Vous êtes sur la page 1sur 4

TUNKAR CHANGVAWN

Sam 107:21
Aw, mihringte hian LALPA
chu a ngilneihna avng leh,
Mihring fate chunga a
t hilmak tihte avng hian fak
teh sela aw!

EMMANUEL AFTER
CARE CENTRE
Bethel Veng,Champhai
Mizoram : 796321
Phone: 9612194537

for
Vo l u m e XII

I s s u e - 624 Date :15th January 2 0 17 ( Sunday )

A m a n t h l a k h a t a h R s . 20/ -

True Jokes

ADDICT A TA ZALENNA

KOHHRAN

Pastor/Pro.Pastor Induction

January 15, 2017 (Pathianni) hian Presbyterian Kohhran


hnuaia Pastor leh Pro. Pastor Induction neih tura ruahman a
ni a. Rev. R. Lalrinmawia chuan Hnahlan bial a vawng dawn
a, Rev. B. Sangthanga, E/S in a dah nghet ang. Rev.
Laltanpuia Colney chuan Champhai Vengsang bial a vawng
ang a, Rev. C. Lalngaihthanga, Champhai Kahrawtin a dah
nghet ang. Rev. R. Lalrinmawia chu Pro.Pastor in Hnahlanah
a awm dawn a, Rev. B. Sangthanga, E/S in a dah nghet
ang. Pro Pastor leh Pastor induction service nei turte hi mi
94 an ni dawn a ni.

Sunday Sikul kaikim upa

Pi Bawi\huami, Hualtu khua hi kum 2016 liam ta khan kum


95 na a hmang zo ta a. Nikum 2016 a Sunday Sikul a kalkim
lawmman kha ni 8.1.2017 Pathianni khan a dawng.

Donald Trump in Dr HT Sangliana sawm

Dr.HT.Sangliana chu US President Donald Trump an 65th


Annual National Prayer Breakfast Meeting 2nd Feb 2017
a an neihnaah tel ve turin a rawn sawm. Sawmna leh a flight
ticket tur pawh USA a\angin a dawng fel diam tawh.
Dr.HT.Sangliana hi US President thar Donald Trump te nen
breakfat meeting an nei ho dawn a ni.

ZBC ten Executive Committe zo

Zomi Baptist Kohhranchuan rampum huap rorelna sang ber


dawttu Executive Committee chu ni 8 Jan`17 khan Champhai
Bethel a an Office ah an nei fel. Kum 2016 December a
General in a rel tawhte thlir zuina an nei a ni.

Harsatna
hian
Pathianin a thiltihtheihna a
lantirna tur dawhsan (platform) a buatsaihsak \hin a
ni.
-J.Hudson Taylor

Min Tichaktu Lalpa - II


- C.Hranghluna

Mi tichaktuah chuan engkim ka ti thei a ni.


- Philippi 4:13
Samsona khan a tihsual lian tak chu, a chakna kha ama kuta awm leh a
mihring lam thil emaw a ti kha a ni. A bialnu Delili hmaah a chakna thuruk a hrilh vek
hnu khan, Samsona hian hetiang ngaihdan hi a la nei ta fo a. ( Roreltute 16:20 ) Tin,
Samson, Philistia-hovin an rawn bei dawn a che, a han ti a. Tin, a mu chu a han
harh a, Ni dang ang bawk khan ka chhuak leh mai ang a, ka tal chhuak leh mai ang
chu, a ti a. Nimahsela LALPAN a kalsan tawh tih rng rng a hre lo va. Ni e,
Samsona hian Lalpa puihna tello pawh hian chak leh mai dawn emaw a inti lai tak a
hi a pawilai chu a ni. A ngaihdanah chuan a chakna thuruk kha sawi chhuakin, a
chakna Lalpa kha hransan mahsela, hnehtu ni leh tho turah a inngai a ni ber mai.
Ringtu unau tam takte hian kan chakna chhan te, hnehtu kan nih theihna
chhante hi kan theihnghilh ang tih a hlauhawm ngawt mai. Mahni theih ve reng emaw
mahni chak reng vanga chawisan kan ni emaw in tih mai hi thil awl tak a ni bawk.
Diktak chuan setana hi chuan Lalpa laka min lak hran a, Pathian tello pawh a mitvar
nei, Pathian ang ni tura mahni lam in pathian duhna thinlung kan put hi; keimahni
min hmuhtir a tum dan a ni reng a. Chutiang ngaihdan hmang chuan Lalpa lakah Evi
leh Adama te kha hminin a lo la hrang daih tawh a. Mahse Lalpa min siam dan
phungah hi chuan Lalpa nena inpawmchilh tlat tur, Lalpa nena inpawl tam tur, Lalpa
tel lova nung thei lo, che thei lova min buatsaih hi Lalpa min ruahman dan a ni lawi si!
Hetiang ngaihtuahna diklo hian mihringte hi min hneh em em a, chuvangin engkima
Pathian tih \uah hum reng mai te, Pathian rawn han tih te, Pathian hnena dil tihte leh
lo tel ve tura Pathian sawm fo maite hi kan ning ta em em mai a nih hi! Mahse he
mahni inlakhran duhna rilru kan neih tak hi setana thuhnuaia kan intukluhna leh setanan
bawih chhawr taka min chhawrna hmanrua a ni tih reng kan ngaihtuah pha si lo!
Samsona pawh khan ama chakna leh theihna ni maia ngai khawpin, Lalpan a puih
\hinna leh Lalpan a tihchakna kha ama ta cheiin a chei ta hmiah kha a ni a!

