POSITION PAPER PARA ITI

2017 NATIONAL TOBACCO TRIPARTITE CONSULTATIVE CONFERENCE

Setiembre 5-6, 2017
National Tobacco Administration Central Office
Quezon City

Iti bangir ti nadumaduma a restriksyon iti sidong ti Framework Convention on Tobacco

Control (FCTC) nagtultuloy a dimmakel ti industriya ti tabako iti sangalubungan. Mapatta-
patta a dumanun ti $500 bilyon ti pastrek dagiti korporasyon ti tabako iti tinawen, $35.1 a
bilyon ditoy ket bingay ti innem kadagiti kadadakkelan a kompanya.
Ti Pilipinas ket karaman kadgiti kadadakkelen a pagtagilakoan ti sigarilyo. Basar ti
Tobacco Control Atlas, maikasiyam ken maikapito tayo idi 2014 ken 2015. Kuna ti South East
Asian Tobacco Control Alliance (SEATCA) nagtultuloy ti panagngato ti bilang ti mailaklako a
sigarilyo iti pagilian idi 2016 ken 2017 kalpasan ti panagbaba idi 2015. Manamnama a dumanun
ti 86,099,000 a piraso ti sigarilyo ti mailako nu 2018.
Binilyon-bilyon ti naganansya dagiti kompanya ti tanako gapu iti panagdakkel ti
industriya. Iti bagir ti naisistrikto a regulasyon, napagtalinaed dagiti korporasyon tie stable a
panagngato ti pastrekda. Ti Philip Morris Fortune Tobacco Corporation (PMFTC), ti
kangrunaan a kompanya ti tabako iti pagilian ket dimmakkel ti neto a pastrekna iti naminpito
a daras seven idi 2015 a dumanon P1.04 a bilyon ken 149% wenno P2.59 a bilyon idi 2016. Iti
umuna a bingay ti tawen 2017, dumanunen a P1.86 bilyon ti neto a pastrek ti kompanya wenno
28% a nangatngato kumoara iti pareho a panawen idi 2016.
Iti bangir na, ti intarmi a mannalon ti tabako ket saan a nagnumar iti dakkel ti industriya.
Basar ti panagsukisok ti Action for Economic Reforms and American Cancer Society a 20%
dagiti mannalon ti tabako ket karaman kadagiti benepisyaryo ti Pantawid Pamilyang Pilipino
Program. Kayat na saoen, umagarup 7,400 kanyami ket mabibiag iti baba ti poverty threshold.
Inkari ni Presidente Rodrigo Roa Duterte ti panangipaay ti panagbalballiw ito sidong ti
administrasyonna. Para kanyami a mannalon ti tabako, ti signipikante a panagbalballiw ket ti
panakaipaay dagiti sumaganad: panangipababa ti abbang ti daga ken interes ti pautang,
umannatup ken naananay a suporta para iti produksyon, ken nainkalintegan ken usto a presyo
 dagiti produktomi. Kasilpo ti rebbengen ti National Tobacco Administration (NTA) a
pasiyaaten ti kasasaad pangekonomiya ken panagbiag dagiti mannalon ti tabako, idatag mi
dagiti sumaganad a takder ken kadawatan:

1. Ti nainkalintegan ken usto a presyo ti tunggal kilo ti tabako a Virginia ket P128.00 nga awan
klasipikasyon. Numanpay kasta, awan ti naananay a rason tapno saan a sumabat dagiti
kompanya ken trading centers iti P110.00 wenno P29.00 a nayon ti agdama a floor price iti
amin a grado.

