ANG DAKILANG PANALANGIN SA GABI (BISPERAS)

(GREAT VESPERS)
Ayon sa tagubilin sa Kalipunan ng mga Pagbasa at Panalangin ng Simbahang
Orthodox, ang Dakilang Panalangin sa Gabi ay dapat gawin sa bisperas ng Dakilang
Liturhiya (Sabado ng gabi) at mga bisperas ng mga dakilang kapistahan at mga
kapistahan ng mga santo.

PANIMULA
Pari: + Pagpalain nawa ang ating Panginoong Diyos palagi, ngayon at
magpakailanman, at magpasawalang hanggan.
Bayan: Amen.
Pari: Halinat tayoy sumamba at magbigay-galang sa ating Hari at Diyos.
Halinat tayoy sumamba at magbigay-galang sa ating Kristong Hari at Diyos.
Halinat tayoy sumamba at magbigay-galang sa ating Panginoong Hesukristo, ang
ating Hari at Diyos.
Salmo 103 (104)
+ Papurihan mo ang Panginoon, O aking kaluluwa!
Ikaw Panginoon na aking Diyos, kay dakila mong talaga!
Karangala't kamahalan, lubos na nadaramtan ka.
O Diyos, kayo po ay puspos ng maningning na liwanag,
kalangita'y parang tolda, na kamay mo ang nagladlad.
Ang ginawa mong tahanan ay ang tubig sa itaas,
ang karo mong sinasakyan ay ang papawiring-ulap,
sa pakpak ng mga hangin ay doon ka lumalakad.
Tagahatid ng balita ay hangin ding sumisimoy,
at kidlat na matatalim ang lingkod mong tumutulong.
Ikaw na rin ang nagtayo ng saligan nitong lupa,
matatag na ginawa mo't hindi ito mauuga.
Ang ibabaw ng saliga'y ginawa mong karagatan,
at tubig din ang bumalot sa lahat ng kabundukan.
Ngunit noong magalit ka itong tubig ay tumakas,
nang marinig ang sigaw mo, tumilapon agad-agad.
Bumuhos sa kabundukan, umagos sa kapatagan,
natipon sa isang dako't naging isang karagatan,
matapos, ang ginawa mo'y naglagay ka ng hangganan,
upang itong kalupaa'y di na muling laganapan.
Lumilikha ka ng ilog na patungong kapatagan,
sa gilid ng mga burol, umaagos na marahan.

ANG DAKILANG PANALANGIN SA GABI

Kaya kahit na sa ilang ang hayop na naroon,
maging hayop na mailap may tubig na naiinom.
Sa naroong kakahuya'y umaawit na masaya,
mga ibo'y nagpupugad sa malabay nilang sanga.
Magmula sa kalangitan, mga bundok ay nadilig,
ibinuhos ang pagpapala't lumaganap sa daigdig.
Tumubo ang mga damong pagkain ng mga baka,
nagkaroon ng halamang masaganang namumunga;
anupa't ang mga tao'y may pagkaing nakukuha.
Mayroong ubas na inumin kaya tao'y masasaya,
may langis pa ng olibong nagdudulot ng ligaya,
at tinapay na pagkaing pampalakas sa tuwina.
Ang mga kahoy ng Panginoon, masaganang nadidilig,
mga sedar ng Lebanon, kayo mismo ang nagtanim.
Sa malagong mga puno at malabay nitong sanga,
mga ibo'y nagpupugad, doon sila tumitira.
Yaong mga kambing-gubat nagkalat sa kabundukan,
sa bitak ng mga bato ang kuneho nananahan.
Ang buwan ay nababatid sa buwan ding iyong likha,
araw nama'y lumulubog sa oras na itinakda.
Lumikha ka nitong dilim, at gabi ang itinawag,
kung gumabi gumigising ang hayop na maiilap.
Umuungal itong leon, samantalang humahanap
ng kanyang makakain na sa Diyos din nagbubuhat.
Kung sumapit ang umaga, dala nito kanyang huli,
pumupunta sa tagua't doon siya nangungubli;
samantalang itong tao humahayo sa gawain,
sa paggawang walang tigil inaabot na ng dilim.
Sa daigdig, ikaw Panginoon, kay rami ng iyong likha!
Pagkat ikaw ay marunong kaya ito ay nagawa,
sa dami ng nilikha mo'y nakalatan itong lupa.
Nariyan ang mga lawa't malawak na karagatan,
malalaki't maliliit na isda ay di mabilang.
Iba't ibang mga bapor ang dito ay naglalakbay,
samantalang ang Leviatang nilikha mo'y kaagapay.
Lahat sila'y umaasa, sa iyo ay nag-aabang,
umaasa sa pagkain na kanilang kailangan.
Ang anumang kaloob mo ay kanilang tinatanggap,
mayro'n silang kasiyahan pagkat buks ang iyong palad.
Kapag ika'y lumalayo labis silang nangangamba,
takot silang mamatay kung lagutin mo ang hininga;
mauuwi sa alabok, pagkat doon sila mula.