Kohhran chanchin chhuah tur


neite chuan kartin Ningani aia
tlai lovah sms in emaw phone
in biak pawh theih kan ni e.
Cont; 9612194537

DANGLAM
MAKE CHRISTMAS GREAT AGAIN!
SKIP CHURCH!

United States a Pathian awm ringlo pawl Atheist ho


chuan american mipuite hnenah billboard hmanga
campaign neiin kum 2016
christmas chu American mipui
ten Pathian biakbuk lam pan
lovin, christmas chu ropui
lehzuala hmang turin an fuih!
Atheist ho hian Donald Trump
campaign au hla 'Make
America Great Again' tih chu
copy in, 'make christmas great
again, skip church' tih chu an
slogan ah hmangin US khawpui
hrang hrang - Colorado Springs, Colorado,
Lynchburg, Virginia, Augusta, Georgia, Shreveport,
Louisiana, Georgetown leh South Carolina ah te signboard lianah tarin american mipuite chu christmas
laiin biakin lama inkhawm lo tura fuihin an campaign
nasa hle ani. American Atheists president ni mek
David Silverman chuan Americans zingah Pathian
biakna lam, sakhua bansan an pung zel a, Atheist kan
lo punzel nan leh kan lo chak lehzual nan taima taka
kan thawh angai ani" tiin an pawl mite chu thahnem
ngai taka thawk turin a fuih bawk.

EMMANUEL for
Editor

: C.Hranghluna
9612194537
News Editor : Chanchinmawia
9615820416
Contributor:
Lalnunsanga Fanai
9862120903
Dak a la duhtan kum khat lakman
pek lawk a ngai. Tin, thuchhuah tur
nei chuan hawrawp felfai tak emaw
khawlchhut hmangin, Office,
Emmanuel After Care Centre,
Bethel Veng, Champhai ah thehluh
tur a ni. Thu lut a piang erawh
chhuah vek a remchang kherlo
th e i .

www.champhai.net

Editorial
Ruihhlo bawk hi le
Kum 2016 chhung khan
Mizoramah ruihhlo (drugs) avanga
thi 58 an awm a, heng zinga mi 50 hi
mipa niin 8 te hi hmeichhia an ni
thung. Mi 35 in heroin an thihpui a,
mipahnih in parvon spas/proxyvon,
mi dang 21 chuan ruihhlo chi hrang
hrang an tih pawlh thung. Ruihhlo
avanga thihna hi a rapthlak takzet a,
mahse ruihhlo ngaite damlai nun hi
an chenpui chhungkaw tan tawrh a
harsa takzet a. Ruihhloin chhung
kuaah in hauh, thil bo, mualphona leh
harsatna a thlen te hi a tam em em a
ni. Ruihhlo avanga harsatna kan
tawhte hi a tam hle laiin, kan
mithiamte leh Kohhran huang chhung
a\ang meuh pawh hian, ruihhlo ngaite
enkawl dan leh ruihhlo do dan thuah in fin chhuah harsa kan ti tlang
hle zel niin a lang. Kan ram hian
mithiam leh fing, mi puitling kan ngah
ve tawh hle. Ruihhlo do dan, enkawl
dan, chhanchhuah dan \ha zawk
ngaihtuaha, tha leh tui senga
hnathawk tur kan mamawh mange.

