ng diwang naghehele sa misteryo ng mga ulap, ng diwang yumayapos sa palaisipan ng buwan, muli niyang ipamamalas ang kanyang kariktan.
Kariktang minahal natin… alindog na maraming umaglahi
ngunit nakabangon sa pagkalugami. Patutunayan niyang siya’y kasangkapang lubos na makapangyarihan; kapangyarihang gumahis, magwasak, bumuo, bumalangkas, o magpalaya ng mga nagpupumiglas na ideya sa bartolina ng porma’t istruktura.
Siya, na bumubuhay sa ating sistema,
sa bawat himulmol at himaymay ng ating katawan,diwa,at damdamin, walang iba kundi ang ating Inang Wika!
Ang Kagawaran ng Filipino ay marubdob na nagpapasalamat sa lahat ng mga nakibahagi
upang magtagumpay ang pagdiriwang ng Buwan ng Wika
Tunay, na ang anumang gawain kapag pinuhunan ng pagtutulungan ay magbubunga ng lubos
na tagumpay!
Maraming salamat at magkatuwang po nating ikintal sa isipan ng mga mag-aaral ang dalisay na pagmamahal sa wikang bukambibig ng ating mga bayani….ng ating liping magiting!