BMA AW An Official Organ of The Bangalore Mizo Association
Registered Under Societies Act of Karnataka No. BLU-S188-2007-08 Date 7 May 2007
Vol. XV Issue No.37 Bangalore Mizo Association Pathianni Tin Chhuak Chanchinbu Date: 13th December 2009
TUALCHHUNG
&& Revival Camping: Upa KL
Biakchungnunga chu Speaker niin,
Peace Centre, Bagalur Road ah
neih a ni a. Camp-a lut zat chu 104
an ni a, langin mi 5 an kal a, tin
chhimtu mi 7 vel an ni bawk.
Pathian hruaina an chang bawk a,
an hlimin an tui tlang hle ani.
&& BMCF Christmas Carol
Service, Krismas leh Kumthar
ropui takin hman a ni dawn (phek
thumna en rawh)
&& Zirlai thenkhat exam nei
mek an awm a. Tin, exam zo a
Zoram lama haw pawh thahnem
tak an awm.
&& Kan member pahnih, Rev.
H. Lalhmingmawia leh Rev. H.
Lalnunmawia te, UTC a lehkha
zira rawn awmte chu Synod lam
hotute chuan an awmna tur an ti
chiang ta. Rev. H. Lalhmingmawia
hian M.Th (Counselling) a zir a,
Rev. H. Lalnunmawia hian B.D a
zir bawk a, an zirlai hi kumthar
April thla hian an zo dawn a. An
zawh hnua an awmna tur hi Synod
lam hotute chuan hetiang hian an
siam – Rev. H. Lalhmingmawia hi
Guwahati ah a awm anga, Rev. H.
Lalnunmawia hi Manahari (Nepal)
ah Pastor in a awm dawn a ni.
BMCF INKHAWM
19th December 2009
8:30pm Christmas Carol Service
20th December 2009
Hruaitu: Pi Lalthangliani
Tantu: Tv. Samuel Buatsaiha
Thawhlawm: Tawngtairual
Sp. Number: Nl. Gospel Lalhmingmawii
Thusawitu: Pu Levis K. Lalsiamliana
Changvawn: Chhandamtu a piang ta,
Lal Krista chu (Luka 2:11)
Phek Khatna
Article
CHANCHINTHA PANGANA (THE 5TH GOSPEL)
- Dr Mahminga Sailo
“Engpawh ni sela, in awm dan chu Krista chachintha nen inmawi
phawt rawh se…” Phillipi 1:27
The Gospel of…?
Kum hnih/thum liam ta maiah khan Mizo chanchinbu pakhat
thlakip chhuak ah ‘The Gospel of Juda’ tih hi ka chhiar a, chhiar
chhuak ve dap e ti lo chuan sawichhawn tur ka hre miah lo thung! Ka
tan a thu tangkai tak a nilo ni ngei tur a ni. `bakah Pathianin tul a ti lo
a ni ang e, hei leh chen Bible ngai, kan rawngbawlna leh Amah biak
nan kan hmang tawh a. Kan mithiam te kaltlang tal paw’n Bible a telh
tur a rawtna emaw a awm chuang bawk hek lo. Chuvangin he
chanchintha Juda ziak (?) chungchang hi chu kan sawi thui lo ang.
Tin he ti hi a lo ni a, he thu ‘The gospel of…’ tih hian ka ngaituahna a
hruai thui deuh deuh a, ka rilru a ka lo vei ruk ve thin leh midang te
sawi ka hriat fahrah te te atangin ‘The gospel according to your life’
tih hi ka ngaihtuah chhuak ve hlawl a, tin a pawimawh riau in ka hre
thar ta a. Tawngtial ka han telh ve khanglang a, a awmzia a bo phah
em lo’ng chu maw…? Pastor pakhat in, ‘Bible ah chanchintha bu li
kan nei a, mahse chu chanchintha hril tura pawimawh tak pakhat chu
kan nundan hi a ni a. Chuvangin I nundan kha chanchintha
pangana a ni’, a ti a, dik ka tiin ka pawm zawng tak a ni.