WORLD

Date 15th January 2017

Article
Addict a thi tur: Mizoram Excise & Narcotic Cell in a

chhinchhiah dan in kumkalta 2016 chhung khan Mizoram


chhungah ruihhlo (drugs) avanga thi zat hi mi 58 zet an awm.
Hei mah mah drugs vang chauh a nia, zu avang a thi hi
engzatnge ni ve ang? Pathian hian addict a thi tur emaw zu
avanga thi tur hian tumah a ruatin a rinawm loh a, mahse
Pathian remruat ni hauh silo hi, kan thih chhanah ziah a ngai
ta zel mai a; a manganthlak takzet a ni. Ngun takin darthlalang
hmaah han in en la, tunge i hmuh? Kha darthlalanga i hmuh
kha i sawisa \hin ti raw? Kha darthlalanga mi kha i ngainepin
i hmusit hluah hluah em? Kha darthlalanga mi khan
chhanchhuaktu tur tu emaw a mamawh niin i hria em? Tun
damchhung reilote buai taka hmanga, a thih hun tur pawt
tawi a; a thlankhur laihsak mektu kha nangmah ngei i ni tih hi
hrenawn leh teh!
Darthlalanga mi chu tunge? Darthlalanga i hmuh
khan hmangaihtu a mamawh ngawih ngawih a, enkawl a;
uluk taka vil a, thuamtu a mamawh mange! Amaha chawkaw
puarlo hmel, nun ruak leh hlimlo, ruihna tur atana dawtsawi
tur chauh ngaihtuah! Khawvel chhehchhawl, hmuhsit leh
diriam, endawng bak hlawh lo va siamtu kha tunge ni le? Ni
e, darthlalanga i hmuh khan hmangaihtu a mamawh takzet a,
tute emaw hmangaihna chauh a mamawh lo. A mamawh ber
hmangaihna pe theitu diktak chu nangmah ngei kha a ni.
|hian a mamawh ngawih ngawih ti raw, amah kawm hlimtu
ber tur chu nangmah kha i ni a sin! Lungngaihna avanga a
nun kul riai khan, i hnem hun a nghak a sin! Chaw kaw puar
hmulo leh ei theihloh avanga hmel pawr fep a put kha, eitur
pe theitu chu nangmah chauh a sin! Mahni in hmangaih
nachang i hriat hunah chauh, dam tura chakna i nei chauh
ang.
Engnge i in hrilh \hin? I \hian \ha ber i ni thei a, i
hmelma i ni thei bawk. Mihlawhchham tam takte hi mahni
\hiana insiam thiam lo an ni tlangpui. Chutiang zingah chuan
ruihhlo ngaite hi kan tel chiang. Mi tumahin min hmuhsit a,
min ngaihnep thu te leh an beidawn thu te min hrilh hma hauh
hian, keimahni leh keimahni hi; misual, engmah tithei lo,
engmah ni tak tak lo tur, dawtsawi hmang, thutiama ding
nghet thei lo, mi nep ber leh zahpuiawm ber! niin i in hmu

