliḍ a si kumiṣar ?

Ɛmara
Am akka la tettwaliḍ a Docteur.

Ṭṭbib
(Yettxemmim) La ttwaliɣ tawenza­k tekres.

Ɛmara
(Yeskeɛrir) La tettwaliḍ tawenza­w tekres ! Isem­iw, twalaḍ,
tura atan mechur deg yiǧarnanen s ucettem. Acu i yi­yuɣen ?
Xuṣṣent­aɣ teɣratin. Bururu seg yidis, imesǧernanen seg
wayeḍ, ma d nekk di tlemmast ulac ansi ara yi­d­yekcem
usemmiḍ (Nnhati) Ad s­tiniḍ d nitni i yi­d­iceyyɛen Bururu i
wakken ad ḍsen deg­i, ad iyi­ihudden s ticcert n tira i d­
ssasnen di tedwayt n ucettem.

­ 245 ­
Bururu yeḥya­d

Ṭṭbib
Ooo ! Tessneḍ imesǧernanen a si kumiṣar ! Awi­d kan ad d­
afen ayen ara yesdehcen d wayen ara yesfeɛfɛen lɣaci. Ma d
tidet atan yirbeḥ, ma d lekdeb azekka­nni ad d­inin atan
neɣleḍ bla tewreɣ n wudem.

Ɛmara
I kečč a Docteur, teɣriḍ lǧernan ṣṣbeḥ­agi ?

Ṭṭbib
Ɣriɣ­t, ɣriɣ­t a si kumiṣar, lameɛna mačči d tikkelt tamezwarut
i d­kkaten deg­wen u mačči d tikkelt taneggarut ara ɣelḍen.
Nitni xeddmen lxedma­nsen, kra yella kra yerna. Ayagi d ayen
tessneḍ. Ihi ɣas kkes aɣbel ɣef wannect­a.

Ɛmara
(Yeɛḍes) Anda akken i serseɣ tamucwart­iw ?

Ṭṭbib
Ax tagi­inu, zeddiget.

Ɛmara
(Yenser) Tamucwart­agi inek a Docteur attan annect n uɛdil.
win yuḍnen la sinusite akka am nekk, ḥala tigad­agi i ilaqen.

Ṭṭbib
(Yecmumeḥ) Azekka ad ak­n­ceyyɛeɣ 12 seg­sent a si kumiṣar.

Ɛmara
Ssneɣ­k si zik tfehhmeḍ timsal (Yeɛḍes) I lemmer ad d­nawi
ameslay ɣef wayen i ɣ­iceɣben ?

Ṭṭbib
Ad d­neɛnu Docteur Sliman.

Ɛmara
Docteur Sliman, anɛam ih. D tagi i d lbaḍna i ɣ­yeccerken di
sin, ilaq ad as­d­naf iɣef­is.
­ 246 ­
Bururu yeḥya­d

Ṭṭbib
Ẓriɣ­t­id ṣṣbeḥ­agi di sbiṭar, Docteur i t­yeɛnan d ameddakel­
iw, am akken i nemsefham nekk yid­k, la t­yessewǧad i
wakken ad t­yerr s axxam n yimeslab.

Ɛmara
La ttwaliɣ yesshel­ak lumur i wakken ad terreḍ win i k­
yehwan s axxam n yimeslab.

Ṭṭbib
Win iteṣṣren lweḥc armi t­tekcem tisselbi am Docteur Sliman a
si kumiṣar. Kečč s timmad­ik qrib ad k­yesderwec.

Ɛmara
Kemmel awal­ik ɣef Docteur Sliman.

Ṭṭbib
Fkan­as taxxamt anda i t­ḥerren waḥd­s. Win i t­yettɛassan
yettabaɛ­it am tili, ur s­yettɛemmid ara ad yenṭeq ɣur imeslab
nniḍen. Mi ara d­yeffeɣ, yettmerriḥ di lḥuc n yimuḍan.

Ɛmara
Akken i xir. Axaṭer lemmer ad iketter di lehdur, zemren ad s­
d­rren s tamwat belli yesleb am kečč akked nekk.

Ṭṭbib
Ɣas kkes aɣbel ɣef wannect­a a si kumiṣar, ameddakel­iw
yexdem merra ayen iwulmen, mazal tura ad iyi­d­tiniḍ d acu i
d­yeggran ad nernu ad t­nexdem i wakken ad nessiweḍ s ayen
nebna ?

Ɛmara
I wakken ayen nebna ad ibedd ɣef lsas iṣeḥḥan, azekka ṣṣbeḥ
ad ruḥeɣ ad d­ẓreɣ Docteur Sliman di sbiṭar, ahat ad yili
wayen ara d­snunteɣ seg­s, kečč ssewǧed iman­ik ad tuɣaleḍ d
yiwen nniḍen. Ad tsebɣeḍ acebbub­ik akked cclaɣem­ik d
icebḥanen, ad tbeddel ṣṣifa­k.

­ 247 ­
Bururu yeḥya­d

Ṭṭbib
Ihi ad ḥennkeɣ, tebɣiḍ ad iyi­d­terreḍ d amɣar deg yiwen wass.

Ɛmara
Kečč meqqar ma tesmeɣreḍ iman­ik, d aḥennek, s ufella kan.
Nekk yemɣi­yi­d ccib n tewser ula deg wul­iw.

Ṭṭbib
Kemmel tura awal­ik a si kumiṣar. Mi smeɣreɣ iman­iw s
lekdeb...

Ɛmara
Ad teqqleḍ d Professeur ameqqran i tekcem tisselbi si ṭṭaqa n
unadi di tussna u ad teccerkeḍ taxxamt akked Docteur Sliman
s yisem­ik ajdid Professeur Findi.

Ṭṭbib
Professeur Findi, ad qqleɣ d ahendi a si kumiṣar.

Ɛmara
Anɛam ih, ula d udem­ik icuba deg­sen. Professeur Findi ad d­
nini yesɛa lḥirfa tameqqrant di tussna n yidammen. Ma
tḥerceḍ u tleɛbeḍ ddur­inek akken ilaq, ahat Docteur Sliman
ad yettwakellex, ad k­yamen, ad k­yeccrek yid­s u ad ak­imel
Bururu u ssyin a Docteur efk­iyi­d tameẓẓuɣt, sel­iyi­d...
Fhem­iyi­d...

Asayes 26

(Deg yiḍ, aṣekran yettɛanad tiɣwist n Bururu).

Aṣekran
Bu... Bururu... (Yettaḍsa ) Oooooooo ! (Isuɣ ) Kecmet... Kecmet
merra s ixxamen... Ooooooooooo ! Kecmet... Ya llah... Aql­i
usiɣ­d... Nekk d Bururu... Kecmet mulac win ara mmagreɣ deg
uzniq, ad s­d­qelɛeɣ ul­is Ha ! Ha ! Ha ! Ul­is ad t­skenfeɣ s
ufella n yirij... Ad t­ččeɣ... Ssyin, ssyin, ad sseggriɣ taqraɛt n
­ 248 ­
Bururu yeḥya­d

ccrab azeggaɣ i wakken ad yebleɛ ladɣa ma yella d ul


yedduzen n walbaɛḍ ibeɣḍiyen am kra n widen ssneɣ i yi­
yerran akka kkateɣ tabutayt (Taḍsa, tiḥiṭect, isuɣan n Bururu ).

Bururu
(Lebɛid) Oooooooooooooooooooooo !

Aṣekran
(Yewhem, yedhec) Azniq­agi ad s­tiniḍ yezga­d gar yidurar, la
d­yettarra ṣṣut. Ooooooooooooooo !

Bururu
(Iqerreb­d ) Oooooooooooooooooooo !

Aṣekran
(Yedhec) Atan daɣen yuɣal­d ṣṣut ! Ur fhimeɣ ara, arǧu kan ad
ɛandeɣ ad ssiwleɣ am Bururu Ooooooooooooooooooooo !
(Yettusu, yettaqqef) Awah ! Taɣect­iw tekkaw.

Bururu
(Iqerreb­d daɣen ) Ooooooooooooooooooooo !

Aṣekran
Asiwel­agi yif asiwel­iw... Ur yebɛid ara... Iqerreb­d...
(Yettxemmim) Lemmer ad yili... D Bururu ?... Ah !? (Yettaḍsa )
Awah ! Waqila ṣekreɣ s tidet... Arǧu kan ad d­ddmeɣ taqerɛet­
inu... Si lǧib ubalṭu (Yeddem­d taqerɛet) Ad sweɣ seg­s
idammen n yizem (Yeḥbes, yeswa) Tura ad d­akiɣ... Allen­iw
ad ldint (Yeḍsa).

Bururu
(Iqerreb­d s aṣekran ) Ooooooooooooo !

Aṣekran
(Yedduqqes­d, truḥa­s ṣṣekra) Awah ! Ass­agi ccrab ixdeɛ­iyi...
Iḍarren­iw ḥebsen u la sen­selleɣ la leḥḥun.

­ 249 ­
Bururu yeḥya­d

Bururu
(Ittnazaɛ) Idammen... Ulawen... Ad d­qelɛeɣ ul­ik... Ul­ik...
Yettqudduren d idammen yeḥman... Yeḥman...

Aṣekran
(Yeffeɣ­it leɛqel) La ḥawla wala qewwata illa bi llah lɛali
lɛaḍim... Aẓ akin... Ruḥ fell­i... Nnaɣ a yemma ɛzizen d acu­t
wagi ? D aruḥani... Ula d tiṣurtin ssneɣ ttuɣ­tent... Ɛerqent­
iyi... Akken ad ssrewleɣ fell­i leǧnun... Ur zmireɣ ara ad
rewleɣ... Iḍarren­iw kerfen... Neṭḍen di lqaɛa... Ggumman ad
lḥun... Ecc akin a Bururu... Tixxer fell­i... Ruḥ fell­i...

Bururu
Ad temmteḍ... Ad awiɣ ul­iw... Ul­iw... Cedhaɣ aqlaɛ n wul...
Ul... Ul...

Aṣekran
(Yeffeɣ­it leɛqel ) Tixxer­iyi... D acu i k­yexdem wul­iw...
Yeṭṭef­iyi... Ur zmireɣ ara ad rewleɣ... Serreḥ­iyi... Serreḥ­iyi...
Ma d tissit n ccrab... Ad k­ɛahdeɣ ma uɣaleɣ ad sweɣ...

Bururu
Ur iyi­d­tewqiɛ ara tissit n ccrab... D ul­ik i bɣiɣ... (Izehher)
Mmmmet ! Mmmmet !

Aṣekran
(Isuɣ) Aaaaaaaaaaaaaaaaaaaa ! (Yemmut).

Bururu
Dayen... Dayen... Yemmut... Yemmut... Atan wul­is yettquddur
d idammen yeḥman...

Asayes 27

Bu yiǧernanen
(Lḥess n lɣaci, ṭumubilat, yetsuɣu) Bururu yerna yenɣa !
Bururu yerna yenɣa ! Aɣet aǧernan ad teɣrem lexbar
­ 250 ­
Bururu yeḥya­d

aneggaru ! Bururu yerna yenɣa iḍelli deg yiḍ ! Yenɣa yiwen


usekran deg ubrid ! Am wiyaḍ, iqleɛ­d ul­is Atan, ax, ṭṭef ṣṣerf­
ik ! (Iɛeggeḍ) Ɣret lexbar aneggaru ! Bururu, lweḥc iqellɛen
ulawen yerna yenɣa !

Ɛmara
(Yeɛḍes) Awi­d kan yiwen uǧernan ay aqcic !

Bu yiǧernanen
Yirbeḥ ! Atan ! Ax ! Arǧu ad ak­n­rreɣ ṣṣerf ! (Yetɛeggiḍ)
Ɣiwlet, aɣet aǧernan i wakken ad teɣrem ayen akken ur
yettamen umdan !... Bururu yeḥya­d ! Bururu Yeḥya­d !

Ɛmara
La ttwaliɣ ay aqcic qrib ad faken yiǧernanen­agi. La ten­
ḥewwsen lɣaci !

Bu yiǧernanen
Ugaden ! Ur la qeḍḍɛeɣ ara, la keffun uqbel lweqt, seg wasmi i
d­yennulfa lweḥc­aqi, imdanen ttmiwwaten s teɣruḍt ɣef
uǧernan... Ax ṭṭef ṣṣerf­ik...

Ɛmara
Fiḥel, fiḥel, jmeɛ­it.

Bu yiǧernanen
Ɛṭik ṣṣaḥḥa (Iɛeggeḍ) Aɣet aǧernan ad teɣrem lexbar
aneggaru ! Bururu yeḥya­d !

Ɛmara
Ay aqcic, d acu i yellan di lbal n widen yettaɣen aǧernan ɣef
Bururu akked la police ?

Bu yiǧernanen
Amek ? Ur fhimeɣ ara !

Ɛmara
Nniɣ­ak, d acu i la ttmeslayen ɣef la police akked Bururu ?
­ 251 ­
Bururu yeḥya­d

Bu yiǧernanen
Wa yumen wayeḍ ur yumin ara ! Lewḥuc ahat ttilin zik­nni, di
lweqt n lejdud­nneɣ, ma d tura lweḥc d bunadem, aṭas i
icukken belli d albaɛḍ i la ineɣɣen s yisem n Bururu !

Ɛmara
Ɣef la police, d acu i la ttmeslayen ?

Bu yiǧernanen
La tcettimen deg­sen, ladɣa ameqqran­nsen, kumiṣar Ɛmara.

Ɛmara
kumiṣar Ɛmara ?

Bu yiǧernanen
Arǧu di leɛnaya­k ad rreɣ ṣṣerf i wagi. Atan ṣṣerf­ik swaswa.

Ɛmara
(Yeɛḍes) Aha kan a mmi kemmel awal­ik ɣef kumiṣar Ɛmara...
Tenniḍ­d la kkaten deg­s !

Bu yiǧernanen
Anɛam ih ! Rekḍen­t deg waluḍ. La qqaren merra meqqer, ad
iruḥ ɣer la retraite, ad yesteɛfu, tura ur yezmir ara i tlufa
timeqqranin yecban tid n Bururu. Yessefk ad d­rren deg
umkan­is win iẓewren.

Ɛamra
I kenwi s yimecṭaḥ, akka am keččini, d acu i la tettxemmimeḍ ?

Bu yiǧernanen
Nekk lemmer ufiɣ ur t­ttbeddilen ara i wakken Bururu ad
yeqqim, nekk ad kemmleɣ ad ssnuzuɣ iǧernanen s ṭṭaqa.

Ɛmara
Axemmem­agi­inek qessiḥ a mmi. Tḍemɛeḍ ad d­tṣewwreḍ
aɣrum­ik s lexbarat n yidammen i yessazzal Bururu ?

­ 252 ­
Bururu yeḥya­d

Bu yiǧernanen
(Yeɛqel­it) Lameɛna d tteṣwira­agi i la ttwaliɣ ters­d deg
uǧernan...!

Ɛmara
D acu it t­yuɣen, ur k­teɛǧib ara ?

Bu yiǧernanen
La ttwaliɣ tettemcabim... Tettemcabim...

Ɛmara
Yettemcabi ɣur­i ! D tidet d nekk ! D nekk i d kumiṣar Ɛmara !

Bu yiǧernanen
Semmeḥ­iyi a si kumiṣar... Ur bɣiɣ ara ad d­iniɣ...

Ɛmara
Ulac aɣilif a mmi, ulac aɣilif ! Nennum d ucettem ! Nezmer i
lhemm, terra­yaɣ tmara nettqabal lewḥuc ineɣɣen, nerna yir
lxir n widen iɣef nettɛassa deg yiḍ deg wass i wakken ad ilin di
laman. Nettwaxelleṣ i wakken ad nqabel lexdeɛ n ujenwi, tiyita
n rrṣaṣ n uɛdaw, d ucettem umi nessusum... Kemmel tura
lxedma­k a mmi... Kemmel... (Ileḥḥu, yerr­ad tawwurt).

Ɛaziz
Sani ara nruḥ a si Ɛmara (Yessker ṭumubil).

Bu yiǧernanen
Aɣet aǧernan i d­yeffɣen ɣef ddemma n wayen yeḍran...
Bururu yeḥya­d... Lweḥc iqellɛen ulawen yerna yenɣa iḍelli
deg yiḍ... Tikkelt­agi d asekkran i yemmuten s ufus­is... Bururu
yeḥya­d...

Ɛaziz
D acu i la tettxemmimeḍ a si Ɛmara ?

Ɛmara
Muqel, muqel lɣaci­inna, amek ttmizwaren s ugeḥḥes i
­ 253 ­
Bururu yeḥya­d

wakken ad d­aɣen aǧernan ara ɣren ɣef lweḥc yettemxebbaḍen


si zik i kra deg­sen seg wasmi llan d imecṭaḥ umnen yis­s,
bɣan tura ad d­awin ttbut.

Ɛaziz
Ayagi d tidet a si Ɛmara. Sliɣ ttmeslayen belli yal yiwen yekseb
lweḥc deg yiman­is, wa yeṭṭes deg­s i lebda imi yettwaɣleb s
tterbegga yelhan, wa d aqeyyel kan i la yesɛedday tanafa la
yettraǧu melmi ara d­yaki i wakken ad d­yessufeɣ ajjaren­is ad
yerkeḍ u ad yessluɣ lḥeqq, ad d­yeḥyu lbaṭel i wakken ad
yejreḍ abrid i yidammen.

Ɛmara
(Yeɛḍes) Ur d­renu ara... Ur d­rennu ara a Ɛaziz. Ur tfelsif ara
mulac ad iyi­tessettuḍ lxedma i ɣ­yettraǧun.

Ɛaziz
Ur ɛad i yi­d­tenniḍ sani ara nruḥ ?

Ɛmara
Ad nruḥ ɣer sbiṭar n yimuḍan n wallaɣ.

Ɛaziz
Fehmeɣ... Ad d­nẓer Docteur Sliman.

Ɛmara
Docteur Sliman ahat d netta ara yilin d tasarut iss ara nṣekker
tawwurt n taluft­agi n Bururu... Nher nher (Qellɛen).

Asayes 28

Ɛmara
(Ileḥḥu) D kečč i d afremli umi fkan lamer ad yuqqem
taɛessast ɣef Docteur Sliman ?

Afremli
Anɛam ih a si kumiṣar.
­ 254 ­
Bururu yeḥya­d

Ɛmara
(Yeɛḍes) Amek i teẓriḍ belli d nekk i d kumiṣar ?

Afremli
Ɛeqleɣ­k di lǧernan, ttweṣṣifen­k­id.

Ɛmara
D tidet, d tidet, mechureɣ aṭas ussan­agi.

Afremli
Docteur daɣen yemmeslay­d fell­ak, yenna­d ad d­taseḍ ass­a.

Ɛmara
Iban Docteur­agi­nwen yessedrag lbaḍnat. Aql­ak tḥebseḍ, d
tagi d tawwurt n texxamt n Docteur Sliman ?

Afremli
Anɛam ih, d tag i d taxxamt­is.

Ɛmara
Ɛṭik ṣṣaḥḥa. Ldi tawwurt, ssyin tzemreḍ ad truḥeḍ. Ad qqimeɣ
nekk d Docteur Sliman weḥḥed­neɣ.