Manipud 2012 inggana 2015, nagimportar dagiti kompanya ti tbako ti unprocessed

tobacco nga adda ti abereyds a presyo nga P161.00 basar ti record ti National Tobacco
Administration (NTA). Iti kapada a panawen, ti abereyds a presyo iti pagilain ti tabako a Virginia
ket P69.00 laeng, ken bimmababa pay ti P1.00 idi 2016. Bayat a ti bukod a panagmonitor ti
organisasyonmi ket mapan a P97, P89, ken P83 ti abereyds a presyo panaggatang idi 2015,
2016 ken 2017.
Ti P16.00 a nayon ti agdama a floor price (agbalin a P97.00/kilo ti AA manipud
P81.00) a nakuntar iti Pre-Tripartite Study Group idi August 14 idiay Candon City ket
nakababbaba ken saan a kaawat. Manipud 2015 inggana ti agdama, nanayunan ti P50.00 ti
inaldaw-aldaw a gastosmi gapu iti panagngato dagiti magatgatang. Dumanonen a P830 ti
inaldaw-aldaw a kasapulan para ti akintenga ti kabibiag na a mannalon nga addan lima a
kameng ti pamilya. Ti P16.00 kada kilo a nayon ket kabatog laeng ti P272 nga inaldawaldaw a
pastrek nu maiwaras daytoy ti uppat a bulan a panangpatanor ti tabako. Lalo pay a bumababa
daytoy nu usaren a pagbasaran ket ti P5.50 real profit value manipud ti inasayangkat a
panagsukisok ti Action for Economic Reforms (AER) ken American Cancer Society (ACS).
Nayon pay, aggatgatangen ti PMFTC ti P103.00/kilo iti AA iti naglabas a tallo a
tawen. Ti panangikiddaw ti P16.00 a nayon ket maysa a panagatras manipud ti P19.00 a
differential value ti floor price ti AA nga P81.00 ken P103 a panaggatang ti PMFTC. Iti bangir ti
nangatngato a panaggatang kumpara iti sabali pay a kompanya, nagtalinaed ti panagngato
ti neto a pastrek ti kompanya, numanpay adda bassit a panagbaba idi 2014.
Kastamet a ti maususar a formula tapno tantiyaen ti kaado tunggal grado ti
kabukalan nga apit iti maysa nga ektarya ket adayo iti realidad. Ti kabuklan nga apit ket
mapatta-patta nga addan ti 54% para iti Neutral ken 61% para iti Topped-variety a grado nga
AA-B a nangato ti presyo. Ngem agtultuloy ti reklamo dagiti mannalon kasilpo ti panangswitik
 dagiti kompanta ken trading centers kasilpo iti panaggrado (wenno downgrading).
Kinumpirma ti insayangkat a panagsukisok ti AER/ACS daytoy a parikotmi.
Nu suruten ti formula ti NTA kasilpo ti posiento iti tunggal grado iti maapit iti maysa
nga ektarya, ti kabukalan a balor ti naapit a tabako idi 2015 ken 2016 ket mapan a P1.92 billion
ken P1.71 bilyon, saan a P1.78 bilyon ken P1.57 bilyon kas inreport ti NTA. Nu agpayso a
nangatngato pay ngem ti naikeddeng a floor price ti panaggatang dagiti kompanya ken
trading centers adayo a nangatngato koma pay ti kabukalan a balor ti napartuat a tabako iti
nadakamat a tawen. Kayat a saoen dagiti numero a kadduan dagiti naapit a tabako iti dayta a
panawen ket nagradoan ti nababbaba ngem AA-B.
Isunga ti kadawatanmi kasilpo ti pannakaikkat ti klasipikasyon ket nakasilpo iti
panangpunas ti manipulasyon ti presyo babaen ti switik ken mananggundaway a pamuspusan
ti panaggrado. Iti kabiitan a panawen, karkaritenmi ti NTA nga ipatungpalna ti 9 a grado ken
ti panangiparit ti bigla a panagbaba ti presyo nu dumanun ti semana wenno “Semana
Syndrome”.

2. Saan a rumbeng nga agtalinaed laeng ti floor price ti matratar iti National Tobacco Tripartite
Consultative Conference (NTTCC). Rumbeng a kapaset ti panagtitipon ti panangresolba
kadagiti dadduma pay a parikut dagiti mannalon ti tabako nga adda ti awtoridad ti NTA.

Daytoy a takder ken kiddaw ket naisasayon ti rebbengen ti ahensya. Ti NTTCC ti

mayatan a gundaway tapno mapagtutuntungan ti nadumaduma a parikut dagiti mannalon
tapno mangyegan ti amin a maseknan nga adda iti industriya ken maibingayda dagiti
rumbeng nga aksyon.
Ti presyo ti produktomi key maysa laeng kadagiti tinawentawenmi a problema ti
industriya ti tabako a mangparparnuay ti nakalkaldaang a kasasadmi. Ti kinaawan ti pudpudno
a reporma nga agraryo, dagiti mannalon, karaman kami nga agmulmula ti tabako ket
agtaltalinaed a karaman kadagiti kapapanglawan iti gimong. Ti agtultuloy a monopoly ti daga
iti Pilipinas ken kinaawan ti naananay a suporta [[ara ti agrikultura ket mangpatpatalinaed ti
mananggundaway a kasasaad nga mangilumlumlom kanyami iti utang ken pannakalugi.
Ti monopoly ti PMFTC ti pagtagilakoan ket mangpakpakaro ti kasasaad. Daytoy ti
maysa a gapu ti dakkel a panagbaba ti presyo ti tabako. Napaliiw ti AER a kalpasan ti
panagtipon ti dua a kompanya idi 2010, ti presyo ti nagango a bulong ti tabako ket bimmaba
ti P73.00/kilo manipud ti sigud a P95.00/kilo. Manipud idin, ti presyo ket nagtultuloy a
bimmaban. Iti 2015 a report ti PMFTC, kinuna ti kompanya a control daytoy ti 73% ti lokal
 pagtagilakoan ngem basar ti Euromonitor International dumanun a 83% ti bingay daytoy iti
kabuklan.
Nayon pay a mangipalpalubos ti panag-apit ti binilyonbilyon a ganansya dagiti
kompanya ti makamaysa-benneg a sistema ti contract growing. Ti nasao a pamuspusan ti
panagmula ket mangikikkat ti responsibilidad iti kompanya ti panangaramat ti
mangmangged-talon ken mabuwisan a daga. Iti bangir na, maisigsigurona ti naata a material
a kasapulanna a mapatanor ken magatang basar ti ikeddeng na pamuspusan ken presyo.