Ama’rawhchu a pawimawh ang leh phak tawk a rawng kan bawl
ve na kawnga a tangkai ang erawh in ka sawi chhuak thiam lo ang tih
ka hlauthawng deuh a. Englekhawle, a thiam zawk te cho chhuah nan
te pawh a tha phian ang, tiin kan ziak ve chu a ni a. He thuziak ah
hian a remchang zawk a ka hriat vangin leh thupui nen a a inrem
zawk vangin ‘kan’ tih aiah ‘I’ tih ka hmang tam zawk a. He thu ziaktu
ngei pawh hi he chanchintha mamawh ber te zing a mi ka ni a,
chuvangin a ziaktu leh a chhiartute zawng zawng nen a huap vek a
nih ber chu.
Chanchintha, Nangma ziak…
Thuthlungthar Bible-ah hian chachintha bu li kan nei a, Heng
Chanchinthabu: Matthaia, Marka, Luka, Johana te hian Isua chanchin,
a pian atanga rawng a bawl dan, thil mak hrang hrang a tih te, a thih
leh a thawhlehna chanchin kimchang takin min hrilh a. Chu
chanchintha chu, amah (Isua) vana a lawn dawn pawh khan a zirtirte
khawvel hmuntina kal a hril darh turin a chah reng a ni. Tun thlengin
kohhran in phak tawkin a theih chin chin ah he chanchintha hril tur
hian hma kan la in, thahnemngaih pawh a na. Tun a Chachintha ka
sawi tur erawh hi chu a ziaktu hran an awm lo a, tin a bu a hmuh theih
lah a ni hek lo. Chanchintha kan hrilh ve na kawng a pawimawh tak
tak zing a pakhat a ni a. Nitin a kan nundan te, kan tawngkam leh kan
chezia zawng zawng te kan chachintha chu an ni mai a. Chuti a nih
chuan chanchintha ziak tu I ni a, tin a ziakna bu I ni nghal bawk tihn a
a nih chu. (…contd)
 Vol. XV Issue No.37 Bangalore Mizo Association
Editor
Mâdawnga Hauhnâr
Joint Editors
Samuel Lalrozâma Hmar
Sawmteii Khawlhring
Contributors
Hminga Pachuau
C. Zairemsiama
Circulation Managers
Isaac Beingachha
B. Lalthakimi
BMA AW lak man:
Thla khat - Rs.20
Thla thum - Rs.50
Thla ruk - Rs.90
Thla sawmpahnih - Rs.180
E-mail: bmanews@gmail.com
Website: www.bangaloremizo.info
I mobile-ah khan JOIN BloreMizo tih
type la, 567678 ah thawn rawh.
Bangalore Mizote tana Hriattirna leh
thutharte ilo dawng thin dawn nia.
Editorial
Insumtheihna neih a tha
Chhandamna camping ang chi
te leh revival camping ang chi te hi
tun hma deuh phei kha chuan
Mizoram lamah neih a ni nasa hle
mai a. Tunah pawh BMCF chuan
Revival Camping a buatsaih a. Mi
thahnem tawk tak an lut a.
Midangte pawhin kan hre theuh a
ni. Hetiang camping-a luh te hi
Mizo (hnamdang chu ka hre lo a)
zingah hian zah deuh \ut na hi a
awm niin a lang. Pianthar loh vang
emaw, sual vang emaw lam a ni
hauh lo. Mihring te hi eng thilah
pawh kan insiamthat, kan in tuai
thar reng hi a ngai a sin. Kan taksa
pawh a lo chauh deuh emaw, a lo
hrisel loh deuhte hian kan in
ngaihtuah vat thin a, chu chu a tul
a ni. Pathian kan rinna kawngah
phei chuan kan in siamthar a, kan
in tuaithar fo hi a tul a ni. Pathian
rinnaa chau leh tur emaw, khawvel
lama tlan leh tur chuan camp-a
lutte pawh in ring reng reng suh u.