Afremli
(Yeldi tawwurt ) Lameɛna Docteur Sliman d amuḍin, yezmer...

Ɛmara
Ur yezmir i wacemma ! La ttwaliɣ deg­k tesɛiḍ tazmert n
tzemmurt ad ibarek Rebbi, lameɛna ur ttaggad ara, ɣas kkes
aɣbel i wul­ik, zemreɣ i yiman­iw.

Afremli
Akken i k­yehwa a si kumiṣar, ttḥadar kan iman­ik, ma twalaḍ
yekker­d yemmeɣ­d fell­ak, siwel­d, aql­i zdat tewwurt.

Ɛmara
Nniɣ­ak ɣas ruḥ, ur ttaggad ara fell­i.

­ 255 ­
Bururu yeḥya­d

Afremli
Aql­i ruḥeɣ.

Ɛmara
(Yedhem tawwurt) Alxir a Docteur Sliman ! Amek akka tettiliḍ,
ur k­yuɣ wara ?

Sliman
Ur iyi­yuɣ wara ? D tisselbi n lbaṭel kan i sɛiɣ, d aya a si
kumiṣar ! I kečč d aḍu­nsen i k­id­yessawḍen ɣer dagi ?
(Yestehzay) Neɣ d aneɛruḍ i k­id­ɛerḍen ad tesɛeddiḍ yid­neɣ
kra n wussan ?

Ɛmara
Usiɣ­d ad ẓreɣ ma xtaren­ak­d taxxamt yelhan. Taluft­agi n
Bururu tebda la trewwi deg yiẓuran n uqerru­w... Arǧu ad
qqimeɣ ad steɛfuɣ... Ɛyiɣ...

Sliman
Atan ukersi zdat­k.

Ɛmara
(Yeqqim) Ur iban d acu n lḥess­agi i sliɣ, d akersi­agi i d
aqdim neɣ d iɣsan­iw i yeṭṭreḍqen si tewser ?

Sliman
D akersi i d aqdim.

Ɛmara
Ahat ad yili tesɛiḍ lḥeqq, d tidet, kečč d Docteur, teẓriḍ anwa i
d amuḍin meqqren (Yeɛḍes). La ttwaliɣ deg­k teḥliḍ, udem­ik
yeǧǧuǧǧeg a Docteur Sliman ! Iban imdawiyen n dagi
ẓewwren gerrzen, ssnen ad dawin...

Sliman
(Yeskeɛrir) D lexḍubegga i d­tusiḍ ad iyi­txeḍbeḍ a si kumiṣar.

­ 256 ­
Bururu yeḥya­d

Ɛmara
Ur sɛiɣ ara taqcict umi ara k­nasbeɣ.

Sliman
Lemmer tesɛiḍ yelli­k, nekk ur qebbleɣ ara ad k­sɛuɣ d aḍeggal
a si kumiṣar.

Ɛmara
Ḥṣiɣ ur iyi­tḥemmleḍ ara imi teḥṣiḍ belli kumiṣar n la police i
lebda yetcukku, yettani, yettnadi, yesferfud u yessedhar­d tidet
yettumeḍlen, ur yelli ara am yimdanen nniḍen, fkiɣ­ak lḥeqq,
ula d nekk lemmer ḥṣiɣ zik­nni akka i d ṣṣenɛa n la police tili
xtareḍ lḥirfa nniḍen, tura nnumeɣ­tt, ḥemmleɣ­tt, tezdeɣ
iɣsan­iw, allaɣ­iw, ur ttbeddileɣ ara lḥirfa­inu s wayen i k­
yehwan.

Sliman
(S lmeɛna)Tura dayen, ur tettu ara belli kečč d awessar, ifut­ik
lḥal... A si kumiṣar...

Ɛmara
(Yeɛḍes, ibeddel tiɣri) Docteur Sliman ḥwaǧeɣ­k.

Sliman
Teḥwaǧeḍ­iyi ? Ɣef wacu i yi­teḥwaǧeḍ ?

Ɛmara
(Yeɛḍes, yezɛef) Ur sneɛmal ara, teḥṣiḍ ɣef wacu (Yeɛḍes).

Sliman
Ɣas ur iyi­d­ssutur ara tamucwart, ur sɛiɣ ara, sfeḍ s ufus n
ubalṭu inek !

Ɛmara
Ɣer dinna i la tedduɣ lemmer ur walaɣ lizar n umeṭreḥ­ik. Ah !
Atan ufiɣ­tt tmucwart­nni tageswaḥt ! (Yenser) Ur ɛad i yi­d­
twaǧbeḍ a Docteur Sliman.

­ 257 ­
Bururu yeḥya­d

Sliman
Fehmeɣ teḥwaǧeḍ­iyi ɣef Bururu.

Ɛmara
Twalaḍ amek i yi­tfehmeḍ ! Ssefhem­iyi tura acuɣer d kečč i d­
yeqsed Bururu ?

Sliman
Iqsed­iyi­d nekk imi bla cekk icukk neɣ yeḥṣa belli baba yeǧǧa­
yi­d kra seg tmusni­ines di ṭṭebb. Si kumiṣar, Bururu yettnadi
amassan izemren ad t­id­yerr ɣer laṣel­is, d bunadem, ur
yettɣimi ara akka d lweḥc.

Ɛmara
Ayɣer ? Ssefhem­iyi­d, ssefhem­iyi­d !

Sliman
Fehmeɣ­t yebɣa ad yemmet d amdan, ma yella akka mazal­it d
lweḥc s ṣṣifa n Bururu i d­yeṣneɛ lɛilm, ur yezmir ara ad yenɣ
iman­is.

Ɛmara
Tebɣiḍ ad d­tiniḍ belli ma yella yeqqim akka d lweḥc, lmut­is
ad tili...

Sliman
Cfu, cfu a si kumiṣar, terriḍ­as­d s tamawt asmi i tjebdeḍ fell­
as s rrṣaṣ, tḥuzaḍ­t tleqfeḍ­t, rric yettanṭag seg yidmaren­is u
netta ur yemmut ara.

Ɛmara
Ulac ayen ur nettmettat ara. Yezmer ad yettwafhem waya.

Sliman
Ur walaɣ ara amek ara k­d­sfehmeɣ ayagi. D lɛilm, d tussna, d
ṭṭebb. Netta d amuddur, tafekka­s temmut. Am win yettɛaraḍen
ad yenɣ i tikkelt tis snat alaxert.

­ 258 ­
Bururu yeḥya­d

Ɛmara
(Yewhem) D tidet yecban lekdeb. Tafekka­s temmut ma d netta
mi yeṭṭef albaɛḍ, alamma yefreḍ­as­d akk idmaren­is s
wajjaren i d­yemɣin deg yiḍudan n yifassen­is d wamek ara s­
iserreḥ d lmeyyet, lameɛna...

Sliman
Lameɛna ? Kemmel awal­ik a si kumiṣar, ulac lbaḍna gar­aneɣ.

Ɛmara
Ayɣer ur ɣ­d­yeɛni ara ? Nekni i wakken ad as­nuqqem ttawil
s lɛulama i nebɣa ad t­id­nawin ?

Sliman
Semmeḥ­iyi a si kumiṣar, dagi txuṣṣeḍ tiḥḥerci.

Ɛmara
Mačči armi d ass­agi i ḥṣiɣ ayagi. Ussan­agi iǧernanen i lebda
la yi­t­id­smektayen s ucettem i la d­tcettimen deg­i, tura
nnumeɣ.

Sliman
Ur tettu ara a si kumiṣar belli ma rriɣ­k txuṣṣeḍ tiḥḥerci, kečč
terriḍ­iyi d ameslub ur slibeɣ. Aql­i qqimeɣ dagi baṭel.

Ɛmara
(Yeɛḍes) Ih ! Tura haḍeɣ, bbehbaɣ, ssexlaḍeɣ kullec a Docteur
Slimane. Mazal ur ɛad i yi­d­twaǧbeḍ !

Sliman
Bururu yuggad, ma yeqsed la police, ad ɛerḍen ad t­nɣen s
rrṣaṣ neɣ s wayen nniḍen, netta ur yettmettat ara, neɣ ma
ḥebsen­t ayagi ma iɛemmed i yiman­is ad yettwaḥbes, di lweqt
ideg tajmaɛt n lɛulama n ṭṭebb ttnadin amek ara t­id­rren d
bunadem, netta ad yeḥwiǧ ad ineɣ, ad yeqleɛ ulawen. Ɛef
wannect­a i yextar yeɛna­yi­d nekk Docteur Sliman, mmi­s n
Professeur Saad Ḥari i t­yerran akka d lweḥc. Tfehmeḍ ?

­ 259 ­
Bururu yeḥya­d

Ɛmara
fehmeɣ ur fhimeɣ (Yeɛḍes) Berka­yi ass­agi si lɛilm nwen, atan
uqerruy­iw la yettfurru am useksut, ad kkreɣ ad ruḥeɣ i
wakken deg ubrid ad iyi­d­ibeqqec ubeḥri ara yessfsin
iraggen­agi isebken deg wallaɣ­iw. Ihi qim di talwit a Docteur
Sliman.

Sliman
Ruḥ, ssefqad­d akka si tikkelt ɣer tayeḍ.

Ɛmara
Waqila qrib ad iyi­d­rnun ɣur­k, ad d­ssedduɣ yid­i lleɛb n
dduminu i wakken ad t­neɣleq di sin (Yerra tawwurt).

Afremli
Ihi a si kumiṣar, yemmeslay­d yid­k (Yeɣleq tawwurt s tsarut).

Ɛmara
Yemmeslay­d yid­i lameɛna d imeslayen n yimeslab, ur ɛad
wwḍeɣ ɣur­s yečča­yi­d seg wudem am tmess s ucettem.

Afremli
Qbel ma d­tawḍeḍ yella yethedden. Ahat tura ma izad fell­as
lḥal.

Ɛmara
Ahat imi yi­d­yeɛqel si la police. Kečč yessen­ik, tura yennum­
ik, d afremli­ines.

Afremli
Tura ad kecmeɣ ɣur­s ad ḍilleɣ fell­as, ttaggadeɣ ad yexdem
kra.

Ɛmara
Ulayɣer, dayen, dayen, sseḥlaɣ­t, nnḍeɣ­as lebxur iqdimen n
temɣarin yessnen azal meqqren n yeḥtufen iṣeḥḥan. Tura ǧǧiɣ­
t yethedden (Tikli lebɛid).

­ 260 ­
Bururu yeḥya­d

Afremli
(I yiman­is) Armi d ass­agi i ẓriɣ belli imeslab n tidet
yeḥwaǧen adawi iṣeḥḥan deg uzniq i ttilin ttmerriḥen.

Asayes 29

Di sbiṭar n yimeslab, di texxamt n Docteur Sliman.

Professeur Findi
Lliɣ d iminig di lɣerba ɛeddan ɛecra yiseggasen, nekk ttnadiɣ
teẓẓmeɣ deg wallaɣ­iw armi ssawḍeɣ ɣer wayen mennaɣ.

Sliman
Ayen i tmennaḍ ? D acu i tmennaḍ ?

Professeur Findi
Ufiɣ lɛilm yugaren akk lɛilm n ṭṭebb.

Sliman
Amek akka ? D acu­t lɛilm­agi ? Ssefhem­iyi­d.

Professeur Findi
Ufiɣ­d amek ara rnuɣ teɣzi n leɛmer i win wessren.

Sliman
Teɣzi n leɛmer i win wessren ?

Professeur Findi
Anɛam ih, ad t­id­rreɣ d ameẓyan akka am kečč. Lameɛna
asmi jerrbeɣ ayen d­ufiɣ deg yiwen umɣar... yemmut. Udem­is
yettubeddel, yuɣal d ilemẓi.

Sliman
Dagi iḍher­d belli tussna i d­tufiḍ txuṣṣ, ur tewwiḍ ara a si...

Professeur Findi
Isem­iw Professeur Findi (Yezɛef) tussna inu ur txuṣṣ ara.
­ 261 ­
Bururu yeḥya­d

Sliman
Ihi ayɣer i yemmut umɣar­agi ?

Professeur Findi
Yemmut d tidet, lameɛna ajerreb­iw yerra­t d ilemẓi, tesliḍ ?
Yeqqel d ilemẓi.

Sliman
Imi yeqqel d ilemẓi a si le Professeur Findi, ihi d acu i t­
yenɣan?

Professeur Findi
D ul­is i t­yenɣan a si... a si...

Sliman
Isem­iw Docteur Sliman.

Professeur Findi
Ah ! Tura fehmeɣ... Docteur Sliman !

Sliman
D acu i tfehmeḍ a si Professeur Findi

Professeur Findi
Fehmeɣ ayɣer i ɣ­d­ssemlalen ɣer yiwet texxamt, ayagi imi
nella d lɛulama n udawi, i wakken ur nettemsnuɣni ara deg
umbaddel n tektiwin.

Sliman
Ḥṣan nennum nettemsefham gar­aneɣ, kemmel awal­ik a si le
Professeur Findi.

Professeur Findi
Amɣar­nni i d­rriɣ d ilemẓi yecceḍ­iyi yemmut d amuḍin n
wul, ayagi mazal ur t­fhimeɣ ara.

Sliman
Ilaq ad teḥṣuḍ ayagi qbel ad tebduḍ ajerreb.
­ 262 ­
Bururu yeḥya­d

Professeur Findi
Ḥṣiɣ ayagi, ur ɛuddeɣ ara di lfekr­iw belli asnulfu i d­ufiɣ ad s­
d­yeǧǧ aṭṭan n wul.

Sliman
Tura aql­ak teẓriḍ.

Professeur Findi
Ẓriɣ lameɛna ifut lḥal, ajerreb­iw yenɣa ! Ɛeddaɣ di ccreɛ, ass­
agi aql­iyi dagi yid­k d ameslub.

Sliman
Ini­yi­d a si le Professeur Findi, ayen akka i d­tesnulfaḍ
yettarra amɣar d ilemẓi, ahat ad k­ḥwiǧeɣ.

Professeur Findi
Ɣef wacu ara yi­teḥwiǧeḍ ?

Sliman
(Yeḍsa) Win ara d­yeslen i tektiwin­agi i la nettembiddal gar­
aneɣ, ur yettamen ara d tidet i la d­neqqar, ad ɛudden d tidet n
yimeslab, imeɛduren n wallaɣ.

Professeur Findi
(Intéréssé ) Imi akka i sen­yehwa rran­aɣ d imeslab, ad
nkemmel deg yimeslayen n tisselbi. Docteur Sliman, mazal ur
ɛad i yi­d­tesfehmeḍ ayɣer i yi­teḥwaǧeḍ ?

Sliman
Bɣiɣ ad rreɣ lweḥc d bunadem, ḥwaǧeɣ­k ad iyi­tɛiwneḍ.

Professeur Findi
(Yecmumeḥ) Kečč waqila d tisselbi n tidet i tesɛiḍ, nekk mliɣ­
ak­d lbaḍna­w u la tettmesxireḍ fell­i.

Sliman
Ur reffu ara a si le Professeur Findi, ula d nekk d lbaḍna ara k­
d­mleɣ, bɣiɣ ad d­rreɣ Bururu d amdan, nekk d mmi­s n
­ 263 ­
Bururu yeḥya­d

Professeur Saad Ḥari i d­iṣenɛen lweḥc­agi i wakken ad


ssiwḍeɣ alamma yeḥla Bururu, ilaq­iyi yiwen akka am kečč ara
yi­iɛiwnen.

Professeur Findi
Ihi win ara k­iɛawnen aql­ak tufiḍ­t­id, d nekk. Lameɛna
amek, aql­aɣ nettwaḥbes di sbiṭar­agi.

Sliman
Bururu ur iyi­yettaǧǧa ara dagi, ur yettɛeṭṭil ara ad d­iḍil ɣur­i.
Yeḥwaǧ­iyi, tura nemyiḥwaǧ akk. Mazal ad k­ḍemneɣ, lweḥc­
agi ur yettmettat ara, ur yesɛi ara aṭṭan n wul ara t­yenɣen.

Professeur Findi
Ihi ula d nekk ad k­ḍemneɣ belli s lefker­iw, s wayen i d­
snulfaɣ ad k­ɛiwneɣ ad t­id­nerr d bunadem imi la teqqareḍ
ul­is iṣeḥḥa. Di sin ad nessedhec ddunit merra.

Sliman
(Yettfa) Ihi attan teddez tebrez (Yettfa) La ttnuddumeɣ.

Professeur Findi
Ihi ula d nekk ad kkreɣ ad ṭṭseɣ (I yiman­is) kumiṣar Ɛmara
yeḥṣa, tura aql­i di tlemmast n temsalt, ilaq ad d­afeɣ amek ara
nɣeɣ Bururu, amek ara yemmet, ttɛeddint deg­s terṣaṣin ur
iɣelli amzun fellunt tafekka n ulaxert, ilaq ad d­afeɣ tiḥila
amek ara yemmet lmut n tidet.

Asayes 30

Afremli
(Ileḥḥu, yeldi tawwurt) Mazal ur ɛad teṭṭseḍ a Docteur
Sliman ?

Sliman
Ur iyi­d­yusa ara naddam, la yi­d­yesmejgar.

­ 264 ­
Bururu yeḥya­d

Afremli
Ḥṣiɣ ur tegganeḍ ara, atan wwiɣ­ak­d Le Journal du Soir i
wakken ad tesɛeddiḍ yis­s lwaqt.

Sliman
Awi­d kan... Aywah ! D acu akka daɣen i d­sersen ?... Mmm !
Mazal tcettimem di kumiṣar Ɛmara ? Ggumman ad s­brun !

Afremli
Ini­yi­d a Docteur Sliman, lemmer Bururu ad inadi fell­ak,
yezmer ad k­id­yaf dagi ?

Sliman
Yezmer ! Yezmer ad yeḍfer later­iw alamma yufa­yid. Ayagi
ɣas kkes fell­as ccek.

Afremli
La ttwaliɣ, am lhayca la yesraḥay lǧerrat.

Sliman
D tidet, ayen yebɣa yettaweḍ­it. Lameɛna tura ur ḥṣiɣ ara ma
yella mazal­ik d afremli i telliḍ neɣ tbeddleḍ ṣṣenɛa s tayeḍ ?
Ɣef leḥsab n yisteqsiyen­agi­inek, aql­ak tkecmeḍ di lɣumuq n
ssuq n lbeḥt n la police.

Afremli
Bɣiɣ ad d­iniɣ a Docteur Sliman ma yella Bururu ad k­id­
yeqsed ɣer dagi, ɣas ur ttxemmim ara, qbel ad d­yaweḍ ad iyi­
d­yaf deg ubrid­is (Yeḍsa). Muqel, ma ḥuzan­t yifassen­agi, ad
t­rrẓeɣ am uɣanim. Ad as­mleɣ d acu i d lǧehd.

Sliman
La ttwaliɣ, la ttwaliɣ, d ayen ibanen, tǧehdeḍ, ḥṣiɣ telliḍ zik­nni
deg waddal n umɛebber d umceččew le catch, s wayagi i d­
yernan teshel­ak teswiɛt i wakken ad d­tkecmeḍ ɣer dagi
akken ma twulem ad tarzeḍ imuḍan inecfen... Lameɛna...
Lameɛna...