3. Panangrepaso ti kontrata a sarsarekken dagiti mannalon kadagiti kompanya ken trading

centers kasilpo ti panangpatanor ti tabako. Panangisiruda nga ti probisyon a pabor para
kadagiti mannalon.

Kas paset ti rebbengen ti ahensya a saluadan ti karbengan ken pagsiyaatan ti

mannalon, masapol a bigbiangan ti NTA dagiti kontrata a sersereken dagiti mannalon ti
tabako. Rumbeng a siguradoen, masapol a siguradoen ti NTA ti pannakaikabil ti probisyon
kasilpo ti force majeure iti amin a kontrata a serrekenna iti ahensya, kompanya ken trading
centers. Nu awan daytoy a probisyon, maipabpabaklay laeng iti mannalon ti risgo ti
pannakalugi. Kastamet a mapunas koma amin nga utang iti panawen ti didigra.
Kastamet a masapol ti pannkaisardeng ti panagsingir dagiti kompanya ti
withholding tax ken service fee. Anya man a makolekta a bayad manipud kadagiti mannalon
a nakapauneg ti kontrata ket masapol a magna ti konsultasyon ken naananay a maipalawag
kanyada. Nayon pay a maikabil ti lisataan ti presyo dagiti farms inputs ken presyo para iti
buying season tapno addda ti naananay a pagbasatran ti desisyon dagiti mannalon.
Rumbeng a magatang ken mairaman iti pannakakwenta ti insentibo dagiti
mapartuat a sobra a bulong iti nailanad ti kontrata.

4. Panangisigurado a dagiti proyekto a mapondoan manipud ti Republic Acts 7171 ken 8240 ket
agbenepisyo a direkta dagiti mannalon ti tabako.

Guyguyuguyenmi ti liderato ti NTA a naregta ken sipupudno nga ipatungpalda ti

rebbengen a nakailanad ti Section 3 ti Joint Circular No. 001-2014 nga inruar ti Department of
Finance. Daytoy a probisyon ken mangmangted awtoridad iti ahensya a mangikabil ti
makanismo tapno mamonitor ti panannngusar ken marukod ti epekto wenno benepisyo dagiti
mannalon manipud ti pondo a maibingbingay kadagiti LGU. Karaman ditoy ti
 panangipakaamo iti publiko dagiti programa ken proyekto a napondian babaen ti nasao a
linteg ken panangisayangkat kadagiti field audits tapno isigurado nga agbenbenepisyo dagiti
mannalon.
Rumbeng nga idauloan ti NTA ti panagibutaktak ken panangprebentar kadagiti
pamuspusan dagiti LGUs a manglikaw iti linteg tapno mapondoan dagiti banag a saan met a
nakaraman iti linteg. Kasapulan nga agbirok daytoy ti pamuspusan tapno ipakaamo kadagiti
maseknan nga ahensya ti misrepresentasyon dagiti proyekto kas iti covered court kadagiti
komunidad ken iskwelaan a maidekdeklara a post-harvest facilities.
Kastamet a mangidatag koma ti ahensya wenno suportaran dagiti kiddaw ti
mannalon ti tabako kasilpo ti umannatup ken naananay a subsidiyo ti production ken
insentibo, pondo para iti panawen ti didigra ken awan interes a pautang nga aggapu iti nasao
a pondo.

5. Panangited ti karbengan kadgiti mangibagi ti organisasyon ti mannalon a mangpasyar

kadagiti trading centers tapno imonitor iti panaggrado ken panangala kadagiri reklamo ti
mannalon.

Ti panagrado ken panagbayad kadagiti maipan a tabako iti trading centers ket maysa
kadgiti karirikutan a problema a masabsabat dagiti mannalon. Daytoy ket mekanismo tapno
napaspas a maidanun kadagiti maseknan nga ahensya dagiti problem iti panawen ti
panaggatang ken maibutaktak ti publiko dagiti mananggundaway a konpanya ken trading
centers.
Daytoy ket pinatgan ti sigud nga administratodr ti ahensya a ni Edgardo Zaragoza idi
2015 NTTCC. Iruprupirmi laeng nga usto ken nainkalintegan laeng a bigbigen ken ipatungpal
daytoy a tungtungan ti agdama nga administrasyon.

FOR THE REGIONAL COUNCIL OF LEADERS

ANTONINO PUGYAO ZALDY ALFILER

Chairperson Secretary General