Vous êtes sur la page 1sur 355

NAA TOGOƊ BAA.

   
 

1
NAA TOGOƊ BAA
Recueil de cantique en langue Tupuri
4ème Edition

©: Traduction de la Bible en tupuri


Cameroun et Tchad. 
Eglise Fraternelle Lutherienne
Tous droits de reproduction et d’adaption réservés.

EFL-TBT 2011-5000M-NTB

2
 1 (SAF 88)

1. À biŋ Waŋ ma ti tamsirn we,


Yeso Je ma yãã jar no.
Daga jar mo yiŋ jag ne Yeso
De gẽẽge de jiili boŋ.

Le go ɓi kaw ko de coocoo,
Yeso maga biŋ defay mono,
Diŋ wããre ma kluu ne jar,
Baa de see ɓe hã see ɓe go.

2. Ndo Waŋ wuur ma de eegre no,


Ndo a wer wuur yãã wuur go,
Wuur ko mo ti ngeel lag hõ pir,
Wuur a goŋ moge na ni.

3. Wuur da’ see wuur we so Waŋ wuur,


Wuur hay ɓaa de sãy ɓo ti,
Baa hay wãã ga Waŋ wuur a yaŋ,
Wara diŋ ndo so Yeso.

3
2 (Ful. 96)

1. A le see Yeso . . .
Wara so . .
A le see Yeso . .
Wara so.

2. Yeso da ndo . . .
Wara so . .
Yeso da ndo . .
Wara so.

3. Yeso ɗe ndo . . .
Wara so . .
Yeso ɗe ndo . .
Wara so.

4. Ndo mo peŋn wà lay . . .


Wara so . .
Ndo mo peŋn wà lay . .
Wara so.

5. Hã ɓil ɓo ne ne . . .
Wara so . .
Hã ɓil ɓo ne ne . .
Wara so.

4
6. Yeso yãã ndo . . .
Wara so . .
Yeso yãã ndo . .
Wara so.

7. Tos mbo ne lay . . .


Wara so . .
Tos mbo ne lay . .
Wara so.
3

1. A le Yeso Pan bosa’ no,
Had wuur ga wuur togoɗ ndo.
De el ɓon yaŋ debaŋ Yeso,
Buŋ jag wuur go ‘waa siŋ no.
Had wuur ma togoɗ ndo Yeso,
Men wuur ɗiggi ti ɓo boŋ,
Yeso had wuur ma da kããra,
Bag jiili wuur de fruygi.

2. Yeso yaŋ ko jar ɓen wo no,


Yaŋ le tosge ti ɓaara.
Kay le wer wuur tum tum Yeso,
Kol jiili wuur go de el.
Yeso ndo yãã wuur go jag ɓlagge,
Kiidan ɓuy ndo taw we go.
Ndo hu wer debaycõõre wuur,
Werga ndo da wuur debaŋ.

5
3. Dage ɓon yaŋ debaŋ Yeso,
Wara wuur joŋ suse’ mo.
Ndo ko jobo nen faale gà,
Ndo ko jiili wuur ɓili.
Yeso ndo a ma yãã wuur go,
Wersen ndo hu Golgota,
Yeso, yog jiili wuur go de el,
Kol jiili wuur go defay.

4 ( cv 86 )

1. A wee see Je yãã jar ma da nday no,


A wee le á hrag geyam ɓay we go.
Á daga se yãã nday de see ɓe ɓuy,
Á buŋ do ɓe go ne nday.

O! naw woore,
Je yãã jar ma cwãy,
Wur maga wuur ɗaw do ɓo we no,
Ti ngeel iggi ma ni Pããbe Baa,
Wuur lagge ni ma tum.

2. A wee le jar ɓlagge,Yeso ɗe nday ,


Dage ɓen hã de woore ne nday,
Hã wee jiili ɓay go ne hẽne,
Hãn wee go de ɓil boŋ.

6
3. Nawn wo de wur cegaɗ mbara go,
Wose ko ga naa joŋ yaŋ toŋ ɗa la?
Yeso yaŋ mbe yoo naa matala,
Naa mo ɗaw wee do ɓe.

5 (cv 245)

1. Baa ɓi no,ndi ɓiŋ ɓo mbaŋ,


Ɓiŋ ɓo mbaŋe!
Ndi hã ɓil do sen no:
Ɓiŋ ɓo mbaŋe!
Nen wur maga gayri ɓin,
Dug wo we go do pyew no,
Ndo mo ɗaw me ɓiŋ ɓo,
Ɓiŋ ɓo mbaŋe!

2. Ɓiŋ ɓo mbaŋe, Waŋ ɓi,


Ɓiŋ ɓo mbaŋe!
Ɗaw mbo ndi nen ceege ɓin,
See ɓo mbaŋe!
De maga garyi de joŋ,
Joŋre ɓen jag gesiŋ,
Sagsage ɓiŋ ɓo mbaŋe,
Pããbe ɗaw ndi!

7
3. Ɓiŋ ɓo mbaŋ sagsage,
Ɓiŋ ɓo mbaŋe!
Ndo mo joŋ nen kay mege,
Ɗaw hãge ɓil ɓi.
Manhuli mo jãã bo ndi,
Dage ɓon fer ndi le.
Sagsage ɓiŋ ɓo mbaŋe,
Ɓiŋ ɓo mbaŋe!
4. Baa ɓi no, ndi ɓiŋ ɓo mbaŋ!
Go ɓil fuli.
Nen ɓi ko ɓiŋ ɓo mbaŋe,
Faage ciŋ de bulgi.
Je raŋge ndo mo teŋ nen ɓo,
Siŋ ɓon kol siŋ je blum yaŋ.
Baa ɓi no,ndi ɓiŋ ɓo mbaŋ,
Ɓiŋ ɓo mbaŋe!

6 ( ful 9 )
1. Baa ɓo’ Yeso Weel ɓen le ne naa
Ga à mo yãã naa go.
Wersen Yeso hu go wer naa,
Á poɗ ɓlagge naa go.

8
Je yãã jar, je yãã jar,
Je yãã jar, ma tiŋgriŋ bay wà.
Yãã jar go diŋ Yeso boŋ.

2. Je yãã ndi no, ndi see ɓin wer ɓe,


Ndi men ɓlaggen go so.
Yeso kol jiili ɓi we ɓe,
De eegre ma ni ɓe no.

3. Je jãɗ seen ur we ti ɓi no,


Á kãã see ɓi gà so.
Hayga ndi tos Yeso we no,
Á men ndi go gà has.

4. Hayga gaali da’ me we no,


Je yãã ndin go yaŋ mbe.
Yeso de gor ti jar ɓen wo,
Go ti wer sir wo ɓuy.

1. Baa da jar gesiŋ la debaŋ,


Á hã Yeso Kris le ne naa.
Yeso Kris diŋ Weel Baa,
Á yãã naa go de ci ɓe.

9
Je ma yãã jar diŋ Yeso Kris,
Á yãã naa go diŋ de ci ɓe.
Yeso Kris diŋ Weel Baa,
Á yãã naa go diŋ de ci ɓe.

2. Yeso yãã naa go de ci ɓe,


Á yãã naa go do Manhuli.
Naa ɓuy naa mo maŋ blam ɓe,
Yeso Kris diŋ Weel Baa.

3. Ndi wo see Yeso, ndi wo see Yeso,


Ndi wo see Yeso Je ma yãã jar.
Á coo me go diŋ de ci ɓe,
Ndi wo go ciŋ see Yeso.

4. Yeso yãã ndi, Yeso yãã ndi,


Á yãã me go diŋ de ci ɓe.
Ndi wo go ciŋ nen do ɓe,
Werga ci ɓen yog me go.

10
8
1. Baa da jar ma ti tamsirn ɓuy,
Ɓo’ Weel ɓe Yeso Kris le.
Yeso da jar ma ti tamsir,
Á hu go wer ɓaara ɓuy.
Waŋ ɓi Yeso da jare,
Wersen á hu Golgota.
Matala fruygi jag jiili ɓi,
Werga Yeso da me lay.

2. Baa da jar ma ti tamsir ɓuy,


Men Weel ɓen joŋ coo wer naa.
Day jar ma ti tamsir dan wo gà,
Ama saara joŋ wo bon ɓe.

3. Yeso da jar ma ti tamsir ɓuy,


Ɓo’ Nenterse ɓe le ni.
Jiili ma graŋ kol wo de sãy,
Ma yãã wããre mani Baa.

4. Yeso da jar ma ti tamsir ɓuy,


Á ɗe ra le see ɓe ɓuy.
Ma fug ɓil go ne hara ti,
Maga á mo da’ wo pẽẽge.

11
5. Yeso da jar ma ti tamsir ɓuy,
Kiɗ jar maga yeeɗ wo gom,
Maga se coo jiili ɓaara go,
Ma tay ge yoo jar ɓen wo.

6. Yeso da jar ma ti tamsir ɓuy


Á fer yaŋ le ma hoo naa,
Wer ga ngeel yaŋ le see ɓe ciŋ,
Á daga naa mo lag ni.

9
1. Baa da jar ma ti tamsirn ɓuy,
Ɓo’ weel ɓe Yeso Kris le.
Á maŋ kiida debaycõõre naa go,
Á tob see ɓe go wer naa.

Yeso ndo ko de coo wuuri,


Yeso ndo hoo debaycõõre wuur go.
Ndo a hayge jiili wuur,
Maga wuur mo da’ fruygi

2. Baa ɓo’ Nenterse ɓen le age,


Kal ge jiili jar ma ti sir.
Nenterse ɓen coo jiili naa,
Ga wããre ɓen mo kal ni.

12
3. Ndi hã ɓil ne wããre ɓe no,
Wer maga ndi da’ de ele.
Ndi da Yeso mbi debaŋ lay,
Werga á da ndi taŋgu.

4. Yeso ndo mo buŋ nen wuur go,


Maga wuur ko kluu Pan ɓo.
Ndo ndiŋ faage ma wo ge ni Baa,
Wer maga ndo da jar ɓuy.

5. Jiili naa go de debaycõõre,


Ɗiggi naa go dosen no lay.
Baa da naa, se ɗe naa le ɓuy,
Ma kal wããre ɓen jiili naa.

6. Yeso ndo kãã ma coo jiili,


Ndo kãã ma joŋ fẽẽren wo ɓuy.
Jar maga a wo we see ɓo ,
Ndo fug ɓil go ne hara ti.

7. Gesiŋ la wuur de goŋ moge,


Wuur togoɗ mo lay Yeso.
Wo ciŋ wuur tay de jar ɓon wo,
Ma togoɗ moge ma tum.

13
10
1. Baa da jar ma gesiŋ la,
Gesiŋ la . .
Baa da jar ma gesiŋ la,
Á da ra mbe de baŋ.

2. Wer sen se raw hã Yeso,


Hã Yeso . .
Wersen se raw hã Yeso,
Weel ɓen mbe ne boŋ kay.

3. Ndo je maga ndo hã ɓil we,


Ndo hã ɓil we . .
Ndo je maga ndo hã ɓil we,
Ndo hu gà has hase.
4. Ndo je sen so, ndo yaŋ defay,
Ndo yaŋ defay . .
Ndo je sen so ndo yaŋ defay,
Toŋ pa, toŋ pa.
5. Yeso Kris hay a we go,
Hay we go . .
Yeso Kris hay a we go,
Gesiŋ la ɓaa ɓaa.

14
6. Yeso Kris hay hu we go,
Hay hu we go . .
Yeso Kris hay hu we go,
Ma hã tenen ne naa.

7. Yeso Kris kal we go ciŋ,


Kal we go ciŋ . .
Yeso kal we go ciŋ,
Kal we le go ɓi tu.

8. Yeso Kris raw we go ciŋ,


Raw we go ciŋ . .
Yeso Kris raw we go ciŋ,
Ma kne’ ngeel ne naa.
9. Yeso Kris fer yaŋ le pa,
Fer yaŋ le pa . .
Yeso Kris fer yaŋ le pa,
Fer le wer jar ɓen wo.

10. Ndi daga ndi raw ciŋ lay,


Ndi raw ciŋ lay . .
Ndi daga ndi raw ciŋ lay,
Ma hay ge go see ɓe.

11. Ndi daga naa raw wee ɓuy,
Naa raw wee ɓuy . .
Ndi daga naa raw wee ɓuy,
Ma wo ge liŋ ni Baa.

15
11

1. De el fẽẽre ma ti sir raw wo yaŋ,


Yeso Kris riŋ naa ne no. (2

2. Hã ɓil ɓo go ne Waŋ naa Yeso,


Taŋgu maga hulin baa ndo. (2

3. Jar maga huɗ wo ɓaaran nen ɓlagge,


Ngeel iggi ɓaaran la gen la? (2

4. Jar maga huɗ wo ɓaaran nen ɓlagge,


Yaŋ wo wara rage debaŋ. (2

5. Yeso yaŋ ɗe ndo, ndo hẽn ɓi no,


A le hã ɓil ɓo go wara. (2

6. Gor wà hẽn ɓi no, toŋ ndo kon gà,


A le hã ɓil ɓo ne Yeso. (2

7. Naa joŋ suse’ ne Manwur Baa,


Á hã Yeso Kris ne naa. (2

8. Fruygi yaŋ wara wur Nowel,


Werga Je yãã jar go ndu we. (2

16
12

1. Baa joŋ gesiŋ la,


Baa joŋ ciŋ ni lay, (2
De fẽẽre ma ɓil ɓaaran ɓuy.

Jããge ma patala de ma taŋgu no,


Jããgen ɓuy, gega’ gega’. (2

2. Yeso nduu ma maŋ


Kiidan go ne naa ti, (2
Á daga, naa da’ se naa.

3. Je kaŋ halge no
Cir halge ɓe no, (2
Raw wiigi ga á wãã gano.

4. Jar ma ɓiŋ ɓen ɓuy


Kaŋ wo ɗiggi ti ɓe, (2
Wãã wo gano: Wããre ɓen cwãy.

5. Je halgen jãã ndi


Raw yãã kag do ɓi, (2
Day blam ɓe, fer fegge ti ɓi .

17
6. Pan ɓi, man ɓi lay
Yaŋ wo hã patala, (2
Nen jãɗge jar halge wo ɗa.

7. Do sen Yeso a, á ko decoo naa


Á wãã ga: (2
A wee le see ɓi

8. Yeso yog ɓil ɓi


Koln go depuy paɗpaɗ, (2
Á yogn go, diŋ de ci ɓe .

9. Wurpo Yeso fer


Yaŋ le ma hoo naa, (2
Naa jar ma ni ɓen wo ɓuy .

10. Hadge ma Yeso
Maga á had ɓaɓa, (2
Hã wara, hadge sen yaŋ .

11. Jar debaŋ joo wo yii


Dag wo jõõ ni lay, (2
Joŋ wo diŋ fruygi debaŋ .

18
12. Fruygi ma patala
Bay de cooge wà, (2
Te fruygi ma nen Nowe.

13. Wuur age Yeso


Go matala mbaŋ, (2
Jar debaŋ tob Yeso go.

14. Baa maga hu gà,


Á de el debaŋ, (2
Á wãã ga: A wee le see ɓi.

15. Hẽn ɓi ma twar,


Hẽn ɓi ma twãy, (2
Naa lag la, ma gor Yeso .

16. Yeso le’ gesiŋ


Pel Manwur Pããɓe, (2
Ma tosge, go ti naa ɓuy.

19
13
1. Baa ɗe jar de see ɓe ti joŋre ɓe no,
Ma sii wããre sagsage.
Wããre ma yãã jar.
Wããre sen de mbere nen debaŋ debaŋ,
À jo’ we ne jobo ɓil, se le’ mbere debaŋ.
Wara yaŋ diŋ wur ma jo’ wããre.
Jar maga yããn wo, da’ wo see ɓaara.
Wur go de kosge, Yeso fer yaŋ le.
Á hã poɗge naa wo yaŋ ne naa wur seno.
2. Kaŋ nen waŋre wo ni,
Kaŋ nen weere wo ni lay.
Wãã ne werpiiri wo de naare wo ɓuy lay.
Jo’ de jag toŋ tum lay, jo’ de wur ɗeger lay,
Jo’ debaŋ wur de le’ge gesiŋ, mapo de suŋ.

3. Hay ga naa jo’ wããre ɓen mbe we debaŋ no,


Jar maga tob wo wããren tob wo go diŋ Baa.
Ama naa kãã ma jo’ wããre seno,
Hã Yeso fer yaŋ le, naa raw yaŋ ciŋ wer ɓe.

4. Patala fruygi debaŋ a yaŋ ɓil naa,


Hayga naa mber we go naa le’ mbeere yaŋ.
Werga Yeso a wee coore ɓen ti wur ɓe no,
Cwãy fruygi gwa’ mbe yaŋ sagsage wur seno.

20
14
1. Baa naa nen cwãy dage ɓe no,
Dage ɓe no . .
Baa naa nen cwãy dage ɓe no,
Go ne jar wo ɓuy . . . (2

2. Weel mani ɓen hay a we go,


Hay a we go . .
Weel mani ɓen hay a we go,
Ma yãã jar wo ra . . . (2

3. Ɗu ɓe ga Yeso Je ma yãã jar,


Je ma yãã jar . .
Ɗu ɓe ga Yeso Je ma yãã jar,
Werga á yãã jobo . . . (2

4. Se tawa kãã ma yãã jobo,


Ma yãã jobo . .
Se tawa kãã ma yãã jobo,
Yããn go jag ɓlagge . . . (2

5. Daga ndo mo kaŋ ɗiggi ti,


Kaŋ ɗiggi ti. .
Daga ndo mo kaŋ ɗiggi ti,
Je yãã jar ma cwãy . . . (2

21
6. Daga ndo mo hã ɓil ne ne,
Hã ɓil ne ne . .
Dag ndo mo hã ɓil ne ne,
Hãn ne hẽn wara . . . (2

7. Yeso Kris diŋ Je ma yãã ndi,


Je ma yãã ndi . .
Yeso Kris diŋ je ma yãã ndi,
Diŋ Pããbe ɓi lay . . . (2

8. Wurpo boŋ Yeso fer yaŋ le,


Á fer yaŋ le . .
Wurpo boŋ Yeso fer yaŋ le,
Fer le ma maŋ ndi . . . (2

9. Ɓil ɓi daga ndi ko nen ɓe,


Ndi ko nen ɓe . .
Ɓil ɓi daga ndi ko nen ɓe,
Ndi gor nen naw tum . . . (2

10. Ndi da woge ti ngeel ma de el,


Ti ngeel ma de el . .
Ndi da woge ti ngeel ma de el,
Maga á ‘ũy mo no . . . (2

22
11. Wer sen ndi da ɗawge ɓe ngiŋ,
Ɗawge ɓe ngiŋ . .
Wersen ndi ɗawge ɓe ngiŋ,
Ndi da tosge lay . . . (2

12. Laa wee Yeso wãã ga: a wee le,


Wãã ga: a wee le ..
Laa wee Yeso wãã ga: a wee le,
A wee le wer ɓi . . . (2

13. Ndi kol nday yaŋ jar ma kiɗgi,


Jar ma kiɗgi . .
Ndi kol nday yaŋ jar ma kiɗgi,
Jar ma kiɗ jare . . . (2

14. Jar maga yãã wo jag ɓe gà,


Yãã jag ɓe gà . .
Jar maga yãã wo jag ɓe gà,
Sen wo wo nen wuu . . . (2

15. Ndi joŋ suse’ ne ne debaŋ,


Ne hẽn debaŋ . .
Ndi joŋ suse’ ne ne debaŋ,
Werga á yãã ndi go. . . (2

23
15
1. Baa wuur, Weel ma ni ɓo no,
Á da jar ma gesiŋ la.
Á a gesiŋ ma hugi,
Ma yãã jar debaycõõre.
Á a ɓaɓa ma pẽẽ ndi,
Suse’ ne Yeso debaŋ.
2. De el maga ndi joŋ mo ɓuy,
Sagsage kãã mbe gà hase.
Ma a ge de ɓi see ɓo,
Ro ɓin mbe do sen nono,
De mberbe ma nen ɓi ɓuy,
Sen ɓuy kãã ma yãã ndi gà.
3. Do sen so ndi a see ɓo,
Ndi a see ɓo do koɗe
Ndi le’ mondra pel ɓo,
Ti ɓlagge ma ɓil ɓin.
Ndo mbo boŋ kãã ma pẽẽ ndi,
Ndo hã tenen ne ndi so .
4. Je yãã jar Yeso hu go,
Á hu ɓaale boŋ ma tum.
Wersen so bii wo de ci
Maga kaa wo le go yoo ɓe mono,
Hoo ɓlagge ma ti ɓin go,
Kãã wo ma yãã ndi go lay.
24
16

1. Baa riŋ ɓil kefder ɓen gano


Se da jar ma gesiŋ la ɓuy.
Se ɓo’ Yeso le ne naa gesiŋ la,
Á hu ma yãã naa . . . (2

2. Baa riŋ ɓil kefder ɓen gano:


Jar ma joŋ debaycõõren wo
Men wee debaycõõre ɓayn go
Yeso yãã wee yaŋ go . . . (2

3. Baa riŋ ɓil kefder ɓen gano,


Jar sen mo laa wo wããre se
Se hoo ra yaŋ ge ɓuy
Se raw go de ɓaara see se . . . (2

4. Baa riŋ ɓil kefder ɓen gano


Yeso yaŋ le homge wer naa
Yeso fer le caa kiida ti
Jar ma joŋ ɓlaggen wo . . . (2

5. Baa riŋ ɓil kefder ɓen gano,


Jar ɓen lag wo yaŋ ge see se
Á lag wo yaŋ ge liŋ ni Baa
Fen joŋ rage bay wà . . . (2

25
17

1. Baa yog jar de mayse la?


Ci mani Yeso mbe boŋ.
Baa coo jar de mayse la?
Ci mani Yeso mbe boŋ.

Bii wo de ci ɓe no,
Yog wo jar go, yãã wo jar go
Do fẽẽre Manhuli,
Ci mani Yeso mbe boŋ.

2. Mayse kãã ma yog jar la?


Ci mani Yeso mbe boŋ.
Mayse yãã jar go ɓuy la?
Ci mani Yeso mbe boŋ.

3. Mayse nii Manhulin la?


Ci mani Yeso mbe boŋ.
Mayse kal eegre ɓen la?
Ci mani Yeso mbe boŋ.

4. Mayse hã tenen ne jar la?


Ci mani Yeso mbe boŋ.
Mayse hã eegre ɓuy la?
Ci mani Yeso mbe boŋ.

26
18

1. Ɓaa mono waŋ po boŋ a see Yeso,


Á a de suŋ jobo boŋ kon gà.
Á a wii Yeso ti wããre ma ciŋ,
Yeso riŋ ne gano:

Jobo kãã ko ngeel ma ciŋ gà ,


Jobo kãã ko ngeel ma ciŋ gà,
Jobo ɓiŋ ti Nenterse ma Baa gà mono,
Á kãã ma ko ngeel ma ciŋ gà.

2. Cwãy wããre maga se wãã ne waŋ mono,


Á sii wããren go ɓuy ɓil kefder ɓe no.
Ɓil ɓo da we ga ndo wo go ciŋ mono,
Kiɗ faage ma defay.

3. Kiɗ Nenterse ma ni Baa ma biŋ moge,


Ti faage sen boŋ ndo wo yaŋ mbo go ciŋ,
Hã ɓil ɓo ne Yeso, Nenterse ma de el,
Fer yaŋ biŋ moge kidolgi.

4. Jobo biŋ ti hõõgesee hu ane,


Jobo biŋ ti Nenterse ma Baa hu gà,
Hã ɓil ɓo ne Yeso ma biŋ ndo defay,
Á kol ndo yaŋ go tenen.

27
19

1. Ɓes hoole ma kildoln diŋ ndo Yeso.


Do ga ndo hay ɓes le ne jar ɓon wo.
Wer wããre ɓo no ndi kiɗ ndo we.
Nenterse ɓi da ga ndi mo tay de ɓo.

2. Ndi yaŋ jo fen ma ɓi wee han ɓo no.


Maga ndi mo ɗig ti ti huli ɓo no.
Hoo debaycõõre ma ɓil ɓin go so.
Fer hã eegre ɓon ne ndi wara lay.

3. Had ndi ma joŋ hẽẽne wer ɓo boŋe.


Ndo mo liŋ ndi do jar ɓon wo no lay.
Wur maga tenen ɓi taw we go no.
Yeso hã tenen maga taw gà ne ndi.

20 (Ful. 22 )

1. Ɓil ɓo cee mo ti ɓlagge ɓon yaw la?


Je yãã ndo yaŋ, je kay ndo yaŋ.
Weel Je tabay a we ma coo naa go,
A hu go diŋ wer ɓlagge naa .

Eegre yaŋ, yaŋ kãã ma yog ɓlagge


Yog ɓlagge, ma ɓil naa,
Eegre yaŋ, yaŋ kãã ma yog ɓlagge .
Ci Yeso coo naa go ɓuy.
28
2. Wose daga se men hũn ɓen go la?
De ɓlagge ɓen ɓuy, yaŋ ceege ɓe la?
Wose daga se tay de Yeso la?
A le tayge de ɓe wara.

3. Koŋne fẽẽre yaŋ jiili ɓo tum no,


Se ɓo’ mo go nen ɓlagge.
Naa mo laa kõyõgre pel Je yãã jar no,
Á diŋ Waŋ jar ma de hã ɓiln wo.

4. Je yãã naa da ga naa mo joŋ joŋre,


Á ɓo’ ndo ga ndo mo see kiɗ jare.
Wii ra ga á mo a wo le wer ɓe,
Á da ga se yãã ra go ɓuy.

21

1. Ɓil jar ɓuy yaŋ wo de debaycõõre no,


Kefder Baa wãã do sen no no.
Ga jar ɓuy yaŋ wo ti faage ma huli,
Kefder Baa wãã do sen nono.

Ci mani Yeso Krist . .


Kãã mbe we ma yog ɓil ɓi go.
Ci ma mopo boŋ kãã ma yog ndi gà so,
Diŋ ci mani Yeso mbe boŋ.

29
2. Baa ɓo’ Weel ɓen le ti ngeel ma gesiŋ la,
Kefder Baa wãã do sen nono.
Á hu ti koo ma ɓalge ma yãã jar,
Kefder Baa wãã do sen no no.

3. Hayga jobo hã ɓil ɓe ne Yeso Kris,


Hayga á men faage hulin go.
Ci mani Yeso yog ɓil ɓe yaŋ mbe go,
Kefder Baa wãã do sen no no.

4. Baa hã eegre ɓen ne naa ma seele wer ɓe,


Ma maŋ jag jãɗge Manhulin go.
Baa kaŋ nen naa ti faage ɓen sagsage,
Kefder Baa wãã do sen no no.

22 (Ful 119)

1. Ci Yeso kaa we go,


Wer ɓlagge ma jar ɓuy.
Wer ɓlagge ɓi no,
Wer ɓlagge ɓo no.

2. Wara ndo tos Baa we,


Se fug ɓil go mo ti.
Werga ndo ɗe ne,
Yeso Je yãã jar.

30
3. Je rẽw nen ɓe caa go.
Je mbululum raw wãã ree.
Ceege men jar go,
Wer hãge ɓil ɓaara.

4. Jar ma de hulin laa wo go ciŋ.


Leege de maarog lag wo eŋ.
Eegre mani Yeso,
Men naa go gà has.

5. Wara Yeso ɗe nday


Jar gayrin mo a wo.
Ngeel ma iggi yaŋ
Do Je yãã jar no.

6. Á wee le naa see wee


de eegre ma Baa no.
Jwale kaŋ wee we,
See wee le see Yeso.

7. Yeso Kris hã tenen,


Maga taw gà mo no .
Wããre ɓen mo no,
Diŋ reege ma bil ɓay.

31
23

1. Cwãy wããre ma de el á a we go,


Maga jar dabaycõõre mo hã wo ɓil ɓaara.
Naa hã debaycõõre naa go ɓuy ne Yeso Kris,
Yeso hu go ɓaɓa, a le see Yeso.

2. Wara ndo hã ɓil we, ndo diŋ je ɓe,


Ndo mo gor wa so, á da yãã ndo.
Men faage hulin go, tenen yaŋ go ni Yeso,
Á da mo debaŋ, a le see Yeso.

3. Hay ga ndo yaŋ mbo diŋ je mani Baa ,


Laa mbo wããre Yeso, tos mbo ne lay.
Manhuli jãã ndo we, ndo mo ɗe le see Yeso,
Eegre ɓen yaŋ debaŋ, a le see Yeso.

4. Ɓil ɓo hay cee mo we, se kon we go,


Fen po hay joŋ mo we, wãã ne go ɓuy.
Hẽn ɓo hu we go no, ni ndo mo wo see Yeso,
Á coɓ jiili ɓo yaŋ, a le see Yeso.

5. Hayga joŋre ɓo no, taw we go no,


Ndo raw hayge see ɓe sagsage.
Ndo men tamsir we go, ma rawge go see Yeso,
Fẽẽre ma ciŋ de el, a le see Yeso.

32
24
1. De maga Moyis raw de jar ma Israyel wo,
Maarog ma kluu pel ɓaara ti faage seno,
Baa caa nen bii go ga, jar ɓen mo laa wo go,
Day Faraw de jar ɓen bas wo go ɓuy.
Wara do ma taŋgu nono . .
Baa ma da Moyis do ma taŋgu nono (2
2. Daniyel maŋ ɓen diŋ wer Baa, Baa men go gà ,
À ɓo’ne yoo miŋgir, miŋgir dan wo gà.
Baa ɓug jag miŋgirn wo go, miŋgirn joŋ wo gà,
Baa ma da Daniyel yaŋ bay cooge patala.
Wara do ma taŋgu nono . .
Baa ma da Daniyel do ma taŋgu nono (2
3. De maga Dafid klee, dur wo de Golyad,
Golyad de eegre debaŋ, fẽẽre durgi debaŋ.
Ane Dafid a see Golyad de ɗu Baa,
Baa kay wer Dafid see ĩĩ Golyad go.
Wara do ma taŋgu nono . .
Baa ma da Dafid do ma taŋgu nono (2
4. Baa ɓo’ Jonas wo ninif, Jonas laa day ge gà,
Baa ɓo’ cẽẽ le ga cẽẽ mo lig ne go.
Jonas ɓoɗ jag ɓil cẽẽn ti’, cẽẽ raw dug Jonas go,
Baa ma da Jonas, á de eegre debaŋ.
Wara do ma taŋgu nono . .
Baa ma da Jonas do ma taŋgu nono (2
33
25

1. Fẽẽre ma ti tamsir lam no,


Á raw wo yaŋ . .
Fẽẽre ma ti tamsir lam no
Á raw wo yaŋ de de el ɓaaran ɓuy.

2. Fẽẽre mani Baa gwa’ wo yaŋ,


Á gwa’ wo yaŋ . .
Fẽẽre mani Baa gwa’ wo yaŋ mbe sagsage.

3. Yeso Kris coo naa we go,


Coo naa we go . .
Yeso Kris coo naa we go de ci ɓe no.

4. Jobo bay ma yãã moge,


Ma yãã moge . .
Jobo bay ma yãã moge boŋ wà hase.

5. De ele a yaŋ ti jar,


A yaŋ ti jar . .
De ele a yaŋ le ti jar ma Yeso no.

6. Huli yaŋ le age ti jar,


Age ti jar. .
Huli yaŋ le age ti jar ma peŋ Yeso no.

34
7. Kiida yaŋ le age ti jar,
Age ti jaa . .
Kiida yaŋ le age ti jar ma bay hã ɓiln wo.

8. Ro yaŋ le age ti jar,


Age ti jar . .
Ro yaŋ le age ti jar ma wo ge nen wuu.

9. Nen wuu no, bay de el wà,


Bay de el wà . .
Nen wuu no, bay de el wà, á roɗ jar go.

10. Wur sen no ndo joŋ ge mayla ?


Ndo joŋ ge mayla..?
Wur sen no ndo joŋ ge mayla?
Ndo wo go nen wuu.

11. Hẽẽre ɓi no naa hã wee ɓil naa,


Naa hã wee ɓil naa . .
Hẽẽre ɓi no naa hã ɓil naa go ne Yeso.

12. Naa ra wee ɓuy de ɗu Yeso,


De ɗu Yeso . .
Naa ra wee ɓuy de ɗu Yeso,
Á yãã naa yaŋ go.

35
26

1. Fẽẽren la ɓuy Baa hãn ne naa,


Naa kãã ma da’ mo po gà.
De ɗu Yeso naa da’ ne mbe,
Do sen naa hãn de el.

2. Naa mo yoŋ go see fẽẽren wà,


Naa hãn de jiili naa.
Ananiyas wo de wãy ɓe,
Hãn wo diŋ de jãɗge.

3. Ndo da joŋre ma Judas yaw?


Ma Ananiyas ge?
Á kiɗ wo woge Paradis,
Á men wo faagen go.

4. Joŋ jonre Baa de ɓil boŋe,


Kiɗ fẽẽre ma ti sir wà.
Judas kiɗ fẽẽre ma ti sir no,
Á bas go de ɓe ɓuy.

5. Á yãã solay ti Yeso Kris,


Ɗig Nenterse ɓe gà.
Bas Nenterse ɓe go wer solay,
Raw hag see ɓe go ciŋ.

36
6. Joŋ joŋre Baa ti solay wà,
Naa gor do poɗge wà,
Fẽẽre maga naa hã ra ne Baa,
Fẽẽren yaŋ wo gor naa.

7. Naa ti faage ma woge Paradis,


Jerusalem ma defay.
Ti kluu mani Yeso ciŋ,
Fruygin taw go gà so.

27
1. Baa fruy ti ɓi, day se ɗe me,
Matala ɓil ɓi de ele.
Ɓil ɓi daga ndi riŋ jar ɓuy,
Ga Yeso coo ra we go ɓuy.

Cwãy fruygi, cwãy fruygi no,


Á joŋ fruygi me ɓil debaŋ.
Hayga ndi da, ndi hã ɓil ɓi we,
Á hoo ɓlagge ɓin yaŋ go ɓuy.
Cwãy fruygi, cwãy fruygi no,
Á joŋ fruygi me ɓil debaŋ.

2. Yeso Kris poɗ mbe we go ɓuy,


Ci ɓen coo jar mbe we go ɓuy.
Á wãã ga naa mo maŋ blam se,
Se fruy ɓil naa ge yaŋ ne naa.
37
3. Jar ɓen maŋ wo huli ɓe no,
Raw wo ɓo’ge ɓe ɓi tu huli.
Day eegre ɓen kal huli no,
Matala fẽẽren ɓuy go de el.

4. Fruygi ɓe no á hãn go me,


Matala ndi de da’ pẽẽge.
Wur maga Yeso fer le mono,
Ndi raw yaŋ wo go liŋ ni Baa.

28

1. Yeso ɗaw ndi go do ɓo, ndi tos mo we,


Wer ga ndi boŋ joŋ hẽẽne ,ndi kãã gà lay,
Ndi do ɓo, ndi ko we ga ndi woo yaŋ mbi.
Mo po bay maga ndi dan wà, ndo kãã ndi we.

2. Ndo ɓo’ Nenterse ɓo le, wer dage ɓo.


Ndi see we wer cwãy ɓo no, ndi ma’ ɓaale gà.
Ndo yog ɓil ɓi we go de cwãy ɓo no.
Ndi men wããre gete’ ma Manhuuli no.

3. De cegge mbe de suŋ lay, ndi yaŋ de ɓo.


Ndi do weesam ɓo ne no, ndo je koɗ ndi.
Ndi yaŋ mbi ɓil coo do ɓo,ndi yee go gà.
Ndo men se ɓo we le go wer sããren wo.

38
4. Ndi ko faagen de gaali wer Manhuuli,
Á kiɗ ga se bas jar go, à id huli,
De eegre ɓo no Yeso, ndi woo yaŋ mbi.
Ndi wo we jag huli no, ndo yãã ndi go.

29

1. Gesiŋ la ndi diŋ je ma waare kidolgi,


Ngeel ma hayle gesiŋ la bay ti ngeel sen la wà.
Ama ane Yeso yaŋ le go ‘ũy ngeel ciŋ,
Werga sir la, cõõre ɓe ma tigriŋ bay wà.

Waŋ ɓi Yeso ndi de gorge diŋ do tawa,


Ndi gor mo nen naw tum, a le ig wà hase.
Cwãy fruygi ma debaŋ yaŋ wur maga ndo a,
Werga sir la, cõõre ɓe ma tigriŋ bay wà.

2. Ndi ko ga sir la taw yaŋ ge mbe go wurpo,


Ane Yeso fer yaŋ le wer jar ɓen wur sen.
Cwãy fen maga nen kon gà gwa’ mbe yaŋ tawa,
Werga sir la, cõõre ɓe ma tigriŋ bay wà.

3. Horoge ma ɓin wo ɓuy yaŋ wo le go ciŋ,


Fẽẽre ɓi ma kluurin bay gesiŋ la wà has.
Ama ane dage ma ciŋ ɓuy yaŋ gor ndi,
Werga sir la, cõõre ɓe ma tigriŋ bay wà

39
De daŋ fẽẽren wo ɓuy ndi ko ge Yeso yaŋ,
Á da ndi mbe debaŋ, ama ndi da ne lay.
A le gus Waŋ ɓi Yeso, ndo a diŋ wer ɓi,
Werga sir la, cõõre ɓe ma tigriŋ bay wà
30
1. Go ti ngeel ma ti tamsir,
De sir ma faale bii,
Go yoo fi de ngeel ma hã,
Ti ngeel ma ɓil ful lay,
Go ti huuli,ɓil pyew wo,
Caa pyew, kaali de pore,
Á ɗe naa ma riŋ rage,
De wããre Yeso Kris.
2. Ko wee jar debaŋ ti sir la,
See wo ne hãy hãy no.
Nen ɓlagge ma Manhuli,
Á wo wo diŋ nen wuu.
Matala naa weere Baa,
De jar mani Yeso no,
Naa sii wããren go ti ngeel ɓuy,
Wããre mani Yeso no.
3. Ndo diŋ Weel Baa ma pẽẽ jar,
Diŋ poɗag ma ti jar ɓuy,
Je pẽẽ jar mani Baa no.
De ci ɓo maga kaa go,
40
Á togoɗ mo gesiŋ la,
Hã wo go ciŋ ni pa.
À hoo go ciŋ de Haleluya,
Wer ɓo Waŋ ɓi Yeso.

31 (CV 191)

1. Hã wur huli wuur,


Wuur see yaŋ tum wer ɓo,
Hã wur huli ndo yaŋ tum Waŋ wuuri.
Wer kitwal ɓon Yeso ndo de ɗe wuuri
Wuur hu wer ɓo, wuur dur jaw de hãge ɓil.

Hã wur huli mono, diŋ war jaw wuur no,


War jar maga Yeso coo ra mono.
Hã wur huli, wuur ɗaw koo kitwal wuuri,
koo ma ni ɓon, Kris maga kal go ciŋ.

2. Wer ɓo mono, Yeso wuur see de fruygi,


Faagen ko wo go desãy see ɓo ɓuy.
Jobo tob ndo yaŋ go hã wur huli yaw la?
Ndo Weel Baa maga ndo hu wer wuuri.

3. Hã wur huli de jel ti wer eegre ɓo no,


Wuur da hugi wer jag liŋgi ɓon wo.
Ndo joŋ bon wer wuur, ndo men wuur go gà hase,
Hã jag huli ti koo ma ɓalge no.

41
4. Ama Waŋ wuur, ndo ko de hugli wuur we,
Cwãy wuur leɗ yaŋ ti faage bay faare.
Hayga ndo a ma taw wããre ɓon go gà no,
Hã wur huli ndo de ɗaw do wuur tum.
5. Nenterse ɓon mo ko wuur, mo kay wuur lay,
Poɗag ɓen mo baa jag jiili wuur go.
Nen maga wuur mo kol jar ma de el wer ɓo,
Ga wuur mo kol go blum hulin lay ɓuy.
32
1. Hã wur maga ndo a Waŋ wuur,
Hã wur maga ndo a.
Wuur ree hole ma ta’ no,Hã wur maga ndo a.
Jiili wuur ɗig wo ti huli ɓo no,
Gayri ɓo ti koo ma ɓalge no.
Hã wur maga ndo a Waŋ wuur,
Hã wur maga ndo a.

2. Hã wur maga ndo a Waŋ wuur,


Hã wur maga ndo a,
Wuur joo ɓil kob ma ta’ no,
Hã wur maga ndo a.
Ndo de see ɓo yaŋ ti holaŋ wuur la,
De maga wuur jag reege ɓon mono.
Hã wur maga ndo a Waŋ wuur,
Hã wur maga ndo a
42
3. Hã wur maga ndo a Waŋ wuur,
Hã wur maga ndo a.
Je woo ɓil jar hay de wuur la,
Hã wur maga ndo a.
Ndo de see ɓo yaŋ ti holaŋ wuur la,
De maga wuur jag reege ɓon mo no.
Hã wur maga ndo a Waŋ wuur,
Hã wur maga ndo a.
4. Wur maga ndo fer le mono Waŋ wuur,
Wur maga ndo fer le,
Wuur togoɗ ndo yaŋ debaŋ,
Wur maga ndo fer le mono,
Wuur joŋ fruygi yaŋ debaŋ,
Wuur ko mo yaŋ de nen wuur,
Wur maga ndo fer le mono Waŋ wuur,
Wur maga ndo fer le.
33
1. Hayga ndo joŋ de el gà mono,
Wããn go ne Yeso . .
Hayga jag jiili ɓo bay de el wà no,
Wããn go ne Yeso wara.
Wããn go ne Yeso . .
Á ko jiili jar go ɓuy.
Á daŋ hẽẽre ɓon wo,
43
De bar ɓon wo ɓuy,
Wããn go ne Yeso wara.

2. Hayga hẽẽne le’ joŋ moge we no,


Wããn go ne Yeso . .
Hayga coocoo le’ joŋ moge we no,
Wããn go ne Yeso wara.

3. Hayga gaali da’ mo we ti faage no,


Wããn go ne Yeso . .
Hayga ndo da’ eegre ɓen we no,
Joŋ suse’ ne Yeso wara.
34 (CV 214)
1. Hay mbo de wuur, Waŋ wur go de coŋ ge,
Nen suŋgu no hẽẽne joŋ wuur debaŋ.
Wuur daga ndo mo hay see wuur mbaŋe,
Hay mbo de wuur Waŋ wuur, hay mbo de wuur.
2. Jiili wuur hee wo jag mo do Waŋ ɓaara,
Ndo kol do war Nenterse wuur nono.
Nen poɗag ɓon se do ga se biŋ defay,
Hay mbo de wuur Waŋ wuur, hay mbo de wuur.
3. Nen durgi wuur, do ɓo men wuur we go no,
Manhuli jwa’ mbe ti wuur gesiŋ ɓuy.
Eegre ɓon mo kay de hulgi wuur no,
Hay mbo de wuur Waŋ wuur, hay mbo de wuur.
44
4. Ɓiŋ ɓo mbaŋe, fruygi de el debaŋ,
Ɓiŋ ɗiggi ɓo, ro wo desãy lay ɓuy.
Ndo joŋ wuur de ɓlagge, de el laybla’,
Hay mbo de wuur Waŋ wuur, hay mbo de
wuur.

35

1. Lag wee ti jeŋ ɓaale Yeso,


Ndi yaŋ laa wããren de el.
Ngeel ma de el yaŋ see Yeso,
Diŋ ngeel hay le ma de el.
Lag wee ti jeŋ ɓaale Yeso,
Ndi yaŋ ɗiggi ti ɓe,
Ɓil ɓe yaŋ da mege debaŋ,
Ndi daga ndi tay de ɓe.

2. Lag wee ti jeŋ ɓaale Yeso,


Ndi hã ɓil ɓi go ne ne.
Hũn no, debaycõõren wo ɓuy,
Ndi hã ra go ne Yeso.
Lag wee ti jeŋ ɓaale Yeso,
Ndi yaŋ mbi tosge ɓe.
Á laa tosge ɓin de ele,
Toŋ pa, toŋ pa, ndi wii ne.