­ 265 ­
Bururu yeḥya­d

Afremli
Lameɛna ?... D acu i tebɣiḍ ad d­tiniḍ a Docteur Sliman ?

Sliman
Bɣiɣ ad k­d­iniɣ, ma yusa­d Bururu ur ttɛaraḍ ara lǧehd­ik
yid­s. Yesɛa tazmert d ayen ur iqebbel leɛqel, sel­iyi­d mliḥ, aɣ
awal­iw si tura ma twalaḍ­t iḍall­d, rwel, ur ttɣimi ara zdat­s
neɣ mulac...

Afremli
Neɣ mulac ?

Sliman
Neɣ mulac ad tesgujleḍ arraw­ik ! Ad temmteḍ ! Ad k­ineɣ s yir
lmut !

Afremli
I kečč a Docteur Sliman ? Ma yufa­k­id weḥd­k ?

Sliman
Ur ttaggad ara fell­i, nekk ur iyi­ineɣɣ ara, yeḥwaǧ­iyi,
yettnadi ad d­yaweḍ alamma d ɣur­i, kra n win ara d­yaf deg
ubrid­is ad t­yekkes. Ulac ayen izemren ad t­yeḥbes. I tura
tfehmeḍ neɣ ur tefhimeḍ ara d acu i bɣiɣ ad d­iniɣ ?

Afremli
Fehmeɣ. D imeslayen n umeslub umi la selleɣ (Nnhati) Ad rreɣ
iman­iw selbeɣ, ad amneɣ ayen akka i la d­teqqareḍ, ad aɣeɣ
awal­ik.

Sliman
Akken i xir. Ula d nekk d ayagi kan i la ttnadiɣ, ad tfehmeḍ i
wakken ad d­teggriḍ d amuddur i yiɛeggalen­ik, yelha­yak ma
tuɣeḍ awal­iw.

Afremli
Professeur Findi atan yeṭṭes !

­ 266 ­
Bururu yeḥya­d

Sliman
Ur iqeyyel ara deg wass.

Afremli
Rriɣ­as­d s tamawt, yezga yeɣɣar aṭas tiktabin n lɛilm. Docteur
Sliman bɣiɣ ad k­d­iniɣ tečča­k nniya­w d ayen kan. Ur
cukkeɣ ara tselbeḍ. Nekk d aqdim dagi, ttaɛqalen widen
yuḍnen s tidet.

Sliman
(Yeḍsa) Ula d nekk armi fessuseḍ ɣer nniya­w i la k­ttweṣṣiɣ i
wakken ur tettqazameḍ ara Bururu, imi ur bɣiɣ ara ad k­ineɣ
di lbaṭel, kečč ad temteḍ, netta ur yuklal imi mačči di lɣerḍ­is i
yella.

Afremli
Muḥal, ur teslibeḍ ara, ɣelṭen deg­k a Docteur Sliman. Mačči d
lehdur n umeslub i la d­teqqareḍ, ttbanen yimeslayen­nsen,
ssneɣ­ten.

Sliman
Ur teɣliḍeḍ ara. Win iselben d win d ssebba i yi­d­yessawḍen
ɣer dagi. Ttwaḥebsen gar yimuḍan n leɛqel (Nnhati) Waqila
yewweḍ­d lawan ad truḥeḍ ad testeɛfuḍ kra.

Afremli
Ala, mazal. Ayɣer yella ufremli yettɛassan imuḍan deg yiḍ ? Ad
kkreɣ ad ruḥeɣ ad ten­sfeqdeɣ.

Sliman
(Yeskeɛrir) Imeslab nniḍen am nekni !

Afremli
Ala, mačči am kečč a Docteur Sliman. Ad sfeqdeɣ imeslab
yuḍnen s tidet, yeḥwaǧen adawi n tidet.

Sliman
La ttwaliɣ lemmer d kečč i d Docteur n yimeslab, muḥal ad
­ 267 ­
Bururu yeḥya­d

tɛemmdeḍ ad iyi­d­skecmen ɣer dagi.

Afremli
Ur wwiḍeɣ ara ɣer tmusni ɛlayen n ṭṭebb i wakken ad iyi­d­
iṣaḥ uḍebber, d afremli kan umi ssawḍeɣ. Ihi aql­i ad ruḥeɣ,
ma teḥwaǧeḍ­iyi attan tnaqust n usiwel.

Sliman
Ur tettuɣ ara lefhama­k, la ttwaliɣ tessneḍ lḥirfa­k, imuḍan
zemren ad tteklen fell­ak. Lḥal ibeddel, semmeḍ, qbel ad d­
skecmen seg ufrag, ǧǧiɣ­n asigna iɣumm igenni, ageffur yebda
la d­yettmiqi.

Afremli
Yerna ibeddel ugar, tura la d­yekkat s uzayeḍ. La méteo
tɛeggen­d la teqqar aḍu ad yeqleɛ ifurkan, ad yekkes iqermyad,
ad yefreḍ iberdan, rrɛud ad d­yeccerk s lḥess­is lebraq ad
yecɛel gemmaḍi, tiftilin ad xsint, nekni ad nerwu tazzla s
ukanki deg yiseqqifen.

Sliman
(Yeḍsa) Aql­ak tweṣṣfeḍ­d nnger n ddunit !

Afremli
D nnger n ddunit n tidet, yerna abrid­agi i d­yettwain ɣer
sbiṭar, yesseḍlem, tiftilin zgant rrẓent neɣ xeṣrent, deg yiḍ ma
texḍa­k llamba n uẓru, ur tezmireḍ ara ad telḥuḍ ula d lmitra,
d tiyita n butellis.

Sliman
(Yenncraḥ) Deg wayen akka i la d­teqqareḍ kra yella kra
yerna.

Afremli
Ulac ayen i d­yernan a Docteur Sliman, d ayen yellan i yellan
D tidet, tura d lweqt ad ruḥeɣ ad d­zziɣ i yimuḍan... Ma
txuṣṣeḍ kra... Ur ttɛeṭṭileɣ ara ad d­sfeqdeɣ.
(Lehwa, rrɛud, lebraq).
­ 268 ­
Bururu yeḥya­d

Sliman
(Yettxemmim) D lweqt yecban iḍ­agi yerwin, yesserwalen
lɣaci s ixxamen, i yettextiri Bururu i wakken ad d­yeffeɣ. Ur
gganeɣ ara, ad t­rǧuɣ... Deg yiḍ­agi ad d­yas... Ad d­yas... Ad
iyi­d­yaf weǧdeɣ...

Asayes 31

Aḍu, lehwa, rrɛud d lebraq.

Bururu
(Yettnazaɛ) D ayen ufiɣ­t­id... Dagi d sbiṭar n yimeslab... La
sraḥayeɣ Docteur Sliman... Ih ! Ih ! D netta... Atan da... Atan...
(Amcic yesmiɛiw, yerwel) Anda akka tella tewwurt ? Attan d
tagi... Tṣekker, ilaq ad tt­rẓeɣ... Tagi mačči am tewwurt n
uzniq... Dinna neggzeɣ­d i ṣṣur... Dayen terreẓ... (Yesraḥay)
Docteur Sliman ad yili dihin... (Ileḥḥu s taẓeyt, yuker addud)
Attan tewwurt nniḍen (Imeslab ttnaɣen, ttuɣun ) Ula d tagi
tṣekker (Yerẓa­tt. Yekcem s anda isell i yimeslab, yezɛef )
Susmet... Sumet... (Yessawel) Docteur Sliman... Docteur
Sliman... (Yettnazaɛ).

Ameslub 1
(Yettaḍsa) Acḥal i yezyen ! I yezyen, i yezyen, yezyen... Muqel
kan, muqel kan... Yellexs­d akk s ugeffur... Acebbub­is yexreb,
yennegdam­d ɣef unyir­is.

Ameslub 2
Arǧu kan ad waliɣ, kkes ameẓẓuɣ­ik, atan yergel­d tamuɣli.

Ameslub 1
Hatan, hatan, senqed­it, allen d tizeggaɣin am udfel.

Ameslub 2
D tidet, d tidet. D ticebḥanin, d ticebḥanin d ayen kan.

­ 269 ­
Bururu yeḥya­d

Ameslub 1
Muqel kan, muqel kan ! Uglan­is am wid n wuccen, d
imellalen, bla cekk yessirid­iten s yiɣiɣden.

Ameslub 2
(Yettaḍsa) Yetcemcabi ɣer tḍeggalt­iw... Ur d­yenni ara isem­
is... Tessneḍ isem­is ? Wagi ahat ad yili d Harun Racid neɣ d
Ɛumar Xiyyam (Bururu yettnazaɛ) Tesliḍ­as ? Atan yebɣa ad
aɣ­yessewḥec ! Ur ɣ­yessin ara. Ad as­iniɣ isem­iw. Isem­iw
Geɣɣuc bibru, ṣṣenɛa­w d lqabla (Yettaḍsa).

Ameslub 1
(Yettaḍsa) Yettaṭṭaf addud i temcac mi ara d­arwent iwtal, ma
yella d nekk, ṣṣenɛa­w d lqaḍi, ttaruɣ leɛqud n zzwaǧ i testan
akked iyuzaḍ. Asmi ara tɛewwleḍ ad tzewǧeḍ, ini­yi­d ad ak­
d­xeḍbeɣ albaɛḍ n tɣeṭṭen, ad k­d­xtireɣ yiwet ikessen nnig
icerfan. I kečč ini­yi­d tura d acu i d ṣṣenɛa­k ? D anaẓur n
ccna ? Tesbeɛbiɛeḍ neɣ tessglafeḍ ?

Bururu
(Yettnazaɛ, yezɛef) Beɛbeɛ... (Yexbec udem u umeslub).

Ameslub 1
(Isuɣ) Ay ! d acu akka i t­yuɣen ?

Ameslub 2
(Yettaḍsa) Ixbec­ik­id seg uqadum... Yessenɣel­d tiṭ­ik...

Ameslub 1
Tiṭ­iw ? Anda tella ?

Ameslub 2
Attan tɛelleq­d... Arǧu ad tt­id­kkseɣ... Ax attan... Ffer­itt...
Inek.

Ameslub 1
(Yefreḥ) Tiṭ­iw meskint, tḥemmel aḍilli... Acḥal i tella
tettmuqul­iyi­d di kra n tɣawsiwin s tuffra... Di leɛmer tt­ṭṭfeɣ
­ 270 ­
Bururu yeḥya­d

deg ufus­iw... Ziɣ tebbaḥ d ayen kan... Ad tt­ffreɣ, ad tt­


jemɛeɣ, ad s­rreɣ leqrar, ad iyi­d­teggri d souvenir, muqel­itt
kan muqel­itt kan... D tamxaleft.

Ameslub 2
Ay aderwic, s wacu akka i la tettwaliḍ belli d tamxaleft ? Ziɣ
kečč d azewwax.

Ameslub 1
Walaɣ s tiṭ nniḍen ay ameslub. Ur teḥṣiḍ ara nekni s yimdanen
nesɛa rebɛa wallen ?

Ameslub 2
D tidet, d tidet... D tatut i ttuɣ... Aqerru amcucm... Sked kan
udem­ik ? Atan yesbeɣ­ak­id akk s yidammen... Ɛni tenger
sbiɣa di tḥuna ? (Yettmuqul akka d wakka ɣef Bururu) Anda
akka yella umexluq­nni ? Ad as­iniɣ ad iyi­d­yeqleɛ tiṭ­iw ula
d nekk i wakken ad tt­ffreɣ d souvenir, ad iyi­d­tesmektay akk
ayen tella tettwali teffer­it fell­i.

Ameslub 1
Iruḥ dayen (Yefreḥ) Teffeɣ­d lamuda d tajdidt, yelsa­d llebsa n
rric, wagi yedderwec s tidet, yettɛanad ifrax.

Bururu
(Ileḥḥu) Attan tura tewwurt i iḥerren Docteur Sliman ɣer
texxamt (Yessawal) Docteur Sliman ! Docteur Sliman !

Sliman
(Si daxel) Bururu ! Bururu ! Rreẓ­d tawwurt, rreẓ­d tawwurt.

Bururu
(Yettnazaɛ) Ad tt­in­rrẓeɣ... Ad tt­in­rrẓeɣ... Ur ttɣimi ara
deffir tewwurt...

Afremli
(Yuzzel­d) D kečč i d Bururu ?

­ 271 ­
Bururu yeḥya­d

Bururu
Anwa keččini ? Tixxer akin.

Afremli
(Yezɛef) Tura ara k­mleɣ anwa nekkini a lweḥc !

Bururu
Lweḥc ? (Yezɛef) Ul... Idammen....

Sliman
(Si daxel, yetsuɣu) Ur ttaẓ ara ɣer Bururu ! Rwel ! Rwem ! Ur
s­tezmireḍ ara !

Afremli
(Yettaḍsa) Ur ttaggad a Docteur Sliman, nniɣ­ak ad t­rrẓeɣ, mi
yemmut gar yifassen­iw ad k­d­ldiɣ tawwurt ad teẓreḍ tafekk­
as teẓẓel di lqaɛa. Ad ken­henniɣ si lweḥc iqellɛen ulawen
(Ttemseččawen).

Sliman
(Yettḥellil­d si daxel) Tixxer ! Rwel ! Bururu ad k­ineɣ ! Rwel
fell­as di leɛnaya­k ! Tixxer­as mulac ad temteḍ !

Bururu
Tettnadiḍ lmut... Ah ! Ad temmteḍ ! D kečč i yebɣan ad
temmteḍ ! Ul­ik tura ara t­id­qelɛeɣ seg yidmaren­ik !

Afremli
(Iḥulfa i lǧehd n Bururu, yeɛteb) D tidet d lweḥc yeǧhed, ur s­
zmireɣ ara... Yeṭṭef­iyi si teɛruḍt... La yi­itessed ɣer lḥiḍ...
Ggummaɣ ad d­snesreɣ iman­iw seg­s.

Bururu
Ulawen !... Ul­ik !... Ulawen !... Ad k­nɣeɣ !

Afremli
(I yiman­is) Yettnadi ad iyi­ineɣ !... Ajjaren­is ntan deg uksum­
iw... D acu akka i la ixeddem ? Yesswseɛ afus­is ɣer deffir... Ad
­ 272 ­
Bururu yeḥya­d

iyi­d­yewwet yis­s... La ttwaliɣ ajjaren­is ffɣen­d... (Yetsuɣu)


Ur iyi­neɣɣ ara... Ur iyi­neɣɣ ara...

Sliman
(Si daxel yettuɣu) Ur t­neɣɣ ara a Bururu, serreḥ­as !...

Bururu
(Yerfa yewwet afremli) Mmet !... Mmet !...

Afremli
(Isuɣ) Aaaa !... (Yemmut).

Bururu
(Yethedden) Dayen yemmut... Yemmut... Ul­is ṭṭfeɣ­t yeḥma...
Yeḥma...

Iḍegger tafekka­s ɣer lebɛid. Imeslab ttuɣun, ssawalen :


yemmut... yemmut... yenɣa­t.

Sliman
(Yessawal­d si daxel) Bururu ! Bururu ! Ɣiwel rreẓ­d tawwurt
qbel ad d­awḍen yiɛessasen nniḍen.

Bururu
Aql­iyi­n a Docteur Sliman... Ad tt­rrẓeɣ... Ad tt­rrẓeɣ... (Yebda
yettruẓu tawwurt).

Sliman
Rnu... Demmer­itt­id... Ur mazal aṭas ad teqleɛ (Tiyitiwin ɣef
tewwurt). Ruḥ ! Rnu... Sit­d.... Akken... (Lyajur la d­iɣelli). Rnu,
lyajur yeṭṭfen tawwurt la d­qellɛent... La d­teffɣent seg umkan­
nsent... Aha, Bururu demmer­itt­id... Demmer tawwurt...
Qrib...

Bururu
(Izehher si zzɛaf, tawwurt terreẓ, teɣli s lḥess) Dayen terreẓ a
Docteur Sliman (Yekcem) Yya tura ad nruḥ... Ad n­ruḥ...

­ 273 ­
Bururu yeḥya­d

Sliman
Ḥṣiɣ ur iyi­tettaǧǧaḍ ara dagi a Bururu ! Lliɣ ttraǧuɣ­k yal ass,
ttraǧuɣ ad d­terrẓeḍ tawwurt­agi i yi­d­iḥerren di texxamt n
yimeslab di lbaṭel.

Professeur Findi
(Yewhem) Ihi d wagi i d Bururu ? D wagi i d lweḥc iqellɛen
ulawen ?

Bururu
(Icukk ) Anwa wagi !...

Professeur Findi
Nekk ? D Professeur Findi.

Bururu
(Izehher) Kečč ad k­nɣeɣ... Ad temmteḍ...

Sliman
Ala ! Xaṭi... Ur tneɣɣ ara, neḥwaǧ­it a Bururu !

Bururu
Nekk ḥwaǧeɣ ul­is... Ul­is... Ul­is...

Sliman
(Yumer­it) Nniɣ­ak ur tneɣɣ ara ! Neḥwaǧ­it !

Bururu
Ad yemmet... Ilaq ad yemmet... (Yettaẓ)

Professeur Findi
Arǧu... Arǧu... Ur k­iteffeɣ ara leɛqel ! Aẓ akin... Ur d­ttaẓ ara
ɣur­i...

Sliman
Bururu ! Professeur Findi d lɛalem ameqqran, ḥwaǧeɣ­t ad
yeddu yid­neɣ i wakken ad iyi­iɛiwen ad k­id­nerr d bnadem.

­ 274 ­
Bururu yeḥya­d

Bururu
Ur umineɣ ara... Ur umineɣ ara... Iban deg wallen­is d
axeddaɛ, Ilaq ad yemmet ! Ad t­nɣeɣ !

Sliman
Bururu, ma yella tebɣiḍ ad tuɣaleḍ akken telliḍ ilaq ad tamneḍ,
ad tqadreḍ tussna tameqqrant n Professeur Findi, amusnaw n
ṭṭebb, ḥwaǧeɣ­t ad iyi­iɛiwen, ur ɣelleḍ ara, ur t­neɣɣ ara !

Bururu
(Izehher) Ahat ad yili d kečč i iɣelṭen a Docteur Sliman mačči d
nekk. La sraḥayeɣ ixeddaɛen, wagi iban seg­sen. Lameɛna
akken i k­yehwa, ur t­neɣɣeɣ ara, ḥader kan ad d­teggriḍ di
nndama.

Sliman
Ḥṣiɣ d acu i la xeddmeɣ a Bururu ! Aha a Professeur Findi ad
nerwel.

Professeur Findi
Aql­iyi weǧdeɣ a Docteur Sliman, lḥu, la ttḥussuɣ belli nekk
yid­k ad nessemɣer lɛilm.

Sliman
(I Bururu ) Zwir tura zdat­neɣ a Bururu, uqqem­aɣ abrid.

Bururu
Lḥuṭ... Lḥut... Ddut­d yid­i... Ddut­d yid­i.

Dduklen di tlata, imeslab ttuɣun, ageffur di berra, leḥḥun.

