MINGGU XIIX DUNG TRINITATIS, 26 AGUSTUS 2018

“BENGET DI SITAONON”

1. Marende BE. No. 395

2. Tangiang Pamuhai
3. Turpuk: Heber 5:7-10
4. Hatorangan:

Mura do gabe sipangoloi tu Debata molo dung dilehon Ibana angka na pinangido ni roha.
Alai, boha do molo so apala na dibagasan roha i dilehon, manang dang dioloi Debata na
pinangido ni roha? Hot dope mura na mangoloi Debata? Ra baliksa tahe, gabe kecewa,
marungut-ungut, jala marbalik maninggalhon Ibana.

Alai ndada pingkiranmuna pingkiranku, jala ndada dalanmuna dalanku. I do pandohan ni

Debata tu jolma manisia. Boi do pingkiran dohot dalan na pinillit ni Debata maralo tu na
pingkiran. Molo jolma sai ma ummuli ma nian rohana dapot dibagasan ngoluna. Ndang masa
parungkilon. Molo pe adong ni ida hamaolon nang abat abat na naeng masa, sai diussahahon
do pasidinghon i asa unang tinaon. Songon Jesus na mamereng parungkilon na diadopanNa
uju martangiang Ibana tu Debata ama di Getsemani, asa unang nian bolusonna parsitaonan di
Golgota, uju jolma Ibana. Alai ndada sangkapNa na ingkon saut. Garisa tahe sangkap ni
Debata do na ingkon tulus do sangkap ni Debata marhite Ibana. Ingkon dalananna dalan na
gogot i. Dalan na gok hatahuton.

Nang pe Anak ni Debata Ibana, ndada gabe ginjang rohana marhite na paimbar
hasurungan ni diriNa tu jolma na asing asa ndang mamolus parsotaonan. Alai monangan do
di Ibana roha na mangoloi sian na pasauthon rohaNa sandiri pasidinghon parsitaonan i.
Ndang dibahen Ibana partinaonan i pasidinghon pangoloionNa tu Debata manang na gabe
dipaholang Ibana diriNa tu Debata Ama. Nang pe diparungkilhon Jesus hatahuton na naeng
masa tu diriNa, unduk do Ibana mangoloisa. Dipatuduhon Ibana do pangoloionNa tu Debata
marhite na olo mamolus parsitaonani di hau pinarsilang. Di etong Ibana do, na marhuru
mangoloi Debata do molo diporsan Ibana dalan naung dipaporsanhon tu Ibana.

Marhite pangoloionNa i, di ajari Ibana do angka jola tu haunduhon dohot tu pangoloion

di Debata. Asa manahan di sitaonon, ala i do sada dalan patuduhon hasatiaon ni jolma tu
Debata. Adong do parsiajaran na arga molo masa parungkilon di bagasan ngolu. Ai didok
Jesus do asa ro ma angka na loja jala na sorat, ai neang do auga na dipaporsanhon i. Ganup
jolma ingkon do mamorsan auga i, asa ganup na porsea ingkon do manuhuk silang na tu
ibana. Alai neang do i molo mardongan pos ni roha di pandonganion ni Debata ai nunga
jumolo diporsan Jesus hian i. Amen***

5. Siparhusorhusoron/Diskusi:
1. Aha do didok roham na dumenggan masa di ngolum? Dapotmu do i? Boha roham di
tingki saut masa saut na pinarsittam manang di tingki baliksa ndang jumpa na
sinangkap ni roham?
2. Sitaonon, ido dalan laho patuduhon haunduhon dohot pangoloion tu Debata. Aha do
na didok na disi ?
6. Marende BE. No. 481
7. Tangiang Pangondianon
8. Marende BE. No 489
9. Tangiang Panutup