45
3. Je ma yãã jar ɓo’ bosa’ me ti,
Ndi de hayle ɓaale ɓo.
Ndo mo koɗ mbo ndi de ele,
La mbo tosge ma ɓin lay.
Hã desãy ɓon ne ndi Yeso,
Kol jiili ɓi go de el.
Ga ndi kaŋ nen jar ti faage ɓo,
Ndi mo had ra de el lay.

36

1. Haleluya, Yeso kal go ciŋ, - Haleluya!


Á daŋ huli, daŋ Manhuli. - Haleluya!
Matala á hom ti ngeel ɓe . - Haleluya!
Naa ‘waa siŋ de jel ti pel Baa. - Haleluya!

2. Yeso le de hayle see Baa. - Haleluya!


Ale de wii Baa diŋ wer naa - Haleluya!
Á fer yaŋ le hoo naa wer ɓe - Haleluya!
Naa wo lagge see ɓe sagsage - Haleluya!

3.Waŋ naa Yeso yaŋ ti yoo naa - Haleluya!


Á diŋ Waŋ ma waŋren wo ɓuy - Haleluya!
Eegren de kluu ɓuy do ɓe - Haleluya!
Á yãã sir ɓen we go ma tum - Haleluya!

46
37

1. Hẽn ɓi ndo mo laa wããren wara so . . .


Kidolgi de ɓil ɓo.

Yeso yaŋ le fer ge wer ɓi,


Wer jar mani Baa wo ɓuy.
Wurpo naa lag ge yaŋ jag de fege,
Ti sir ma de el seno.

2. Baage põõ bay le ɓi sir sen ni wà . . .


Kidolgi fruygi tawa.

3. Mberbe bay le ɓi sir sen ni wà . . .


Kidolgi mberbe taw we go.

4. Huli bay le ɓi sir sen ni wà . . .


Kidolgi á taw we go.

5. Fruygi debaŋ yaŋ le ɓi sir sen ni . . .


Kidolgi fruygi tawa.

6. À yãã waare ɓo yaŋ le ni de ele . . .


Kidolgi le ti sir sen no.

47
38
1. Jar joŋre ma ni Manhulin,
Á hu wo ɓaale ɓoge.
Manhulin kiɗ ga se bas ndo go ,
Hã ɓil ɓo go ne Yeso.

Naa men sirn go, see wer Yeso,


Hã ɓil ne Je yãã naa no.
Joŋ suuse’ ne Yeso Kris,
Á maŋ kiida naa ti ɓe
2. Ɓaɓa ndo mbo wer Manhuli,
Sir la ngwa’ me’, bas ndo go.
Pũy go deparday, men Manhulin go,
A le se Yeso, à yãã ndo.

3. De toŋ ɓuy mono nday tos Manhuli,


Rece’ ɓen mbe soole ɓay.
Manhuli no diŋ je hee ɓay,
Nday mo hom le pel Yeso.

4. Yeso Kris, diŋ Weel Baa,


Á yãã naa go de ci ɓe.
Naa mo hom le pel Yeso,
Naa mo hom le ɓuy pel ɓe.

48
5. Ɗee wee le go see Yeso,
Á yãã nday yaŋ mbe go lay.
Men wee faage Manhulin go,
Ma woge go ciŋ see Baa.

6. Hay ba wose daŋ gà hase,


Say ndo yãã wããre Yeso.
Á ko decoo ɓo diŋ se mbe,
Naa mo joŋ suse’ hẽne.

39 (Ful. 91)

1. Jar mani Baa, togoɗ wee Yeso,


Je ma yãã jar ɓuy no.
Weel Baa maŋ põõre ɓlagge naa ti ɓe,
Hu wer de baycõõre naa.

Naa ‘waa siŋ, naa ‘waa siŋ,


Ga Yeso coo naa we.
Naa ‘waa siŋ, naa ‘waa siŋ,
Ga Yeso yãã naa we.

2. A wee le laa wããre ma cwãy,


Wããre Je yãã naa no.
Mopo bay ma yãã naa wà so,
Say ci Yeso mbe boŋ.

49
3. Hay ba ro de mberbe nene,
De tosge ɓon wo yaw,
Kãã ma yog ɓlagge ɓon go gà,
Say ci Yeso mbe boŋ.

4. Bosa’ mani Baa naa mono,


Se hãn go de koɗe.
Joŋre ɓo ma de eln kãã gà,
Say ɓil de el Baa boŋ

5. A le ɓo’ põõre ɓlagge ɓon


Peel Yeso deparday.
Maŋ mbo faage mani ɓe no,
Ndo wo go ciŋ see Baa.
40
1. O! Nenterse mani Baa,
Hay mbo jiili ɓi,
O! Nenterse mani Baa.

2. Yog mbo ɓil ɓi go,


Ɓil ɓi ma de ɗag no,
Yog mbo ɓil ɓi go.

3. Na mbo hẽẽnen go,


Hẽẽne maga joŋ ndi,
Na mbo hẽẽnen go.
50
4. Kaŋ nen ɓi ti Yeso,
Weel mani Baa no,
Kaŋ nen ɓi ti Yeso.
5. Hã ɗeŋ ɓon le ne ndi,
Ɗeŋ ɓo ma kore no,
Hã ɗeŋ ɓon le ne ndi.
6. Hã koŋne ɓon ne ndi,
Koŋne ma tos ndo no,
Hã koŋne ɓon ne ndi.
7. Kaŋ nen ɓi ti faage,
Faage maga wo go ciŋ,
Kaŋ nen ɓi ti faage.
41

1. Jerusalem ma ciŋ, sir mani Baa,


Fruygi maga tawgà le ni debaŋ.
Tamsir la taw yaŋ go,
Wur age mani Yeso,
Naa raw yaŋ ciŋ wer ɓe ti sir ɓe no.

2. Pan naa Baa Manwur ciŋ, hay yaŋ see naa,


Huli, coocoo wo de ro, bay wo le ni wà.
Baa tag nen naa yaŋ go,
Yãã naa yaŋ see ɓe ma tum,
Ɓlagge naa ma ɓaɓa, se tawn go ɓuy.
51
3. Jerusalem ma ciŋ ɗii yaŋ le gesiŋ,
Kor ma ti ɓen sag do doŋdoloŋ nono,
Baa boŋ de kããge ma buŋ jag tiŋ
Ma hwal ti ɓogwo,
Jar peele Baa wo de gor jag tiŋ sen no.

4. Maarog ma defay le ni de el debaŋ,


Koore ma defay de sra’ge ti jeŋ faage.
A leɗ wo nen few tum,
Sug ɓaara pẽɗ jar go lay,
Naa kol jar sir ɓen yaŋ mbe ma tum.
5. Sir sen de el debaŋ, ɓlaggen bay le ni wà,
Fẽẽre ma de ɓlaggen wo, da’ wo ngeel le ni gà.
Ɗu weere Baa ma daŋ huli,
De jar ma de el wo ɓuy,
Wo go de yerge ɓil kefder Tenen.
6. Nenterse Baa ɗe wee, ɗee wee le ɗeege,
Jar ma ti jag Baa yaŋ wo le ɗe nday.
Je maga jwaale kaŋ we,
Mo a joo bii ma defay,
Ndi yaŋ le seege deparday, a le Waŋ ɓi.

52
42
Joŋ suse’ ne Baa,
Ti Weel dage ɓe no,
Yeso hay hu go,
Hay kal we go ciŋ lay.

Haleluya!, eegre ɓe no,


Haleluya!, Amen!
Haleluya!, eegre ɓe no,
Á woo naa we lay.

2. Joŋ suse’ ne Yeso
Á hu we go wer naa,
Maŋ ɓlagge ma naa go,
Yog ɓil naa we go lay.

3. Suse’ ne Nenterse,
Á kol me we de el,
Kaŋ nen ɓi ti Yeso
Nii suŋgun go lay.

4. Haleluya!, Yeso a yaŋ,


Haleluya!, Amen!
Haleluya!, ndi wo yaŋ ciŋ,
Diŋ wer Yeso Kris.

53
43
Kidolgi ndi riŋ nday,
Je maga hã ɓil ɓe we,
Á wo jag kiidan gà so,
Á daŋ kiida sen we go. Amen!
44
1. Ko wee nen ɓay, Yeso biŋ do kay nono,
Mari man ɓe hay diŋ nday Josefe.
De maga saara lag de kããra gà ɗa,
Se raw maŋ ɓiili Yeso de eegre Nenterse.

2. De maga Mari de’ go debaŋ mono,


Sesar Ogust ɓod kefder go wer sir ɓuy.
Ma yer ɗu jar ma ti tamsir wo ɓuy,
Ga wosela mo wo yerge ɓi sir ɓe.
3. Dosen Josef raw men Nasared go,
Raw rawge wo Betlehem ɓi sir ɓe,
Ma yer ɗu ɓaara de ge Mari ni,
Werga á hay wo diŋ wer mani Dafid.
4. De maga saara le ɓi sir sen mono,
Wur biŋgi Mari raw age lay.
Se raw biŋ Weel ɓe ma taŋgun ɓo’ ɓi gaŋ pir,
Werga á da’ wo ngeel suuli ɓi tiŋ waaren gà.

54
5. Le ɓi sir sen ni lay, jar ma koɗ horog wo,
Hay wo koɗ horog ɓaaran ɓi fuli,
Je peele Pããɓe Baa raw age see ɓaara,
Á raw ko togoɗge ma ni Pããɓe Baa.
6. Blam ɓe hẽẽne raw joŋ rage debaŋ,
Je peele ga : hẽẽne mo joŋ wee wà.
Ndi a see ɓay de wããre ma de el wee,
Wããre sen hã fruygi yaŋ ne jar wo ɓuy
7. Gahãyla wara le ɓi sir ni Dafid,
Á biŋ Yeso, Je yãã jar, Waŋ jar wo,
Nday da we ga nday wo koge ɓe no,
Nday da’ mbay yaŋ de suuli ɓi gaŋ pir ti’i.

8. Jar ma ciŋ wo de je Peele Baa seno,


Tay wo gẽẽge, togoɗ wo Baa, wãã wo gano:
Togoɗgen diŋ ma Baa naa ma ciŋ no,
Wooge ti holaŋ jar ma ti tamsiri.

55
45

1. Laa wããre ma de el,


Wããre ma kidolgi no.
Baa ga jar debaycõõre mo a wo le
Weel ma dage mani ɓe no,
Á hãn we le go ne naa,
Á ‘ũy faage ma yãã naa le go Golgota.

A le, je yãã ndo yaŋ la,


A le de debaycõõre ɓo no,
Yeso yaŋ mbe gor ndo la.
Á kãã ma yãã moge go.
Maŋ diŋ wer Yeso,
Á mbe boŋ yãã ndo go.

2. Wara diŋ wur da’ see naa,


Wara diŋ wur ma de el.
Jag tiŋ mani Baa buŋ we go ne naa so,
Matala Nenterse yaŋ
Hã tenen maga taw gà,
Hayga ndo yãã Yeso we ndo da’ tenen yaŋ.

56
3. Wer debaycõõre ɓo no,
Nenterse ɓo bas ge go.
Yãã Yeso á kol jiili ɓo yaŋ de el,
Yeso yaŋ ɗe moge lay.
Men debaycõõre ɓon go,
A le laa wããre ma de el mani Baa.
46
1. Laa wee ɗu ma de woore no,
Ɗu sen mono, ɗu Yeso.
Naa ’waa we go diŋ siŋ ɓe no,
Naa ‘waa siŋ ga da Yeso.

Matala ndi de joŋ fruygi,


Ga Yeso riŋ ga se da naa,
Haleluya! naa ‘waa siŋ no,
Yeso, Yeso, Yeso.
2. Ɗu Yeso ra daŋ ɗu wo ɓuy,
Werga Yeso diŋ Je yãã jar.
Mopo ma tiŋriŋ yãã naa gà,
Je yãã naa say diŋ Yeso.

3. Jiili naa joŋ fruygi debaŋ,


Werga naa yãã ree Yeso.
Yeso yaŋ ko naa tum tum lay,
Naa ‘waa siŋ de ɗu Yeso.
57
47

1. Laa wee wããre Baa do sããre po wo kisi,


Boŋ yoo ɓaara yee le go mbasga,
Do sen je koɗ ragen raw kiɗ sam ɓen de suŋ,
Á ɓo’n le soole jag de fege.

Jar peele Baa ‘waa wo siŋ le ciŋ,


‘Waa wo: Haleluya! Hosana!
Sam maga hay yee go,fer we le wara.
Haleluya!, Haleluya!

2. Weel po boŋ men pan ɓe go, raw ɓen joŋ ɓlagge,


Manhuli raw gay coo ɓe wo go hã.
Se fer le see pan ɓe de ro jag debaŋ,
Pan ɓe dan debaŋ ɓo’n liŋ de day.

Jar peele Baa ‘waa wo siŋ le ciŋ,


‘Waa wo: Haleluya! Hosana!
Weel maga hay yee go, fer wee le wara,
Haleluya!, Haleluya!

3. Yeso Kris fer ge yaŋ le de kiida ma kluu,


Ti jar maga joŋ wo ɓlagge mo ɓuy,
Wara Baa yaŋ da jar ma ti sir wo ɓuy,
A wee le see Yeso deparday.

58
Jar peele Baa ‘waa wo siŋ le ciŋ,
‘waa wo: Haleluya Hosana!
‘waa siŋ ti je ɓlagge maga ɓoɗ jag ɓe go,
Haleluya!, haleluya!

48

1. Yeso hu le Golgota wer ɓi,


Ndi ɓod jag ti ɗu Yeso Kris,
Yeso coo ndi go de ci ɓe no,
Eegren ɓuy diŋ ɓe

Eegren ɓuy diŋ ɓo Yeso . .


Ndo coo ndi ma ɓo de ci ɓo no,
Eegren ɓuy diŋ ɓo.

2. Jiili ɓi patala nen fruygi,


Werga ndi patala go nen do Baa.
Ɓlagge ma ɓin á hoo ra we go,
Eegren ɓuy diŋ ɓe.

3. Yeso hay we go jag jiili ɓi,


Wããre Manhulin ndi dan gà so.
Wããre ma ɓen kãã ma yãã ndi gà,
Ndi da diŋ Yeso.

59
49

1. Le ti je’ãy ma Golgota,
Waŋ ɓi Yeso hu ni.
Ci ɓe maga kaa go mono,
Yog mbe ɓil ɓi we go.

Yeso taw bon kiida ma kluu ti naa,


le go na Golgota.
Á hã see ɓe le go hugi,
Maga ndi mo da’ pẽẽge.

2. Hulin mbug wo go, ngeel ɓo’ suŋgu,


Jar ɓuy joŋ wo hẽẽne.
Sirn raw daɗge go do ni seŋ,
De maga Yeso hu mono.

3. Ɓil ɓo bay ba cee moge


Ma ɗig wããre sen wage?
Weel mani Baa hay hu we go,
Ma hã tenen ne ndo.

4. Bon maga Yeso joŋ ne go,


Ndi je’er ɓin diŋ wer ɓe.
Ko ɗiggi ɓi , ko seele ɓi,
Ndi ɗig ti huli yeso.

60
50 (Gẽẽge c v 37)

1. Maŋ ɗu mani Yeso Kris no,


Do ɓo ti raŋge ɓon ɓuy.
Ɗu Yeso hã wooge ne ndo,
Werga ɗu Yeso de eegre.

2. Ɗu Yeso de woore,
De ɗu ɓen naa da’ see naa.
Ɗu Yeso de woore,
Yeso boŋ á yãã naa go.

3. Maŋ ɗu mani Yeso Kris no,


Ɗu Yeso koɗ mo de el.
Ti ngeel maga mopo jãã ndo,
Tos mbo de ɗu Yeso boŋ.

4. Maŋ ɗu mani Yeso Krist no,


Hay go tenen tosge.
De ɗu mani Yeso boŋe,
Naa wo ge go liŋ ni Baa.

61
51

1. Manhuli raw go de Yeso,
Ti tipẽẽge ti huuli.
Se raw kaŋ nen ɓe ti sir wo,
De waŋre ɓaaran wo ɓuy.
Ga ndo laa koyõgre we pel ɓi no,
Sen ɓuy kol wo ma ɓo.
Yeso fer ne Manhuli gano,
Á de yerge gano:
Ndo laa koyõgre pel Pããɓe,
Baa ɓon mbe diŋ se boŋ.

Yeso, Yeso diŋ blum Manhuli no.


Ndi da mo gà, ndi da mo gà,
Manhuli ya’ go day.

2. Yeso day laa koyõgre


Pel Manhuli gà has hase.
Ndo je ma maŋ blam Yeso no,
Ndo mo joŋ do sen no lay.
Goŋ mopo ma tigriŋ wà so,
Gahãyla Baa da gà.
Baa Manwuri diŋ Nenterse,
Naa ɓuy naa mo goŋ wee ne.
Wuur diŋ ma ɓo, wuur diŋ ma ɓo,
Yeso Je yãã wuur no.
62
3. Fẽẽre ma bag nen naa gesiŋ la,
Wo diŋ rew Manhuli.
Mbu faale ne ra, mbuɗ faale ne ra,
Yãã jag ɗiggi ɓon wà.
Manhuli je ma jãã Yeso,
Diŋ je ma jãã naa lay.
O Pããɓe hã eegre ne wuur,
Ma kolge diŋ blum ɓe.
Hã eegre ne wuur, hã eegre ne wuur,
Blum wuur, je koɗ wuur no.

4. Wurpo boŋ cõõ raa ge yaŋ le,


Naa men tamsir yaŋ go.
Wur sen naa ko ge Yeso yaŋ,
Blum naa, je koɗ naa no.
Fruygi ma wur sen ba naa ẽla?
Wuur yiŋgi de Yeso.
Yeso fer le, Yeso fer le,
Ferge le ma poɗ wuuri.
Ama wur sen jar ma ti sir,
Ra wo yaŋ ge debaŋ.

63
52 ( PS 23 )

1. Manwuri diŋ Je ma koɗ mege no,


Mopo pẽẽ ti ɓi me’ gà has,
A wo de ɓi ti ngeel hõõ ma de leɓay,
Wo de ɓi jo bii ma desãy.

2. Wer ɗu ɓe no,
Á fer nenterse ɓin le ti faage,
Á koɗ me ti faage ma keɗed wo,
Sen mo ɓuy werga á da ndi.

3. De maga ndi mbi de woge hugi,


Hẽẽne joŋ ndi me’ gà so hase.
Gahãyla ndo yaŋ mbo see ɓi mbaŋe,
Graw ma do ɓon yaŋ yãã ndi go.

4. Ndo kne’ fen reege ɓin go me pel ta’a,


Nen jar hee ɓin ko wo ne lay,
Ndo kaŋ bosa’ me ti de kaage nõõ,
Ndo hã fẽẽre me de ngaɓge gà.

5. Kidolgi ndo woo ndi de dage ɓo no,


Dage sen see yaŋ de ɓi tum.
Day ndi wo yaŋ mbi ɓil tiŋ mani Manwuri,
Ma hayge wo ɓiŋ ɓe ni tum.

64
53
1. Matala diŋ wur ma tosge,
Wuur laa koyõgre pel ɓo Waŋ wuur.
Ndo yaŋ mbo ti holaŋ wuur la,
Wuur Kiɗ de el mani ɓo no.
Waŋ wuur Yeso diŋ Weel Baa,
Laa wiigi wuur de ro wuur no.
Je ma tingriŋ kãã ma kay wuur gà,
2. Wuur kaŋ ɗiggi wuur mbe ti ɓo boŋ.
Wããre ɓo no diŋ kidolgi,
Kaŋ nen wuur ti faage tosge no.
Wuur wii diŋ de el mani ɓo no,
Wuur wii, wuur kiɗ, wuur da’ ne ɓuy.
O! Waŋ wuur Yeso Krist Weel Baa,
Ndo ko decoo coo wuuri ɓuy.
Wuur maŋ wer wããre mani ɓo no,
Wuur tos nen naw mbe sagsage.
3. Ti tamsir ma de ɓlaggen lam no,
Ngeel ig see wuur bay wà hase.
Do kurgudu mani Nowe ɓaɓa,
Fer le a see Nowe iggi.
Waŋ wuur Yeso diŋ Weel Baa,
Wuur kaŋ ti wuur ti tosge no.
Wuur ko diŋ wur age ɓo no,
Ma hoo wuur wo go ciŋ see ɓo.
65
54

1. Matala naa bay de ko wããre,


Cwãy dage mani Yeso wà ɗa.
Ama hayga naa yaŋ de hã ɓil naa,
Naa wo yaŋ koge ɓe liŋ ni Baa.

Wur sen no, de el debaŋ,


Yeso a diŋ wer jar ɓe no,
De fege, de fruygi,
Naa see wo go see ɓe liŋ ni Baa.

2. Pããɓe Baa yaŋ le ti ngeel sen ni,


De jar Peele ɓen wo debaŋ debaŋ.
De hẽẽre naa mani Baa wo ɓuy,
Naa wo lag ge go ti ngeel po boŋ.

3. Le ni naa ‘wa siŋ yaŋ mbe debaŋ,


Werga Yeso yãã naa go ɓuy.
Naa ko dage ɓen yaŋ wur sen no,
De fruygi, defay sagsage.

55

1. Matala ndi hã ɓil ɓi ne Yeso . . .


Baa ɓi no ko decoo ɓi.

66
2. Ndi diŋ je hãy hãy daŋ jar ɓuy . . .
Baa ɓi no ko decoo ɓi.

3. Ɓaɓa ti ɓi graŋ daŋ jar go ɓuy . . .


Baa ɓi no ko decoo ɓi.

4. Ndi diŋ je joŋ freŋ daŋ jar go ɓuy . . .


Baa ɓi no ko decoo ɓi.

5. Ndi diŋ je sugi de jar daŋ jar go ɓuy . . .


Baa ɓi no ko decoo ɓi.

6. Ndi da woge see ɓo patala . . .


Baa ɓi no ko decoo .

7. Patala ndi hã ɓil ɓi ne Yeso . . .


Baa ɓi no ko decoo ɓi

56 (Ful. 18)
1. Ndi wo see ɓo Yeso,
Ndi wo see ɓo.
Hayga gaali da’ me we,
Ndi wo see ɓo.
De suŋ de ceege lay,
Jwaale ɓo kaŋ ndi.
Ndi da hayge see ɓo,
Mbaŋe see ɓo.
67
2. Ndi maŋ faage ɓo no,
Ndi wo see ɓo.
De suŋ de ceege lay,
Ndi wo see ɓo.
Jiili ɓi suu gà has,
Ti ɓi yõõ gà lay.
Hayga ndi ko ne no,
Ndi wo mbaŋ see ɓo.

3. Hayga huli baa me we,


Ndi wo see ɓo.
Hẽẽne joŋ ndi gà so,
Werga ndi see ɓo.
Jiili ɓi joŋ fruygi,
Nen ɓi de ngigi ciŋ,
Werga ndi ko ndo le,
Go liŋ ni Baa.

4. Yeso laa jar yaŋ go ciŋ,


Ndi kal go lay.
Kol wo go liŋ ni Baa,
Joŋ suuse’ mo.
Ndi ko dewoore ɓon,
Ndi yaŋ togoɗ moge.
Ndi wo we liŋ ni Baa,
Naw ɓi taw gà so.

68
5. Le liŋ ni Baa mono,
Ngeel iggi yaŋ.
Mo ma caa ɓil naa bay wà,
Hãhã taw gà so.
Jar mani Baa tay wo ra,
Tayge wo ma ‘waa siŋ.
Maŋ ti Je yãã jar ciŋ,
Hãhã taw gà so.
57
Men ndi go wà je yãã ndi no,
Laa tosge ɓin lay.
Ndo joŋ de el ne jar ɓon wo no,
Ɗig mbo ti ɓi lay.
Yeso, Yeso laa tosge ɓin lay,
Ndo joŋ de el ne jar ɓon wo no,
Ɗig mbo ti ɓi lay.
58

1. Naa a, naa a le pel Yeso,


Naa men faage Manhulin go.
Naa a le ɓod jag go pel ɓe,
Á hã Nenterse ne naa.

2. De el Waŋ naa Yeso debaŋ,


Ɗu ma daŋ ɗu Yeso bay wà,
Ɗu Yeso diŋ ma yãã naa .
Yeso Kris diŋ Weel Baa.
69
3. Jar ɓuy kon wo go de ɓalge,
Huli Yeso Kris yãã naa ,
Naa a le ɓuy wara pel ɓe,
Á hã Nenterse ne naa.

4. Le ciŋ go de gesiŋ la ɓuy,


Ɗu ma daŋ ɗu Yeso bay wà,
Ɗu Yeso diŋ ma yãã naa go,
Yeso Kris diŋ Weel Baa.

59 (CV 277)

1. Naa yaɗ wee sagsage jag de fege,


Wo ɓi sir mani jar ma de el wo.
Ngeel maga Yeso le de tosge ti naa ni,
Naa see, naa see wee sir naa le go ni.

Naa yaɗ wee sagsage jag de fege,


Wo ɓi sir mani jar ma de el wo. (2
2. À le de ‘waa siŋ ma de el ciŋ ni,
Siŋ jar ma de el de woore ẽla?.
Wuur laage gẽẽge ɓay ma de el yaŋ,
Wur maga wuur da’ ge sir wuur we no.
Naa yaɗ wee sagsage jag de fege,
Wo ɓi sir mani jar ma de el wo. (2

70
4. Le ciŋ, le ciŋ ndo de gor wuur Waŋe,
Gahãya jiili wuur go diŋ ma ɓo.
Fer le Yeso, mono diŋ ro jar ɓon wo,
Tay wuur wo go ɓi sir ma de ‘ũygi no.

Le ni wuur lagge yaŋ jag de fege,


Á diŋ sir mani jar ma de el wo. (2

5. Wurpo nen fruygi ɓi sir ma defay,


Naa lag ge yaŋ ɓi tiŋ mani Yeso.
Le ni ro de ge ree wo de mberbe,
Yoo de cege de durgi jaw bay wo wà.

Le ni naa lag ge yaŋ jag de fege,


Á diŋ sir mani jar ma de el wo. (2

71
60
1. Naa togoɗ Yeso, Yeso diŋ je ma yãã naa no,
Riŋ jar ma ti sir la ti wããre ɓe no.
Ga á mo laa wo wããre je yãã jar no,
Á hã eegre, Yeso koɗ jar ɓen wo ra.
Koɗge maga Yeso koɗ jar ɓen wo ra,
Ɗaw ra do ɓe, soɗ ra ti nawn wo ɓuy.
Jar mani Baa wo wo yaŋ lagge go Siyoŋ,
Togoɗ Yeso de siŋ ma de fruygi.
2. Naa togoɗ Yeso, Yeso diŋ je ma yãã naa no
Á ĩĩ ne go wer ɓlagge naa wo no.
Á soɗ mbe bon sen ma hã tenen ne naa so,
Togoɗ Yeso maga hu Golgota.
Je ma yãã jar maŋ bon naa ti ɓe bay hẽẽne.
À joŋ klaŋ hõõre, à kaŋn ne hẽn ti.
Yeso joŋ coo mo deŋ wer ɓlagge naa wo so,
Patala á diŋ Waŋ ma de togoɗge
3. Naa togoɗ Yeso, Yeso diŋ je ma yãã naa no,
Jar mani Baa swaa wo Hosana we yaw.
Je ma yãã jar le ti ngeel maga taw gà mono,
Togoɗ Yeso ma hã eegren ne naa.
Hulin da’ naa gà, swaa wee, nday jar ma ɓe no.
Huli bay diŋ fen ma baa nday wà so.
Yeso yaŋ mbe tenen le liŋ ni Baa naa no,
Yeso yaŋ mbe de kããge ma yãã naa go.
72
61
1. Naa maŋ faage ma Yeso . . .
Maga jar mo ko wo ni lay.

2. Yeso ndo de see ɓo ɗaw wuur do. . .


Maga jar mo ko wo ni lay.
3. Yeso Kris Waŋ wuur diŋ ndo . . .
Dosen wuur da’ see wuur yaŋ.
4. Naa wo kiɗ jar go wer sir ɓuy . . .
Maga jar mo ko wo ni lay

5. Naa a de ɓaara laa wããre Baa . . .


Maga jar mo ko wo ni lay.

6. Naa men ra go wà hase . . .


Werga Yeso da ra lay.

7. Naa tob see naa go ne Yeso . . .


Á da naa mbe yaŋ debaŋ.

8. Waŋ wuur Yeso ɗaw wuur do ɓo . . .


Maga jar mo ko wo ni lay.

9. Baa wuur hã feg ne wuur jagge . . .


Maga jar mo ko wo ni lay.
73
10. Wuur joŋ suse’ yaŋ ne ndo lay . . .
Maga jar mo ko wo ni lay.

11. Yeso Kris hay see wuur mbaŋe . . .


Ɗu Yeso ga Emanuwel.

12. Naa diŋ sode ma Yeso Kris . . .


Ma durgi de jar hee ɓen wo.

13. Naa so’ jaw we de eegre . . .


Do sen naa nii ra yaŋ mbe.
14. Naa diŋ jar faage ma Yeso . . .
Wurpo naa wo ciŋ see Baa.

15. Haleluya! Yeso Weel Baa . . .


Hã eegre ne wuur diŋ ndo.

62

1. Ndi da’ de el wer maga
Yeso biŋ ti sir lam no.
Werga Baa ɓo’ je peele ɓen le,
Ga se da jar we ɓuy.
2. See jar koɗ sããren le yoo koo,
Á wãã wããre ne ra,
Ga le ciŋ fruygi yaŋ debaŋ,
Yaŋ ti sir wara lay.
74
3. Yeso biŋ we ɓi sir ni Dafid,
Doga kefder Baa wãã ,
Jar koɗ sããren puɗ wo go ciŋ,
Raw wo woge Betlehem.
4. Da’ wo Yeso weel je tabay
Wo de man ɓe wo ɓuy,
Á joŋ wo suse’ ne Baa debaŋ,
Á maŋ wo ti Baa ciŋ.
J5. ar ko wer fẽẽre a wo le were,
Da wo ko Yeso Kris.
Ga diŋ Waŋ ma yo jar jwiif wo no,
Á diŋ Waŋ ma naa lay.
6. Á a wo de fẽẽre debaŋ,
Hãn wo ne Yeso Kris.
Á laa wo koyõgre pel ɓe,
Á maŋ wo ti Baa ciŋ.
63
1. Ndi daga ndi wo liŋ ni Baa,
Naa jar ɓen ɓuy naa see wer ɓe.
Naa ra wee boŋ de ɗu Yeso,
Yeso diŋ je ma yãã naa no.
Baa Pan naa á da naa debaŋ,
Ɓo’ Weel ɓen le hugi wer naa,
Naa ɓuy naa mo see wer Yeso
75
2. Faage ma pel no, naa kon gà,
Naa de ɗiggi ti faage no.
Kefder Baa wãã do sen nono,
Naa wo da’ see naa yaŋ de ɓe.
Ngeel ma ciŋ á de el debaŋ,
Naa mo see wo go liŋ ni Baa,
Naa wo lagge jag de fege.

3. Manhulin jãɗ naa gesiŋ la,


Kiɗ ga se la naa go nen wuu,
Naa mo gay mbe de ɗu Yeso,
Á kãã yaŋ mbe ma yãã naa go.
Naa mo lag tos Baa sagsage,
Werga á yaŋ da naa debaŋ,
Á fer yaŋ le hoo jar ɓen wo.

4. Hayga naa yaŋ ti faage no,


Naa tay ɓuy naa wo ciŋ see Baa,
Naa wo da’ fẽẽren liŋ ni Baa
Daŋ ma gesiŋ ti tamsir la.
Jar mani Baa wo le de ɗe naa,
Ga naa mo see wo go see ɓe,
Naa lag jag de feg sagsage.

76
64

1. Ndi de ɗiggi matala ti ngeel ma ciŋ no,


Ngeel ma de woore de wooge lay.
Ti de el ma Yeso ndi wo ge go pel ɓe,
Ndi da’ wo see ga wuur mo wo ɓuy la?

2. Wuur wo de wosela? . .
Ti ngeel maga ndi de woge ni,
Ti de el ma de fruygi ndi wo we ni no,
Ndi da’ wo see ga wuur mo wo ɓuy la?

3. De eegre ma ɓo no men ndi joŋ joŋre ,


Kiɗ jar maga sen wo go de yeɗge.
Ti ngeel maga ndi de woge go ni mono,
Ndi da’ wose ga wuur mo wo ɓuy la?

4. De fruygi debaŋ ti ngeel maga ndi day we,


Le ni Yeso diŋ Je yãã mege.
Hayga ndi da’ jar po wo we go wer ɓi no,
Maga ndi wii ra gesiŋ lam no.

77
65
1. Ndi ko ndo le Getsemane,
Ti ɓi yõ gà hase.
Ndo laa koyõgre le tosge,
Le go Getsemane.

2. Ti ɓi yõ gà . .
Yõ joŋ coo ɓon go gà.
Ndo laa koyõgre le tosge,
Le go Getsemane.

3. Jar ma ɓon men wo ndo we go,


Baa men ndo mbe go lay.
À kee ndo yo jar joŋ ɓlagge,
Wer ɓlagge ma ɓi no.

4. Hayga ndi bay da moge wà,


Ndi ɗig ti ɓo gà so.
Men ɗiggi ɓi ti Getsemane,
Kol jiili ɓi de el.
66
1. Ndi laa wããre ma jag Baa,
Á ɗe ndi wo see ɓe.
Werga á da yog jiili ɓi,
De ci mani Yeso.
78
2. Wara ndi da woge,
Woge see ɓo Baa.
Ndo mo yog jiili ɓi go,
De ci mani Yeso.

3. Baa daga ndi mo hay de eegre,


De dage de hãge ɓil.
Ga jiili ɓi mo hay de se,
Á da ndi mbe debaŋ.

4. Eegre ɓi bay wà hase,


Ndo mo hã eegre ne ndi.
Ndo hoo debaycõõre ma ɓil
Ɓin go ɓuy wara so.

67 (CV. 125)

1. Ndi see ɓaɓa bay je koɗge


Ndi hay jwaale de el ma cwãy no,
Ama jiili ɓi maga dan debaŋ,
Hay da’ge diŋ ceege tawa.

Do ma de eegren na genla?
Do ɓe ma de eegre no.
Ma dig mege jag tu huli,
Maga ndi go de le’ge ni mono.

79
2. Je ma yãã jar Yeso de see ɓe,
Ko decoo ɓi ti hẽẽne ɓi no.
Á riŋ me ga: je ɓlagge ndi da mo,
Ndi kaa ci ɓin go wer ɓo.
Yeso do ɓo ma de eegre,
Yãã ndi we go jag huli.
Day ndo hã jiili ma defay me,
Maga ndi gor mo de ɓe.
3.Ndi ɗaw cwãy wããre seno,
Fuggi ɓil maga á fug me ti.
Ndi men see ɓi go ne hẽn ɓuy,
Wer maga á de da ndi.
Yeso do ɓo ma de eegre,
Yãã ndi we go jag huli.
Day ndo hã jiili ma defay me,
Maga ndi gor mo de ɓe.
4. Ɓil ɓi maga bay keɗed wà,
Da’ Nenterse Baa we lay.
Nenterse sen wii me gano,
Ndi diŋ je ma Yeso Kris.
Yeso do ɓo ma de eegre,
Yãã ndi we go jag huli.
Day ndo hã jiili ma defay me,
Maga ndi gor mo de ɓe.
80
5. Matala de fruygi jag tum,
Je yãã ndin yaŋ seege de ɓi.
Gahãyla wuur jam de Yeso,
Jobo ɓlagge jam sen go gà.

Yeso maga da ndi debaŋ.


Day woo ndi we debaŋ lay,
Ndi tob see ɓi go nene
Ndi tobn go ne ne ɓil boŋ.

68

1. Ndo gay we do ɓlagge ɓon so yaw la?


Wãn diŋ ne Yeso . .
Ɓil ɓo da wããre mani Baa yaw la?
Wã diŋ ne Yeso boŋe.

Wãn diŋ ne Yeso. .


Á laa tosge ɓo no.
Bar ɓo do Yeso nono bay boŋ wà,
Yãã ne à mo joŋ bar ɓo.

2. Manhuli kiɗ ga se ɓlag mo go yaw la?


Wãn diŋ ne Yeso . .
Eegre ɓo kãã ma yãã see ɓo go gà.
Wãn diŋ ne Yeso boŋe

81
3. See ɓo joŋ hẽẽne ga ndo hu yaw la?
Wãn diŋ ne Yeso . .
Ɓil ɓo da faage mani Baa yaw la?
Wãn diŋ ne Yeso boŋe.

69

1. Nen mani Baan bay le’ naa wà,


Hayba de suŋ ɓuy yaw,
Sug mani ɓen bay ndiŋgriŋ wà,
Á mbe tum de laage.

2. Do mani Baa bay gayge wà,


Werga eegre ɓen taw gà,
Dage ɓen taw go gà hase,
Dage ma kidolgi.

3. Eegre yaŋ ti ɗu mani Yeso,


Ti jar mani ɓen wo,
Eegre ɓe no, diŋ tosge no,
Ga Yeso mo laa ne.

4. Yeso yaŋ ti ngeel hay le ɓe,


De laa tosge naa,
Werga dage ɓe yaŋ debaŋ,
Á joŋ de el ti naa.

82
70
1. Nenterse mani Baa a le,
A le de de el ɓo no.
A le de tenen mani ɓo no,
A le de poɗag ɓo no.
Kol wããre ɓon go de ele,
Kol jag jiili wuur de el.
Ko decoo wuur ko ɗala,
Ɓo’ bosa’ ne wuuri ti.
2. Yeso wuur yaŋ tosge wara,
A le de jam ɓon ne wuur.
A le de Nenterse ɓo no,
A le de fruygi ɓo no.
Buŋ sug wuur go ɗa la Yeso,
Ɗiggi ɓon ndo hãn ne wuur.
Hay ga ndo bay la wà Yeso,
Wuur tay mbe go de koɗe.
3. Laa tosge wuur, je ma da jar.
Pããɓe, Weel, Nenterse lay,
Yaŋ wo pel naa patala,
Kuɓ do ɓo ne wuur ti so.
A le ɓiŋ jar kluuri wo,
A le ɓiŋ weere kleeren wo lay.
Wuur daga wuur swaa siŋ wara,
Ga Yeso yaŋ yoo wuuri.
83
71

1. Manwur Baa wuur ,


Wuur a joŋ suse’ mo,
Diŋ wer da ge ɓo no,
Baa Pan wuur diŋ ndo.

Manwur Baa wuur ma ciŋ no,


Wuur a joŋ suse’ mo,
Wuur joŋ suse’ ne ndo,
Diŋ ti ɗu ma Yeso.

2. Ndo diŋ Baa ma gesiŋ la,


Ndo diŋ Baa ma ciŋ,
Pããɓe diŋ ndo mbo boŋ. .
Baa wuur tay ti pel ɓo,

3. Ma joŋ suse’ mo,


Ma joŋ suse’ mo . .
Baa ndo da wuur debaŋ,
Ndo hã Yeso Kris ne wuur,

4. Á yãã wuur go de ci ɓe . .
Manwur Baa wuur no, ndo mbo boŋ,
Kãã ma laa suse’ wuur,
Kãã ma joŋge de wuur lay.

84
72

1. Oo ti wããre mani Kris Waŋ naa no,
Ti ngeel maga tawgà, togoɗge joŋ yaŋ.
Naa swaa wee ma togoɗge ɓe de siŋ no,
Oo ti wããre mani Baa no.

Oo ngiŋ, oo ngiŋ,
Oo ti wããre mani Kris je yãã naa no.
Oo ngiŋ, oo ngiŋ,
Naa lag ti wããre mani Baa no.

2. Oo ti wããre, wããre maga coo go gà,


Ɗiggi ma de ɓlagge ɓo’ ndi gesiŋ.
De wããre ma tenen no ndi oo go ngiŋ,
Oo ti wããre mani Baa no.

3. Ooge ti wããren mono, nen ɓo bul go,


Yogge ma de ci no yog go de ele.
Oo ti ngeel biŋni maga Baa hãn mono,
Oo ti wããre mani Baa no.

85
73

1. Naa mo togoɗ wee, togoɗ wee Baa . .

Haleluya!
Ndi maŋ wer Yeso . . .
Je da mege, Je yãã ndi,
Je pẽẽ ndi, Haleluya.

2. Yeso Weel biŋni, Weel ma Baa . .

3. Yeso Waŋ naa, Weel Je tabay . .

4. See ɓe raw maŋ naa, ma yãã naa go . .

5. Á mo hay do sen gà, se de yãã naa gà . .

6. Je tabay boŋ de hay ko Baa gà . .

7. Hẽẽre ɓi nday ɓuy, yãã wee wããre Baa . .

8. Ndi ko we cwãy Je yãã jar nduu we . .

9. Nduu wer ɓi, wer ɓo, wer jar ɓuy . .

10. Wuur joŋ suse’ mo, Yeso Weel Baa . .

86
74

1. Laa wee wããre Yeso no . .


Yeso biŋ le Betlehem . .
Betlehem ɓi sir Jude . .

2. Á go de yer ge ɓaɓa . .
Ga naa see wee go de ɗeŋ . .
Bon maga Yeso joŋ ne . .

3. Naa joŋ wee bon do sen lay ..


Naa joŋ bon we do sen no . .
Á yãã naa jag ɓlagge . .

4. Joŋre mani Yeso no . .


Á mbe go defay tumtum . .
Ndo tumtum nen fruygi . .

5. Werga gaali bay see ɓo wà . .


Huli ma do na yaŋ lay . .
Diŋ huli ma da’ tenen . .

6. Ndi hu we ti ɗu ɓe no . .
Ndi joŋ fruygi yaŋ debaŋ . .
Werga ndi da’ tenen we . .

87
7. Ɗiggi ɗi patala ciŋ . .
Werga Yeso le go ciŋ . .
Naa tum de laage gano . .

8. Yeso Kris fer ge yaŋ le . .


Á fer le diŋ wer naa . .
Naa ‘waa wee Haleluya! . .
Haleluya!, haleluya!, Amen! . .
75 (CV 204 A)
1. Puɗ wee ciŋ jar ma keɗed wo,
Sode Waŋ waŋren wo,
Ɗaw wee de do ma de eegre,
Kitwal koo ma ɓalge no,
Ti faage ma togoɗge no,
Yeso Kris see de ɓay,
Nday tum nen blum sagsage,
Á koɗ je seele wer ɓe no.
2. Cõõ ma durgin de raage,
Puɗ ciŋ sode ma de eegren wo.
Tilgi maga mbug gà mono,
Diŋ poɗge durgin wo.
Hayga je hee tĩĩ we go no,
Lag wee mbay de eegre ngiŋ,
Nday mo teŋ wee nen ɓay ngiŋ,
Wer kluu eegre ɓe no.
88
3. Puɗ wee ciŋ ma durgi no,
See wee, greg we go wà,
Maga jobo mo le’ wà mono,
Kaŋ wee nen ti Yeso,
Fẽẽre durgi ma de eegren wo,
Sode hoon wee do ɓay,
Jaw yaŋ mbe nen ma durgi,
Ne je durgi de koyõgre ,
4. Puɗ wee, puɗ wee go ciŋ pa,
Dur wee hã de jag toŋ,
Waa na wer we le go yaw,
Go ti jag sir tawge.
Naa laa jawre naa wo yaŋ gus,
Ɓaale Waŋ waŋren wo,
Naa ‘waa siŋ yaŋ blam mberbe,
Togoɗge blam gayri.
76
1. Waŋ naa yaŋ mbe tenen sagsage,
Naa ‘waa siŋ de fruygi debaŋ.
Haleluya! Waŋ naa Yeso Kris,
Daŋ huli ,daŋ eegre Manhuli.
2. Kidolgi Waŋ naa kal we le go ciŋ,
Á yaŋ mbe de naa tum tum.
Á nii Manhuli de jar hee naa wo ,
Haleluya naa ‘waa siŋ.
89
3. Á kal ɓil tiŋ jag tiŋ bay de bulgi wà,
Á wii ra ga : Jam mo hay de ɓay.
Á ree cẽẽ ma de gubgi de noo yõõre,
Haleluya! naa ‘waa siŋ.