Professeur Findi
(Yeɛǧeb­it lḥal) Aql­aɣ tura di berra... Di berra... Di tlelli n
ugeffur, yifen taxxamt n sbiṭar n yimeslab.

Sliman
(Yendem) Iɣaḍ­iyi ufremli­nni meskin, ɛeggneɣ­as, yeggumma

­ 275 ­
Bururu yeḥya­d

ad yaɣ awal, d netta i yenɣan iman­is s ufus n Bururu, yettkel


ɣef tezmert­is texdeɛ­it iḍ­agi zdat Bururu (Amcic yerwel).

Professeur Findi
Sliɣ la qqaren at zik belli amcic aberkan deg yiḍ d yir lfal, wagi
d aberkan, yerwel.

Sliman
Allen­ik a Professeur Findi ifent tid n umcic mi tɛeqleḍ llun­is
di tebrek n ṭṭlam (Icukk) Ur fhimeɣ ara amek yexla sbiṭar, ulac
deg­s iɛessasen am leɛwayed, ḥala win yenɣa Bururu i yellan !

Professeur Findi
(Yessetḥa) Tikwal deg yiḍ mi ara yilin imuḍan ttwaḥebsen
merra deg texxamin­nsen, ttemsefhamen iɛessasen i wakken
ad ǧǧen kan yiwen deg­sen.

Sliman
Ula d ibulisen ulac­iten !

Professeur Findi
(I yiman­is) Ayagi d tiktiwin n kumiṣar Ɛmara, yexdem aya i
wakken ad tishil trewla­nneɣ. Docteur Sliman qrib i d­yerri s
lexbar, s tbumeɛmult... (I Sliman) Sani ara nruḥ ?

Sliman
Ad ken­awiɣ sanda ur ɣ­yettaf ula d yiwen ! (Yettxemmim).

Professeur Findi
D acu akka i d­yusan di lbal­ik a Docteur Sliman ?

Sliman
Mazal tḥeyyreɣ... Ur fhimeɣ ara... Ayɣer ḥala yiwen ufremli i
d­ǧǧan d aɛessas ?

Professeur Findi
U yerna tura atan yemmut, wwin ddnub­is.

­ 276 ­
Bururu yeḥya­d

Sliman
Di leɛwayed, mačči ḥala yiwen i yettilin d aɛessas... Awah !
Ggummaɣ ad fehmeɣ !

Professeur Findi
(Iḥar) Ma yella mazal ad nɛeṭṭel dagi alamma ufan­aɣ­d, ur k­
ttaǧǧan ara lweqt ad tfehmeḍ kra !

Sliman
D tidet, ɛejlet di tikli. Bururu, mel­aɣ­d abrid di ṭṭlam­agi. Mi
nḍall ssyagi, nessebɛed, imiren d nekk ara wen­d­yemlen
abrid.

Bururu
Ḍefret­iyi­d... Ḍefret­iyi­d... Lḥut­d...

Professeur Findi
(I yiman­is) Waqila tura dayen, ayen nebna nekk akked
kumiṣar Ɛmara yebda la yettali, tikli n tqerract tettnerni.
Taqerract ideg ara yewḥel Docteur Sliman u ad yemmet
Bururu.

Asayes 32

Asṭebṭeb.

Smaɛil
(I yiman­is) Anwa imqelleq­agi i la d­yesṭuqquten tanaqust di
tewwrt ? Attan tewweḍ d snat tsaɛtin n yiḍ. (La sonnette
raisonne plusieurs fois ) Ad kkreɣ ad d­ldiɣ tawwurt. Ahat ad
yili d albaɛḍ yesɛan amuḍin yenṭerren (Yeldi tawwurt,
yewhem) Amek ? D kečč aya ?

Sliman
(Yeɛya) D nekk a Smaɛil, rewleɣ­d si sbiṭar.

­ 277 ­
Bururu yeḥya­d

Smaɛil
Kcem­d, kcem­d ur ttɣimi ara ɣef umnar n tewwurt.

Sliman
Ur lliɣ ara weḥd­i, yerna lweqt ur ɣ­ikeffu ara, ilaq ad
nkemmel tikli, d ṭumubil­ik i ḥwaǧeɣ i wakken ad nessebɛed
ssyagi qbel ma nettukcef­d.

Smaɛil
D ayen isehlen a Sliman. Lameɛna mazal ur iyi­d­temliḍ anwa
akka i d­yeddan yid­k ?

Sliman
(Alluy di teṭrejtin ) Ccet ! La selleɣ i tikli deg tibruǧin, la d­
ttalin.

Smaɛil
Ad yili d lǧar­nneɣ i ixeddmen deg yiḍ, yekfa­d, atan yuɣal­d.

Sliman
(Iḥar, yetqelleq) Ur ilaq ara ad ɣ­d­yaf ɣef umnar n tewwurt.

Smaɛil
Aha ! Kcem­d, ɣiwel ! Qbel ad d­iḍill.

Sliman
(Yezzi) Kcem­d a Professeur Findi (Lḥess n tikli iqerreb­d) Aha,
yallah, ɣiwlet, kecmet­d di sin (Professeur Findi d Bururu
kecmen).

Smaɛil
(Yewhem, yuggad) D wagi ? D wagi ?

Sliman
Anɛam ih, d wag i d Bururu. Ma d wagi d Professeur Findi. Di
teswiɛt­agi ur zmireɣ ara ad k­d­sfehmeɣ kullec, la ssutureɣ
deg­k ad tesɛuḍ deg­i laman, ur slibeɣ ara am akken i d­
ssufɣen lexbar fell­i.
­ 278 ­
Bururu yeḥya­d

Smaɛil
Ḥṣiɣ, ur tbaneḍ ara d win iselben a Sliman, ma yella s tidet
tuḍneḍ tisselbi ara yilin d ssebba n tuccḍa­inek deg wayen
yettwaḥerrmen, ilmend n tiddukla­nneɣ taqdimt n leqraya d
wayen akk i ɣ­yeccerken n lxir n leḥbab di temɣer­nneɣ,
tewwi­yi­d kan ad k­dawiɣ, neɣ ma iwulem ad k­ṣṣreɣ.

Sliman
Ula d nekk armi ḥṣiɣ d ameddakel d tidet mačči n tkellax i d­
ɣewwseɣ fell­ak s laman (Bururu yettnazaɛ) Ur tqelliq ara a
Bururu, qrib ad teḥluḍ.

Professeur Findi
Anda ara s­nuqqem ttawil i wakken ad t­neɛnu ad t­id­nerr d
amdan ?

Sliman
Deg yiwen leɛzib deg udrar.

Smaɛil
Axxam aqdim i d­yeǧǧa baba­k ?

Sliman
D win a Smaɛil. Axxam yeṭṭurref, ulac imezdaɣ di lqurub­is,
ḥala winna i ɣ­ilaqen yeṣṣer, ur ɣ­d­ttafen ara.

Smaɛil
Ssneɣ­t, ad yili qrib ad ihudd, yebda la yetteftutus, ur yettɛeṭṭil
ara ad d­yeɣli.

Sliman
Ur iyi­d­tewqiɛ ara lmeɛna, ḥṣiɣ d aqdim, aṭas ayagi i yeqqim
ur yettwazdeɣ ara imi iban­d wakal dinna la yetseggix, d ayagi
iɣef ur bnin ara medden deg­s. Dinna nezmer ad neɛnu ccɣel­
nneɣ, ad kkseɣ ammus­nni iss ssamsen merra baba. Tfehmeḍ a
Smaɛil ?

­ 279 ­
Bururu yeḥya­d

Smaɛil
Fehmeɣ, fehmeɣ a Sliman, la tettnadiḍ amek ara treqqɛeḍ
leɣlaḍ n baba­k i d­iṣenɛen Bururu ur yuḥtam. Tebɣiḍ ad
tesseḥluḍ lweḥc­agi s tussna i k­d­yeǧǧa d lewrata.

Sliman
Baba meskin yettkel ɣef n lɛilm n ṭṭebb, ul­is yelha, ibudd ayen
yelhan i yimdanen lameɛna targit­is teffeɣ­as­d mxalfa, tedda­
yas di nneqma, yemmut s ufus n leɣlaḍ n tussna­s, ḥṣiɣ rruḥ­is
ur yettaf ara lehna alamma ssazedgeɣ lɛilm i d­yesnulfa.

Smaɛil
Fehmeɣ a Sliman, fehmeɣ. Tura d nekk s timmad­iw ara ken­
yessiwḍen alamma d axxam aqdim n baba­k anda yis­k ad
yennerni lɛilm­is, s Bururu lweḥc iqellɛen ulawen ara d­terreḍ
d bunadem.

Asayes 33

Ṭumubil teḥbes, rrwaḍi ttijjiqent.

Ɛmara
Ayen akka i yi­d­mazal di leɛmer, ad yenɣes s isuɣan­agi n
lkawačču n rrwaḍi i yettemḥiḥiden di lqaɛa mi ara tḥebseḍ
ṭumubil a Ɛaziz.

Ɛaziz
D kečč a si Ɛmara i yi­d­yennan ɣṣeb.

Ɛmara
Nniɣ­ak ɣṣeb di tazzla mačči deg uḥbas (Nnhati) Aql­aɣ
newweḍ­d anda yesnejmeɛ umɛellem n sbiṭar ṭṭebbat merra i
wakken ad sen­yemmeslay ɣef wayen yeḍran. Ur yeḥṣi ara
yewweḍ­iyi­d lexbar (Rsen­d si ṭumubil, leḥḥun ɣer sbiṭar)
Tura ad nẓer d acu i la sserwaten.

­ 280 ­
Bururu yeḥya­d

Ɛaziz
Ur cukkeɣ ara ad ɣ­d­yemmager s ccwayeɛ akked yijeǧǧigen a
si Ɛmara.

Ɛmara
(Yeldi tawwurt n tzeqqa, lḥess n lehdur, tasusmi mi d­yekcem
kumiṣar akked umeddakel­is) Kemmlet awal nwen, mmeslayet,
mmeslayet.

Directeur
Ur cukkeɣ ara neɛreḍ­ik­id a si kumiṣar !

Ɛmara
(Yeskeɛrir) Sɛiɣ yiwet lkarṭa n uneɛruḍ i yi­iteldin merra
tiwwura n temliliyin am tagi­nwen, u ttreḥḥiben yis­i akk
medden a si Directeur. Lkarṭa­agi yura­d fell­as Police.
Kemmlet tura ameslay nwen, nekni aql­aɣ d imnezzhen kan.

Directeur
Ameslay yella gar­aneɣ ulac ayen ara k­id­yawin di tlemmast
(Itezzem s leɛyaḍ) Imi d­tusiḍ ihi sel­d. Yewweḍ­aɣ­d lexbar
uffir ɣef tbumeɛmult i tebnam s tḥila di sbiṭar, ayagi ad
neccekti yis­s a si kumiṣar ! Ur nettaǧǧa ara taluft ad tefsi war
ma teǧǧa­d iraggen n uɛaqeb. Ɣef lǧal­nwen, imḍebber n
tzeqqa­nni n yimuḍan iɛemmed ass­nni iɛessasen nniḍen n yiḍ
ruḥen, ḥala yiwen i d­yufa Bururu, yenɣa­t u yesserwel
Docteur Sliman akked Professeur Findi. Ma yella imḍebber ad
yettuɛaqeb, ilaq daɣen widen yellan d ssebba­s ad ttuɛaqben.

Ɛmara
Matalen nekni !

Directeur
Matalen kečč a si kumiṣar ! La police tettwassen txeddem s
lqanun, ayagi ma yella serrḥen­ak ad truḥeḍ ad tefɣeḍ la
retraite u ad texḍuḍ i wayen i k­yugaren am taluft n Bururu.

­ 281 ­
Bururu yeḥya­d

Ɛmara
(Yezɛef, yeɛḍes, yenser) Tura d nnuba­w nekk ad d­mmeslayeɣ
(Yeɛḍes acḥal n tikkal) Izad fell­i uɛḍas, bla cekk ad yili d rriḥa
n yeḥtufen i tettarram d ddwa i la d­yettfurrun seg­wen la
teqqsen anzaren­iw (Yenser) Asmi bdiɣ lxedma di ṣṣenɛa­inu,
bniɣ ɣef ucettem ad ttucettmeɣ seg widen irekḍen lqanun,
qebleɣ ayagi (Iɛeggeḍ s zzɛaf) Lameɛna ur qebbleɣ ara yir
asenɛet uḍad sɣur­wen, tuccḍa n leɣlaḍ n yiwen wawal
arẓagan ara wen­d­yennesren i kenwi, lɛulama n ṭṭebb ayagi
ad d­iniɣ ala, ala ur t­qebbleɣ ara (Lḥess n widen ur neqbil
ara) Susmet ! Nniɣ­awen tura d nnuba­w ad d­mmeslayeɣ ihi
slet­d. Aql­aɣ newweḍ­d ɣer yiwen n lweqt ideg d­ttnulfuyen
yinɣiyen n ṣṣenf ajdid am Bururu ineɣɣen s uqlaɛ n wulawen.
Ṣṣenf­agi ur t­ssineɣ ara, ur t­ɣriɣ ara di ṣṣenɛa­w imi uqbel ur
yelli ara, ur d­ilul ara, ur yettwassen ara. Ayagi yella­d d
amaynut (Elève la voix accusatrice ) lweḥc­agi yettuṣneɛ­d s
lɛilm n ṭṭebb, s tussna­nwen, d nettat i d ssebba n tmenɣiwin­
agi akk. Di teswiɛt anda nettuqqim akk tazmert­nneɣ s wayen
akk nessen i wakken ad nḥareb akk leḥram, anda nnejmaɛen
takerḍa, lekdeb, iḥtufen, la drogue yettilin d lhemm akk i d­
yettawin lmaḍerrat i d­igellun s tmenɣiwin, kenwi s lɛulama
imeqqranen ternam­aɣ­d ṣṣuɛubat nniḍen s tlalit n Bururu,
lweḥc ineɣɣen s truẓi n yidmaren d uqlaɛ n wulawen. Anwa i
yuklalen acettem akked uɛaqeb ? D kenwi s lɛulama ḥaca win
texḍa temsalt neɣ d nekk, kumiṣar Ɛmara i tesweqɛem di
tuccḍa­nwen ? (Asuɣu di tzeqqa ).

Ɛaziz
Si Ɛamra tettuḍ aḥader n ṣṣeḥḥa­k, Docteur yesḥerrem­ak
urfan, ass­agi aql­ak tquzmeḍ taḍurt­ik, ulamma tenniḍ­asen
ayel yellan, uklalen teqqseḥ n tidet. Ahat ayagi ur k­yettḍurru
ara, ad yessifsus ddhen­ik.

Ɛmara
D tidet a Ɛaziz, aṭas ayagi ur rfiɣ ara, lameɛna urfan n wass­a
neṭgen­d d ifeṭṭiwjen seg usmendeg uqeccuḍ, ahat d nitni i
yesɛan lḥeqq, wulfen ttaken leɛtab i terwiḥt, dima snulfuyen­d
ddwa n ḥellu n umdan, lameɛna ass­agi mačči d nekk i d­
­ 282 ­
Bururu yeḥya­d

ineṭqen, d yir urfan n taluft­a, nekk tura smeɣreɣ (Yeɛḍes,


yenser) bdiɣ la ttḥussuɣ tenɣes deg­i tezmert, tenɣes i wallaɣ­
iw d ubibbi n yir ṣṣwab (Yeɛḍes, yenser) Lemmer rniɣ qqimeɣ
gar­asen yiwet ddqiqa, ad ṭreḍqen wanzaren­iw yettfurrun
akka d iraggen yettraḥen d iḥtufen n lebxur.

Asayes 34

Ṭumubil teḥbes.
Sliman
Aql­aɣ newweḍ­d s axxam aqdim i d­yeǧǧa baba.

Smaɛil
Yebna s ufella n tiɣilt n uẓru gar icerfan, iruḥ icuba s
ixxamen­nni n zik umi qqaren le château.

Professeur Findi
Si lebɛid yesɛa lhiba, si lqerb yessewḥac, yeɣɣemɣem d
aberkan, leḥyuḍ­is qedmen, tiɣemmar­is yemɣi­d deg­sent
leḥcic, yeččur akk d imerjan, ad s­tiniḍ d axxam n waɣzen.

Sliman
Yelḥa fell­as wawal belli zedɣen­t yiruḥaniyen, ulac win i d­
itennḍen ɣer dagi. D amkan­agi i ɣ­ilaqen, ulac win ara inadin
ɣef later­nneɣ. Ur ɣ­ttafen ara. Aha, yallah ṣubbet si ṭumubil,
ccɣel­nneɣ la ɣ­yettraǧu.

Ṣubben­d si ṭumubil di rebɛa yid­sen di lexla. Lḥess n yifrax,


imqerqyar, aman, iɣeẓran, lwerq n ttjur. Tikli ɣef yidɣaɣen,
amecwar ḥebsen zdat yiwet tewwurt taqdimt.

Professeur Findi
Iban aṭas aya ur teldi tewwurt n uxxam­agi, walit aẓeṭṭa­agi n
tissist s ufella n lluḥ gar icebrunen.

Sliman
Bururu ! Bururu !
­ 283 ­
Bururu yeḥya­d

Bururu
D acu i tebɣiḍ a Docteur Sliman ?

Sliman
Ur sɛiɣ ara tasarut n tewwurt­agi, rreẓ­itt... Rreẓ­itt.

Bururu
Ad tt­rrẓeɣ... Ad tt­rrẓeɣ... (Yerẓa­tt) Dayen terreẓ... Terreẓ.

Sliman
(Yekcem) D ṭṭlam !

Smaɛil
Arǧu ad d­awiɣ llamba n uẓru (Iruḥ ɣer ṭumubil, yewwi­d
llamba ).

Professeur Findi
Yezwar­aɣ Bururu yekcem.

Sliman
Netta yettwali deg yiḍ, yallah ḍefret­iyi­d.

Smaɛil
Aql­aɣ­n ! (Isuɣan n umčeɣyay).

Sliman
Sseknut iqerra nwen, ḥadrey ad ken­ḥazen yimčeɣyayen deg
wallen !

Smaɛil
Dayen tura, ruḥen, ɛeddan.

Professeur Findi
Mazal ad d­uɣalen.

Smaɛil
Sliman ! Sliman !

­ 284 ­
Bururu yeḥya­d

Sliman
D acu, d acu a Smaɛil ?

Smaɛil
D acu akka i d­ineṭḍen deg wudem­iw ? Zzi­d llamba­nni.

Sliman
Ur ttaggad, d lqezz n uzeṭṭa n tissist i ineṭḍen ɣef wudem­ik
(Asuɣu n umčeɣyay).

Bururu
(Izehher, itett amčeɣyay) Ad k­ččeɣ... Ad k­ččeɣ...

Smaɛil
Sliman, la ttwaliɣ tili n Bururu dahi, sban­it­id kan s llamba ad
nẓer d acu i la ixeddem ?

Sliman
Atan (Yezzi llamba) Amek ?

Bururu
(Izehher, yefreḥ) Idammen... Idammen...

Smaɛil
(Yuggad) Muqel, muqel... La itett amčeɣyay... Uglan­is la
ttqudduren d idammen, rric yenṭeḍ ɣef tamart­is.

