Arkan or Ruáinga báiyain gór bari sára

************************************************************************************
Arkan luwár fiñzara , Ruáinga óiye bizára , Cót hára fonzaic zon nái musólman fara.
Arkan óiye fiñzara , Banai raikké bizára , Ruáinga ókkol bocóti gorér gór bari sára.

Burá noóiti báfi báfi sul fagi zar gói , Juwan noóiti báfi báfi guza di zar gói.
Sair ó kultú diyé añárar lá síyol ór gíra , Aró gór óttu nioli lé át ot mari der ziyól ór hora.
Cót hára fonzaic zon nái "kíladóng" fara
Arkan óiye fiñzara , Ruáinga óiye bezára , Arkan oró ruáinga báiyain gór bari sára.

Arkan or háalot báfi sailé dil fáçi zar gói , hoçé giyói có cómbotti zaga zobin loi.
Arkan or mancór hálot fúno aijja ekká boói , hoçé giyói juwan ókkol dóun cómbotti hoói.
Aró lulá garí loi búzai feillé bíça barir nicána.
Cót hára fonzaic zon nái Ruáinga fara.
Arkan luwár fiñzara , Ruáinga óiye bizára , cót hára fonzaic zon nái aikkaf or nazir fara.

Hoçé gilgói cáda kofón hoçé gilgól meçir dofón , Aró hon hoddúr ót félai diló iman or ducmon.
Baijjai baijjai mari féler Ruáinga ré fara fara , Mas ór adár banai diló Ruáinga ókkol ór mora .
cót hára fonzaic zon nái aikkaf or hoçá fara.
Arkan óiye fiñzara , banai raikké bizára , Ruáinga ókkol bocóti gorér gór bari sára.

Óoo báiyain báfi báfi ar hotó din tákiyum , Zal ot mazé mas ór bodol Ruáingar mora ar hotó din
tulíyum.
Kiyó ré goijjé át,théng sára , kiyóré goijjé holla sára , Balur sor ot ajó asé Ruáingar mora.
Cót hára fonzaic zon nái aikkaf or zailla rara.
Arkan óiye fiñzara , Añára óiyi bizára , gór óttu nioli lé át ot mari der ziyól ór hora.

Maa bóin ór zulúm sailé ehón murudar gór , Ruáingar juwan ókkol ajó kén tuáñra boddac gorór
Hosúri sára loi zargói ziyól ór bútor , Ajó kén suk ór faní beggún é tuáñra zároór.
Dat no uçí tí zári félar gas óttu naijjol or horá .
Arkan luwár fiñzara , Ruáinga óiye bizára , cót hára fonzaic zon nái arkan or fotti fara.
Arkan óiye fiñzara , banai raikké bizára , Ruáinga ókkol bocóti gorér gór bari sára .
Ruáinga ókkol zidigi gorér ""cúk,cánti"" sára...........!!
``````````````````````````````````´´´´´´´´´´´´´´´´´´´´´´´´´´´´´´´´´´´´´´´´´!!

Lekóya; ★ Citizen Of Arakan★

Father of Rohingyalish, Eng Mohd Siddique sáb(UK)❀