Ombak

Suara ombak magulung madingehan

Singgah di pasisi
Tusing ja emed
Tuah akejep
Mawali akijapan mata
Ka tengah nyujuh segara
Maganti timpal ane lenan
Yaning ada sisa dosa
Ombak lakar mawali
Buin neked pasisi

Meled
Meled titiang mulih
Emed suba titiang ngumbara dini
Peteng karasayang
Titiang suba tan pabayu
Makejang laksana enu kaingetang
Rasa sakit pinaka jalan
Tur buta en pinaka guru
Ngajahin nolih san pastika
Titiang iwasin Ida
Titiang suba ejoh
Titiang meled mulih

I Luh Jepun

Titiang panyeroan i ratu,

Nnten tatas indik matur
Geginan tiang wantah ngalap sekar,
katur ring i ratu,
angge ngias prabu i ratu san megelung emas.

Luh Jepun wastan tiang.

Tiang boya ya i bungan sandat san miik ngalub.
Nanging i ratu mapaica genah sakadi tiang i sekar sandat.
Ring merajan i ratu titiang mangayah,
makamen putih masenteng kuning.
Ngukup toya miik ngalub;
agni ngeseng i kayu cendana,
jebug arum, pandan arum, lan gendis.
Andus nusdus,
maukup ukup toya kumkuman
angg i ratu manyirat prabu magelung emas.
Rerantas, wajra , ketu sampun sayaga
Ngiring i ratu munggah
Titiang ngiring i ratu nyurya suwana.
I cempaka mebunga ngarmpyok,
mareruntuhan ring natar merajan.
I riki tiang mangayahin i ratu,
makidung warga sari, tedun tirta.
Anggob manah titiang,
I ratu mapaica genah ring merajan san kasuciang.
Tiang luh jepun,
leteh antuk dosa.
Nyalanang idup ring margin kiwa.
Las i ratu nuntunin tiang pamargi,
I riki titiang mangayahin sisan tuwuh san kapaica,
ngiring i ratu,
ngiring pamargi san kaloktah.
Tiang luh jepun ten tatas antuk matur.
I riki mangayahin i ratu.

mati jalan mulih

urip rurung ka stra
mati jalan mulih
: aksara umah ipian
awu tungtunging kuku
muncuk rambut bau-bau
: asep wangi taring lanying
di tanah batis maumah
umah getih betn kulit
: pikeneh di kadituan

mani puan
n suba liwat orahang ibi
tuara kagisi madan jani
sing tawang adanin mani
ilang buin teka nika puan
ibi jani kema mai mani puan
beneng rurung mamuter margi
murwa utawi mapradaksina
kala kali kalika kaluku
kaki nini kaka kula

sing neked
gelar gelur gelar tawur
ngidih api kunang-kunang
nunu awak di tegal anak
nambus ati lablab nyapnyap
endih kunang-kunang
kadi bulan ngaw galang
sing panes sing api
sing lebeng sing jati
kalangen sing neked

dini jani
sandhibhuta abian tuwuh
sandhikala tegulan angen
: bhuta nmbls amah kala
ditu malu dini jani
pidan kapan mani puan
: angkihan angin angonan
bhuta lima kala ukud
mahakali mahabhuti mah-amah
: kula kedat tepuk peteng

pocol
tanah lemah sampun pejah
wai-apah tan paumah
api-ai megat lampah
wnten angkihan sisan angin
layangan i rar pegat tali
sawat di langit wates liat
sampun huwus gumi maputer
kija bulan ngaba peteng
pocol matan ai nyantosang

balik
ya buta sing mabapa
sing mamm ya kala
mula n buta ngalih bapa
kala ngamuk nagih mm
balikang satuan jani
pajalan i buta i kala
ngliwatin umah bapa mm
tan pabapa ibu shiwa kojar
sing embas tan lebar

api
api sing tan mati
ada utawi sing ada
andus miwah kebus
alit-alit mancing api
nganggon api
lingsir-lingsir ngidih api
mabekel lakar api
nyn nguntul munuh bulih api
betn ombak pasih kelod?

aget lacur
aget ulung neked di tanah
rh ditu tongos majujuk
maenjekan utawi negak
aget ulung ngengsut di carang
rh ditu tongos matinggah
nyiksik bulu metk abu
mula aget nepukin aget
rh ditu lakar nepukin lacur
makrana ada aget

mati
kupu-kupu
peteng-peteng
di pasirepan
di ipian ada tamiu
kisi-kisi manuturang
buin mani mati
semeng-semeng
ada kepompong
di pawaregan

puput
gunung betn pasih
api betn gunung
asep sungsang
pusering uteng
langit puun
pura kageseng
abu ampehang angin
song tulang kunda
yadnya puput

buta sami-sami
kija matan ai sing ngenah
dasa tiban surya swana?
ia jani suba joh rh
puteran gumi mabading
malalinin galang linggah
ngutang pikolih makarma
kon ditu ada ayuta matan ai
lemah galang sing ada peteng
satuan anak buta sami-sami