Bururu
(Yezher) Idammen... Ad k­ččeɣ...

Smaɛil
Yerna yeṭṭef­d wayeḍ... Yebḍa­t ! (Iɣunfa) La iteffeẓ deg­s...
Tura yessebleɛ­it , di leɛnaya­k a Sliman sseɣsi llamba­nni
uqbel ma sneḥcameɣ­d iman­iw s wayen yellan deg uɛebbuḍ­
iw...

Sliman
Tesɛiḍ lḥeqq, mačči d ccɣel n unezzeh (Tasusmi) D lɛaǧayeb...
­ 285 ­
Bururu yeḥya­d

Seg wasmi i d­yettwaṣneɛ Bururu ur yečči, tura yetḥaya­d i


lqut.

Professeur Findi
Ass­agi atan yebda učči s yifrax, imčeɣyayen.

Sliman
Ayagi iḥeyyer­iyi a si Professeur Findi.

Professeur Findi
Ayɣer ? D acu i k­iḥeyyren a Docteur Sliman ?

Sliman
Bururu yella si ccetla umi qqaren les rapaces, učči­ines d
iɣerdayen n uxxam d wid n lexla i d­yettawin yid­sen ikurdan
n yal lehlak iweɛren, ineɣɣen amdan am ṭṭaɛun.

Professeur Findi
Ayagi d tidet, nezmer ad d­nini d amnaḥel n umdan imi itett
iɣerdayen i d­yettawin lehlakat.

Sliman
Bururu yella d amdan iɛacen s yidammen n Bururu,
yettubeddel am akken tura la itett imčeɣyayen si tjaddit­is am
akken yezmer ad yečč aksum n bunadem.

Professeur Findi
Ayagi d lmuḥal, ur yezmir ara ad yeḍru.

Sliman
I wakken ur nḥedder i leɛǧeb ur iqebbel leɛqel, ilaq s lɛejlan ad
t­id­nerr ɣer laṣel­is, d amdan a Professeur Findi.

Bururu
(Mazal­it yetṣeggid) Idammen... Atan wagi... Atan wayeḍ...
Idammen...

­ 286 ­
Bururu yeḥya­d

Smaɛil
Yekfa imčeɣyayen­inna s wučči, tikkel­agi ugadeɣ ad yebdu
učči n yimdanen.

Asayes 35

Ɛmara
Ay aḥeddad n lfeṭṭa... La la la la... Ay aḥeddad...

Ɛaziz
Leɛmer walaɣ Ɛmara icennu tizlit Ay aḥedda n lfeṭṭa ur yessin
imeslayen­is ! (I Ɛmara) Zemreɣ ad ccerkeɣ yid­k ayen akka i
k­yesferḥen a si Ɛmara ?

Ɛmara
Maɛlum ad t­tettikkiḍ a Ɛaziz, aql­ak tettikkiḍ imi aql­ak deg­s
si tazwara. Ssebba n zzhu­agi d tifrat n taluft­agi, qrib ad
nessiweḍ ɣar taggara n Bururu. Docteur nneɣ, s tḥila, s ṣṣifa n
Professeur Findi ameḥbus yedda akked Docteur Sliman,
yesserwel­iten Bururu si sbiṭar i wakken ad t­iɛiwen ad as­rren
tanaṣlit­is n umdan.

Ɛaziz
Ɣef wayagi i teskecmeḍ Docteur­nneɣ s yisem n Professeur
Findi i wakken ad tessiwḍeḍ s ayen i tmennaḍ. Lameɛna amek
ara yexdem i wakken ad ineɣ Bururu imi taswiɛt­agi ur nufi
ara s wacu ara yemmet.

Ɛmara
Ulac ayen ur nettmettat di ddunit a Ɛaziz. Ula d Bururu ad
yesɛu ayen ara t­yenɣen. Findi ad d­yaf amek ara yemmet. Ad
iyi­d­yessiweḍ lexbar­is.

Ɛaziz
Amek ara k­d­yessiweḍ lexbar­is ?

­ 287 ­
Bururu yeḥya­d

Ɛmara
Ur ttxemmim ara, yeḥṣa amek. Tikkelt­agi d taggara n taggara
n Bururu, qrib ad yettwikkes, yiwet tyita, tukksa n tidet mačči
n tkellax. Abaden ad yeqqel ad yeḥyu, bniɣ­as lsas n uẓekka­s s
tɣemmar n txidas ara t­isefḍen si tudert i lebda

Asayes 36

Sliman
Sani akka i iruḥ Smaɛil ?

Professeur Findi
Ceyyɛeɣ­t ɣer temdint, ɣur yiwen umeddakel­iw, ur ttaggad, d
ameddakel n laman, ad s­d­yefk kra n tɣawsiwin n ufeqqer n
la chirurgie i ɣ­ixuṣṣen i wakken ad neɛnu ccɣel­nneɣ di
Bururu.

Sliman
Ula d nekk sɛiɣ laman di Smaɛil, d ameddakel­iw ur iyi­
ixeddeɛ ara, icuban di laman i tesɛiḍ deg umeddakel­ik
(Ibeddel ameslay) Tura nekni ilaq ad nḥader iman­nneɣ, la
police la ɣ­tettnadi. Awi­d kan tura ad aɣ­ishilen yiberdan n
tussna i wakken ad nessimɣur tamusni ara d­neǧǧ d lwert i lǧil
la d­iteddun.

Professeur Findi
Muqel kan Bururu, segmi yečča imčeɣyayen­nni yesṭuqqut di
zzhir.

Sliman
Ayagi yennulfa­d d ajdid ɣur­s, ad ruḥeɣ ad qqimeɣ yid­s ad t­
wanseɣ (I Bururu).

Bururu
(Yettnazaɛ) Ččiɣ­ten... Ččiɣ­ten...

­ 288 ­
Bururu yeḥya­d

Professeur Findi
(I yiman­is, yuggad) Ur iyi­ɛǧibent ara wallen n Bururu !

Sliman
(Yetṣebbir Bururu) Bururu, Bururu, qrib ad teḥluḍ, tesliḍ, qrib
ad teḥluḍ, qrib ad tuɣaleḍ d amdan am nekni, am akken i telliḍ
zik, ad yettwamḍel lweḥc i k­izedɣen, ad d­tuɣaleḍ d kečč,
Salem, Salem, Salem...

Bururu
(Izehher) Qrib, qrib... Salem... Nekk d Salem...

Sliman
Professeur Findi ad iyi­iɛiwen i wakken ad k­id­nerr d Salem n
zik.

Bururu
(Yetqelleq) Professeur Findi, Finfi, Findi...

Sliman
D acu i k­yuɣen a Bururu, la tettergigiḍ ? Ur tqelliq ara.

Bururu
Findi... Professeur Findi... Ur t­umineɣ ara... Ur t­umineɣ ara...
Iban d axeddaɛ... D axeddaɛ...

Sliman
Ala ! Tɣelḍeḍ a Bururu, Professeur Findi mačči d axeddaɛ ! D
lɛalem ameqqran ara yi­iɛiwnen di ḥellu­k.

Bururu
Ad ḥluɣ... Ad ḥluɣ... Ad qqleɣ d amdan... Salem... Salem...

Professeur Findi
(I yiman­is, yetqelleq) Bururu la yi­d­yettmuqul s wallen
iseqḍen timenɣiwt... s unexzur n win yelluẓen... Allen d lebda
reṣṣant deg­i, yerna yessewḥac, uglan mazal­iten ttqudduren d
idammen n yimčeɣyayen, ilaq ad d­afeɣ amek ara yemmet s
­ 289 ­
Bururu yeḥya­d

lɛejlan qbel ma yebda icehwi n uksum n umdan. La imecceḥ


deg yicenfuren­is, ilaq ad yemmet am akken i yi­d­yessamer
kumiṣar Ɛmara... Mazal Bururu la yi­d­issenqad s wallen­is
tizeggaɣin.

Sliman
(Yefreḥ) Ad teḥluḍ a Bururu, qrib ad k­id­rreɣ d amdan, d
Salem, ad yettwamḍel lweḥc iqellɛen ulawen i d­yeṣneɛ s
leɣlaḍ baba Saad Ḥari... Leɣlaḍ­is ad yirid s lɛilm n ṭṭebb n
mmi­s... Nekkini... Nekkini... Docteur Sliman.

Asayes 37

Zuhra
Lferḥ­agi ur d­yekcif yiles­ik, ur yezmir ad yessedreg wul­ik,
la d­yettbin ɣef wudem­ik a Ɛmara. Ass­agi daɣen tusiḍ­d ad
teccerkeḍ yid­i lbaḍna­k.

Ɛmara
(Yeɛḍes) Anwa i izemren ad yeffer taɣawsa fell­am a Zuhra ?
Tettekseḍ leḥǧab ɣef kullec. D tidet, ass­agi ul­iw yezha.

Zuhra
Ssebba n lferḥ­agi d Bururu.

Ɛmara
Anɛam ih d Bururu. Tikkelt­agi ur yettɛeṭṭil ara ad d­taweḍ
taggara­s, ad ifuk leḥzen, ad fuken yimeṭṭawen seg uḥbas n
tazzla n yidammen. Imren ad yenneqḍeɛ ucettem deg­neɣ, ad
tekkaw tadwayt n lmidad i tuccar n tira n ssemm i kra n
yimesǧernanen ur nquder ara lḥirfa­nsen. Tura Qrib ad
thenniɣ si Bururu...

Zuhra
Ha ! Ha ! Ha ! Ha ! Ha ! Ha ! Ha ! Ha !

­ 290 ­
Bururu yeḥya­d

Ɛmara
(Yewhem) Ayɣer akka i la tettaḍsaḍ ?

Zuhra
Ha ! Ha ! Ha ! Ha ! Ha ! Ha ! Ha ! Ha !

Ɛmara
(Yezɛef) Ayɣer la tettaḍsaḍ ? Nniɣ­am ini­yi­d ayɣer la
tettaḍsaḍ ?

Zuhra
Teḥṣiḍ a Ɛmara d taderwict i lliɣ, taḍsa­inu ur tesɛi ara lmeɛna,
sderwiceɣ kan... Awi­d tura afus­ik azelmaḍ, ad ak­d­zureɣ
imi ẓriɣ d ayagi i k­id­yewwin ɣur­i.

Ɛmara
D tidet, ax, zur­iyi­d i wakken ad issineɣ ttbut ma yella Bururu
ad yettwikkes i lebda !

Zuhra
Ẓriɣ tettamneḍ zzyara­w, ini­yi­d a Ɛmara, ur tuggadeḍ ara ad
d­teggriḍ di nndama deg wayen akka ara k­d­iniɣ ?

Ɛmara
(Yeɛḍes) Bdu zzyara, d lferḥ neɣ d lqerḥ, weǧdeɣ i kullec.

Zuhra
Ldi afus­ik ad iban wayen i la tettraǧuḍ a Ɛmara.

Ɛmara
(Rrɛud, aḍu d lebraq) Tawenza­m attan tekres a Zuhra, d acu i
twalaḍ ?

Zuhra
(S leɛqel) La ttwaliɣ tessewǧadeḍ aẓekka i Bururu.

Ɛmara
D tidet. Ssewǧadeɣ aẓekka­s, zzyara­m tufa­t.
­ 291 ­
Bururu yeḥya­d

Zuhra
Bururu ! Bururu ! Bururu ! Yettwacudd s tɣeggaḍin n uɣeggad
akked snasel... La ttwaliɣ yeẓẓel s ufella n ṭṭabla n rrxam...
Tettezzi tettneqlab s tnaɛurt... D acu­t akka daɣen i la d­
yeṭṭaharen gar wallen­iw ?

Ɛmara
Senqed, senqed d acu !

Zuhra
La ttwaliɣ taɣawsa n wuzzal... D timqessin... Ɣlint­as ddaw
ṭṭabla... Daxel n kra ubasan n waman... Neɣ am waman...
Timqessin­nni mmeččent akk... Fsint akk zdaxel...

Ɛmara
D Bururu i m­d­tessenɛet zzyara­m am temqessin, d netta ara
yemmeččen u ad yemmet.

Zuhra
Ala a Ɛmara, la ttwaliɣ Bururu mazal yeẓẓel s ufella n ṭṭabla...
Atan tura sin yimdanen yelsan llebsa tacebḥant, d iqeffazen n
ukawičču la ttnaɣen, la ttemseččawen... Yiwen deg­sen yerfed
taɣawsa n wuzzal yewwet yis­s axṣim­is... Yeɣli... Udem­is
yeččur akk d idammen... Ur yettembiwil ara... Ur iban ara ma
yemmut... Ma d wayeḍ... Ma d wayeḍ...

Ɛmara
Kemmel awal­im, wayeḍ­nni, d acu i la ixeddem ?

Zuhra
Yebda la iberren tanaɛurt­nni n ṭṭabla, tettneqlab... Tettneqlab
s leɛqel... Tettezzi ɣef yiman­is... Bururu yettwacudd s ufella­
s... Yettmil, yettmil ɣer ubasan n waman yessefsayen uzzal, u
ssyin...

Ɛmara
Ur ḥebbes ara... Ur ḥebbes ara a Zuhra, d acu i m­d­ibanen ?

­ 292 ­
Bururu yeḥya­d

Zuhra
Aqerruy­iw... Aqerruy­iw... Aqerruy­iw... (Tsuɣ) Ala... D
lmuḥal... Ur zmireɣ ara ad rnuɣ ad waliɣ ayen akka i la
iḍerrun di zzyara­k...

Ɛmara
Tidi la tettazzal fell­am... D acu i kem­yuɣen a Zuhra ? Ayɣer
akka la tettergigiḍ ?

Zuhra
(Tetqelleq) kumiṣar Ɛmara ! Ɛmara ! La ttwaliɣ ur ilaq ara ad
ternuḍ leqdic di taluft­agi n Bururu ! Ur s­tezmireḍ ara ! Yerna
tamusni­k, serreḥ­as... Serreḥ­as... Nniɣ­ak serreḥ­as...

Ɛmara
D tisselbi i kem­id­yebdan a Zuhra, d lmuḥal ad s­serrḥeɣ !
Armi d tura, qrib d taggara ad tefru taluft, ad t­ǧǧeɣ ad iyi­
yemneɛ, d lmuḥal ! (Yeḥzen) Neɣ waqila ula d kemm i mazal
ttḥibbiɣ, umi d­mmaleɣ merra lbaḍna­w ur iyi­tumineḍ ara ?

Zuhra
Ala a Ɛmara, mačči d aya, tɣelṭeḍ ! Lameɛna akken ad
yettwikkes Bururu, ilaq tamusni ɛlayen n ṭṭebb, mačči s lḥirfa n
tḥila­nwen s yibulisen. Ḥala tussna i t­id­yesnulfan i izemren
ad t­tekkes (Nnhati) kumiṣar Ɛmara, ay ameddakel n temẓi­w,
tikkelt­agi ugadeɣ fell­ak !

Ɛmara
(Yeɛḍes, yezɛef) Ihi ɣas ur ttaggad ara a Zuhra, a lemri n
leɛquba n medden, ma yella tussna n ṭṭebb tecceḍ teṣneɛ­d
Bururu, lweḥc iqellɛen ulawen, nekk, s lḥirfa­w, lḥirfa n
ubulis ineḥḥlen ɣef lḥeqq, ad t­kkseɣ, tfehmeḍ !

Zuhra
(Tetqelleq) Awah ! Awah ! Tɣaḍeḍ­iyi a Ɛmara, teggummaḍ ad
tfehmeḍ, mazal­ik ur tettbeddileḍ ara, akken i k­ssneɣ zik i k­
mazal, kečč teqqimeḍ d kečč, aqerruy­ik d aẓru, d azemzi n
wasif ur yettbeddil ara, d rrṣila ur tettaggadeḍ ara.
­ 293 ­
Bururu yeḥya­d

Ɛmara
Ḥṣiɣ aqerruy­iw d azemzi n wasif, aman ttawin­d yal taɣawsa,
ttazzalent fell­as, lameɛna i lebda, igerri­d d azedyan. Ulac
ayen ara yi­yessaggaden, taluft n Bururu ad tt­ssiwḍeɣ ɣer
taggara­s. Kemmel­iyi­d zzyara (Rrɛud, lebraq, lehwa, aḍu).

Zuhra
Ayen akka i k­d­mazal di zzyara­k mačči d ayen ara
yessifsusen ɣef lxaṭer­ik, teggummaḍ ad taɣeḍ awal imi la
testehzayeḍ di terwiḥt­ik ɣer ccib­ik, ur d­terriḍ s lexbar i
yiman­ik. Nniɣ­ak tɣaḍeḍ­iyi a Ɛmara, ay arfiq n tudert...

Ɛmara
(Yeɛḍes, yenser acḥal n tikkal ) Dayen a taɛzizt ur d­rennu ara
lehdur, la ttḥulfuɣ ur tettɛeṭṭileḍ ara ad iyi­d­tiniḍ la qqazen
aẓekka­w.

Asayes 38

Ɛmara
(Daxel n ṭumubil, tleḥḥu) Yaxi Zuhra yaxi ! Usiɣ­d ɣur­s i
wakken ad iyi­tessifsus ul­iw, s zzyara­s, terra­yi­d ddunit d
ṭṭlam ! (Yeɛḍes) Awah ! Waqila d tisselbi i yi­d­yebdan imi
mazal ttamneɣ s tderwicin... Ulamma tagi mačči d taderwict
menwala... (Nnhati ) Lameɛna d tidet drewceɣ ! Ur d­rriɣ i
yiman­iw s tamawt. Imdanen simmal rennun di leɛmer rennun
di rrzana n leɛqel, nekk waqila rennuɣ tthaḍeɣ... Ah ! Aql­i
wwḍeɣ­d ɣer lbiru (Teḥbes ṭumubil, yers­d, ileḥḥu ).

Ɛaziz
Si Ɛmara, la k­yettraǧu yiwen Docteur di lbiru.

Ɛmara
D acu akka i yebɣa ?

Ɛaziz
Yeggumma ad d­yini, yenna­k yettuceyyeɛ­d ɣur­k.
­ 294 ­
Bururu yeḥya­d

Ɛmara
Yenna­yak­d isem­is ?

Ɛaziz
Isem­is Buɛlam, Docteur Buɛlam.

Ɛmara
Ihi ad t­ẓreɣ qbel ad yerfu (Yeɛḍes).

Ɛaziz
Docteur Buɛlam, atan kumiṣar Ɛmara i la tettraǧuḍ.

Buɛlam
Ɛeqleɣ­t, lǧernanat smeɣren isem­is.

Ɛmara
Smeɣren isem­iw s ucettem. D acu i tebɣiḍ ɣur­i ?

Buɛlam
Zemreɣ ad mmeslayeɣ ?... (Yezzaken­d Ɛaziz s tmuɣli) Zdat...

Ɛmara
(Yeɛḍes) Ɣas, ɣas mmeslay zdat l’inspecteur Ɛaziz, meqqar ma
yella wayen ttuɣ netta ad iyi­t­id­yesmekti.

Buɛlam
Akken i k­yehwa a si kumiṣar, Docteur nwen i umi tbeddlem
isem s win n Professeur Findi...

