VACATION BIBLE SCHOOL 2019: SHIELD SQUAD 1

Day Two Script

Written by: Pearl Joy P. Mijares

RISE ABOVE THE FLOOD

(THE STORY OF THE GREAT FLOOD)

Narrator: Maayong hapon, mga bata. Subong nga hapon aton masaksihan ang isa ka istorya sang isa ka tawo nga ang Ginoo nalipay
sa iya nga kabuhi nga nagahinanglan sa kay Noah. Si Noah may ara sing tatlo ka anak na sanday Shem, Ham kag Japhet. Si Noah amo
lang gid ang matarong nga tawo sang iya panahon. Nagkabuhi siya upod sa Ginoo. Pero ang iban tawo malaot gid sa atuabangan
sang Diyos kag ang ila kala-ut naglapta bisan diin. Gintan-aw sang Diyos ang kalibutan kag nakita niya nga mala-ut ini kay ang mga
tawo nagakabuhi sa kalautan. Naghinulsol ang Ginoo nga ginghimo sila sang Ginoo. Nag-istorya ang Diyos sa kay Noah.

GOD’S VOICE OVER: Nagtapat ako nga laglagon ko ang tanan nga mga tawo. Laglagon ko sila sing bug-os kaya ng kalibutan napun-an
sang ila malain nga binuhatan. Ikaw ang magahimo sing arka kag gamiton mo ang maayo nga mga kahoy. Maghimo ka sing mga
hulot sang arka kag balawon mo ini sa sulod kag sa gwa. Himuo nga ang kalabaon sang arka apat kagatos kag lima kanapulo ka tapak,
ang kasangkaron pito kanapulo kag lima ka tapak kag ang kataason apat ka napulo kag lima ka tapak. Atupan mo ang arka kag
butangan mo sing antad na isa kanapulo kag walo ka pulgada ang dingding kag ang atop. Himua nga ang arka may tatlo ka panalgan
kag butangan mo sing pwertahan sa kilid. Magpadala ako sing anaw sa paglaglag sang tanan nga nagakabuhi sa duta. Ang tanan sa
duta mapatay, pero magahimo ako sing kasugtanan sa inyo. Magsulod ikaw sa arka upod ang imo asawa , ang imo mga bata kag ang
ila nga mga asawa. Magdala ka sa arka sang isa ka paris sang tagsa ka sari sang sapat kag sang tagsa ka sari sang pispis agod mabuhi
sila. Dala ka sang tanan nga sari sang kalanon para sa imo kag para sa ila.

Narrator: Ginghimo ni Noah ini tanan suno sang gingsugo sang Diyos sa iya.