sa relasyon ng mga tao, at kung paano sila mas nahihikayat mangutang sa pamilya at mga kaibigan dahil rito. Mayroong dalawang klase ng utang: utang sa pera, at utang ng loob. Mahilig ang mga Pilipino mangutang sa pamilya at kaibigan – alam mo bang 61.9% ang nangungutang sa kakilala, at 2% lang ang nangungutang sa mga bangko? Bakit andaming nangungutang sa kakilala? Sa pangungutang sa kakilala, mas maluwag ang usapan – kadalasang, walang set na time na bayaran ito. Madalas, nagiging pay when able. Kadalasan, nagkakalimutan na lamang ang nangutang at nagpautang. Minsan, tumatakas ang nangutang, o minsan nahihiya naman yung nagpautang na singilin siya. Bakit nagkakahiyaan? Sa kulturang Pilipino, nagpapautang ang mga tao dahil gusto nila makita yung kaibigan/kapamilya nila magtagumpay at umahon sa kanilang sitwasyon. Kapag sinisingil nila, ang nagiging dating ay hindi ka tunay na kaibigan/kapamilya, at dapat maging mas maintindihin ka dahil magkakilala kayo. Bakit mahalagang malaman ang Kultura ng Utang? Sa pangungutang sa pamilya at kaibigan, madalas nagkakaroon ng komplikasyon sa pagbayad. Minsan hindi nababayaran ang utang, o ang mas malala –nasisira ang relasyon ng mga magkakaibigan at magkapamilya.
Pagkakataon Na Nakakasama at Nakakabuti Ang Mangutang Posted on June
27, 2014 by arthur Hindi nga ba kailangang mangutang ng mga mayayaman? Isa ba ito sa mga dahilan kaya gusto mo yumaman? Totoong may mga mayayaman na hindi nangungutang. Pero sa katunayan, mas malakas mangutang ang karamihan sa mga mayayaman. Gaya ng ipinaliwanag ko sa Ikawalong Utos ng Pera Palaguin, maaaring palaguin ang yaman sa pamamagitan ng “Leverage” na tinatawag rin bilang “magandang uri ng utang.” Kung lubog ka sa utang at hindi mo kayang magbayad, posibleng dinulot ito ng maling paghawak ng personal na pera. Kung sa tingin mo ay nagsimula ito sa isang gastos na dinulot ng hindi inaasahang pangyayari (o emergency), usisain ang dahilan na iyon. Matatawag ba talaga iyon bilang “hindi inaasahang pangyayari” o “emergency”? Kung pambayad ng tuition ang dahilan (gaya ng nangyayari sa marami), tandaan na ang tuition ay hindi maituturing bilang “hindi inaasahang pangyayari.” Pinag-iipunan mo ito dapat bilang bahagi ng buwanang budget. Kung dulot ito ng health emergency, napaghandaan mo na iyon dapat kahit papaano sa pamamagitan ng isang uri ng medical health insurance. Kung umutang ka dahil nawalan ka ng trabaho, tandaan nakapaghanda ka na dapat ng emergency fund na katumbas ng anim na buwan ng kita. Kung umutang ka para bumili ng kotse o bahay at sa kalaunan ay natuklasan mo na hindi mo pala iyon kayang bayaran, ibig sabihin ay hindi mo inalisa nang husto ang iyong pinansiyal na kondisyon sa kasalukuyan at sa hinaharap. Nagdadala dapat ng pera sa iyong bulsa ang utang. Kung nagbabayad ka sa iyong mga loan, dapat lamang na nagdudulot ang mga loan na iyon ng karagdagang kongkretong pag-aari sa iyong kamay. Kung kakailanganin mong maglabas ng pera para bayaran ang iyong mga utang kahit na wala ka namang nakukuhang benepisyo bilang kapalit, ibig sabihin lang nito na nababawasan ang iyong ipon o ang iyong kasalukuyang kita para mabayaran ang mga bagay na binili mo. Karaniwang hindi maganda ang ganitong klaseng pangungutang. Kung napakayaman mo talaga, hindi masama na mabawasan ng kaunti ang limpak-limpak mong pera dahil sa maling uri ng pangungutang. Pero siyempre, hindi ganito ang kaso sa karamihan ng mga Pilipino.