Nama : Maurizia Serlyna Wijaya

No : 24 / 25 (e-report)

Kelas : XI IPA 11

ATUR PIUNING MANGGALA ACARA WANTI WARSA SEKAA TERUNA

"Om Swastiastu"

Mantuka ring para manggala praja makadi Bapak Perbekel

Bapak Klian Dinas utawi sane ngangganin dane sane bhaktinin titiang
Para manggala desa makadi Bapak Bendesa Adat Prajuru Adat
Bapak Kelian Adat Banjar sane kusumayang titiang
Para Ketua Truna Truni sinamian sawewengkon Desa Adat Manduang sane wangiang titiang
Para truna truni Shanti Prabha Mandala Br. Kaleran sane tresnasihin titiang

Kaping ajeng titiang ngaturang suksmaning manah ring sapengrauh ida dane para manggala taler
para sameton sinamian, sane sampun parama ledang nodia pakaryan titiang sajeroning wanti warsa
sane kaping dasa Sekaa Truna Truni Shanti Prabha Mandala Br. Kaleran rainane mangkin.

Kaping kalih titiang nenten lali nunas gung rena sinampura santukan sampun janten makeh
makekirangnyane inggihan indik katunan genah, katunan panyanggra, katunan panamyu miwah sane
lianan santukan doh wiakti, tan prasida nagingin sakadi pangarsan ida dane.

Salanturnyane mangda sueca Ida dane para sameton titiang jagi iring titiang ngastawa ring Ida Sang
Parama Kawi, mogi acara wanti warsa rahinane mangkin manggihin dirgaayu, labda karya tur
sidaning don.

Atur uningayang titiang ring ida dane makasami, sajeroning nyanggra wanti warsa sane kaping dasa
puniki kadagingin antuk makudang-kudang pacentokan, gotong royong kebersihan desa.

Mungguing prabea sane kaanggen nyanggra acara wanti warsa rahinane mangkin wantah saking
urunan miwah kas sekaa truna truni, katambahin antuk paica lascaria saking krama Banjar Kaleran.
Mangda taler sauninga, sekaa truna truni sane iring titiang natak panes tis ring lingkungan banjar iriki
akehnyane karobelah diri lanang satus diri, istri seket diri.

Salanturnyane titiang makesami iriki nunas mangda sueca Bapak Perbekel pinaka manggala praja
ngicenin tuntunan, pawisik, pawarah-warah, mangda prasida titiang iriki salung-lung sabayan taka
paras-paros sarpanaya, tur sida ngulati sane mawasta"matuha, migasa, mawerdya" sayan duur
yusane, sayan urati miwah gelitik tur prasida sayan limbak ring sajeroning sekancan utsaha. Taler
jagi aturin titiang Bapak Perbekel jagi nepek gong pinaka cihna acara wanti warsa Sekaa Truna Truni
Shanti Prabha Mandala Br. Kaleran sampun mamargi.

Titiang pinaka prawartaka wanti warsa ngaturang suksmaning manah antuk uratian ida dane para
sameton sinamian taler nenten lali titiang nunas gung rena sinampura antuk makekirangannyane.

"Om Santih, Santih, Santih Om"