Ɛmara
Tban lbaḍna tetteffeɣ tettali di tegnawt am yiraggen ur yezmir
ad yeṭṭef useqfel.

Buɛlam
D ameddakel­iw n temẓi ur nesɛi ara lbaḍna gar­aneɣ,
nettemyaman.

­ 295 ­
Bururu yeḥya­d

Ɛmara
Laman tikwal yettɣab, lameɛna kečč, ass­a, ad k­amneɣ, arǧu
ad qqimeɣ i wakken ad k­fehmeɣ (Yeqqim) Aha, mmeslay la k­
selleɣ.

Buɛlam
Yeǧǧa­d ɣur­i kra akken n tɣawsiwin i sseqdacen deg ufeqqer
n la chirurgie, ad sent­tjemɛeɣ i wasmi ara tent­yeḥwiǧ.
Iweṣṣa­yi­d ad ak­d­iniɣ mi ara d­iceyyeɛ ɣur­sent.

Ɛmara
Yewweḍ­d wag i d­iceyyeɛ ? Isem­is ?

Buɛlam
Isem­is Docteur Smaɛil.

Ɛmara
(I yiman­is) Docteur Smaɛil, d ameddakel n Docteur Sliman,
mmi­s n Professeur Saad Ḥari, tura iban­d win i ten­yesrewlen
si temdint, d Docteur Smaɛil, ula d netta yedda d aqeffaf
(Iɛeggeḍ) Ihi tefkiḍ­as lamana­nni, yewwi­tt ?

Buɛlam
Anɛam ih a si kumiṣar, rniɣ sseddaɣ­as yiwet tbasint
tameqqrant n ssǧaǧ yettwaxedmen ɣef lqedd n bunadem.

Ɛaziz
(Yewhem) Amek ? Yettwaxedmen ɣef lqedd n bunadem ? Ur
fhimeɣ ara !

Buɛlam
Ula d nekk ur fhimeɣ ara, fkiɣ­as daɣen snat tbunbunin n
ssǧaǧ yettawin 25 n llitrat i yiwet yeččuren d aman yessefsayen
uzzal, l’acide.

Ɛmara
(I yiman­is) Tabasint n ssǧaǧ yettwaxedmen ɣef lqedd n
bunadem ? Snat tbunbunin n ssǧaǧ yeččuren s 25 n litrat n
­ 296 ­
Bururu yeḥya­d

waman yessefsayen uzzal s wurɣu... Ayagi icuba deg ucucef,


tura bdiɣ la fehhmeɣ (I Buɛlam ) Deg wacu i yewwi akk ayagi?

Buɛlam
Iɛebba­ten deg la camionnette.

Ɛmara
Yella weḥd­s ?

Buɛlam
Yusa­d weḥd­s, yenher weḥd­s.

Ɛmara
D ayen ibanen, mačči d tili­s ara inehren ! (Amzun yesla i
Zuhra).

Zuhra
(Yettarra­d ṣṣut) Taɣawsa n wuzzal ! Timqessin ! Ɣlin ddaw n
ṭṭabla n rrxam ! Ɣer daxel n kra ubasan n waman, neɣ am
waman mmeččent merra zdaxel... Mmeččent merra zdaxel,
fsint...

Ɛmara
(Yeɛḍes) Teḥṣiḍ ur ilaq ara ad yeffeɣ umeslay ɣef wayen akka i
yi­d­tenniḍ a Docteur Buɛlam ?

Buɛlam
Ḥṣiɣ lbaḍna mačči d ayen yettnuzun di ssuq.

Ɛmara
Aql­ak tfehmeḍ, tura bdiɣ ttḥibbiɣ les Docteurs (Yeɛḍes,
yenser) Lameɛna mačči akk les Docteurs !

Zuhra
Timqessin yeɣlin daxel ubasan yeččuren d aman... Neɣ am
waman... Mmeččent akk... Fsint.

­ 297 ­
Bururu yeḥya­d

Ɛmara
(I yiman­is) Teɣleḍ Zuhra, teɣleḍ. D Bururu ara yeɣlin ɣer
daxel u ad yefsi alamma ur d­yettaǧǧa later­is.

Zuhra
(Yettarra­d ṣṣut) Ayen akka i k­d­mazal di zzyara a Ɛmara
mačči d ayen ara yesnefsusin lxaṭer­ik ! Teggummaḍ ad taɣeḍ
awal ! Testehzayeḍ di terwiḥt­ik ! Ɣer ccib­ik ur d­terriḍ s
lexbar i yiman­ik ! Nniɣ­ak tɣaḍeḍ­iyi a Ɛmara... Tɣaḍeḍ­iyi a
Ɛmara...

Ɛmara
(Yeɛḍes) Awah ! Awah ! Ass­agi izad fell­i uɛḍas, izad fell­i
ṣṣut n Zuhra taderwict.

Asayes 39

Akraren kessen, aqjun yessglaf.

Ameksa
(I yiman­is, yetqelleq) D acu akka i yuɣen akraren ? Atan la
ttemxerwaɛen ! Aqjun ur yennum ara yessglaf am ass­a, d acu
i d ssebba n tugdi ? (Aḍu).

Bururu
Ooooooooooooooooo !

Ameksa
(Yewhem) Yaxi lweqt ibeddlen yaxi ! Asiwel n Bururu deg
wass (Aqjun yuggad, akraren rewwlen) Yaxi daɛwessu yaxi, d
acu i ten­yuɣen ? Akraren la regglen, aqjun yekref si tugdi.

Bururu
Idammen ! Idammen ! Ulawen ! Ulawen ! Idammen yeḥman !
Yeḥman !

­ 298 ­
Bururu yeḥya­d

Ameksa
(Yuggad) D acu­t wagi ? D lweḥc ! D acu akka i t­yuɣen la d­
yettqerrib ɣur­i ? D acu i yebɣa ? Wagi d aruḥani i la
yettɛassan laɛzib­agi.

Bururu
Lmut ! Ad temmteḍ ! Ad cerrgeɣ idmaren­ik... Ad ssufɣeɣ ul­
ik... Yettquddur d idammen yeḥman...

Ameksa
Aẓ akin ay aruḥani... Aẓ akin fell­i !

Bururu
Ad k­nɣeɣ... Ad temmteḍ... Lmut... Lmut...

Ameksa
Ass­agi d yir tirga i la ttarguɣ. D buberrak.

Bururu
Ur tezmireḍ ara ad iyi­trewleḍ !

Ameksa
(Yettuɣu) Ala ! Ala ! Ur iyi­neɣɣ ara di leɛnaya­k !

Bururu
(Izehher) Cedhaɣ ulawan... Bɣiɣ ul­ik...

Ameksa
(Yettḥellil) D acu i k­xedmeɣ ? Nekk d ameksa ɣef yiman­iw !
D acu ara trebḥeḍ ma tenɣiḍ­iyi ?

Bururu
Ad rebḥeɣ ul­ik d yidammen yeḥman...

Ameksa
Nekk d igellil, d ameksa, ur ugadeɣ ara lmut, rruḥ n win
yettqaraɛen lmal n wiyaḍ ur yesɛi ara azal... Lameɛna ma
mmuteɣ, anwa i d bab n yelli ? Ḥala nettat i sɛiɣ, tɣaḍ­iyi
­ 299 ­
Bururu yeḥya­d

meskint ad d­teggri weḥd­s, yuɣ lḥal teggujel si yemma­s, tura


ad ternu ad teggujel s baba­s. Anwa i d­iɣef­is ?

Bururu
(Yewhem) Ah ! Amek ? Yelli­k, yelli­k ?

Ameksa
Anɛam ih ! Yelli, ɛecra yiseggasen di leɛmer­is... D tameɛdurt...
D taderɣalt...
Bururu
Yelli­k tedderɣel ! Isem­is ?

Ameksa
Isem­is ? Isem­is Samira.

Bururu
(Isuɣ) Samira ?

Ameksa
(Yuggad) Anɛam ih, isem­is Samira !

Bururu
(Yuzzel, yetsuɣu, yessawal) Samira... Samira... Samira...

Ameksa
(Yettergigi) La ttarguɣ yir tirga deg uzal armi qrib i yi­yenɣa.
Uddreɣ­d kan isem n Samira, yelli, isuɣ yerwel ! D acu­t
lweḥc­agi ? D aruḥani ? Iruḥaniyen ur d­teffɣen ara deg wass.
Ṣṣifa­s tcuba ɣer Bururu. D amčeɣyay ? Amčeɣyay yettɛici deg
yiḍ. D acu­t lweḥc­agi i la d­iteffɣen deg wass ?

Asayes 40

Ɛmara
Ɛaziz, teẓriḍ belli qrib ad ffɣeɣ ɣer la retraite (Yeɛḍes) Awi­d
kan tamucwart ?

­ 300 ­
Bururu yeḥya­d

Ɛaziz
Ax ! Rnu tagi, wwiɣ­ak­d snat, ad tent­teḥwiǧeḍ. Terna­yi­d
Malika yiwet s ddemma di lǧib, teẓra tetteḥwiǧiḍ­tent.

Ɛmara
Ay arezg­ik kečč ikesben tameṭṭut am tinna, tettxemmim ɣef
kullec, ḥemmleɣ­tt amzun d yelli (Yenser). Mi ara ffɣeɣ ɣer la
retraite, win ara d­rren deg umkan­iw ahat ur iseɛɛu ara la
sinusite, ad ak­icuḥḥ i tmucwarin. Ihi a Ɛaziz yella ujdid
ṣṣbeḥ­agi ?

Ɛaziz
D ameddakel­nneɣ i d­yufan amek i ɣ­d­yessawel ur iɛeṭṭel
ara.

Ɛmara
D asiwel n tekkerḍa, yuggad ad d­ssuksen d Pofesseur Findi n
txidas yettwaceyyeɛ sɣur­neɣ, d acu i k­d­yenna ?

Ɛaziz
La yeqqar ɣef ttnaṣfa n yiḍ, netta akked Docteur Sliman, ad
bdun leqdic ɣef Bururu i wakken...

Ɛmara
(Yegzem­as awal) Ur k­d­yemli ara anda llan ?

Ɛaziz
Ur d­yenni ara a si Ɛmara, yenna­k ad muqleɣ amek ara
nɛiwdeɣ asiwel.

Ɛmara
Ihi ad yili ur ɛad kan i d­yerri s tamwat anda llan, rewlen deg
yiḍ, ur yessin ara amkan, lameɛna ur nettraǧu ara, yeɣṣeb­aɣ
lweqt ! D nekni ara ten­yeɛnun alamma d anda zedlen,
sdergen iman­nsen fell­aneɣ.

Ɛaziz
Amek akka a si Ɛmara, ur neẓri ara anda akka i llan ?
­ 301 ­
Bururu yeḥya­d

Ɛmara
Yella umnir ara ɣ­d­yesneɛten anda akka i la ttqeggilen. Tettuḍ
imceyyeɣ n Docteur nneɣ... Docteur Buɛlam...

Ɛaziz
Tebɣiḍ ad d­tiniḍ... Docteur Smaɛil ameddakel...

Ɛmara
Anɛam ih ! Ameddakel n Docteur Sliman, netta s timmad­is ! D
Docteur Smaɛil i ten­yesɛeddan deg uẓeṭṭa n la police. Aha a
Ɛaziz, bges ad nruḥ ad ten­id­nzur.

Ɛaziz
Mačči a si Ɛmara ilaq ad nerǧu lexbar...

Ɛmara
Ḥṣiɣ, lexbar n Professeur Findi, Docteur­nneɣ, ala... Yekkes­aɣ­
tt lweqt i wakken ad nekkullet kan akka ur nzewwir ara
icuḍaḍ­nneɣ, ilaq­aɣ ad nembiwel.

Ɛaziz
Acḥal i ḥemmleɣ tiswiɛin am tigi, mi ara d­teḥder tigawt ! Ansi
ara nebdu a si Ɛmara ?

Ɛmara
Tamezwarut ad nruḥ ad d­nelqeḍ Docteur Smaɛil. tis snat, ad
neǧǧ lewṣaya dagi di lkumiṣarya bla cekk Professeur Findi, neɣ
Docteur nneɣ, i wakken ad as­ɛeggnen ad yesserwel iman­is
seg umkan­nni anda yella qbel tasaɛet n ṭṭnac d uzgen n yiḍ.

Ɛaziz
Ahat di lweqt­nni Bururu ad yili yemmut, Yenɣa­t Professeur...
Docteur­nneɣ s daxel n tbasint n l’acide.

Ɛmara
(Yeɛḍes, yenser) Yemmut neɣ xaṭi, i wakken ad kkseɣ di lmut­
is, i wakken ad yethedden wul­iw d leɛqel­iw, tikkelt­agi ad
ssifgeɣ u ad hubbeɣ amkan­nni merra s la dinamit. Bɣiɣ kullec
­ 302 ­
Bururu yeḥya­d

ad yettwanṭel, ad redmeɣ Bururu seddaw leṣwar, later­is ad


yettwasfeḍ (Yeɛḍes) Mi ḥṣiɣ Bururu, lweḥc iqellɛen ulawen
yettwakkes, imiren ad ifsuseɣ, ad ffɣeɣ ɣer la retraite di talwit.

Asayes 41

Deg uzniq, zdat tewwurt n uxxam n Docteur Smaɛil.

Ɛaziz
Tafremlit n Docteur Smaɛil tenna­yaɣ­d belli ur yettɛeṭṭil ara
ad d­yaweḍ, aql­aɣ tura snat tsaɛtin aya i la nettraǧu ur d­iḍall
ara.

Ɛmara
I lemmer ad yili terra­yak­d s lexbar belli d la police, tɛeggen­
as di tilifu.

Ɛaziz
Ur teḥṣi ara belli d la police, nniɣ­as belli d baba i yuḍnen,
ḥwaǧeɣ­t.

Ɛmara
Ɛaziz, ad s­tiniḍ yesla­yak­d... Atan yewweḍ­d s ṭumubil...
Ssedreg iman­ik ur ɣ­d­yettwali ara alamma iṣubb­d (Ṭumubil
tewweḍ­d tuɣal) Ttɣawal, ttɣawal a Ɛaziz, qelleɛ deffir­s,
iwala­yaɣ­d yerwel (Rrwaḍi ttijjiqent, yekker umsetbeɛ)
Uqqem, uqqem la sirène i wakken ad aɣ­ǧǧen abrid (Sirène de
police).

Ɛaziz
Iwal­d ṭumubil­nneɣ yefhem iman­is. Atan iɣṣeb tikli... Yebɣa
ad yessrifeg... Atan yezzi ɣef zelmeḍ... D abrid yessufuɣen si
temdint...

Ɛmara
Akken i xir, ad ɣ­yishil i wakken ad t­neqḍeɛ. Ḍfer­it ur t­
ttaǧǧa ara ad ɣ­yenser.
­ 303 ­
Bururu yeḥya­d

Ɛaziz
(Rrwaḍi ttijjiqent) Ur ttaggad a si Ɛmara, qrib ad tneɣḍeɛ, ur
mazal ara aṭas. Ma yella ṭumubil­is tṣeḥḥa, tettazzal, nekni ad
nesrifeg (Ṭumubilat ttemsetbaɛent).

Ɛmara
Dayen aql­aɣ neqḍeɛ­it... Ahat... Zwir­it a Ɛaziz... Ḥmeẓ­it ɣer
tama­inna... Ur s­ttaǧǧa ara amek ara yerwel...

Ɛaziz
Aql­i ḥerṣeɣ­t, ḥerṣeɣ­t... Ṭṭef iman­ik a si Ɛmara. Tura ad
ḥebseɣ di tlemmast n ubrid s yidis ayeffusn ṭumubil

Ṭumubilat ḥebsent, ibulisiyen qerrben ɣer ṭumubil n Docteur


Smaɛil.

Ɛmara
Aha, di leɛnaya­k a Docteur Smaɛil, ttxil­k ṣubb­d si ṭumubil,
ur nelli ara deg wass n usteɛfu i wakken ad tettmerriḥeḍ yis­
neɣ di lexlawi.

Smaɛil
(Yezɣef) Si kumiṣar, ur tesɛim ara lqanun i wakken...

Ɛmara
Lqanun ? Tura yeɛreq­aɣ, tesɛerqem­aɣ­t a Docteur Smaɛil
armi t­nettu, tura nettnadi ad t­id­nemmekti, ɣef wayagi ara d­
taseḍ yid­neɣ ɣer lbiru, ad ɣ­d­tɛiwneḍ deg usmekti­ines. Lḥu !

Ɛaziz
Ala mačči di ṭumubil­ik a Docteur Smaɛil, rkeb di ṭumubil­
nneɣ. Imusnawen akka am kečč yessnen d acu i d­yewwi
lqanun, ur ṭṭuqten ara, netteḥwiǧi­ten. Rkeb tura.

Smaɛil
Cfu a si kumiṣar, taɛkemt­agi ad k­d­tesqam ɣlayet, ad k­
tessiweḍ ɣur widen yessnen, iqudren lqanun ara k­iɛaqben ɣef
lbaṭel­agi i tesɛeddayeḍ ɣef lɛaci.
­ 304 ­
Bururu yeḥya­d

Ɛmara
(Yeɛḍes) I lemmer ad tesneɣseḍ deg lehdur ur nemɛin a
Docteur Smaɛil mačči xir ? Ad d­neɛnu tidet imeɛnen. Ayɣer i
trewleḍ mi ɣ­d­twalaḍ ?

Smaɛil
Tɣelḍem, mačči d tarewla i rewleɣ, mmektiɣ­d belli yella
umuḍin nniḍen uɣaleɣ s lɛejlan.

Ɛaziz
Ayagi d tidet, tɛejleḍ armi qrib tegliḍ s yimsebriben i d­izegren
zdat n ṭumubil.

Smaɛil
Ma yella umuḍin i yi­yettraǧun, yennṭer, yuɣ­it kra, cfut d
kenwi i d ssebba n tneḍrurt­is, ma yemmut... Ma yemmut...

Ɛmara
(Yeskeɛrir) Ccafuɛa ines, ccafuɛa­ines... Abaden ur nqebbel ara
ad nili d ssebba n tneḍrurt n umuḍin ! I wakken ur t­yettaɣ ula
d kra, ilaq ad naweḍ di lweqt, D nekni ara k­yessiwḍen ɣur­s s
usuɣu n la sirène i wakken ad ɣ­ǧǧen abrid ad nɛeddi. Ayya...
Zwir !

Smaɛil
(Yessetḥa) Lameɛna a si kumiṣar...

Ɛmara
Lameɛna ulac amuḍin a Docteur, Smaɛil. Trewleḍ imi tcukkeḍ
belli nettnadi fell­ak ad ɣ­d­temleḍ anda tessawḍeḍ Docteur
Sliman, Bururu akked Professeur Findi.

Smaɛil
D tisselbi i k­id­yebdan a si kumiṣar. Ilaq­ak ad testeɛfuḍ.

Ɛmara
Aṭas n lɣaflin i yi­iḥesben d ameslub ass­agi aṭas seg­sen i
mazal tetten lqut deg yiḍebsiyen n wuzzal, s tuffra ɣef yiṭij.
­ 305 ­
Bururu yeḥya­d

Kečč a Docteur Smaɛil ur ak­ilaq ara ad tesbeɛdeḍ ɣef


yimuḍan­ik, ḥwaǧen­k i wakken ad teqqimeḍ yid­sen, ur
sseɛraq ara di lehdur.