Kan awmdan emaw kan thil tihte
emaw hi Chanchintha nen a inmil
tur a ni a, Insumtheihna nei turin
engtik lai pawhin Pathian hnena
kan awm reng a tha ber.
Pathianni Tin Chhuak Chanchinbu Date: 13th December 2009 Phek Hnihna
(…article)
Chachintha bu li in min hrilh zawng zawng Isua chanchin leh min
zirtir zawng zawng, amah zui tu te nundan tur leh, awmdan tur min
hrilh te kha kan nunah a lang chhuak em, eng chanchintha nge i
nunah khan i tarlan ve thin le? Isua hmel lah tisa puin kan hmuh tir
thei tawh silo a, chu Isua hmel chu kan nunah lantirin, chachintha kan
hrilhna kawng a min puitu pawimawh tak a ni dawn a ni. A chhan chu
kan vela cheng te hi milem bia an ni si a. I chanchintha kha midang te
tan a chhiar tlak em, nge chhiar tur a bar awm lo in chanchintha I nei
lo zawk?
Mite’n min chhiar…
I ngaihtuah chiang ngai em? Kan nundan in midang te a hneh theih
dan leh awmzia a neih thuk theih zia hi. Nge mahni nun ngaituah lek
lo hian midang te nun veiin an tlinlohna leh felhlelhnate sawiin i
hmanhlel zawk thin. A bik takin rampawn a awm te hemi kawng ah
hian kan mawhphurhna a sang leh zual. Hnam dang, sakhaw dang be
zingah kan khawsa a, a thenin hna kan thawk a, thenkhatin kan zir a
mek bawk. Kan zirna ah emaw kan hnathawhna atang hian engtin tak
kan thiante hian min ngai thin ang maw..? Krista hmel kan nun a
lantir chu sawi loh, a ruk hian min lo tih/hlau zawk ang em le…A
theih chin chin ah kan bul hnai a awm an pumpelh thin zawk ang
em…? Ringlotu bula kan awm chuan missionary kan ni nghal tih hi
kan hriat nawn fo hi a tul hle in ka hria.
Kan nun a midang te kan hneh a kan hip theih loh chuan
chachintha hrilh eng ang mah ila, awmzia a nei tlem khawp ang. Upa
tawng takin ‘vut laka vawih’ an sawi ang chauh a nih hmel tlat.
Galatia 6:17 a Tirhkoh Paula thusawi hi ropui ka tiin a chuanawm ka
ti thin. Ani chuan a taksa ah Isua Krista chhinchhiahna a put avang in
eng dang mahin a tihbuai theih loh thu huai takin a sawi ngam a. Chu
chhinchhiahna chu kan pu ve em? Nge a chang changin ka pu ve zeuh
zeuh…?
Nula pakhat piangthar chanchin…
Mi sawi ka hriat a ni a, a tak tak pawh a ni kher lo mai thei, mahse
a tha ka ti ve tlat. Vawi khat chu nula pakhat hi Salvation Camping-ah
a lut ve a, vanneihthlak takin piangthar in a lo hawng a, a hlimin an
chhuangkua pawh an hlim tlang hle. Mahse, a pi erawhin a tunu
piangthar chu chuti teh ualin mi dangin an lawm ang in a lawmpui ve
hauh lo. Tin heti hi a ni a, camping atanga an chhuah tuk a ni a, nula a
pumpa chu inchhungkhur tifelin hmunte a’n phiat faiin inchungkhur
an rel fel a. Muangchang a a mutna atang lo tho chhuak a pi chuan, ‘E
mami tukin hian i piangthar tak tak a ni tih ka hre ve ta’, a ti khauh
mai a. Chu nula chuan mak ti takin a pi chu chutiang zawhna chu eng
vang a zawt nge a ni tih a zawt let nghal vat a. A pi chuan awlsam te
in, ‘E mami i hmun phiah leh inchhung khur i tihfel dan atang hian
piangthar nun ka hmu ve tlat a lawm’, a ti e, an ti…
Thil hote angin lang mahse a bon ka ti tlat! Piangthar a inchhal ve
si, mahni hnathawhna leh mawhphurhna a rintlak miah silo te hi an
ngeiawm (tenawm ka ti mah…). Piangthar hmunphiah nge fai, ‘tharlo
hmunphiah, piangthar bula awm nge nuam ‘tharlo bula awm…? Hetia
ka sawi vang hian pianthar hnu a phurrit a pung dawn tihna a ni hauh
lo. Kan phak ang tawk a mawhphurhna kan neih te kan hlen a, hun
kan hman that hian mahni ah nun hlimna leh lawmna min pe a.