4. Á raw jag maarog ma Galile,


Jar peele Yeso hay raw wo kiɗ cẽẽ.
Á gay wo de suŋ debaŋ, ngeel tee ra go,
Á da’ wo cẽẽ gà hase.

5. Se wii ra ga nday laa, bayn ti do ware.


Bayn raw baage go de cẽẽ debaŋ.
Do sen so saara konga á diŋ Waŋ naa mbe.
Se nday kol wee jar ma kiɗ jar lay so.

6. Á raw de jar ɓen wo ti huuli ma kluu,


Á ɓo’ bosa’ ne hara ti.
Swaare ma depuy maŋn wo go ciŋ,
Á hom yaŋ le de eegre ɓe no.

77

1. Waŋ ɓi Yeso da ndi,


Ɓaɓa mono a hu wer ɓi
Se men de el ɓe ma ciŋ go wer ɓi,
Ciŋ ti koo de ɓalge a hu wer ɓi,
Waŋ ɓi Yeso da ndi.
90
Ɓaɓa mono ndi hay go yoo fi,
Je hãy hãy gebe Manhuli,
Matãrala ndi fer le see Yeso,
Waŋ ɓi Yeso da ndi.

2. Waŋ ɓi Yeso yãã ndi go,


Hã eegren ma daŋ debaycõõre me,
De Nenterse ɓe sagsage,
Matãrala ndi joŋ fruygi,
Waŋ ɓi Yeso yãã ndi go.

3. Waŋ ɓi Yeso a yaŋ,


Á wo yaŋ de ɓi go ciŋ see ɓe
Kalkal men ger wo go gesiŋ la,
Ndi hay yaŋ mbi de el tum,
Waŋ ɓi Yeso a yaŋ.

4. Waŋ ɓi Yeso ɗe nday,


Ɓoɗ wee jag go ti ɓlagge ɓayn wo,
Á pẽẽ nday yaŋ go de ci ɓe
Maga kaa go ti koo de ɓalge,
Waŋ ɓi Yeso ɗe nday.

91
78

1. Waŋ wuur Yeso Kris, wuur diŋ jar ma ɓo,


Wer maga ndo yãã wuur go ɓuy de ci ɓo no.
Wuur tob Manhuli we go, je hee wuur no,
Hayga sir la tob wuur go, wurpo wuur da mbe we.
Mopo joŋ gaali we, ndo mo hã eegre ne wuur,
Hayga huli baa wuur, wurpo wuur daŋn mbe yaŋ.

2. Jar gesiŋ la debaŋ yaŋ wo bay ko Baa ɗa,


Sode mani Yeso puɗ wee ciŋ de eegre,
Ma kiɗ jar maga yaŋ wo bay ko Baa ɗa.
Manhuli da ga se wo de ɓaara nen wuu.
Joŋre mani Yeso gesiŋ la diŋ ma naa.
Men wee sir ɓayn go ma wo ge kiɗ jare.

3. Wurpo naa laa gẽẽge Yeso yaŋ ɗe naa,


Naa puɗ ɓuy ma caa pel Yeso ti faage ma ciŋ.
Naa feg yaŋ de kããra debaŋ wo go ciŋ see Baa,
Sir sen diŋ sir fege, sir sen diŋ sir dage.
Mopo ma hã ɗiggi ne naa bay le ciŋ ni wà,
Yeso laa naa ɓuy ɓi tiŋ mani Pan ɓe no.

4. Sir ɓuy go de ɓlagge, Manhuli ɓlag ne go,


Kaŋ nen naa ti fẽẽre ma hã huli ne naa.
Á ɓlag Adam wo, sir la ɓlag go wer sen,
Yeso Kris yaŋ joŋ tiŋ ma bay huli ne naa.
Naa da’ diŋ sir maga debaycõõren bay le ni wà,
Sir sen diŋ sir fruygi huli bay le ni wà.
92
5. De el jar tabay wo do fugi koo nono,
Jobo de joŋ fruygi wara toŋ se bay wà so.
Fruygi ma gesiŋ la bay diŋ mopo wà,
Ɗawa naa kaŋ ti naa ti wããre Yeso Kris.
Hayga hulin baa naa, naa wo da’ de el ciŋ,
Fruygi ma gesiŋ la bay diŋ ma naa wà.

79

1. Wuur nduu le kiɗ jar maga


Bay wo de laa wããren ɗa. (2
A wee le, a wee le
Ma yãã wããre Yeso no
A wee le, a wee le
Ma kaŋ ɗu ɓay ne Baa
2. Wuur diŋ sode ma Yeso
Wuur yaŋ wara kiɗ jare. (2
3. Laa wee ne, la wee ne
La wee wããre Je yãã jar. (2

4. Sode ma de eegren taw taw


See wee raŋ wer sir go ɓuy. (2

5. Saŋ wee sode ma de eegre


Mo see wo pel ma durgi. (2

93
6. Sode ma durgin wo no
Caa wee pel ɓaara go wà. (2
7. Men wee pel ɓaara go hoŋ,
Ɗee wee go pel ɓaara hã. (2
8. Naa mo wii diŋ Baa naa no
Ma kay naa jag durgi no. (2
80
1. Naa mo togoɗ wee manwur Baa,
Naa togoɗ Waŋ naa Yeso,
Naa togoɗ Nenterse ma de el,
Á mo lag wo see naa tumtum Amen!

81
Ko wee mbay fruygi ma ti tamsir ɗa la . .
Naa mbe tum nen lawge,
Ko wee mbay fruygi ma ti tamsir ɗa la.

2. Horog mani ɓon wo ɓuy . .


Ndo joŋ fruygi wer ɓaara,
Ma po boŋ yãã mo go gà.

3. Ndo de coocoo ɓon mbo ɓuy . .


Ndo hã ɓil ne Yeso gà no,
Sen kãã ma yãã moge gà.

94
4. O! hẽn ɓi, ndo ree mbo,ndo joo mbo,
Ndo joŋ fruygi, huli pel ɓo,
Yaŋ mbe tum de gor moge.

5. Wara Baa da jar debaŋ . .


Brew faagen we go, ma lan boŋ wose Baa,
Ma lan boŋ wo nen wuu.

82

1. Suse’ debaŋ ne Yeso Kris,


Á poɗ ɓeere ma ti ɓin go,
Dage ɓe no kluu debaŋ,
Á hu ɓaɓa diŋ wer ɓi.

2. Ndi joŋ suse’ ne Yeso Kris,


Ndi joŋ suse’ ne Baa Pããɓe,
Diŋ wer dage ma ɓil ɓe no,
Á hã Yeso Kris ne naa.

3. Ndi hay diŋ je hee Yeso Kris,


Wer dage ma ɓil ɓe no,
Wer de el de dage ɓe no,
Ndi joŋ suse’ ne ne tum.

95
4. Daga dage ma Yeso Kris,
Mo baa ɓil ɓi go mbaŋmbaŋ,
Werga jare yaŋ wo debaŋ,
Yãã wo re Yeso ga ɗa.

5. De el Yeso kãã ma yãã ndo,


Kãã ma yãã ndo kidolgi,
Á diŋ Je ma yãã jar go ɓuy,
Wara Yeso yaŋ gor ndo

83

1. À tay jar fadan ti Yeso,


Tay jar ma de gete’ wo,
Ɗen wo ga je debaycõõre,
Ɓaln wo go de jar freŋ wo.

2. Yeso da, Yeso da jar sir wo ɓuy,


Á hu go wer ɓaara,
Hayba wose mo a mbe le lay,
Á maŋ debaycõõren go.

3.Sode baa wo Yeso Kris,


Mbar ne wo de do ɓaara.
Raw wo de ɓe Golgota,
Ɓal ne wo go ciŋ ti koo.

96
4. Jar ma ɓal Yeson wo no,
Ɓal do ɓe wo de ɓaale ɓe,
Yeso tos Pan ɓe gano:
Fug ɓil go ne hara ti.

5. Yeso ko nen wer koo no,


Ko man ɓe wo de ge Jaŋ,
Yeso ga á mo ɗaw wo kẽẽ,
Do weel wo de man ɓe.

6. Je maga á ɓaln ɓiŋ ɓe wii:


Ndo yõõ ti go ti ɓi wà.
Yeso ga: ndo wo yaŋ see ɓi
Ti Paradis wara so.

7. Yeso wãã de gẽẽge kloŋ:


Eli lama Sabaktani,
Se wii Pan ɓe gano:
Ndo tob ndi go gahãyla?

8. Yeso ti coocoo ɓe no,


Eegre ɓe raw tawge go,
Se wii jar ma wer koon ga:
Jwaale bii kaŋ me debaŋ.

9. Sode ɗa feneger le ,
Raw hãge ɓe ne hẽne,
Yeso gus ne no kay ga:
Fẽẽren joŋ we go ɓuy so.

97
10. Yeso jel ti ɓe gesiŋ,
Raw wii Pan ɓe gano:
Ɗaw Nenterse ɓi do ɓo,
Maga á mo fer wo ɓiŋ ɓo.
11. Sir daɗ do sug koore nono,
Ngeel raw ɓo’ suŋgu,
Jar ma ko huli Yeso,
Wãã wo ga á diŋ Weel Baa.
12. Yeso Kris hu go wer naa,
Á hoo ɓlagge naan go ɓuy,
Ndo da we ga ndo yee go wà no,
Ndo mo a le see Yeso,
13. Ci Yeso kaa go wer jar ɓuy,
Kaa go wer debaycõõre,
Baa ɗe jar le go wer sir ɓuy,
Ma fer ge le ɓiŋ ɓe.
84

1. Taŋgu Baa joŋ ciŋ, joŋ gesiŋ,


Joŋ fẽẽren wo ɓuy.
Ciŋ de fẽẽre ma ɓil ɓe,
Gesiŋ de fẽẽre maɓil ɓe.
Taŋgu Baa joŋ ciŋ, joŋ gesiŋ,
Joŋ fẽẽren wo ɓuy.
Kefder Baa wãã do sen nono.
98
2. Je maga da wããre Baa gà mono, á diŋ je huli.
Á diŋ je huli . .
Je maga da wããre Baa gà mono, á diŋ je huli.
Kefder Baa wãã do sen nono.

3. Wer tobge Waŋ naa Yeso go, jar wo ge wo nen wuu.


Jar wo ge wo nen wuu . .
Wer tobge Waŋ naa Yeso go, jar wo ge wo nen wuu,
Kefder Baa wãã do sen nono.
4. Baa da naa debaŋ, hã Weel ɓe Yeso ne naa.
Hã Weel ɓe Yeso ne naa . .
Baa da naa debaŋ, hã Weel ɓe Yeso ne naa,
Kefder Baa wãã do sen nono.

5. Yeso a hugi wer debaycõõre ɓo, ma ɓin lay.


Debaycõõre ɓo, ma ɓin lay . .
Yeso a hugi wer debaycõõre ɓo, ma ɓin lay.
Kefder Baa wãã do sen nono

6. Je maga hã ɓil we ne Yeso, á hu gà hase.


Á hu gà hase . .
Je maga hã ɓil we ne Yeso, á hu gà hase,
Kefder Baa wãã do sen nono.

99
7. Ndo je mani Baa no,
Wii jar leege ɓo wo de ɓe.
Wii hẽẽre ɓo wo de ɓe lay,
Jar leege ɓo de hẽẽre ɓo.
Ndo je mani Baa no,
Wii jar leege de hẽẽre ɓo wo de ɓe,
Kefder Baa wãã do sen nono.

85

1. Yeso hu go ti koo ma ɓalge,


Wer jar ma debaycõõre wo ɓuy.
Á da mbe fug ɓil go ti jar ɓuy,
Suse’ ne Yeso.

2. Suse’ ne Waŋ naa Yeso,


Suse’ ne Waŋ naa Yeso,
Á hu á kal go ciŋ ma yãã naa,
Suse’ ne Yeso.

3. Yeso hu go ti koo ma ɓalge,


Á poɗ ɓere ma ti naa go ɓuy.
Á ɓlag eegre mani Manhuli go.
Suse’ ne Yeso

100
86
1. Wããre Baa no de el debaŋ . . .
Toŋ pa toŋ pa sagsage.
2. Yeso hu ciŋ ti koo de ɓalge . . .
Maga ci ɓen mo kaa go ti naa.
3. Ci mani Yeso yog ɓil ɓi go . . .
Maga ndi mo maŋ faage ɓe no.

4. Yeso Kris raw we go ciŋ . . .


Ma kne’ ngeel ne jar ɓe no.

5. Ndi wo hay ge ɓiŋ ɓe go ciŋ . . .


Maga yo ɓin mo yõõ ti ɓi go.
6. Yeso fer yaŋ le ma hoo naa . . .
Hoo jar maga gay wo wer ɓe.
7. Yeso hu go wer naa ɓuy . . .
Wer debaycõõre ma ti naa no.
8. Ndo mo a laa wããre Yeso . . .
Maga jar ɓuy mo ko wo ni lay.
9. Baa da jar ma gesiŋ la . . .
Naa mo maŋ faage ɓe no.
10. Wããre Baa no de el debaŋ . . .
Toŋ pa toŋ pa sagsage.
101
87
1. Wããre ma de ele a we go,
See jar ma ti tamsir wara.
Werga Baa hã Yeso Kris ne naa,
Weel ɓen mbe ne boŋ kay no.
Jar ɓuy wo de joŋ fruygi debaŋ,
Diŋ jar maga hã wo ɓil ɓaara.
2. Werga Baa hã Yeso Kris ne ra,
Ma kolge Je ma yãã rage.
Wer may se ga naa ‘waa siŋ sen la?,
De fruygi jag naa debaŋ la?
Werga le ɓi sir ma Betlehem,
À ɓiŋ Yeso Kris le ni.
3. Jar maga hã wo ɓil ne Yeso mono,
‘waa wo siŋ de fruygi wer ɓe.
Á joŋ wo suse’ ne Baa debaŋ,
Diŋ wer Je ma yãã naa no.
Baa ɓo’ je Peele ɓe le boŋe,
Ma riŋ jar ma koɗ horog wo no.
4. Á sii wããre Yeso Kris ne ra,
Á joŋ wo fruygi debaŋ.
Á ko wo kluu mani Baa no,
Hẽẽne fer joŋ rage go ɓuy.
Je Peele Baa ga ndi a see ɓay,
De wããre ma de el wee.
102
5. De el wããre Yeso yaŋ wara,
Maga jar ɓuy mo laa wo ne.
Hayga ndo laa wããre sen we no,
Ndo joŋ fruygi yaŋ debaŋ.
Men joŋre Manhuli go wara,
Hã ɓil ɓo go ne Yeso Kris.
Werga Yeso de see ɓe diŋ Baa,
Á da mbe jar go ɓuy
88 (Gẽẽge CV 137)
1. Wããre ɓo no, Waŋ ɓi Yeso,
Á desãy debaŋe.
Ndi joŋ fen po boŋ ne Yeso,
Ndi ɗig ti ɓo debaŋ.
2. Tosge ɓo ma Getsemane no,
Joŋ coo maga joŋ mo.
Gaali maga ndo soɗ ne ti ɓi,
Ndi ɗig ti ɓo debaŋ.
3. À ‘waar mo wer ɓlagge ɓi no,
Ndo hã hole ma tenen me.
Ndo hã fen ma joogen ne ndi,
Ndi ɗig ti ɓo debaŋ.
4. Ti ngeel maga ndi ɗig gayri,
Ɓo ma Golgotan we.
Ndi ko ndo diŋ fen sii jag ɓi,
Ndi ɗig ti ɓo debaŋ.
103
5. Patala ndi wii ndo Waŋ ɓi,
Ga ndo mo ɗaw do ɓi.
Ga ndo mo hay me ɓiŋ ɓo mbaŋ,
Yeso ɗig mbo ti ɓi.

89

Yãã we wããre Baa, Baa Pan naa,


Á yaŋ le ‘ũy ngeel ne naa,
Naa yãã we wããre Yeso Weel Baa ,
Á hoo naa wo go ciŋ wo see ɓe.

1. Yeso diŋ Waŋ ma de el,


Diŋ Waŋ ma de el debaŋ.

2. Á le de kne’ ngeel ne naa ,


Naa jar ma ɗaw wããre ɓe no.

3. Yeso biŋ le Bethlehem,


Biŋ le ɓi sir waŋ Herode.

4. Yeso da naa mbe debaŋ,


Jar ma ti sir dan wo gà.

5. Á yog ɓlagge naa go ɓuy,


Á yog go diŋ de ci ɓe.

104
6. Hã wee ɓil ne Yeso Weel Baa,
Yeso diŋ Je ma yãã jar .

7. Tamsir la de el bay ni wà,


Gwa’ diŋ ɓlagge wo de lawge.

8. Yeso fer yaŋ le wer jar,


Hoo jar ma ɗaw wããre ɓe no.
90
1. Wur maga naw Yeso kos go,
Ma men jar ɓen wo ti tamsir la,
Ma fer ge ciŋ ti kluu ɓe no,
Á ɗe ra ɓuy riŋ ra gano:

2. Hayga nday hã ɓil we ne Baa ,


Hã wee ɓil ne ndi do sen lay,
Ndi rawge ciŋ ti Paradis,
Ndi raw ‘ũy ngeel ma de el wee,
Ndi fer yaŋ le ma tay ti ɓay,
Maga nday lag de ɓi sagsage.

3. Debaycõõre kal ti tamsir la,


Ndi da ga ndi mo wo go ciŋ,
Ndi ɗig tum ti Nenterse ɓi.
Wer ga Yeso riŋ me gano:

105
4. Ngeel ma gesiŋ la ɓlag yaŋ go,
Wur caag kiida mani Baa no,
Ndi kãã ma yeege go gà so,
Werga Yeso riŋ me gano

91

1. Wur maga Yeso Kris biŋ mono,


Ngeel naw gwa’ Betlehem gà.
Jar debaŋ bag wo tiŋ waaren go,
Saara bag ɓi leegen go lay.

Yoo horoge waaren da’ wo ngeel naw,


Diŋ ngeel suuli mani Weel Baa no.
Do sen nono Yeso kol Waŋ naa,
Maga biŋ gesiŋ yoo jar la.

2. Betlehem diŋ sir ma Josefe,


Wer wããre waŋ se fer le ni.
Ma yer ɗu ɓaara dege Mari,
Ɓil kefder mani Sesar no.

3. Mari tor tiŋ sen go de ele,


Se ‘ũy ngeel suuli Weel ɓen go.
Á hay diŋ tiŋ ma laa horoge,
Day se kol go ma biŋ Weel Baa.

106
4. Jar ma koɗ horogn raw wo le.
Á men wo horog ɓaaran le blam,
Á ɗee wo le ɗeege ma da’ Weel Baa,
Wer wããre je Peele Baa.

5. Waŋ ma kluun ɗu ɓe ga Sesar,


Tay ra ti go ɓuy Betlehem.
Ma yer ɗu ɓaara ma tar rage,
Ga wose la mo hã targe.

92

1. Wurpo boŋ Yeso fer yaŋ le,


Á wãã do sen nono.
Se a ɗege, se a hooge,
Diŋ jar ɓen wo tawa.

Wur seno jar ɓe no,


Raw ge wo wo see Baa.
Saara lag jag de fege,
Sagsage wo ti ngeel seno.

2. Naa ko wur maga Yeso,


A de ɓe mo gà.
Wer sen so naa mo ‘ũy see naa go,
Taŋgu age ɓe no.

107
3. Riŋ jar ɓuy, riŋ jar ɓuy,
Ga Yeso a yaŋ gusi.
Wur ma waran diŋ ma ɓo,
Ma hã ɓil ɓo ne ne.

4. Lag wee ngiŋ jar mani Baa no,


Ɗaw wee jiili ɓay de eegre.
Nen maga nday mo lag de fruygi,
Wur age ɓe no.

93

1. Wur maga Yeso hu,


Ci wo de bii kaa wo go.
Ma yãã jar go ɓuy.
Waŋ naa de ɓo’ ge ɓi tu.

Le ɓi tu, Yeso kal go ciŋ


De eegre ma Baa.
Yeso kal go ciŋ,
Kal go ciŋ ma ɓo’ faage
Ne jar ɓen wo.
Naa mo ɗe diŋ ɗu Yeso boŋe.
Kal go ciŋ, kal go ciŋ,
Haleluya! Yeso kal go ciŋ.

108
2. Huli baw Yeso gà,
Waŋ naa hã tenen ne naa.
Naw naa taw go gesiŋ la gusi,
Waŋ naa riŋ naa we go.

94

1. Nday jar mani Baa ‘ũy wee go,


Wuu mo hay ti ger ɓay.
Wur maga cõõ ra we le no,
Nday mo hay go gorge.

Naa yiŋ wee jag deparday,


Hosana!, Hosana!, Hosana!
Naa de fruygi jag debaŋ,
Naa ‘waa : Haleluya . .

2. Ko wee jar peele Baa wo ra,


De jar mani Baa wo,
De tay togoɗge ɓaaran,
Ti ɗu mani Yeso no.

3. Ko wee Yeso Kris de see ɓe,


Je eegre diŋ ɓlum lay.
Sagge tilgi ɓe ma ti ɓen
Ba ngeel ma ciŋ go ɓuy.

109
4. A wee le jar mani Pan ɓi no,
Nday maga nday gor me,
Laa naa laa wee nen poɗage,
Á hã ngeel ma ciŋ wee.

5. Naa nii jar hee naa wo we,


Ti ɗu mani Yeso,
Naa togoɗge Yeso yaŋ mbe,
Ti sir maga taw gà.

95

1. Yeso ɗe mo ndo a we mono,


Á wo de ɓo se Baa.
Yeso ɗe mo ndo day gà mono,
Ndo wo ma ɓon nen wuu.

2. Je maga wããga Baa bay wà mono,


Á hu ɓaale ɓoge,
Mo po gesiŋ la ma daŋ Baa bay wà,
Wose ngaɓ se de ɓe la?

3.Wããre Baa bay gete’ wà hase,


Á diŋ wããre ma kidolgi.
Wããre maga Baa wãã de see ɓe,
Yaŋ mbe de el debaŋ.

110
4. Horog de fẽẽre ma ti sir ɓuy,
Wo de koɗkoɗ á raw wo yaŋ.
Baa yaŋ mbe sagsage tenen,
Huli mani jobon bay de gaali wà.
5. Hã wee jiili ɓay ne Yeso,
Bay wà no nday wo nen wuu.
Kaŋ wee nen ɓuy ti Baa Pan naa,
Á da naa mbe debaŋ.
6. Á yõõ ti debaycõõre ɓayn go,
Á yõõ ti go ti ɓay gà.
Wurpo boŋ Yeso fer yaŋ le,
Ma hoo naa wo go see ɓe.
96
1. Yeso yãã ndi we go . .
Go do Manhuli.

Haleluya!, Haleluya!
Yeso yãã ndi go.

2. Yeso fug ɓil we go . .


Ti ɓlagge ɓin wo.

3. Suse’ ɓo Yeso . .
Ndo coo ndi we le.

111
4. Ndi maŋ wer Yeso . .
Ndi yãã jag ɓe lay.

5. Yeso da ndi debaŋ . .


De dewoore ɓen no.

6. Jiili ɓi go feh so . .
Ndi diŋ weel ma Baa.

7. Nday kããre ɓin wo ɓuy . .


Yãã wee jag Yeso.

8. Naa tay wee joŋ fruygi . .


Yeso yãã naa go.

97

1. Yeso diŋ Waŋ naa . . .


Á diŋ je ma yãã naa . . .
Yeso diŋ Waŋ naa.
Á diŋ je ma yãã naa.

2. Á diŋ je ma koɗ naa . . .


Á koɗ naa sagsage . . .
Á diŋ je ma koɗ naa.
Á koɗ naa sagsage.

112
3. Yeso diŋ barɓi . . .
Barge ma de ele . . .
Yeso diŋ bar ɓi.
Barge ma de ele.
4. Ndi hã ɓil ɓi ne ne . . .
Wer sen á yãã ndi go . . .
Ndi hã ɓil ɓi ne ne.
Wer sen á yãã ndi go.
5. Yeso da naa debaŋ . . .
Á hu go wer naa . . .
Yeso da naa debaŋ.
Á hu go wer naa.
6. Ndi hã Nenterse ne nday . . .
Ci ɓin kaa go wer ay . . .
Ndi hã Nenterse ne nday.
Ci ɓin kaa go wer ɓay.
7. Ndi kal le go wer jar . . .
Ndi kol go je coocoo . . .
Ndi kal le go wer jar,
Ndi kol go je coocoo.
8. Ndi hã tenen ne nday . . .
Nday dan me do gà lay . . .
Ndi hã tenen ne nday,
Nday dan me do gà lay.
113
9. Naa jar ma gor Yeso . . .
Naa ɗaw jag jiili naa . . .
Naa jar ma gor Yeso,
Naa ɗaw jag jiili naa.

10. Yeso ga se fer yaŋ le . . .


Se hoo jar ɓen wur sen . . .
Yeso ga se fer yaŋ le,
Se hoo jar ɓen wur sen.

11. Wur sen jobo kay kẽẽ gà . . .


Wosela maŋ faage ɓe . . .
Wur sen jobo kay kẽẽ gà,
Wosela maŋ faage ɓe.

12. Ndo wo we ti Paradis no . . .


Tenen ma ɓon taw gà . . .
Ndo wo we ti Paradis no,
Tenen ma ɓon taw gà.

13. Ndo je maga ndo yãã ree ɓe gà . . .


Ndo wo ma ɓon nen wuu . . .
Ndo je maga ndo ndo yãã ree ɓe gà,
Ndo wo ma ɓon nen wuu.

114
98

1. Ɗu Yeso de el debaŋe,
Ɗu sen mbe boŋ de kããge.
Ndi da ɗu ma sen mbi debaŋ,
Ɗu sen mono yãã naa go.

Ɗu Yeso de fruygi de baŋ,


Le ciŋ go ti tamsir ɓuy
Ɗu Yeso de eegren de baŋ,
Á taw go wurpo gà has.

2. Naa mo tos wee diŋ Baa mbe boŋ,


Ti ɗu ma Yeso tawa.
Á yog jag jiili naa yaŋ go,
De eegre ɗu Yeso kris .

3. Ɗu Yeso yãã jar wo go ɓuy,


Ɗu tigriŋ bay wà hase.
Matala wii jar go de ɓe ɓuy,
Ga ɗu Yeso hã tenen.

99

1. Yeso diŋ faage jare . .


Yeso da naa debaŋ,
Yeso diŋ faage jare
115
2. Yeso yãã naa go . .
Yeso da naa debaŋ,
Yeso yãã naa go.
3. Je maga ndo dan we mono . .
Yeso da ndo yaŋ debaŋ,
Je maga ndo dan we mono.
4. Je maga ndo dan gà mono . .
Yeso da ndo mbe gà lay,
Je maga ndo dan gà mono.

5. Nenterse diŋ faage . .


Nenterse da naa debaŋ,
Nenterse diŋ faage.

6. Yeso ga se fer yaŋ le . .


Yeso fer yaŋ le wer naa,
Yeso ga se fer yaŋ le.

7. Naa see we wo go see ɓe . .


Naa see we wo go see Yeso,
Naa see we wo go ni so.

8. Na ‘waa wee diŋ siŋ no . .


Na ‘waa wee diŋ siŋ sen lam no,
Na ‘waa wee diŋ siŋ no.

116
9. Naa tay ti wo go see ɓe . .
Naa tay ti wo go see Yeso,
Naa tay ti wo go ni so.

100

1. Yeso koɗ ndi de ele,


Yog debaycõõren go.
Men ndi hay ge ɓin ɓo mbaŋ,
Mono diŋ siŋ ɓi no.

Yeso Kris, Yeso Kris,


Mo kay no diŋ siŋ no.
Hã hã ndi wo ge go ciŋ,
Wo go ti ngeel ɓo no.

2. Yeso koɗ ndi de ele,


Ndo diŋ je da mege,
Kaŋ nen ɓi ti ɓo sagsag,
Ti faage ma ɓono.

3. Ndi hay ɓin ɓiŋ ɓo Yeso,


Ndi de hayge tos ndo,
Yeso ndo mo koɗ ndi mbo,
Yãã Nenterse ɓin go.

117
101

1. Yeso hay hu we go,


Hu we go, hu we go,
Yeso hay hu we go,
Diŋ wer ɓi.

2. Yeso Kris kal we go,


Kal we go, kal we go,
Yeso Kris kal we go,
Kal we go ciŋ.

3. Yeso Kris yãã ndi go,


Yãã ndi go, yãã ndi go,
Yeso Kris yãã ndi go,
Mbe kidolgi.

4. Yeso Kris kãã ndi we,


Kãã ndi we, kãã ndi we,
Yeso Kris kãã ndi we,
Sagsage.

5. Yeso Kris fer yaŋ le,


Fer yaŋ le, fer yaŋ le,
Yeso Kris fer yaŋ le,
Diŋ wer ɓi.

118
102

1. Yeso hu wer debaycõõre ɓi,


Yeso da ndi mbe debaŋ.
Á coo me go de ci ɓe no,
Yeso da ndi mbe debaŋ.

Haleluya!, á yãã ndi go,


Á da ndi mbe debaŋ.
Haleluya!, á yãã ndi go,
Ndi dan mbi debaŋ lay.

2. Yeso yog ndi go de ci ɓe no,


Yeso da ndi mbe debaŋ.
Yeso hã tenen we ne ndi,
Yeso da ndi mbe debaŋ.

3. Ndi hã ɓil we go ne hẽn no,


Yeso da ndi mbe debaŋ.
Jiili ɓi kol we go de ele,
Yeso da ndi mbe debaŋ.

4. Yeso kal we le go ɓi tu,


Yeso da ndi mbe debaŋ.
Yeso koɗ ndi mbe sagsage,
Yeso da ndi mbe debaŋ.

119
5. Á hã eegre ɓen we ne ndi,
Yeso da ndi mbe debaŋ.
Eegre ɓen kãã mbe we go ɓuy,
Yeso da ndi mbe debaŋ.
103
1. Yeso hu wer jar ɓuy . . .
Ɓaa ɓaa le Golgota.
2. À ɓo’ ne le go ɓi tu . . .
Á kal le go ciŋ.
3. Yeso da ga jar mo a see se . . .
Naa mo peŋ wà lay.
Á yog jiili jar go ɓuy . . .
Go de ci ɓe no.
4. Manhulin de kiɗ moge . . .
Ndo mo tos diŋ Baa.
5.Wurpo Yeso fer yaŋ le . . .
Ma hoo naa wer ɓe.
6. Naa wo lagge go see ɓe . . .
Go ɓin Yeso Waŋ.

7. Debaycõõre bay le ni wà . . .


Bay le ciŋ ni wà.

120
104

1. Yeso a we wara de tenen ma defay,


Yeso a we de tenen ma dafay ne naa.

A le, a le, a le, a le


A wee le see Yeso,
Yãã wee de do ɓay.

2. Yeso riŋ gana: Yãã de waŋ wà hase,


Ko de ɓil ɓo, yãã de waŋ wà hase.

3. Naa jar ma Yeso no, gaali bay ti naa wà so,


Hay ɓaa mono, gaali hay ti naa ane.

4. Tenen sen mo kay no, á de el debaŋ,


Ndo yãã ne we no, ndo da’ see ɓo yaŋ mbo.

5. Waare yaŋ wo woge, waare yaŋ wo seege,


A le deparday ndi mo ndal de ɓu Yeso.

6. Naa joŋ suse’ ne Baa da naa debaŋ,


Naa joŋ suse’ ne Yeso je hã tenen ne naa.

121
105

1. Yeso fer we tenen bar ɓi, ‘ũy se ɓo go.


Daga ɗiggi ɓo mo hay go de el gorge.

Maŋ ti ɓo ciŋ ɗa bar ɓi no,


Á yaŋ le fer ge .
Tos Yeso ga á mo fer le
Ma yãã mo ge go .

2. Yeso fer we tenen bar ɓi,


Ndo laan we yaw la?
Fen ma yãã ndo po bay wà so,
Say diŋ ci Yeso.

3. Yeso fer we tenen bar ɓi


Ndo dan we yaw la?
Á je da ndo, a yaŋ ɗe ndo,
Ndo day yaŋ yaw la?

106

1. Yeso kal we go ciŋ,


Naa ‘waa siŋ ɓe no.
Jar nduu wo ti tipaale ɓe,
Da’ wo ne ni gà,

122
Jar peele Baa wii wo ra:
Nday kiɗ wose la?
Nday kiɗ na diŋ Yeso,
Á kal we go ciŋ.
Yeso kal we go ciŋ,
Naa ‘wa siŋ ɓe no.
Yeso kal we go ciŋ,
Kiidan taw we go.
Kal we go we naa ɓuy,
Kal ma yãã naa go,
Yeso kal we go ciŋ.
Naa ‘waa siŋ ɓe no
2. Riŋ wee hẽẽre ɓin wo ga,
Mo wo wo Galile,
Wuur yiŋ yaŋ wo go ni,
Ndi hay wii ra we.
Ndi taw jonre ɓin we go,
Ndi raw ge see Pan ɓi,
Ndi raw ‘ũy ngeel ne nday,
Ndi fer yaŋ le pa .
3. Wo we riŋ Piyer ga
Mo joŋ hẽẽne wà,
Ndi hoo wããre gete’ ɓen go,
Yõõ ti gete’ ɓen go lay.
Ndi ɓo Nenterse le
Kalge jiili ɓay.
Nday mo lag we bay hẽẽne
Ti joŋre ɓay ɓuy.
123
4. Yeso kal we go ciŋ,
Wii see ɓe ne jar ɓen wo.
Nduu hee jag ne hara,
Ga se raw we ciŋ.
À tay wo ti go boŋ,
Werga hẽẽne joŋ ra,
Werga jar kluuri sir
Kiɗ wo id rage.

5. Yeso kal we go ciŋ,


Naa men ro naa no.
Jar maga hã wo ɓil ne hẽn,
Nentersee ɓaara yee gà,
Yeso kal we go ciŋ,
Dosen naa laa ge go lay.
Huli naa do na nono,
Naa fer pũy go pa.

6. Yeso raw we liŋ ni Baa,


Raw ‘ũy ngeel ne naa.
Le de tosge ti naa
Maga naa ti faage ɗa.
Yaŋ le fer ge hoo naa,
Ti ngeel maga se le ni.
Naa lag yaŋ togoɗge ɓe,
Jag de feg sagsage.

124
107 (CV.302)
1. Yeso Kris da ndi,
See ɓi coo debaŋ,
Yeso Kris da ndi,
Á diŋ dage
Ndi wãã yaŋ sagsage,
Ga Waŋ ɓi da ndi . .
Á diŋ dage.
2. Le go nen coocoo,
Coocoo ma kluu debaŋ,
Le go nen coocoo,
Ndi hay go hã.
3. Le go nen gayri,
Bay gor mo po wà lay,
Le go nen gayri
Ndi hay ndumgi.

4. De põõre ɓin ti,


De rece’ ɓin wo,
De põõre ɓin ti,
Ndi hay yee go.

5. Baa Waŋ da jare ,


Hã Weel ɓen le go,
Baa Waŋ da jare,
Hãn le ti ngeel ɓi.
125
6. Do fen sii jage,
Ma bay ɗag nono,
Do fen sii jage,
Á hã see ɓe go.

7. Põõre ɓlagge ɓin,


Raw kluu debaŋ,
Põõre ɓlagge ɓin,
Le’ ne hẽn ti.

8. Le go Golgota,
Á joŋ boŋ le ni ,
Le go Golgota,
Á hu le ni.

9. Á fãã me go tum tum,


Ti naw ɓin wo ɓuy,
Á fãã me go
Diŋ de ci ɓe.

10. Wuur togoɗ diŋ ndo,


Ndo diŋ blum wuur no,
Wuur togoɗ diŋ ndo,
Weesam ma Baa.

126
108
1. Yeso Kris Waŋ diŋ bar naa mbe,
Á da mo, á da ndi.
Jobo ma tigriŋ kãã ma yãã naa gà,
Say Yeso, diŋ Yeso.
Á ko ɓil jar ma ɓen mbaara we,
Á tos Baa sagsage ti ɓaara,
Barge ma ngaɓge de Yeso bay wà,
Say Yeso, diŋ Yeso.
2. Yeso yaŋ mbe Je ma yãã naa go,
Á hay hu we go wer naa.
Jobo boŋ kãã ma joŋge no gà,
Say Yeso, diŋ Yeso.
Á hoo kiida ma jar ɓuy ti ɓe,
Á poɗ go ɓuy de ci ɓe no,
Jobo kãã ma yãã naa do sen gà,
Say Yeso, diŋ Yeso.
3. Yeso diŋ Waŋ waŋgren wo ɓuy,
Á daŋ hulin mbe we go.
Á raw wo go ciŋ de eegre ɓe no,
Diŋ wer ɓo, diŋ wer ɓi.
Á ɓo’ faage ne jar ɓe no,
Á kne’ ngeel we le go ciŋ,
Wurpo á fer le ma hoo jar ɓe no,
Yeso Kris de see ɓe.
127
109 (Gẽẽge. CV 43)

1. Yeso Kris diŋ Weel Baa . .


Á yãã me go diŋ de ci ɓe,
Wer dage ma ɓil ɓe no . . . (2

2. Yeso Kris diŋ Je ma yãã jar . .


Ndi maŋ ɓiŋ diŋ blam Yeso,
Á yãã ndi go de ci ɓe . . . (2
3. Yeso hu go diŋ wer naa . .
Á maŋ yo ma ti naa go,
Á hã Nenterse ne naa . . . (2
4. Ndi da’ pẽẽge wer Yeso . .
Á pẽẽ me go diŋ de ci ɓe,
Ndi da pẽẽge wer Yeso . . . (2
5. Yeso diŋ je ma pel naa . .
Á ga naa mo maŋ blam se,
Se diŋ je ma pel naa . . . (2
6. Yeso diŋ faage ma ciŋ . .
Á ga naa mo maŋ blam se,
Wo go ciŋ ti Paradis . . . (2
7. Yeso ndo yãã me we go . .
Ndo yãã me go diŋ de ci ɓo,
Ndo mo ɗaw me mbo do ɓo . . . (2
128
8. Ndo mo ɗaw me mbo do ɓo . .
Ndo mo ɗaw me mbo do ɓo,
Hã wur wo ge ɓi go ciŋ . . . (2

110

1. Yeso Kris kal we go ciŋ Haleluya!


Wii see ɓe ne jar ɓen wo Haleluya!
Ig de ɓaara nen naw me’e Haleluya!
Raw fer ge wo see Pan ɓe Haleluya!

2. Naa ɓuy naa mo togoɗ Baa Haleluya!


Wer maga á de eegre debaŋ Haleluya!
Na Weel ɓen le go ɓi tu Haleluya!
Weel ɓen yaŋ mbe tenen tum Haleluya!

3. Yeso hu go diŋ wer naa Haleluya!


Á maŋ kiida naa ti ɓe Haleluya!
Yeso Kris diŋ faage naa Haleluya!
Maga naa hee ti ɓe taw Haleluya!

4. Wer sen so Yeso da naa Haleluya!


Á joŋ bon debaŋ wer naa Haleluya!
Wosela a we see ɓe no Haleluya!
Da’ tenen ma tum yaŋ mbe Haleluya!

129
111

1. Yeso Kris le de ɗee naa


Naa see wo lagge see ɓe (2
Naa tay go wer ɓe . .
Naa mo tay wo go wer ɓe. (2

2. Yeso Kris a de cwãy wããre


Á a de wããre ma de el (2
A de wããre ma de el . .
A de wããren go poɗage. (2

3. Yeso Kris mbe diŋ bar ɓi


Á pẽẽ me go de ci ɓe (2
Á yog ndi go de ci ɓe . .
Á yog debaycõõren go ɓuy. (2

4. Naa ɓuy naa mo see wer Yeso


Naa mo peŋ ne wà lay (2
Naa see jag de fege . .
Naa ‘waa siŋ de fruygi. (2

5. Yeso Kris ga se fer yaŋ le


Se fer le ma hoo jar ɓen wo (2
Se fer le ma kiɗ naa . .
Se fer le ma hoo naa. (2

130
6. Yeso Kris hom ge yaŋ le
Á hom le ma hoo jar ɓen. (2
Se fer le wer naa . .
Se fer le ma hoo naa. (2

7. Yeso Kris ga se ɓlag sirn go


Se ɓlagn go wer jar debaycõõre (2
Se ɓlagn go wer ɓaara . .
Se ɓlagn go ti ree ɓaara. (2

8. Naa ra wee boŋ de ɗu Yeso
Á diŋ je ma yãã naa no (2
Á ko decoo naa yaŋ . .
Á yãã naa, naa jar ɓen. (2

112

1. Yeso Kris mo hay de ɓo Amen!


Mo kaŋ bosa’ mo ti sagsage,
Mo koɗ mo ti faage ɓon wo ɓuy,
Yeso Kris mo hay de ɓo Amen!

Hã wur yiŋgi naa . .


Gesiŋ la noga wo ti sir ɓe.
Hã wur yiŋgi naa . .
Yeso Kris mo hay de ɓo Amen!

131
2. Yeso Kris mo hay de ɓo Amen!
Mo ɗaw mo graŋ ɓe sagsage,
Mo hã fẽẽre ma de el mo ɓuy,
Yeso Kris mo hay de ɓo Amen!

3. Yeso Kris mo hay de ɓo Amen!


Mo hay diŋ gidigli ɓo gesiŋ la,
Mo maŋ jag ɓo go ti ɓlaggen ɓuy,
Yeso Kris mo hay de ɓo Amen!

4. Yeso Kris mo hay de ɓo Amen!


De el ma Baa naa mo hay pel ɓo,
Maga naa ɓuy naa mo wo go ciŋ,
Yeso Kris mo hay de ɓo Amen!

113

1. De maga Yeso de rawge ciŋ,


Jar ɓen nduu wo see ɓe,
À raw wo wiigi ɓe gano:
Waŋ wuur ndo baage waŋ,

2. Jar ma Israyel wur sen ge?


Yeso riŋ ra gano:
Sen bay diŋ ree ma ɓay wà,
Say kon diŋ Manwur Baa.

132
3. Ane nday da’ge eegre yaŋ
Wur bo ga Nenterse Baa
A ge ti ɓay nday kol ge yaŋ
Jar ma wiiɗgi go ti ɓi.

4. Go Jerusalem go ɓi sir
Ma Juden wo ɓuy,
Go Samari hãã wo go
Ti jag sir tawge.

5. À ngiɗ wo nen ɓaara la


Yeso ur we ciŋ yaw
Á ko wo jar po ɓoge
A wo, lag wo, wii wo:

6. Nday ko na Yeso maga


Day wo ciŋ mo caw ge?
Kon wee mbay á fer ge yaŋ le
Wurpo le do caw no pa.

114

1. Yeso Kris wii me gano . . .


Ndi mo a le wer se sagsage.

2. Ndi da ga ndi see wer ɓe . . .


Á see de ɓi, de ɓi sagsage.
133
3. Yeso yog ɓil ɓi we go . . .
Á see de ɓi, de ɓi sagsage.

4. Baa hã Nenterse ma de el mani ɓen we me . . .


Ma koɗ ndi, koɗ ndi sagsage.

5. Yeso Kris fer ge yaŋ le . . .


Ndi raw wer ɓe, wer ɓe wo go ciŋ.

115

1. Yeso Kris yaŋ mbe diŋ faage,


Cwãy wããre ma defay,
Á mbe boŋ kãã ma yãã jar go,
Jar ma ti tamsir la ɓuy . .