SUNDAY

- C.Hranghluna
em? Hetiang thu lawilo hi vawi duailo i in hrilh \hin em?
Hawlhtlinna leh thil \ha, zahawmna leh malsawmna zawng
zawng hi mi ta ni vekin i hria em? I ta ve tur chu a chhia
zawng zawng niin i in hrilh \hin em? Diktak chuan mahni
leh mahni hi kan in ti chhe nasa thei takzet a ni. Mi tumahin
min hrilh ngailo hian, a chhia zawng zawng kan in bel a.
Chutiang chu kan nihna ni tlata kan hriat avangin, rilru
hnualna leh tha tho lohna te, beidawnna nena ruih zel
hmabak kan nei thei lo reng a ni.
I |hian \ha ber ni rawh: Khai le, i \hian \ha ber
ni turin in buatsaih rawh le. Mi pangngai i ni tih in hrilh fo
la, tuna ruilo hailo te aia talent nei \ha i nihna te, Pathianin
special taka a siam i nihnate kha ngaihtuah la, chapo lovin;
chona nen hringnun hi hmachhawn teh le. Pathian tih lovah
chuan i nun tlachhia tungding tur hian nangmah i pawimawh
ber tih ngaihtuah la. Thu \ha in hrilh fo la, nangmah leh
nangmah kha infuih nasa teh. I ti thei a ni, i chak tawk
a ni, i ti danglam thei a ni,tih te hi inhrilh fo teh. Mi
sawidan che emaw mi hmuhdan che kha a pawimawh
ber lo a. Khawvel mi tam tak zinga mi tlemte te chauh
tihloh hi chuan, i ngawlvei nun leh i tlachhe lai kha hmuh
hrehawm an ti lo a, chutih a hnekin, ennawm pakhat leh
an ti ti ti tuitu pakhat atan i tlachhe nun kha hmuhnawm
an ti takzet tih ngaihtuah teh! Chutiang rilru chu mite rilru
a nih avangin, tumah dem suh la; mahni inkhawngaihna
sualah tlu duh hek suh! Nang pawh chutiang mi chu i nih
ve tho kha! Anni aimahin, nangma chungah khan thil i
tisual nasa zawk tih ngaihtuah la, nangmah in huat nachang
hre teh. In hua tih avang hian, i nun kha lak mai emaw,
tih tawp mai emaw lam kha ni lovin, i nuna i hmelma kha
hriatfiah tum la. I nun kha i \hian \ha ber ni tura \anpuitu
atan sawm nachang hre zawk ang che. Nangmah leh
nangmah \hiana i insiam theih hun hunah ngawlveina bawih
ata i zalen thei chauh ang.
Addict hi i tawpna tur a nilo: Addict nun hi i
tawpna tur a nilo. He nun hniam leh tlawm tak a\anga lak
chhuah che hi Lalpa duhzawng a ni. Addict ni a thi mai
tur hian, Lalpan a phallo che a. Nangmah hmanga
inchawimawi a la duh a sin.

PAGE - 2

1. Pu C.Zonunsanga, Venglai Rs. 2000/2. Pu F.Lal\anpuia Rs.1000/- & Favai \in 10


3. Pi PC.Zoramliani Vengthlang Rs.5000/4. Upa C.Lalrintluanga Bethel Rs. 7000/- & Bawng lu
5. Pu C.Rohmingliana Bethel Bawng lu
6. Pu Sanglura Zote Bethel Bawng ke
7. Pu C.Chalzika Venglai Rs.1000/8. Pu R.Khawhluna (L) Bethel Rs.500/9. Pu Zairemmawia Bethel Rs.500/10. Pu Muanpuia Venglai Arham 1 bag
11. Gospel Baptist - Dal 1 bag, Tel 1 case, buhfai 1 bag
12. JK Business Rs.1000/13. TMEF Local Bethel Rs.2000/14. SP & Staff Champhaiin - Solar min pe.
15. Pu Zamawiate chhung Keifangtlang Rs.2200/Tarlan hmaih palh a awm chuan ngaihdam
kan dil e. Krismas leh Kumthar hlim taka kan hman
theihna tur leh kan rawngbawna kal tawh leh kal zel
tura tana thilpek min petute zawng zawng chungah
lawmthu kan sawi e. Lalpan a let tam takin malsawm
che u rawh se.
In rawngbawlpuite,
Emmanuel After Care Centre
Bethel Veng, Champhai.

Nunram Arsa Tuihang


Jack Canfield leh Mark Victor te
\angdun chuan mihring nuna a taka thil
thleng an lawrkhawm a, chu hna hautak
zet chu lehkhabua an han tihchhuah
meuh zawngin, mi tam tak a chawk phur
a, hringnun kawngdik zawh turin a
puithei a ni.
A bu hmingah Nunram Arsa
Tuihang(Chicken Soup for The
So ul) an vua h c hu a ha wptu te
chuan an zawngchhang deuh zel a
ni.Thawnthu \ha chuan mite chu an
nunah a \halam hawiin a kaihruai
\hin a lo ni!