ANG DAKILANG PANALANGIN SA GABI

Taglay mo ang katangiang buhay nila ay ibalik,
bagumbuhay ay dulot mo sa nilikha sa daigdig.
Sana ang iyong karangala'y manatili kailanman,
sa lahat ng iyong likha ang madama'y kagalakan.
Nanginginig ang nilikha, kapag titig mo sa daigdig,
ang bundok na hipuin mo'y umuusok, nag-iinit.
Aawitan ko ang Panginoon, palagi kong aawitan,
siya'y aking pupurihin habang ako'y nabubuhay.
Ang awit ng aking puso sana naman ay kalugdan,
pagkat ako'y nagagalak, nagpupuri sa Maykapal.
Ang lahat ng masasama sana'y alisin sa daigdig,
ang dapat ay lipulin na upang sila ay maalis.
Ang Panginoon ay purihin mo, aking kaluluwa!
Purihin ang Panginoon!
Uulitin ang bahaging ito:
Nalalaman ng araw ang kaniyang paglubog. Iyong ginagawa ang kadiliman at
nagiging gabi; na iginagalaw ng lahat na hayop sa gubat.
Luwalhati
Aleluya, aleluya, aleluya. Luwalhati sa iyo, O Diyos (tatlong ulit). Panginoon, Ikaw
an gaming pag-asa. Luwalhati sa iyo.

DAKILANG LITANYA
Ang Dakilang Litanya ay makikita sa Liturhiya ni San Juan Crisostomo.
Matapos ang Dakilang Litanya, aawitin naman ang Salmo 140 (141) at mga
kaugnay na Salmo.
SALMO 140 (141)
Bayan: Sa iyo, O Panginoon, ako'y dumadalangin
sa aking pagtawag, ako sana'y dinggin.
Ang aking dalangin sana'y tanggapin mo, masarap na samyong handog na insenso;
itong pagtaas ng mga kamay ko.
SALMO 141 (142)
Sa suliranin ko, ako ay hanguin,
at ang pangalan mo'y aking pupurihin
Sa gitna ng madlang mga lingkod mo rin
sa kabutihan mong ginawa sa akin!
SALMO 129 (130)
Sa gitna ng paghihirap, sa Poon ay dumalangin.

ANG DAKILANG PANALANGIN SA GABI

Panginoon, ako'y dinggin kapag ako'y tumataghoy,
dinggin mo ang pagtawag ko't paghingi ng iyong tulong.
Kung ikaw ay may talaan nitong aming kasalanan,
lahat kami ay tatanggap ng hatol mong nakalaan.
Ngunit iyong pinatawad, kasalanan ay nilimot,
pinatawad mo nga kami upang sa iyo ay matakot.
Sabik akong naghihintay, O Panginoon, sa iyong tugon,
pagkat ako'y may tiwala sa pangako mong pagtulong.
Yaring aking pananabik, Panginoon, ay higit pa
sa bantay na naghihintay ng pagsapit ng umaga.
Magtiwala ka, Israel, magtiwala ka sa Poon,
matatag at di kukupas ang pag-ibig niyang dulot,
lagi siyang nakahandang sa sinuman ay tumubos.
Ililigtas ang Israel, bansang kanyang minamahal,
ililigtas niya sila sa kanilang kasalanan.
SALMO 116 (117)
Purihin ang Panginoon!
Dapat na purihin ng lahat ng bansa.
Siya ay purihin
ng lahat ng tao sa balat ng lupa!
Pagkat ang pag-ibig
na ukol sa ati'y dakila at wagas,
at ang katapatan niya'y walang wakas.
Purihin ang Panginoon!