2. Yeso diŋ Weel mani Baa no,


Diŋ Weel je tabay lay.
Á joŋ debaycõõre gà has,
Á hu ma yãã naa go ɓuy . .

3. Á da’ mbarge wo de wããge,


Wer sen ndi da’ pẽẽge.
Á yãã sõõren wo ti ɓe ɓuy,
Maga ndi mo joŋ fruygi . .

134
4. Ndi da’ mbi tenen ɓen we go,
Werga ndi hã ɓil ɓi.
Ndi yaŋ de yãã wããre ɓe no,
Á koɗ me mbe sagsage . .

5. Á raw go ciŋ pel Manwur Baa,


De ci ɓe de se ɓe no.
Á yaŋ le ciŋ tos Baa ti naa,
Á diŋ je yãã naa pel Baa . .

6. Jag ɓi bay kããge wà hase,


Ma joŋ suse’ ne ndo,
Dage ɓo no daŋ ma ɓi no,
Á daŋ ma ɓin mbe we go . .

116 ( SAF 239 )

1. Yeso ndo hu go ti ɓi,


Ndi a yoŋge diŋ se ɓo.
Ndo men bii de cii ɓo no,
Yuu wo go yoo ɓo wer ɓi.
Yog debaycõõre ɓin go,
Yãã ndi go jag ɓlagge.

135
2. Wããre ɓo ma liŋ jar no,
Ndi kãã ma ɗawge ɓe gà.
Ko ndi mo joŋ coo se ɓi,
Hay bo de mberbe ɓin wo,
Kãã wo ma yog ndi go gà,
Say ndo boŋ diŋ Je yãã ndi.
3. Ndi ko eegre ɓi poɗ ndo gà,
Wer sen ndi daw se ɓi gà.
Ndo hã tenen me de koɗ,
Ndo ‘ũy ngeel iggi ne ndi.
Ndi ɗee de ɓlagge ɓin se ɓo,
Yog ndi go de cii ɓo no.
4. Ti ngeel maga naw ɓin wo,
Taw we go geesiŋ la no.
Ndi kal rawge wo se ɓo,
Wo go ɓiŋ ɓo se ɓo ciŋ.
Yeso ndo hu go ti ɓi,
Ndi a yoŋge diŋ se ɓo.
117
1. Yeso riŋ ga naa a le see se,
A le see se, a le see se,
Yeso riŋ ga naa a le see se,
Se hã tenen ne naa . . .
Yeso riŋ ga naa a le see se,
Se hã tenen ne naa
136
2. Yeso riŋ ga naa see le wer se,
See le wer se, see le wer se,
Yeso riŋ naa see le wer se,
Se diŋ Je ma pel naa . . .
Yeso riŋ ga naa see le wer se,
Se diŋ Je ma pel naa.

3. Yeso riŋ ga naa mo tosse,


Naa mo tosse, naa mo tosse,
Yeso riŋ ga naa mo tosse
Se laa tosge naa yaŋ . . .
Yeso riŋ ga naa mo tosse,
Se laa tosge naa yaŋ .

4. Yeso riŋ ga naa mo gor se la,


Naa gor se la, naa gor se la,
Yeso riŋ naa mo gor se la,
Se yaŋ age da’ naa . . .
Yeso riŋ ga naa mo gor se la,
Se yaŋ age da’ naa.

137
118
1. Yeso riŋ jar peele ɓe wo ga:
Ndi yaŋ de ɓay nen naw tum.
See wee kol wer jar go ɓuy jar peele ɓi,
Je maga hã ɓil ɓe we,
Ni nday mo yog ne de bii.
Blam ɓe ni nday mo hadn
Ma ɗaw wããre ɓin wo ɓuy.

2. Go ti ngeel ma ti tamsir ɓuy,


Sii wee wããre Yeso-Kris.
Sii wããren go ɓi leege ma kleere de kluuri,
Sii wããre ma de el debaŋ,
Ga Yeso hu le Golgota.
Sii wããren go ga: baage põõ Baa yaŋ le age.

3. Nenterse mani Baa ɓaɓa,


Hã eegre ne jar peele Yeso,
Ma sii wããren go ɓi leege Jerusalem,
Go Jude , go Samari,
Hã go ti jag sir tawge,
Day a ti naa patala ma sii wããren lay.

4. Jar debaŋ ti tamsir la,


Yaŋ wo nen suŋgun tum ɗa.
Ko wo faage maga wo ni Baa gà ɗa,
Jar cor sõõ, jar suɗgi de jar,
Jar sogway wo de jar saŋgu,
Wo de jar ma cor man mbuyurin wo ɓuy.
138
119

1. Á maŋ kiida ma ti ɓin go ɓuy,


Suse’ ne Waŋ ɓi Yeso,
Á hoo ɓlagge ma ti ɓin go ɓuy,
Suse’ ne Waŋ ɓi Yeso.

Yeso Krist hu go ti koo ma de ɓalge,


Ma hã tenen ɓen go ne ndi.
Dage ɓe no daŋ fẽẽren wo ɓuy.
Suse’ ne Waŋ ɓi Yeso.

2. Ndi hã ɓil ɓi ne ne, á yãã ndi go.


Suse’ ne Waŋ ɓi Yeso.
Day ɓil ɓi kol go de ele.
Suse’ ne Waŋ ɓi Yeso.

3. Ndi kol go diŋ Weel mani Baa.


Suse’ ne Waŋ ɓi Yeso,
Ndi tob fẽẽre ma gesiŋ la go ɓuy,
Suse’ ne Waŋ ɓi Yeso.

4. Daga tenen ɓin ɓuy mo joŋ,


Suse’ ne Waŋ ɓi Yeso,
Maga jar debaŋ mo kãã wo ma joŋ,
Suse’ ne Waŋ ɓi Yeso.

139
5. Á fer yaŋ ge le ma maŋ ndi wurpo.
Suse’ ne Waŋ ɓi Yeso,
Ndi joŋ fruygi yaŋ le go ni tum.
Suse’ ne Waŋ ɓi Yeso.
120

1. ‘Waa wee siŋ ti Yeso.


Amen! Amen! Amen! Amen! Amen!
2. Say ndo mo ko Weel no . .
Yaŋ de suuli ɓi gaŋ . .
Wur maga se biŋ mono.
3. Kon á ɓi tiŋ Baa no . .
De wããre de jar kluuri . .
Jar ma koge debaŋ wo.
4. Kon á wo go Jurdan . .
Da’ yogge wo ni . .
Maga see yãã jar go.
5. Á see go ti maarog no . .
Ɗe jar ma bag cẽẽ no . .
Kol ra go jar peele ɓe.
6. Le Jerusalem mono . .
Yaŋ wo de sug gommo do . .
Ga mono diŋ Waŋ so.
140
7. Kon wo Getsemane . .
De tosge ma wii Pan ɓe . .
De joŋge coo debaŋ.
8. Kon á see Pilade . .
À ɓal wo go ti koo no . .
Á kal go ciŋ wur Pag.
9. Haleluya! . .
Á diŋ Je yãã jar no . .
Maga a le ciŋ mono.

121

1. A wee le, a wee le, a wee le nday ɓuy . .


Tenen defay yaŋ ma naa, say nday a wee le
Tenen sen diŋ ma jar ɓuy, say nday a wee le.

A wee le , a wee le
A wee le nday ɓuy (2

2. Yeso riŋ ga a le see se, say nday a wee le


Ma da’ tenen defay no, say nday a wee le

3. Hã we ɓil ɓay ne Yeso, say nday a wee le


Ma da’ tenen ma tum no, say nday a wee le

141
4. Yeso riŋ ga nday da’ tenen, say nday a wee le
Men sãy fẽẽre ma ti sir go, say nday a wee le
5. Deparday a wee le see ɓe, say nday a wee le
Tenen defay yaŋ gor nday, say nday a wee le

6. Yeso hu go wer ɓlagge ɓay, say nday a wee le


Á joŋ bon go ciŋ ti koo, say nday a wee le
7. Yeso diŋ faage tenen, say nday a wee le
Je da tenen a le ɓiŋ Yeso , say nday a wee le .

122 (Ful. 97)

1. ‘Waa wee siŋ ma togoɗ Je yãã naa no,


Á diŋ Kris Waŋ, Je eegren ɓuy no.
Á coo naa le go Golgota,
Naa joŋ suse’ ne ne hã tum.
Haleluya! Je yãã naa no,
Á ɓo’ faage we go pel naa ,
Á wo go de naa ciŋ see Baa,
Wer eegre ɓen á yãã naa go.
2. Á da ndi , á da ndo lay,
Werga dage ɓen taw go gà.
De el po bay see ɓi wà has,
Say diŋ ɓlagge wo de dage fẽẽre .

142
3. Ndo bar ɓi no, á je kay ndo,
Ndi hay de sa’ge , á coo ndi le .
Á pog ndi go, ndi togoɗ ne,
Ndi joŋ fruygi, á yãã ndi go.
4. Ndo bar ɓi no, á je kay ndo,
Á yãã ndi go, á yãã ndo lay.
Á daga ndo joŋ fruygi tum,
Werga á kol diŋ Waŋ ɓo no.
5. Naa ‘waa siŋ ma togoɗ bar naa no,
Á de kããge ma yãã naa ɓuy.
A wee le naa tay we de ɓe,
Werga bosa’ ɓen taw go gà.

123

1. Baa da jare we ɓuy . . .


Jar po gwa’ go gà. (2

2. Yeso Kris diŋ Weel Baa . . .


Weel ɓen kidolgi. (2

3. Ɗu Weel ɓen ga: Je yãã jar . . .


Á diŋ Weel ma Baa. (2

Yeso a diŋ wer naa ɓuy . . .


A hugi wer naa . (2
143
Á hu go diŋ wer jar ɓuy . . .
Jar ma ti sir la. (2

Á fer wo see Pan ɓe . . .


Ma ‘ũy ngeel ne naa. (2

Á age ma hoo naa . . .


Naa day raw wer ɓe. (2

Yãã wããre Baa jiili ɓo . . .


Yãã ne de eegre. (2

Yõ wer Manhuli wà . . .


Joŋre ɓen taw ge go. (2

Ndo yõ we wer ɓe caw no . . .


Ndo wo ɓon nen wuu. (2

Tay wee le naa mo togoɗ Baa . . .


Á hoo naa yaŋ mbe. (2

144
124

1. Baa da naa debaŋ . .


Ɓo’ Yeso Kris le ne naa.
2. Yeso sen hay hu we go . .
Hu ti koo ma de ɓalge.
3. Á da’ gayri debaŋ . .
Diŋ wer debaycõõre naa.
4. Ci mani Yeson kaa go . .
Kaa ma yog ɓlagge naa go.
5. À ɓo’ huli ɓen ɓi tu . .
Lag sode wo gor ti ɓe.

6. Day se kal le go tenen . .


Ti naw ma de swa’ no.

7. Baa ɓo’ je peele ɓe le . .


Ma legad huulin go.

8. Mari caa ngeel le lay . .


Da’ jag tu hulin de koɗ.

9. Á ko nen ɓe ɓi tu no . .
Da’ huli Yeso ni gà.

145
10. Á fer liŋ de ɗee . .
Da’ Piyer wo de ge Jaŋ.

11. Day se riŋ ra gano . .


Jar naa wo waŋ ɓiŋ we go.

12. Piyer wo de ge Jaŋ . .


Hoo wo ɗee ti tipaale no.

13. Jaŋ ɗee daŋ Piyere . .


Day go jag tu taŋgu ɓe.

14. Piyer ale blam ɓe . .


Raw kal ge ɓi tu sogge.

15. Á da’ Yeso ni gà . .


Da’ diŋ õbe ɓen tawa.

16. Jaŋ raw kalge lay . .


Da’ wããre sen no cwãy no.

17. Wããre sen raw ngel rage . .


Day saare raw ferge liŋ.

18. Mari raw gwa’ge . .


Ti ro ɓiŋ tipaale no.

146
19. De maga á de rage . .
Á jel nen ɓe ɓi tu no.

20. Á ko jar Peele Baa wo . .


De lagge ti ngeel Yeso.

21. Jar Peele Baa wiin wo ne: . .


Wãy ndo ra ɓon le la?.

22. Mari fer ne ra ga . .


Werga ndi da’ waŋ ɓin gà.

23. Á raw mbuɗ nen ɓe . .


Á ko Yeso ti deele.

24. Á kon ga diŋ Yeso gà . .


Hã Yeso wii ne gano.

25. Wãy ndo raa ɓon le la? . .


Ndo kiɗ ɓon diŋ wosela?.

26. Ɓen baga diŋ je joŋ sug nẽẽ . .


Se raw wiigi ɓe gano.

27. Waŋ, ndo maŋn diŋ ndo yaw la? . .


Kaŋ mbo nen ɓi ni ɗala !

147
28. Yeso ɗen ga Mari . .
Se raw mbuɗ ne hẽn ti.
29. Á wãã jag Hebre gano: . .
Rabuni ! ga: waŋ ɓi no.
30. Yeso riŋ ne gano . .
Du’ do me see wà hasse.
31. Ndo du’ me wà gahãyla? . .
Ndi wo see Pan ɓi gà ɗa.
32. Ane see riŋ hẽẽre ɓi wo . .
Ga ndi de raw ge see Pan ɓi.
33. Raw see Pan ɓi, Pan ɓay lay . .
See Baa ɓi no, Baa ɓay lay.
34. Mari ma Magdala . .
Raw wii jar Peele Yeso.
35. Ga ndi da’ Waŋ naa we le . .
Á ga ndi mo riŋ wee gano.
36. Nday mo wo wee Galile . .
Nday ko se yaŋ wo go ni.

37. Á wo raw Galile sog . .


Ti huuli maga á ngaɓ ne ra.

148
38. De maga à kon wo mono . .
À la wo koyõgre pel ɓe.

39. Yeso ya’ le see ɓaara . .


Raw riŋ rage gano:
40. Á hã eegren me do ɓuy . .
Le ciŋ go gesiŋ la lay.
41. Raŋ wee wer sir go ɓuy . .
Ma sii wããre ɓin ne jar.

42. Á yãã wo wããren we no . .


Ni nday mo yog ra de bii.

43. Ti ɗu Pããɓe de Weele . .


De Nenterse mani Baa.

44. Blam ɓe nday mo had ra wee . .


Ma ɗaw wããre ɓi no.
45. Ndi yaŋ de ɓay nen naw tum . .
Hã wur tawge tamsiri.
46. Naa mo ‘waa wee Haleluya! . .
Werga Yeso kal we go ciŋ.

47. Haleluya!, Haleluya! . .


Haleluya!, Amen!
149
125
1. Baa joŋ fẽẽren wo ɓuy diŋ se . . .
Á hay joŋ ra de el ɓuy.

2. Baa hã tenen ne je tabay . . .


Je tabay tob tenen go.

3. Baa fer joŋ tenen ma defay . . .


Hã tenen sen diŋ Yeso.

4. Naa nen yãã tenen ma defayn ɓuy . . .


Werga á diŋ ma jar ɓuy.

5. A wee le ɓuy see Yeso . . .


Tenen ma defay ma jar ɓuy.

6. Yeso diŋ faage ma tenen . . .


Tenen ma defay ma jar ɓuy.

7. A wee le jar kluuri wo . . .


Tenen ma defay ma jar ɓuy.
8. A wee le weere kleere wo. . .
Tenen ma defay ma jar ɓuy.
9. A wee le naare wo ra . . .
Tenen ma defay ma jar ɓuy.
150
10. Yeso da mbe wer jar go ɓuy . . .
Tenen ma defay ma jar ɓuy.
11. Yeso hu go wer ɓlagge naa . . .
Tenen ma defay ma jar ɓuy.

12.Yeso joŋ blum hulin we go . . .


Tenen ma defay ma jar ɓuy.
13. Yeso fug ɓil ti ɓlage jar . . .
Tenen ma defay ma jar ɓuy.
14. Yeso hã tenen we ne naa . . .
Tenen ma defay ma jar ɓuy.

15. Ndi ɓoɗ jag go pel Je yãã jar . . .


Tenen ma defay ma jar ɓuy.

16. Ndi hã ɓil ɓi ne Je yãã jar . . .


Tenen ma defay ma jar ɓuy.

17. Ndi maŋ ɓin diŋ blam Je yãã jar . . .


Tenen ma defay ma jar ɓuy.
18. Bar ɓi ndo joŋ ɓon diŋ mayla? . . .
Tenen ma defay ma jar ɓuy.

19. Hã mbo ɓil ɓo go ne Yeso . . .


Tenen ma defay ma jar ɓuy.
151
126 (Ful. 12)

1. Baa joŋ naa ma woge go ciŋ,


Naa gesiŋ la do waare nono.
Naa wo huɗgi go naa hũn la?
Jobo kon ga say diŋ Baa mbe boŋ.

2. Le go ciŋ, tiŋ naa yaŋ,


Yeso ‘ũy ngeel le ne naa ni,
Le ciŋ ni ngeel iggi yaŋ,
Mo ma gay naa bay le ciŋ ni wà.

3. Faage ma dayge de naa ciŋ yaŋ,


Yeso Weel Je tabay ɓo’ ne naa.
Baa ɗe weere jar tabay wo ɓuy,
Ga á mo a wo le ti faage no.

4. Wããre Baa day ndo mbe we lay,


Werga á ko ndo go de yeege.
Baa daga ndo mo yiŋ jag ne se,
Ndo mo yee go wer tamsirn wà.

5. Fẽẽre maga wo do naa mo ɓuy,


Fẽẽre maga naa ko ra mo ɓuy.
Fẽẽre maga ɓil naa da ra mo ɓuy,
Laa wo de naa ti ngeel ma ciŋ gà.

152
6. Baa ‘ũy ngeel lagge ma de el ciŋ ni,
‘ũy ne jar ma seege wer ɓen wo,
Day ndi gay go do ko nen ɓi ciŋ,
Yeso de gorge ma yãã ndi go.
127
1. Baa wo de Yeso boŋ,
Á do sen no cwãy no,
Baa wo de Yeso boŋ,
Á wo jar joŋ sir no,
Ga naa mo lag ni . . (2
2. Yeso de ooge gor naa,
Á do sen no cwãy no,
Yeso de ooge gor naa
Naa see wee ɓiŋ Yeso
Á yãã naa . . (2
3. Yeso men jobo go gà
Á do sen no cwãy no,
Yeso men jobo go gà
Á da jar ma ti sir
Ga se yãã ra . . (2
4. Yeso ko decoo naa debaŋ,
Á do sen no cwãy no,
Yeso ko decoo naa debaŋ
Naa jar ma ti sir ɓuy
Naa mo yãã ne . . (2
153
5. Do sen faage ɓen yaŋe,
Á yaŋ, á yaŋ, á yaŋ,
Do sen faage ɓen yaŋe
Jobo da we mo a
A ɓiŋ Yeso . . (2
6. Ndo a ɓiŋ Yeso Kris
Á yaŋ, á yaŋ, á yaŋ,
Ndo a ɓiŋ Yeso Kris
De ɓlagge ɓon wo ɓuy
Á yãã ndo . . (2
7. Jar mani Baa wii wo naa,
Ga, a yaŋ, a yaŋ, a yaŋ,
Jar mani Baa wii wo naa,
Wose da ɓoɗ jag la?
Mo ur go ciŋ ɓoɗ jagge,
Men sõre joŋ moge wà,
Ur go ciŋ ɓoɗ jagge.
8. Wurpo Yeso fer yaŋ le,
A yaŋ, a yaŋ a yaŋ,
Wurpo Yeso fer yaŋ le,
Á hoo jar ɓen wo ciŋ,
Tay ra le ɓuy ɓiŋ ɓe,
Wurpo Yeso fer yaŋ le,
Á hoo jar ɓen wo wo ciŋ.

154
128

1. Hẽẽre naa nduu we Amen!.


Naa yãã ra de el Haleluya!.
Naa yãã do ɓaara Amen!.
Naa lag ra gesiŋ Haleluya!.

2. Naa hee jag ne ra Amen!.


De fruygi lay Haleluya!.
Do go Abraham Amen!.
Hay joŋ no lay no Haleluya!.

3. Yãã jar Peele Baa Amen!.


Hã reege ne ra Haleluya!.
Baa ga ndo woo yaŋ Amen!.
Wer joŋre ɓo no Haleluya!.

4. Joŋ suse’ ne Baa Amen!.


Ti hẽẽre naan wo Haleluya!.
À sii wo ne naa Amen!.
Diŋ wããre Yeso Haleluya!.

5. Ga Waŋ fer ge le Amen!.


De jar Peele ɓen Haleluya!.
Naa mo lag de ɗeŋ Amen!.
Kne’ see naa go Haleluya!.

155
129

1. Day Yeso, day Yeso ko ngaɓan le ,


De tayge see ɓe,
Á caa põõ ne Nenterse
Ma de ɓlagge, riŋ ne :

Ndo Nenterse, ndo Nenterse


Ma de ndiŋgriŋ de mbululum no,
Ndi riŋ ndo kal le go ɓil ɓe.

2. Kal ɓil ɓe, kal ɓil ɓe


Wà so hase.
Á ngar jag de gẽẽge kloŋ,
Kal le go ɓil ɓe.

3. Á daɗ ne debaŋ,daɗ ne debaŋ,


Kal le go ɓil ɓe.
Weeln kol go do ga se,
Go de huli nono.

4. Hã ngaɓan, hã ngaɓan,


Ga á hu we go.
Ama Yeso raw baa do ɓe,
Weeln urgo ciŋ deŋ.

156
130 (CV 293)

1. Naa mo togoɗ Waŋ naa de fruygi,


Naa mo ‘wa wee siŋ ma togoɗ ge ɓe,
Naa mo hã we see naa goŋ Je yãã jar,
De tayge de jar Peele Baa wo.

Naa togoɗ Baa, naa togoɗ Baa,


Daga siŋ sen mo raŋ wer sir go ɓuy.
Naa togoɗ Baa, naa togoɗ Baa.
Daga siŋ sen mo raŋ wer sir go ɓuy.

2. Baa da naa de eegre debaŋe,


Ɓo’ Weel ɓe ma boŋ le gesiŋ la,
Jar tabay wo de jar ma ciŋ wo,
Tay wo gẽẽge ma ‘wa siŋ gano:

3. Bon maga hay ma da’ naa mono,


Yeso joŋn go ma yãã naa le go,
Á da ga se hoo ɓlagge naan go ɓuy,
Wer sen á hugo ma hooge ɓe.

4. Patala Je yãã jar ma de el,


Wuur de da moge de daŋ fẽẽren wo ɓuy,
Ndo mo had wuur ma da kããra ɓuy.
Ndo mo kol wuur go ɓuy jar ma ɓo.

157
131
1. Weel Baa biŋ we la (2
Wuur nduu ma goŋ Yeso
Waŋ naa no. (2
2. Biŋ le Betlehem (2
3.Naa ɓuy naa see wee. (2
4. Baa ɓiŋ blum we. (2
5. Ma yãã jar go ɓuy. (2
6. Hã ɓil ɓo ne ne. (2
7. A kay ndo yaŋ mbe. (2
8. Jag jãɗge wo ɓuy. (2
9. Weel sen joŋ blum we. (2
10. Joŋ blum hulin go. (2
11. Eegren ɓuy do ɓe. (2
12. Hulin da’ naa gà so. (2
13. Ndi wo ɓiŋ Yeso. (2
14. Naa joŋ suse’ ne Baa. (2
15. Naa togoɗ Baa Pããɓe. (2
158
132
1. Nenterse ɗe ndi, wo de ɓi see Yeso,
Ci mani Yeso yog jiili ɓi we go.
Baa ɗe ndi le maga se woo ndi debaŋ,
Á bo’ Je yãã jar le kay ndi.
2. Fruygi yaŋ ɓiŋ Yeso Kris debaŋ,
Á tum koɗ naa, á men naa go gà.
Mo ma dig faage ɓen go bay wà,
Á da ga naa mo wo see Baa.
3. Ndi de fruygi ti Je yãã jar ɓo no,
Hã ɗeŋ le me ma had jar faaren wo.
Baa men me hayge nen de el ɓo no,
Maga ndi mo ɗaw wããre ɓo no.
4. Baa ɗaw me do ɓo, ko jag jiili ɓi,
Ɓlagge raw jiili ɓi, hoo ne wo go so.
Maga ndi hay wurpo ɓiŋ ɓo Pããɓe,
Koɗ me ti faage mani ɓo no.

133 ( CV 8)

1. Ɗu ma Yeso de woore desãy,


Jag gaalin wo ɓuy se yãã me go.
Á de ɗe naa, naa mo a le,
Ɗu Yeso de woore.
159
Yeso ɗu sen, naa mo togoɗ ne,
Yeso ɗu sen, de el debaŋ.
Yeso ɗu sen, á coo naa le,
Naa ɓuy naa mo togoɗ wee ɗu Yeso.

2. Ndi da ɗu ma sen mbi debaŋ,


Á koɗ me ti faage raŋge ɓin.
Siŋ sen mo kayn diŋ siŋ ma ciŋ,
Ɗu Yeso de woore.

3. Ndi da ɗu ma Je yãã ndi no,


Á mbe boŋ ko jiili ɓi go ɓuy.
Á mbe boŋ kol ndi go diŋ blum,
Ɗu Yeso de woore.

4. Day nen gaali mapo ndi gay,


Nen ɓlagge mapo ndi le’ go ni.
Ɗu sen mbe boŋ maŋ ndi go ciŋ,
Ɗu Yeso de woore.

5. Wurpo ndi raw yaŋ wo go ciŋ,


Wursen ndi ko ge nen ɓe yaŋ.
Day le ni tum ndi ‘waa siŋ yaŋ,
Ɗu Yeso de wore.

160
134
1. Baa ‘ũy faage maga wo go ciŋ de el debaŋ.
Baa ‘ũyn go de el werga sen wo de jar see ɓe.
Hayga jobo yaŋ seege ti faagen sagsag no,
Je sen á wo yaŋ go liŋ ni Baa.
A le, a le, naa see wee laa re Baa,
Ndi da, ndi daga ndi mo wo go liŋ ni Baa.
Yeso see de naa ti faage se de ele no.
Ndi da woge liŋ ni Pããɓe Baa
2. Fẽẽere ma de ɓlaggen wo ɓuy wo wo ciŋ ni gà,
Werga fen ma de ɓlagge me’ bay le ciŋ ni wà.
Sõõge ɓil de ceege kãã wo ma woge ciŋ gà.
Ndi da woge liŋ ni Pããbe Baa.
3. Wããre ma de el boŋ kãã ma woge liŋ ni Baa.
Fruygi mani Baa á baa ɓil jar ɓen go maŋmaŋ.
Huli bay le ni wà, werga Baa tob hulin go.
Ndi da woge liŋ ni Pããɓe Baa .
4. Yeso see de naa ti faage se de ele no.
Yeso kne’ faage maga se kaŋ nen naa ti ɓe.
Á hã eegre ne naa debaŋe ma seege ni.
Ndi da woge liŋ ni Pããɓe Baa.
5. Jobo ma joŋ saŋgun kãã ma woge ciŋ ni gà.
Werga je joŋ saŋgun diŋ je mani Manhuli.
Hayga ndo yãã re Yeso we no hẽẽne bay wà.
Ndi da woge liŋ ni Pããɓe Baa.

161
138

1. Tenen defay yaŋ do Baa,


Baa na nen ɓe we wara ,
Naa joŋ suse’ ne Baa debaŋ
Naa mo yãã wããre ɓe no.

2. Baa ‘ũy tenen ma defay,


Diŋ wosela? diŋ Kris,
Ndi faa nday, nday kon genla?
Wuur da’n de yerge ɓi kefder.

3. Nday da’ de yerge na genla ?,


Ɓil Joŋre jar Peele wo,(joŋ:13)
Ma kluuri ɓe hwal ti swa’,
Nday la wããre sen ɗala.

4. Ɓil tayge jag ma taŋgu no


Baa kaŋ nen naa ti wola?,
Ti Je yãã jar je mbug ti cwe,
Nday da’ sen ɓil may pala?.

5. Wuur da’ sen ɓil Tĩĩgiwer


Ma kluuri ɓe swa’, (tig:3)
Hã wur sen Baa da naa debaŋ
Naa mo yãã wããre ɓeno.

162
6. De maga Adam le’ nen jããge mono
Baa nga’ sam,
Sa’ hõõge ɓe ne hẽn sag,
Diŋ siigi jag ma taŋgu no.
7. De kage ci sam sen mono
Baa fug ɓil go ti ɓlagge no ,
Mo no diŋ kaŋge nen ma tagu
Ga Baa hay ɗig ne mono.
8. Se hã diŋ Yeso Kris
Maga hu go de ɓalge ,
Wer naa jar ma gesiŋ la,
Se fer go birgi mono.
9. Á fer wo go see Pan ɓe,
Á fer yaŋ le wer jar maga
Gay wo wer ɓe mono,
Á hoo ra wo go ciŋ see ɓe.
10. Yeso Kris riŋ naa gahãyla?
Ga naa mo fer biŋgi defay,
Ma woge da’ tenen,
Tenen defay maga taw gà mono.
11. Fer biŋgi defay naa biŋgi la?
Yãã ge re Baa diŋ biŋgi defay,
Ndo hã ɓil we ne hẽn no
Ndo fer biŋgi defay so.
163
12. Wur age Yeso kos we go,
Fer we biŋgi deparday,
Wur age Yeson kos we go ,
Nday wo go nen wuu hẽẽre ɓi no.

13. Yeso wur age ɓon go mbaŋ,


Wuur yaŋ gor moge mbe tum,
Ma rawge wo go ciŋ see ɓo
Ma lagge ti do war Pan ɓo.

139

1. Jãɗgen nduu debaŋ see naa,


Fẽẽren raw wo eegre naa,
Faage ma woge de naa liŋ ni Baa yaŋ.
Hayga naa ko sen we no,
Naa mo hã ɓil ne hẽne,
Yeso kol fẽẽren yaŋ go poɗag pel naa.

Blam sen ɓuy Yeso tee ngeel go ti naa,


Jar mani Baa wo tay wo yaŋ go ciŋ.
Naa wãã wããre Je yãã naan go ne jar,
Yeso kol fẽẽren yaŋ go poɗag pel naa

164
2. Fẽẽre naa po bay wo wà,
Koŋne yaŋ joŋ coo naa lay,
Payre naa kol wo go do laale lay.
Hay ga naa yãã re Baa we,
Blam sen á koɗ naa diŋ se,
Yeso kol fẽẽren yaŋ go poɗag pel naa.

3. Fẽẽre ma de ɓlaggen wo ɓuy,


Yaɗ wo see naa ,ɓlag naa go,
Jiili naa kol dage diŋ ɓlaggen lay.
Naa mo tos wee Manwur Baa,
Ma kay naa jag fẽẽre sen,
Yeso kol fẽẽre yaŋ go poɗag pel naa.

140
1. Tenen defay . . .
Tenen defay ma jar ɓuy. (2

2. Ndo yãã ne . . .
Ndo yãã ne de hãge ɓil. (2

3. A wee le . . .
A wee le ɓuy see Yeso. (2

4. Ama ndi . . .
Ndi de ɓalge de Yeso . (2
165
5. Ama ndi yaŋ . . .
Ama ndi yaŋ tenen tum. (2

6. Bay diŋ ndi . . .


Bay diŋ ndi de see ɓi wà (2

7. Diŋ Yeso,Yeso yaŋ tenen ,


Diŋ Yeso ,Yeso yaŋ tenen de ɓi. (2

8. Cwãy wããre . . .
Cwãy wããren ɓuy jag Yeso. (2

9. Jar ɓen wo . . .
Jar ma wer Yeson wo ɓuy. (2

10. Á ɗe ra . . .
Á ɗe ra de ɗu ɓaara. (2

11. A wee le . . .
Ma kaŋ ɗu ɓay ne Yeso. (2

166
141

1. Jar ma ni Baa no, naa see wee,


Naa joŋ wee fruygi jag naa,
Naa tay wee ‘waa siŋ de fruygi . .
Do sen naa cir ti Yeso . .

Naa see wee go ti Siyoŋ


Siyoŋ ma de el de wore no
Naa see wee go ti Siyoŋ,
Ɓi leege mani Baa no.

2. Jar ma bay hã ɓil no,


Ɗig wee wer siŋ sen ɗala,
Ama naa weere mani Baa . .
Naa joŋ diŋ fruygi no . .

3. Wããre mani Baa no,


Hã fruygi ne jar debaŋ,
Fruy jar ɓon wo, coɓ nen ɓaara lay . .
Naa mo kaŋ ti ti wããre ɓe no . .

4. Naa ‘waa wee siŋ de eegre,


Naa tag wee mberbe naa go,
Naa hee wee ti Emmanuel . .
Ma woge ti ngeel ma ciŋ no . .

167
142

1. Jar ma Israyel wo ɓuy, hay wo seege yoo koo,


Ɓil ɓaara hay ti fẽẽre ma Ejipte ɗa.
Cwãy wããre mani Baan á kon wo do fen fo,
Baa la cwe wo le ma poɗ koŋne ɓaaran wo.

Koŋne maga gay jar ma Israyel wo,


Cwãy wããre mani Baan á kon wo do fen fo,
Poɗge ɓaara a, á da’ wo huli,
Á ra wo debaŋ ga saara mo fer ɓiŋ Baa.

2. Hayga jããge ma gesiŋ la jãã mo we no,


Cõõre wããre mani Baa kol go do fen fo.
Cwãy wããre mani Baa cõõre ɓe bay wà so,
Oo hẽn ɓi ndo mo gor ma ɗig wããre sen ɗa.

3. Cããge yii ndo kon we, gẽẽge jõõ ndo laan we,
Hõõgesee ga ndo ko fen ma de ele.
Nen raw ɓen da koge, ɓil ɓo da woge ni,
Oo hẽn ɓi ndo mo gor ma ɗig wããre sen ɗa.

4. Wããre kaŋge wãy no, joŋre horog laybla’,


Ndo ga ndo tob Baa ɓon go diŋ wer mayse la?.
Hayga ndo toɓ Baa we, poɗge ɓe diŋ nen wuu,
Oo hẽn ɓi ndo mo gor ma ɗig wããre sen ɗa.

168
143 (CV.19)

1. Je ma yãã megen hu ti koo wer ɓi,


Togoɗ Weesam mani Baa.
A wee le naa mo togoɗge we ne,
Togoɗ Weesam mani Baa.

Weesam, Weesam, Weesam mani Baa,


Ndi da ga ndi mo ɗe ɗu Weesam no,
Ɗu sen yaŋ mbe tenen pel ɓi,
Togoɗ Weesam mani Baa.

2. Ndi da wii je ma joŋ ɓlaggen gano:


Togoɗ Weesam mani Baa,
Ga ndi da’ je yãã ndin we so,
Togoɗ Weesam mani Baa

3. Ndi da ‘waa siŋ de hãge ɓil gano:


Togoɗ Weesam mani Baa.
Ga Je yãã ndin hay hu go wer ɓi,
Togoɗ Weesam mani Baa.

4. Ndi tob tamsir go patala ɓuy ,


Togoɗ Weesam mani Baa.
Baa fug ɓil go ti ɓlagge ɓin ɓuy,
Togoɗ Weesam mani Baa.

169
5. Ndi de keege yoo jar mani Baa wo,
Togoɗ Weesam mani Baa.
Jiili ɓi go de yogge nen ci ɓe.
Togoɗ Weesam mani Baa.

144

1. Ndi joŋ fruygi werga Yeso joŋ


Joŋre cooge jar ma de ɓlaggen wo.
Baa da jar maga se joŋ ra mono,
Wersen se hã Yeso le ne naa.

Ngeel ma de el le ciŋ see Yeso,


Ti ngeel maga jããge wo ni gà,
Ndi da’ iggi ti joŋge coo ɓin wo ɓuy,
Kaŋ me wo ti ngeel sen patala.

2. Naa see ɓod jag go diŋ pel Baa naa no,


Tabul ɓen go de hãge ne naa.
Je ma la wããre hã ɓil ne Yeso,
Baa Pan dage fug ɓil go ti ɓe.

3. Ɓlagge ɓin taw we, ɓil ɓi ti fege,


Wersen ndi joŋ fruygi nen naw tum.
Manhuli jãɗ me de gete’ ɓen no,
Wersen ndi men gete’ ɓen go ɓuy.

170
4. Baa Pããɓe kaŋ kiida ɓin wo ɓuy,
Diŋ ti Yeso Je ma yãã jar no.
Naa ‘waa wee siŋ, naa togoɗ wee diŋ Baa,
Naa ‘waa wee Amen!, Haleluya!

5. Á hoo ɓlaggen go, á laa ne wo go,


Kiidan taw we go ti naa ma tum.
Naa maŋ faage naa see diŋ wer Yeso,
Naa ‘waa wee Amen!, Haleluya!

6’ Naa maŋ faage naa see diŋ wer Yeso,


Wo liŋ ni Baa, ngeel ma iggi yaŋ.
Joŋ coo taw we go, gayri taw we lay,
Naa ‘waa wee Amen!, Haleluya!

145

1. Jobo da fruygi ma gesiŋ la,


Ɓil ɓi da ɓin diŋ Yeso.
Fẽẽre ma gesiŋ la taw wo yaŋ go,
Ama Yeso gwa’ tenen.

Suse’ debaŋ diŋ ne Yeso,


Cwãy Je yãã jar ma de el no,
Dage ɓe no kluu debaŋ,
Á gwa’ yaŋ mbe sagsage.

171
2. Á hoo fẽẽre ma ɓil ɓin go ɓuy,
Á ni hẽẽnen wo go ɓuy.
Nen fẽẽre ma de eegre wo ɓuy,
Yeso Kris yaŋ mbe gor ndi.

3. Wããre ɓe no de el debaŋ,
Á diŋ ger ma pel ɓi no.
Á diŋ wuu ma tee ngeel pel ɓi,
Á diŋ hole ma ɓil ɓi.

4. Jobo kãã ma da’ pẽẽge mono,


Say diŋ wer huli Yeso,
Ndi kaŋ ɓil ɓi diŋ ti Yeso,
Hãã ndi koge nen ɓe yaŋ.

146

1. Jobo hay boŋe ɓaa


À ɗe ne ga Nikodem. (2
Á hay diŋ je ma car kiida
Ma yoo jar Jwif wo . (2

2. Á nduu see Yeso de suŋ


Raw wiigi ɓe gano: (2
Rabbi wuur ko we ga
Ndo diŋ je ma had wuur no, (2

172
3. Maga a le ni Baa
A le diŋ wer wuur sag sage, (2
Werga jobo kãã ma joŋ fen
Ma de mbuɗgin gà. (2
4. Maga ndo joŋn mo kay
Say diŋ Baa mbe boŋe. (2
Yeso fer wããre ne hẽn ga:
Kidolgi ndi riŋ ndo. (2
5. Hayga jobo fer biŋgi we
Defay gà has no, (2
Á kãã ma ko ngeel maga Baa
Lag de jar ɓen wo ni mo gà. (2
6. Nikodem wii ne ga:
Je maga go de tããbe (2
Biŋ defay biŋge la?
Á fer kalge ɓil man ɓe? (2
7. Ma fer ge le go bingi
Defay pa yaw la? (2
Yeso fer wããre ne hẽn ga:
Kidolgi ndi riŋ ndo. (2
8. Hayga jobo biŋ de bii
De Nenterse gà no. (2
Á kãã ma ko ngeel maga Baa
Lag de jar ɓen wo ni mo gà. (2
173
9. Nikodem fer ne hẽn ga:
Ndi joŋ joŋge la? (2
Yeso wii ne ga:
Ndo diŋ je kluu Israyel wo. (2

10. Ndi hã ɓil ɓi ne Yeso


Ga Yeso diŋ je yãã ndi. (2
Werga á yãã ndi go
Diŋ de ci mani ɓe no. (2

11. Baa da tamsir debaŋ


Á hã Yeso Krris ne naa (2
Ndi hã ɓil ɓi ne Yeso
Ndi bas go gà hase. (2

12. Ndo hã ɓil ɓo we ne Yeso Kris


Kiida Baa ba ndo gà. (2
Werga Yeso poɗ ɓere
Ma ti ɓon we go. (2

13. Je ma bay hã ɓil ne Yeso Kris


Kiida Baa ba we go. (2
Werga á yãã ree Weel
Baa ma boŋn gà mono. (2

174
14. Baa hã Weel ɓen ne naa,
Ma caa kiida ti naa gà. (2
Maga tamsir wo ɓuy
Mo da’ tenen diŋ wer ɓe. (2

15. Hẽẽre ɓi nday mo a wee


Hã ɓil ɓay ne Yeso. (2
Werga Baa da nday,
Daga se yãã wee go wara lay. (2

147 (CV. 226)

1. Joŋ hẽẽne wà, ndi da ndo!


Ndi yaŋ mbi de ɓo!
Wããre sen de eegre
Ma kay hãge ɓil ɓi.
Tu ma de suŋgu no,
Bay joŋ hẽẽne ɓi wà so.
Ndi go de teŋ nen ɓi,
Ndi see wer Je yãã ndi no.

Has, ndi bay boŋ wà has . .


Yeso Je yãã ndin de koɗ mege,
Á men ndi boŋ gà hase.
Has, ndi bay boŋ wà has . .
Yeso je yãã ndin de koɗ mege,
Ndi bay boŋ wà so hase.
175
2. Ngeel baɗ we de jag toŋ no,
Wur sen joŋ de ele.
Yeso poɗag ɓi no,
Tee ngeel we me ti.
Suŋgu ɓo’ we me ti no,
Ger ler ngeel go me ti.
Nen ngeel ma de suŋgu no,
Yeso ɓo’ nen ɓi wo ciŋ.
3. Gaalin ɗee wo le debaŋ,
De yoŋre, kogà.
Á kes wo ndi, cir ti ɓi go,
Ama Yeso see ɓi mbaŋ .
Ti faage raŋge ɓin wo,
Se riŋ me ga: A diŋ ndi,
Joŋ hẽẽne wà , teŋ nen ɓo,
Ndi yaŋ mbi see ɓo la tum.
148
1. Jaŋ kefder Baa ,
Tos nen naw tum . . .
Jaŋ kefder Baa,
Tos nen naw tum,
Ndo da gẽẽre we no . . .
Jaŋ kefder Baa,
Tos nen naw tum,
Ndo da gẽẽre we no.

176
149

1. Kiɗ jar maga yeɗ wo gom,


Jar joŋ ɓlaggen wo,
Yãã ra le go ti faage ɓaara no,
Ɗig jar maga yee wo gom,
Jar debaycõõren wo,
Wii ra ga Yeso da yãã rage

Kiɗ jar maga yee wo gom


Jar joŋ ɓlaggen wo,
Yeso yaŋ gor rage , da yãã rage go.

2. Á wo mbaara de ɗar Yeso,


Yeso mbe de gor rage,
Ga á mo a wo le ɓoɓ jag pel se,
Wii ra mbo sagsage,
Men see ɓo gayge wà,
Hayga á yãã wo Yeso Kris we.

3. Nen ɓil ɓaara mono,


Gete’ ma Manhuli,
Ba ɓil ɓaara go saara kon gà,
Bay wo ɗiggi wà lay,
Sug ɓaara laa gà lay,
Á ko wo de el mani Yeson gà.

177
4. Kiɗ jar maga yeeɗ wo gom,
Kay diŋ joŋre naa no,
Eegre joŋre maga Baa hã ne naa,
Kaŋ ra ti faage mani Baa naa no,
Wii jar maga yee wo gom,
Ga Yeso de el.

150 (Ful. 47)

1. Ko genla ti tamsir la,


Ndi ko ga jar yaŋ ni.
Ndi daga á mo laa wo ree
Maga Baa wãã mono.
Werga Baa ɓo’ Yeso le,
Á coo naa mbe go ɓuy.
Ndi daga jar mo laa wo
Wããre Je yãã naa no.