Kum 2016 chhungin ringthar 4856 nei

Mizoram Baptist Kohhran, Mission Department report-in a


tarlan danin kum 2016 January December thleng khan
Mission Field hrang hrang atanga Ringthar neihzat belhkhawm
chu 4856 niin, Kohhran thar 28 leh Fellowship thar 35 din a
ni bawk. Report hi Mission Field thenkhat atangin a lut kim
thei lo va, tin, Foreign Mission Field thenkhat chu fimkhur
thil avangin Ringthar report remchang lo leh Kohhran anga din
remchan lohna hmun a awm nual bawk a ni. Tunah hian BCM
hnuaia Mission worker zawng zawng zat hi 1264 an ni.

Venglai Kohhran Biak In luah fel

Presbyterian Kohhran Venglai chuan ni 23 Dec`16 khan an


biak in an luah lut. Kum 1982 a\anga Vengthlang Kohhran
a\anga an indan hnuah tun hi biak in vawithum an sakna a ni
a. Biak in sakna senso atan hian Nuaih 465 ruahman a ni a,
tunah hian Nuaih 389 an seng tawh a ni. Biak in hi a dung 75
ft niin a vang 53 ft a ni. A sir tawn tawn leh a hmalamah
galerry siam a ni a, Biak in chhungah hian mi 540 an len
bakah galerry ah mi 280, an vaiin mi 820 an leng a ni. Biak
in hnuai berahhian garrage siam a ni a, car 15 leh two wheleer
50 vel leng tura beisei a ni a, a hnuai ber dawt hi Kohhran
hall niin, a chung hi inkhawmna hmun tur a ni thung.

Wesleyan Methodist te inkhawmpui

Ni 11-13 Jan`17 chhung hian Wesleyan Methodist Kohhran


rampum huap Dan Commission an \hu khawm a. Ni 1722 Jan`17 chhung hian Champhai pastor bial inkhawmpui
chu Champhai Kohhran Biak In ah neih a ni ang. He hunah
hian Department hrang hrang, Kohhran halai, Kohhran
Hmeichhia, Sunday School Union, Preacher board leh Mission board te an \hukhawm anga, Zirtawp leh Inrinni hian
session pui neih a ni ang. Inrinni zan a\anga Pathianni zan
thleng hian Pathian biak inkhawm neih a ni anga, he hunah
hian Rev.Ngurpanglura Farkawn bialvawngtu, Pro.Pastor
B.Lalremruata Zokhawthar leh Rev.Lalzarlawma Champhai bial
vawngtute hnen a\angin Pathian thuchah ngaihthlak a ni ang.

Presbyterian Choir Music Video Release

Mizoram Synod enkawl, Presbyterian Choir, Lunglei chuan


kumin (2017) chhung hian album puitlin ngei an tum a. Jan.12,
2017 khan Music Video (single) Lalpa Ta tih chu Rev.
RC. Lalnghakliana, Administrative Secretary, Synod Office,
Lunglei chuan Synod Conference Hall, Lungleiah a tlangzarh.
Choir Conductor hi Pu Calvin Lalchawimawia a ni a, Director hi T. Upa Dr. Ramdinthara Sailo a ni a, Music Video-a
hla pawh hi Director phuah a ni.