(…chhunzawm phek thumna)
 A lehlamah erawh chuan
Vol. XV Issue No.37 Bangalore Mizo Association Pathianni Tin Chhuak Chanchinbu Date: 13th December 2009 Phek Thumna

Thil tha ti an inchhir ngailo ang in chu nun chuan thil tha dang tih MIZORAM CHANCHINTHAR
duhna kan nunah a siam ang a, nun a nuam in a hahdam thin. && Khaw fai lawmman dawng:
Mi tam takin ‘thusawi thiam’ an tih reng rengte hian mahni nun India ram chhung khaw fai
atangin tehkhinna leh zirtirna an sawi chhuak fo thin, chu chuan thlanchhuahte hnena an pek thin,
midangte nun a hneh hmain an thusawi pawm a awlsam thin. Hei Nirmal Puraskar Award chu PHE
vang hi a ni ang e, Tirhkoh Paula rengin confi –takin (tunlai Department hmalaknain Thawhtanni
tawngin), ‘Mi zirtute ni rawh u’ a tih fak fak ngam ni. khan Vanapa Hall-ah sem a ni a;
Ama’rawhchu mahni nihna lo pui a in sawi an nih erawh chuan Governor MM Lakhera chuan khaw fai
mahni mawng hlim an ni thung. Chuvangin nitin kan nunkawng thlanchhuah 20-te hnenah lawmman a
ah, khawi hmunah pawh awm ila, kan nundan fimkhur fo ila, hlan. "Mizoramah hian thla nga vel
midangte tan a malsawmna kan ni theilo a nih pawhin harsatna ruah a sûr thin a, mahse dahkhawl
siamtu nih loh hram hram a tha. Hla siamtu pakhatin min ngen nachang kan hre lo a, ruah a sûr loh
ang in min siamtu duh ang leh lawm zawng a nun I tum zel teh chinah tuiah kan buai leh nghal thin.
ang u. Ruahtuite hi dah khawl ila, faina
“Thiltha ti atan a siam a awmin, kawngah hmalakna atan pawh tangkai
Ama kutchhuak kan nisi a; takin kan hmang thei dawn a ni,"
Chu thil tha tih chu kan awmna tura, Governor chuan a ti a. Khaw tinin tui
Lalpa’n a buatsaih lawk a ni” dahkhawlna tha nei thei se a duh thu a
sawi a, tin bawlhlawh paih kawngah
------------------------------------------------------------------------------- Mizote'n hmasawn an la ngaih thu a
sawi bawk.
BMCF Christmas Carol Service neih a ni dawn Khaw fai lawmman dawngtute:
Tun Inrinni lo awm tur, December 19 hian Sunday School Hall,
Hmunngha(Aizawl), Sailutar (Aizawl),
Wesley Church ah BMCF chuan Christmas Carol Service nei
|awipuiN-I (Lunglei), Mualthuam‘N’
turin ruahmanna a siam a. A hun chu zan dar 8:30pm a ni anga.
(Lunglei), Haulawng (Lunglei),
Kal theuh i tum ang u. Kal tur zawng zawng tena kan hriattur chu
Ralvawng (Lunglei), Hrangchalkawn
‘a hlimawm dawn hle a ni’ tih leh ‘A hun takah he Carol Service
(Lunglei), Farm Veng (Lunglei),
hi tan a ni dawn a ni’ tih hi. Kan zai anga, a tul chuan kan lam
Theiriat(Lunglei), Ramthar (Lunglei),
ang. A awmzia chu Pathian fakin, Pathian chawimawiin kan
College Veng (Lunglei), Zohnuai
party dawn a ni deuh ber. Items tha tak tak a awm dawn bawk.