2. Ti tamsir la suŋgun yaŋ


Go de yoŋ jar wo ɓuy.
Á ko wo ga Yeso yaŋ gà,
Ko wo Je yãã jar gà.
Ndo mo yoŋ koge ɓon wà,
Yoŋ fruygi ɓon wà lay.
Fen maga fruy ɓil ɓo mono,
See kaŋ nen jar ti ɓe.

178
3. Je maga yãã ree Yeso we,
Je maga hã ɓil we.
Je sen kol go diŋ Weel ma Baa,
Da’ yogge ma de bii:
Ti ɗu mani Pããɓe Baa,
Ti ɗu ma Weel ɓen lay.
Ti ɗu Nenterse ma de el,
Je sen tay jag de Baa.

151

1. Le ɓaɓa blo po hay boŋe,


Á ɗe ne ga Sake.
Je sen hay diŋ je tar sege,
Diŋ waŋ jar tar seen lay.

Gahãyla Weel je tabay,


A gesiŋ la ma kiɗgi.
Ma yããge go diŋ jar maga
Sen hay yeeɗ wo go mono.

2. Je sen hay kiɗga se ko Yeso,


Ga Yeso diŋ wola?
Day ngaɓa jar maŋ jag ɓe go,
Werga á de dogray.

179
3. Day se raw ɗeege pel ki koo,
Wo da’ge diŋ koo hõõ.
Se ɗii ti ɓe ma gor Yeso,
Maga á hee ge ni.

4. Yeso day ti ngeel sen ni mono,


Maŋ nen ɓe ciŋ gano:
Sake ma ciŋ ndo ɗii le go,
Ndi wo ni ɓo wara.

5. Sake ɗii le go deparday,


Raw ooge pel Waŋ naa.
Ɓod jag go ti ɓlagge ɓen wo ɓuy,
Á da’ pẽẽge wur sen.

152 (cv 311)

1. Daga do mani ɓo no Pan ɓi,


Mo kaŋ bosa’ me ti ngeel suuli ɓi no,
Day daga ndi mo le’ na na diŋ,
Graŋ ɓo je ma koɗ mege no . .

2. Wer ɓil de el ɓon daga ndo mo yog,


Ɓlagge ɓi maga ndi hay joŋ ra mogo.
Day Nenterse ɓon mo kol me go,
Diŋ je maga yãã jag ɓo . .

180
3. Daga ndo mo hay go tum gor ti,
Bar ɓin wo de pããre ɓin wo lay,
Daga nen ɓo mo hay le ti ɓaara ciŋ,
Ma kleeren wo de ma kluurin wo lay . .

4. Daga de el ɓon mo ɗee do go,


Ma jãã nen je maga nen lawge mono,
Hã fruygi ne je ma de coon me’ lay,
Hã jam ne je ma de ceege no . .

5. Pããɓe ndi taw tosge ɓin we go so,


Ndi le’ na na diŋ graŋ ɓo,
Jag ɓi de fruygi werga ndi ko ga,
Pan ɓi ma da ndin le siigi de gor ti ɓi . .

153

Naa puɗ ciŋ de siigi wããre no,


Naa sii ne ra.

1. Sii go ti Yeso . .
Ga á mo wo wo ciŋ
Naa sii ne ra.
Yeso wãã gano: . .
Ga naa sii wããren go,
Naa sii ne ra.

181
2. Je ma da Yeso . .
Á da’ tenen ɓen ciŋ,
Naa sii ne ra.
Je maga day ga: . .
Á wo yaŋge nen wuu,
Naa sii ne ra.

3. Yeso men joŋre . .


Sen ga sii ne jar ɓuy,
Naa sii ne ra.
Yeso da ɓen ga . .
Jar mo wo wo see Baa,
Naa sii ne ra.

4. Manhuli mono . .
Kiɗ ga se yee jar go.
Naa sii ne ra.
Yeso yãã naa yaŋ . .
Go jag joŋge coo no.
Naa sii ne ra.

5. Kiida yaŋ ti naa . .


Kiida sen diŋ huli.
Naa sii ne ra.
Kiida sen mono . .
Diŋ huli ma tum no,
Naa sii ne ra.
182
6. Ndi wo jag kiidan gà . .
Ndi yãã wããre Yeso.
Naa sii ne ra.
Ndi da diŋ Yeso . .
Hãã á yãã ndi yaŋ go,
Naa sii ne ra.

7. Naa wo yaŋ see Baa . .


Naa wo lagge se ɓe.
Naa sii ne ra.
Naa lag see Yeso . .
Hãã ni tum taw gà so.
Naa sii ne ra.

154

1. Naa see wee wo go ciŋ,


Wo go ɓiŋ Pããɓe Baa . . .
Naa see wee wo go ciŋ
Wo go ɓiŋ Pããɓe Baa.

Togoɗ wee Yeso Kris je yãã naa.

2. Coocoo bay le ni wà,


Wo go ɓiŋ Pããɓe Baa . . .
Coocoo bay le ni wà,
Wo go ɓiŋ Pããɓe Baa.
183
3. Jwaale bay le ni wà.
Wo go ɓiŋ Pããɓe Baa . . .
Jwaale bay le ni wà
Wo go ɓiŋ Pããɓe Baa.

4. Koŋne bay wà lay,


Wo go ɓiŋ Pããɓe Baa . . .
Koŋne bay wà lay.
Wo go ɓiŋ Pããɓe Baa.

5. Gayri bay le ni wà.


Wo go ɓiŋ Pããɓe Baa . . .
Gayri bay le ni wà.
Wo go ɓiŋ Pããɓe Baa.

6. Ceege bay wà lay,


Wo go ɓiŋ Pããɓe Baa . . .
Ceege bay wà lay
Wo go ɓiŋ Pããɓe Baa.

7. Naa wo da’ see naa,


Wo go ɓiŋ Pããɓe Baa . . .
Naa wo da’ see naa
Wo go ɓiŋ Pããɓe Baa.

184
155
1. Naa ‘waa wee siŋ ma gano: Tenen defay yaŋ..
Naa kiɗ jar go ɓuy, Tenen defay yaŋ..
Sii wããren de sõõre wà, Tenen defay yaŋ..
De sõõre ndo bas go. Tenen defay yaŋ..

2. Ndo sii wããren go, Tenen defay yaŋ..


Ndo wãã gahãyla? Tenen defay yaŋ..
Kaŋ nen ti Yeso, Tenen defay yaŋ..
Wii ga á Je yãã jar Tenen defay yaŋ..

3. Werpiiri de naare wo, Tenen defay yaŋ..


Naa see wee kiɗ jare Tenen defay yaŋ..
Yeso wãã gano Tenen defay yaŋ..
Naa sii wããren go Tenen defay yaŋ..

4. Je maŋ wer Yeso, Tenen defay yaŋ..


Á da’ tenen seno Tenen defay yaŋ..
Je maga day gà Tenen defay yaŋ..
Á wo go nen wuu Tenen defay yaŋ..

5. Je maŋ wer Yeso Tenen defay yaŋ..


Se hã eegre ne hẽne Tenen defay yaŋ..
Á kol diŋ weel Baa, Tenen defay yaŋ..
Á hay yaŋ de ɓe Tenen defay yaŋ..

185
6. Laa gte’ jarn wà, Tenen defay yaŋ..
Nday bas go de kããra Tenen defay yaŋ..
Ale naa see wara, Tenen defay yaŋ..
Ndo mo gor toŋ wà, Tenen defay yaŋ..
156
1. Nday ko tayge jar wo mo deŋ no,
Jobo kãã ma kee rage gà. Haleluya!..
Á wo de lagge ɓuy pel Baa,
Á ‘waa wo siŋ ma defay. Haleluya!..
Maŋ wo gẽẽge ɓaara ciŋ,
Ma togoɗge diŋ Baa boŋ. Haleluya!..
Waŋ de eegre de kããge,
Togoɗgen ɓuy diŋ ma ɓe boŋ. Haleluya!..
2. Wuur diŋ jar maga wuur men,
Gayri Manhuli wego. Haleluya!..
Naa yog õõbe naa we le go,
De ci mani Yeso no. Haleluya!..
Naa men tosge naa go wà,
Naa mo lag gor Yeso Kris. Haleluya!..
Manhuli yaŋ dur moge,
Fer ɗee ɓon wer Yeso Kris. Haleluya!.

3. Naa ɓoɗ jag we go pel Baa,


Á hoo ɓlagge naa yaŋ go. Haleluya!..
Wuur joŋ suse’ mo debaŋ,
186
Werga Yeso yãã wuur go. Haleluya!..
Koŋne fen po gay naa gà,
Yeso diŋ je koɗ naa no. Haleluya!..
Á wo yog naa yaŋ mbe go,
Tag nen naa yaŋ mbe go lay. Haleluya!..

4. Yeso Kris yaŋ le tosge,


Yaŋ le tosge diŋ ti naa. Haleluya!..
Ɗaw do jar joŋre ɓon wo,
Wuur wo wiɗ jar yaŋ go ɓuy . Haleluya!..
Wuur da woge nen wuu gà,
Wuur da woge see Yeso. Haleluya!..
Ti ngeel maga jar ɓon ni,
Yaŋ wo toɗge diŋ Baa boŋ. Haleluya!..
157

1. Ndi da ɓin diŋ Waŋ ɓi


Diŋ Waŋ ɓi . .
Ndi da ɓin diŋ Waŋ ɓi, mbe kidolgi.

2. Á hay hu ma yãã mege


Ma yãã mege . .
Á hay hu ma yãã mege, mbe kidolgi

3. Dage ɓen de el debaŋ


De el debaŋ . .
Dage ɓen de el debaŋ, mbe kidolgi.
187
4. Á coo jag jiili ɓi we
Jag jiili ɓi we . .
Á coo jag jiili ɓi we, mbe kidolgi.

5. Á hã fruygi ne ndi


Fruygi ne ndi . .
Á hã fruygi ne ndi, mbe kidolgi.

6. Á hã iggi ne ndi


Iggi ne ndi . .
Á hã iggi ne ndi, mbe kidolgi.

7. Joŋre ɓen bay põõge wà


Bay põõge wà . .
Joŋre ɓen bay põõge wà, mbe kidolgi.

8. Á da ga ndi mo joŋ joŋre


Ndi mo joŋ joŋre . .
Á da ga ndi mo joŋ joŋre,mbe sagsage.

158

1. Je ma yãã ndin biŋ we le Betlehem,


Á biŋ ɓi sir mani Dafid no.
Mari man ɓe hay diŋ nday Josefe,
Á biŋn wer eegre Nenterse Baa.

188
Naa togoɗ Yeso, naa togoɗ Yeso,
Yeso Kris biŋ we wara ɓil je tabay,
Naa togoɗ Yeso Je yãã jar go ɓuy,
Yeso mbe boŋ diŋ je ma yãã ndi.
2. Fruygi yaŋ debaŋ ti tamsir wara,
Werga Je yãã naa biŋ we wara.
Jar ma ciŋ wo de jar ma ti tamsir lam ɓuy no,
Mo tay wo go boŋ ma togoɗ Baa.
3. Jar ma koɗ sããren wo le ɓi fuuli,
Je Peele Baa wo see ɓaara.
Á joŋ wo hẽẽne do ɓe debaŋe,
Je Peele Baa riŋ ra coɓ wee see ɓay.
4. Ndi a de wããre ma de cõõre ne nday,
Maga joŋ fruygi yaŋ ne jar ɓuy.
Je ma yãã jar biŋ we le Betlehem,
Á diŋ Waŋ naa, à diŋ Kris Weel Baa.
5. Jar ko wer fẽẽren a wo koge ɓe,
Nduu wo ɓi leege Jerusalem.
Wii wo wer waŋ ma jar Jwifn gano:
Wuur nduu le ga wuur a goŋge ɓe.
6. Waŋ Herod raw tay jar kluurin wo,
Á wii ra ga waŋ sen biŋ genla?
Saara ga a ma biŋgi wo Betlehem,
Herod ga á mo see wo mbaara so.
189
159

1. Ndi ɗig ti fen maga joŋ Adam wo de Efa,


Debaycõõren da’ ra le go ɓil pay Eden

Ndi laa, ndi laa (Jan 14)


Ɓil Jaŋ ma hwal ti naa.
Yeso Kris riŋ naa ga:
Naa mo joŋ hẽẽne wà,
Naa mo hã ɓil naa ne Baa,
Hã ne se no lay.
Le go liŋ ni Pan se Baa
Ngeel le ni debaŋ
Hayga, hay do sen gà no,
Se de riŋ naa yaŋ.
Se raw we go ciŋ ‘ũy ngeel
Ma lagge ne naa,
Se fer yaŋ le ma hoo naa
Wo go see ɓe ciŋ.
Ti ngeel maga se de woge ni
Naa yaŋ de ko faage no

2. Ndi ɗig ti wur maŋge bii ma nen Nowe no,


De maga jar tĩĩwer tesge ti sir lam no.

3. Ndi ɗig ti sir ma Sodom wo de Gomore,


Wãy ma Lod kol mand wer bay yããge jag ɓe.
190
4. Ndi ɗig ti wur hagge cwee mani Moyis no,
Jar hay hu wo debaŋ, á day wo ko cween gà.

5. Ndi ɗig ti wur maga Yeso kal go ciŋ mono,


Sode ma gor ti ɓen leɗ wo go do huli.

6. Ndi ɗig ti Ananiyas, de wãy ɓe Safira,


Maga da’ wo huli, diŋ wer dage solay.

7. Ndi ɗig ti maga Judas yee Yeso go mono,


Hãã se kol ɓo’ sew go diŋ wer ɓlagge seno.

8. Ndi ɗig ti wur maga Yeso fer le mono.


Jar hugi wo debaŋ wer bay hãge ɓil ɓaara.

160
1. Ndi hã eegren go ne nday ɓuy
See wee jam ma raŋge de ɗu ɓi.
Ni nday hã togoɗge yaŋ me,
De fẽẽre maga ndi hã ra wee mo ɓuy (2

2. Cwãy cwãy nday joŋ ge blum yaŋ mbay,


Wer hãge ɓil ɓay ti wããre ɓin wo,
See wee mbay go tinoo yoŋ wee wà,
Waŋ ma waŋren yaŋ mbe pel ɓay. (2

191
3. Joŋ wee hẽẽne do jar maga caa wo
Hee de jar ɓin wo mo wà.
Ɗig wee mbay ga ndi yaŋ de ɓay tum,
Ni mopo joŋ wee me’ gà hase. (2
4. ‘Waa wee war de siŋ ma togoɗ mege,
Werga nday da’ fen ma de el.
Tay wee gẽẽge de jar Peele Baa wo,
Ma swaa wu ti je hee naa no. (2
5. Nday mo hay wee do koo har nono,
Maga joŋ hẽẽne do ceeg gà,
Raŋ wee ngeel ma de suŋgun go ɓuy,
Ma sii wããre ɓin ne jar wo. (2
161 (ful 4)
1. Ndi ko wee cwãy ga Baa yãã me we,
Werga Yeso yaŋ jiili ɓi la.
Ci Yeso yog ndi, coo ndi we lay
Nenterse ɓen fer biŋ ndi defay.
Kay diŋ wããre ɓi,
Kay diŋ siŋ ɓi, (2
Ma togoɗ Yeso Waŋ ɓi no.
2. Jiili ɓi patala de fruygi,
Nen ɓi bul we ko je yãã ndi no,
Baa hã Nenterse ɓen le kay ndi,
Ndi see diŋ wer ɓe, wer wããre ɓe no
192
3. Ndi da ga ndi yãã jag Yeso Kris,
Jiili ɓi patala jam de Baa
Ndi go de pũygi, gor naw Yeso
Wur maga Yeso fer le maŋ ndi
162 (CV 172)
1. Ndi men fen maga ndi ɗen ɓi,
Wo go ɓi coo do ɓo ɓuy.
Waŋ ɓi ndo mo men jobo go
Yãã ge see ɓe wà hase.
Cwãy yãã ɓuy Waŋ ɓi . .
Ndi men go ne ndo ,ɓi coo do ɓo
Ɓuy jag de fruygi.
2. Hẽẽne joŋ ndi ma maŋ blam ɓo,
Ti faage koo ma ɓalgen gà.
Ndi da ga ndi mo hay ma ɓo,
Ndi ko gẽẽge ɓo ndi dan lay.

Cwãy yãã ɓuy Waŋ ɓi . .


Ndi ɗaw see ɓe ga, ndi hãn go ne ndo,
Ɓuy jag de fruygi.

3. Ndo go de ko dage ma ɓil


Ɓin wo ɓuy de daŋ ndi yaw.
Day ndo da kol mege je blum,
Ga ndi mo joŋ fruygi debaŋ.
193
Cwãy yãã ɓuy Waŋ ɓi . .
Ndi bay tenen ma ɓi wà so
Ane ma Je yãã ndi no.
4. Yãã hõõgesee ɓi de tenen ɓi,
Fẽẽre ma ɓin ɓuy mo hay wo ɓo.
Da ga wuu ɓo ma ciŋ mo roɗ
Ɓlagge ma ɓil ɓin go ɓuy.
Cwãy yãã ɓuy Waŋ ɓi . .
Yãã hõõgesee ɓi de tenen ɓi
Kol Waŋ jiili ɓi.
163
1. Ndo diŋ je ɓil de el Waŋe,
Weel Baa ,Weel je tabay.
Jar ɓon wo ɓuy mo ‘waa wo siŋ,
Wer ɓo wara Waŋe.
2. Ndo le ti do war Baa wuurri,
Maga le ciŋ mono.
Ndo diŋ Waŋe, Emmanuel,
Je yãã jar wo ɓuy lay.

3. Wuur tay ti ti ɗu ɓo wara,


Wããre ɓon ga ndo yoo wuur.
Wuur joŋ suse’ ne ndo waŋe,
Wuur ɗig ti ti huli ɓon.
194
4. Ci ɓon yog ɓlagge wuur go ɓuy,
Nii Manhuli je hee wuur no.
Ndo diŋ Waŋe je yãã wuur no,
Kay wuur ma ɗaw wããre ɓo no.

5. Paradis no, paradisn diŋ,


Jerusalem ma ciŋ,
Sir mani Waŋ naa Yeso Kris,
Ngeel fruygi naa ma tum.

6. Bosa’ mani Waŋ naa Yeso,


Dage mani Baa naa no
De Nenterse ma Baa naa no,
Mo lag wo see naa ma tum.
164
1. Ndo wo see wose ma da’ pẽẽge la? . . .
Ndi wii jag ɓo, ndi wii jag ɓo.

2. Yeso mbe boŋ kãã ma pẽẽge ndo go . . .


Á mbe boŋe, á mbe boŋe.

3. Wããre ma defay yaŋ mbe jag ɓe . . .


Hã mbo ɓil ɓo, hã mbo ɓil ɓo.

4. Ndo wii ga Yeso diŋ je mayla? . . .


Ndi wii jag ɓo.
195
5. Hẽn ɓi á diŋ je ma yãã jar go ɓuy . . .
Mbe kidolgi, mbe kidolgi.

6. Baa hay ne ti ɓaŋ war ɓe werga . . .


Á diŋ Waŋe, á diŋ Waŋe.
7. Ndo ɗen de jag ɓo naa gahãyla? . . .
Ndi wii jag ɓo, ndi wii jag ɓo.
8. Yãã Yeso Waŋe Je ma yãã jar . . .
Á de kããge, á de kããge.

9. Hẽn ɓi hã ɓil ɓo ndo da’ pẽẽge yaŋ . . .


Kamkam ne ndo, kamkam ne ndo.
165
1. Nen few ma de hiira’ no . . .
Baa ɓo’ Gabriyel le. (2

2. Wo ɓi sir ma Galile . . .
Ti prog ma Nasared. (2

3. Je peele Baa Gabriyel . . .


Raw nduugi see Mari. (2

4. Se ya’ le see Mari . . .


Raw hee jag ne hẽne. (2

196
5. Ga ndo maŋ ge ɓiili yaŋ . . .
Ti Nenterse ma Baa. (2

6. Ndo biŋ ge weel ge yaŋ . . .


Kaŋ ɗu ɓe ga Yeso. (2

7. Sir ɓen diŋ Betlehem . . .


Diŋ sir ma aŋ Jude. (2

8. Mari fer ne hẽn ga . . .


Ndi suu de jobo gà. (2

9. Je peele Baa fer hẽn ga . . .


Joŋ hẽẽne wa co mbo. (2

10. Ndi a de wããre ne ndo . . .


Wããre ma Pããɓe Baa. (2

11. Dage mani Manwur Baa . . .


Á joŋ ge ma jar ɓuy. (2

12. Dage mani Baa naa no . . .


Patala ma jar ɓuy. (2

197
166 (CV 306)

1. Nen naw ɓi ma gesiŋ la ɓuy,


Ndi da wii Waŋ ɓin gano:
Kaŋ nen ɓi, ndi kam mo kamge,
Ndi hã ɓil ɓi ne ndo.

2. De maga ngeel go de teege mono,


Ndi da wii Waŋ ɓin gano:
Ndo mo ɗaw me ɓiŋ ɓo mbaŋe,
Baa ɓi, je yãã ndi no.

3. Nen ngeel ma de ceeg tum mono,


Ndi da wii Waŋ ɓin gano:
Ndo je maga ndo hã siili sen me,
Hay je joŋ de el ɓe.

4. Day de maga suŋgu a we no,


Ndi da wii Waŋ ɓin gano:
Ndo mo koɗ ndi nen ceere ɓo,
Ɗaw me nen jam ɓo no.

198
167

1. O! o! o! see wee le,


Naa mo togoɗ Weel Baa (2

2. Weel Baa biŋ we


See wee le naa mo togoɗ Weel Baa (2

3. Á biŋ la genla?
See wee le naa mo togoɗ Weel Baa (2

4. Á biŋ Betlehem
See wee le naa mo togoɗ Weel Baa (2

5. Á biŋ ɓi tiŋ waare


See wee le naa mo togoɗ Weel Baa (2

6. Jar hay dan wo gà,


See wee le naa mo togoɗ Weel Baa (2

7. À kiɗ iigi ɓe go,


See wee le naa mo togoɗ Weel Baa (2

8. Paga Yeso Weel Baa, hay da naa we go de baŋ,


O! o! o! see wee le naa mo togoɗ Weel Baa.

199
168 (fuf 102)

1. O! Yeso Kris ndi yaŋ la,


Ndi a see ɓo, ndi de ɓlagge.
Ndo diŋ je ma yãã ndi no,
Ndo de see ɓo, diŋ je kay ndi .

Ndi yaŋ la, ndi yaŋ la,


O! Yeso Kris je yãã ndi no.
Ndi a de põõre ɓlagge ɓi no,
Maŋ go me ti, á gay ndi go,
Ndi yaŋ la, ndi yaŋ la,
O! Yeso Kris, je yãã ndi no.

2. Fen coo ndi le, bay wà hase,


Fen ɓi bay wà, say diŋ ɓlagge.
Ama wer dewoore ci ɓo no,
Ndo fug ɓil we go me ti de el.

3. Ndo joŋ joŋre, pẽẽgen we go,


Ndo coo ndi we, de ci ɓo no.
Patala ndi, diŋ je ma ɓo,
Hãã mbe tumtum, ndi diŋ ma ɓo.

200
169

1. Sãy ko nen ɓo de baa ndi,


Ndo diŋ je koɗ jar ɓon wo,
Ndo fer yaŋ le ma maŋ ndi,
Ndo men ndi we go ndi joŋ joŋge la?

Yeso!, wurpo boŋe,


Ndi da ga ndi wo ɓiŋ ɓo
Waŋ ɓi Yeso ndi da ndo,
Ndo men ndi we go ndi joŋ joŋge la?

2. Jar hee ɓin wo de kiɗ ndi,


Á cir wo ti ɓi we go,
Eegre ɓaara de raw ndi,
Ndo men ndi we go ndi joŋ joŋge la?

3. Ngeel ɓo’ suŋgu we le no


Suŋgun raw joŋ hẽẽne me,
Eegre ɓi bay de kããge wà,
Ndo men ndi we go ndi joŋ joŋge la?

4. Jiili ɓi de ɗiggi debaŋ


Mberbe yuu nen ɓi debaŋ,
Ndi a hayge ɓaale ɓo,
Ndo men ndi we go ndi joŋ joŋge la?

201
5. Jar ɓon wo ɓuy de gor ndo,
Ndi tum de raage pel ɓo,
Hayga ɓil ɓo da we no,
A le ma maŋ ndi wer ɓo.

6. Tamsir joŋ fruygi debaŋ


Ndi tum de rage pel ɓo
Ɓlagge ɓin raw wo eegre ɓi
Ndo men ndi we go ndi joŋ joŋge la?

7. Wur maga Yeso fer le,


Ndi joŋ fruygi yaŋ debaŋ,
Ti ɓi yõõ lawgen yaŋ go,
Sen diŋ wur tenen ma tum.

170

1. Sir de ngeel ma ciŋ ɓuy do Yeso Kris,


Eegre ma cwãy do Yeso Kris.
Á diŋ Baa, Yeso Kris hu go ɓaɓa,
Ti koo ma de ɓalge,
Ci ɓen kaa ma coo naa.

À ɓo’n ɓi tu,
Á na ɓi tu swa’,
Kal go ciŋ, raw see Pan ɓe,
Ma ‘ũy ngeel ne jar mani ɓe no.
202
2. Naa mo ra wee ɓuy,
De ɗu Yeso,
Naa mo tos wee diŋ Baa naa no,
Je yãã naa go diŋ se.

3. Cõõ ɓen ra yaŋ,


Ma ɗe jar ɓe no,
Naa mo hay go gorge,
Ma caa pel ɓe.

4. Ngeel yaŋ le ciŋ,


Ne jar Peele ɓen wo no,
Jar ɓen wo wo yaŋ lag ge ni,
Ma lagge ciŋ see ɓe.

5. Yeso yaŋ le ciŋ ni,


Ti ngeel ma de ele,
Jar Peele ɓen wo de tosge,
Mbe tum ɓil go de fruygi.

203
171

1. Tenen defay, tenen defay Haleluya! . .

2. Tenen defay ma jar ɓuy Haleluya! . .

3. Tenen sen diŋ Yeso Haleluya! . .

4. Je maga hã ɓil we Haleluya! . .

5. Ngeel ma de el de gor ge ɓe Haleluya! . .

6. Je maga hã ɓil ɓe gà , Á wo nen wuu . .

7. Ndi wii mo, ndi wii ndo, ko se ɓo ɗala . .

8. Ngeel po ɓog yaŋ gor ndo, ko ra ɗala . .

9. Lan ti desãy, lan nen wuu, ko ra ɗala . .

10. A le maŋ ma ɓo go, kon se ɓo ɗala . .

11. Ɗawa diŋ ma desãy no. Haleluya! . .

11. Waŋ naa Yeso le ni Haleluya! . .

204
12. De hayle de jar ɓen wo Haleluya! . .

13. Diŋ jar ma de el wo Haleluya! . .

14. Le ni diŋ weere Baa wo Haleluya! . .

15. Le ni diŋ fruygi boŋ Haleluya! . .

16. Le ni diŋ ɓil de el Haleluya! . .

17. Baa men je halgen wo ni gà, á wo nen wuu . .

18. Baa men je cor sõõ wo ni gà, á wo nen wuu . .

19. Hwãynan bay le ni wà , á wo nen wuu . .

20. Baa men je saŋgun wo ni gà, á wo nen wuu . .

21. Je id huli kal wo ni gà, á wo nen wuu . .

22. Je figliwn kal wo ni gà, á wo nen wuu . .

23. Ndo de freŋ ndo kal wo ni gà, ndo wo nen wuu . .

24. Je gete’ bay le ni wà, á wo nen wuu . .

25. Baa men je hãyhãy wo ni gà, á wo nen wuu . .

205
172
1. Tenen defay yaŋ wara ma naa . . .
Yeso riŋ . . .
Yeso riŋ ga naa ɓuy naa mo a le see se
Yeso riŋ.
2. A le hã ɓil ɓo go ne Yeso . . .

3. A le deparday ndo mo gor toŋ wà . . .

4. Ndo yõõ ti mo caw , ndo bas ge yang go . . .

5. Je tigriŋ ma yãã ndo bay wà so . . .

6. Men co’ sõõ go a le see Yeso . . .

7. Men figliw go ɗee le see Yeso . . .

8. Men freŋ go ale see Yeso . . .

9. Men gete’ go a le see Yeso . . .

10. Men leɗ wããre go a le see Yeso . . .

11. Men kee see ɓo go a le see Yeso . . .

206
12. Men ɓlaggen go ale see Yeso . . .

13. Men da fẽẽren go ale see Yeso . . .

14. Joŋre jar tabay sen taw ge yaŋ go . . .

15. Fruygi jar tabay sen joŋ ge tum gà . . .

16. Tenen je tabay do fi ne koɗ no . . .

17. Tenen je tabay do cug ne koɗ no. . .

18. Yeso de gor ndo ga ndo mo a le. . .


173
1. Baa kaŋ nen ɓi we ga Yeso je yãã ndi . . .
Suse’ ɓo Baa, suse’ ɓo Baa.

2. Ndi yãã ree Yeso we ndi men go gà so . . .


Ndi men go gà, ndi men go gà.

3. Á mo mbar bo ndi yaw,ndi men Yeso go gà . . .


Ndi men go gà, ndi men go gà.

4. Á mo yã bo fẽẽre ɓin wo ti ree ɓe . . .


Maŋ se ɓi gà, maŋ se ɓi gà.

207
5. Pããre ɓin mo tob ndi bo wo go wer ɓe yaw . . .
Ndi men go gà, ndi men go gà.

6. Hẽẽre ɓin mo tob ndi bo wo go wer ɓe yaw . . .


Ndi men go gà, ndi men go gà.

7. Kããre ɓin mo tob ndi bo wo go wer ɓe yaw . . .


Ndi men go gà, ndi men go gà.

8. Jar ma ɓi sir ɓin mo ɗar ɓo wo ndi yaw . . .


Ndi wii ra ga: ɗar we mbay ndi.
9. Ɓin boŋ ane ndi yãã re Yeso we go yaw . . .
Ndi men go gà, ndi tobn go gà.

10. Ndi de wii Baa tum ga: ɗaw me do ɓo . . .


Ɗaw me do ɓo, ɗaw me do ɓo.
174
1. Wara à biŋ Je ma yãã jar
Wo ɓi sir ma Betlehem. (2
Sir ma wosela? waŋ ɓe diŋ Herode.
Sir maga Yeso biŋ le ni (2

2. Jar ma de ɗeŋ a wo le were,


Á a wo ma goŋge ɓe. (2
Ger ma kluu kal pel ɓaara,
Raw kaŋ rage go Betlehem. (2
208
3. Á wii wo ga Waŋ maga biŋ mono
À ɓo’ ne la gen la? (2
Wuur ko ger ɓen le wer ngeel,
Wuur ale ma goŋge ɓe. (2

4. De maga Herod laa wããre sen mono,


Ɓil ɓe cee ne debaŋ . (2
Á ɗe jar ɓen wo, raw wii jag ɓaara ga:
Kaŋ nen ɓi ti ngeel maga á biŋ ni mono. (2

5. Á ii weere kleeren wo go ɓuy,


Wo ɓi sir ma Betlehem. (2
À laa ro le debaŋ ɓi leege Rama,
Rasel de ra weere ɓen wo. (2

6. Wara diŋ wur ma Haleluya!


Naa mo togoɗ Waŋ naa. (2
Jar ɓuy kon wo ga á diŋ Weel Baa,
Á a wo ma goŋge ɓe. (2

175

1. Waŋ naa mbe diŋ Yeso Kris,


Taŋgu maga á iin gà ɗa.
Á raw tay ti jar peele ɓen wo,
Kal wãã wããre ne hara.

209
Cwãy wããre maga Yeso wãã
Ne jar ɓen wo le ɓaɓa.
Á yaŋ mbe diŋ ma naa wara,
Cwãy tay ge jag ne defay.

2. Ndi raw ge ‘ũy ngeel ne day,


Wo go liŋ ni Pan ɓi.
Ndi fer yaŋ le ma hoo nday,
Wo go ɓiŋ ɓi de see ɓi.

3. Je maga hã ɓil wee ne ndi,


Joŋre maga ndi joŋ ne.
Á joŋ yaŋ mbe dosen no lay,
Werga ndi raw see Pan ɓi.

4. Fen maga nday wii Baa ti ɓe,


Mo hay diŋ ti ɗu ɓi boŋ.
Wer sen so ndi laa yaŋ kidolgi,
Ndi joŋ fen sen yaŋ mbi ne nday.

5. Ndi men nday ge go holge gà,


Ndi fer ge yaŋ le see ɓay.
Nenterse ma de el no,
Patala á a yaŋ ɓil ɓay.

210
6. Nenterse ma de ele no,
Mo hay de ɓay sagsage.
Á kaŋ nen ɓay yaŋ ti fẽẽre wo,
Nday koge fẽẽre sen wo yaŋ.

7. Je maga hay we ni ɓi no,


Ndi hay yaŋ mbi ni ɓe lay.
Je sen le’ mbere yaŋ debaŋ,
Mbere sen gwa’ yaŋ sagsage.

176
1. Weel Baa biŋ wee ma yãã naa . . .
Naa ‘waa wee Haleluya!
Naa ‘waa wee Haleluya Amen!
2. Baa naa nen dage ɓen we le . . .

3. Yeso nduu ti tamsir la . . .

4. Herod kiɗ ga se ‘warn go . . .

5. Eegre Herod day kãã gà . . .

6. Weel sen diŋ Weel Baa cwãy cwãy . . .

7. Baa ɓo’ je Peele ɓen le . . .

211
8. Ma riŋ jar de Wããre seno . ..

9. Ga Je yãã jar go nduu we so . . .

10. Wããre Baa baa jag we go so . . .

11. Tay wee gẽẽge le naa togoɗ Baa . . .


177
1. Wose ɓi wo ciŋ do ndo no la ?
Ndo Baa ɓin Je yãã ndi no.
Ndo de da mege debaŋe,
Maga ndi mo hã ɓil ɓi mo,
Ndo hay hã see ɓo go ɓuy me,
Wããre ɓon wo de ele,
Fruygi ɓin boŋ diŋ sen tawa,
O! Baa ɓi Je yãã ndi no

2. Fẽẽre ma gesiŋ la ndi tob ra go,


O! Baa ɓi Je yãã ndi no.
Á taw ge wo go, ndo taw go gà,
Ndo mbo boŋ de kãã mege,
Nen lawge wo de coocoon wo,
Nen gaali wo de caage hẽẽne wo,
Ndo mbo boŋ je coɓ nen ɓi,
O! Baa ɓi Je yãã bndi no.

212
3. Tum ndi see ɓin diŋ wer ɓo,
O! Baa ɓi Je yãã ndi no.
Mopo gesiŋ la kãã ma kog ndi
Go wer ɓo gà hase.
Leege mo fid bo wo debaŋ,
Bii mo dug bo wo go debaŋ,
Dage ɓon yaŋ de kãã mege,
O! Baa ɓi Je yãã ndi no.
4. Ndo de ɗaw mege ti do war,
O! Baa ɓi Je yãã ndi no.
Wããre ɓon yaŋ ko mege,
Wããre sen hã iggi me,
Wur maga ndo maŋ ndi age we,
Ndo je ma da megen ndo bulgi jag
Tiŋ ma ciŋ yaŋ wo go ne ndi,
O! Baa ɓi Je yãã ndi no.
178
1. Wuur de joŋ fruygi wara,
Eegre, togoɗge wo ɓuy ɓo.
Waŋ ma ciŋ maga hu gà,
Yeso Kris, Emanuwel.
2. Ndo diŋ de el wuur nen naw tum,
De el ma de daŋ sen bay wà so.
Tamsir mo ɓuy no raw ge yaŋ,
Ndo gwa’ yaŋ mbo sagsage.
213
3. De el ɓon baa ngeel ma ciŋ go,
De el ma wer sir wo ɓuy ɓo.
Jar ma gesiŋ wo lam ɓuy no,
Kol wo yaŋ fen kaŋ ɓaale ɓo.

4. Haleluya!, Wuur diŋ ɓo,


Hẽẽne kiidan taw wo we go ɓuy.
Wuur da’ pẽẽge ma ti Paradis,
Koo ɓon diŋ fen coo wuur no.

5. Naa mo ‘waa wee siŋ wara,


Wur ɓil de el ma Pããɓe.
Haleluya! tway diŋ ɓo,
Wo de togoɗge ma tum.

179 ( cv 236)

1. Ti ɓi yõõ ge naw ma sen go gà,


Naw ma de bosa’ no wur blum no.
Nen ɓi hay ko Waŋ ma de togoɗge no,
Na nen see ɓe me ti faage ɓi no.
Woore ɓe wo de togoɗge ɓe ma tum no,
Hay cir wo ti ɓi go cwẽẽ ɓuy,
Nen ɓe maga hãã tenen mono,
Jel le ne tenen ɓi ma de coon ti.

214
2. Á hay ku me go de keɗeɗ ɓe no.
Do ɓe hay baa wo ndi le jag jiili ɓe.
Á hay wo go de ɓi nen poɗag ɓe no.
Go hãã see ɓlagge wo de gaɓri.
Á tag mberbe go me nen de do ɓe,
Á kaŋ nen ɓi ti dage ɓe no,
Se wii me ga weel ɓi joŋ hẽẽne wà
Ndi kol mo go ma ɓi ma tum.

3. Ndi go patala de yogre see ɓe,


Ndi men ge ngeel yogre sen go gà so.
Ndi go nen jam ɓe ma cwãy cwãyn so,
Hãge ɓil ɓin joo jam sen do bi nono.
Sen mo ɓuy no bay diŋ lwa’ge wà hase,
Ama diŋ fen ma cwãy cwãy kidolgi,
Á diŋ naw ma defay maga tĩĩ were,
Day naw sen joŋ mbe ge yaŋ ma tum.

4. Dosen ndi see mbi pel de eegre so,


Ndi kaŋ ɗiggi ɓi ti fruygi ma pel no.
Ndi tob mbi see ɓi go ɓil boŋe,
Ne Baa ɓi, Waŋ ɓi, je yãã ndi no.
Á wi tenen ɓi ma de fruygi gano:
Kaŋ mbo ɗiggi ɓo go ti ɓi boŋ so,
Ndi koɗ mo yaŋ nen naw ɓon wo ɓuy,
Day ndi kay ge ndo ge yaŋ mbi.

215
5. Á ɗaw do ɓi maga wo de daɗge mono,
Ndi yo’ mbi de do ɓe cam lay.
Á kaŋ do ɓe ma de bosa’ wo me ti,
Kidolgi á dur jawn na diŋ se.
Ndi maŋ ɓin diŋ faage ɓe ma de deele no,
Ndi see mbi ti faage sen go de yõõ ti hãy so,
Ndi maŋ mbi siŋ je blum go jag so,
Ndi kãã gà, ama se go de eegre ti fẽẽren ɓuy.
180
1. Yeso biŋ le . . .
Betlehem ɓi sir Jude. (2
2. Biŋ ti kal maga . . .
Herod hay ti waŋ mono. (2
3. Jar ko wer fẽẽre . . .
Nduu wo Jerusalem. (2

4. Day à wii wo . . .
Waŋ jar Jwif biŋ la gen la? (2

5. Diŋ werga . . .
Wuur ko ger ɓen le nen wer. (2

6. Day wuur a . . .
Togoɗge ɓe, maŋ ɗu ɓe ciŋ. (2

216
7. Day de maga . . .
Herod laa wããre sen mono. (2

8. Ɓil ɓe cee ne . . .
Jerusalem ma ɓuy wo no lay. (2

9. Á raw tay ti . . .
Jar sid jag de jar ko yerge. (2

10. Day à wii ra . . .


Kris hay nen biŋgi gen la. (2

11. Á wo gano:
Wo Betlehem ɓi sir Jude. (2

12. Saara raw so . . .


Wo wo da’ Yeso Betlehem (2.

13. Á fruy wo . . .
Fruy wo ti Yeso debaŋ. (2

14. Laa wo tiŋma . . .


Goŋge ɓe, hã wo fẽẽre hẽnne . (2

217
181
1. Yeso biŋ we le . .

Kidolgi Yeso yaŋ.


2. Yeso hay joŋ coo we . .

3. Yeso hay hu we goo . .

4. Yeso kal we go ciŋ . .

5. Yeso raw we go ciŋ . .

6. Ndi hã ɓil ɓi ne ne . .

7. Á hã tenen ne naa lay . .

8. Yeso diŋ bar ɓi mbe . .

9. Bar ɓi ma de ele . .

10. Yeso ferge yaŋ le . .

11. Naa rawge yaŋ wer ɓe . .

12. Ma lagge go ɓiŋ ɓe . .

218
13. Joŋ coo bay le ciŋ ni wà . .
14. Ceege bay le ciŋ ni wà . .
15. Hulin bay le ciŋ ni wà . .
16. Lawge bay le ciŋ ni wà . .

17. Berben bay le ciŋ ni wà . .

18. Le ni diŋ fruygi boŋ . .


182
1. Yeso daga ndo mo hay de wooge wà . .
Hayga ndo woo we go Yeso dug mo go . .

2. Yeso daga ndo mo hay de cwããge wà . .


Yeso kaŋ nen ɓo ga ndo mo joŋ joŋre . .

3. Ndo je mani Yeso Kris no . .


Ndo yaŋ mbo ɗig ti wããre Yeson yaw la?

4. Yeso daga ndo mo riŋ jar wo ra . .


Ga tenen yaŋ gor nday wara . .

5. Ga je maga da woge see Baa . .


Je sen mo hã ɓil ɓe ne Yeso . .

219
6. Jar mani Yeson wo mono . .
Baa riŋ ga se poɗ rage yaŋ . .

7. Gahãyla á joŋ wo joŋre Baa . .


Poɗ ge sen diŋ tenen maga taw gà . .

8. Hẽẽre ɓi no naa mo joŋ we joŋre Baa . .


Sir maga naa wo lagge ni mono . .
Huli bay le ɓi sir sen ni wà . .
183
1. Yeso da naa debaŋ . . .
Á hu diŋ wer naa . . .

Le Golgota,
Á je da naa debaŋ
Á hu diŋ wer naa

2. Á diŋ bar ɓi wara . . .


Á hu diŋ wer naa . . .

3. Á yog laggen go ɓuy . . .


Á hu diŋ wer naa . . .

4. Ndi da wããre ɓe no . . .
Á hu diŋ wer naa . . .

220
5. Ndi men go gà hase . . .
Á hu diŋ wer naa . . .

6. Ndi wo ɓiŋ ɓe go ciŋ . . .


Á hu diŋ wer naa . . .

7. Fruygin le ciŋ ni debaŋ . . .


Á hu diŋ wer naa . . .
184
1. Jar ni Baa wo ra, ndi wi nday ɗa . . .
Fen po hãy naa ge yaŋ.
Nday joŋge joŋge la?
Fen po hãy naa ge yaŋ.
2. Nday mo lag mo tos Baa do maga no . . .

Kalpo hãy naa ge yaŋ.


Naa da’ ge nen gà so.
Kal po hãy naa ge yaŋ.

3. Wãã wee wããre Baa go do maga no . . .

Je hee kal yaŋ go.


Nday da’ ge nen gà so,
Je hee kal yaŋ go.
221
4. Ndi dog nday ɗa pa, jar ni Baa wo . . .

Kal po he ge yaŋ pa.


Nday da’ ge nen gà so,
Kal po he ge yaŋ pa.

5. Jar hee kiɗ wo ga naa yãã diŋ jag saara . . .

Naa mo joŋ joŋge la?


Naa ɗaw wee ree Baa ngiŋ,
Naa mo yãã ra se wà.

6. Baa riŋ naa ga eegre ma ni sen daŋ ra . . .

Naa mo togoɗ wee Baa.


Naa togoɗ wee Baa tum,
Naa mo togoɗ wee Baa.

7. Jar ni Baa wora, hẽẽne joŋ wee yaŋ page? . . .

Hẽẽne joŋ wee gà so .