STICHERA NG MULING PAGKABUHAY

Ikalawang Tono
Ito ay aawitin ng lahat.
Halinat papurihan ang Diyos na Salita, nilalang ng Ama bago ang simula, siya na
nagkatawang-tao buhat kay Birheng Maria. Kusang loob niyang pinagtiisan ang
sakit sa krus at pinaubaya ang sarili sa kamatayan, at siyay muling nabuhay.
Ngayoy iniligtas niya ako, na siyang naligaw ng landas.
Ang ating Tagapagligtas na si Kristo ang nag-alis sa ating mga pagkakasala sa
pamamagitan ng pagkakapako sa Krus at inialis niya ang dominyon ng kamatayan.
Ating sambahin ang kanyang pagkabuhay na magmuli noong ikatlong araw.

ANG DAKILANG PANALANGIN SA GABI

Kaisa ng mga Arkanghel, ating papurihan ang pagkabuhay na mag-muli ni Kristo.
Siya ang Tagapagdala at Tagapagligtas ng ating mga kaluluwa. Siyay magbabalik
nang may maringal na kaluwalhatian at kapangyarihang hukuman ang
sanlibutang kaniyang hinubog.
Itinanghal ka ng anghel na Guro, ipinako at inilibing. At sinabi niya sa mga
kababaihan: Pumaritot tunghayan ang lugar na pinaghimlayan ng Panginoon na
siyang nabuhay na magmuli ayon sa nasusulat, dahil siya ay dakila. Kaya,
sinasamba ka namin, Ikaw na may buhay na walang hanggan. Kaawaan mo kami,
O Kristong tagapagbigay-buhay.
Inialis mo ang sumpa ng puno sa pamamagitan ng iyong krus at sa iyong
pagkahimlay, naiwaksi mo ang dominyon ng kamatayan, habang ang iyong
pagkabuhay ay nagbigay kaliwanagan sa amin. Kaya kami ay dumadalangin sa iyo:
Luwalhati sa iyo, O Kristong aming Diyos at tagapagbigay.
Ang mga pintuan ng kamatayan ay sa takot nagbukas sa iyong harapan, O
Panginoon at ang mga tagatanod ng Hades ay nagpatirapa sa iyo na napupuno ng
karingalan. Winansak mo ang pintuang tanso at giniba ang mga haliging bakal.
Ikaw na naggabay sa amin palabas ng lambak ng kamatayan at kinalag ang mga
kadena nito.
Ating buksan ang mga labi at umawit ng mga imno ng kaligtasan. Halinat tumirapa
sa tahanan ng Panginoon at wikain: Patawarin ang ating mga kasalanan, ikaw na
nakapagpasakit sa krus at umakyat mula sa mga patay. Ngunit nananatiling nasa
Ama.
Luwalhati Matapos ay darasalin ang Theotokon

THEOTOKON
Sa pagpanaog ng pagpapala, ang mga bakas ng batas ay lumipas na. Katulad ng
nagliliyab na halamang hindi naabo, ikaw ay nagluwal ng sanggol at nanatiling
birhen. Kapalit ng nagliliyab na haligi ay ang Araw ng Pagiging-Dapat ang
nagliwanag. Kapalit ni Moses, si Kristo, ang tagapagligtas ng aming mga kaluluwa
ang nagpakita.
Ang O Maligayang Liwanag ay aawitin habang palabas ang pari sa santuaryo.
O MALIGAYANG LIWANAG
Pari: Karunungan! Tayoy magsitayo.

