Ang Magagawa Ko Upang Maging Magandang Halimbawa sa Aming
Baranggay ( ni Narmie P. Maulingan-Asuncion ALS CLC) Ang baranggay ay ang maliliit na yunit ng pamayanan. Ito ay pinamumunuan ng kapitan. Lahat tayo nagnanais na maging halimbawa sa lahat. Ano kaya ang magagawa ko upang maging magandang halimbawa ng aming baranggay? Ano ba ang maidudulot nito sa lahat ng tao? Bata palang ako nagnanais na maging halimbawa lalo na sa aming baranggay. Nagsisikap akong gawin ang mga mabuting bagay. Para sa akin marami akong magagawa upang maging magandang halimbawa ng aming baranggay. Tutulong ako sa aking kapwa sa abot ng aking makakaya. Hindi ako gagawa ng mga bagay na makakasakit sa aking kapwa. Tutulong akong pangalagaan ang kalinisan ng aming baranggay. Iiwasan kong mag tapon ng basura kung saan dahil masama ang maidudulot nito sa mga tao. Tutulong akong pangalagaan ang mga punong kahoy sa kabundukan upang maiwasan ang mga kalamidad. Makikisali ako sa mga organisasyon lalo na ang laban sa droga. Tutulong akong ipaliwanag sa lahat ng tao ang kahalagahan ng malinis at payapang baranggay. Maraming maidudulot na kabutihan ang lahat ng ito. Magkakaroon ng kapayapaan ang aming baranggay. Magiging maunlad ito na maging dahilan upang tularan ng kapwa ko baranggay. Lahat ng ito patuloy kong hinahangad na sana magawa ko ng tama. Gusto kong tumulong sa aming baranggay upang magkaroon ng kapayapaan at kaunlaran. Ang pagiging magandang halimbawa ay isang malaking misyon sa buhay. Magdasal tayo sa Diyos. Humingi tayo ng lakas upang magawa natin ng tama ang dapat gawin. Alam natin na Diyos lamang ang pag-asa sa lahat ng ginagawa natin.