Eegre Baa kay wee yaŋ ,
Hẽẽne joŋ wee gà so.

222
185 (ful 76)

1. Wer ɓil de el ma Waŋ naa no,


Á fug ɓil ne naa ti.
Á hoo ɓlagge naan ɓuy ti ɓe,
Á coo jar wo go ɓuy.

2. Ndi hã ɓil ɓi . .


Je yãã jar coo ndi le.
De ci ɓe ma bay ɗag mo no,
Á yog ndi go de ɓe.

3. Á ga: Baa ɓi no, Baa ɓi no,


Ndo tob ndi go le la?
Je ma kayge ɓe bay wà has,
Á gwa’ de see ɓe boŋ.

4. Jiili ɓi pel ɓo mo ta’ no,


Ndo Pããɓe Baa ɓi no.
Maŋ ne do ɓo, ndo yog ne go,
Ndo koln go me defay.

5. Laa mbo ro ɓi . .
Pããɓe Baa Waŋ ɓi no.
Ndi je ɓlagge, yog mbo ndi go,
Yãã mbo ndi wo see ɓo.

223
186
1. Yeso hu le go Golgota
Á diŋ Weesam mani Baa.
Ci Yeso kaa le go wur sen no,
Ma yãã jar joŋ ɓlagge.
Haleluya!, Yeso Kris,
Ci ɓen yog ɓlagge ɓin we go,
Á diŋ Je yãã jar,
Haleluya!, Haleluya! Amen!
2. Jar Isral wo le Ejipte mono,
Tak wo ci sããre jag tiŋ ɓaaran wo.
Ci sen kaŋ nen ti ci ma Yeso Kris,
Maga yãã ge jar go mono.

3. Co’ge sõõ de day, de sam, de kagre wo ɓuy,


Yãã wo jobo boŋ gà has.
Ama ci ma Yeso Kris boŋ tawa,
Kãã ma yãã jar wo go ɓuy.

4. Yeso yãã ndo bay wer boo biŋni wà,


Bay wer solay wà lay.
Ane Yeso yãã diŋ je maga,
Hã ɓil ɓe we ne hẽn mono.

224
187
1. Yeso hu we go . . .
Wer ɓlagge naa no.
Haleluya! . . .
Yeso de el debaŋ.
2. Ci ɓen kaa we go . . .
Ma coo naa go ɓuy.
3. Yeso da naa . . .
Go ɓaɓa taŋgu.
4. Fẽẽre ma gesiŋ la . . .
Raw wo yaŋ wurpo.

5. Á daŋ fẽẽren ɓuy . . .


Yeso daŋ fẽẽren ɓuy.

6. Á daŋ sõõren wo . . .
Yeso daŋ sõõren wo.

7. Nenterse kaŋ nen . . .


Naa ti faage.

8. Yeso fer yaŋ le . . .


Ma hoo naa wurpo.

225
9. Naa raw yaŋ wer ɓe . . .
Ma lagge see ɓe.
10. Naa tay yaŋ wo go ni . . .
De fruygi jag tum.
11. Naa ‘waa siŋ yaŋ le . . .
Le ti sir ɓe no.

12. Je ma tob Yeso . . .


Baa tobn yaŋ go lay.
188
1. Yeso jag glaŋ ma sããren wo no,
Bul go ne ma ɓen wo no.
Laa sããren ɓen wo go ma koɗ rage,
Ti ngeel hõõ ma de ele.

Koɗ ra de el hã reege ne ra,


De ceege se fer sa’ rage.
Koɗ ra de el hã bii ne ra,
De law se fer sa’ rage.

2. Je koɗge ma ti solay mono,


Bay je koɗge ma de el wà.
Mingir a we ma hoo fiirin wo no,
Á daŋ de d́ ee men ra go.
226
Bay wo ɓe wà, dage bay wà,
Á daŋ de ɗee, men ra go.
Bay wo ɓe wà, maŋ see ɓe gà,
Á daŋ de ɗee, men ra go.

3. Yeso je koɗge ma kidolgi no,


Hã tenen ma ɓen wo go.
Mingir a we ma hoo fiirin wo no,
Men ra go gà hase.

Á dur ti naa, bud naa go lay,


Daga naa mo yee go wà.
Á dur ti naa, bud naa go lay,
Men naa woge liŋ de fruygi.

4. Yeso ndi daga ndi tay wer ɓo lay,


Ndo je koɗge ma kidolgi no.
Ga ndi mo hay ti ngeel ma de fruygi,
Ga Nenterse ɓi mo yee go wà.

Hayga ndi hu, ndo men ndi go gà,


Ndo kay yaŋ mbo wer ɓi lay.
Hay see ɓi ye’ toŋpa toŋpa,
Ndo yaŋ mbo ma yãã ndi go.

227
189 (gẽẽge cv 22 )

1. Yeso Kris mbe diŋ waŋe,


Á coo naa le de ci ɓe.
Yeso hoo yoo naa go ne naa,
Yeso hã defay ne naa.

Naa hã see naa, naa hã see naa


Naa mo joŋ joŋre ne Yeso (2

2. Yeso coo naa de horog gà,


Bay de boo biŋni wà lay.
Yeso Kris yog naa we go,
Diŋ de ci ɓe mbe boŋe.

Naa hã see naa, naa hã see naa


Naa jar ma ni Yeso no (2

3. Yeso coo diŋ naa la tawa gà


Á coo jar go wer sir ɓuy.
Á hã tenen ɓen go ne naa,
Naa hã see naa go ne Yeso.

Naa hã see naa, naa hã see naa


Naa see wee wer Yeso Kris (2

228
4. Ko wee jar ma ti tamsir wo,
Bay wo de ko Yeso wà.
Ndi daga á mo ko wo ne,
Naa mo see wee wii rage.

Naa mo wii ra, naa mo wii ra


Kaŋ nen ɓaara ti Yeso (2

5. Hẽẽre ɓi no, naa ɓoɗ jag go,


Naa men ɓlagge naa go lay.
Baa tob jar ma bay ɓoɗ jagn go,
Naa hã ɓil naa ne Yeso.

Naa hã see naa, naa hã see naa


Naa da’ tenen diŋ wer ɓe (2

6. Jar maga Yeso ɗe ra le mono,


Jar maga maŋ wo blam Yeso.
Yeso wãã ga se fer yaŋ le,
Se hoo jar ɓen wur seno.

Le go ciŋ, le go ɓiŋ Yeso


Yeso poɗ jar ɓen wo ra (2

229
190
1. Yeso ndo yãã wuur go . . .
Bay de solay wà lay

Haleluya! . . .

2. Diŋ de ci ma ɓo no . . .
Jar ma ɓon bas go gà

3. Je maga a we see ɓo no . . .
Ndo kaŋ bosa’ hẽn ti

4. Doga ndo da wuurri . . .


Ndo kol wuur go defay

5. Ndo diŋ je yãã jar go . . .


Jar ɓon lag wo pel ɓo

6. Wuur ti ɓaŋ ma Yeso . . .


Á diŋ je ma yãã jar

7. Ane ma sõõren wo . . .
Togoɗ ra we wà has

8. Naa raw yaŋ ge durgi . . .


Yeso see yaŋ pel naa
230
9. Yeso da naa debaŋ . . .
Naa dur we de ɗu ɓe

10. Je maga Yeso ɗe ne . . .


Se ti ɓaŋ ma ɓe no

11. Ti dage ɓo no Yeso . . .


De woore debaŋe

12. Wuur diŋ jar ma Yeso . . .


Wuur da tay ge wer ɓe

13. Durgi yaŋ debaŋe . . .


Naa dur we de eegre.

14. Durgi ma Yeso no . . .


Jobo coo naa ge gà

15. Puɗ wee ciŋ puɗ ɗala . . .


Yeso see yaŋ pel naa

16. Kidolgi ɓen coo gà . . .


Ama naa see wer ɓe

17. Yeso ferge yaŋ le . . .


Wur naw ma de fruygi.

231
191

1. Yeso yaŋ mbe je ma yãã mege . . .


Ndi kol diŋ je ma ɓe.

2. Yeso hay hu we go diŋ wer ɓi . . .


Ti koo ma de ɓalge.

3. Yeso kal le go yoo jar huli . . .


Á taw huulin we go.

4. Ndi see wer Yeso sagsage . . .


Ndi see ɓin diŋ wer ɓe.

5. Kidolgi fruygi yaŋ nen naw tum . . .


Ti faage mani Yeso .

6. Ndi da ga ndi sii wããren ne jar . . .


Werga á da jar ɓuy.

7. Hẽẽre ɓi hã we ɓil ɓay ne Yeso . . .


A wee le patala.

8. Gor wà hẽn ɓi ale see Yeso . . .


Ma hã ɓil ɓo ne ne.

232
9. Wurpo boŋ Yeso fer ge yaŋ le . . .
Á fer le diŋ wer naa.

10. Gobogray yaŋ go gor je magano . . .


Sen ɗawn we ngiŋ mono.

192 (cv 148)

Yeso yaŋ mbe ti holaŋ naa,


Nen ɓe le de jelge ti naa.
Gẽẽge ɓe ma de sãy wii naa gano:

1. Ndi da kaŋ bosa’ wee ti ɓuy . .


Gẽẽge ɓe ma desãy nday laan gà ge?
Ndi da kaŋ bosa’ wee ti ɓuy

2. Ndi da yãã wee ge ɓuy . .


Gẽẽge ɓe ma desãy nday laan gà ge?
Ndi da yãã wee ge ɓuy

3. Ɓil ɓi da mbe nday ɓuy . .


Gẽẽge ɓe ma desãy nday laan gà ge?
Ɓil ɓi da mbe nday ɓuy.

233
193

1. Ndo jõõ ndo joŋ fruygi tum.

O! Weejõõ de toŋ ɓuy,


Ndo ree, ndo joo yii ndo fruy lay,
Ane ndo mo gor kiida,
Maga Baa ɗe ma mo yaŋ ge ti ɓe.

2. Ndo see doga ɓil ɓo da.

3. Ndo see hãy, gus fẽẽren ɓuy.

4. Fẽẽren nen ɓo de el ɓuy.

5. Ndo kiɗ tum diŋ Je’erge.

6. Patala ndo ga ndo diŋ ndo.

7. Hay mbo ɗig ti Baa ni lay.

8. Joŋ hẽẽne do Baa ɓo no.

9. Fer go tob Baa ɓon go wà.

10. Dawa ɗaw Baa ɓon mbo ngiŋ

234
11. Yeso Kris yaŋ le ferge.

12. Fẽẽren ɓuy wo wo jag kiida.

13. Ɗaw Yeso jag jiili ɓo.

14. Ndo feg yaŋ wur kiida no.

194

1. Faage mani Baa yaŋ boŋ


Jar debaŋ kon wo gà (2

O! Yeso Je yãã jar,


Wurpo ndo a hoo wuur.
Yeso Je yãã jar,
Wurpo wuur wo wer ɓo.

2. Ndo mo tos Baa ti ɓaara


Ma yãã wããre Yeso (2

3. Yeso ɓo’ faage we ne naa


Ga naa wo liŋ ni Baa (2

4. Ci ɓen mo kaa go gà no
Ɓlagge naa de taw gà (2

235
5. Naa ɓuy naa see wer Yeso
Ci ɓen kaa go wer naa (2

6. Naa tob fẽẽre tamsirn go


Werga á yeɗ wo naa go (2

7. Manhuli jãɗ gano:


Tamsir mbe de el tum (2

8. Paga se jãɗ naa jãɗge


De el ɓe bay wà has (2

9. Baa ɓo’ Yeso le naa


Ga naa mo see wer ɓe (2

10. Jar debaŋ da ne wo gà


Mbuɗ wo faale ne hẽn (2

11. Wur age Yeson mono


Nday joŋge joŋge la? (2

12. Jar joŋge wo bon yaŋ nen wuu


Wer bay yããge jage (2

13. Hẽn ɓi a le ɓiŋ Yeso


Á da ga se yãã mo. (2

236
195
1. De maga ndo jõõ ngeel ɓuy diŋ ɓo,
Ndo ɗig ti fẽẽren wo ɓuy.
Ndo ndal ndo ‘waa siŋ jar ɓuy feg wo,
Daga ndo mo maŋ go boŋ.

‘Waa wee siŋ weere jõõre,


Baa diŋ Waŋ naa no.
Á diŋ je ma ga hã tenen ne naa,
Wer sen naa mo hã ɓil naa go ne hẽn.
Á da yog ɓil naa go ɓuy.

2. Nday hẽẽre ɓi ɗig wee ti Yeso,


Á yaŋ durgi le ti naa.
Eegre ma Kris de daŋ fẽẽren ɓuy,
Bosa’ ɓen ti naa debaŋ.

3. Nday hẽẽre ɓi joŋ wee hẽẽne wà,


Hayga hulin nduu ti naa.
Kris yaŋ tenen je eegren ɓuy no,
Á da kol naa go no lay.

4. Yeso Kris diŋ Je yãã jar go ɓuy,


Poɗag ma ti tamsir lay.
Weel Baa maga a hugi wer ɓi,
Fruygin de blum diŋ ɓe.
237
5. Hayga jobo da tenen we no,
Say á mo a see Yeso.
Je sen feg yaŋ wur tawge sir no,
Fruy yaŋ de feg ɓiŋ Yeso.
196
1. Manwur Baa . .
Ndo diŋ je joŋ tamsir na diŋ ndo,
Ndo diŋ Waŋ ma ti fẽẽren wo ɓuy. (2
Ndi da kaŋ nen jar go ti ngeel ɓuy,
Ga ndo yãã me go diŋ ndo, Baa ɓi no,
Waŋ ma ciŋ ma gesiŋ. (2

2. Baa ma de eegre . .
Weel ɓo ma boŋ Yeso Kris,
Yog me go nen ɓlagge ɓin wo ɓuy diŋ se. (2
Nen durgi wo de ge ro,
Nen gayri ti tamsir la ɓuy mono,
Ndi ɗig diŋ ti dage ɓon Baa ɓi no. (2

3. Pããɓe ɓil ɓi . .
Da ga ndo mo had jar durgi,
Jar durgi ma cwãy cwãy ma de eegre wo. (2
Jar durgi ma de deele,
Maga see wo wer kããra tum,
Maga mopo kãã ma caa ɓil ɓaara go gà. (2

238
4. Hẽn ɓi no . .
Ndo hay ɓaa diŋ je ma cor sõõre,
Ndo mo fer le ma seege nen poɗage. (2
Yeso hay joŋ bon debaŋ,
Ti koo ma ɓalge wer ɓo,
Fer le wara tobn go wà so hase. (2

5. Naw go mbaŋ . .
Naa puɗ ge yaŋ ma woge go ciŋ,
Ma tayge reege de wee sam mani Baa . (2
Ma ‘waa siŋ nen ma togoɗge ɓe,
Ma joŋ suse’ hẽn ma goŋge ɓe,
Sen mono diŋ siŋ jar ma keed wo ɓuy. (2

197

1. Jar durgi mani Yeson wo,


Yeso yaŋ pel naa.
Naa see durgi de Manhuli,
Waŋ jar joŋ ɓlaggen wo.
Hoo wee fẽẽre durgi ɓay no
Yeso bawn we go.
Ane naa dur de ɓlagge
Maga ti tamsir lam ɓuy no.

239
Jar durgi mani Yeson wo
Yeso yaŋ pel naa,
Koo ma ɓalge mani Yeson
Pel naa ɓuy diŋ se.
2. Tway mani Manhulin wo
Ɓlag wo yaŋ go ɓuy,
Eegre jar ma ti jag Baan
Daŋ ra wo yaŋ ɓuy,
Yeso Kris wãã nono,
Manhuli mo dur ba yaw.
Wããre maga Kris wãã mono
Wose kãã ma faage ɓe la.
3. Jar ma ti tamsir lam no
Laa wee siŋ wuur no,
Siŋ maga wuur ‘waa mono.
‘waa wee de wuur lay,
Jar ma ciŋ laa wo siŋ we no.
Á joŋ wo fruygi,
Werga siŋ ma sen wãã wããre
Ti Je ma yãã jar no.
4. Jar durgi mani Yeson wo,
Nday mo lay wee ngiŋ.
Dur wee mbay de Manhuli,
Fer wee go blam wà.
Tway ma ɓen diŋ ngeel suŋgu,
240
Naa weere poɗage.
De maga ngeel le’ teege we go
Wose kãã ma diggi ɓe la?.

198

1. Naa joŋ wee suse’ ne Baa


Werga á tay ti naa la (2
Maga naa mo joŋ fruygi.

Ti ɗu wo la?
Ti ɗu Waŋ naa Yeso Kris
Maga diŋ je yãã naa (2
Maga hay hu ti koo mono.

2. Nday hẽẽre wuur maga nday a


Ti tay ti sen lam no (2
Wuur hee jag ne nday debaŋ.

3. Nday pããre wuur maga nday a


Ti tay ti sen lam no (2
Wuur hee jag ne nday debaŋ.

4. Nday maare wuur maga nday a


Ti tay ti sen lam no (2
Wuur hee jag ne nday debaŋ.

241
5. Nday weere jõõre maga nday a
Ti tay ti sen lam no (2
Wuur hee jag ne nday debaŋ.

6. Nday mayre maga nday de age


Ti tay ti sen lam no (2
Wuur hee jag ne nday debaŋ.

7. Nday ɓuy jar maga nday de age


Ti tay ti sen lam no (2
Wuur hee jag ne nday debaŋ.

199 (Ful.125)

1. Baa joŋ ngeel ma ciŋ no,


Baa joŋ ngeel ma gesiŋ lay
Fẽẽre ma ɓil ɓaaran ɓuy,
Á joŋ Adam wo de Efa.
Haleluya! (5)

2. Day Baa raw joŋ paynẽẽ ,


Raw lag rage ɓil ɓe,
Maga á mo jee wo ne,
Maga á mo ree wo ni lay.
Haleluya! (5)

242
3. Manhuli je ɗeŋ no,
Raw age jãã rage,
Laa ra go nen ɓlagge,
Kaŋ huli ne hara ti.
Haleluya! (5)

4. Baa raw faɗ cwen go gano:


«Ndo see ge yaŋ de ɓil ɓo,
Ndo hoɗge ɓurgi yaŋ lay,
Kay diŋ kiida ma ɓo no».
Haleluya! (5)

5. Baa raw riŋ wãy gano:


«Ndo maŋ ge ɓiili yaŋ,
Wur biŋgi ɓon mono,
Mberbe leɗ yaŋ go nen ɓo».
Haleluya! (5)

6. Baa riŋ Adam gano:


«Ndo da’ ge reege mono
Say ndo led gibigri
Ma pel ɓon yaŋ go ɓuy ɗa».
Haleluya! (5)

243
7. Blam ɓe Baa kal gano:
«Jar ɓlag wo taygen go,
Patala ndi nii ra
Go ɓi paynẽẽ ɓi no».
Haleluya! (5)

8. Pan ɓi wo de man ɓi
Nday hẽẽre ɓin wo ɓuy,
Fer wee le pel Yeso
Wur age ɓen go mbaŋ.
Haleluya! (5)

9. Naa joŋ suse’ ne Baa


Werga á ɓo’ Yeso le,
Ma yãã naa go jag ɓlagge
Mani Manhuli no.
Haleluya! (5)

10. Naa hay ɓuy nen suŋgu


Mani Manhuli no,
Patala naa kol we go
Nen poɗag mani Yeso .
Haleluya! (5)

244
200
1. Je yãã ndin joŋ bon wer ɓi,
Ti koo ma ɓalge no
Á hã tenen ma tum we ne ndi (2
Je yãã ndi, je da me ge no . .
Je yãã ndi no, Yeso yãã ndi go (2
2. Ci ɓen kaa go diŋ wer ɓi,
Ndi de fruygi diŋ wer ɓe.
Á hã tenen ma tum we ne ndi (2

3. Yeso na ɓi tu ɓoge,
Ma de swa’ se kal go ciŋ.
Á hã tenen ma tum we ne ndi (2

4. Yeso fer we wo go ciŋ ,


Á diŋ Weel mani Baa no.
Á hã tenen ma tum we ne ndi. (2

5. Á fer yaŋ le ma hoo naa,


Haleluya! Je yãã ndi .
Ndo hã tenen ma tum we ne ndi. (2

6. Le ɓi tway mani Pããɓe,


Ndi joŋ fruygi ma tum yaŋ.
Á hã tenen ma tum we ne ndi. (2
245
201

1. Jiili ɓi joŋ fruygi wara ti wããre mani Yeso,


Jag tiŋ ma Jerusalem yaŋ wara de gorge ka’.

Hã ɓil ne Yeso Je pẽẽge maga kaa ci ɓe go wer naa,


Hayga ndo hã ɓil ɓo gà no, kidolgi ndo bas yaŋ go.

2. Baa maga wuur togoɗ mo tum mono,


Ndo bay le’ na ti wuur wà,
Wuur hoo ciŋ ‘waa siŋ de fruygi de jag jiili wuur wara.

3. Naa jar ma ti ɓaŋ Yeso no naa mo lag wee gorge tum,


Manhuli kiɗ ga se yeeɗ naa go,
Naa mo tos Baa nen naw tum.

4. Oh! Yeso ko jiili ɓi ɗala poɗag ɓon yaŋ mbe ni yaw


la?,
Hayga jiili ɓi nen suŋgu , baan go de poɗag ɓo.

5. Wer sir ɓuy mo togoɗ wo Pããɓe,


fẽẽren ɓuy mo togoɗn wo ne.
Togoɗ Pããɓe jag de fruygi, togoɗ ne de fẽẽren ɓuy.

246
202 ( cv 91)
1. Ɓlagge ɓin wo ɓuy . .
Ci Yeso yog ra we go (2
Ɓlagge ɓin wo ɓuy.
Tenen ma tum no . .
Ndo wo joŋ ge ɓe naa genla? (2
Tenen ma tum no.

2. Ɗiggi ɓin wo ɓuy . .


Je yãã jar hoo ra we go (2
Ɗiggi ɓin wo ɓuy.

3. Diŋ ti ko de ɓalge . .
Yeso maŋ põõre ma kluun go (2
Diŋ ti ko de ɓalge.

4. Yeso de gor ndo . .


Ndo mo ɗee mbo le deparday (2
Yeso de gor ndo.
203
1. Naa ɓo’ wer tiŋ naa we ti huuli no,
Tiŋ naan joŋ yaŋ mbe tum á le’ go gà.
Leege fid debaŋ ngeel cwa bodbod,
Tiŋ naa ti huuli á joŋ yaŋ mbe ma tum.

247
Waŋ naa Yeso Kris diŋ huuli naa,
Ngeel ma lan wo ɓuy mono diŋ duguɗgi,
Ngeel ma lan wo ɓuy mono diŋ duguɗgi.

2. Waŋ naa Yeso Kris yaŋ diŋ huuli naa ,


Ni naa lag ge yaŋ de coɓge ngiŋ.
Manhulin kiɗ ɓen diŋ faage ma srog naa,
Yeso de deŋ naa ,naa leɗ go gà.

3. Jar mani Yeson wo de lagge ti huuli,


Wããre ma cwãyn mani Kris Weel Baa no.
Gete’ mani Manhulin le’ wer yaŋ go,
Jar mani Yeso Kris gwa’ mbara yaŋ tum.

4. Waŋ naa Yeso Kris ‘urge yaŋ le ciŋ,


Ma age tay ti jar ɓen wo no.
Ndo yaŋ de oole ti huuli sen no,
Ndo raw yaŋ wer ɓe ndo joŋ ge yaŋ ma tum.

5. Yeso fer ge yaŋ le ma caa kiida,


Wuu roɗ tamsir go á ta sããge yaŋ go.
Ndo yaŋ de hayle ti huuli sen no,
Ndo raw yaŋ ciŋ ndo gwa’ gesiŋ la gà.

248
204

1. Yeso kal we go ciŋ ,Yeso kal we le go ɓi tu no,


Á ko ge huli gà so, ko ceege gà lay.
Yeso fer ɓaale boŋ ma ko jar ɓen wo no,
Á kal ti ɓaara jag tiŋ de tẽgge.

Haleluya!, Haleluya! . .
Naa mo togoɗ Pããɓe.

2. Yeso hay wii ra we go ga: ndi wo ge we go ciŋ no,


Ndi ɓo’ Nenterse ma de el yaŋ le ne nday.
Ni nday kol ge yaŋ jar ma joŋ sedewa ɓi no.
Kidolgi Nenterse sen age ti ɓaara.

3. Yeso ferge le pa ma ko jar ɓen wo no,


Tomas hay bay ni wà day se raw age.
Á wiin wo ɓuy ga, á wiin wo ɓuy gano:
Wuur ko Waŋ naa we, Tomas raw faage.

4. Tomas fer ne ra ndi ko wããge ma do ɓen ,


De wããge ma yoo ɓen de nen ɓi gà no.
Ndi du’ weedo ɓi nen wããge ma yoo ɓen gà no,
Ni ndi hã ɓil ti wããre ɓayn gà hase.

249
205 (Mat.22.1)

1. Ɓil Matiye do ɓog ti ɓog ma klee boŋ . .

A wee le, a wee le


Yeso Waŋ de ɗe nday,
Ma wo ge de ɓay go ciŋ ,
Ti ngeel maga se ‘ũyn mono.

2. Yeso ngaɓ tway ma ciŋ de ɗu ti reege,


Waŋ po ɓo’ wãy ti bii ne weel ɓe.

3. Se laa jar ɓen ɗe jar ti reege no,


Ama Jarn la wo dayge age gà.

4. Waŋn fer la jar ma tigrin wo pa.


Ga wii jar maga ndi ɗe ra gano:

5. Fẽẽren wo go ɓuy de ‘ũygi so.


Awee le ree do ɓo’ge wãy ti biin.

6. Ama jarn hoo wo sug ti ɗu gà.


Day wo age ree fẽẽren gà lay.

7. Á raw wo, je ma la ɓil pay ɓe,


Je ma lan ti faage trere ɓe.

250
8. A bag jar joŋren id se ɓaara lay,
Ɓil waŋn raw sõõge ne haara ti.

9. Soden id wo ra go, do’ sir ɓaaran go lay,


Day waŋn raw wii jar joŋre ɓen gano:

10. Reegen wo go de ‘ũgi ɓuy so,


Ama jar maga ndi ɗe ra mono.

11. Kãã wo ma ree reege ɓin gà so,


See wee go ti larga’ faage wo ra.

12. Ɗee wee jar maga nday da’ ra mo ɓuy,


Mo a wo ree do ɓo’ ge wãy ti bii no.

13. Jar joŋren raw wo raŋ faage wo ra,


Tay wo jar maga saara da’ ra mo ɓuy.

14. Tiŋ reegen raw ba ge go de waare,


Waŋn raw kalge le ko waaren wo.

15. Á da’ jobo bay õõbe fewn ti ɓe.


Waŋ kal wiigi ɓe gano: Bar ɓi.

16. Ndo kal le kalge bay õõbe fewn la?


Blo ma sen buŋ jag go gà hase.

251
17. Day waŋn kal riŋ jar joŋre ɓen wo ga:
Baŋ wee ɓaale ɓe wo de do ɓe.

18. Ɓo’n wee wo go nen suŋgu sigi,


Ti ngeel ro wo de ngeel so saŋ lay.

19. Baa ɗe jar debaŋ ma da’ pẽẽge,


Ama à da’ wo pẽẽgen ɓuy gà.

20. Yeso ‘ũy ngeel ma de el le ciŋ.


Á ɗe jar go ɓuy ma wo ge ni.

21. Men fẽẽren wo go ɓuy ,a see Yeso,


Ma wo ge de ɓo go ciŋ ti paradis.

206

1. Ndi hay go nen suŋgu


Go de yeege hãã see Pããɓe,
Ci mani Yeson fãã me go (2
Ci mani Yeson fãã me go Kidolgi
Ci mani Yeson fãã me go
Ci mani Yeson fãã me go Haleluya!
Ci mani Yeson fãã me go

252
2. Wur maga Yeso fer le
De togoɗge ɓen mono
Naa raw ge yaŋ ɓuy wer ɓe (2
Naa raw ge yaŋ ɓuy wer ɓe Kidolgi
Naa raw ge yaŋ ɓuy wer ɓe
Naa raw ge yaŋ ɓuy wer ɓe Haleluya!
Naa raw ge yaŋ ɓuy wer ɓe

3. Fruygi jar mani Pããɓe Baa


Wo wursen naa ẽla,
De maga à wo we go ciŋ no (2
De maga à wo we go ciŋ no Kidolgi
De maga à wo we go ciŋ no
De maga à wo we go ciŋ no Haleluya!
De maga à wo we go ciŋ no

4. Baage põõ Baa joŋ ge


Coo jar yaŋ wurpo,
Jar gay ge wo yaŋ debaŋ nen wuu (2
Jar gay ge wo yaŋ debaŋ nen wuu Kidolgi
Jar gay ge wo yaŋ debaŋ nen wuu
Jar gay ge wo yaŋ debaŋ nen wuu Kidolgi!
Jar gay ge wo yaŋ debaŋ nen wuu

253
5. Ndi hay go diŋ je
Seele nen ɓlagge tum,
Ci Yeso fer go fãã mege (2
Ci Yeso fer go fãã mege Kidolgi
Ci Yeso fer go fãã mege
Ci Yeso fer go fãã mege Haleluya!
Ci Yeso fer go fãã mege

6. Sag poɗag ɓon me ti


Weesam mani Baa no,
Ngeel hayle ɓin na diŋ see ɓo (2
Ngeel hayle ɓin na diŋ see ɓo Kidolgi
Ngeel hayle ɓin na diŋ see ɓo
Ngeel hayle ɓin na diŋ see ɓo Haleluya!
Ngeel hayle ɓin na diŋ see ɓo

7. Yeso ti holaŋ naa


Naa jar ma de hã ɓil no,
Nen ɓe le de jelge ti naa (2
Nen ɓe le de jelge ti naa Kidolgi
Nen ɓe le de jelge ti naa
Nen ɓe le de jelge ti naa Haleluya!
Nen ɓe le de jelge ti naa

254
8. Nday jar joŋ ɓlagge
Maga nday leɗ nen naw tum,
A wee le Yeso yãã nday yaŋ go (2
A wee le Yeso yãã nday yaŋ go Kidolgi
A wee le Yeso yãã nday yaŋ go
A wee le Yeso yãã nday yaŋ go Haleluya!
A wee le Yeso yãã nday yaŋ go

9. Hay nen dage mani Baa


Je ma yãã jar no,
Nen maga ndo mo daŋ je heen eegre (2
Nen maga ndo mo daŋ je heen eegre Kidolgi
Nen maga ndo mo daŋ je heen eegre
Nen maga ndo mo daŋ je heen eegre Haleluya!
Nen maga ndo mo daŋ je heen eegre

10. Yeso mbe diŋ jam naa


Blum ɓen diŋ ma naa lay,
Á hay de naa werga se yãã naa go (2
Á hay de naa werga se yãã naa go Kidolgi
Á hay de naa werga se yãã naa go
Á hay de naa werga se yãã naa go Haleluya!
Á hay de naa werga se yãã naa go

255
207(Gẽẽge CV 214)

1. Ndi diŋ Manwur Baa ɓo ma joŋ jar no,


Ndo joŋ ge joŋre diŋ ne ndi mbi boŋ,
Ndo kiɗ Baare maa tigriŋ wo gà so,
Ndo laa ge koyõgre pel ɓaara gà lay.

2. Ndo mo ɗe ɗu Manwur de koɗkoɗ wà,


Ndo mo ɗe ɗu Baa ti gete’ wà lay,
Wur Dimas mono Yeso Kris kal go ciŋ,
Men joŋ joŋre ɓon wur sen ɓuy ɗa la.

3. Ndo mo hoo sug ti pan ɓo wo de man ɓo,


Ni ndo da’ ɓil de el yaŋ wo de bosa’,
Ndo ii jobo gà, je tabay diŋ sel Baa,
Kaage ci jobo go de faɗge Baa ti.

4. Sagge nen ti fẽẽre diŋ joŋre hõõgesee,


Figliw mo no diŋ ma jar hãyhãy wo,
Ɗig ti jar ma Sodom ma ɓaɓa wo no,
Baa ɓo’ wuu go ne hara ti ma tum.

5. Joŋ freŋ wà, waŋ ɓaara diŋ Manhuli,


Joŋ joŋre de do ɓo sen diŋ fen ma ɓo.
Men gete’ wo go de wããre hãyhãy ɓuy,
Kiɗ diŋ faage ma seege wer Nenterse.

256
6. Sõõ ɓil ti fen ma je leege ɓo wà,
Sag nen ti fen jobo wà sen diŋ hram,
Baa caa kiida go ti fẽẽre sen wo no,
Kiɗ faage pẽẽge de fuggi ɓil see Baa.
208
1. Jar jag Baa ‘ũy wee go Yeso yaŋ le fer ge . .
2. Ma hoo jar ɓe ma ti tamsir wo lam no . .

3. Naa raw yaŋ jag de fruygi go ciŋ see Baa . .


4. Jar ɓlagge awe le hã ɓil ɓay ne Yeso . .
5. Je maga hã ɓil ɓe ne Yeso gà no . .
6. Je ma sen wo ge ɓen yaŋ joŋ bon nen wuu . .
7. Nen wuu mono á ra yaŋ ni debaŋ . .
8. Yeso fer ge yaŋ le ma kiɗ jar ɓen wo . .
9. Naa wo yaŋ lag ge go ciŋ jag de fege . .
10. Gesiŋ ti tamsir la fruygi bay wà hase . .
11. Woore ma ti tamsir la taw yaŋ ge go . .
12. Hosana! Hosana! Yeso fer yaŋ le . .
13. Haleluya! Haleluya! Amen! . .
257
209 ( gẽẽge siŋ 206 )

1. Ci Yeso kaa go ti koo ma ɓalge,


Ma fãã naa go, ma woge de naa see Baa,
Maga naa ɓuy naa mo da’ wee pẽẽge,
Suse’ debaŋ Pããɓe, suse’ ne ndo.

2. Dage mani Manwur Baan kluu debaŋ,


Á hay hã Yeso Kris le go ne naa,
Maga naa ɓuy naa mo da’ wee pẽẽge,
Suse’ debaŋ Pããɓe, suse’ ne ndo.

3. Ci mani Yeso tay jag naa de Baa,


Maŋ sõõge ɓil ma Baan go ne naa ti,
Maga naa ɓuy naa mo da’ wee pẽẽge,
Suse’ debaŋ Pããɓe, suse’ ne ndo.

4. Wuur ɓuy, wuur joŋ suse’ mo Manwur Baa,


Wuur togoɗ mo, wuur yaŋ de goŋ mo ge,
Wer dage maga ndo da wuur mono ,
Suse’ debaŋ Pããɓe, suse’ ne ndo.

5. Wo ciŋ see Baa, tenen ma tum yaŋ ni,


Yeso Kris hã tenen sen go ne naa,
Maga naa ɓuy naa mo da’ wee pẽẽge,
Suse’ debaŋ Pããɓe, suse’ ne ndo

258
210

1. Waŋ naa Yeso


Waŋ naa Yeso nduu ti tamsir.
Ma yãã jar joŋ
Ma yãã jar joŋ ɓlagge wo go.
Jar joŋ ɓlagge
Jar joŋ ɓlagge tob wo Yeso go.
Á joŋ wo coo ɓe
Á joŋ wo coo ɓe debaŋe.

Hẽn ɓi ko bon
Hẽn ɓi ko bon maga Yeso joŋ ne.
Yeso hu go
Hu go ma yãã naa wo go ɓuy.

2. Á wo wo de ɓe
Á wo wo de ɓe pel waŋren wo.
Maga á mo
Maga á mo caa wo kiida ɓe.
Á tay wo jag go
Á tay wo jag go ti ɓe ɓuy.
Kal wo wããge
Kal wo wããge go ɓuy gano:

259
3. Á go nen ‘warge
Á go nen ‘warge wara werga.
Á wãã ga se
Á wãã ga se diŋ weel ma Baa.
Á kaŋ wo klaŋ
Á kaŋ wo klaŋ hõõre ne hẽn ti.
Taŋgu maga
Taŋgu maga saara ɓaln go ciŋ.

4. Á feg wo ti ɓe
Á feg wo ti ɓe kal wo gano:
Wuur hee jag mo
Wuur hee jag mo waŋ jar Jwif wo.
De maga Pilad
De maga Pilad ko wããren ko
Á kal gano:
Ndi da’ mopo see ɓe gà has.

5. De sen mbe ɓuy


De sen mbe ɓuy saara baa Yeso.
Á raw wo de ɓe
Á raw wo de ɓe Golgota
Á ɓal wo jar freŋ
Á ɓal wo jar freŋ ni ɓog lay.
Boŋ ti do war
Ma boŋ lan ti do guur ɓe lay.

260
6. Sode po boŋ
Sode po boŋ tuŋ Yeso yoo.
Wersen ci kaa
Wersen ci kaa wo le de bii.
Ci ɓe maga
Ci ɓe maga kaa go mono.
Diŋ fen maga
Diŋ fen maga hã pẽẽge ne naa.

7. Dosen Yeso
Dosen Yeso hu ti koo de ɓalge.
Ma yãã jar joŋ
Ma yãã jar joŋ ɓlaage wo ɓuy.
Á ɓo’ wo Yeso
Á ɓo’ wo Yeso go ɓi tu .
Lag wo sode
Lag wo sode gor ti ɓe lay.

8. Day Yeso kal go


Day Yeso kal go yoo jar huli .
Á fer wo go
Á fer wo go ciŋ see Pan ɓe.
Á raw kne’ ngeel
Á raw kne’ ngeel ne naa ciŋ.
Á raw kne’ ngeel
Á raw kne’ ngeel ne naa ciŋ .

261
9. Wurpo Yeso
Wurpo Yeso fer ge yaŋ le.
Ma hoo jar ɓen
Ma hoo jar ɓen wo go see ɓe.
Haleluya!
Haleluya! Waŋ waŋren wo.
Waŋ naa Yeso kal we go ciŋ.

211

1. Ko wee kefder maga,


Pol yer ne Filemoŋ mono, (2
Wããre wãã ti Onesim.

2. Onesim gebe ma
Filemoŋ ma Kolose, (2
Raw caa ɓil go de Filemoŋ

3. De maga Pol ti daŋgay


Yoo jar joŋ ɓlagge wo mono (2
Á raw yiŋgi de Onesim

4. Pol raw sii wããre Baa


Sii wããre ne Onesim (2
Onesim yãã wããre Baa.

262
5. Pol raw yer kefdere
Yer kefder ne Filemoŋ (2
Á raw wiigi ɓe gano.

6. Á wii Filemoŋ gano:


Ndo mo yãã Onesim see ɓo (2
Á diŋ weel ɓi ti daŋgay.
7. De maga ndi ti daŋgay
Do jar joŋ ɓlaggen wo mono (2
Onesim yãã wããre Baa.

8. Onesim ɓoɗ jag go


Ɓoɗ jag go pel Yeso Kris (2
Wersen ndo mo yããn see ɓo.

9. Yãã mbo Onesim see ɓo


Á diŋ je ma joŋ joŋre (2
Joŋ ne ndi joŋ ne ndo lay.

10. Patalam no Onesim


Joŋ joŋre de Yeso Kris (2
Á joŋ joŋre de naa lay.

11. Hẽẽre ɓi je maga


De waŋ de hẽn ɓe mono (2
Á mo fug ɓil go ne hẽn ti.
263
12. Da wee kããra doga
Filemoŋ je joŋre Baa (2
Da Onesim no lay no.

13. Ko wee dage maga Baa


Ɓo’ Weel ɓe Yeso Kris le (2
Á hu go diŋ wer naa ɓuy.

14. Yeso a ti tamsir la


Hoo ɓlaggen wo ti ɓe ɓuy (2
Ɓlagge ɓin ĩĩ Yeso go.

15. Hẽẽre ɓi ndi riŋ nday


Tamsir raw jãɗ jar debaŋ (2
Naa mo hay wee go de ɗeŋ.

16. Haleluya! Amen!


Tayge jag wo go ciŋ see Baa (2
Wur age Waŋ naa Yeso.

212

1. Baa joŋ fẽẽren wo ɓuy ti naw hiira’ . .


Á joŋ je tabay blam fẽẽren wo ɓuy,
Ama fen ma de maŋge ɓe bay ni wà.

264
Manwur Baa Pããɓe day so gano: . .
«Á bay de el maga je tabay mo
Hay de see ɓe boŋ wà hase»
2. Baa raw joŋ wãy ne hẽn ma kayge ɓe . . .
Day je tabay joŋ fruygi debaŋ.
3. Jobo kãã mbe we ma hoo tabul Pan ɓe . . .
Ama wãy ma de deelen mono.
4. Hã sen say diŋ Manwur Baa Pããɓe . . .
Werga fẽẽren wo ɓuy nen do ɓe.
5. Dosen je twar men pããre ɓe wo go . . .
Day sa’ see ɓe go de wãy ɓe.
6. Á tay wo ɓog ɓuy hõõgesee po boŋ . . .
Á kãã wo ma bus kããra gà hase.
7. Wersen je twar mo joŋ nen da wãy ɓe . . .
Mo dan do hõõgesee ɓe no ma’ lay.
8. Wãy mo joŋ nen ma yãã jag war ɓe . . .
Day á mo hoo sug ti ɓe debaŋ lay.
9. Jar maga hoor wo sug ti wããre Baa mono. . .
Weere ɓaara gẽẽ wo de el lay.
Je maga de tay jag de wãy ɓe mono . . .
Baa laa tosge ɓaara kidolgi.

265
213

Yeso wãã gano:


Se diŋ tenen ma tum . . (2
Se diŋ cwãy, se diŋ faage.

1. Yeso maga hay


A ti tamsir lam no . .
Á nduu de pẽẽge ne naa.

2. Á joŋ bon ti koo


Ma de ɓalge mono . .
Naa diŋ wer ɓlagge naa wo.

3. Ci Yeso maga
Kaa go yoo ɓe mono . .
Ci sen tay jag naa de Baa.

4. Á kal go ciŋ mono


Ma kaŋ nen naa gano: . .
Se daŋ hulin go eegre.

5. Hẽn ɓi ndi riŋ ndo


Á diŋ tenen ma tum . .
Á da ga se yãã ndo go.

266
6. Seele maŋ faage
Maga wo liŋ ni Baa . .
Faage sen diŋ Yeso Kris.

7. Yeso wãã gano


Jobo wo see Pan se . .
Bay heege ti se gà has.

8. Yeso Kris diŋ cwãy


Hẽn ɓi ale see ɓe . .
Ni ndo da’ ge see ɓo yaŋ.

9. Pããɓe suse’
Ndo hã Yeso ne wuur . .
Maga wuur mo da’ pẽẽge.

10. Naa togoɗ wee Baa


Werga á diŋ dage . .
Á fer le ɗe naa see ɓe

267
214

1. Naa joŋ suse’ ne Baa


Werga á tay ti naa la,
Wara ti ɗu Weel ɓe
Je hã tenen ne jar no

Yeso Kris diŋ Weel Baa,


Maga hu ti koo de ɓalge,
Ndo hã ɓil ɓo we ne hẽn no, (2
Ndo da’ tenen ma tum yaŋ.

2. Dage maga Baa da naa,


Á raw kluu debaŋ,
Fen ma ngaɓge de ɓe bay wà
Naa mo laan de ele.

3. Weel ɓen mbe ne boŋ kay no,


Á hãn le go ti tamsir,
Ma hugi go wer naa ,
Ma fãã ɓlagge naa go,

4. Naa da’ wããre dage ɓil Jan,


Ma taŋgu ma kluu naa,
Ma kleere ɓe renam (1 Jan 4:7),
Baa de see ɓe diŋ dage.

268
5. Je maga da Baa, day
Da hẽn mbe gà no,
Á da mbe Baa gà lay,
Kefder Baa wãã nono.

6. Fruygi jag jiili ɓi,


Werga ndi da’ tenen,
Maga taw gà mono,
Tenen sen diŋ Yeso.