Smaɛil
(Yeḥzen) D acu i tebɣiḍ ad teḥṣuḍ a si kumiṣar ?

Ɛmara
Ur ttkehhin ara a Docteur Smaɛil, ḥṣiɣ belli teḥṣiḍ ayen bɣiɣ ad
ḥṣuɣ ! Truḥeḍ ɣur Docteur Buɛlam, tewwiḍ­d kra n tɣawsiwin
n ufeqqer n la chirurgie akked kra n wayen nniḍen : tabasint,
tibunbunin n ssǧaǧ i tessawḍeḍ s la camionnette i Docteur
Sliman akked Professeur Findi, ayagi i wakken ad ceɣlen s
Bururu ad t­id­rren d amdan, akka neɣ amačči akka ?

Smaɛil
Akka, d tidet a si kumiṣar.

Ɛmara
Tura ayen mazal ur t­ḥṣiɣ ara, kečč teḥṣiḍ­t, anda ffren iman­
nsen? Tura a Docteur Smaɛil, di leɛnaya­k, ssizdeg­d ddhen­ik,
serreḥ­as i tidet ad d­tazzel ɣef yiles­ik, la ttraǧǧuɣ lbenna n
lbaḍna­k.

Asayes 42

Bururu
(Yettruẓu kullec) Samira ! Samira ! D taderɣalt !... Ala ! Ala !
Ur tedderɣel ara... (Ikemmel yettruẓu) Samira mačči d yelli­s n
umeksa... D yelli nekk... D yelli nekk... Samira inu... D nekk i d
baba­s...

Sliman
(Yetṣebbir­it) Bururu ! Bururu ! D acu i k­yuɣen ? D acu ?
Anwa i k­yesserfan ? Ur ttaggad ara... Aql­i dagi... Aql­i yid­k...

­ 306 ­
Bururu yeḥya­d

Bururu
Samira d yelli nekk mačči d yelli­s umeksa (Isuɣ) Samira !
Samira !

Professeur Findi
Anta Samira­agi a Docteur Sliman ?

Sliman
Isem n Samira yelli­s n umeksa tesmekti­yas­d yelli­s netta
uqbel ad yettubeddel d lweḥc. Ula d nettat isem­is Samira.

Bururu
Saaaamiiiiiraaaa !

Sliman
Professeur Findi, ur nezmir ara ad nerǧu, Bururu yetqelleq,
ssewǧed ṭṭabla i wakken ad nebdu leqdic­nneɣ uqbel ad aɣ­
yeffeɣ afus.

Professeur Findi
Dayen a Docteur Sliman, kullec ihegga di texxamt. Yuɣ lḥal
zwareɣ xemmeɣ ɣef waya.

Sliman
Bururu ! Bururu ! Yya a Bururu, tasaɛet iɣef telliḍ tettnadiḍ
attan tewweḍ­d, nekk akked Professeur Findi ad d­nelhi yid­k,
ad k­id­nerr d amdan.

Bururu
(Ikukra) Findi... Findi...

Sliman
Lḥu­d tura, ddu­d, ddu­d.

Bururu
(Ileḥḥu) Samira ! Samira !

­ 307 ­
Bururu yeḥya­d

Sliman
Ad tuɣaleḍ d amdan akken telliḍ zik, u ssyin ad nnadi ɣef yelli­
k i wakken ad tt­twaliḍ.

Bururu
Samira... Ad tt­waliɣ... Yelli... Ad tt­waliɣ...

Sliman
Aql­aɣ newweḍ­d ɣer ṭṭabla, ali a Bururu, ẓẓel iman­ik.

Bururu
Ad aliɣ... Ad ẓẓleɣ iman­iw... Findi ur iyi­yeɛǧib ara... Findi...
Findi...

Professeur Findi
Ur iyi­d­ttmuqul ara akken a Bururu. D lḥirfa n ṭṭebb i yi­d­
yewwin i wakken ad ɛiwneɣ Docteur Sliman ad k­id­nerr ɣer
tnaṣlit­ik am akken telliḍ zik­nni.

Bururu
Iles­ik la yeskeddib ul­ik a Findi.

Sliman
I nekk a Bururu, yak tesɛiḍ deg­i laman.

Bururu
Kečč a Docteur Sliman umneɣ­k... Umneɣ­k...

Sliman
Ihi ttaɣ awal­iw, ẓẓel iman­ik ɣef ṭṭabla i wakken ur nettɛeṭṭil
ara di ccɣel­nneɣ.

Bururu
Yirbeḥ, ad aliɣ... Ad aliɣ... Ad aliɣ.

Sliman
Akka... Ẓẓel iman­ik... Ḍleq i yiɣallen­ik akked yiḍarren­ik...

­ 308 ­
Bururu yeḥya­d

Akken... Akken... Professeur Findi, sɛeddi­yas­d tura tiɣeggaḍin


n uɣeggad ad t­ncudd... Rnu­d snasel...

Professeur Findi
(Yetqelleq) Lǧehd­is d ajehli, ilaq ad t­neqqen s tɣeggaḍin­agi
n uɣeggad akked snasel mulac yezmer ad d­yessenser iman­is
(Zzhir n Bururu).

Sliman
La ttwaliɣ a si Professeur Findi tessneḍ tuqqna akked
yiceddiyen s tyersiwin iṣeḥḥan amzun tekkreḍ­d di lḥirfa n
yiciddan.

Professeur Findi
Qbel ad kecmeɣ leqraya n ṭṭebb a Docteur Sliman, kkreɣ­d di
tmurt akken d amecṭuḥ, d nekk i iteqqnen lman ɣer tgusa, d
baba i yi­yesḥefḍen, yella ṣṣenɛa­s d awlal (Marin), ɣur­s i d­
refdeɣ tussna n yiciddi n tyersiwin... Dayen kfiɣ... Atan
yettwaxreẓ am tcekkart.

Sliman
Ihi yallah ad nebdu, tasaɛet attan tɛedda ttnaṣfa n yiḍ (Nnhati)
Iḍ­agi ad yernu ad yennerni, ad yimɣur lɛilm, iḍ­agi ad d­ilal
umdan, lɛilm yeccḍen yerran amdan d lweḥc tura ad yesfeḍ
leɣlaḍ­is, ad yerr lweḥc d amdan. Bururu lweḥc iqellɛen
ulawen ad yettwikkes s tussna n ṭṭebb.

Professeur Findi
Yelha usirem­agi, ayagi ma yella nessaweḍ s ayen nebɣa.

Sliman
Ad nessiweḍ kan a Professeur Findi, ad nessiweḍ kan... Sɛeddi­
yi­d kan ddwa­nni n tguni !

Professeur Findi
Ax ! Atan !

­ 309 ­
Bururu yeḥya­d

Sliman
Iḍ­agi ad nessgen Bururu, azekka ad d­nessaki Salem.

Asayes 43

Deg yiḍ, ibulisiyen zzin­d i uxxam.

Ɛmara
(Yesbecbuc) Ɛaziz, iḍ­agi la ttḥussuɣ i usigna n leɣben iɣumm­
iyi­d s tussmaḍ­is. Lfiraq ur yebɛid ara, Bururu qrib ad
yettwikkes u nekk ad ruḥeɣ ɣer la retraite.

Ɛaziz
Ad s­tiniḍ iɣaḍ­ik a si Ɛmara ?

Ɛmara
(Yetqelleq) Yettuɣaḍ, yenɣa, d tidet, yessazzel idammen, d tidet,
yesgujjel, yezreɛ tuǧǧla maca mačči s lɣerḍ­is. Wid umi tlaq
tuzzma d uɛaqeb d imusnawen yeccḍen di lḥirfa­nsen, s leɣlaḍ
aqesḥan s ways zegren tilas, s uxrab i sxerben taxelqit n
umdan. Quzmen, ssemlalen idammen n bunadem akked widen
n lhayca deg yiwet tfekka. Tafekka n bunadem yettwacerken s
tin n lweḥc, uqqmen yiwet n tnezduɣt i leḥram d leḥlal, i
leḥnana d lkerh, i tezdeg d wayen iluɣen (Yeɛḍes, yenser)
Anwa ara yemmten ass­agi ? D Bururu lweḥc iqellɛen ulawen
neɣ d Salem meskin yettwaɛezlen deg yidis am uḍuḍ ɣunfan
watmaten­is, yewweḍ lweqt ad mmten di sin ! Ɛaziz ! Dayen
yewǧed kullec ?

Ɛaziz
Anɛam a si Ɛmara ! Neẓẓa lminat n ddinamit i d­nezzi merra i
lberǧ­agi, win ara yessiten ɣef tqeffalt n usṭerḍeq la yettraǧu
awal sɣur­k i wakken ad d­ihudd akk umkan­agi.

Ɛmara
Ad nernu ad nerǧu tis rebɛa n tsaɛet, imir­nni ad fkeɣ awal­iw
n taggara ara yekksen idammen, ur rennun ara ad azzlen.
­ 310 ­
Bururu yeḥya­d

Asayes 44

Professeur Findi
(I yiman­is) kumiṣar Ɛmara iɛeggen­iyi­d belli ad yesṭerḍeq
lberǧ­agi ɣef ṭṭnac d uzgen n yiḍ, tura atan qrib lweqt, ilaq ad
ɣeṣbeɣ ad sseɣliɣ Bururu s abasan yetcurren d l’acide, i s­
heggaɣ i wakken ad t­yečč alamma yekfa... Uqbel ilaq ad
zwireɣ ad ṣerɛeɣ Docteur Sliman i wakken ur iyi­yesseɛwaq
ara di ccɣel­iw.

Sliman
Sɛeddi­yi­d kan timqessin­nni !

Professeur Findi
Ax ! Ṭṭef !

Sliman
Awi­d kan... Ah ! (Ɛlint deg l’acide) Ɣlint­iyi...

Professeur Findi
(Yuggad) Yaxi lmuṣiba yaxi, ɣlint ɣer daxel n ubasan n l’acide,
tura ad yeknu ad d­yerr s tamawt.

Sliman
(Icukk) Ah ! Acu akka yuɣen timqessin ? La ttmeččant daxel n
waman n ubasan yellan ddaw ṭṭabla anda ara s­nessucef i
Bururu. Lakin aman­agi mačči d aman n ddwa !? D l’acide !?
(Yezɛef) Axeddaɛ ! Axeddaɛ ! Aman­agi d l’acide...

Professeur Findi
Anɛam ih ! D l’acide ara yesserɣen Bururu, ara t­yessfsin am
tagut, ur d­yettaǧǧa deg­s later.

Sliman
Axeddaɛ n lɛilm... Axeddaɛ n tussna... Axeddaɛ ara ineṭṭlen
lḥirfa, ara d­afen lǧil n uzekka, ara sqedcen i leǧyal i d­
yeṭṭafaren.

­ 311 ­
Bururu yeḥya­d

Professeur Findi
Axeddaɛ d kečč a Docteur Sliman akked tmital­ik i d­iṣenɛen
Bururu mačči d nekk (Yeḍsa) Di sin, leɛbeɣ yis­wen, nekk
isem­iw mačči Findi, nekk d ṭṭib n la police, kumiṣar ɛmara
yebna­yawen taqerract ideg tettwaṭṭfem am yifrax s llazuq.

Sliman
Yesraḥ­ik Bururu, yeḥṣa d axeddaɛ i telliḍ, d nekk i t­iɣellḍen,
lameɛna ur ifut ara lḥal (Iɛeggeḍ) Bururu ! Bururu !

Bururu
Aaaaaaaaaaaaaaaaaaaaaaaaaaa !

Professeur Findi
(Yeḍsa) Siwel neɣ qim ! Bururu yettwaxrez s tɣeggaḍin n
uɣeggad, yettwaqqen s snasel n wuzzal, abaden ur yezmir ara
ad d­yessenser iman­is, ayagi d lmuḥal.

Sliman
Lameɛna mazal­iyi nekk ur ttwacuddeɣ ara.

Yekker umseččew gar­asen.

Professeur Findi
(Yettaqqef) Yeǧhed... D acu­t akka yeṭṭef ufus­iw ?... D aɛmud
n wuzzal... Ad t­wwteɣ yis­s.

Sliman
Aaaaaaaaa ! (Yexcawet).

Professeur Findi
(Ilehhet) Dayen ! Tura yeṣreɛ, ur iyi­d­mazal ara aṭas n lweqt
ad snegdameɣ ṭṭabla iɣef yeẓẓel Bururu i wakken ad yeɣli daxel
ubasan s tberrint­agi i s­bniɣ s ddemma.

Bururu
(Yuki­d) Docteur Sliman ! Docteur Sliman ! Sliman !

­ 312 ­
Bururu yeḥya­d

Professeur Findi
Docteur Sliman ur yezmir ad k­yexdem ula d kra a Bururu...
Tura ad temmteḍ (Yeḍsa) Ih ad t­tettwikkseḍ, ad tefsiḍ daxel n
l’acide ula d rriḥa­k ur d­tgerri ara.

Bururu
Ad mmteɣ ! Ala ! Ala ! Ur ttmettateɣ ara alamma ẓriɣ yelli
Samira (Izehher, yettnazaɛ).

Professeur Findi
Ɣas ur ttemḥiḥid ara a Bururu, ur ttɛettib ara, ur tezmireḍ ara
ad tesnesreḍ iman­ik si tyersiwin iss teqqnen lbaburat, yerna d
lmuḥal, abaden ad terẓeḍ ssnasel.

Bururu
Snasel... Snasel...

Professeur Findi
Dayen... Dayen... Qrib ad tenneqlab yis­k ṭṭabla, ad teɣliḍ ɣer
daxel n l’acide, ur k­mazal ara aṭas a Bururu.

Bururu
(Yezɛef, izehher) Ala ! Ala ! Ur ttmettateɣ ara... Bɣiɣ ad waliɣ
Samira yelli... Bɣiɣ ad tt­ẓreɣ (Yesseɣres snasel). Findi...
Professeur Findi axeddaɛ, ḥṣiɣ kečč d axeddaɛ, sraḥeɣ­k d
axeddaɛ, tura d kečč ara yemmten, ad temmteḍ a Professeur
Findi.

Professeur Findi
(Yuggad) D lmuḥal ! Yesseɣres amrar yerna ssnasel, yekker­d s
ibeddi, la d­ileḥḥu ɣur­i... La d­yettaẓ (Iwexxer) Ruḥ fell­i...
Tixxer akin... Tixxer...

Bururu
Findi... Ad temmteḍ... Ul­ik ad t­id­qelɛeɣ... Tikkelt­agi d učči
ara ččeɣ ul­ik... Ad t­ffẓeɣ ad t­sbelɛeɣ...

­ 313 ­
Bururu yeḥya­d

Professeur Findi
Ala ! Ala ! Ur iyi­neɣɣ ara ! Ruḥ akin, ruḥ fell­i ! Ur d­ttaẓ ara,
eǧǧ­iyi !

Bururu
Ṭṭfeɣ­k a Findi... Rwaḥ akka... (Yefreḥ) Mmet... Mmet... (Yerẓa
idmaren­is).

Professeur Findi
Aaaaaaaaaaaaaaaaa ! (Yemmut).

Bururu
(Yefreḥ) Atan wul­ik yettquddur d idammen yeḥman... Ad t­
ččeɣ... Ad t­sbelɛeɣ, ma d tafekka­k ad tt­ḍeggreɣ daxel
ubasan­agi i yi­d­theggaḍ (Iḍegger lǧetta­s di l’acide) Dayen...
La yettmečča... S wurɣu la ifetti...

Asayes 45

Deg yiḍ, di berra.

Ɛmara
(Yeɛḍes) Ula d aɛḍas­agi­inu teɛreq­as­tuṣṣra. Dayen a Ɛaziz,
tesbeddeḍ akk taɛessast akken ilaq ?

Ɛaziz
Dayen a si Ɛmara, taɛessast tezzi­d d ameqyas ɣef lberǧ­agi
aqdim, ulac ayen ara iɛeddin ad yeffeɣ ara zeglen ibulisen,
kullec yergel.

Ɛmara
Zemreɣ ad ttekleɣ fell­ak ! Lbarud n la dinamit, dayen teẓẓam
akk lminat ?

Ɛaziz
Am lbaṭaṭa a si Ɛmara am lbaṭaṭa.

­ 314 ­
Bururu yeḥya­d

Smaɛil
(Yuggad) Amek ? La dynamite ? Ɛni ad tesṭerḍqem lberǧ ? Yella
daxel Docteur Sliman !

Ɛmara
Docteur Sliman ? D acu ara t­yawin ɣer daxel ? D netta i
yebɣan. Yessewqeɣ iman­is di tqerract, lemmer yebɣi talwit
atan yeffeɣ­d.

Smaɛil
Ur t­yettaǧǧa ara Bururu, teḥṣiḍ ayagi a si kumiṣar.

Ɛmara
Ḥṣiɣ d Docteur Sliman i d­yewwin Bururu ɣer dagi, ayagi d
ttbut belli ineḥḥel fell­as, yeqqel d acrik­is, Docteur Smaɛil,
lemziyya­k tewweḍ, temliḍ­aɣ­d abrid armi d dagi, tura eǧǧ­aɣ
ad nexdem ccɣel­nneɣ. Ini­yi­d a Ɛaziz, amzun akken sliɣ i
usuɣu ɣer daxel n uxxam, neɣ d imeẓẓuɣen­iw i iɣelṭen ?

Ɛaziz
Ula d nekk sliɣ­as, asuɣu yuli­d seddaw lberǧ, tcuba...

Ɛmara
Tcuba ɣer taɣect n Docteur nneɣ.

Ɛaziz
(Yetqelleq) Ihi ad yili yettwakcef­d !

Ɛmara
Ad yili ur t­iqadd ara lweqt ad d­yessenser iman­is. Bla cekk
yenɣa­t Bururu.

Teṭṭerḍeq lmumba daxel n uxxam, tecɛel tmess.

Ɛaziz
Asṭerḍeq­agi daɣen yuli­d seddaw lberǧ.

­ 315 ­
Bururu yeḥya­d

Ɛmara
Lameɛna ur ɛad d­fkiɣ awal i usṭerḍeq n ddinamit, sɛeṭṭleɣ s
rrbeɛ n tsaɛet nniḍen i wakken Docteur­nneɣ ad t­iqidd lweqt
di ccɣel­is.

Ɛaziz
Asṭerḍeq­agi mačči sɣur­neɣ i d­yekka, si daxel i d­yekka.
Muqel a si Ɛmara timess iceɛlen tebda la d­tetteffeɣ si ṭṭiqan d
tewwura yerrẓen n wadda n uxxam.

Ɛmara
(Yewhem) Ɛaziz muqel muqel ɣef umnar n tewwurt iqelɛen n
unekcum n lberǧ... Ad s­tiniḍ d Bururu ! La d­yetteffeɣ si gar
wabbu... La d­yettban... D netta... La d­yettali tibruǧin... Ad s­
tiniḍ yewwi­d albaɛḍ gar yifassen­is... Muqel muqel...

