ARIA

Reng ginanap king palabas:

- Liya Sarmiento ginanap kang Pining - Pearl Lagman ginanap kang Delia
- Jay Garcia ginanap kang David - Cindy Lapid ginanap kang Kumander Liwayway
- Samantha Anne Bucu ginanap kang Kapitana - Ryan Ronuillo ginanap kang Maning
- Don Luis - Eler Delos Reyes ginanap kang Stan
- Meding - May Gosioco ginanap kang Conching
- Rita - Cecile Yumul
- Jacqueline Cortez - Eufrocina Peña

Ing mumunang linwal king palabas ay ating maninterview king matwa, kukwentu ne nung
nanu ing milyari anyang panaun ning Hapon at sasabyan na ela man dugu makanikwang pension
para king gewa da anyang panaun ning Hapon. Kayari na nita migbalik ya anyang panaun
anyang bayu la linusub reng Hapon keni. Atin mong magkantang babayi, ing lagyu na i Pining,
angkayi atin atlung mikakaluguran dinatang i David, i Delia ampo i Maning. Kabang magkanta
ya i Pining mebighani ya i David kang Pining uling kagaling na magkanta ampong malagu ya pa.
Kayari na ning palabas linapit la i David ampo Delia king Alkalde da i Don Luis at manyad lang
sawup at kung pwedi ay pakiramdaman nala reng kababayan na. I Delia naman sinabi na na nung
ali da neman binotu ala neman i Don Luis king pusisyun na, kayari da misabi meko nala di
David. Kabang makalukluk la di David king kilwal bigla yang dinatang i Pining atsaka ne igkat
na munta ya king miting da para kareng kalulu ampong bantang akit na ing kalagayan dareng
kababayan da. Kinabukasan minta la king bayan at ikit ng Pining nung nanu ing sitwasyun
dareng kababayan na, kwinentu ng David na anak la reng mag-obra king pagawaan ng mayor at
kung minsan ay mangasipit la pa gamat reng anak ampong atin ng mepututan daliri at ing
metung dapang rereklamo ay ali sapat ing babayad ng Don Luis kareng magobra na at makisabi
la na dagdagan yang bente singko centimos ing sweldu da. Kayari neng pinasyal i Pining
migtuluy-tuluy ne ing karelang pamikalugurang David. Anyang abalu ng Pining na buri dareng
pengari na ampong pengari ng Stan na buri dang malawus kaagad ing karelang kasal migbalak
yang tuki kang atsi na i Meding dahil babalak ya i Meding na magtanan la ning kaluguran na i
Fred dahil tutul ya ing pengari ng Meding kang Fred.