ANG DAKILANG PANALANGIN SA GABI

O maligayang liwanag ng banal na kaluwalhatian ng Amang may buhay na walang
hanggan, ang makalangit, banal, at pinagpalang si Hesukristo. Ngayon at ang
paglubog ng araw ay naganap na at nasasaksihan natin ang liwanag ng gabi,
inaawit natin sa Diyos: + Ama, Anak, at Espiritu Santo. Tunay ngang marapat sa
lahat ng oras na papurihan ka ng mga magagalak na mga tinig, O Anak ng Diyos,
tagapagbigay-buhay. Tunghayan ang sanlibutang nagsisiawit ng pagpupuri sa iyo.
Pari: Ang panggabing prokeimenon
Bayan: Ang Panginooy naghahari: siyay nararamtan ng kaluwalhatian (tatlong
ulit).
Sa mga susunod na litanya na babanggitin ng pari, ang tugon ng bayan ay
Panginoon, kaawaan mo kami. ng tatlong ulit.
Ating ipahayag nang buong puso at kaluluwa:
- Panginoon, kaawaan mo kami (tatlong ulit.)
Panginoong makapangyarihan, Diyos ng aming mga ninuno, kamiy
dumadalingin, kaawaan at pakinggan ang aming mga dalangin.
Kamiy iyong kaawaan O Diyos, sang-ayon sa iyong dakilang awa: kamiy
dumadalangin: kamiy dinggin at kaawaan kami.
Ating idalangin para sa mga matapat at marapat na mga Kristyanong
Orthodox.
Ating idalangin ang ating Metropolitano IOV at ating Obispo IMMANUEL.
Ating idalangin ang ating mga kapatid, kaparian, mga monghe, diakono, at
mga ermitanyo kasama na ang lahat ng mga kapatid natin kay Kristo.
Ating idalangin muli ang mga pinagpala at mga kinapipitagang mga
tagapagtatag ng ating banal na simbahan, ating mga ama, ina, at mga kapatid
nating nahimlay sa ating Panginoon at sa lahat ng Orthodox saan mang
panig.
Ating idalangin ang awa, buhay, kapayapaan, kalusugan, kaligtasan,
pagliligtas ng kaluluwa at kapatawaran ng mga kasalanan ng lahat ng mga
matapat at mga marapat na mga Kristiyanong Orthodox na namumuhay at
naparirito sa ating komunidad, mga lungsod at saan mang panig ng daigdig.
Ating idalangin ang lahat ng nagbibigay ng tulong sa mga nangangailangan,
sa lahat ng nagsisilbi sa ating banal na simbahan, sa lahat na nagpapagal,
nagtuturo, at umaawit, at sa lahat ng naririto na nag-aabang ng iyong dakila
at walang magagsidlang awa.
Pari: Ikaw na mahabangin at mapagmahal na Diyos, sa iyo na aming niluluwalhati,
sa + Ama, Anak, at sa Espiritu Santo, ngayon at magpakailanman, at
magpasawalang hanggan.
Bayan: Amen.
Pari: Ating buuin ang ating mga panalangin sa Panginoon.
Bayan: Panginoon, kaawaan mo kami.

ANG DAKILANG PANALANGIN SA GABI

Pari: Kamiy tulungan, kamiy iligtas, kamiy kaawaan at protektahan mo, O Diyos
mula sa iyong mga pagpapala.
Bayan: Panginoon, kaawaan mo kami.
Sa mga susunod na litanya na babanggitin ng pari, ang tugon ng bayan ay
Panginoon, iyong ipagkaloob.
ating idalangin sa Panginoon upang magkaroon ng isang perpekto, banal,
mapayapa, at walang-bahid na araw.
Ating idalangin sa Panginoon ang anghel ng kapayapaan, ang matapat na
gabay, at tanod ng ating mga kaluluwat katawan.
Ating idalangin sa Panginoon ang kapatawaran at pag-alis sa ating mga
kasalanan at mga kakulangan.
Ating idalangin ang lahat ng makakabuti at makakatulong sa ating mga
kaluuwa at sa kapayapaan ng mundo.
Ating idalangin ang pagkakabuo ng ating mga buhay na may kapayapaan at
pagsisisi sa mga kasalanan.
Ating idalangin sa Panginoon ang isang Kristiyanong pagpanaw, mapayapa,
walang kahiyaan at pagdurusa, at sa isang magandang reputasyon sa ating
mga sarili habang tayoy haharap sa maringal na paghuhukom ni Kristo.
Pari: Alalahanin natin ang ating pinakabanal, busilak, pinagpapala, at
maluwalhating Ina, ang Theotokos, ang lubhang Birheng Maria, sampu ng lahat ng
mga banal, ating ilaan ang ating mga sarili at ang ating buong buhay kay Kristong
ating Diyos.
Bayan: Sa iyo, O Panginoon.
Pari: Ikaw na mabuti at mapagmahal na Diyos, na siyang niluluwalhati naming, sa
+Ama, sa Anak, at sa Espiritu Santo, ngayon at magpakailanman, at
magpasawalang hanggan.
Bayan: Amen
Pari: Sumainyo ang Panginoon.
Bayan: At sumaating Espiritu.
Pari: Halinat iyuko ang ating mga ulo sa Panginoon.
Bayan: Sa iyo, O Panginoon.
Pari: Nawa ang kapangyarihan ng iyong kaharian ay pagpalain at luwalhatiin, ng
+Ama, at ng Anak, at ng Espiritu Santo, ngayon at magpalailanman, at
magpasawalang hanggan.
Bayan: Amen.
Aawitin na ang Aposticha ng Muling Pagkabuhay

