Vous êtes sur la page 1sur 4

JINGHPAW WUNPAWNG HKALUP HPUNG NI, USA KACHINBAPTIST CHURCHES, USA

Rather, speaking the truth in love, we are to grow up in every way into him who is the head, into Christ Ephesians 4:15

2446 Appleton Dr. Indianapolis, IN 46227, USA : Email kbcusa2013@gmail.com

_______________________________________________________________________________

JINGHPAW WUNPAWNG HKALUP HPUNG NI, USA (KACHIN BAPTIST CHURCHES, USA) HPAW NINGHTAN SAI LAM NDAU SHANA AI LAIKA Nhtoi 12.5.2013 Karai Kasang a chyeju hte , 26th Ocotober, 2013 hta galaw ai, No. 3 lang na, USA e gaw de da nna Jinghpaw Wunpawng Hkalup Hpung Ginjaw (KBC) hte ading tawk matut mahkgai nga ai Jinghpaw Wunpawng Hkalup Hpung ni a Hkrum Zup Bawng Ban Hpawng hpe 2308 Baroque Dr. # 4101, Ladera Palms Apartments, Fort Worth, TX 76119 e galaw ai lam hta, Jinghpaw Wunpawng Hkalup Hpung Ginjaw a Ningtau Ningbaw Rev. Chyang Maja Tu Shan hte Amu Madu kaba Rev. Dr. Hkalam Samson yan du dung lawm ai hte, Texas Jinghpaw Wunpawng Hkalup Hpung (TXKBC, Fort Worth, TX), Indiana Jinhpaw Wunpawng Hkalup Hpung (IKBC, Indianapolis, IN), Michigan Jingahpaw Wunpawng Hkalup Hpung (MKBC, Grand Rapids, MI) hte Hanson Jinghpaw Wunpawng Hkalup Hpung (HansonKBC, Houston, TX) nawku hpung mali kaw nna dat kasa ni marai (25) sa du bawngban ai hte Jinghpaw Wunpawng Hkalup Hpung ni, USA (Kachin Baptist Churches, USA) hpe hpaw ninghtan dat sai. Jinghpaw Wunpawng Hkalup Hpung ni, USA (Kachin Baptist Churches, USA) a Yaw Shada ai Lam ni: 1. America mungdan, Jinghpaw Wunpawng Hkalup Hpung ni Hkalup makam masham lam hta grau nna ngang kang wa na matu. 2. America mungdan na Jinghpaw Wunpawng Hkalup Hpung ni shada hku hkau tsaw ra kanawn mazum matut mahkai nga na matu. 3. Jiwoi jiwa ni woi awn wa ai KBC makam hkringhtawng hte maren, sasana magam bungli ni hpe hkrang shapraw let, buga hpung shada ta gindun jawm gun hpai sa wa na matu. 4. Jiwoi Jiwa ni woi awn sa wa ai KBC a hkring htawng hpe ginlen dat ya ai American Hkalup Hpung Ginjaw (American Baptist Churches, USA) hte matut ta gindun let, sasana magam bungli ni hta shang lawm sa wa na matu. 5. America mungdan, Jinghpaw Wunpawng Hkalup Hpung ni, Jinghpaw Wunpawng Hkalup Hpung Ginjaw (KBC) hte tut nawng n daw n hka matut mahkai sa wa lu na matu. 6. America mungdan shagu hta chyam bra nga ai KBC hpung masha ni hpe woi awn zinlum sa wa lu na matu. 7. Kaga Hkristan Nawku Hpung ni hte hku hkau kanawn mazum let, sasana magam bungli ni hta jawm gun hpai na matu.

JINGHPAW WUNPAWNG HKALUP HPUNG NI, USA KACHINBAPTIST CHURCHES, USA


Rather, speaking the truth in love, we are to grow up in every way into him who is the head, into Christ Ephesians 4:15