7. Nday jar ma ti tamsir ɓuy,


Awee le ɓiŋ Yeso,
Diŋ wer dage mani Baa no,
Á kaŋ wee ti Paradis.

8. Hẽn ɓi yõõ ti faage wà,


Ndo bas tenen ɓon go,
Diŋ wer fẽẽre ma ti tamsir,

9. Fẽẽre sen taw wo yaŋ go.


Haleluya! Yeso
Haleluya! Weel Baa
Haleluya! Dage maga taw gà mono.

269
215
1. Baa Pããɓe joŋ ngeel ma ciŋ, joŋ gesiŋ la,
De fẽẽre ma ɓil ɓaara. (2
2. Day Baa raw joŋ Adam wo de Efa,
Lag ra ɓil pay ma Eden. (2
3. Adam yãã wo jag Baa ɓaaran gà hase,
Baa nii ra go ɓil pay no. (2

4. Le de sen hãã ɓlaggen bay men jar go wà,


Ɓlaggen hay waŋ ti sir la. (2
5. Jar tabay laa wo go joŋ hãyhãy ɓuy,
Baa ga Nowe mo ceɗ daage. (2
6. Á mo laa wo ni de wãy ɓe de weere ɓe,
De nããre weere ɓen wo. (2
7. Baa Pããɓe maŋ bii go ne jar lan wo ti,
Men Nowe wo mbere ni. (2
8. De sen mbe ɓuy jar seeɗ wo diŋ nen suŋgu,
Baa raw ɓo’ Yeso Kris le. (2
9. Yeso Waŋ naa a yãã naa go jag ɓlagge,
Ɓlagge maga hay sa’ naa. (2

270
10. Yeso raw ciŋ ma ‘ũy ngeel ne jar ɓen wo
Jar maga yãã wo ree ɓe. (2

11. Wurpo boŋe Yeso fer ge yaŋ le pa,


Ma hoo jar ma ɓen wo no. (2

12. Naa jar maga Yeso men naa gesiŋ la,


Naa mo hay wee do cuu nono. (2

13. Naa mo tay wee joŋre naa de jar lan wà


Gahãyla Pããɓe da gà. (2

14. Fen po yaŋ boŋ maga naa kaŋ ti naa ni,


Poɗag tay de suŋgu gà. (2

15. Naa ko fen maga joŋ le nen Nowe ɓaa,


Fen sen joŋ yaŋ see naa lay . (2

16. Wersen lay so naa hay wee do Nowe nono,


Ma daŋ ree bon sen go lay. (2

17. O! hẽn ɓi ndo joŋ fruygi gesiŋ la,


Ma ciŋ de daŋ sen pa yaw. (2

18. Haleluya! fruygi joŋ yaŋ wur maga


Yeso lag naa go liŋ ɓe. (2

271
216
1. Wããre ɓo no . .
Wããre ɓon de ele.
2. Á bud jar go . .
Jar ma de saɗgen wo.
3. Á pẽẽ jar go . .
Jar ma de ceegen wo.
4. Nday hẽẽre ɓi no . .
Naa see wee wer Yeso.
5. Á hã see ɓe go . .
Hugi ma yãã naa go.

6. Á de koɗ naa . .
Koɗ naa ma yãã naa go.

7. A wee le see ɓe . .
Jar ma de gayrin wo.

8. Á de gor nday . .
Gor nday ma yãã nday go.

9. Wããre ɓo no . .
Diŋ tenene, diŋ jam.

272
10. Waŋ wuur Yeso . .
Je ma pel wuur diŋ ndo.
11. Fãã mbo wuur go . .
Hã eegre ne wuur ma tum.
12. Ma joŋ joŋre . .
Joŋre mani ɓo no.
13. «Do ɓi de dogray . .
Bayn nen yãã nday go wà yaw la?
14. Ndi bay de kããge . .
Ma yãã nday go wà yaw la?»
15. Kay diŋ wããre . .
Wããre ma Manwur Baa.
16. Wurpo boŋe . .
Tamsir la taw yaŋ go.
17. Naa raw ge yaŋ . .
Lagge iggi ɓiŋ Baa.
18. Kris hay de naa . .
Hay de naa mbe ma tum.

19. Haleluya! . .
Naa raw ge ti Paradis.

273
217

1. O! Baa ɓi no ma ɓil de el no,


O! Baa ɓi no,
Ndo diŋ je ɓil de el debaŋ.

Waŋ ɓi fer le gus ma maŋ ndi,


Fer mbo le Waŋ ɓi,
Werga tamsir joŋ coo ɓi debaŋ.

2. Ndo fer le na de wur hũn la?


Ma hoo jar ɓo,
Maga hã wo ɓil ɓaara ne ndo.

3. Ndo da ko wur fer ge ɓen le?


Ndi wii mo ga,
Fer ge ɓen le go de kosge.

4. Cwãy cwãy hẽn ɓi,Yeso fer le.


Ma hoo jar ɓe,
Maga hã wo ɓil go ne hẽn ne.

5. Á a hooge wursen mono,


Diŋ weere Baa ,
Ma lagge ti do war Pããɓe.

274
6. Naa lag ge yaŋ go ciŋ see ɓe,
Jag de fege,
Wur maga á fer le mono.

7. Naa joŋ ge fruygi yaŋ debaŋ,


fruygi maga,
Sen tawge go gà so mono

8. À poɗ naa yaŋ wursen mo no,


Ti joŋre naa ,
Maga naa joŋ ra gesiŋ lam no.

9. Ndo je ma joŋ joŋre debaŋ no.


Ndo da’ poɗge,
Ma ɓon yaŋ wursen debaŋ lay.

10. Ndo je cwããge,ndi wii mo ga,


Ndo da’ poɗge
Ma ɓon yaŋ wursen go me’ lay.

218

1. Manwur Baa,
Wuur tay le naa diŋ pel ɓo,
Ma goŋ moge,
Ma togoɗ moge lay.

275
Wuur yaŋ la,
Pããɓe laa ro wuuri,
Ko decoo wuuri,
Ndo mo ɗaw wuur do ɓo.
2. Wuur tay le,
Mono diŋ wer ɗu ɓo,
Wer gahãyla, ɗu ɓon hã jam ne wuuri.
3. Ɗu ma tigriŋ,
De daŋ ɗu ɓon bay wà,
Ɗu ɓon mbe boŋ,de daŋ fẽẽren wo ɓuy.

4. Nen jããɗge,
Wo de lawgen wo ɓuy,
Ɗaw mbo do wuurri,men wuur go yeeɗge wà.

5. Nen gayri,
Wo de coocoo wo ɓuy,
Hay see wuur mbaŋ,de daŋ hõõgesee wuuri.

6. Mo kay no,
Pããɓe diŋ ro wuur no,
Wiigi wuur no,Pããɓe ɗaw wuur do ɓo.
7. Ndo diŋ Baa,
Maga ndo hu gà has,
Ndo coo gà lay,ndo tum tum sagsage.
276
8. Togoɗge,
Eegre ɓo no,
Wo diŋ ma ɓo,nen kiŋgi de kiŋgi.

219

1. Jar mani Baa tay we . . .


Tay wo joŋ joŋre Baa.

Wuur yãã waare ɓay we . . .


Wer ɗu Yeso Waŋ naa.

2. Tay wo joŋ joŋre Baa . . .


Ga joŋre Baa mo see.

3. Nday hoo le mo hãã no . . .


Baa hã faage le wee.

4. Jar mani ɓay wo le . . .


Baa koɗ ra yaŋ le lay.

5. Baa diŋ je da jare . . .
Werga á je da jar.

6. Ti tayge ɓay seno . . .


Baa mo ɗaw wee do ɓe.

277
7. Jag ɓay mo hay go boŋ . . .
Hor wee sug ti Waŋ naa.

8. Jag ɓay tay we tosge . . .


Baa laa ne yaŋ mbe lay.

9. Tos wee de ɗu Yeso . . .


Baa yiŋ jag yaŋ wee lay.

10. Haleluya! Waŋ naa . . .


Haleluya! Amen!

220 (CV 232)


Pããbe ɗaw mbo do ɓi ɗala . .
Wose kãã ma ngaɓge de ɓo la?
Jobo kãã ma ngaɓge de ɓo gà.
Pããbe ɗaw mbo do ɓi.

1. Hẽẽne joŋ me we ti faage no . .


Faare kaŋ we jag ɓi no . .

2. Ɓlagge cir wo ti ɓi we no . .
Kol me go diŋ blum ɓaara . .

3. Fruygi wo de lawgen wo ɓuy . .


Nen jam wo de gaalin wo ɓuy . .

278
4. Jããge ma nen suŋgun ɓuy . .
Koɗ me go nen poɗag ɓo no . .

5. Ndi ko do ma de tulgin yaŋ . .


Ɓi sir ɓo ma de el no . .

6. Wur sen naa ‘waa siŋ ɓen yaŋ . .


‘Waa siŋ de jar peele Baa wo . .

221

1. Betlehem, Yeso biŋ Betlehem,


Betlehem, Betlehem diŋ sir Jude,
Diŋ sir maga Yeso Kris biŋ ni mono.

2. Hẽẽre ɓi no, pẽẽgen nduu naa we so,


Ndo hã ɓil ɓo we go ne Yeso Kris no,
Ndo da’ tenen maga taw go gà.

3. Ko wee dage maga Baa da naa ɗa,


Wara dage sen yaŋ mbe ɓil naa lay ge?
Hẽẽre ɓin wo dage de ele.

4. Hayga bay wà, naa hay wara naa gen la?


Dage maga Baa da naa kluu debaŋ,
Fen ma ngaɓge de ɓe boŋ bay wà.

279
5. Ndo de eegre, Baa ga ndo mo ale,
Ndo de coocoo de nen seŋ, Baa ga: yawwa,
Ndi yaŋ la, ndi de gor ndo, ɗele ale deparday.
6. Je maga da hẽn ɓen gà ko Baa gà ɗa,
Ndo ga ndo da hẽn ɓon gà, ndo da Baa debaŋ,
Baa ga ndo ko se na nen genla?
7. Naa da’ wããre dage ɓil Jaŋ ma taŋgu,
Jaŋ ma taŋgu ma kluuri naa, (1Jaŋ 4:7)
Ma kleere renam, Baa de see ɓe diŋ dage.
8. Haleluya! Yeso Kris fer ge yaŋ le,
Haleluya! Baa caa kiida naa wur sen,
Ndo de hay le na nen gen sola?.

9. O! hẽn ɓi no, ndo ti do gur yaw la?


Ɗig deparday, ale, ale hã ɓil ɓo go,
Hayga ndo yaŋ ti do gur ɗa no.

10. O! hẽn ɓi no, ndo ti do war yaw la?


Hayga ndo yaŋ ti do war Yeso Kris no,
Haleluya! ndo da’ pẽẽgen we.

11. Ɗig mbay ɗala pan ɓi nday de man ɓi,


Nday nen genla,? yaya baba nday de man ɓi,
Wii jag see ɓay de el ɗa lay la.

280
12. O! hẽn ɓi ma twãy ndo nen genla?
O! hẽn ɓi ma twar ndo nen gen layla?
Wii jag see ɓay de el ɗa layla.
13. Haleluya!, haleluya!, Emanuwel,
Haleluya!, haleluya!, Yeso Kris,
Haleluya!, haleluya!, Amen!
222
1. Jar jag Baa naa lag wee go de pũygi,
Nen maga Yeso nduu da’ naa defay.
Naa bay de ko naw huli naa wà,
Naa joŋge wur sen joŋge mo la?
2. Nday jar maga nday ko see ɓay de daŋ Baa,
Kaŋ wee go ti ɓay ga nday hu gi go lay.
3. Naw naa go mbaŋ ma woge ciŋ see Baa.
Day nday yaŋ mbay de ngelge tum ɗa?.
4. Yeso ga jobo mo caa ree ne kẽẽ see wà,
Ko wee see ɓay diŋ jar cag ree jar lan wo wà.
5. Werga Baa cag ree ɓay do maga,
Nday hay cag ree hẽẽre ɓay wo no lay.
6. Ndo de ɗag nen maga ndo yog go ɗa,
Ndo men ɓon eŋ raw ga hẽn ɓon de ɗag yaw.
281
7. Hay nen maga ndo yog we go yog no,
Ndo riŋ he̍n ɓon ga a mo see yogge kay.

8. Naa jar jag Baa naa kee kefder Baa,


Naa da’ yaŋ ga á bay de el wà.
9. Naa ko wee ɓil Matiye renam ala, (Mt 7)
Naa da’ wããre sen yaŋ de yerge ni.
223
1. Baa joŋ fẽẽren wo ɓuy diŋ se.
Á hay joŋ ra ti naw hira’a. (2
2. Baa joŋ je tabay na diŋ se.
Á joŋ Adam de maŋ see ɓe. (2

3. Adam hay mbe de see boŋ.


Pããɓe day gano: á mo hay de see ɓe boŋ wà (2

4. Ndi joŋ je kayge yaŋ nene.


Ndi joŋ je kayge ne Adam. (2

5. Baa naa nayre le ne Adam.


Ga Adam mo kaŋ ɗu ɓaara. (2
6. Adam kaŋ ɗu go ne nayren wo.
Kaŋ ɗu go ne ra boŋ boŋ ɓuy. (2

282
7. Adam da’ je kayge ɓe ni gà.
Dosen Pããɓe raw, ɓo’ naa ɓe. (2

8. Baa raw na hm yoo Adam boŋ.


Kal joŋ wãy de ɓe ne hẽn ne. (2

9. Pããɓe hãã wãy le ɓaa ne Adam.


Adam joŋ fruygi wur se no. (2

10. Adam kal gano:


Mo kay no diŋ hm ɓin so, diŋ nay ɓin lay. (2
Á raw kaŋ ɗu ne hẽn ga wãy.

11. Baa lag Adam wo de Efa.


Á lag ra diŋ se, (2
Maga á mo da wo kããra.

12. Wersen nday jar da kããra no.


Da wee kããra lay, (2
Hãã wur maga Yeso fer le.

13. Haleluya! Amen!.


Haleluya!
Waŋ naa Yeso fer ge yaŋ le! (2

283
224

1. Baa Waŋ ɓo’ Jonas


Ga á mo wo Ninife (2

2. Hẽn ɓi ko see ɓo ni
Hẽn ɓi ko see ɓo ni so. (2

3. Jonas day gà has


Raw ga se daŋ wo go hãã (2

4. Maŋ faage Tarsis


Ga se daŋ Baa wo go hãã (2

5. Á raw da’ daage


Raw ɗiigi ɓil ɓe daŋge (2

6. Baa raw dig daagen


Daagen laa seege gà so. (2

7. Daagen gay jarn wo


Jarn raw wo wii kããra ga: (2

8. Ree sen joŋ naa le?


Jonas raw fer wããre ga: (2

9. Ree sen joŋ wer ɓi


Wer ga ndi de joŋ ɓlagge. (2

284
10. Ɓo’ wee ndi go nen bii
Wer sen nday da’ see ɓay yaŋ. (2

11. Á ɓo’n wo go nen bii


Baa raw ɓo’ cẽẽ liggi ɓe. (2

12. Joŋ siili swa’a


Raw joŋ naw ɓil cẽẽ swa’a . (2

13. Jonas le ɓil cẽẽ


Raw tos Baa le ɓil cẽẽ no. (2

14. Baa laa tosge ɓe,


Cẽẽ fer dug Jonas le go. (2

15. Á raw Ninife


Raw ‘wad ɓay ne jar wo no . (2

16. Jar laa wo le go


Yãã wo wããre Baa ɓuy lay . (2

285
225
1. Yeso hay ti huuli ma had jar ɓen wo,
Raw riŋ rage ti wããre horog gano:
Hãy wee see ɓay go
Ti fẽẽre maga nday reen,
Noga ti õõbe maga nday lag (2
Ra see ɓay mo wà.

2. Werga tenen ɓay de daŋ reege no,


Hõõgesee ɓay de daŋ õõben wo lay.

3. Ko wee mbay dwee ma ciŋ wo ɓuy ɗala,


Jo’ wo mo po galay, boole ɓaara bay wà .

4. Ama Baa hã mbe reege ne hara,


Day nday de daŋ dweeren sen wo go hãã .

5. Wose de ɗiggi ma sen yoo ɓay mo ga,


Day ya’ naw ɓen yaŋ wo pel ni me’ la?

6. Nday jar maga nday de hã ɓil ne Pããɓe,


Hãy wee see ɓay go ti fẽẽre sen wo wà.

7. Ko wee fuɗgi koore ma ɓil pay wo ɗala,


Joŋ wo joŋre galay, ɓod wo õõbe gà lay.

286
8. Ndi riŋ nday ga Salomoŋ de horog ɓen ɓuy,
Bay da õõbe ma de woore do fuɗgi koo wà.

9. Kiɗ fẽẽre ma sen wo mo deŋ ɓuy no,


Diŋ jar maga bay wo ti jag Baa wà mono.
10. Law wee ga nday ree, nday joo may toŋ la wà ?
Baa diŋ je koɗ nday tum nen naw wo no.
11. Kiɗ wee diŋ Waŋ mani Baan taŋgu ɗa,
Ni nday da’ fẽẽre ma lan wo yaŋ lay.

226

1. Naa pũy wee go . .


Hẽẽre ɓi na pûy wee go. (2
2. Naa leɗ naa go . .
Do jar lan wo no wà. (2
3. Naa diŋ poɗag . .
Poɗag ma ti tamsir. (2
4. Naa diŋ manda . .
Manda ma ti tamsir. (2

5. Naa men see naa . .


Wer cõõre fẽẽren wo wà. (2

287
6. Yeso wii naa . .
Wii naa go poɗag gano: (2

7. Tamsir raw yaŋ . .


De fẽẽre ɓen wo ɓuy. (2

8. Hẽẽre ɓi no . .
Naa mo lag go de ɗeŋ. (2

9. Naa men see naa . .


Men see naa jãɗge wà. (2

10. Naa kaŋ nen naa . .


Kaŋ nen naa ti Yeso. (2

11. Naa joŋ do Efa . .


Do Efa no wà so. (2

12. Maga hãy see ɓe . .


Diŋ wer le’ge koo. (2

13. Jããge jãã ndo we . .


Ndo mo a see Yeso. (2

14. Yeso diŋ blum . .


Blum fẽẽren wo ɓuy. (2

288
15. Amen ! Hosana! . .
Yeso joŋ blum we! (2

16. Haleluya! Haleluya!..


Amen! Ti ɗu Yeso. (2

227 (Mat.24.1- 42)

1. Naa kee kefder Baa ɓil


Matiye do ɓog ti na
Klee boŋ do na ti ɓog.

2. Yeso ya’ had jar peele


Ɓen wo de fẽẽre maga
Wo le de age mono.

3. Á hay ciŋ ti huuli


Ma koore Olifiye
Jar peele ɓen a wo see ɓe.

4. Day saara wii gano: . .


Waŋ wur sii ne wuur ɗa la.

5. Mayse kaŋge nen wuur


Yaŋ ti wur age ɓon wo
De naw tawge tamsir la?

289
6. Yeso yiŋ jag ne ra . .
Day raw riŋ rage gano:
7. Koɗ wee see ɓay maga . .
Jobo mo jãã nday go wà.
8. Gahãyla jar debaŋ . .
Laa ge wo yaŋ ge le go

9. Ga saara diŋ Yeso . .


Weel Baa je ma yãã jar no.

10. Á jãɗge wo jar yaŋ . .


Jãɗge wo jar yaŋ debaŋ.

11. Nday la ge sug wããre . .


Durgi jaw yaŋ ge wo ra.

12. Ama ko wee see ɓay,


Lag wee go de pũygi
Jiili ɓay mo daŋ wee go wà.

13. Á de el nen maga . .


Fẽẽre sen mo a wo go ɗa.

14. Ama sen joŋ ge mono . .


Bay diŋ tawge sirn wà ɗa.

290
15. Durgi joŋ ge yaŋ ge . .
Ti holaŋ waŋre sir wo.
16. Sir ma po ur ge yaŋ . .
Ma woge dur kan ɓe no.
17. Koŋne leɗge yaŋ ge . .
Day sir daɗge yaŋ ge lay.
18. Sen mo ɓuy no, joŋ wo . .
Yaŋ diŋ tĩĩgi wer bon ɗa.

19. À wo yaŋ de ɓay jag bon..


À ĩd ge nday yaŋ go lay.

20. À caa hee yaŋ de ɓay


Werga nday diŋ jar maga
Nday see ti ɗu ɓi mono.

21. Jar debaŋ leɗ ge wo yaŋ . .


Leɗ ge wo yaŋ nen jããɗge

22. Day saara car hee yaŋ . .


Car wo hee yaŋ go de kããra.

23. Jar wãɗ wããre Baa ma . .


De gete’ laa wo yaŋ le.

291
24. Á jãɗ ge wo jar yaŋ . .
Jãɗ ge wo jar yaŋ go debaŋ.
25. Wer maga ɓlaggen ya’ . .
Ge wer ge ciŋ ni mono.
26. Dage ma jar debaŋ . .
Dage sen woo ge yaŋ go.

27. Je maga ɗaw wee ngiŋ no . .


Je sen da’ see ɓe yaŋ mbe,

28. Wur maga Yeso fer le . .


Ma hoo jar ɓen wo mono.

29. Yeso taw wããre ɓen ga: . .


«Tos wee, lag wee go de pũygi»

30. ‘Ũy wee see ɓay go lay


Werga nday ko wur maga
Yeso a de ɓe mo gà.

31. Ndo je laa wããre se no . .


Ndo mo ko go de el gano:

32. Fẽẽre maga a ngaɓ ra . .


Wo go de joŋ ge see ɓe yaw.

292
33. Ndo yaŋ bay hã ɓil ɗa ?
Hã ɓil ɓo go ne Yeso
Ma hayge go gorge ɓe.

34. Yeso wuur raa see ɓo ga . .


Ndo mo kay wuur ma seege wer ɓo.

35. Yeso ɗaw wuur do ɓo . .


Hã wur maga ndo fer le.

228

1. Baa diŋ Je joŋ tamsir no,


Baa diŋ Je joŋ tamsir no.
Fẽẽren ɓuy joŋ ra diŋ se,
Mopo joŋ de see ɓe gà.

Men tamsir na blum naa wà,


Naa jar mani Pããɓe no,
Yeso joŋ bon diŋ wer naa,
Á men naa go holge gà.

2. Yoo fẽẽre sen wo mono,


Baa joŋ je tabay ni lay,
Á joŋ ne de maŋ see ɓe,
Baa da je tabayn debaŋ.

293
3. Je tabay sen lam so no,
Raw cegaɗ jag Manwur go,
Hãã le ti wur sen ni so,
Á bay men joŋ ɓlagge wà.
4. Ndo je ma joŋ hãyhãy no,
Ndo je ma joŋ figliw no,
Ɓlaggen ɓuy nday joŋ ra mono,
Nday joŋge pel Baa joŋge la?
5. Joŋ hẽẽne do Pããbe Baa,
Joŋ hẽẽne je tabay wà.
Jetabay bay de kããge wà,
Baa boŋ de kããge tawa.
6. Yeso wãã jag jõõ gano:
Koo maga bay le’ le’ge wà,
À caa do koo sen yaŋ go,
À ɓo’ ne wo go nen wuu.
7. Ndo je ma de hã ɓil no,
Ɗaw wããre mani Baa no,
Joŋ do maga á wãã nono,
Baa ɗe mo tum diŋ weel ɓe.
8. Sõõɗ wee ɓil ne kããra ti wà,
Nday jar mani Yeso no.
Sõõɗ wee ɓil ne kããra,
Werga Baa bay sõõ ɓil wà.
294
9. Caa wee kiida kããra wà,
Nday jar mani Pããɓe no,
Caa wee kiida kããra wà,
Je caa kiidan diŋ Baa boŋ.
10. Wur maga Yeso raw ciŋ,
Yeso riŋ naa ga hãy la.?,
Se ɓo’ Nenterse yaŋ le,
Se men naa go holge gà.
11. Nenterse sen a we go,
Ma had naa, ma teŋ nen naa,
Nenterse sen a we go,
Ma kay naa jag durgin ɓuy.
12. Taŋgu maga Yeso raw ciŋ,
Yeso riŋ naa ga hãy la?
Ga naa mo raŋ go ti ngeel ɓuy,
Ma sii wããre go ne jar.
13. Wur maga Yeso fer le,
Hoo jar ma de hãã ɓiln no,
Naa raw ge yaŋ ɓuy wer ɓe,
Ma joŋ fruygi tum se ɓe.
14. Haleluya! Pããɓe Baa,
Haleluya! Yeso Kris,
Haleluya! Nenterse,
Togoɗgen diŋ ma Baa boŋ.
295
229

1. Wur kos we go, hẽn ɓi . .


Wur age Yeso go mbaŋ.

2. Ɓlagge joŋ yaŋ, hẽn ɓi . .


Ti holaŋ jar ti sir la.

3. Ko wee mbay ɗa, hẽnɓi . .


Dage yaŋ mbe ɗa yaw la?

4. Hayga bay wà, hẽn ɓi . .


Ni nday mo kiɗ wee dage

5. Wããre maga, hẽn ɓi . .


Yeso wãã le go ɓaɓa.

6. Wããre sen cwãy, hẽn ɓi . .


Naa mo lag wee go de ɗeŋ

7. Jar wo debaŋ, hẽn ɓi . .


Puɗ we go ciŋ de gete’

8. Hãy nen jar go, hẽn ɓi . .


Ni nday mo hãy wee go wà.

9. Je hãy see ɓe, hẽn ɓi . .


Sen yãã ge go jag bon gà.

296
10. Tos wee debaŋ, hẽn ɓi . .
Maga jobo mo hãy wee wà.

11. Tos wee mbay Baa, hẽn ɓi . .


De ɗu Yeso Weel Baa boŋ.

12. Yeso wãã ga: hẽn ɓi . .


Ti tosge ɓay se laan yaŋ.

13. Se tay de naa, hẽn ɓi . .


Ti tayge ti naa wo ɓuy.

14. Fruy wee mbay so, hẽn ɓi . .


Werga Yeso yãã naa go.

230

1. Yeso age yaŋ, ma hoo naa.


Naa joŋ fruygi.

Waŋ naa Yeso age yaŋ le,


Ma hoo naa.

2. Waŋ naa de tay naa,


Tay naa go taŋgu.

3. Tay naa go taŋgu,


Wur age ɓe no.

297
4. Je ma yãã ree Baa,
Sen da’ pẽẽge.
5. Naa ɗaw wããre Baa,
Naa ɗaw de eegre.

6. Naa raw yaŋ see Baa,


Nen fruygi no.

7. Yeso de wii naa,


Naa lag de pũygi.

8. Fen maga joŋ we,


Nday mo wii wee diŋ Baa.

9. Yeso de age,
Age hoo naa
231 ( Nag 20:1– 6 )

1. Kiŋgi ndar may joŋ ge la?. .

Hẽẽre ɓi naa hã ɓil naa go


Ne Yeso, á fer yaŋ le. (2
Hẽẽre ɓi naa hã ɓil naa go

2. Yeso hay waŋ ti tamsir . .

298
3. Manhulin go de ma’ jag . .

4. Nen maga á mo ig me’ ɗa . .

5. Naa ko jar hulin wo yaŋ . .

6. Maga à id ra wer Yeso . .

7. Á maŋ wo wer tamsir gà . .

8. Á goŋ wo Manhulin gà . .

9. Ɗiggi ɓaara ɓuy ti Yeso . .

10. Naw ma sen de gaali debaŋ . .

11. Maarog wuu yaŋ gor jar..

12. Naage do ɓog, boŋ hiira’. .

13. Kee wee ne, ni nday laa ne yaŋ. .

299
232
1. Ndi le’ mondra we.
Yayo Baa ɓi no, Je yãã ndi.
Yayo oh!
Yayo Baa ɓi no, ndi a see ɓo.
2. Ndi hay go de yeege.

3. Fen po ɓi bay wà.

4. Diŋ ɓlagge tawa.

5. Ndi a na see ɓo.

6. Fug ɓil go me ti.

7. Had wããere ɓon me.

8. Ɓil kefder ɓo no.

9. Ree ɓon fruy ɓil ɓi.

10. Hã eegre ɓon me.

11. Ma ɗaw wããre ɓo no.

300
233

1. Ndo de horog ma gesiŋ


Ti tamsir la do ɓo kay,
Ndo bay de Yeso wà no,
Horog sen maŋ mo po gà.

O!, nday jar tabay ,


Nday jar ma ti tamsir la,
A wee le wer Yeso Kris,
Ma kol wee ge go tenen.

2. Ndo de koge ma gesiŋ


Ti tamsir la debaŋe.
Ndo bay de Yeso wà no,
Koge sen maŋ mo po gà.

3. Ndo de werpiiri ɓon wo


Ti tamsir la mo caw ɓa.
Ndo bay de Yeso wà no,
Sen go de koɗ koɗ mbofo.

4. Ndo de naare ɓon wo do


Ɓo ti tamsir la debaŋe.
Ndo bay de Yeso wà no,
Naaren maŋ wo mo po gà.

301
5. Ndo de weere ɓon wo do
Ɓo ti tamsir la mo kay ɓa.
Ndo bay de Yeso wà no,
Weeren maŋ wo mo po gà.

6. Ndo de payre ɓon wo do


Ɓo ti tamsir la mo kay ɓa.
Ndo bay de Yeso wà no,
Payren maŋ wo mo po gà.

7. Ndo de mooda ɓon wo do


Ɓo ti tamsir lam kay ɓa.
Ndo bay de Yeso w à no,
Moodan maŋ wo mo po mo gà.

8. Ɗawa naa hã see naa go


Diŋ ne Yeso Kris mbe boŋ.
Sen wo de naa diŋ ɓiŋ Baa
Sen hã tenen ne naa lay.

302
234

1. O! nday hẽẽre ɓi no . .

Pããɓe ɗe nday
A wee le,
Pããɓe ɗe nday.

2. Ɗig wee reen see Adam . .

3. Baa hay riŋ Adam we . .

4. Ga á mo ree koon wà . .

5. Á reen we, á huu gi . .

6. Cwee a jãã wãyn gano: . .

7. Nday huu gà has hase . .

8. Baa go de koge ga: . .

9. Nen ɓay day la caa go . .

10. Ko ree do Baa no lay . .

11. Efa raw maŋ koo no . .


303
12. Reen, hãn ne war ɓe lay . .

13. Adam faa wo jag Baa . .

14. Ɓil Baa raw sõõge lay . .

15. Baa nii ra go ɓil pay no . .

16. Naa joŋ wee sen wà so . .

17. Do Adam no wà so . .

18. Werga Baa da naa we . .

19. Ɓo’ Yeso le yãã naa . .

20. Baa ga naa mo yãã ne . .

21. Hayga naa yãã we gà . .

22. Se laa naa ge nen wuu . .

23. Ɗawa naa mo yãã ne . .

24. Naa togoɗ wee Waŋ naa . .

25. Haleluya ! Amen . .


304
235

1. Seele maŋ faage, hẽn ɓi seele


Hã ɓil ne Yeso.
O! hẽn ɓi seele, ma da’ pẽẽge.

Ndo yaŋ mbo ɗiggi yaw la?


Hẽn ɓi ɗig ti Yeso Je yãã jar,
O! hẽn ɓi see le ma da’ pẽẽge.

2. Ndo je ma de fẽẽre
Kaŋ ɗiggi ɓo diŋ ti Baa Pããɓe,
O!, fẽẽre sen tawge wo yaŋ go.

3. Wããre Baa wãã ga:


Seele laa wããre ma defay no,
O!,maga ndo mo kol go tenen.

4. Yeso fer ge le,


Fer le de wur maga jobo kon gà ,
O! Yeso fer ge le ma caa kida.

5. Suse’ ɓo Pããbe,
Ndo ɓo’ Yeso le hugi wer ɓi,
O! , á diŋ Je ma yãã mege no.

305
236

Wurpo boŋe, Waŋ naa Yeso,


Wii jar ɓe ma hwal ti ɓogn wo,
Ga á mo ɗii wo ɓi dage,
Mo kol wo go faale bii nen Betsayda.

1. Kidolgi jar peelen raw wo,


Do maga Waŋ naa wãã ne no,
Ma ɓen se de see ɓe gwa’ ni,
Ma dus ngaaɓa maga hay ti ngeel ni go ɗa.

2. Á raw rawge ciŋ ti huuli,


Ma woge ni tos Pan ɓe Baa.
Day de maga wur coŋ go mono,
Jar peelen hay wo wo go ti poɗag bii.

3. Daagen hay gay ra debaŋ,


Wer maga no, leegen hay le fidgi pel ɓe.
Kaŋngaw bii hay dig daage no,
Leegen bay menge ɓe seege pel ni wà.

4. Wo dayge de ro kag mo kay,


Yeso raw rawge wo see ɓaara.
Ma woge see ɓaara mono,
Se see ti bii, see ti maarog de ɓaale.

306
5. De maga á kon wo mono,
Jiili ɓaara daŋ go debaŋ.
Á raw wo wiigi gano:
Sen diŋ mayla?, sen mo caw diŋ manmbuyuri.
6. Hẽẽne raw joŋ rage debaŋ,
Á raw wo ngar jag debaŋ.
Yeso wii ra ni tuseŋ ga:
Ndi wii nday cwãy, joŋ wee hẽẽne wà, á diŋ ndi.
7. Piyer yiŋ jag ne Yeso ga:
Hayga á yaŋ diŋ ndo no,
Joŋ ga ndi mo wo wo see ɓo,
Ndi mo see wo ciŋ ti bii de ɓaale lay.
8. Yeso fer ne Piyer gano:
Cwaa mbo le go, see mbo le.
Piyer ɗii go, men daagen go,
Raw see Yeso, see wo cwãy ti bii de ɓaale.
9. De maga á wo koge ga,
Leegen de eegre se joŋ hẽẽne.
Do ni tuseŋ á sir wer bii,
Wer faare wo de hẽẽne ma jiili ɓe no.
10. Á raw ngar jag kloŋ gano:
Waŋ ɓi Yeso yãã ndi go.
Yeso raw coŋ do deparday,
Raw ba do ɓe, raw riŋgi ɓe ni gano:
307
11. Hãge ɓil ɓo go de pẽẽre.
Wer may ga ndo ɓo’ faare la?
Blam sen á raw wo ɗii daage,
Ɗii wo daage, leegen raw ooge mbe tu seŋ.

12. Jar maga hay wo ni mono,


Raw wo age goŋ Yeso.
Á raw wo riŋgi ɓe gano:
Ndo diŋ Weel Baa, ndo mbo diŋ Weel Baa kidolgi.

13. Hẽẽre ɓi naa jar ma Yeso,


Faare mo hay jiili naa wà.
Hãge ɓiln mo hay de eegre,
Ma joŋ fen ma de gaali ma joŋge ne je tabay.

237

1. Naa ɗig ti jããge


Maga jãã Job le ɓaa mono.
Naa wii wee diŋ Baa
Ma kay naa jag jãɗge sen wo.

Job ẽg Manhuli,


Ẽg ne diŋ wer eegre Pããɓe.
Job laa dayge gà,
Hãã Job wo da’ tenen ɓe no.

308
2. Job hay diŋ jobo
Ma de deele, hay keeɗed lay.
Hay joŋ hẽẽne Baa,
Day ɗee go see ɓlagge hãã lay.
3. Weere ɓe hay hwal,
Horog mani ɓen wo debaŋ lay.
Job hay de daŋ jar
Ma ɓi sir ɓen wo horog ɓuy.
4. Wurpo weere mani Baa
Tay wo ti le pel ɓe.
Manhuli raw age
Ti holaŋ ɓaara ni lay.
5. Baa wii Manhulin ga:
Ndo hay le la gen lay la?
Ndi hay le ti tamsir caw koɗe
Ma raŋge ɓe tawa.
6. Baa raw wiigi ɓe:
Nen ɓo ba Job le ni gà yaw la?
Jobo bay joŋ hẽẽne ɓi
De daŋ Job wà hase.
7. Job da ndo werga
Ndo hã fẽẽre go ne hẽn debaŋ
Ndo da we men ndi,
Ndi wo ko ɗiggi weel ɓon ɗa.
309
14. Bar Job a wo le
Wiin wo ga ndo de joŋ ɓlagge,
Werga fen ma dosen
A ne jobo ma keeɗed ti gà.
15. Job soɗ bon wo no
Hãã se joŋ ɓlagge gà hase,
Baa fer hã fẽẽre
Ne hẽn de daŋ ma taŋgun wo no.
238
1. Jag liŋgi de wii naa ga
Naa mo da kããra.
Dage yoŋ ɓlagge go
Naa mo da kããra.
2. Ndi diŋ Manwur Baa ɓo no
Ndo da’ pel gà so

3. Goŋ Baa ma tigriŋ wà


Maga ndo ko ra ɓuy.

4. Ɗe ɗu Baa de koɗ wà


Pããɓe cag ree ɓo.

5. Ɗig ti wur iggi no


Sen go de fããge

310
6. Hoo sug ti pan ɓo, man ɓo
Baa kay ndo yaŋ.
7. Ii huli wà hase,
Baa go de dig seno.

8. Joŋ figliw wà hase,


Baa go de dig seno.

9. Joŋ freŋ wà hase


Kiɗ mbo kiɗgi lay.
10. Ndo mo caa gete’
Ne hẽn ɓon see wà.

11. Ɗig ti fen jobo ga


Sen mo hay ɓo wà.
12. Á tay go ɓuy ga:
Da Pããɓe Baa ɓo no.
13. Ndo mo da hẽn ɓon
Do see ɓo no lay.
14. Mokay diŋ jag liŋgi
Maga Baa hã ne naa.
15. Haleluya!
Pããbe Baa da naa debaŋ.

311
239
1. Yeso ɗe weeklee le . .
Oo ne ti holaŋ ɓaara
2. Kidolgi ndi riŋ nday . .
Hayga nday coo we gà no
3. Kol do weekle gà no . .
Nday ko ge Waŋ mani Baa gà .

4. Yeso raw Galile . .


Ma sii wããren go ne jar.

5. Jar ngaa maŋ blam ɓe . .


Werga á joŋ fen mbugi.

6. Á pẽẽ jar ceege wo . .


Fãã ɓlagge ɓaaran go lay.

7. Á raw ciŋ ti huli . .


Se riŋ jar ngaaɓan gano:

8. Nday mo lag wee gesiŋ . .


Ndi sii wããren go ne nday.

9. Se raw bul jag ɓe ga: . .


De el yaŋ ti jar coo wo

312
10. Se raw riŋgi paga: . .
Werga Paradis diŋ ɓay

11. Kee wee ne ɓil Matiye naa . .


Ma klee do ɓog ti swa’(Mat 4: 23)

12. Kee wee ne ɓil Matiye dwee..


Ma klee ɓe boŋ tu seŋ .(Mat 5:1)

13. Wããre Baa wãã pa ga: . .


Jar ma ti tamsir la ɓuy.

14. Tamsisir la diŋ ma ɓay . .


Werga Baa roɗ sen yaŋ go.

15. Ɓil ɓi joŋ fruygi we . .


Werga Baa Pan jar da ndi.

240

1. O! Pããɓe Baa, wuur togoɗ ndo.

Wuur togoɗ ndo,


Ndo Baa ma tum tum no,
Waŋ ma de el no.

313
2. O! Pããɓe, ndo da wuur de Yeso Waŋ.
Wer dage ɓo, ndo yãã je tabay go,
Bay diŋ wer joŋre je tabay wà lay,
Bay diŋ wer de el je tabay wà lay,
Diŋ werga Baa ndo da mbo ne tu seŋ.
O! Pããɓe Baa . .
3. Ndo hã koge ree ne je tabay no,
Ndo raw hã ɗeŋ ɓon ne je tabay no.
Ndo hã Nenterse ne je tabay no,
Mopo bay go de gwa’ge see ɓe wà.
Ndo pog je tabay go ti see ɓe lay.
O! Pããɓe Baa . .
4. Nen gayri, Pããɓe ndo kay ne diŋ ndo.
Nen lawge, Pããɓe coɓ nen ɓe diŋ ndo.
Nen bone, Pããɓe teŋ nen ɓe diŋ ndo,
Nen koŋne, ndo hã reege ne hẽne.
Nen ɓlagge, Yeso ndo yãã wuur we go.
O! Pããɓe Baa . .
5. Jar joŋre ɓon, ndo kay ra ɓuy diŋ ndo,
Weere ɓon wo de ɗawge ɓuy nen do ɓo.
Haleluya!, Pããɓe ndo yãã wuur we go,
Haleluya!,Pããɓe wuur togoɗ diŋ ndo.

314
241

1. Baa diŋ je ma koɗ jar no,


Á see de ɓi sagsag
Coocoo may joŋ ndi la?
Á wo de ɓi ti ngeel maga
Ndi mo da’ iggi ma de ele
Coocoo may joŋ ndi la?
2. Á hã jiili ma de el me,
Ndi joŋ fruygi diŋ wer ɓe.

3. Ndi ti faage ma de ele,


Werga á koɗ ndi diŋ se.

4. De maga gaali da’ me we,


Hẽẽne joŋ ndi gà so hase.

5. Pããɓe ndo yaŋ de ɓi no,


Hẽẽne huli joŋ ndi gà so.

6. Ndi yaŋ tum de gor Yeso,


De maga ndi yaŋ caw ɗa.

7. Ndo pog ndi go ti see ɓi lay,


O! Suse’ ɓo Manwur Baa.

315
8. Jar ma ɓon ɓuy wãã wo gano:
Togoɗge, blum diŋ ma ɓo.

9. Haleluya Pan dage,


Werga ndo pẽẽ wuur we go.

242

1. Baa ba põõ a riŋ Moyis gano: . .


Nday de Aaroŋ see wee riŋ Faraw . .
Á mo hã faage ne Israyel wo . .
Mo laa wo go ɓi sir Ejipte . .

Haleluya naa mo fa Baa wà . .

2. Moyis raw rawge wo see Faraw so . .


Ma yãã weere Israyel wo go . .
Jag bon ɓaara ma Ejipte no . .
Faraw laa dayge gà kidolgi . .

3. Baa riŋ Moyis: maŋ wee graw ɓay no . .


Ɗaw wee ne ti piyew mani Faraw . .
Bii sen mo kol go do ci nono . .
Cẽẽ ma nen bii ɓuy mo huɗ wo go . .

316
4. Bii bay ni jar mani Faraw wà . .
Á diŋ je faa Baa tum ti wããre . .
Baa ɓo’ gaali le ɓi sir Ejipte . .
Á laa manyãã debaŋ ɓi sir ni . .

5. Moyis ma’ beɗef sir de graw ɓe no .


Ɓurgin kol tenɗe ti horog wo ɓuy . .
Baa riŋ Moyis: ur go ci de toŋ . .
Ndi laa kokwãy yaŋ le ni debaŋ . .

6. Baa ɓo’ ceegen le sir ni debaŋ . .


Ti piirin wo de fiirin wo ɓuy . .
De Manyoŋyoŋ maga mo ko wo ni . .
Farawoŋ laa dayge gà kidolgi..

7. Baa ɓo’ gaali le ɓi sir Ejipte . .


Á ɓo’ suŋgu le debaŋ ɓi sir ni . .
Gaali sen bay ti Israyel wà . .
Á diŋ je faa Baa tum ti wããre . .

8. Hulin a ti weeren kleeren wo . .


Tĩĩ wer ti jag weel mani Faraw . .
Á raw hã faage ne Israyel wo . .
Laa ra le go ɓi sir Ejipte . .

317
243

1. De tĩĩgi wer fẽẽren ɓuy mono . .


Baa joŋ ngeel ma gesiŋ ma ciŋ la . .
De fẽẽre ma ɓil ɓaaran wo ɓuy . .

2. Go ti naw ma de hiira’ mono . .


Baa joŋ je tabay blam fẽẽren ɓuy . .
Á hay ne waŋ fẽẽren ti sir la . .
Naw ma de renamn diŋ wur iggi ɓe . .

