AWITING BAYAN/KANTAHING BAYAN – ito ay tinaguriang matandang sining ng Pilipinas sapagkat ito’y

mula sa ating mga ninuno na hanggang ngayon ay inaawit padin mapa-bata man o matanda.

Ang nilalaman nito ay nagpapakilala ng iba’t ibang pamumuhay, pag-uugali, kaisipan at damdamin ng
mga tao.

Ito ay nagpapakilala ng iba’t ibang pamumuhay at pag-uugali ng mga tao , mga kaisipan at
damdamin ng bayan. Ito’y kasasalaminan ng kalinangan ng lahi.

Awiting Bayan Bilang Panitikan

Ang mga awiting bayan ay tula muna bago awit. Ang mga titik ng mga awiting bayan, na kinatha ng mga
katutubong bihasa na sa pagtula ay totoong mapaglarawan ng ugali ng Pilipino.

Sa panahon ng Kastila, ang mga awiting bayan ay mangyari pang napakilala rin ng pagkakasanib sa
ugaling Pilipino ng diwang Kastila. Mapapansin ang pagkakagamit ng mga salitang hiram sa Kastila, na
totoong malimit, isang bagay na ikinaiba ng mga awiting ito sa mga unang katutubong tula na nalahiran
ng Kastila nang isatitik na ng mga misyonero.

Kahalagahan ng Awiting Bayan

1. Nagpapahayag ng reaksiyon ng mga mamamayan sa kanilang mga karanasan sa buhay.

2. Ang mga awit, kahit na mga sinauna ay siyang nagpapahayag ng kanilang mga damdamin,
panaginip, pag-asa at mga saloobin.

3. Tunay na nagpapahayag ng sariling kulturang Filipino.

4. Likas na nagpapahayag ng matulaing damdamin at kaluluwa ng mga Filipino.

5. Ang mga Filipino ay likas na sentimental

6. Ipinakikilalang ang mga Filipino ay likas na nagpapahalaga at tunay na maibigin sa kagandahan.

7. Ang pamumuhay at pag-uugali ng mga tao lalo na ng mga taga Bisayas at Mindanaw ay
nababakas sa mga awiting bayan

Mga Uri ng Awiting Bayan

1. Kundiman - awit ng pag-ibig

2. Kumintang o Tagumpay – awit ng pandigma

3. Dalit o Imno – awit sa Diyos-diyosan ng mga Bisaya

4. Oyayi o Hele - awit ng pagpapatulog ng bata

5. Diona – awit sa kasal

6. Suliranin – awit ng mga manggagawa

7. Talindaw – awit sa pamamangka

8. Sambotani – awit sa tagumpay sa pakikidigma

9. Tikam – pandigmang awit na pang-akit sa pakikihamok at mayroon namang pagbati sa bayaning

nagtatagumpay

10. Kutang-kutang – awiting panlansangan, o "street songs”

11. Maluway – awit sa sama-samang paggawa, o "work songs”

12. Pananapatan – panghaharana sa Tagalog, o "serenades”

13. Balitaw – awit sa paghaharana ng mga Bisaya

14. Pangangaluwa – awit sa araw ng mga patay ng mga Tagalog o "dirges”

15. Dung-aw – awit sa patay ng mga Ilokano

MGA
HALIMBAWA