Anyang dinatang ing aldo na mamako nala di Meding, Fred, Pining ampo i David aliya
mituki i Pining kang atsi na uling eya sinulput i David kaya peunan na nala di atsi na at sunud
nalamu kanu patse apantun na ne i David. Linub ya ulit i Pining king kilub pisamban oneng ali
ne apantun pantun i David, kayi atin daratang a lalaki papunta ya king Pari sugatan ya at sinabi
na na dinatang nala reng Hapon, lulusuban danala at inutus na ning Pari na ipatigtig de ing
kampana. Anyang abalu ng Tatang ng Pining na gagahasaan dala reng babayi pedala de pa i
Pining king bundok at mekyabe ya king metung a Huk kung nokarin magkanta la, atin lang
programa para kareng kababayan da banta lang sasaya. Linipas ing aldo mikit la ulit i Pining
ampo i David, masakit ya lub i Pining kang David uling ali ne siputan king pisabyan da. Ing
grupo ng David, pangunahan neng Kumander Liwayway at ing grupo da di Pining pangunahan
neng Luis Taruc, pisabyan da na magsanib-pwersa lang adwa bantang masikan ing pwersa da.
Anyang misan bengi aisipan ng Pining muli karela anyang susuklen neng Indu na ing buwak ng
Pining at ing Ibpa na makalukluk ya alben ne reng adwa kinatuk ya bigla i Conching ing
mutsatsa da at sasabyan na na atin Hapon at pantunan de i Pining ing binaba ing Tatang ng
Pining ali nala apigilan sinalikut ya kaagad i Conching ampo Pining king aparador at i Mama ng
Pining migkunwari ya na manalangin ya, pangabagya abuklat de ing pasbul ning kwartu ng
Pining at ikit demu ing Indu ng Pining dekap dala reng pengari ng Pining at melakwan ya i
Pining ampo i Conching. Aisip da na munta kang atsi ng Pining, migpalakwan ne i Conching
uling i Pining magbalak yang magbalik kareng kayabe ng Huk. Pilang aldo mu daratang ya ing
Bapa ng Conching at pekisabyan ne i Pining na mangaga ya kanu i Conching at ali ya sasabi,
burin emu kanung akasabi i Pining, memalagwa ya i Pining at sinabi ng Conching na reng egana
ganang babayi ginahasa dala kanu reng Hapon mapamatwa o mapa-anak mekatakas ya i
Conching ampo i Meding oneng likwan neng Meding i Conching kayari na nita la ng balita kang
Meding. Aneng kamwa i Pining at migdesisyun ya na lumipat Huk, aline apigilan David, kabang
magsaya la reng kayabe ng Pining nilusub dala at mebaril ya i Pining. Kabang lalakad ne ing
grupo ng David aisip na na balikan i Pining at tinuki ya i Delia ampo i Maning ikit de i Pining
makalukluk ya at reng alwa dang kayabe mete na la ngan. Megising nemu i Pining atsu ne bale at
meyari na ing gyera kanita. Migbalik ne ing kwentu king kasalukuyan, ing matwa pala king
mumunang pepalto da apin ita i Pining at magmula anyang abalu de ing kwentu da mebalik ne
ulit ing Pension da pero i David ali ne mibalik.

Repleksyon:

Dakal salitang kapampangan na apag-aralan ku o balamu apakinggan kune kalupa namu

ning salitang “tagana” ing buri ng sabyan talaga. Ing metung pang salita a apag-aralan kuna itang
salitang “yatu” ing buri ng sabyan mundo. Atin kung dindam a sinabi ng Pining a buri buri ku
anyang mimyalung la king danum mandakap lang bulig kitang ng Delia nung ali ya makamwa
kanyan i Pining ing segut ng Pining “Buren me ali na neman asali ing tula ku”apin ini ali ku
akalingwan uling misan king biye ku atin ku agagawa na tutul la reng pengari ku pero gawan ku
pa rin uling balu ku saya ku karin at balu kun a antindyan daku reng pengari ku.

Ing palabas ayni “ARIA” balakusa ali ke aenjoy uling kapampangan ya pero anyang meyari
ya ing palabas ala kung asabi uling aneng kasanting a kasanting at nung pwede mu apanalbe de
ngan reng tawi ini uling ali ka magsisi at marakal ka apulut aral. Alwa-alwa ing peparamdam na
kaku minayli ku, mimwa ku, kinilig ku melungkut ku, mengaga ku, sobra yang santing soy, solid
ya ing palabas ayni! Pepakit da ing lugud dareng Pilipino kanita king bayan tamu, peglaban de
ing karapatan tamu, ali la pinayag na masakup tamu reng Hapon. Masyado kung menasakit
ketang kwinentu ng Conching ketang milayri karela ali nala melunus reng Hapon. Kaya asabi ku
ngeni maswerte kami uling ing panaun ngeni ikwa taya ing kalayaan tamu king tulung dareng
Pilipino anyang minunang panaun. Reng sinakripisyu dang biye para mu akamtan taya ing
kekatamung kalayaan. Nung atsu lamu reng tawung sinakripisyu ing biye da para king bayan
tamu magpasalamat kung dakal karela uling akamtam taya ping ing kalayaan at ali miya dinanas
reng pasakit dareng manakup king bansa tamu.