Abstrak

Sinaliksik ng pag-aaral na ito ang mga praktis ng MCST upang makita ang kanyang

lohiko ng praktis, suriin ang mga nananatiling kalagayan at nangingibabaw na mga

problema sa buhay relihiyosa, at upang magbigay ng angkop na mga panukala tungo sa

pagbabago. Ang malakas at kumplikadong epekto ng pagbabago ng mundo (kagaya ng

epekto ng globalisasyon) ay nagbabadya sa buhay paglilingkod ng MCST. Bilang isang

Pilipinong Kongregasyon, ito ay nakababad sa kultura, at sa pamumuhay ng tao na punung-

puno ng pang-araw-araw na pagsubok sa buhay.

Gamit ang balangkas ng pagpapaliwanag ni Pierre Bourdieu, ang pagtuon sa lohiko

ng praktis, at ang pagsusuri sa misyon at karisma ng MCST, ang disertasyon na ito ay isang

pagbabalik-tanaw sa misyon at buhay ni Bishop Obviar at pangangalap ng datos upang ang

mga praktis ng MCST ay maiakma sa hamon ng panahon at makapagbigay ng konkretong

mga pamamaraan ng pagtugon sa mga hamon ng kanilang apostolado o paglilingkod sa

misyon.

Pinag-ibayong sinaliksik din ng papel na ito ang kasaysayan ng buhay ng

tagapagtatag upang buuin ang apostolikong misyon ng MCST at muling tingnan ang orihinal

na nagpa-alab ng kanilang puso at ang nagbigay sigla sa MCST. Nilawakan din ang

kahulugan at kahalagahan ng krisis habang sinusuri ang buhay, pagtawag, at misyon ng

mga relihiyosa.

Batid ang kahinaan ng tao at ang posibilidad ng pag-aalinlangan, ang disertasyon na

ito ay nag-aalok ng teolohikal na diskusyon ng habitus ni Hesus at ang mga piling teksto sa

Banal na Kasulatan; ang kahulugan ng chadash o pagpapanibago; at mga mungkahing

iv
programa ng paghuhubog para sa MCST. Minimithi ng mananaliksik na sa pamamagitan ng

mga rekomendasyon, ang MCST ay mas higit pang makapaglingkod sa simbahan ng may

katapatan at nag-uumapaw na kaligayahang makaisa ang lahat sa Kaharian ng Diyos.