Om Swastyastu

- Majeng ring Ibu guru sane kusumayang titiang.

- Ida dane semeton Oasis sane tresna asihin titiang.

Sadurung nglantur, tan surud-surud titiang ngaluhuring rasa pangayubagia majeng ring Ida
Sang Hyang Widhi Wasa, santukan Ida sampun asung kerta wara nugraha ngicenin karahayuan,
mawinan, prasida katemu jangkep ring rahinane mangkin. Ring galah sane becik puniki titiang
jagi matur dharma wecana sane mamurda ”Rahina Nyepi”.

Inggih ida dane sane wangiang titiang, sane mangkin lantur uningayang titiang indik tata cara
ngelaksanayang rahina Nyepi. Rahina nyepi kemargiang nyabran warsa duaning nganutin
ketekan sasih. Rahina nyepi kelaksanayang ring Pananggal apisan sasih kedasa utawi warsa
anyar ring tahun saka. Ngelaksanayang Rahina nyepi kasuksmannyane mangda umat Hindu
presida mulat sarira rikalane nyanggra warsa anyar tur maning pinaka galah nyuciang bhuana
agung miwah bhuana alit. Rikala ngelaksanayang rahina nyepi wenten bratha sane patut
kemargiang. Bratha punika kasengguh catur bratha penyepian.

Sadurung nglaksanayang catur brata penyepian, wenten 3 rahina sadurung nyepi. Umat hindu
sampun nglaksanayang rentetan Hari Raya Nyepi antuk sareng sami nglaksanayang upakara
melasti utawi mekiis. Tetujon upakara puniki inggih punika nunas panugrahan ring bhatara sane
malinggih ring segara mangda nyuciang buana agung lan buana alit, sami pratima – pratima
utawi paayah-ayahan bhatara mabakta ka segara jagi kasuciang. Serahina sadurung rahina nyepi
ring tilem sasih kesanga utawi sane kaucap rahina pengerupukan,umat hindu nglaksanayang
upakara sane mawasta tawur kesanga. Upakara puniki kalaksanayang ring jero, pempatan margi
ageng ring desa, kecamatan, kabupaten, lan propinsi. Tetujon upakara puniki inggih punika
menetralisir sakancan butha kala utawi roh sane ngusak – asik gumi mangda malih trepti lan
rahayu. Ring rahina nyepi kaanggen nglaksanayang catur bratha penyepian sane kepah dados
papat, inggih punika 1)Amati Geni inggih punika nenten dados ngendihang api utawi ring sarira
nenten dados krodha. 2)amati Karya inggih punika nenten dados ngambil pekaryan, 3)Amati
Lelungan, inggih punika nenten dados melancaran, sane kaping 4)Amati Lelanguan inggih
punika ngelaksanayang puasa tur maning nenten dados meliang-meliang. Serahina usan rahina
nyepi sane kawastanin rahina ngembak geni iraga patut sareng –sareng nglaksanayang
silaturahmi ring keluarga utawi semeton. Mangda nyumunin tahun sane baru puniki antuk
ngampurayang keiwangan seneton iraga ring tahun sane sampun lintang.

”Manasa nicayamkriva tato vaca vidhyate, kriyate karmana paccat pradhanam vai
manastatah”

Teges ipun: manah sane nentuang yening rasa ring hati sampun janten, raris timbul sane
madan perbuatan nike mawinan pikirkanlah sane patut dados untengnyane.
 Napi luir sane katur i wawu, prasida kacutetang asapuniki:

1. Tetujon nglaksanayang rahina nyepi punika mangda iraga prasida mulat sarira rikalaning
nyanggra warsa anyar.
2. Sane mangkin ngiring sareng sami mautsaha nglaksanyang tur ngelestariang sane
mawasta Catur Brata Penyepian sane pinaka bukti rase tresnan iraga majeng ring gumi
Bali, mangda setata trepti lan rahayu.

Inggih Ida dane sareng sami wantah asapunika titiang prasida matur, mogi-mogi wenten
pikenohipun. Kirang langkung titiang nunas ampura. Puputin titiang antuk parama santih.

Om Santih Santih Santih Om

Nama : Ni Made Maharani Dwimarthaswari

Kelas : XII MIPA 1

No.Abs: 29