Pathian duhdana awm leh awmloh te, Pathian thuawi leh awi loh tih vel kha
Samsona hian a ngaihtuah peih tawh lo a. A duh phawt chuan a duh hun hunah
philistia ho kha a sawisa theiin a hneh leh mai thei dawn niin a ngai tlat a ni! Mahse
a ngaihdan diklohzia chu a takin a lo lang ta a, a chakna Lalpa tello chuan engmah
reng reng a lo ni hauh lo mai. Tichuan a mihring chakna chu a han sawm khawm
chiam tak na a, engmah tihtheih a lo nei ta hauh lo mai! Chak leh mai tur, hneh leh
mai tur ni dawna a inhriatna kha hmangin, a han in sangmar vel ta a. Mahse engmah
reng reng a lo ti thei tawh hauhlo hi a lo ni reng mai! Tichuan philistia ho chuan an
man a, an sawisa a, a mit an kher chhuah sak a. Buh her sawmna hmunah sal
chhawrin an chhawr ta a ni.
Lalpa vanga vawi tam tak hneh tawhtu pawh kan lo ni \hin mai thei a. Hneh
hi nunphunga neih khawpin Lalpa tih chakna kan lo chang tawh \hin a ni mai thei e.
Chutiang dinhmuna kan lo ding a nih pawhin, i chapo duh hauh lo ang u. Diktak
chuan kan tluk chhiatna \hin te, Lalpa duhlohzawng kan tih nachhan te, sualin min
thunun a, min bawi leh nachhante hi engdang a ni lo a, kan chakna Lalpa hi kan
nunah a tel loh vang a ni mai. Rei tak rawng kan lo bawl tawhna te, mite aimaha
thusawi thiam kan nihna emaw, zai thiam tak leh talent nei \ha tak kan nihna te hi
Lalpan a hman chuan loh chuan, min timualphotu leh leia min pawtthlatu mai mai a
ni zawk. Kan inhriatloh karah hian kan rawngbawl tam tawhnate hi kan lo chhuang
mai em? Kan ngaihtuahna fing takte hi kan tel ve na Committee ah te kan chhuang
mah mah em? Kan talent \ha takte hi \awng\ai manglo leh Pathian tello te hian kan
lo show vel mai mai tawh em? Kan tih \han tawh avanga kan thiam belna mai mai
hi rawngbawl nan kan hmang \hin em? Chutiang chu kan awmdan a nih phawt
chuan siamthar kan ngai takzet a ni tih i pawm ngam ang u hmiang. Siamthar kan nih
loh phawt chuan, reiloteah sualin eng thil emaw hmangin min bawi anga, kan duh
leh hisap aia hniamah hnuh thlak kan ni daih thei tih i hre reng ang u.
Paula chuan heti hian uluk takin min chah a, (Ephesi 4:30) Tin, Pathian
Thlarau Thianghlim chu tilungngai suh u, tlanna ni atan chuan amahah chhinchhiaha
in awm kha. tiin. Khawvel thilah chuan kan chak hle mai thei a, kan ropuiin kan
sang hle pawh a ni thei e. Mahse Lalpa lam thilah kher kher hi chuan, kan khawvel
mi na te emaw khawvela kan nihnate leh kan dinhmunte hi a chhawm theih der loh.
Samsona hian a chakna Lalpa hrereng chung siin, a chakna kha ama ta emaw ti
khawpin a lo ta neih hman a. A tumloh leh beisei loh deuhin, amah hmangaihtu anga
lang Delili khan hmelma kutah a lo pe daih tawh a. Hmelma bei turin chakna reng
reng a lo nei tawhlo kha a ni a. Tichuan dinhmun hniam tak, harsa leh hrehawm em
em ah Samson mi chaka chu a awm ta a nih kha.
Hawh u, Samsona hi i hmusitin i nuihzat mai lo ang u. Samsona thawnthu hi
kan thawnthu a ni ve thei reng ti i ngaihtuah zawk ang u. Samsona bumtu Delili hian
hmangaih tak angin lang mahse, hmelma hmanrua; hmelma thuhnuaia dahtu a ni tih
kan hriatpui ang chiah hian, Pathian telve na remchang lo, Pathian hriat atan pawha
kan duhloh thil, mahse kan \hatna tur leh kan ropuina tur zawk emaw kan tih si te
hmanga sualin min beihna lakah hian hawh u, fimkhur i la. |ha leh mai tur, hneh leh
mai dawn, chak leh mai tur anga kan inngaihna hi bansan in, kan chakna Lalpa hi i
bel tlat ang u.