(Lunglei), Pangzawl(Lunglei), Ngopa
Hetiang a nih dawn avangte pawh a ni thei ang, ei leh in tur tui
(Champhai), Puilo(Champhai),
tak buatsaih a ni dawn tlat.
Bilkhawthlir North (Kolasib), North
Krismas leh Kumthar Chhimluang (Kolasib), Mamit Bazar
Kumin 2009 Krismas programme pawh duan a ni tawh a. A Veng(Mamit), Buhkangkawn
tlangpui chu Biakinah pawh puan a ni thin bawk a. Bangalore-a (Serchhip), East Lungdar(Serchhip)
Mizo awm zawng zawng te chu he kan hun ropui leh nghahhlelh (source:vanglaini)
thin ah hian tel vek kan tum dawn nia. && Compensation Hnam kan ni:
Urlawk Zan (A hmun – Tagore Hall, UTC, A hun – 8:00pm) Mizoram Pradesh Congress Committee
He hun hi nuam dawn tak a ni. Kan hun neih dan te min kaihruai chuan tunkar Thawhlehni 8th December
turin Pu Zohmaa leh Pu Duhawma te ruat an ni a. BMCF Area khan Vanapa Hall-ah General
hrang hrang ten Items dang dai tak tak an entir ang a. Kan tlaivar Assembly an hmang a, he huna
ang nge tlaivar lo ang tih chu a sawi lawk theih hauh loh (Kan thusawitu an president Pu Lal
tlaivar kher chu ka ring hran lo…) Kan hun hman laklawh loh Thanhawla, Chief Minister chuan,
laiah ei tur tui tak tak kan ei tur a ni bawk. Kumdanga kan ei thin Mizote chu compensation hnam kan
pawh kha khati kha a nia…tun tum chu a aiin a tui dawn! nih thu a sawi. Lal Thanhawla chuan,
Hmasi Ni (A hmun – Tagor Hall, UTC, A hun – 11:00am) "Corruption hi kan do rêm theih loh
Ruai ropui tak buatsaih leh a ni dawn a. Nilengin kan hmang pawhin, a zualpui chu kan do hneh tur a
dawn a ni. Hemi ni hian Inkhawm a awm anga, chawchhun nen ni. Keimahni kan fihlîm hmasak a ngai
zanriah nen… tui tak tak kan ei dawn ani. Min Chhandamtu Isua ang," a ti a. Dik lo taka thil tih tum an
lo pianni hi hlim tak leh ropui taka hmang turin BMCF lam chu a awm chuan zak ngawih ngawiha an
inbuatsaih ani. siam tur thu a sawi.(source:vanglaini)
 Vol XV Issue No.37 Bangalore Mizo Association Pathianni Tin Chhuak Chanchinbu Date: 13th December 2009 Phek Li na

INFIAMNA
Mizoram 1st Inter Higher Secondary School PG FOR GIRLS
Swimming Championship chu December ni 10 #118, 1st Floor, 13th Main Road, 29th Cross
(Ningani) khan LAD Picnic Spot, Lawibualah neih 4th Block, Jayanagar, Bangalore – 560011.
a ni a. He Tuihleuh intihsiak hmasa berah hian
Govt. Mamawii HSS chuan chakber lawmman an la. Hmeichhe tan hostel nuam leh felfai tak
He hunah hian Sports Minister Zodintluanga'n siam a ni e.
lawmman a sem a, thu sawiin tuihleuh intihsiak chu Tin, Bangalore-a lo zin (hmeichhia) tan
Mizoram infiamna khawvela thil thar a ni, a ti a, a pawh man tlawm takin thlen theih a ni.
