Synfocity = 462

Synod Information & Publicity Department, Synod Office (Third Floor), Mission Veng, Aizawl

mail us at : mzsynfo@gmail.com; mizoramsynod@gmail.com - Phone - 2314648

31st October, 2013

Synod Education Board Synod 2013 atana inbuatsaihna kal mekah Synod hnuaia Board leh Committee peng hrang hrangte chu tunlai hian an thu mek a. Vawiin hian nilengin Synod Education Board chuan Annual Meeting neiin thu pawimawh tak tak 16 an ngaihtuah a ni. Meeting hi Rev. Lalramliana Pachuau, Synod Moderator-in a kaihruai a, Pu Rozama Chawngthu, Secretary-in reports a pe. Thu ngaihtuah zinga pawimawh zualte chu- PC Girls Headmistress thar ruat, Synod HSS Hall lian sak dan tur ruahmanna thlirho, Synod HSS Boys Hostel warden quarters ruahmanna thlirho, School-a thawk contract worker-te hlawh pek dan tur, Mizorama zirna siam that nan kohhran leh sawrkar nasa zawkin thawk ho rawh se tih thu Presbytery atanga lut te, kum 2013-14 additional budget leh kum thar lam budget tur te an ni. Synod HSS-ah hian tun dinhmunah zirlai 1003 an awm a, kumin chhungin Board exam hrang hrangah HSLC 98.11%, HSSLC (Arts)-ah 90.32% leh HSSLC (Sc)-ah 77.78% an passed a ni. Synod HSS-ah hian Principal pakhat leh Vice Principal pakhat bakah zirtirtu Higher section-ah 25, Secondary section-ah 21 leh non teaching staff 13, an vaiin thawktu 61 an awm mek a ni. Naktuk November ni 1, 2013-ah SL&PB a thu ang a, kar leh chhung khian ni 5-ah Social Front leh ni 6-ah Music Committee te an thu leh ang. PRESCOM w Bookroom News : November 4, 2013 (Thawhtanni) zan hian Model Veng Branch KTP ten an rawm sawmna bawhzuiin Literature Campaign Model Veng-ah neih a ni dawn a, hun hmangtu tur chu Pu Lalniliana, Manager Synod Bookroom a ni ang. Hemi hunah hian Synod Bookroom-a bungruate 10% discount-a lei theih turin a hmunah pho chhuah a ni dawn a ni. w Ni 9 November (Inrinni) dar 11:00 am hian Mamit Charkawn-ah Rs. 20,50,000 (Cheng nuai sawmhnih leh sangnga) senga sak Synod Book Room Building thar chu Synod Moderator Rev. Lalramliana Pachuau-in a hawng ang. Zin w October 30 - November 1 hian Dr. Robert S. Halliday, Superintendent chu NEICORD Executive Meeting nei turin Guwahati-ah a kal. w November 1 - 4, 2013 hian Rev. P.C. Pachhunga, Executive Secretary i/c. Mission chu Home Mission North-a Kohhran leh School tlawhin a zin ang, Office lam atangin Upa Lalhmingthanga Mission Promoter leh H. Vanlalchhuanga Supervisor of Schools ten an tawiawm ang. Kristian Thalai Pawl w Vawiin (Oct. 31) tlai dar 4:30 hian CKTP Committee chu Synod Committee Room No. 1-ah an thukhawm ang. w 55th. KTP General Conference (2014)-a Jubilee Zaipawl Pui inbuatsaihna atan November 1, 2013 (Zirtawp) zan hian Mission Vengthlang Kohhran Biak Inah Aizawl khawpui chhung Bial Zaipawl infinin hla an zir ho ang. Gen. Conference (2014)-ah hian Bial Zaipawl zawng zawng infinin Zaipawl Pui neih tur a ni a, hla sak tur chu 'Halleluiah Chorus' leh 'Ram Engmawi' a ni. Aizawl khawpui pawn Bial Zaipawlte chuan Presbytery Inkhawmpui laiin a huhova zirna an lo nei hlawm tawh a ni. Zaipawl hla zir zan hian Jubilee T-shirt tlangzarh nghal a ni dawn a, Asst. Leader Upa Dr. Samuel Vanlalthlangan a kaihruai ang a, Leader Rev. Lalrinmawian a tlangzarh ang. Jubilee T-Shirt hi Synod Bookroom atanga zawrh chhuah tur a ni. w Champhai Joint KTP Meet(November 9-10) Kahrawt Kohhran Biak Ina an neih turah General Secretary Upa Zonunmawia a kal ang a, Mission Veng Bial Zaipawl-in an tawiawm ang. Champhai Joint KTP hi kum 2016 KTP Gen. Conference thlengtu tur an ni. SL&PB November 1 (Zirtawpni) dar 2:00 pm khian Pi Zaii Hall, Synod Conference Centre, Mission Veng, Aizawlah lehkhabu, chanchinbu leh thu ziak danga thu ziak dan tur leh kalhmang zui tur ziah khawmna bu, Synod House Style Synod Literatur & Punlication Board buatsaih chu Rev. Lalramliana Pachuau, Synod Moderator in a tlangzarh ang. Revival November 7 & 8, 2013 Synod Revival Speaker lak thar turte an interview ang. Interview turte chuan an interview ni tur Synod Office, Revival Department-ah ngaihven tur a ni ang. Education 2014-a HSLC Exam hmachhawn tur Presbyterian English School Principal intawhkhawmna November 1, 2014 (Zirtawpni) 11:00 am - 3:00 pm hian Synod Committee Room no. 1-ah an nei ang. He hun hi hun hnihah thenin, chawhma lamah paper zir hona an nei ang a, tin, School titha leh zirlai tithate lawmman sem a ni ang. Chawhnu lamah HSLC Result tha neih dan tih thupui hmangin sawihona hun hman a ni ang Hruaina Eng FM Radio & TV Programme w NOVEMBER 1 (FM Zoawi Aizawl @ 7:30 p.m.) : Solo : Zoramchhani - Immanuel Ropui, Choir : Dawrpui Kohrhran Zaipawl - khawvel tuifinriat, Thuchah : Upa DP Biakkhuma - Rorelna Dik, Solo : Gracy V.L.Pachuau - Min Kai Ang Che , Choir : Besy Choir - Aw Lal pathian i kut chhuak thil siam tin reng w NOVEMBER 1 (FM Lunglei @ 7:30 p.m.) : Solo : Gracy V.L.Pachuau - Min Kai Ang Che, Synod News, Choir : Besy Choir - Aw Lal pathian i kut chhuak thil siam tin reng, Thuchah : Upa DP Biakkhuma - Rorelna Dik, Solo : Zoramchhani - Immanuel Ropui , Choir : Lunglei Chanmari Bial Zaipawl - Danglam lo Krista w NOVEMBER 3 (TV Programme @ 3:00 p.m.) : Zaipawl : Venghnuai Bial Zaipawl - Ka Lalpa thutiam , Round Up : October thla, Hla Thlan : Nursing School
Contd,..