2446 Appleton Dr. Indianapolis, IN 46227, USA : Email kbcusa2013@gmail.com

_______________________________________________________________________________

Komiti Hpaw Ninghtan ai lam USA hta Jinghpaw Wunpawng Hkalup Hpung ngu nna nawku hpung de let shawng nnan Jinghpaw Wunpawng Hkalup Hpung Ginjaw (KBC) hte ading tawk matut mahkai nga sai, Texas Jinghpaw Wunpawng Hkalup Hpung (Fort Worth, TX), Indiana Jinhpaw Wunpawng Hkalup Hpung (IKBC, Indianapolis, IN), Michigan Jingahpaw Wunpawng Hkalup Hpung (MKBC, Grand Rapids, MI) hte Hanson Jinghpaw Wunpawng Hkalup Hpung (Hanson KBC, Houston, TX) ni hpe shawng nnan kahkyin let Jinghpaw Wunpawng Hkalup Hpung Ginjaw hte ading tawk rai n matut ai kaga nawku hpung ni hpe mung matut mahkai let zinlun sa wa na re majaw, Jinghpaw Wunpawng Hkalup Hpung ni, USA (Kachin Baptist Churches, USA ) hku nna, Zinlum Matut Mahkai Komiti (Coordinating Group) hpe shawng hpaw ninghtan sa wa na myit hkrum sai. Dai komiti a hpa-awn (Coordinator) hku nna, ya yang e Indiana Jinghpaw Wunpawng Hkalup Hpung (IKBC) hpe woi awn nga ai Dr. Jum Maw San Awng hpe lit shatsam sai. Zinlum Matut Mahkai Komiti malawm ni hku nna buga hpung mali kaw nna lit hkam Hpung woi Sara/ Saranum ni, Ningbaw hte Amu Madu ni rai na dawdan sai. KBCs, USA a Kunhting hku nna Slg. Namhkyek Seng Hpung (Amu Madu, TXKBC) hte Hpaji Jaw hku nna Sara Gumgrawng Hkan Naw ni rai u ga nga du sa ai myit su ni yawng myit hkrum sai. KBCs, USA hku nna sasana bungli ni hpe hkrang shapraw lu na matu alu gumhpraw hpe malawm buga hpungni hta shang wa ai htam shi alu kaw nna 5% hpe jawm jaw bang na matu mung yawng myit hkrum let masing gran sai. N-gun Atsam Jaw let Shatsam ai lam: Dai hpawng hta, KBC Amu Madu Kaba, Rev. Dr. Hkalam Samson kaw nna du sa ai nawku hpung shagu a dat kasa ni hpe Oversea Kachin Baptist Community (OKBC) hte seng nna sang lang n-gun jaw sai lam ni hta: OKBC masing gaw lai wa sai shaning law law kaw nna masing nga wa sai re. KBC ginjaw EC kaw nna sha daw dan nna galaw sa wa ai lam n re. KBC shing wang kata na kasa ni hte hpung shawa masha ni yawng a myit ra lam hte nsen re majaw Karai Kasang myit ra ai lam re. Dai ni maigan ga na KBC ngu ai nawku hpung law law hta Jinghpaw Wunpawng Hkalup Hpung Ginjaw (KBC) hte matut ai nawku hpung ni nga ai zawn, n matut ai nawku hpung ni mung nga ai. Maigan de du nga ai KBC nawku hpung masha ni gaw Kanu mungdan kanu ginjaw hte matut nna nga sa wa ai gaw, buga de nga nga ai sai daw sai chyen, makyin jinghku jingyu ni hte wunpawng myu sha ni yawng a matu n-gun kaba rai wa na re ai lam ni hpe sang lang n-gun jaw ga tsun sai. KBC a Ningtau Ningbaw, Rev. Chyang Maja Tu Shan kaw nna mung, KBC ngu ai gaw masha wa a ntsa hta, ahkaw ahkang la chye ai, la mayu ai wuhpung wuhpawng n re. Jiwoi Jiwa ni hpe Karai Kasang jaw da ya ai, makam hkring htawng hpe dagraw nna Jiwoi Jiwaa ni a makam masham hkring htawng hte, Wunpawng myu sha ni hpe lam shagu hta rawt jat kalu kaba wa lu na matu she, woi awn sa wa nga ai wuhpung wuhpawng she rai nga ai. Maigan de nga sa wa ai

JINGHPAW WUNPAWNG HKALUP HPUNG NI, USA KACHINBAPTIST CHURCHES, USA


Rather, speaking the truth in love, we are to grow up in every way into him who is the head, into Christ Ephesians 4:15

2446 Appleton Dr. Indianapolis, IN 46227, USA : Email kbcusa2013@gmail.com

_______________________________________________________________________________

Jinghpaw Wunpawng Hkalup Hpung a hpung masha ni hte shada matut mahkai mahkri shawn let zinlum sa wa ai lam ni gaw jau ai lam n rai ai sha, Karai Kasang nan lajang dat ya ai, aten du sai re lam hpe mung matut nna kahtap shatsam n-gun jaw wa sai. Saw Lajin ai lam ni, USA hta gaw de da ai, Jinghpaw Wunpawng Hkalup Hpung ni hte, Jinghpaw Wunpawng Hkalup Hpung hku nna n nga ai USA a mungdaw ni hta chyam bra nga ai Jinghpaw Wunpawng Hkalup Hpung masha ni hku nna, hpaw ninghtan da sai Jinghpaw Wunpawng Hkalup Hpung ni, USA (KBCs, USA) hta shang lawm nna, Jinghpaw Wunpawng Hkalup Hpung Ginjaw (KBC) hte matut mahkai ai hte, Jiwoi Jiwa ni a hkringhtawng Jinghpaw Wunpawng Hkalup Hpung a makam hpe ban hte ban matut ginlen let anhte hpe hkye hkrang la ai Madu Yesu a hpung shingkang hpe shadan, Shi a sakse ni hku nna mungkan hta ninghtoi tai ga law. Jinghpaw Wunpawng Hkalup Hpung Ni, USA (KBCs, USA)