Ɛaziz
Ɛeqleɣ­t a si Ɛmara, yerfed­d Docteur Sliman... Ad s­tiniḍ
yemmut... Ur yettembiwil ara... Sani ara t­yawi... Ad t­yemḍel ?

Ɛmara
(Yezɛef) D Bururu ara yettwaneṭtlen, d acu i la tettraǧuḍ a
Ɛaziz, aql­i fkiɣ­ak awal... Hubb­d lberǧ­agi amcum ɣef
Bururu ad yettwanṭel i lebda.

Ɛaziz
(Yefreḥ) Yirbeḥ a si Ɛmara, awal­agi i d­yusan sɣur­k d ddwa
yesseḥluyen ulawen ; FEEEEEEEUUUUU.

Teṭṭerḍeq lmumba nniḍen, ihudd uxxam ɣef Bururu.

Bururu
Aaaaaaaaaaaaaaaaaaaaaaaa !

Smaɛil
(Yeḥzen) Bururu tenṭleḍ­t tesseddaḍ yid­s Docteur Sliman a si
kumiṣar.

­ 316 ­
Bururu yeḥya­d

Ɛmara
(Yezɛef) Ulac win yessewwen timsewwect bla ma yerreẓ
timellalin. Ula d kenwi tussna­nwen n ṭṭebb telha. D lebḥer
lqayen ur nesɛi taggara. D igenni ur nesɛi ssqef lameɛna i
wakken ad twenneɛ tussna­nwen tzellum­as asfel. Lḥu­n a
Ɛaziz.

Leḥḥun di sin yid­sen.

Ɛaziz
La ttwaliɣ deg­k teɛyiḍ a si Ɛmara, ilaq­ak ad testeɛfuḍ yerna
asteɛfu yuklalen isem­is.

Ɛmara
D tidet ɛyiɣ a Ɛaziz, taluft­agi n Bururu tecrew­d deg­i yakk
ayen i yi­d­yeggran d tisigar n tezmert.

Ɛaziz
Tikkelt­agi dayen a si Ɛmara, Bururu yemmut, ihubb­d fell­as
lberǧ n win yesluɣen tajaddit­is, yettwanṭel am netta am
Docteur Sliman meskin, i ibegsen ad yesfeḍ leɣlaḍ n baba­s, s
tussna i s­d­yeǧǧa d lwarata, yessarem ad d­yerr lweḥc ɣer
laṣel­is, ad yeqqel d amdan am zzman­is ayagi d ayen ur
yezmir ad yeḍru Bururu lweḥc iqellɛen ulawen yemmut, yenṭel
i lebda ur mazal ara ad d­yuɣal.

Ɛmara
(Yettxemmim) Bururu­agi nessen yemmut neḥder i tenṭelt­
ines, lameɛna i wiyaḍ ?

Ɛaziz
(Yedduqqes) Amek a si Ɛmara ? Wiyaḍ ? Ayɣer llan wiyaḍ ?

Ɛmara
Zemren ad ilin a Ɛaziz, imi ulac laman di lweqt ileḥḥun s tinza
n maḥyaf, maḥyaf i d­yeslalayen tamḥeqranit yeddren s txidas.
Akka mazal amarkanti ad yeḥqer igellil, aɣezfan ad yerkeḍ
awezlan, acebḥan ad yezzi ɣef uberkan, uzyin ad yezwir win
­ 317 ­
Bururu yeḥya­d

ixuṣṣen, yir amusnaw ad yessendef win ur nessin ara, bu


imawlan yesɛan ad yessuref ɣef ugujil, win yessnen ad yerreẓ
tiṭ ɣef win umi ur tettunefk ara, win yesseɣlayen di tneṣlit­is
yettruẓu di tneṣlit n wiyaḍ, kra akka yeṭṭuqut lbaṭel yeẓẓaden
di lḥeqq di tsirt n ṭṭmeɛ, n tismin, n lkerh, n uɣullu d wayen
akk yettḍurrun yettaggad uḥeqqi, Bururu lweḥc iqellɛel
ulawen yezmer ad yeqqel. Win ara t­id­yerren d amdan
yettusellḥen s maḥyaf ucmit d temḥeqranit taqesḥant, yis­s
Bururu yezmer ad d­yeḥyu.

Ɛaziz
(Yeḥzen) Ma yuɣal­d ad d­yaf wiyaḍ ara icewwel, ma d kečč a
si Ɛmara la retraite inek tewweḍ, ussan n usteɛfu la k­ttraǧun,
ruḥ, ffeɣ, beddel tamurt, ad tezziḍ s waɛrur i uqdim, ad tqableḍ
ajdid ara k­yesnefsusin lxaṭer, ara k­iɛeǧben ad k­yers deg
wul.

Ɛmara
(Yecmumeḥ) Awah a Ɛaziz, gar cwiṭ d waṭas, timura ur
mxallafent ara kifkif­itent akk yal yiwen s lerbaḥ­is, yal tayeḍ s
lhemm­is. Ihi smenyafeɣ ad qqimeɣ anda lliɣ, di tmurt­iw, deg
umkan ssneɣ yessen­iyi, nemwalaf ṭṭbayeɛ, nemyecrak
leɛwayed.

Ɛaziz
Ihi a si Ɛmara ma yella akka ad tuɣaleḍ ɣer wayen akken i
tḥemmleḍ, ɣer ṣṣyada n tsekkrin, zzerzur d yilfan.

Ɛmara
Zzman, zemreɣ i tikli s ufella ikerra n wakal, i uneggez gar
icerfan d walluy n tɣaltin, tura dayen ur iyi­d­mazal ara di
tazzla deffir ṣṣyada, ur zmireɣ ara i leɛtab­is.

Ɛaziz
Beddel ṣṣenf n ṣṣyada nniḍen, ɛnu ṣṣyada n lḥut, aɛekkaz n
uɣanim deg yifassen, tiɣimit ɣer rrif n wasif neɣ s ufella n uẓru
n lebḥer, u kečč aql­ak testeɛfaḍ.

­ 318 ­
Bururu yeḥya­d

Ɛmara
(Yecmumeḥ) Ur ssineɣ ara ṣṣyada n lḥut a Ɛaziz.

Ɛaziz
Tagi d lḥirfa­w nekk a si Ɛmara, ad ak­sḥefḍeɣ ṣṣyada n lḥut a
si Ɛmara.

Ɛmara
Aql­i qebleɣ, aḥfaḍ ur yesɛi ara temmɣer.

Ɛaziz
Ihi attan tefra weḥd­s. Ah ! Mmektaɣ­d Malika, tenna­yi­d
ɛreḍ­d si Ɛmara s imensi, d seksu.

Ɛmara
Ssneɣ asewwi n tmeṭṭut­ik, d teɛebbajt n yifassen, yak d seksu
am akken ḥemmleɣ ?

Ɛaziz
Yerna s useqqi n tɣeddiwt n lexla akked uksum n uɛejmi
yerwan deg uzaɣar.

Ɛmara
(Yesqeḍ) Ma yella akka ad n­aseɣ d inebgi­nwen.

Ɛmara
Ala a si Ɛmara mačči d inebgi a si Ɛmara, ad d­taseḍ d aɛeggal­
nneɣ, d awexxam­nneɣ.

Ɛmara
(Yefreḥ) Di tneggura­agi waqila ḥliɣ, ur ḥusseɣ ara i unɣuɣez
n uɛḍas. Ɛni aṭṭan­nni inu n la sinusite ula d netta yessemɣer,
yewweḍ lweqt­is ad yesteɣfu.

­ 319 ­
­ III ­

ANNEXES
01­ Attestation de la Socièté des Auteurs et Compositeurs Dramatiques.

02­ Algérie­Actualité N°1276, semaine du 29 mars au 4 avril 1990.


03­ Youcef MERAHI, Digest de Kabylie, Alpha Edition, 2007.
04­ Mag7 du 21 novembre 1993.
05­ Dépéche de Kabylie du mardi 5 novembre 2002.
06­ Le Matin N°657 du dimanche 20 février 1994.
07­ Algérie Actualités N°836, semaine du 22 au 28 octobre 1981.
08­ Horizons, semaine du 8 au 14 janvier 1987.
Tiẓrigin n Usqamu Unnig n Timmuzɣa
Editions du Haut Commissariat à l'Amazighité
­o­O­o­

Collection “Idlisen­nneɣ”
01­ Khalfa MAMRI, Abane Ramdane, ar taggara d netta i d bab n timmunent, 2003
(Tasuqelt Abdenour HADJ­SAID d Youcef MERAHI )
02­ Slimane ZAMOUCHE, Uḍan n tegrest, 2003.
03­ Omar DAHMOUNE, Bu tqulhatin, 2003.
04­ Mohand Akli HADDADOU, Lexique du corps humain, 2003.
05­ Hocine ARBAOUI, Idurar ireqmanen (Sophonisbe), 2004.
06­ Slimane ZAMOUCHE, Inigan, 2004.
07­ S. HACID et K. FERHOUH, Laṣel ittabaɛ laṣel akk d : Tafunast igujilen, 2004.
08­ Y. AHMED ZAYED et R. KAHLOUCHE, Lexique des sciences de la terre et
lexique animal, 2004.
09­ Lhadi BELLA, Lunǧa, 2004.
10­ Antoine de St EXUPERY, Le Petit Prince, 2004 (Tasuqelt Habib Allah
MANSOURI, Ageldun amecṭuḥ )
11­ Djamel HAMRI, Agerruj n teqbaylit, 2004.
12­ Ramdane OUSLIMANI, Akli ungif, 2004.
13­ Habib Allah MANSOURI, Amawal n tmaziɣt tatrart, édition revue et augmentée,
2004.
14­ Ali KHALFA, Angal n webrid, 2004.
15­ Halima AIT ALI TOUDERT, Ayen i ɣ­d­nnan gar yetran, 2004.
16­ Moussa OULD TALEB, Mmi­s n igellil, 2004 (Tazwart : Youcef MERAHI)
17­ Mohand Akli HADDADOU, Recueil des prénoms amazighs, 2004.
18­ Nadia BENMOUHOUB, Tamacahut n Basɣar, 2004.
19­ Youcef MERAHI, Taqbaylit ass s wass, 2004.
20­ Abdelhafidh KERROUCHE, Teɣzi n yiles, 2004.
21­ Ahmed HAMADOUCHE, Tiɣri n umsedrar, 2004.
22­ Slimane BELHARET, Awal ɣef wawal, 2005.
23­ Madjid SI MOHAMEDI, Afus seg­m, 2005.
24­ Abdellah HAMANE, Merwas di lberj n yiṭij ­ aḥric I, 2005.
25­ Collectif, Tibḥirt n yimedyazen, 2005.
26­ Mourad ZIMU, Tikli, tullisin nniḍen, 2005.
27­ Tayeb DJELLAL, Si tinfusin n umaḍal, 2005.
28­ Yahia AIT YAHIATENE, Faḍma n Summer, 2006.
29­ Abdellah HAMANE, Merwas di lberj n yiṭij ­ aḥric II, 2006.
30­ Lounes BENREJDAL, Tamacahut n bu yedmim, 2006.
31­ Mezyan OU MOH, Tamacahut n umeksa, 2006.
32­ Abdellah ARKOUB, Nnig wurfan, 2006.
33­ Ali MAKOUR, Ḥmed n ugellid, 2006.
34­ Y. BOULMA & S. ABDENBI, Am tmeqqunt n tjeǧǧigin, 2006.
35­ Mohand Akli SALHI, Amawal n tsekla, 2006.
36­ O. KERDJA & A. MEGHNEM, Amawal amecṭuḥ n ugama, 2006.
37­ Ali EL­HADJEN, Tudert d usirem, 2006.
38­ Hadjira OUBACHIR, Uzzu n tayri, 2007.
39­ Djamel BENAOUF, Di tmurt uɛekki, 2007.
40­ Akli OUTAMAZIRT, Targit, 2007.
41­ Mohamed Salah OUNISSI, Tametna n umenzu, 2007.
42­ Ramdane ABDENBI, Anagi, 2007.
43­ Ramdane LASHEB, Ccna n tlawin ɣef ṭṭrad 54/62, 2007.
44­ Said CHEMAKH, Ger zik d tura, 2007.
45­ Said IAMRACHE, Timenna n Saɛid Iɛemrac, 2007.
46­ Mohamed MEDJDOUB, Baba Carlu, 2007.
47­ Nadia BENMOUHOUB, Tafunast igujilen, 2007.
48­ Ali MOKRANI, Agama s tugniwin, 2007.
49­ Fatma ELKOUCHA, Tamedyazt n Yasmin, 2007.
50­ Naima HADJOU, Amennuɣ n tudert­iw, 2007.
51­ Hocine LAOUES, Gar umqadmu d umnelti, 2007.
52­ Omar KHAYAM, Rubaɛiyyat, 2007 (Tasuqelt Abdellah HAMANE)
53­ Ferdinand DUCHENE, Tamilla, 2007(Tasuqelt Habib Allah MANSOURI)
54­ Slimane ZAMOUCHE, Agellil akk d ineffuten yelhan, 2007.
55­ Djamel HAMRI, Anadi di tmedyazt, 2007.
56­ Khaled FERHOUH, Ḥku­yaɣ­d tamacahut, 2007.
57­ Lhadi BELLA, Awal d usefru, 2007.
58­ Omar DAHMOUNE, Agu, 2007.
59­ Yahia AIT YAHIATENE, Untigun, 2007.
60­ Tiddukla Yusef U Qasi ­ Si Muḥend U Mḥend, Tafaska n tmedyazt, 2008.
61­ Sadi DOURMANE, Abrid n tudert­iw, 2008.
62­ Dahbia AMOUR, Tudert s tmedyazt, 2009.
63­ TANASLIT, Akli n tayri, 2009.

Actes de colloques
01­ Actes des journées d'étude sur La connaissance de l'histoire de l'Algérie, mars
1998.
­ Actes des journées d'étude sur L'enseignement de Tamazight, mai 1998.
­ Actes des journées d'étude sur Tamazight dans le système de la
communication, juin 1998.
02­ Actes des journées d'étude sur Approche et étude sur l'amazighité, 2000/2001.
03­ Actes du colloque sur Le mouvement national et la revendication amazighe,
2002.
04­ Actes du colloque international sur Tamazight face aux défis de la modernité,
2002.
05­ Actes des séminaires sur la formation des enseignants de Tamazight et
l'enseignement de la langue et de l'histoire amazighe, 2003.
06­ Actes des colloques : Identité, langue et Etat ­/­ La permanence de l'architecture
amazighe et l'évolution des cités en Algérie, 2003.
07­ Actes des stages de perfectionnement pour les enseignants de tamazight, mars
2004.
08­ Actes du stage de perfectionnement des enseignants de la langue amazighe,
30/31 mars 2004.
09­ Actes du Colloque : Le passage à l'écrit des langues et cultures de tradition orale,
le cas de Tamazight, 2004. (Voir Timmuzgha N°13)
10­ Actes du Colloque : La littérature amazighe : de l'oralité à l'écrit, 2005 (Voir
Timmuzgha N°14)
11­ Actes du Colloque : Tamazight dans les médias et à l'école : hypofonctionnalité
et usages du lexique, 2006 (Voir Timmuzgha N°15)
12­ Actes du colloque sur Le patrimoine culturel immatériel amazigh, 2006.
13­ Actes du colloque sur Le libyco­berbère ou le Tifinagh ; de l'authenticité à
l'usage pratique, 2007.
Revue « Timmuzgha »
Revue d'études amazighes du Haut Commissariat à l'Amazighité :
N° 1, avril 1999, ­­­­­ N° 19, août 2008.
­ N°10, octobre 2004, Spécial Mohya, Entretien.
­ N°12, décembre 2006, Tajmilt i Si Muḥend U Mḥend.
­ N° spécial en Tamazight :
. N°16, janvier 2008.
. N°17, avril 2008.
. N°19, août 2008.

Revue « Tamazight tura »


Revue en Tamazight du Haut Commissariat à l'Amazighité :
N° 1, janvier 2009.

Autres publications
01­ Chafik MOHAMED, Aperçu sur trente trois siècles de l'histoire des imazighènes,
1997.
02­ Annuaire des associations culturelles amazighes, 2000.
03­ Idir El­Watani, L'Algérie libre vivra, 2001.
04­ Mohand Oulhadj LACEB, La phonologie générative du kabyle : l'emphase et son
harmonie. Tome1, Histoire et fondements d'un débat argumentaire, 2007.
05­ Mohand Oulhadj LACEB, La phonologie générative du kabyle : l'emphase et son
harmonie. Tome2, Analyse et représentation phonologique, 2007.
06­ Collectif, Mouloud FERAOUN, Evocation, Actes du Colloque, 2008.
07­ Catalogue des publications du HCA, 2008.

Consultings
01­ Kamel BOUAMARA, Nekni d wiyiḍ, 1998.
02­ Mouloud FERAOUN, Ussan di tmurt, 1999 (Tasuqelt Kamel BOUAMARA)
03­ Nora TIGZIRI ­ Amar NABTI, Etude sur « L'enseignement de la langue amazighe:
bilan et perspectives », 2004.
04­ Iddir AMARA, Les inscriptions alphabétiques amazighes d'Algérie, 2006.
05­ Kemal STITI, Fascicule des inscriptions libyques gravées et peintes de la grande
Kabylie, 2006.
06­ Mohand Akli HADDADOU, Dictionnaire des racines berbères communes,
2006/2007.
07­ Abdellah NOUH, Glossaire du vocabulaire commun au Kabyle et au Mozabite,
2006/2007.
08­ Sadaq BENDALI, Awfus amaynut n tutlayt tamaziɣt, 2007.
09­ M'hammed DJELLAOUI, Tiwsatin timensayin n tesrit taqbaylit, 2007.
10­ Kamel BOUAMARA, Amawal n tunuɣin n tesnukyest, 2007.
11­ Moussa IMARAZENE, Manuel de syntaxe berbère, 2007.
12­ M'hammed DJELLAOUI, Tiwsatin timensayin n tmedyazt taqbaylit, 2007.
13­ Moussa IMARAZENE, Timɛayin n leqbayel, 2007.
14­ Nora BELGASMIA, L'expression écrite en tamazight, 2007.
15­ Mouloud LOUNAOUCI, Projet de création d’un Centre de terminologie
amazighe, TERAMA, 2007.
16­ Zahir MEKSEM, Isuraz n usezdi tenmeẓla taḍrisant n tmaziɣt : Asnekwu d
tesleḍt, 2008.
17­ Mohammed Brahim SALHI, La tariqa Rahmaniya : De l’avènement à
l’insurrection de 1871, 2008.
18­ Fakihani TIBERMACINE, Tanast u kajjuf, 2009.
Cet ouvrage est publié dans le cadre de la collection
“Idlisen­nneɣ”
Initiée par la Direction de la promotion culturelle du
Haut Commissariat à l'Amazighité

© Tous droits réservés

Conception et PAO :

Tiɣwist n Bururu
Dépôt Légal : 286­2006
ISBN : 9961­789­56­3

Bururu yeḥya­d
Dépôt Légal : 287­2006
ISBN : 9961­789­57­2
Achevé d'imprimer sur les presses de
IMPRIMERIE HASNAOUI
Alger
Tel : 021­74­70­83
Fax : 021­74­07­31