Ka ta aw,

Kei nong thei kei kha phial zongin, na thu a vek in ka thei hi. Late 139:1 Na heksuk na
hektohna khempeuh ka thei hi. Late 139:2 Na gamtatna khempeuh zong ka thei hi. Late
139:3 Na lutunga om samzang nangawn ka simkhin hi. Matthew 10:29-31 Ahangin,
keima liim le meel sun in kong bawl ahi hi. Piancilna 1:27 Kei sungah na nungta a, na hihna
khempeuh Keima’ hang ahi hi. Sawltak 17:28 Na nu gil sungah na omma pek in
nang kong thei khin hi. Jeremiah 1:4-5 Piansak cil pek panin nang kong teel khinzo
hi. Efesa 1:11-12 Na nuntak ni zah ding nangawn ka laibu sungah gelhzo ka hih manin a
piang kha tawm pak na hi het kei hi. Late 139:15-16 Na suah hun ding leh na tenna ding
mun nangawn ka sehsa ahi hi. Sawltak 17:26 A lauhuaipi leh a lamdangpi in nang hong
kibawl hi. Late 139:14 Na nu’ naubuu sungah nang kong khuituah hi. Late 139:13
Na nu sung panin hong lakhia pa ka hi hi. Late 71:6 Kei hong theilo-te in hong
telkhial khin uh hi. John 8:41-44 A heh ka hi kei a, itna picing alakpa ka hi hi. 1 John 4:16
Ka ta na hih manin Keimah na Pa in ka itna kicing takin ka hong pia nuam hi. 1 john 3:1
A cingtaak Pa ka hih manin, Matthew 5:48 Na leitung pa in hong piakzah sangin a
tamzaw tham kong pia hi. Matthew 7:11 Na hoih na ngah khempeuh te in Keima khut pan
hong pai ahi hi. James 1:17 Keimah in na kisap khempeuh hong sikpa ka hi hi.
Matthew 6:31-33 Mongneilo itna tawh hong it ka hih manin, Jeremiah 31:3 Nang’
ading geelna ka neihte in a tawntung in lametna tawh kidim den hi. Jeremiah 29:11 Nang’
ading ka ngaihsutna te in tuipi piauzang a om sehnel te zah in sim zawh ding hilo hi. Late
139:17-18 Na tungah na hoih sep ding ka tawp ngei kei ding hi. Jeremiah 32:40
Banghang hiam cih leh, nang in ka neih amanpha vangil na hi hi. Paikhiatna 19:5 Ka
lungsim khempeuh tawh kong kipsak ding hi. Jeremiah 32:41 A ki-imcip thulianpi te nang
tungah kong lak ding hi. Jeremiah 33:3 Na lungsim khempeuh tawh nong zon ciangin nong
mu ding hi. Thuhilhkikna 4:29 Kei sungah nuam hong sa le cin, na lungsim lunggulhna
khempeuh kong pia ding hi. Late 37:4 Ahangin, tua lunggulhna te nangtung ah hong piapa
in Keimah ka hi hi. Filippi 2:13 Na ngaihsut zah sangin a thupizaw hong sepsak theipa ka hi
hi. Efesa 3:20 Nang hong hanthawn lianpenpa in Keimah ka hi hi. 2 Thessalonica 2:16-17
Na haksatna khempeuh ah hong hehnem na Pa zong ka hi hi. 2 Corithian 1:3-4
Lungsim kitamzan in na om ciangin nang tawh naitak in kong om hi. Late 34:18
Tuucingpa in a tuuno te a puak bangin, ka angsungah nang kong pua hi. Isaiah 40:11
Nikhat ni ciangin na mit pan in na khitui-te kong nulsiangsak ding hi. Mangmuhna 21:4
Keimah in na Pa ka hi aa, ka tapa Jesu ka it zah mahin nang kong it hi. John 17:23
Ka Tapa Jesu sungah nang mah kong itna kilangkhia hi. John 17:26 Amah in ka
hihna banglian honglakpa ahi hi. John 17:23 Nang langkhat ah hongpang hilo in, nang ma aading
kasepna khempeuh a honglak dingin Amah hong pai ahi hi. Rom 8:31 Na mawhna te
mawhna in kong simsak lohna a hong gen dingin hong pai ahi hi. 2 Corinthian 5:18-19 Nang
leh kei i kigawmkik theihna dingin Jesu hong si ahi hi. 2 Corinthian 5:18-19 Ama’ sihna in
nang kong itna hong lak alian bel thu ahi hi. 1 John 4:10 Nong itna ka ngah theihna dingin ka
neih khempeuh kong pia hi. Rom 8:32 Kong piak letsong ahi Jesu na saan aa leh Kei zong
hong sang na hi hi. John 2:23 Nang kong itna panin bangmah in hong khenkhia zo nawnlo ding
hi. Rom 8:38-39 Inn hong ciah in, nang’ aa dingin vantung in a muh ngei lak ah a lianpen
lungdamna pawi nang aa dingin ka khaam ding hi. Luke 15:7 Pa ka hi khinzo aa, a
tawntungin Pa ka hi den ding hi. Efesa 3:14-15 Nang ka ta na hi nuam hiam? John 1:12-13
Nang kong ngak lai hi. Luke 15;11-32
Hong it, Na Pa
Vanglian Pasian