buatsaihtu association a fak thu a sawi bawk. He
intihsiaknaa telte chu beiseiawm tak tak an nih thu Contact:
sawiin, "Hma kan la chho ang a, tuna kan naupangte +91 95350 96101
hian medal tam tak Mizoram tan an hawn ngei ka
beisei a ni," a ti. He tui inhleuhsiakah hian J. English Premier League:
Lalanzela, Govt. Mamawii HSS chu swimmer tha Zanin inkhel turte –
berah thlan a ni a, ani hian an sikul chu a champion- Liverpool v Arsenal 09:25pm ESPN
th
pui a, intihsiakna pathumah telin lawmman 15 December Zan (Nilaini zing) inkhel turte –
pakhatna ala vek a ni. Khawimaw… an result hi Sunderland v Aston Villa 12:45am
chiang takin i’n tarlang ve hrim hrim teh ang, a Birmingham v Blackburn 01:00am
lawmawm ve hranpa tlat. Nakinah engtikah emaw Bolton v West Ham Utd 01:00am
chuan Olympic ah te kan la chhuak ve ngei torah Man Utd v Wolves 01:00am
ngai ta ila. Result kimchang: Nizan EPL Result Thenkhat:
20m Freestyle (Boys) Stoke City 2-2 Wigan Athletic
Gold - J.Lalanzela, Govt. Mamawii HSS 14.37 Secs Birmingham City 1-0 West Ham United
Silver - PC Lalmalsawma, KM HSS 16.00 Secs. Bolton Wanderers 3-3 Manchester City
Bronze - Lalhmingmawia, KM HSS 16.34 Secs. Chelsea 3-3 Everton
40m Freestyle (Boys) Tottenham Hotspur 0-1 Wolves
Gold - J.Lalanzela, Govt. Mamawii HSS 32.78 Secs Manchester United 0-1 Aston Villa
Silver - PC Lalmalsawma, KM HSS 37.38 Secs English Premier League point dinhmun:
Bronze - Lalhmingmawia, KM HSS 39.37 Secs (as on 13th December 2009, 08:00am)
20m Backstroke (Boys) Position Club Played GD Point
Gold - J.Lalanzela Govt. Mamawii HSS 19.88 Secs 1 Chelsea 16 +27 37
Silver - Lalngaizuala, Oxford HSS 20.00 Secs 2 Manchester United 16 +20 34
Bronze - Lalhmingmawia, KM HSS 21.18 Secs 3 Aston Villa 16 +12 29
4x20m Relay (Boys) 4 Arsenal 14 +20 28
Gold - KM HSS A 1.16.8 Mins. 5 Tottenham 16 +13 27
Silver - Synod HSS 1.17.3 Mins 6 Manchester City 15 +8 26
Bronze - Donbosco HSS 1.20.09 Mins. 7 Liverpool 15 +11 24
20m Freestyle (Girls) 8 Birmingham 16 0 24
Gold - Rekha Chakma, LR HSS, 23.09 Secs 9 Fulham 16 +3 23
Silver – Jolyn Lalrinawmi ChaltlangHSS 28.10 Secs 10 Sunderland 16 0 21
Bronze - V.Lalhriattiri, LR HSS 29.33 Secs. ---------------------------------------------------------------
20m Backstroke(Girls) Hma taka mut a, hma taka thawh hian
Gold - Rekha Chakma, LR HSS 31.75 Secs
mi a siam hrisel a, a siam hausa in, a siam
Silver - Jolyn Lalrinawmi,ChaltlangHSS39.69 Secs
Bronze - Debashree Chakma LR HSS 45.53 Secs. fing bawk thin.
- Franklin
BMA Office Bearers 2009-2010:
President : Pi Lalrinpuii Vice President : Pu Josiah Lalchhanhima Ralte
General Secretary : Mâdawnga Hauhnâr Asst.Gen. Secretary : Pu Paul Lalchhanhima
Treasurer : Blessy Sailo Assistant Treasurer : Thaarie Hnamte
Secretary i/c Games & Sports : Joel Murray Secretary i/c Cultural : Samuel Lalrozama Hmar
Secretary i/c Academic & Human Resources : Alan Lalhriatpuia