CHRISTIAN THUTHAR

ISUA KRISTA RINGTU PUNG

Middle East Muslim te chuan tharum thawhna karah Isua


Krista lam an hawi mek nia tarlan a ni.
Middle East-ah hian Kristiante tihduhdahna a nasa
hle a, hemi karah hian Muslim tam takte chuan Krista lamah
an tuihal a, Kristianna lam an buaipui mek niin kohhrante
chuan an sawi. Firfiaka chetna avangin Irag leh Syria atangin
mi maktaduai tel an pem chhuak a, Kristiante nek chepna
leh indona te chu an nitin nunphunga bet a ni a. Kristiante
tuarna karah hian Kristian nih duh Muslim mi tam tak an
awm a ni. Voice of Martyrs Canada-in a tarlan dan chuan
mi sing telin Isua lam hi an hawi mek a, Irag leh hmun dang
dangah Kristian nih duh hi an pung zel a ni. Iran-ah pawh
hei hi an dinhmun bawk a ni a, Muslim sorkarna ni mah se
Elam Ministry-in a tarlan dan chuan kum 1979-a Kristian
500 bawr vel chauh awm kha tunah chuan mi 360,000 vel
an awm tawh a ni.
An chhut dan chuan Kristian hi kum hnih-thum
chhungin mi maktaduai telin an pun rin a ni a. Heng mite hi
Muslim nih ning ni lovin thlarau lamah tuihalna nasa tak an
nei a, Islam sakhua hian an thlarau nun a chawm si loh
avangin Isua Krista lam hi an hawi ta a ni. Hetianga Kristian
an pun zel chhan hi chhel taka tihduhdahna tuar a, martar
hial Kristiante inpekna Pathianin mal a sawm vang niin mi
tam tak chuan an ngai a ni.

DYLANN ROOF THI TURIN REL


Kum 2015-a South Carolina-a Biak Ina silai hmetpuaka mi
9 thattu Dylann Roof chu thi tura a chungthu rel a ni.
Dylann Roof hi thubuai 32 awrhtir a ni a, heng
thubuaiah hian thiam loh chantirin Court chuan thi turin a
chungthu a rel a ni. Dylann Roof hian kum 2015 khan mihang
inkhawmna Biak Inah silai a hmetpuak a, amah hi vun ngo
chungnunna buaipuitu a ni a, thutlukna an puan hian a ukil
rawih thlak a, rorelna dang hmachhawn leh a dil a, mahse
court lam hian chhanna an la pe lo thung a ni. A thubuai an
ngaihtuah lai hian AME Church, Charleston-a nunna chan
chhungte chuan Dylann-a chetna avanga a tuarna hrang hrang
chu Court hmaah hian an sawi a, mahse tumahin thi tura a
chungthu rel tura an duh thu an sawi lo thung

Pic: Deadpool

Naupang pual
KA CHETCHHIATNA COLLECT I ON: - Hriata Hrahsel
* Pathian khawngaihna zarah college
lamah te hian Student's Union Leaders
ah te kan han awm ve hlauh mai a, college dang SU te nen pawh kan inpawh
viau a, hmelhriat pawh ka nei ve nual. Mahse a lo inhriat
kim theih tak takloh anih hi. Tumkhat chu kan college-a
lut thar ho lawmluhna programme (fresher social) kan
neih tumin lut thar ho lawmna thu sawi turin min ruat a.
Theih ang tawkin lo lut tharte lawmna thu chu ka sawi ta
alawm. Hetiang ni-ah hi chuan a rui tawk hi an lo awm ve
ziah a, ka thusawi lai ngei pawh hian tlema bengchheng
deuh pakhat chu a awm reng bawk a, anmahni lawmluh
ni a hnawhchhuah tak te pawh sawi tur an awm nual thin
reng a. Ka thusawi zo pawna ka chhuak chu kan SU pui
pakhat leh tu emawni hi an lo inrek deuh nak nak a,
chutianga SU te ti ngam ka hmu chu zurui anih ringin ka
thinin a tuar ta lova, ka tlanphei nghal a, ka va theh tlu
nghal thuai a, hnek leh ka tum lai takin ka thianpa chuan
minlo dang hman hlauh a. Kan enchiang chu tu dang ni
lovin college danga an SU, an GS ber lehnghal, kan college fresher min hmanpui tura lo kal alo ni reng a. Ka
thianpa nen khan lo inhmelhriat sa an nih avangin anlo
infiam mai mai a lo ni pek a, a inthlahrunawm duh khawp
mai. Tun hnuah chuan kan in kawmngeih phah ta phian a,
kan sawichhuah leh chang pawhin 'engatinge zurui pa kawr
ang chiah chiah i hak?' ' zurui hmel i put reng vang a nih
kha' tiin hlim takin kan sawi leh thin.