ANG DAKILANG PANALANGIN SA GABI

APOSTICHA NG MULING PAGKABUHAY
Ikalawang Tono
Ang iyong pagkabuhay, O Kristong aming Tagapagligtas, ang nagbigay liwanag sa
buong sanlibutan at nagpaalala sa amin ng iyong paglika. O makapangyarihang
Panginoon, luwalhati sa iyo.
Ang Panginoon ay naghahari: siya ay nadaramtan ng kaluwalhatian
Ang Panginoon ay nadaramtan at naliligiran ng lakas.
Sa pamamagitan ng kahoy ng krus, O Tagapagligtas, winaksi Inialis mo ang sumpa
ng puno sa pamamagitan ng iyong krus at sa iyong pagkahimlay, naiwaksi mo ang
dominyon ng kamatayan, habang ang iyong pagkabuhay ay nagbigay kaliwanagan
sa amin. Kaya kami ay dumadalangin sa iyo: Luwalhati sa iyo, O Kristong aming
Diyos, tagapagbigay-buhay.
Sapagkat ikaw ang nagtaguyod ng mundo, at ito ay di mababago.
Nang ikaw ay nagpakita, O Kristo, na pinakuan sa krus, binago mo ang
kagandahan ng mga nilikha mong mga bagay. Marahas na sinibat ng mga sundalo
ang iyong tagiliran, at ang mga Hudyo ang nagsabi na ipasara ang iyong libingan.
Ngunit ikaw, O Panginoon, dahil sa iyong habag, ay nagpasakop sa himlayan at
nabuhay na magmuli ng ikatlong araw. Kaya, luwalhati sa iyo.
Naging tahanan mo ang kabanalan, O Panginoon, magpakailanman.
O Kristong tagapagbigay-buhay, upang sa mga mortal ay kusang loob kang
nagpakasakit at nanaog sa Hades ng may kapangyarihan, ikaw na inagaw sila sa
kamay ng marahas na pinuno at binigyan sila ng tahanan sa paraiso. Kaya sa amin
na nagpupuri sa iyong pagkabuhay sa ikatlong araw, bigyang kapatawaran ng ating
mga pagkakasala at ang iyong habag.
Luwalhati Matapos ay darasalin ang Theotokon ng Aposticha

THEOTOKON
Narito ang isang bagong himala na mas maringal kaysa sa lahat ng mga nakaraang
mga himala. Ikaw na nakakaalam na ang ina na magdadala ng anak nang walang
ama, at hinahagkan sa iyong mga bisig, ikaw na nagpapatunay ng kabuuan ng
sangnilikha? Ang ipanganak Siya ay kalooban ng Diyos at ikaw na purong Birhen
na siyang nagdala sa Kanya, ang sanggol sa iyong mga bisig. Ang katatagan ng
isang ina ay nasa sa iyo. Kaya tayo mga nagpupuri sa Kanya, ating ipanalangin sa
Kanya nang walang maliw na pagkalooban tayo ng awa at iligtas ang ating mga
kaluluwa.

ANG DAKILANG PANALANGIN SA GABI

Dadasalin ng pari ang Awit ni Simeon.