www.mizoramsynod.org

Synod Information & Publicity Department, Synod Office (Third Floor), Mission Veng, Aizawl

Susamachar Prasaran Programme NOVEMBER 3 (Pathianni) 5:00 pm. Hindi Gospel Programme (Susamachar Prasaran) : Group/Choir/Solo: Jubilee Kohhran Masihi Sangati - Hijo Aja, Group/Choir/Solo : Lunglei Area Masihi Sangati - Yisu lio tera nam, Sermon : Rev David Lalramliana Ralte - Hum Parmwshwar ke santaan, Group/Choir/Solo : H. Vanlalringa - Kabhi Khudhko, Stuti Geet : Mukti Dilaye Yeshu Naam Moderator Programme Synod Moderator Rev. Lalramliana Pachuau chuan hetiang hian hun a hmang ang : w November 3 (Pathianni) : Thakthing Kohhran, Golden Jubilee lawmna Nilai thupui 2014 a lei theih ta Nilai Zan thupui bu kum 2014-a zir tur chu peih a ni ta a, Kohhran copy tur pawh Synod Office-a Mamawh Lamna hmunah lam theih a ni. Kohhran mite tan Bookroom Branch tinah bu khat Rs.70/- a lei theihin a awm tawh bawk. Programme pek theih Hruaina Eng TV channel atan music video leh special programme a pek theih reng a, pek tur nei chuan Synod Office 4th floor-a SYNFO department office-ah pek theih reng a ni. SYNFO koh theih KTP, Chawhnu Tleirawl Inkhawm leh Chawhnu Naupang Inkhawm programme tha leh special bik nei turte tan Hruaina Eng TV-a tih chhuah atan SYNFO-in a cover thei a, koh theih an ni.

MISSIONARY LAK THAR TE HRIATTIRNA

Synod Mission Board hnuaia Contract Missionary lak thar zawng zawngte chu Orientation Training November 4 - 29, 2013 chhungin neih tur a ni a. Hetah hian kal kim vek tur a ni. Kal lote chu Hotute hriatpui an nih loh chuan an appointment cancelled-sak theih an ni ang a, an aiah midang lak an nih pawhin an sawi buai thei lo vang. He Training hi Missionary lak tharte chuan ngai pawimawh hle turin kan inhriattir a ni e Training-na hmun Training hun : Synod Committee Room II : 10:00 am - 3:00 pm Rev. Lalchhuanmawia Secretary Synod Mission Board

MISSIONARY TRAINING COLLEGE HRIATTIRNA

Missionary Training College (MTC)-ah Bachelor of Missiology (B.Miss) zir duh tan dil theih a ni leh ta. Dilna Form leh Prospectus te hi Rs. 50/- pe in office hun chhungin MTC Office, Mission Vengthlang atangin lak chhuah theih a ni e. q Dil thei chin : Cl-XII pass chin/Cl-X pass kum 2 tal zirna lamah leh rawngbawlna lama experience nei q Dil theih ni hnuhnung : January 31, 2014 q Written Test : March 4, 2014 q Interview : March 6, 2014 Principal Missionary Training College Phone : 2310157/2301337/09612564113

SYNOD MULTIPURPOSE TRAINING CENTRE HRIATTIRNA

Synod Multipurpose Training Centre, Mission Vengthlang, Aizawl-ah a hnuaia Trade-ah te hian training hawn a ni leh dawn a. Dilna chu a hnuaia hming ziak hnenah hian Kohhran lehkha thil telin thehluh theih a ni. 1. Tailoring (Mipa) : Seat 20 2. Tailoring (Hmeichhia) : Seat 40 3. Shoe Making (Mipa) : Seat 5 q Zir hun chhung : January 15 - December 15, 2014 q Dil theih hun : December 10, 2013 thleng q Interview hun : December 12, 2013, 10:00 A.M. Zir tura lakte chu thlatin Stipend Rs. 500/- pek an ni ang. Programme Director, Synod Multipurpose Training Centre

Synod Social Front Helpline: 9089777129; Students Helpline : 9856883377

Mail us at : mzsynfo@gmail.com, mizoramsynod@gmail.com Synod Information & Publicity Phone - 2314648

Synf o