3. Naa ɗig we ti wur sen ni ɗa la . .


Blam sen lam no jar ma ti tamsir . .
Raw wo go men Baa ma tenen no . .
Fer wo coorge diŋ Manmbuyuuri . .

4. Bage põõ Baa nduu le ti ɓaara . .


Maga á mo ko wo se ɓaara . .
Faagen lam no de ɓrew ɓil ɓoge . .
Ma boŋ ti desãy, ma lan nen wuu . .

5. Ɗig wee debaycõõre ma ti hẽẽre ɓay wo lay . .


Bay do Kayin joŋ Abel no wà so . .
Abraham yãã Lod go ɓi sir Sodom . .
De el ma naa mo hay do ɓen no lay . .

318
6. Weel mani Baan da naa we debaŋ . .
Á hu go ti koo ma de ɓalge . .
Ma yãã jar ma ti tamsir go ɓuy . .
Ma raw ge de ɓaara se Pan ɓe . .

7. Yeso Kris raw wo go ciŋ see Baa . .


Ma ‘ũy ngeel ne jar ma ni ɓen wo . .
Naa gor wee Yeso, Waŋ fer yaŋ le . .
Ma caa kiida jar ma ti sir la . .

8. Cõõ mani Baan ra we wurpo no . .


Ko wee nen ɓay ciŋ wur sen ɗala! . .
Nday ko Weel Jobon yaŋ le je‘erge . .
Nen swaare le caw ma age wer naa . .
244
1. Waŋ naa Yeso biŋ we le,
Waŋ biŋ we le

2. Naa mo lag wee gor Yeso


Waŋ naa Yeso fer yaŋ le

3. Jar koɗ sããren nduu wo goŋge ɓe,


Togoɗ wo Baa.

4. Wuur nduu le goŋ Yeso no,


Waŋ ma naa no.
319
5. Peele Baa tay wo go boŋ,
Togoɗ wo Baa.

6. Hẽẽre ɓi ma goŋ Pããɓen wo,


Naa goŋ Pããbe mbe.

7. Waŋ naa maga à biŋ ne mono,


De se ɓe diŋ Baa.

8. Weel sen nduu ma yãã ndi go,


Ma yãã ndo lay.

245 ( 1p2 : 6 – 11 )

1. Huulin diŋ wo la ? Diŋ Yeso Kris Waŋ.


Yeso Kris Waŋ, diŋ Weel mani Baa.
Wããren hay wo de Baa, diŋ Baa naa no.

Ya’ see ɓay see Waŋ mbaŋ,


Huuli ma tenen maga jar tabay ɓo’ gom,
Baa raw maŋge ɓe le.
Ya’ see ɓay see Waŋ mbaŋ.

2. Huulin hay le ɓaa, see pel jar ɓen wo,


Huulin diŋ diŋ Yeso, diŋ bii ma de ele.
Jar Israyel hay joo wo bii sen we.

320
3. Huulin kol see ɓay, diŋ ma ɗaw tiŋ no,
Huuli Siyoŋ naa no, diŋ Yeso Kris Waŋ,
Je ma yãã ree ɓe, ree sõõre po joŋn ge gà.
4. Ɗu ma po ma yãã jar po bay wà so.
Wer bii, le ciŋ, hay ba gesiŋ la yaw!
Je yãã jar po ma tigriŋ bay wà so.
5. Huuli se kayn de el debaŋ ma yãã jar ɓen wo.
Nday maga nday ɗee le see Yeso mono,
Huuli se kayn see kol wee jar joŋ siɗ jag ne Baa.
6. Huuli se kayn, ɓod jar yaŋ gesiŋ,
Nday maga nday ɗee go see Yeso mono,
Huuli se kay, see kol mbar ɓaale ɓay.

7. Wer sen men wee ree hãyhãy ma ɓil ɓayn go,


Ree gete’ ɓay wo de yoo ma ɓil ɓay no,
Maŋge ti ciŋ ɓayn ɓuy, nday men wee go.

8. Hẽẽre ɓi ma dagen wo naa do waare nono,


Do jar po ma de caa nen hãã nono,
Dage fẽẽre de haram ɓuy, nday men wee go.

9. See mbay seege de el yoo jar lan wo,


Hay ba de maga saara ɓuy mbe de ɗar we ge,
Wo wo yaŋ mbaara go ɓuy ko de el ɓay no.

321
10. O! Baa Pããɓe, ndo diŋ Baa ma tum no,
O! Yeso Kris, ndo diŋ Waŋ ma de ele,
O! Nenterse Baa, ndo Je teŋ nen wuur no.
246 (Ful. 62)
1. Ndi nduu na diŋ see ɓo,
Yeso je yãã ndi no, ndo coo ndi le.
Ndi ɓod jag go pel ɓo, hã mbo fuggi ɓil me,
Je fug ɓil ti ɓlagge, yãã tosge ɓi no.
2. Ndi mbraw jiili ɓi,
Ɓlagge de joŋ bon ɓi lay, iggi baywà.
Ndi laa wããre ɓo no
Ndi yãã cwãy ree ɓon we,
Ya’ me ti faage ɓo je pẽẽ ndi no.
3. Manhuli de jãã ndi
Jiili ɓi da fẽẽre, a le kay ndi.
Ndi mo wo ba genla,
Ndi mo tos ba hũn ne,
Fen po mo joŋ ba ndi, ndo kon we go.
4. Ndi ko eegre ɓo no,
Ndi ko dage ɓon we jag jiili ɓi.
Ndi kol je ma wer ɓo,
Ndo Manwur Baa ɓi no,
Ɗaw do ɓi mbo de do mani ɓo no.

322
5. Je yãã wããre ɓo no,
Je seege wer cwãy ɓo, á pẽẽ go.
Hayga huli baa me ,
Ndi men tamsir we go,
Ndi raw wo go ciŋ ti kluu ɓo no.
247
1. Jam bay gesiŋ la wà.

Naa see diŋ wer Yeso, Yeso.


2. Yeso je hã jam no.

3. Ndi wo see Yeso.


4. Pan ɓi naa mo see.

5. Man ɓi naa mo see.


6. Hẽn ɓi naa mo see.
7. Yeso Je yãã jar.

8. Yeso diŋ faage.


9. Á daŋ sõõren wo.
10. Yãã wããre Yeso.
11. Ndo da’ pẽẽge yaŋ.
323
248
1. Pããɓe weel ɓon ra,
Pããɓe weel ɓo ndum
Ro ɓi maga ndi ra ne
Pããɓe, day wo go see ɓo.

2. Ndi diŋ je joŋ ɓlagge,


Pããɓe ɗaw ndi ɗala!
3. Jar ma jiili graŋ wo,
Pããɓe ndo taŋ ra ɗala!
4. Wer koo ma ɓon Yeso,
Ndi gay, ndi ig na ni.

5. Yeso ndo je koɗ jar no,


Wose tob ndo yaŋ mbe go la?

6. Nen ci mani Yeso,


Pããɓe ndo yog wuur ni.

7. Yeso ndo hu ti koo,


Ma yãã jar go ɓuy.

8. Haleluya Pããɓe,
Ndo mo laa ro wuur ɗa.

324
249
1. Naa ti tamsir lam no,
Naa do waare nono, hẽn ɓi,
Ngeel hay le naa yaŋ le go ciŋ.

Yeso Kris hay nduu we


Hoo ɓlagge ɓin wo ɓuy ti ɓe (2
Do sen á hã fruygi ne ndi.
2. Fẽẽre ɓi ma kluurin,
Bay wo gesiŋ la wà has, hẽn ɓi
Fẽẽre ɓin yaŋ wo le go ciŋ.
3. Teŋ mbo nen ɓo hẽn ɓi,
Coɓ mbo nen ɓo ni lay, hẽn ɓi,
Yeso yõõti le bay age gà.
4. Ndi da woge see Baa,
De jar ma de hã ɓil, wo ɓuy.
Ti ngeel iggi wuur ma tum no.

5. Yeso Kris wãã gano,


Se fer yaŋ le wurpo, hoo naa,
Ma woge lagge ɓiŋ ɓe ma tum.
6. Wur togoɗ ndo Pããbe ,
Eegren ɓuy nen do ɓo, Pããbe,
Ndo ɓo’ faage ne wuur na diŋ ndo.
325
250
Ngeel ma ciŋ no, yaŋ go wara de bulgi
Ne jar maga hã wo ɓil ne Yeso Kris,
Ma woge see Baa.
Bar ɓi no,
Hã mbo ɓil ɓo . .
Werga wur go de kosge.
1. Hayga fen maga maŋ jag ɓo woge ciŋ yaŋ,
Á yaŋ diŋ freŋ, ɓod jag go pel Yeso Kris,
Á yãã ndo go.
2. Hayga fen maga maŋ jag ɓo woge ciŋ yaŋ,
Diŋ figliw no, ɓod jag go pel Yeso Kris
Á yãã ndo go.
3. Hayga fen maga maŋ jag ɓo woge ciŋ yaŋ,
Á yaŋ diŋ gete’, men joŋre gete’ ɓon go.
Baa kay ndo yaŋ.
4. Hayga fen maga maŋ jag ɓo woge ciŋ yaŋ,
Yaŋ diŋ saŋgu no, hã saŋgu ɓon go ne Baa,
Á yãã ndo go.
5. Hayga fen maga dig tenen ɓon go pel Baa,
Á yaŋ diŋ solay , men dage solay ɓon go,
Baa kay ndo yaŋ.

326
251 ( kefder Rud )
1. Ti kal maga , jar cag wããren ,
Hay wo wããre jar Isryel wo,
Koŋne hay le’ ɓi sir sen ni.
2. Je Bethelehem, ɓi sir Jude,
Raw wo daŋge wo go de wãy ɓe,
De weere ɓen ɓi sir Mowab.

3. Ɗu je sen ga: Elimelek,


Ɗu wãy ɓen ga Nawmi.
Weere ɓe ɓog: Mahloŋ de Kilyoŋ.
4. Jar efrata, ti wer ma Juda,
Raw wo lagge wo go Mowab so,
Á lag wo go ni ma tum so.

5. Elimelek, naw ɓe raw tawge,


Raw tawge le go ɓi sir sen ni,
Nawmi gwa’ go de weere ɓen wo.
6. Á da wo mayre, jar Mowab wo.
Ma taŋgun ɗu ma sen ga Orpa,
Ma de ɓog ɓen ɗu ɓe ga Rudi.
7. Blam sen mo no, Mahloŋ de Kilyoŋ,
Naw ɓaara joŋ nen ma tawge go lay,
Taw wo le go ɓi sir sen ni.
327
8. Nawmi, gwa’ go bay weere ɓen wo,
Gwa’ go de wur, bay de warn wà lay,
Nawmi gwa’ go de kaare ɓen wo.

9. Day Nawmi ur ciŋ de kaare ɓen wo,


Men Mowab go raw wo ferge liŋ,
Werga á laa ga Baa ɗig ti jare.

10. Yayo Nawmi wãy ma ti bon no,


Bag yaŋ ne kaare ɓen wo ti faage.
Orpa fer liŋ, Rud ẽg le wer ɓe.

11. Baa ɗig ti jare,


Bowas raw hoo kaa Nawmi no,
Raw biŋ Obed ,Obed biŋ Isay,
Isay biŋ Dafid moo Yeso.

12. Haleluya! Baa ma da jar no,


Ndo fer we ɗig ti jar ɓon wo pa,
Haleluya! Baa ma de dage.
252
1. De maaga Baa joŋ . . Fẽẽren ɓuy momno.
Á raw joŋ Adam . . Mbe boŋ yoo Nãyren wo.
Fruygi ɓe bay wà . . Je ba nen ɓe bay wà.
Adam raw lawge . . Raw lawge de baŋ.

328
2. Pããbe Baa da ga . . Adam mo hay boŋ wà.
Ndi joŋ je kayge ɓe . . Yaŋ ne hẽn boŋ ɗa.
Á na nãyren le . . Ga á mo kaŋ ɗu ɓaara.
Adam kaŋ ɗu go . . Ne nãyren boŋ boŋ ɓuy.

3. Ama Adam da’ . . Je kayge ɓe ni boŋ ga.̀


Baa raw bo’ na ɓe . . Raw na hm yoo ɓe.
Á joŋ wãy de ɓe . . A de ɓe ne hẽn so.
Adam joŋ fruygi . . Joŋ fruygi de baŋ.

4. Do sen je twar . . Men pããre ɓe wo go.


Men pããre ɓe wo go . . Sa’ se ɓe see wãy ɓe.
Baa ga á wo ɓog ɓuy . . Tay wo go jobo boŋ.
Á kãã wo ma caa . . Ɓil go gà so hasse.

5. Do sen no lay no . . Nday hẽẽre ɓi no.


Ɗig we ga sa’ we . . Waara diŋ pããbe.
Joŋ we diŋ dage . . Mbe ti holaŋ ɓay.
Á kaŋ bossa’ yaŋ . . Ti joŋre ɓay wo ɓuy.

6. Ndi wi ndo wãy no . . Ndo mo yãã jag war ɓo.


Á diŋ waŋ ɓo do ga . . Kris Waŋ no lay no.
Ndo je twarn lay . . Ndo mo da wãy ɓo no.
Da ne do ga Kris . . Da jar ɓen wo no lay no.
Haleluya !. . Baa da naa de baŋ.

329
253
Ɓes hoole ma kidol ɓa, diŋ Yeso,
Hã fen joge ma kidol mono say Yeso.
1. Ndo le’ maŋ hoole sen mo no,ɗig go de el ɗa,
Ndo le’ jo ci se kaym ɓa, ũy se ɓo ɗa.
2. Yãã we hoole no, á diŋ hõõge se Yeso.
Yãã fen jogen mo kay á diŋ ci Yeso.
3. Naa ree hoole sen mo no, ma ɗig ti Yeso,
Naa jo ci se kaym ɓa ma ɗig ti Waŋ.

4. Hoole ma kidol mono, diŋ hõõgese Yeso


Ci see ma kidol mono, diŋ ci Yeso.

5. Yãã naa go mo no, diŋ hõõge se Yeso,


Fãã naa lam no ,diŋ ci Yeso.

6. Jar peele Yeso wo reen wo de kããra,


Jar peele ma ni Yeso no, jon wo de kẽẽ.

7. Tay naa lam no, diŋ hõõgese Yeso,


Wehãŋ ma tay naa, diŋ ci Yeso.

8. Suse’ ɓo Baa , ndo tay wuur we se ɓo,


Ndo tay wuur we ɓo, de ci Wel ɓo no.

330
9. Ndo diŋ pããbe Baa,
Ndo diŋ Baa wuur no,
Togoɗgen diŋ ɓo, Baa ma tum no.

254

1. Naa togoɗ wee Baa Pããbe,


Naa togoɗ wee Baa.

Naa ‘waa wee siŋ ma


Togoɗ Waŋ naa Yeso.

2. Togoɗ Yeso lay,


Je yãã naa pel Baa .

3. Ndi hay go de yeege,


Pããbe fer ndi le.

4. Baa hã weel ɓen le,


Ma yãã jar go ɓuy .

5. Nduugi ɓe ti tamsir,
Do naa no lay no .

6. Á biŋ de coocoo ,
Ɓi sir Bethlehem .

7. Jar hay dan wo gà ,


Ɓal wo go ti koo..
331
8. Cii ɓen kaa we go,
Ma yãã jar wara .
9. Jag ɓlaggen wo ɓuy,
Ma ni Manhuli no.
10. Yeso raw ciŋ se Baa,
Ma kne’ ngeel ne naa.

11. Á fer ge yaŋ le,


Ma hoo jar ɓen wo.

12. Hẽẽre Yeso wo,


Ɗaw we wããre Baa.

13. Nday mo joŋ nen maga,


Nday mo raa wur sen wà.

14. Suuse’ ɓo Pããbe,


Wer dage ɓo no.

15. Halleluya Yeso,


Halleluya Amen

332
255
1. Yeso Kris Waŋ, diŋ je ma yãã naa go,
Je maga hã ɓil we, á da’ pẽẽge . .
2. Se ndu geesiŋ la, kol se ɓe Weesam Baa,
Men se ɓe go hugi ma yãã naa go . .
3. De ci ɓe no, Baa ɗe jar go wer sir ɓuy
Ma tay jag de ɓaara mbe ma tum . .

4. Nday jar maga ,nday gwa’ nen suŋgu no,


A wee le se Yeso , á yãã nday go . .

5. Hã wee ɓil go ,ɓoɗ wee mbay jag go lay ,


Waŋ naa Yeso fer yaŋ le ma hoo naa . .

6. Manhuli no, eegre ɓe kãã gà so,


Yeso na blum we go ti fẽẽren ɓuy . .

7. Naa diŋ sode, sode ma Yeso Kris,


Ma woge durgi de jar hee ɓen wo . .

8. Suse’ ɓo Baa, ndo Je ma yãã wuur go,


Wuur lag yaŋ tum pel ɓo nen fruygi . .

9. Haleluya!, Haleluya Hossana!


Togoɗgen diŋ ma ɓo Waŋ waŋren wo . .

333
256
1. Ananiyas wo de ge wãy ɓe
yee wo pay ɓaara go ma hããge ne Baa

Hẽẽre wuur wo wuur wo de wi nday,


joŋ we fen maga á joŋ wo mo wà,
hayga nday joŋ fẽẽre sen wo we ,
nday kãã ma ko Waŋ ma ni Baa gà.

2. Manhuli raw kalge ne ra ɓil,


Á raw wo yoŋge go se solay no.

3. Solay maga gwa’ do ɓaara ni,


Ananiyas hããn ne jar Peele wo.

4. Piyer raw wi Ananiyas ga:


Ndo men Manhuli go ba ɓil ɓo le la?

5.Ndo caa gete’ ne Nenterse Baa,


De yoŋge solay pay ɓay go se ɓe.

6. Taŋgu maga payn bay go de yeege wà,


Pay sen hay mbe na diŋ ma ɓo pa.

7. Gete’ sen bay ne jar tabay wo wà,


Ama ndo caa diŋ ne Baa ɓo no.

334
8. Ananiyas laa wããre sen mo kay,
Á raw le’ge gesiŋ de huli.

9. Jar maga laa wo re sen mo kay ,


Raw wo daɗge go do hẽẽne debaŋ.

10. Jar joŋre maŋ wo huli ɓe no,


Raw wo rawge go tege ɓe tu.

11. Wo iggi go blam sen me’ pas,


wãy Ananiyas raw age lay.

12. Piyer raw wi Safira wãy ga:


Mo kay mbe diŋ solay pay ɓayn ge?

13. Safira yiŋ jag ne Piyer ga:


Kidolgi á mbe diŋ solay no.

14. Wer maga nday tay jag de war ɓo,


Jar teege ɓen teege wo ndo go lay.

15. Kidolgi Safira hu go lay,


Diŋ wer gete’ ɓaara de war ɓe.

16. Hẽẽre ɓi pũy we go ti hãge,


Maga naa mo jãã Nenterse Baa wà.

335
257

Pããbe ko decoo naa we,


Ɓo’ Yeso le ne naa,
Maga naa mo wo ti Paradis.

1. De maga ndo yaŋ gesiŋ ti tamsir la ɗa mo no,


Da wosela ɓuy do se ɓo no lay.

2. Ko we se hadge maga Yeso wãã ti Lasar,


Wo de je maga hay de hrog debaŋ.

3. Je hrog hay de fẽẽre,hay de õõbe de baŋ,


Hay tum nen fruygi mbe debaŋ lay.

4. Je coo Lasar de suuli jag tiŋ de wããge see,


Ndu re hole maga leɗ go gesiŋ.

5. Lasar wo hugi mono jar Peele Baa maŋ wo ne,


Raw wo go de ɓe ciŋ se Abraham.

6. Je hrog wo hugi mo no,à raw teege ɓe wo go,


Á wo ti ngel maga bon ni debaŋ.

7. De maga se jag bon ɓen ,á raw maŋ nen ɓe ciŋ,


Á ko Abraham wo de Lasar.

336
8. Abraham wo de Lasar de lagge ti ɓaŋ war Baa,
Á wi Abraham ga: ko decoo ɓi.

9. Bo’ Lasar le me ɗala á mo du’ bi me jag,


Nen maga kiŋ ɓi mo taŋ ɗala.

10. Abraham fer ne hẽn ga: ndo taw cõõre fruygi


Ma ɓon we le go ti tamsiri.

11. De sen mbe ɓuy pa yaw, tuu go ti holaŋ naa,


Jobo kã ma woge se kan ɓe gà.

12. Je hrog wi Abraham: ɓo’ Lasar wo ti tamsir


Wi hẽẽre ɓin wo ga á mo a wo la wà.

13. Abraham fer ne hẽn ga: jar wãɗ wããre ma jag Baa
Yaŋ wo mbara le ti tamsiri.

14. Diŋ wer sen so hẽẽre ɓi naa mo ‘ũy we se naa go,


Taŋgu maga huli ndu ba naa.

258

1. Lasar hay diŋ bar Yeso ceege raw le’ge ɓe


Mari wo de hẽn ɓe Marta ɓo’ wo jobo wi Yeso.

Halle Halleluya . . .
Halle Halleluya . . .

337
2. Yeso laa wããre se no, raw nage blamɓe ɓogge,
Raw wi jar Peelen woga: naa mo fer wogo Jude.

3. Jar Peelen wi wo Yeso: wo Jude wà waŋŋe,


Jar Jude kiɗ wo ii ndo go, day ndo fer wo ni pa yaw la?

4. Yeso fer ne ra ga no: hẽn Marin de huli.


Naa see wogo Betani, ma woge pẽẽ bar naa go.

5. Yeso ɗig ga se wo ni ma pẽẽ bar ɓe Lasar go,


Maga jar mo togoɗ Baa ma de eegre de baŋ no.

6. Se ndu ɓileege maga bar ɓen hu ni mono,


Ma togoɗge diŋ Pããbe, ma joŋge diŋ fen mbuɗgi.

7. Mari wo de hẽn ɓe Marta wi wo Yeso gano:


Hẽn wuur de hu ga hase, Waŋŋe ndo hay we la no.

8.Yeso fer ne ra gano: ndi diŋ Je ma pẽẽ jar go,


Je maga maŋ we wer ɓi no, á hu ge mbe ga hase.

9. Yeso oo ɓiŋ Tipaale no, raw tos Pããbe de eegre,


Raw ngar jag de gẽẽge kloŋ ga: Lasar ndo kal le go.

10. Hulin raw kalge le go, do ɓe wo de ɓaale de baŋge,


Yeso ga: bud we ne go, men we Lasar go seege.

11. Naa ɗig we ti Yeso Kris maga bir Lasar go,


Wur huli naa mo lay no, á bir naa go do sen no lay.

338
259

Hayga dagen bay we ɓil ɓo wà no, hẽn ɓi


Sen na doga ndo joŋ mopo gaɗa.

1. Wããre Baa wãã ga:

2. Dage joŋ de sãy.

3. Dage joŋ de ele.

4. Dage joŋ hũn gà .

5. Dage da jar ɓuy

6. Dage sõõ ɓil gà.

7. Á joŋ ɓlagge gà.

8. Dage ii jobo gà.

9. Dage joŋ freŋgà.

10. Dage slag nen gà.

11. Dage joŋ fruygi.

339
12. Naa da we kããra.

13. Baa naa diŋ dage.

14. Dagen yãã naa go.


260
1. Ti tĩĩgi were . . .
Mopo hay bay ti tamsir wà ɗa
Ti tĩĩgi were,
Suŋgun hay go de ɓo’ge ti ngel ɓuy.

2. Ti naw ma taŋgu . . .
Baa raw wããge ga poɗag mo joŋ,
Á raw joŋge,
Baa raw koge ɓe ga á de ele.

3. Ti naw ma de ɓog . . .
Baa raw caa ɓil ngel ma ciŋ wo go
De ma ngesiŋ la,
Á kaŋ ɗu ne hen ga ngel ma ciŋ.

4. Manwur tayti . . .
Bi ma gesiŋ lan wo go ɓuy boŋ,
Sen ti naw gãyla?
Sen diŋti naw ma de swa’ no.

340
5. Ti naw ma de na . . .
Baa raw joŋwur wo de few le ciŋ,
Joŋger wo lay,
Maga á mo ler wo tamsir go.

6. Ti naw ma de dwee . . .
Baa joŋnayren wo de dweeren ɓuy,
De cẽẽ ma nen bi,
Maga fẽẽre sen la ɓuy mo tes wo.

7. Manwur Pããbe . . .
Joŋ fẽẽren wo ɓuy mo na diŋ se,
Day blam sen ɓuy,
Á joŋ Je tabay de maŋ se ɓe.

8. Diŋ wer sen so . . .


Baa hay Je tabay waŋ fẽẽren ɓuy,
Sen ti naw gãyla?
Sen diŋ ti naw ma de hiira’ no.

9. Adam de Efa . . .
Baa ‘ũy ngel ma de el ne haara,
Ɓil pay ma Eden.
Maga mo re wo, mo gor wo ne lay.

341
10. Ngel sen de ele . . .
Adam hay da’ wo ne de Efa,
Ma ig se ɓaara,
Á yãã wo jag ga, Baa day ni ra go.

11. Diŋ wer sen so . . .


Ɓlagge raw ba ɓil tamsir go ɓuy,
Diŋ wer sen so,
Fẽẽren ɓuy kolgo de ɓlagge nen Baa.

12. Halleluya . . .
Baa ɓo’ Yeso le ma yãã naa go,
Halleluya,
Suuse’ ne Baa ti dage ɓe no.

261

Jam mo hay yo ɓay,


Werga Yeso kal we go ciŋ,
Á raw we se Pããbe,
Naa mo joŋ suuse’ ne Baa.

1. De maga Yeso hu go,


À ɓo’ huli ɓen ɓi tu,
Day se kal go ciŋ tenen.

342
2. De law ɓen wur sen ni tu,
Jar ɓe ma wer ɓen wo,
Hay wo de tayge tiŋma.
3. Tẽg wo jag tiŋ ti ɓaara,
Tẽgn wo go de lakel,
Do hẽẽne jar Jwif wo.
4. Day Yeso raw age lay,
Raw ooge yo ɓaara deŋ,
Raw ga: jam mo hay se ɓay.

5. Blam maga á wãã do sen no wãã,


Á raw kaŋ nen ɓaara,
Ti do ɓe wo de yo ɓe.

6. Ɓil jar ɓe ma wer ɓen wo,


Raw wo go fuggi debaŋ,
Werga á ko wo Waŋ Klu.

7. De maga á ko wo Waŋ Klu,


Yeso raw riŋ ra ge ga:
Daga jam mo hay se ɓay.

8. Do maga Pããbe ɓo' me le,


Ma joŋ joŋre ɓe no
Ndi laa we do sen no lay.

343
9. Á raw fug eegre ne ra ti,
Raw riŋ rage ga no:
Yãã we Nenterse Baa.

10. Jar maga nday men ɗig re


Ɓlagge ɓaaran go ne ra ti,
Ɓlagge ɓaaran taw go lay.

11. Jar maga nday men ɗig re


Ɓlagge ɓaaran go gà lay no,
Ɓlagge ɓaaran taw gà lay.

12. Se we raŋ wer sir go ɓuy,


Ma sii wããre ɓin ne jar,
Ni nday mo yog ra de bi.

13. Blam sen ni nday mo had ra,


Ma ɗaw wããre ɓi no,
Ndi yaŋ de ɓay nen naw tum.

344
CARGE SIŊ GO TI NEN TAƊ TAƊE.
1 BIŊGI YESO
Á biŋ Waŋ ma ti tamsir we ……..…..........…1
Betlehem, Yeso biŋ Betlehem ….…….......221
Ko wee nen ɓay Yeso biŋ do …………........44
Ndi da’ de el wer maga ..…..……….…...…62
Nen few ma de hiira’ no ……………..…..165
Waŋ naa Yeso biŋ we le ………………….244
Wara à biŋ Je ma yãã jar……………….....174
Weel Baa biŋ we la …………………….....131
Weel Baa biŋ we ma yãã naa …………….176
Wur maga Yeso Kris biŋ mo no …………...91
‘Waa wee siŋ ti Yeso ……………………..120
Yeso biŋ le …….………………………...180
Yeso biŋ we le………………………….…181
2 JOŊRE BAA.
Baa ɓo’ Yeso Weel ɓen le ne naa ……….…..6
Baa da jar gesiŋ la debaŋ…………............…7
Baa da jar ma ti tamsir ɓuy …………......…..8
Baa da jar ma ti tamsir ɓuy ………….......….9
Baa da jar ma gesiŋ la…………………...…10
Baa da jare we ɓuy …………………...…..123
Baa da naa debaŋ ……………………...…124
Baa da naa debaŋ ……………………...…183
Baa diŋ Je joŋ tamsir no……………....….128
Baa ɗe jar de see ɓe ti joŋre ɓe no ……….........13
345
Baa joŋ ngeel ma ciŋ no………………......…..199
Baa na nen cwãy dage ɓe no……………...…....14
Baa Pããbe joŋ ngeel ma ciŋ, joŋ gesiŋ la ….....215
Cwãy wããre ma de el, á a we go ………..........23
De tĩĩgi wer fẽẽren ɓuy mono…..………….....243
Ndi hã eegren go ne nday ɓuy ………………..160
Nenterse ɗe ndi, wo de ɓi see Yeso…………...132
Taŋgu Baa joŋ ciŋ, joŋ gesiŋ ………………......84
Ti tĩĩgi were ............................................... 260
Wããre ma de ele a we go……………………....87
3 JOŊRE YESO
Day Yeso,day Yeso ko ngaɓan le ………….....129
De maga Yeso de rawge ciŋ …………….........113
Lasar hay diŋ bar Yeso ceege raw le’ge ɓe.258
Jam mo hay yo ɓay,.....................................261
Waŋ naa mbe diŋ Yeso Kris………………... ..175
Waŋ naa yaŋ mbe tenen sagsage………….........76
Wur maga naw Yeso kosgo ………………....…90
Wurpo boŋ, Yeso fer yaŋ le………………...…236
Yeso hay ti huuli ma had jar ɓen wo…….........225
Yeso jag glaŋ ma sããen wo no……………......188
Yeso riŋ jar Peele ɓe wo ga……………….......118
4 HULI YESO DE KALGE ƁE CIŊ.
À tay jar faadan ti Yeso …..…………......……..83
Ci Yeso kaa go ti koo ma ɓalge……….............209
Le ti je’ãy ma Golgota ………………….......…49
Waŋ naa Yeso ndu ti tamsir……………...........210
Wur maga Yeso hu………………………..........93
346
Yeso hay hu we go……………………............101
Yeso hu le go Golgota………. …….............…186
Yeso hu le Golgota wer ɓi……………...........…48
Yeso hu we go …………………………......…187
Yeso hu wer debaycõõre ɓi……………...........102
Yeso hu wer jar ɓuy…..…..…..………............103
Yeso hu go ti koo ma ɓalge ……………............85
Yeso kal we go ciŋ, Yeso kal we le go……......204
Yeso kal we go ciŋ………………………........106
Yeso kris kal we go ciŋ……………….............110
5 WÃÃRE BAA.
Baa riŋ ɓil kefder ɓen gano………….............…15
Jag liŋgi de wii naa ga……………………...…238
Ko wee keder maga……………………….......211
Hayga dagen bay we ɓil ɓo wà no, hẽn ɓi........259
Manwuri diŋ Je ma koɗ mege no…………....…52
Ndi diŋ Manwur Baa ɓo ma joŋ jar no…….....207
Ndi ɗig ti fen maga joŋ Adam wo de Efa….....159

6 HÃGE ƁIL JAR JAG BAA.


Baa diŋ Je ma koɗ jar no………………..........210
Baa kaŋ nen ɓi we ga Yeso Je yãã ndi……......173
Baa wo de Yeso boŋe………………..……......127
Baa ‘ũy faage maga wo ciŋ de el de baŋ….......134
Ɓil jar ɓuy yaŋ mbe nen debaycõõre no….........21
Gesiŋ la ndi diŋ je ma waare kidolgi……..........29
Hã wur huli wuur………………………........…31
Jar durgi ma ni Yeson wo…………………......197

347
Jar ma ni Baa no,naa see we………..….…141
Lag wee ti jeŋ ɓaale Yeso…………….....…35
Naa maŋ faage ma Yeso……………........…61
Nday jar ma ni Baa ‘ũy wee go …..…..........94
Ndi da ɓin diŋ Waŋ ɓi ……………………157
Ndi da ga ndi wo liŋ ni Baa …………….....63
Ndi de ɗiggi matala ti ngeel ma ciŋ no….....64
Ndi laa wããre ma jag Baa ……………....…66
Ndi ko we cwãy ga Baa yãã me we ….......161
Puɗ wee ciŋ jar ma keɗeed wo………….....75
Wããre Baa no de el de baŋ…………….......86
Waŋ wuur Yeso Kris ,wuur diŋ jar ma ɓo.....78
Wer ɓil de el ma Waŋ naa no……………...185
Yãã wee wããre Baa ,Baa Pan naa ……........89
Yeso daga ndo hay de wo ge wà…….........182
Yeso diŋ faage jare……………………........99
Yeso diŋ Waŋ naa …………………….........97
Yeso Kris da ndi …………………….........107
Yeso Kris diŋ bar naa mbe ………….....…108
Yeso Kris diŋ Weel Baa …………….........109
Yeso Kris mbe diŋ Waŋe…………….........189
Yeso kris wii me ga no………………........114
Yeso Kris yaŋ mbe diŋ faage …………..…115
Yeso yãã ndi we go …………………..........96
Yeso yaŋ mbe Je ma yãã me ge ………......191
Yeso yaŋ mbe ti holaŋ naa …………….....192

348
7 TOGOƊGE BAA WO DE GOŊGE ƁE.
A le Yeso Pan bosa’ no……………………..........3
Baa ɓi no, ndi ɓiŋ ɓo mbaŋ…..………...........…5
Baa wuur, Weel ma ni ɓo no…..…..………..….15
Ɗu ma Yeso de woore de sãy …………..….....133
Haleluya Yeso kalgo ciŋ…………………...…...36
Je ma yãã ndin biŋ we le Betlehem …..….…...158
Je ma yãã megen hu ti koo wer ɓi………….....143
Maŋ ɗu ma ni Yeso kris no …..…………..…....50
Manwur Baa, ndo diŋ je joŋ tamsir…………...196
Manwur Baa ,wur tay le na diŋ pel ɓo………..218
Naa mo togoɗ wee, togoɗ wee Baa……...…....73
Naa mo togoɗ Waŋ naa de fruygi…..…..….....130
Naa togoɗ wee Baa Pããbe……..…………..…254
Naa togoɗ Yeso ,Yeso diŋ Je ma yãã naa go…...60
Naa see wee wo go ciŋ……………………......154
Ndi le’ modra we……………………………..232
Ndo diŋ je ɓil de el Waŋe……………………..163
O ! o! o!, see wee le naa mo togoɗ ………......167
O! Baa ɓi ma ɓil de el no …………………....217
O! Pããbe Baa , wuur togoɗ ndo…..…..……....240
Pããbe ɗaw mbo do ɓi ɗa la …………………..220
Sir de ngeel ma ciŋ ɓuy do YesoKris ………...170
Wããre ɓo no ………………………………….216
Wose ɓi wo ciŋ do ndo no la?………………...177
Wuur de joŋ fruygi wara……………………...178
‘Waa wee siŋ ma togoɗ Je yãã naa no………...122
Yeso ndo yãã wuur go……………………...…190

349
8 FRUYGI
Baa fruy ti ɓi,day se ɗe me……..………......27
De maga ndo jõõ,ngeel ɓuy diŋ ɓo……..…195
Fruygi a jag jiili ɓi ba go mbaŋ…………...136
Huulin diŋ wola? Diŋ Yeso Kris Waŋ……245
Jiili ɓi joŋ fruygi wara ti wããre ma ni Yeso 201
Jobo da fruygi ma gesiŋ la ……………….145
Naa ti tamsir lam no……………………...249
Nday ko tayge jar wo mo deŋ no………....156
Ndi joŋ fruygi wer ga Yeso joŋ …………..144
Ndo jõõ ndo joŋ fruygi tum……………....193
‘Waa wee siŋ ti Yeso …..…..…..…..…......120
Yeso wããga no …………………………...213

9 SIIGI WÃÃRE BAA GO.


A le see Yeso ……………………………..…2
A wee le, a wee le, a wee le nday ɓuy …....121
A wee see Je yãã jar ma da nday no …….....4
Baa joŋ fẽẽren wo ɓuy diŋ see…………....125
Ɓlagge ɓin wo ɓuy………………………..202
De el fẽẽre ma ti sir raw wo yaŋ………...…11
Faage ma ni Baa yaŋ boŋ ………………...194
Hẽn ɓi ndo mo laa wããren waara so……….37
Jam bay gesiŋ la wà……………………....247
Jar ma ni Baa togoɗ wee Yeso……………..39
Kiɗ jar maga yeɗ wo gom……………….149

350
Laa wããre ma de el ………………………….45
Laa wee wããre Baa do sããre po wo kissi….....47
Laa wee wããre Yeso no ……………………...74
Naa a ,naa a le pel Yeso ……………………58
Naa puɗ ciŋ de siigi wããre no………………153
Naa ‘waa wee siŋ maga no …………………155
Ndo de horog ma gesiŋ……………………..233
Ndo wo see wose ma da’ pẽẽge la?…………164
Ngeel ma ciŋ no,yaŋ go wara de bulgi……...250
O! nday hẽẽre ɓi no…………………………234
Seele maŋ faage , hẽn ɓi seele ……………..235
Tenen defay ,tenen defay…..……………….140
Tenen defay, tenen defay, Haleluya .......……171
Tenen yaŋ do Baa ...……………………...…138
Tenen defay yaŋ wara ma naa …………...…172
Wuur ndu le kiɗ jar maga …………………...79
Yeso a we wara de tenen ma defay…..…......104
Yeso fer we tenen bar ɓi,’ũy se ɓo go …..….105
Yeso riŋ ga naa a le see se …………………117
Yeso Kris Waŋ, diŋ Je ma yãã naa go……....255

10 TOSGE.
Daga do ma ni ɓo no Pan ɓi………………...152
Hay mbo de wuur, Waŋ wur go de coŋge…....34
Joŋ hẽẽne wà, ndi da ndo!…………………..147
Matala diŋ wur ma tosge……………………..53
Men ndi go wà, Je yãã ndi no……………......57
Naa yaɗ wee sagsage jag de fege…..………...59
351
Ndi ndu na diŋ see ɓo …..………………….....245
Ndi wo see ɓo Yeso……………………...……..56
Nen ma ni Baa bay le’ na wà…………….....…..69
Nenterse ma ni Baa a le………………………..70
O! Nenterse ma ni Baa…………………….…...40
O! Yeso Kris, ndi yaŋ la ………………….......168
Pããbe weel ɓon ra, …………………………...248
Sãy ko nen ɓo de ba ndi……………………....169
Yeso ɗaw ndi go do ɓo,ndi tos mo we…………28
Yeso hu go ti koo ma ɓalge…….……………....85
Yeso ndo hu go ti ɓi………………………..…116

11 IOŊGE SUSE’E.
Á maŋ kiida ma ti ɓin go ɓuy…………………119
Ci Yeso kaa go ti koo ma ɓalge……………….209
Joŋ suse’ ne Baa …………………………..…...42
Manwur Baa wuur no.……………………...…..71
Naa joŋ suse’ ne Baa ………………………....213
Naa jon we suse’ ne Baa……………………...198
Suse’ debaŋ ne Yeso Kris………………………82

12 KAŊGE NENE
Ananiyas wo de ge wãy ɓe...........................56
Baa ba põõ, a riŋ Moyis gano……………..…242
Baa Waŋ ɓo’ Jonas…………..……………..…224
Ɓaa mo no waŋ po boŋ a see Yeso………….....18
Ɓil Matiye doɓog ti na ma kle boŋ……….......205
De maga Moyis raw de jar ma Israyel wo……..24
Go ti ngeel ma ti tamsir ɓuy …………………..30
352
Jar jag Baa naa lag wee go de pũygi……….…222
Jar jag Baa, ũy wee go Yeso yaŋ le fer ge…....208
Jar ma Israyel wo ɓuy………………………...142
Jar ni Baa wora, ndi wii nday ɗa……………...184
Jobo hay boŋe ɓaa ………..………………......146
Kiŋgi ndar may joŋ ge la?…..………………..231
Ko genla ti tasir la ……………………………150
Ko wee mbay fruygi ma ti tamsir ɗala………....81
Le ɓaɓa blo po hay boŋe ……………………..151
Pããbe ko decoo naa we ..............................257
Manhuli raw go de Yeso ……………….………51
Naa ɓo’ wer tiŋ naa we ti huuli no……………203
Naa ɗig ti jããge ………………………………236
Naa pũy wee go……………………………….226
Ndo gay we do ɓlagge ɓon so yaw la?………....68
Oo ti wããre ma ni Yeso Kris Waŋ naa ni…….....72
Ti kal maga, jar cag wãaren …………………250
Yeso ɗe weekle le …………………………….239

13 NAW MA ƁLAM WO DE FERGE YESO LE.


Fẽẽre ma ti tamsir lam no…………………..….25
Jããɗgen nduu debaŋ see naa,…………………139
Jerusalem ma ciŋ, sir ma ni Baa …..…..…….…41
Matala naa bay de ko wããre……………………54
Naa kee kefder Baa ɓil…..…..……………......227
Wurpo boŋ Yeso fer yaŋ le……………………..92
Wur kos we go ………………………………...29
Yeso a ge yaŋ, ma hoo naa …………………...230
Yeso Kris le de ɗee naa …..…………………...111
353
14 WÃÃGE GO TI SE ƁO.(sedewa)
Baa joŋ gesiŋ la……………………….……12
Go de maŋge, go de maŋge ………………137
Hayga ndo joŋ de el gà mono…………...…33
Je yãã ndin joŋ bon wer ɓi……………….200
Laa wee ɗu ma de woore no…………........46
Matala ndi hã ɓil ɓi ne Yeso ………………55
Ndi hay go nen suŋgu………………….…206
Ndi see ɓaɓa bay je koɗge ………………...67
Nen naw ɓi ma gesiŋ la ɓuy ……………..166
Ti ɓi yõõge naw ma sen go gà…………....179
Waŋ ɓi Yeso da ndi………………………...77

15 ƁESGE HOOLE.
Baa yog jar de mayse la?…………………..17
Ɓes hoole ma kidol ɓa, diŋ Yeso………....253
Ɓes hoole ma kidoln diŋ ndo Yeso………...19
Ɓil ɓo cee mo ti ɓlagge ɓon yawla?…….....20
Ci Yeso kaa we go………………………....22
Hã wur maga ndo a Waŋ wuur…………….32
Ndi ko ndo le Getsemane………………….65
Wããre ɓo no Waŋ ɓi Yeso………………...88

16 HÃGE NE BAA.
Á diŋ joŋre ɓi ma de fruygi………………135
Fẽẽren la ɓuy, Baa han ne naa……………..26
Ndi men fen maga ndi ɗen ɓi……………162
354
17 YÃÃGE WAARE.
Hẽẽre naa ndu we……………………....…128
Jar ma ni Baa tay we…………………...…219

18 KAŊGE WÃY.
Baa joŋ fẽẽren wo ɓuy diŋ see…………....223
Baa joŋ fẽẽren wo ɓuy ti naw hiira’……....212
De maga Baa joŋ …………………………252

19 NEN REE WO.


Baa joŋ naa ma woge go ciŋ……………...126
Yeso ɗe mo ndo a we mo no …………...….95
Yeso Kris mo hay de ɓo Amen……………12

20 TAWGE TOSGE GO ƁI TIŊ BAA.


Jaŋ kefder Baa ,tos nen naw tum………....148
Naa mo togoɗ we Manwur Baa…………....80
Kidolgi, ndi riŋ nday…………………….....43

355