AWIT NI SIMEON
+ Ngayon, Panginoon, maaari na pong yumaong mapayapa
ang inyong abang alipin ayon sa inyong pangako.
Yamang nakita na po ng aking mga mata ang inyong pagliligtas,
na inyong inihanda sa harapan ng lahat ng bansa.
Ito po ay liwanag na tatanglaw sa mga Hentil
at magbibigay-dangal sa inyong bansang Israel.
Bayan: Amen.
Dadasalin ng bayan ang Trisagion sa Griyego.
Matapos ng Trisagion, ang mga sumusunod na panalangin ng bayan:
Bayan:
Luwalhati
O Banal na Sangkatlo, kaawaan kami. Panginoon, kaawaan ang aming mga
kasalanan. Guro, patawarin ang aming mga pagkukulang. O Lubhang Banal,
bisitahin at pagalingin kami sa aming mga karamdaman sa pamamagitan ng Iyong
ngalan.
Panginoon, kaawaan mo kami (tatlong ulit).
Luwalhati
Ama Namin
Pari: Sapagkat sa iyo kaharian, kapangyarihan, at kapurihan ng +Ama, at ng Anak,
at ng Espiritu Santo, ngayon at magpakailanman at magpasawalang hanggan.
Bayan: Amen.
Darasalin ng lahat ang Apolithika ng Muling Pagkabuhay

APOLITHIKA NG MULING PAGKABUHAY

O buhay na walang hanggan, nang ikaw ay nanaog sa kamatayan, winasak mo ang
Hades ng karingalan ng iyong kabanalan at nang nabuhay ka mula sa mga patay
sa kalaliman ng kadiliman, lahat ng mga makalangit na kapangyarihan ang
nagsabi: O Tagapagbigay ng Buhay, Kristong aming Diyos, papuri sa iyo.
Ang iyong Misteryo O Theotokos ang pinakadakila at di maipaliwanag ng sinuman.
Dahil ito ay kalakip ng pagiging busilak at kadalisayan, ikaw ay aming dinarangal
nang walang duda na maging Ina na nagluwal sa ating totoong Diyos. Iyong
idalangin sa Kanya na iligtas ang ating mga kaluluwa.

ANG DAKILANG PANALANGIN SA GABI

PAGHAHAYO
Pari: Karunungan.
Tagabasa: Kamiy inyong basbasan, Padre.
Pari: Pagpalain ka, Kristong ating Diyos, ngayon at magpakailanman at
magpasawalang hanggan.
Bayan: Amen.
Tagabasa: Pagtibayin mo, O Panginoong aming Diyos, ang banal at busilak na
pananampalataya ng mga matapat at karapat-dapat na Kristiyanong Orthodox,
kaisa ng ating Banal na Simbahan at ng bayang ito magpakailanman.
Pari: Lubhang Banal na Theotokos, iligtas mo kami.
Tagabasa: Mas maringal kaysa sa Kerubin, at walang kapara, mas dakila kaysa sa
Serafin, walang bahid na ikaw ay nagsilang sa Diyos na Salita. Kami ay nagpupuri
sa iyo, O tunay na Theotokos.
Pari: Luwalhati sa Iyo, O Kristong aming Diyos, aming pag-asa, luwalhati sa iyo.
Nawa si Kristong aming tunay na Diyos na nabuhay sa mga yumao bilang isang
mabuti, mapagmahal, at mahabaging Diyos, kaawaan tayo at iligtas tayo, sa
pamamagitan ng kanyang busilak at banal na Ina; ang kapangyarihan ng dakila at
nagbibigay-buhay na Krus; ang pagliligtas ng marangal na mga kapangyarihan ng
kalangitan, ang mga pagluhog ng marangal at dakilang propeta at tagapangunang
si Juan Bautista; ang banal, dakila, at karapat-dapat na mga Apostol, ang mga
banal, dakila, at matagumpay na mga martir, aming banal na mga ninunong may
takot sa Diyos, ang ating banal at marapat na mga ninuno ng Diyos, Joaquin at
Ana, ni San/Santa (ang santong inaalala sa araw na iyon) na aming inaalala
ngayon at ang lahat ng mga banal.
Pari: Sa pamamagitan ng mga panalangin ng mga banal na tagapagtaguyod,
Panginoong Hesukristing aming Diyos, + kaawaan kami at iligtas.
Bayan: Amen.

10