KEIMAHNI

COMPUTER KAN SIAM THEI E


Computer chhia kan siam thei a, Computer part kan nei bawk. Thlalak print,
Xerox, Laminate rang takin kan ti thei a. Frame chi hrang hrang kan nei bawk e. Min
rawn pan la, i harsatna kha i duhthusam takin kan lo chinfel sak ang che.
Gabriel Graphix
Bethel Kawn, Champhai
Near Traffic Point. Ph No: 8729870731
A THLAWNIN SCHOOL HMING PRINT SAK THEI
School T-Shirt, kan dawr a mi ngei min dawrtute tan a thlawnin an Schhol hming
kan print sak leh ta chur chur mai. Tin, engtiklai pawhin Jersy i duh ang thlapin
kan lo \hui sak ang che. Pawlho leh mimal etc tan pawh engtiklai pawhin a tlawm
thei ang berin kan lo print sak zel ang che u. Min rawn pan ve thuai teh

PENIEL ART WORKS, Chawngthu Hotel bul. Dawr Veng, Champhai.


Ph. 9862303779 / 8014356081

CHANCHIN LAWMAWM..KHAWLTHAR (BANNER PRINTER)


Khawl thar \ha zawk, banner mai baka thlalak leh citation te print nana duhthusam kannei leh ta
hlauh mai. Min dartuten harsatna intawhloh nan venglai bazarah banner, thlalak,citation, name
plate, etc ulukngai bikte lokal ula. Banner pangngai leh singboard mamawh ten Awmpuiphei ah
bawk aw. Chhiatni \hatniah thla kan la thei a, kan thlalak sakte poster kan present \hin a nia. Heng
kan citationsiamte hi a reh ve theih tawhloh a, he vanneihna hi rawn pan ve rawh le.
- Thangbuta, Design & Printing
Awmpuiphei veng & Venglai Bazar, Champhai. Ph. 9862174630 / 9615445221

THLANLUNG |HABIK, THLAN KER LEH THLAN SIAM


Farkawn thlan lungchang \ha bik kan zuar reng e. Thlanlung kan ker thei a, Granite hmangin mawi
takin kan siam thei bawk. Tin, thlan pum pui kan rem/siam thei nghal vek bawk e. Min rawn pan
vela, min han chhin ve teh le. Kan thiamtawp hmangin kan theihtawp kan lo chhuahsak dawn che
nia.
- KHALTHANG ARTS
Aizawl Road, Pu C.Luaia In hnuai Champhai. Ph. 8575303365

HENGTE HI I MAMAWH VE EM?


Intel Core i series i5, i3, dual core, AMD series etc...kan thleng thar e. Laptop sony vio,
acer, asus, hp, lenovo duhthlan tur a awm bawk e. Gaminf Playstation, Printer, Wofer,
Grapics Card, Internet 3G data card leh Printer ink chi hrang hrang kan kawl bawk e. Min
- LL Computers,
dawrtute free gift tha tak kan pe tel zel.

Khuangluaia building,Venglai Bazar, Champhai. Ph. 9615953749

Ni 10 Jan`17 khan Mualkawi ramah thing la in


Centre kan rammu a, kan hnathawhna hmuna min motor a min dahtu Pu C.Rohminglianate chhuung Bethel
Veng hnenah lawmthu kan sawi e.
A thlawna chanchinbu min semsaktu mimal leh

Kohhran Hmeichhiate chungah lawmthu kan sawi


takmeuh meuh a ni.

ELECTRONIC MULTI-BRAND SHOW ROOM


Laptop & Desktop COMPUTER, Mobile Phone, Digital Camera, TV, Fridge, Washing Machine,
Inverter / UPS, Motor leh Inverter Battery chi hrang hrang, Laser & Inkjet Printer, Woofer, 3G/
GPRS Internet Data Card, bakah electronics bungrua chi hrang hrang kimna leh tlawnna hmun.
Company trained technician thiam leh rintlak tak tak ten an thutchilhna hmun a nih
avangin after sales service ah harsatna a awm tlem bik.

JK BUSINESS SERVICES,
Venglai Bazar, Champhai. Phone: 03831 234649 (O) 9862725644 (M)

P u b l i s h e d & E d i t e d by C . H r a n g h l u n a & P r i n t e d a t C K O f f s e t P r i n t i n g & P a p e r W o r k s , C h a m p h a i V e n g t h l a n g .

Vous aimerez peut-être aussi